النصيب اقوه من الحب الحلقة الثالثة | القلم الناجح
روايات ليبيه كاملة

النصيب اقوه من الحب الحلقة الثالثة

جميع حقوق الطبع والنشر محفوظة

النصيب اقوه من الحب الحلقة الثالثة

#النصيب_اقوه_من_الحب

للكاتبه Meroo Ahmad

#الحلقة_الثالثه

🌹»”قراءة ممتعة” »🌺

اريج: خاطري نفهم علاش ديما امع بعضهن
نور: ماك عارفه من اصغار امع بعضهن لدرجه قرن في نفس المدرسه ونفس الفصل وخشن نفس الكليه ونفس التخصص
بيسان:اي صح صحبتهن قويه مستحيل تنهز
اماني: ربي ايدومهن لي بعضهن
اجديده:يابايرات انوضن ديرن العشاء عابيتات ديما ع امهاتكن
ماما:توا نايضه انا بنديره ياعمتي
اجديده:ورحمة بوي ماك نايضه اينوضن بنات العازه كثر بلا فايده
نور:يا اجديده ماما بدير العشاء علاش تحلفي انتي
اجديده:وانتي شن بديري يا بايره
نور: 😏😏بناكل يعني شنو بندير
اجديده: نوضي ع اجدري رافعك
نور:توا كنا يامحلانا علاش تدعي يا اجديده بعد انموت ماتبكيش عليا
اجديده:صبي اقلبي وجهك عني
بيسان:توا انطيبو نا والبنات امغير اهدو خيرك مشاكل اليوم
نور: انا واجديده انبصرو مادرناش مشكله
اماني:انا ونور انضمو الحوسه وانتي واريج طيبو
اريج: اوك هيا بيسو خشن ايديرن العشاء
ونور واماني ايضمن في الحوش

عند ماما واجديده
اجديده:وين عيت غاليه من الغذاء معاش بانت
ماما: والله اتحس اشويا قتلي بعد الغداء قاست الضغط لقته مرتفع
اجديده نخلعت: بسم الله خيرها
ماما:مش عارفه الايام هدي تمرض واجد
اجديده: ربي يشفيها والله تعبت واجد فحياتها
ماما: الله غالب كله قضاء وقدر ربي يحفظلها بناتها واتشوفن عرايس
اجديده: امين يارب

عند محمد وعد

خشت وعد لي الدار وراها محمد
محمد: انا قتلك معاش تدخلي في حاجه اتخص سندس
وعد: وعلاش سندس بس
محمد:وعد ماتكتري الدوه
وعد: اي غير فالح فيا انا اتعلي صوتك واما قدامها ما تكلم
محمد: اقلبي وجهك من عليا
وعد: انا اتهزبني بنت عمك ماتكلمش كنك مش راجلي انت ما ادافع عليا
محمد: انتي الي دخلتي راسك في حاجه مش ليك
وعد: ما اطلع في رجولتك غير عليا وتعليت الصوت عليا بس ماكملت كلمتها الا وكف ع وجها
محمد: انتي تبيلك تربايه من جديد
وعد: انت تضربني
محمد: نضربك وانكسر راسك كله وصوتك معاش اتعليه عليا وفمك سكريه بعد انقولك ايسكتي
وعد تبكي: كله من بنت سحر السحاره وقعدت اتعيب في سندس
محمد ماتحمل الكلام في سندس وطاح فيها ضرب اعطاها طريحه نباش القبور 😂😂😂😂😂 (وربي تستاهل برد ع قلبي)
وعد وهي تبكي: توا توا ترفعني لي حوش هلي معاش قاعدتلك في البيت
محمد يتكلم هو داهش : هي قدامي اصلا معاش تلزمني وحده زيك قليلة ادب ومش متربيه يلعن الساعه الي ازوجتك فيها
ناضت وعد لمت دبشها وطلعت لي محمد رفعها لحوش اماليها

