النصيب اقوه من الحب الحلقة الاولى | القلم الناجح
روايات ليبيه كاملة

النصيب اقوه من الحب الحلقة الاولى

النصيب اقوه من الحب الحلقة الاولى

  • النصيب اقوه من الحب
  • الحلقه اولي
  • الكاتبة Meroo Ahmad

    صباح جديد

    ماما: نوضن سادكن نوم
    اني: ماما خليني نرقد جمعه امنوضتينا من 8 حتي العسكريه مش هكي
    ماما.: صبي بلا كثرت كلام
    نور: اني نضت نوضي بنات التانيات
    اني:بليز نعسانه ياماما نبي نرقد ساعه بس مارقدتش طول اليل
    ماما:ليش مارقدتي يافانص
    اماني: اتصلي في قيام اليل ياماما (قعدت اترقص في حوجبها ليا وتضحك) 😂
    ماماشبحت فيا: اتصلي صار وامعاها تفنيصه
    بيسان: اوف منكم حتي الي راقد ماتريح من دوشتكم
    عليك صباح
    ماما شلحت السباط 👞 وطاف في راس بيسان
    ماما: صبي عن اجدري يرفعك
    بيسان 😢😵: ان شاء يرفعني بيش نرقد في القبر انتريح ماحد يزعجني ولا اينوضني
    ماما: عنندك وجه اتقابلي ربي انتي
    اني 😂نضحك: ههههه ايحطوها امع ابولهب
    اماني ونور ههههههههه

    ماما:هيا صبن ضمن البيت
    وحده فيكن وتمشي لي جدتكن غادي بسرعه
    بيسان:اني نمشي لي اجديده احسن
    ماما:انتي قعمزي ريحي روحك تمشي ترقدي غادي
    بيسان: حرام ياماما خيلني انكمل حلمي فارس احلامي جاي علي احصان ابيض 😂😂😂 خليني نمشيلها عشان انريحك مني
    ماما:نوضي قبل ما اليوم انجيب اخرتك
    وحذفت فيها فردت السباط التانيه
    اماني: توا نمشي انا لي اجديده
    مشت اماني لي حوش اجديده
    ماما: صبن كل وحده ادير حاجه
    وطلعت ماما

    رديت رفعت فوني
    بعتت مسج لي حبيبي 😍عموري
    (صباح الخير حبيبي
    جمعه مباركه 😘😘)
    نضت اني والبنات نضفنا البيت
    اني حاطه السماعات في اوذني نسمع ونخلط في الكيكة كرميل وصلتني رساله
    فتحتها كانت من عمر (صباح الورد يا احلا ورده فحياتي💋🌺🌹🌷)
    وصله تم التسليم
    طول اتصل بيا
    عمر: هلا بعمري
    اني: اهلين حياتي
    جمعه مباركه حبيبي
    عمر: علينا وعليك حبي
    اني: امممم شن امنوضك بدري 9:30
    عمر : نوضتني دوشة العويله
    اني: اه ربي يحفظهم
    عمر: انتي شن المنوضك بدري
    اني: ههههه انت عارف امي وطبعها
    تقول في العسكريه امنوضتنا 8
    عمر : ههههههههه توا ياعمري بعد نجوزو اتنوضي امتي ماتبي
    اني :ان شاء الله امتي ايجي اليوم هدا
    عمر: ههههه اخ حتي نا نستنه فيه يوم الي اتكوني فيه في حضني ونلعب بشعرك
    اني: عمر بطل
    عمر: شن قلت تووا نا
    اني: باي بنسكر
    عمر: مافيش حاجه حلوه قبل ما اتسكري
    اني: امممم قاعده اندير في كيكة كرميل
    عمر: انحبها نبي حصتي راه
    اني: هههه خلاص بكرا انجيبلك امعاي
    عمر: تمام
    اني باي وسكرت
    (عمر دكتور م85 امعاي في المستشفى الي نخدم فيها تعرفت عليه من سنتين شخصيته طويل لونه برنزي نقشه ع اسود لحية خفيفه عصبي واعر وحنون امعايا وايحبني انحبه انموت عليه بالنسبه ليا كان الحب الاول والاخير ) حاتعرفو عليه في الحلقات الجايه

