إنكسار الجزء الاخير .. الكاتبة هدو الحاج | القلم الناجح
روايات ليبيه كاملة

إنكسار الجزء الاخير .. الكاتبة هدو الحاج

إنكسار الجزء الاخير .. الكاتبة هدو الحاج

#إِنـكــسَــار 💔

#الجزء_الثالث

محمد : اني زيه ،، زي مايقول شعبنا الحبيب لقيط هههه
رنا : 😳😳😳
محمد : توا تقدري تبعدي ” وقف وكيف بيمشي ”
رنا ” وقفت ” : خيرك تنسى بسرعة قولتلك مليون مرة مش ناوية نبعد عليك

محمد شافلها بنظرة استغراب وإستفهام ،، لانه متوعد انه كل الناس يتخلو عنه وقت يعرفو انه يتيم تحت #كذبة مانعرفوش أصله

رنا : مايهمنيش مني عيلتك ولا أصلك الي يهمني أنت ،، الي يهمني نبيك تعرف اني موجودة 😊 ” وأبتسمت إبتسامة عفوية وامشيت وخلاته مع أسئلة أدور في عقله ”

…………………..
بقلمي #hadoo_al ✍🏻
…………………..
…………………..
بقلمي #hadoo_al ✍🏻
…………………..

في مكتب مديرة الكلية

صفوان : السلام عليكم ياحضرة مديرة نديتي علينا
صفاء : ماما
مديرة ” تلفتت ” : مليون مرة قولتلك في كلية ماتنادينيش ماما
صفاء ” نزلت راسها ” : أسفة
مديرة : تعرفو حد بإسم محمد ****
صفوان : ايه خيره
مديرة : كان جاب نسبة أعلا منكم حتنحرمو من كل شيء من ايديكم وهنبعتكم لحوش جدكم في شرق وانتم تعرفو العيشة عندهم كيف
صفاء : ليش هذا كله
مديرة : مايشرفيش يكون عندي اولاد عقاب لقيط يهزمهم
صفوان : كيف يعني محمد جاي من دار الأيتام
مديرة : ايه فلهذا مانبيش عقاب لقيط يكون احسن من صغار فتحي ****
صفوان : ومداير علينا محترم وعبقري وهو عقاب لقيط
صفاء : حرام عليكم كلامكم هذا هتتحاسبو بيه ،، ومسماشي لقيط إسمه يتيم واليتيم عند ربي أفضل منا فلهذا حرام عليكم أعتقو الولد
صفوان : أسكتي أنتي
مديرة : وانتي واضح انه متقبله العقاب
صفاء : عقابك ولا عقاب ربي ياماما ” وطلعت وخليتهم ”
مديرة : صفاااااء 😡😡
صفوان : متخافيش ياأمي مستحيل نخليه يهزمني 😏
مديرة : أنت تربيتي ،، مافهمتيش مفعوصة هاذيكاي تربية مني

#تربية_الحياة_ياأختاه

…………………..
بقلمي #hadoo_al ✍🏻
…………………..
…………………..
بقلمي #hadoo_al ✍🏻
…………………..

في يوم الثاني كان محمد مقعمز في مكانه المعتاد

رنا ” بإبتسامة ” : محمد
محمد ” قام عينه وأبتسمت ”
رنا : هاذي صاحبتي نور الي حكتلك عليها
نور ” مديت ايديها ” : نور
محمد ” مد ايديه ” : محمد
رنا : أشي أشي سلمت على نور من أول مرة واني تسليمة قعدت أيام نلحق فيك 😒
نور : غيورة 😂😂
محمد : هههههه

#أنت_أضحك_و_سيصبح_العالم_أجمل_بضحكتك

.
.
.
.