عندي انا وسندس

خشيت الحوش عمي عبدالرحمن انا وابرار
انا:دوسه حبيبتي تعالي انفهمك بس
ابرار: تعالي نمشو لي الدار
انا:هيا
فتحت الباب القيت سندس تبكي
مشيت حضنتها
انا: علاش تبكي حبيبتي
سندس وهي تشهق: وربي اتعبت ياريت متت امع ماما وتريحت
انا: بعيد السو عنك ليش اتقولي هكي
جت اريج وحضنا بعضنا
ابرار: بعيد السو عنك ليش اتفاولي خيرك تبكي
انا: اهدي حبيبتي مافيش شي مستاهل انك تبكي عليه
سندس: اتعبت من كل شي من قلبي من حبي له من كل شي والله وعرا اتشوفي حبيبك امع غيرك قدام كل يوم 🥺😢💔
انا: كل شي نصيب ياروحي والله كل شخص ياخد نصيبه من الحياه وانتي كان نصيبك اقوه من حبك له
توا ربي يبعتلك الي في الخير
ابرار: خلاص انتي حاولي تنسي لانك والله حا تتعبي اكتر انسي وعيشي حياتك مزال صغيره ادمري روحك عخاطر حب من طرف واحد البسي وعيشي حياتك
انا: وربي خويا ما يستاهلك
سندس مسحت ادموعها: اصلا مايستاهل دمعه مني من اليوم معاش بنبكي عليه خليه هو وعد الكلبه
انا:😂😂😂 وحقيرا
وابرار: 😂😂 وتافهه
سندس:نجكن ليا اجعني مانفقدكن
انا: حي ماخبرتك شن صار امعايا
سندس: خيرك
ابرار: اي صح حتي انا نبي نعرف بتفاصيل
انا: ……. . حكيتلهم كل شي
سندس: وربي كنتي حاتريحي فيها
ابرار: اي
انا:الحمدلله مرت ع خير مش متوقعه سماح تنقدني في موقف كيف هدا
سندس:انحس فيها اكويسه مش زي امها واختها
ابرار:اي صح نفسها الي مره جت لي المستشفى
انا: اي بس ما ايغرك منضرها والله نفسها ونفس امها
سندس: ربي يكفيك شرها هو باني فوق هله صح
انا: اي
ابرار: ربي ايصبرك عليهن 😂😂
سندس:محقرها اخته الي متزوجه لمه اتصلت بيك
انا سكتت
ابرار: واتقول بعدي ع خويا ماما بتخطبله اخت راجلي الي هي بنت خالي
سندس:خزي احقر انسان بعد وعد
انا: 😂😂😂😂 به عرفنا وعد حقيره
ابرار: 😂😂😂ماهو ضروري تدكرها في مواضيع زي هدي
سندس: 😞☹️ماهو خدت حاجه غاليه عليا 💔
انا: توا شن اتفقنا يا دوسه
سندس💔☹️
ابرار:بالله ماتقلبنها نكد
انا:😂😂 ماهو الليبيات طول عمرهن نكد 😂😂😂
سندس واريج 😂😂😂😂
ونحنا نضحكو اتخش علينا عمتي بسمه
عمتي بسمه: حسبي الله فيك تضحكي يا بنت الساحره خربتي بيت البنت يا حقوده
سندس: خربت بيت من بعدين التزمي احدودك مافيش ساحره غيرك
انا:اهدي سندس وانتي ياعمتي شن في
ع بسمه:الكلبه هدي امحرشه محمد ع وعد ضاربها وحطها عند هلها حسبي الله فيك يا ساحره بتخربي بيت البنت كله من غيرتك عليها
سندس: اول حاجه انا كلمت حد وتاني حاجه بينها وبين راجلها وثالث حاجه حسبي الله ونعم الوكيل فيك انشوف فيك يوم ياضالمه
عمتي بسمه كانت بتضرب سندس
سندس وقفتها : اضربي وجربي انتي تعرفي سند شن ايدير فيك
وعمتي بسمه وهي خايفه : توا اتشوفي مستقويه بسند صح
سندس: اعلا مافي خيلك اركبيها
طلعت عمتي بسمه
سندس: ناقصه هم انا
انا: انتي هدي وتعالي امعايا فحوشنا فكنا منها هدي مش ناويه ع خير
ابرار: اي صح هيا نمشو حتي انا انبات امعاكن
انا: هيا
سندس: تمام خلي انكلم سند
انا: به هيا كلميه وارفعي دبشك
اتصلت سندس بسند قالها امشي بعد حكتله شن دارت مرت باته خاف ادير شي لي سندس هو مش قاعد
انا: ارفعي امعاك دبش بالمره نمشو امع بعضنا لي الشغل
سندس: اي فكرتيني
ابرار: حتي انا نمشي لي الخوش انجيب دبشي واتجي
انا: اوك
كملت سندس مشينا لي حوشنا
انا:تعرفي يا دوسه عمر قال خاطره في كيكه كرميل بيها بكرا
سندس: به انتي درتيها
انا:لالا بعدين انديرها انحطاها في التلاجه
سندس: اي اكويس
جت ابرار: تعرفو يا بنات جعانه
انا: ياريتنا قعدنا غادي ره تعشينا
ابرار: اكيد تعشو منا
سندس: عادي توا انديرو حاجه خفيفه
انا: اي توا انديرو
ابرار: تعرفو ماخطريش انطيب انتو ديرو توا انا انرتب الجو هنا نحط فيلم انغيرو جو اشويا
سندس: حطي ع فيلم اكشن نبو حاجه اتسلينا نطلعو من النكد الي فينا
انا :😂😂😂😂 امغير هيا حسستوني كانه محبوسات هيا انتي قدامي اريج جيبي لابتوب في دار امجد امس رفعه مني
ابرار: به