    كملت الكيكه حطيتها في الفريز
    طلعت لي الصاله القيت ماما والبنات طالعات لي حوش جدي
    ماما: غيري والحقينا غادي
    اني: به تمام
    ماما: نوضي امجد امعاك
    نور: توا انا انوضه خشت لي المطبخ عبت كاس اميه كبير
    مشت لي دار امجد
    فتحت الباب بالشويه
    بزعت عليه الميه
    وتجري طلعت من الدار طلع وراها امجد يجري
    امجد: تعالي ياكلبه
    نور هربت وراه ماما: مافيش كلب الا انت
    امجد: وربي اليوم انربيك
    اني وبيسان وماما نضحكو ع منضر امجد كيف كان
    اني : فزيييع منضرك
    امجد: اسكتي انتي خير
    اني رفعت فوني قعدت انصور فيه هو: منضرك رووعه توا انوريه لي اماني هههههههه
    امجد: زيدي اضحكي انتي
    بيسان: الضحك بلاش ههههههه علاش مانضحك
    نور: هههههه
    ماما: ساد انتي وياها وانت سلم ولدي بري دوش تعال افطر ساد نوم
    وانتن هي قدامي
    امجد: استني يا امي شن هذ علي راسك
    ماما: شن في
    كلنا شبحنا في ماما
    امجد قرب من جيهة امي: استني اشويه
    وهووووب نقز ع نور شدها من شعرها
    امجد: توا طحتي بين ايديني
    نور: اطلقني ياحيوان
    امجد: توا انوريك من الحيوان
    شداها من شعرها رفعها لي الحمام (حشاكم)
    نور: اطلقني ياكلب
    امجد: زيدي العبي
    ماما: تربح خلي البنت ريحنا من دوشتك
    امجد ماسمع حد فتح الدوش عليها 💦💦 ههههههه
    نور تضرب فيه واتعيط
    نور: يابابا الحقني ولدك قتلني
    ماما: ريحي روحك باتك مش قاعد
    اني: حرام اماني فاتها نص عمرها
    بيسان: هههههههههه هذوم ديما هكي مايكبرو قاعدين بلا عقل
    نور: خلينه لك العقل شن درتي بيه
    امجد: هههه قصفاتك
    اني: طارت الجبه ههههههه معاش حقينها
    بيسان: بطلو سخافه ساد
    ماما: ربي يهديكم هي قدامي
    نور 😭😭😭: توا دوشت اوووووف منك
    بندوش من جديد
    امجد: ماحد قالك العبي بي النار وانتي مش قدها
    بيسان: هيا ماما نمشو
    ماما :هي
    انتن كملن والحقنا وطلعن
    امجد: وحده فيكن اديري فطور
    نور: انديرلك السم
    امجد: السم الي ايسمك
    اني: توا انديره انا فكنا من مشاكلكم
    نور : احسن شي
    طلع امجد لي داره
    مشيت درتله فطور ع السريع وعطيته له
    خشيت دوشت لبست جينز ازرق ابلوزه ع ابيض
    رفعت اشعري فوق درت لمسات ميك اب بسيط وطلعت
    اني: نور هيا وقت توا تبدا امك اتهزب
    نور: هيا خلاص
    طلعت نا ونور لي حوش اجديده

    خشيت لمطبخ القيت ماما وعماتي ايطبن في الغداء
    اني: ربي ايعون ان شاء الله
    بيسان: شن درتن
    اريج: باهي الي شرفتن يا بايرات
    اني: قالتها الفالحه
    بيسان: ريتي بالله
    اني: تبن مساعده
    عمتي عائشة: خلاص كملنا احني
    اني: خلاص نمشي انشوف اجديده

    اني: صباح الخير يااحلا جده في العالم
    اجديده: صباح القايله قولي
    اني: ههههه اما قايله توا 11:30
    اجديده :كلا انتن صبايا اخر زمان
    انتوضن 1 وترقدن الفجر
    اني: حرام اجديده ظلمتيني هههه نايضه من 8
    اجديده: عدي اكدبي ع حد تاني
    بيسان:ههههههههههه والله يااجديده
    تامي توا هذا وين ناضت
    اني: بلاش كذب
    اجديده: اخساره تربايتي فيك تكدبي عليا
    اني: حرم اجديده والله هي الي تكدب
    نور: ليش تحفري انتي
    بيسان: هههههه قلت الحق
    سندس: انا جيت
    اني: نورتي ياقلبي
    اجديده: جت البايره التانيه
    اني: اجديده راك ضالمتنا
    اريج: صدقت فيكن اجديده
    سندس: تعالي ياروحي خليهم ابروحم
    بيسان: انتن ديما امع بعضكن حرام ما اتملن
    اني: الهي في روحك
    ابرار: شن تبي تحسدينا حتي في صدقتنا
    اماني: امشن ضمن المربوعه خير من هدرزتكن بلا فايده
    سندس: هيا يابنات نمشو
    اني: به
    اني: اجديده وين جدو
    اجديده: طلع امع عمك ابصر وين مشو
    اني: اممممم حتي بابا مش قاعد
    سندس: ان شاء الله خير هيا انضمو المربوعه قبل لا ايجو
    اني: تمام
    خشيتنا المربوعه اني وسندس وابرار
    سندس: شن جوك انتي واعمر
    مازل امه ماتبيش يخطب
    اني: لا مزال
    ابرار: هل العزوز كان يطلقوني عليها بس
    اني: ههههه شن بديري يعني
    ابرار: انكسرارها راسها الي امسكره راسها ماتبيش تخطب
    اني: عادي امقدره وضعها راس اوليد وحيد شن بدير يعني اكيد اكبيدتها جايها بين 3 بنات معندهاش ولد تاني غيره
    سندس: ههههههه و كان وحيدها مفروض تفرح لي فرحه مش اتيبس راسها
    ابرار: هو شن قال عليها
    اني: قال ايحاول امعاها لين ترضه
    سندس: ان شاء الله امتي بترضه هي
    اني: لين ربي ايفرج
    ابرار: هي ضمن بتقلبنها نكد
    سندس: هههههه 💔
    اني: خاطري نمشي للسوق

