النصيب اقوه من الحب الحلقة التاسعة | القلم الناجح
روايات ليبيه كاملة

النصيب اقوه من الحب الحلقة التاسعة

#النصيب_اقوه_من_الحب

#الحلقة_التاسعه

______✍️الكاتبه Meroo Ahmad ✍️______

🌹»”قراءة ممتعة” »🌺

سند: محلاك ورده عليه نقتلك بعدها
انا 💔: المهم فوتنا من سيرته
سند: احسن غمتلي منه مانبيش انخرب جوي خليني لهي فيك
انا:سند ممكن اتفسرلي الي درته امبدري شنو
سند:شن درت
انا:سند بلا جو الي درته في السطبل فهمني شن معنا
سند: اممم تبي انفهمك شنو
كان قريب مني واجد
انا: ياريت اتبعد وتحكي
سند: وعليش انبعد
انا: سند بالله عليك بعد توا ايجي حد يفهمنا غلط
سند زاد قرب كان وجهه امقابل وجهي ونفسنا مختلط
سند: تي كلهم يفهمو الا انتي ماتفهمي
انا خايفه ارتبكت وافهمت قصده: شن بنفهم
سند: تبي تفهمي صح
انا :اي نب ماكملت كلمتي سكتني سند بي بوسه 💋💋💋
سند: ان شاء الله افهمتي توا
انا انصدمت من جرئت سند 😳😳:شن درت انت من سمحلك اتبوسني خيرك اهبلت
سند خبط علي راسه ويضحك: وووواك ياربي شن هل اغباء الي عندك انحبك يا بنت انحبك ❤️افهمي انحبببببك سمعتي بالك ما اسمعتي ان ح بك
انا 😳😳:كيف
سند;شن يعني كيف يعني انحبك ❤️
انا: بس انت
سند: عارف انك مريتي في تجربه فاشله بس انا نبي انسيك كل شي مريتي بيه وانداوي حرجك انا نبيك ليا افهمتي اصلا انتي ليا سوا حبيتيني او لا
انا: بس نبي وقت انا فاهمه عليك من امس بعد كنت تحكي امعا بس مانبي نضلمك امعايا انت تستاهل كل الخير تستاهل بنت اتكون قلبها ليك انت بس
سند: بس قلبي اختارك انتي
انا 🥺🥺: بس نبي وقت افهمني عشان انحبك
سند 😍😍: محلاهاكلمة انحبك من فمك نبي نسمعها ديما شوفي قلبي بعد يبدا قريب منك
رفع سند ايدي حطها علي قلبه كان قلبه ايدق ابسرعه

احساس حلوو بعد في شخص قلبه ايدق ليك انتي بس بجد يابنات احساس حلو اتحس برهبه وخوف وفرح في نفس الدقيقه

سند بحب وصوت هادي: شفتي قربك وشوفتك شن ايديرو فيا نعشقك يافرخه وربي هبلتيني
انا سكتت وكانت ايدي مزال علي صدره
سند: مش حانعطيك وقت لانه ضيعت وقت واجد وانا انراجي فيك
انا: بس
سند: اهم شي انتي تبيني او لا
انا رفعت راسي وتالقو اعيوني في اعيونه سكتنا نحنا الزوز بعدها نزلت اعيوني
انا: مانعرفش يا سند ما تضغط عليا
سند: اعيوني افهميني نبي نعرف انتي تبيني انكون حبيبك وراجلك وبات اعيالك
انا بعد قال راجلك وبات اعيالك هك قلبي ❤️ تعرفو بعد قلبك بيدا يخبط بقوه شعور حلو (حتي بعد كنت انكلم في عمر بعد ايقولي انحبك ماكنت انحس بشعور هذا شعور غريب مستحيل نقدر نوصفه ليكم بكلمه او اتنين
سند: هيا جوبيني خيرك ساكته
انا قعدت ساكته وانشوفله
سند: بتقعدي ساكته هكي
انا هزيت راسي
سند: به جاوبني هزي راسك لو اموافقه وتبيني
انا ابتسمت وهزيت راسي
سند ضحك وافرح: واخيرا شمرني قعد ايلود بيا
انا نضحك: خلاص نزلني يامجنون
سند يضحك والفرحه باينه من اعيونه: وربي مجنون بيك انحبك وحضني ويتكلم ليا زمان انرجي في الحضه هذي ما تعرفي قداش فرحان
انا ابتسمت: ان شاء الله ديما فرحان
سند: انتي فرحتي ❤️ وباسني علي جبيني
انا: سند كانه خديت راحتك واجد
سند ضحك وحط ايده في شعره: حسيت حتي انا المشكله بعد انشوفك انضيع معاش في عقل اشويا وانتهور
انا: به بنمشي انا طولت
سند: خليك ما اشبعت منك مزال
انا:😂😂 لالا احسن نمشي قبل تاكلني
سند: اخخخخ لو انحصل ناكلك وانتشك تنتيش
انا وجهي وله احمر: باي ومشيت نجري