طلعت انا وسندس لي المطبخ

اريج طلعت لدار امجد طبعا ماكنش فيها حد رفعت لابتوب ورجعت لي الدار رتبت الجو دارت مخذات وطفت الضي قعمزت تختار في فيلم

اما في المطبخ
سندس: شن انديرو توا
انا: مانعرفش الي ايجي في بالك ديريه
سندس: تي ياهمي فكري امعايا
انا: تعالي انديرو بيتزا ع سريع
سندس: به انا نعجن عجينة 10دقائق ع السريع وانتي ديري الصلصه
انا:تمام ياشيف سندس
سندس وهي تضحك:ئطلعيلي الدقيق والحاجات
انا ماشيه لتلاجه فتحتها انطلع في الخضرا :عاساس غريبه ع البيت انقول تعرفيه اكثر مني
سندس:حقيره ماهو ليا فتره ماجيت هنا
انا: حتي هي سنه بحالها اتجي امغير خت فت بس
سندس: ماعارفه السبب انتي تستعبطي امال
انا: المهم الدقيق افتحي الباب الي ع يدك اليمين والخميره في الثلاجه وشن تاني
سندس:خلاص توا انطلعهن ابروحي
انا: نحسابك بتقولي حاجه تانيه ره قتلتك
سندس:ماتقدريش اصلا
انا:وعلاش مانقدر
سندس:ورايا سند ياحبيبتي
انا:و كان سند 😏😏😏
سندس:شنو مش عاجبك امال
انا: تي فكيني من سيرته اليوم اشويا ورحت من وراه
سندس:حتي انتي الفانص شن رفعك وراه الجنان ولا اتكلم بعدها تبي ايصفقك ولا كيف
انا:فكينا من الفلسفه كملي عجنك خلي
اندير الصلصه نبو انكملو بسرعه اندير الكيكه وانحطها فالتلاجه
سندس:عليك قصه
انا: تي خيرك انا بنديرها ولا انتي 😂😂😂😂
سندس: اسكتي ساكته وربي بتقتليني وراك