    دق الباب خش محمد خويا وعد مرته
    محمد: السلام عليكم
    اني وابرار: وعليكم السلام
    محمد: سندس ماتبي اتسلمي عليا ولا كيف
    سندس :هههههه 💔متفهمش غلط وعليكم السلام لي احلا اخ بالدنيا ارضيت هكي
    محمد: ههههههه اي
    وعد: اسمعت انكن بتمشن للسوق حتي نا خاطري نمشي
    اني: انتي ما اسمعتي الا هذي وانتي حتي خير ماقلتيها
    وعد: سوري نحساب سلمت سلام
    ابرار: لا عادي النيه واصله
    وعد: به امتي بتمشن للسوق
    سندس: مزال مالقيناش حد يرفعنا
    وعد مسكت يد محمد: بليز حبيبي ترفعنا للسوق
    محمد: مش فاضي عندي شغل
    وعد: عشان خاطري حبيبي
    اني شبحت سندس هي قريب تبكي
    مسكت في ايدها
    محمد: خلاص بكرا العصر نرفعكن
    وعد: تمام حبيبي
    محمد: من بتمشي امعاكن
    اني وابرار قلنا امع بعضنا اني
    محمد شبح في سندس: انتي بتمشي يا دوسه
    سندس 💔💔😢: اي بنمشي
    وعد شبحت في محمد: هيا حبيبي انخشو داخل وقت عليك انت ع الصلاه
    محمد: اي هيا
    وطلعو

    اني: خلاص دوسه ماتعدلي عليها فوتيهم انسي خلاص
    سندس وهي تبكي: كيف تبيني انفوته ولا ننساه
    وهي اتشر علي قلبها :نار هنا كيف تبي ننساه سنتين انشوف فيه متجوز صعب انشوف فيه امع وحده غيري صعب والله صعب انحبه والله نحبه وهو حب الطفوله حبي الاول ولاخير 😭😭😭 والله مش قادره انشوفه امع غيري
    اني: خلاص دوسه استهدي بالله كل شي نصيب
    توا ايجيك غيره واحسن منه
    سندس: مانبيش غيره ولا نبي احسن منه
    ابرار: استهدي بالله خلاص هو متجوز
    سندس: الي يقهر انه حب من طرف واحد
    اني: قتلك سارحيه واحكيله عن حبك له ابروحك خفتي وخرتي
    سندس: هو مايحبنيش حسابني زي اخته
    ابرار: جاتك فرصه لي عندك وضيعتيها
    سندس: شن تبيني نمشيله قبل فاتحته بساعات انقوله انا انحبك وقف كل شي تبيني نصدمه
    اني: كان صدمته احسن من انك تبكي كل يوم عليه
    لك سنتين بي هل الحاله خلاص انسيه وعيشي حياتك
    سندس: اني سكرت علي السريب الحب
    ابرار: خلاص حبيبتي شوفي وجهك كيف احمر
    اني: توا اجي حد
    سندس :خلاص تمام
    طلعن
    هدرزنا اشويه
    وجو الرجاله من الصلاة
    حطينا الغداء تغدينا لمينا الحوسه
    كل حد عدا ايقيل
    قعدنا نحنا الشباب