سند كان فرحان واجد انه دار خطوه حلوه فيه حياته واعترف لي فاطمه قبل لا يخسرها لانه حس بتريح منه لمه عرف بقصة عمر وحمد ربي انه كان عمر مش جدي امعاها كان هدا ضاعت منه فاطمه هو عارفها صح اتحبه بس ايحاول ايخليها تنسه عمر سامحها صح واعره بعد اتشوف شخص اتحبه ايحب شخص غيرك بس سند مايبي يستسلم ايحاول لي اخر لحضه عشان ايخلي فاطمه اتحبه لو كلف عمره كله بس هذا الي يسما الحب
بعد تغلط ايسامحك بس ايعاقبك بعقاب من عنده مش يرخي بيك الطريق ويمشي و بعد اطيحي تلقي امعاك في وقت حزنك وقت فرحك ايكون امعاك لحضه بالحضه بعد ايحاب الناس كلها عشانك هذا يسما حب
وسند كان ايحب فاطمه بحب صادق بمعني الكلمه

بس كان في شخص ايشوف فيهم وسمع كل كلامهم بس من هو مانعرفش 🤔🤔🤔🤔 لانه كان ظلام 😂😂😂

اوصلت لي البنات القيتهن ايهدرزو

سندس اتوشولي: وين كنتي
انا ابتسمت: بعدين نحكيلك
نور: شن اتوشون انتن
سندس: مش شورك كل شي غاطسه فيه
وصلتني رساله علي تليفوني كانت من سند امسجل روحه (نصيبي الحلو ❤️👩‍❤️‍👨)
شفت الرساله ابتسمت

كان كاتب
(وحبيتك حب❤️ ما حد يعرفه الا ل خلقك ❤️)

قريتها وطفيت التليفون

ابرار: اشي اشي من الي باعت الرساله الضحكه من وذن لوذن
اماني: من وين يا حسره ماك عارفه 😂😂😂😂
نور: اصلا اليوم فيك شي وين تغطسي
انا: اوووف منكم والله مافي شي
وعد: اي صح وين تغطسي كل اشويا
انا 😒: نتمشى اندير في رياضه حرام تبي اتنحي الشحم الي عليك توا نعطيك طريقه
البنات قعدو يضحو
وعد:بارده واصلا جسمي وعاجبني والكل متمنيه
انا:😏😏 وشن بندير بالشحم الي هكي مش عارفه خويا كيف متحملك
وعد: فاطمه التزمي احدودك امعايا خير
انا: وشن بديري
صبت وعد: اصلا التقعميزه امعاكن اتقلل القيمه لانكم بقر
سندي: علاش عندك قيمه انتي
انا ضحكت: للاسف لا
مشت وعد وهي تغلي وحاقده علينا