كملنا البيتزا حطينها في الكوشه (الفرن)
وانا قعدت اندير في الكيكه وسندس اتهدرز عليا
سندس: اووووف جعانه امتي اطيب
محمد خش: انتي طول عمرك جعانه
تاكلي ما ايبان فيك
سندس: ناكل من رزقك ولا كيف
محمد: ياسلام اكيد رزقي 😂😂😂 ماك قاعده فحوشنا وجعانه اخرا
سندس باستفزاز:هاهاهاها 💔 هدا حوش عمي علي ما اعتقد حوشك فوق 💔 يعني في فرق بين حوشك وحوش عمي افهمت
محمد برافعت حاجب : ماهو كله سوى
انا: خلاص انت وياها
محمد: مش عارف شن غيرها عليا تي قبل ماتقدر دقيقه بلايا توا تغيرت حتي السلام بلا نيه اتسلم
سندس: الحق ماتغيرت زي قبل بس الزمان والوقت تغير
محمد 😑 هو ايفكر وربي الا نعرف شن امغيرها عليا : شن اديرو انتم
انا:جيعانين امعايا البنات ماتعشيناش في حوش اجديده قاعدين انديرو في بيتزا
محمد: احسبوني امعاكم مش متعشي
سندس: وين مرتك💔 علاش مش هي اطيبلك مش هي ملزومه بيك 🥺💔
محمد : مشت حوش هلها
سندس في سرها مشيه بلا رجعه:اها
محمد:شن اديري ياتامي
انا: كيك كرميل
محمد: امبدري درتيه صح
انا:اي بس سندس خاطرها فيه قلت انديره ليها
سندس فنصت اعيونها 😯😯😯
محمد: المهم احسبيني في البيتزا تلقيني في المربوعه
انا: تمام
مشا محمد
واتجي سندس تقرصني: ياكلبه امتي انتي درتيلي حاجه خاطري فيها 😂😂😂 حي ع الكذب حي
انا:ااحححح ايدك يافرخه بعدين تعالي جاي يا ناكرة الجميل توا انا مادرتش حاجه فخاطرك تف عليك
سندس:اي مادرتيليش
سندس: قتلك
انا:نعم ياهمي
سندس:زعما عركتهم كبيرا
انا:مانعرفش علمي علمك خيرا
سندس: مش عارفه هك حسيت كانه في امل انه انرجعه ليا
انا:سندس حبييتي رد بالك اتخشي بين اتنين كل شي نصيب انتي ماتخديش الا نصيبك انتي خلي تقتك بي ربي كبيره
سندس: افهمتيني غلط يا مصيبه مش هكي تفكيري
انا: يالله خليها ع ربي توا الي فيها الخير ايجيبها لك
سندس : بس انحبه نبي انحاول 💔 ننساه بس انموت الف موته عشان مادفعت ع حبي له واعترفت لعند فات الوقت
انا: رد بالك اتخليه ايلاحظ شي
سندس: ان شاء الله
خشت ابرار وهي اتعارك
ابرار : هو عشاء خفيف تي وينكن وربي قريب رقدت
انا😂😂😂: اهو قريب اطيب
ابرار: شن درتو
سندس: بيتزا
ابرار:وشن تاني
سندس: شمري ايدياتك ياسمحه وتعالي ديري
انا: تي احمدي ربك
ابرار 😂😂: توا نقلي بطاطا
سندس: اي ديري اي حاجه المهم تخدمي 😂😂😂😂 ااي انتي زيك زي الدكر ماتخدميش
ابرار: 😂😂 وربي كلمه تانيه مانديرهاش
انا: 😂😂😂 ها سكتنا امغير ديريها بس 😂😂😂 الجوع كافر
سندس: علي هل حاجه الكبيره
ابرار 😏😏: بتقعدو تتسهوكو بنطلع
سندس 😂😂: تعالي ياهمي جاي
كملت الكيكه حطيتها في الثلاجه طابت البيتزا ابرار دارت البطاطا 😂😂😂 وهي سندس كلمه بكلمه
شكلنا صفرتين وحده لينا والتانيه لي محمد
سندس : خزي حقير اخساره فيه
ابرار 😂😂: اسكتي ره يسمعك
سندس: خله يسمع 😂😂حقير وكلب 😂😂😢
انا 😂😂😂: اسكتي عطك قصه في السانك
انتن ارفعن صفرتنا توا انا نرفع امتاع محمد
ابرار : تمام غير راك تنسي العصير
سندس: توا نرفعه انا

#يتبع
رايكم في الحلقه

اترك رد

زر الذهاب إلى الأعلى