    نور :تعرفو شن في خاطري
    كلنا: شنو
    نور: خاطري نلعب كوره
    امجد: ريحي روحك خير
    نور: شن خايف تخسر ولا شنو
    اني و نور واريج: ههههههه اكيد مافيهاش شك
    امجد: حق ربي مافيكن درة انوثه
    خالد : ههههههه عمري ماريت بنت تلعب كوره
    نور: مادم اني نلعب يعني في
    اني: نور خليهم شكلهم مايبوش يخسرو
    خالد: شني مني ياشباب نلعبو
    معتصم وامجد وايهم : تم يابرو
    خالد: انتو ياسند ومحمد تلعبو
    سند: تمام
    محمد: تمام
    نور :خلاص اني انقسم الفريق نلعبو
    خالد: تمام
    تنسيم: اني مانبيش نلعب
    نور: بناقص
    تنسيم: نعم شن قلتي
    نور: مالقت شي سلامتك
    تنسيم: نحساب قلتي شي
    وطلعت
    نور: انتم هي اشحوني هنا
    فريقي انا اماني وسند ومحمد واريج وهاجر
    وفريق خالد سندس وتامي وابرار وامجد وبيسان
    وهناء الحكم
    كلنا تم

    طلعنا برا في الجنان
    جابت بيسان الكوره
    درنا المرمه
    وانا حطوني حارس المرمه
    شاطو الكوره
    قعد يلعب بيها امجد
    ملرها لي خالد دخل فيها قول
    اني قعدت انعيط
    نور: غش انتم طول شديتو الكوره
    خالد: مسكينه ماتبيش تخسر
    سند: غير سكر فمك توا انشوفو من ايفوز
    نور ضربت الكوره لي محمد
    قعد يجري بيها محمد اتجي سندس قدامه
    ضرباته خدت الكوره
    خالد: عطيني الكوره من اليسار
    امجد: عطيني الكوره من اليمن
    وقفت سندس: دوختوني ازح انعطي من فيكم ما كملت كلمتها
    خدا الكوره سند
    سند: غيبه
    امجد: شن درتي انتي توا هدا غباء ولا شنو
    خالد: غير هيا اجري وره توا ايدخل قول فينا
    سند قعد يلعب بي الكوره
    جاء قرب من المرمه
    يلعب بلكوره ايمين يسار
    هوووووب ضربها ونا نجري بنشد الكوره
    طحت شديتها بي بطني

    سند يضحك: توا في حد ايطيح بيش ايشد الكوره
    اني: خزي تضحك اشبح منضري كيف بدا
    سند: ماحد قالك طيحي قدام الكوره
    اني: اهم شي مادخلت قول انت
    امجد: نجك ليا ماخليتهم دارو قول
    اني: اكيد احني الفايزين
    سند: احني ميزال في البدايه
    نور: نبو انفوز عليهم يا سند
    بيسان: اني اتعبت نجري وركم بنسحب شن هاجر تطلعي امعايا انديرو قهوه ونسكافي
    سند: اصلا مامنكن فايده
    خالد: صدقت هي اطلعن خلي انكملو
    عدن هاجر و بيسان
    اني ضربت الكوره لي امجد
    قعدنا نلعبو
    وفزنا احني 4 وهم 2
    قعمزنا واحني داهشين
    جابت هنادي النسكافي وقهوه وامعاه كيكه
    اني: حييي
    هم: خيرك
    اني : درت كيكة كرميل قاعده في البيت
    نور : بري جيبها
    اني: به تمام اصلا نبي انغير
    سندس: منضرك فزززيع
    امجد: والله طلعتي تعرفي تعلبي مش زي اختك التانيه فالحه في طولت السان بس
    اني : ههههه اعترفو لوليا انا راه خسرتو
    سندس: ههههههههههههه احلا شي كيف اطيحي قدام الكوره
    خالد: منحساب امضحيه بعمرك هكي امال ماتحسي
    محمد : ههههه بكل
    بعدها تقعد اتعارك
    اني: ساد انت وياه تسهوكو
    مشيت لي حوشنا
    غيرت لبست توته رفعت فوني القيت 6مكالمات من عمر عاودت اتصلت مارد
    رفعت الكيكه وطلعت
    جيت للشباب
    فرقت عليهم الكيكه
    وقعدنا انهدرزو لين المغرب كل مره ينسحب واحد
    تليفوني في جيب التوته رن درته صامت ماحد انتبهلي
    طلعت وراه حوش جدي
    فتحت الخط
    عمر: الو ياعمري وينك اليوم
    اني: قاعده امع البنات وخوتي انت عارف الجمعه كلنا انلمو امع بعضنا
    عمر: باهي شن جو حبيبتي
    اني: تمام بخير وانت
    عمر: دوم ياقلبي اني بخير مادم اسمعت صوتك
    اني: نجك ليا حبي
    وانشوف يد جبدت مني التليفون
    هو: …………،،،،،،،،

    “يتبع ”
    🌹»”قراءة ممتعة” »🌺
    ان شاءالله تنال اعجابكم

 

اترك رد

زر الذهاب إلى الأعلى