نور: تضحك ووووه عليا قصف عيار تقيل ياتامي
انا: تي زعمتلي كبدي وجهه المشؤوم
اماني: والله عندك الحق وجها ايجيب البلاوي
ابرار: احسن خلي نقعدو ابروحنا
سندس: به احكيلي
انا: خليه بعدين نحكو بعد يرقدو الكل
اريج: علي شن تحكو
نور:هابا عليهن
ابرار: هابات وهابا عليهن 😂😂😂😂
انا: اسكتو ماما جايه
وصلت ماما فينا
ماما: بنات تعالو جدكم يبيكم كلكم
صبينا امع ماما مشينا كلنا
كانو العيله كلها ملتمه ناقص شخص واحد بس
نفسه الي في بالكم 😂😂😂 اكيد سند
بحتت ما القيته امعاهم

بعتله رساله (وينك سند)
رد عليا سند (قاعد وين ما خلتيني )
بعتله( تعال جدو داير اجتماع زي العاده العيله كلها شكله في شي بيقوله)
رد سند(هاني جاي ياروحي 💋)
بعتله (تمام ☺️)
بعتلي ( لكن اتصدقي نحساب استاحشتيني بعتيلي وينك)
رديت عليه ( هههههه غير تعال يامجنون)
بعتلي:( مجنون بي اعيونك)
قريت الرساله وابتسمت وصكرت التليفون

كانو جدي واجديده وبابا وعمامي وماما وعمتي يضحكو الا مرت بات سند بسمه قالبه وجها وجنبها وعد وتنسيم وهاله سكتات

خالد: جدي كانه اجتماعات كاثره
جدي: اسكت ياكلب
خالد: ارخي اعصابك ياحاج
جدي: ياولد تريح
خالد: حتي توا متريح 😂😂😂
جدي: نوض ياكلب من وجهي اترد عليا
خالد: ماهو انت الي ناديتني
عمي عبدالله: خالد اسكت ماترد علي جدك
خالد: بالله ياباتي انا والحاج انبصرو انتم خيركم
عمتي ابتسام: خبرهم ياباتي
جدي: وين سند
سند: اهو جيت شافلي غمزلي ابتسمت
امجد: هدا حفيدك جاء هيا خبرنا

جدي: جمعتكم هنا بنقول خبر ايفرحكم
خالد: الي هوا
جدي: عمتكم ابستام بتخطب لي ناصر
ناصر ابتسم عرف انه حكت امه
جوله الشباب ايباركوله
خالد: الف مبروك ياطيري
سند: الف مبروك ناصر
ناصر: الله ايبارك فيكم وعقبالكم شباب
محمد: مبارك زواجة الدهر
امجد: الف مبروك ضلعي

اجديده: به اعرفو من اتكون العروس
خالد: من تعيسة الحظ
جدي: اماني بنت علي
كلنا بحتنا في اماني
امجد: توا مالقيت تزوج غير ثوامي
ناصر ضحك
محمد: ربي ايهنيك بو نسيب
قعدو ايباركو لي اماني وناصر
اجديده:ان شاء الله ديما افراح وانشوفكم كلكم عرسان
جدي: ها ياسند نحكي موضوعك بالمره
سند تحشم (تي قبل اشويا امع تامي مايعرف الحشم 😂😂😂) : الي اتشوفه ياجدي
جدي ضحك: حتي سند طلب يد فاطمه بنت علي علي سنة الله ورسوله
امجد: واجد خواتي الزوز تاخدوهن
انا قعدت انبحت في سند وحتي هو نفس الشي زلت راسي عشان ماحد ايلاحظ
بابا: وانا اعطيته مانلقش خير منه لي بنتي
جدي: والله هو مايلقه خير من بنت عمه اتصونه
اجديده: ماشاءالله ماشاءالله ربي يحفظكم من العين
كلهم ايباركولي انا وسند
سند كان فرحان
خالد: والله عرفت ياجدي رافعنا لي الزرده مش بلاش ورا موضوع 😂😂😂 شوفو الحاج ومايطلع منه
امجد: حتي انا حسيت بس والله مانك عادي يا حاج اتخطط في تخطيط 😉😉 حتي نحنا خططلنا
خالد: بالله اسكت نحنا ناسينا تقول مش احفاده
قعدو الشباب يتسهوكو ويضحكو والعيله فرحانه وتهدرز
في شخص مختفي
تعالو انشوفو وين