وقعمزو ثلاثة في كافيتيريا وابديت نور تحكي على قصتها

نور : ماتسحابيش انت الوحيد الي عايش من قلة الموت ،، على أقل انت يتيم من اول لكن اني تيتمت مرتين ،، مرة وقت حذفوني عيلتي بيولوجية ومرة وقت فقدت عيلتي الي ربتني الي محسوسنيش يوم انهم مش عيلتي 💔😢 ،، ههه ولا أقربائي الي حتى عزيء ماعزونيش على امي وبوي وكانو يبعتولي في دار الايتام والمنظمات حتى يأخذو مني المأوى الوحيد ليا 💔😢 ،، وعدت نفسي هنكون قوية وهنسمع صوتي وصوت الأيتام للكل
محمد : أني الي شوفته في ميتم ماشافه حد ،، الي شفته والي عيشته خلاني “” وسكت لحظات “”
محمد ” وكمل ” : الي عيشته أسوء من الموت ،، لدرجة الليلة الي منعذبيش فيها مانرقديش ابدي تعذيت وضرب روتيني اليومي ،، الي عشته مايقدريش حد يتخيله ” وكانو عيونه حمر ودموع متجمعات على جفنه 💔
رنا ” حطيت ايديها على كتفه ” : تعالي معاي
محمد ” بإستغراب ” : لي وين
رنا : لمكان هتستريح فيه هلبة
نور : هتستريح فيه أكثر مماتوصف

…………………..
بقلمي #hadoo_al ✍🏻
…………………..
…………………..
بقلمي #hadoo_al ✍🏻
…………………..

قدام عيادة أمراض النفسية 🏥

محمد شاف لي رنا ونور

محمد : تسحابوني مريض نفسي
رنا : ماقاليش حد انك مريض نفسي ، لكن كلنا نحتاجو لحد يسمعلنا ويسمع تفاصيل حياتنا
نور : هنعرفك على دكتور هو خلاني نتحسن بعد موت بابا وماما
محمد ” تلفت كيف بيمشي ”
رنا ” شديت ايديه ” : لو سامحت جربه مرة بس

محمد رجع تلفت لجيهة العيادة خش بدون اي كلمة ،، خش للدكتور قعمز على كرسي في بداية كان محمد مش متقبل فكرة انه مريض نفسي لكن بعد فترة تريح للدكتور وابدي يحكيله في كل شيء

#لا_تقلل_ياأخي_فلست_الوحيد_فجميعنا_مجانين🤪

.
.
.
.
.
.
.
.
.

فاتت الأيام وأبدي محمد يتحسن بمساعدة رنا ونور ،، سبحان الله محمد تربي يتيم مكسور مجروح لكن بالمقابل ربي جمعه مع أصدقاء عوضوه خسارته الي فاتت

#الحياة_عندما_تأخذ_منك_تعطيك_بالمقابل_شيء_أخر_ياأخي

محمد ورنا كانو مقعمزين في القاعة محمد كان مقعمز في نهاية ورنا في بداية وكان أستاذ يشرح ،، محمد لي أول مرة انسي انه في محاظرة وقعد سارح في رنا ويشكر ربي انه جمع بيها

صفوان : ماتفكريش حتى تفكير
محمد ” شافله بإستغراب ”
صفوان : رنا ساعداتك من باب الانسانية فقط لا اكثر ولا اقل ،، لكن ماتفكريش نهائيا انه رنا او عيلتها يقبلو بي واحد لقيط لا عنده أصل لا فصل

وكأنه جمرة نزلت على قلب محمد ،، ولو إحترامه لنفسه ولي أستاذ لناض هجم على صفوان وقتله ،، تمالك نفسه لنهاية المحاظرة ووقت كملت المحاظرة طلع يجري لانه كان حاس انه مخنوق 💔

#تمالك_نفسك_ياأخي_فثوابك_عند_الله_أكبر 💔

…………………..
بقلمي #hadoo_al ✍🏻
إنكسار الجزء الاخير …………….
…………………..
بقلمي #hadoo_al ✍🏻
…………………..

فاتت الشهور والسنين ومحمد سكر على قلبه وكان صحبته هو ورنا ونور تزيد أكثر أكثر كل يوم ،، وجيء يوم تخرج والكل تخرج وفرحانين الا محمد ونور كان فرحتهم ناقصة بغياب العيلة 💔💔

.
.
.
.
.