وعد: كيف مزال فهميني
المراه: اني فهمت خالتك كيف يبي وقت
وعد: انزيدك اضعاف غير سرعيه توا
المراه: ايكلف واجد ره خطير لو فشل ره ايضرني انا وانتي
وعد: كيف ايضرني
المراه: الي اعطيته ليك الاول خفيف ايكلف شهر او اقل عشان ياخد مفعول وتموت بس هذا قوي في اقل من يموت يقضي عليها لو تعالج يمكن انا وانتي ننضرو اكثر لانه بيرد علينا السحر
وعد: كيف نضامه هدا
المراه: ………………
وعد: حلو نبيه كم ايكلف
المراه: 4000
وعد: واجد الاول كان 1500
المراه: هدا هو سحر المغربي لو بيه معروف قوي
وعد: تمام حانبعتلك الفلوس
المراه: تمام توا نبدالها فيه بسرعه
وعد: تمام
وسكرت
وعد نهايتك ياسندس علي يدي
وجت جيهتنا

قعمزت وعد جنب بسمه
بسمه: وين كنتي
وعد: بعدين حكيلك
بسمه:به

كل مره ينسحب حد
قعدنا نحنا الشباب بس خلي نحكيهم من كان في الجلسه
طبعا اول وحده انا وسندس وابرار واريج ونور واماني وبيسان وتنسم وهاله وعد وهاجر وهنا ومن الشباب سند وخالد ومحمد وناصر ومعتصم وايهم وامجد

امجد: ناصر نزل اعيونك زارق عليك
ناصر:بري ياكلب خطيبتي مادخلك
امجد: وانا اختي يافالح
سند: بلا معيلا ياامجد خير
امجد:انت التاني اسكت قاعدلكم في النص
خالد يضحك: احسن يا امجد يبني وبيك ماتخليهم ايقرنو بيك ايكحلو بخواتك جنبك
ناصر: علاش تحفر ياكلب
سند يضحك: تي نوضو قدامي عارفكم بتغلطو في الكلام
ضحكو الشباب امشو لي الجيه التانيه

هاله: احكيلنا يا اماني علاقه انتي وناصر
اماني: لالا
هاله:شفته كيف ايبحت فيك شكله ايحبك نيالك
ربي يحفظكم وايهنيكم
نحنا : امين
وعد قالبه وجها تاكدت محمد مش امعانا صبنت: بنمشي نرقد ومشت بعدها لحقوها هناء وهاجر

نور: الله بنحصلو عرس واخيرا
بيسان: 😂😂 اي والله خاطري فيه
ابرار: والله لبقين امع بعض تامي وسند اتهبلو
سندس: نيالك بتاخدي خويا
انا ابسمت ☺️☺️
اماني: يعني انا وناصر مش عاجبينكم
نور: اطلع يا امخبي شن في بينكم انتي وناصر
اماني: والله مافيش شي غير انتم تحكو علي تامي
نور:😏😏 نحساب
هاله: تعالي ياتنسيم نبيك
تنسيم: تعالي حبيبتي وامشو امع بعضهم
ابرار: نفاق ياناس نفاق 😂😂😂😂
سندس: اتفكينا منهم
انا: اي توا انهدرزو علي رحتنا
بيسان: تعرفي يا تامي ماحكيتك علي هاله بعد طلعنا اسطبل شن دارت
انا: شنو
سندس:خيرها
بيسان: بعد طلنا من السطبل قتلي خلاص رجلي ماتوجعش فيا قعدت تمشي طبيعي يعني كانت اتمثل داخل علي سند
انا: اشح الحقيره وربي تستاهل الي درته فيها
سندس: شن درتي
حكيتهم كيف رخيت السرج كل شي البنات يضحكو 😂😂
نور تضحك : وربي تستاهل ياريتني كنت حاضره الموقف
اريج: ردي بالك منها وربي اتخوف شكلها راسمه علي سند بدير زي وعد كيف مادارت لي سندس وخدت محمد
اماني: اي صح رد بالك منها
سندس: عينك والله مش حاتاخد خويا
انا: ماتقدرش نعرف من في قلب سند
نور: اووووبا انت ياخطير في تطورات صح
انا ضحكت وحكيتهلن كيف سند اعترفلي بس مش كل شي
سندس: يانعليا من خويا الرومنسي
نور: ياحليلي اتهبلو
بيسان: والله سند مافيش زيه ردي بالك منه تامي حبيه زي ما ايحبك واكثر حطيه بين اعيونك
انا: تعرفو يابنات صح مريت بتجربه فاشله بس سبحان الله الي ربي بعتلي سند ايوريلي حقيقه عمر وكيف حبه اختفاء فجاء لانه كان خاين وحقير انه ما اثر فيا افراقه او خيانة يمكن سند كان جنبي وقواني ماخلاني انخش في صدمه كان جنبي قالي مايستاهل دمعه من عيني يمكن لانه شفته بعيني يحكي بالخيانة وكيف حكا عليا اني ماننفعش تعرفو انسيت حاجه اسمها عمر ولا كاني في يوم حبيته وانا باذن الله حا انعوض سند في كل شي حا نبدا امع من جديد مش حا نرخي بيدا حا انحبه زي ما ايحبني واكثر لانه بجد سند يستاهل الحب واكثر
تعرفو شعور غريب وحلو بعد انكون امع سند والله سند شخصيته غير حنون وعصبي و رومنسي هلبا 😍😍
تعرفو فعلا النصيب اقوه من الحب شوفو النصيب كيف يلعب دور كيبر 😍😍😍
سندس: اي صح كل شي نصيب رد بالك من خويا ايوا انا توا حماتك
انا: اطمني في اعيوني

بعد كانت تامي تحكي علي سند كان في شخص يسمع فيهم من هو 🤔🤔

ابرار: ربي ايهنيكم سعدودك بي سند حصلتي الدلال والدلع 😉😉😉
انا: امين عقبالكن يارب
نور: انا مزال لين انربي خالد بعدها ساهل
سندس: 😂😂😂 امبدري اشويا وكبيت الشكاره
نور: شن درتي
انا: قبل لا انديرو المقلب المهم سندس قالت لي خالد اسكت انت يا امتاع م وسكتت
نور: حي علينا مرات شك
انا: لالا مستحيل
سندس: اي
ابرار: والله شفقت علي خويا كلكم ضده
نور تضحك: لا ياحبيبتي خوك يستاهل تي ريتي شن دارلي في المسبح
اريج: اصلا انتي دواك عند خالد
اماني: عندي احساس بيكشفك خالد بتحبو بعض
نور: مستحيل
بيسان:بكرا ايدوب التلج وايبان المرج وانشوفو 😉
نور:بعدين تعالي يا احساس شن في بينك وبين ناصر
اماني ☺️ : والله مافي شي بينا بس فيك اتقولي انا معجبه بيه بس مش هداك الحب ما نتكلموش
ابرار: انا بنمشي ناخد ليم تي انا قعدت سنقل ابرحي والباقي ايحبو
اريج: جيبيلي امعاك
نور: ئ خزي من الي ايحبو
ابرار:ؤ تامي بتحب سند وبيسان اتحب وحتي اماني وسندس 💔 وانتي قعدت انا واريج تعالي يا اختي ياتعالي 😂😂😂 ضمو بعض
نحنا ضحكنا عليهم وقعدنا انهدرزو

تنسيم: ………..
هاله.:……….

في الصبح

رن هاتف سند
سند:……
…..:…….
سند: تمام ……….

وعد:……..
بسمه:……

سندس 🤢:…….

#يتبع

 

اترك رد

زر الذهاب إلى الأعلى