بعد سنوات

أصبح محمد أعلامي معروف كان يحكي على مواضيع جريئة وبالأخص مواضيع الأيتام وإحكي على كل شيء في خاطره

محمد كمل إحدى حلقاته وكيف طالع من أستوديو تتلاقاه رنا

رنا : أفهمني امتى بتعقل
محمد ” بإبتسامة ” : خيره الحلو زعلان
رنا : ماسمعتيش التهديد الي جاك على بث
محمد : شني مشكلة ياعيوني
رنا : خيرك ماتبيش تفهم كان يصيرلك حاجة أنموت ،، أنت أعز من أوخيي
محمد : ههه حاضر من عيوني أخر مرة نتكلم
رنا : وعد
محمد : وعد ،، شنو صار مع نور
رنا : الله لا يسامحهم أقاربهم ماخلوهاش في حالها وكل مرة يبعتولها حد فلهذا مرات أيامات الي جاية بتسافر لمصر
محمد : هيكي أفضلها
رنا : حتى اني قولتلها هيكي
محمد : باهي هي درقي وجهك لعند راجلك من بكري راجل يستنى
رنا : هههه حاضر ،، هي سلامات رد بالك على روحك وبعتالي انكلمك رد عليا ان شاء الله ماترديش نقتلك
محمد : ههه حاضر ، باري

.
.
.
إنكسار الجزء الاخير
.
.
.

بعد شهر
رنا منهارة تبكي وخلاص

راجلها : خلاص يارنا قتلتي روحك
رنا : واللهي كنت حاسة والله ،، قولتله فوت مشاكل لكن هو مايسمعيش اهوا توا الله اعلم عايش او ميت 😭😭
راجلها : ليش تفاولي على راجل
رنا : شهر كامل مختفي
راجلها : مرات سافر يبي يريح راسه شوية
رنا : محمد مايتحركيش لمكان بدون مايقولي 😭😭😭
راجلها ” سكت ”
رنا : وينك يامحمد وين أراضيك ،، أوخييتك بتموت من غيرك 😭😭😭😭

إنكسار الجزء الاخير
.
.
.
.

وهيكي تمت حكايتنا بنهاية مبهمة
محمد مختفي مايعرفيش حد عليه عايش أو ميت او وين هو 💔💔
نور سافرت لي مصر وابديت إعلامية مشهور والكل يعرفها حاليا ❤
رنا لحد الأن في إكتئابة عايشة 💔

#يالله_بدايتك_ونهايتك_مبهمة_ياأخي😢💔

اليتيم مش ذنبه اني جيء لي دنيا يتيم ،، مش ذنبه فتح عينه ومالقاش حد قدامه يسانده ،، مش ذنبه مالقاش حضن يبكي عليه ،، مش ذنبه مالقاش حنان يدفيه ،، مش ذنبه انه ماعندناش أصل ،، مش ذنبه انه عيلته حذفوه او ماتو 💔💔

ماقلتيش الكل ماينفعوش ،، ماقلتيش انه كل ديار الأيتام ماينفعوش ،، ماقلتيش انه الكل يأكل في حق يتيم ماقلتيش و ماقلتيش ،، اني حاليا حكيت على فئة معينة من الناس ياريت يفهمو ويعتبرو انه ايتام اولادهم والي يأكل حق يتيم كان يأكل نار في بطنه

اليتيم عند ربي أفضل مني ومنك ،، فلهذا أرتقو وخليكم مجتمع يحب لغيره زي ما يحب لي نفسه ،، لانه حتى احني مش دايمين والعجلة ديما دور وماتعرفيش غذوا نصيب مني ومني غذوا بيتيتم 💔💔

اليتيم بشر وصدقني هيكون أفضل مني ومنك لانه يعتمد على نفسه ويتوكل على ربه بس ❤

وان شاء الله قدرت نوصل صوت الايتام وبعض معاناتهم💔💔

《《في الدُّنيا وَالأخرةِ وَيسالونكَ عن اليتامى قل إِصلاح لهمْ خير وَإِنْ تخالطوهمْ فإخوَانكمْ وَاللهُ يعلمُ المفسدَ منَ المصلحِ وَلوْ شاءَ اللهُ لأعنتكمْ إِنَّ اللهَ عزِيزٌ حكيمٌ 》》

#النهاية

#هدو
#hadoo_al

لمشاهدة جميع اعمال الكاتبة:  روايات هدو الحاج

لمتابعه اهم واخر الاخبار: القلم نيوز

اترك رد

زر الذهاب إلى الأعلى