النصيب اقوه من الحب الحلقة الثامنه | القلم الناجح
روايات ليبيه كاملة

النصيب اقوه من الحب الحلقة الثامنه

جميع حقوق الطبع والنشر محفوظة

#النصيب_اقوه_من_الحب

#الحلقه_الثامنه

______✍️الكاتبه Meroo Ahmad ✍️_________

🌹»”قراءة ممتعة” »🌺

تغدينا كلنا ولمينا الحوسه

في العصر

كانو العيله امقعمزه جنب اجديده وجدو امدايرين شاهي وكعك وجميع انواع الكيكات وجو شيابين زمان ايهدرزو علي البلاد

اما عندنا نحنا
كان محمد و معتصم ايديرو في الشويات

خالد: مازل ياراجل
محمد: لو تبي تاكل تعال دير ابروحك
معتصم: خليه الكلب $$ فالح في الكلام $
سند: تي عليش تغلط امعانا صبايا
معتصم: والله انسيت تي شن جابكم هنا
خالد: رجلينهم جابنهم 😂
ناصر: تي حي ياراجل نحساب بيديهم 😂😂😂
نور: هههعععع بارد علي فكره
ناصر: اسكتي ياقزمه
نور:😡😡 شنو شنو ماسمعت
خالد: ماهو حق قصيره
ابرار: ماتغلطوش في القصيره لو سمحتم
سند: 😂😂😂 حي عليكم
خالد: حي عليا من شنو ان شاء الله ماهو من القزمه الي ماتصولش حتي كتفي 😂😂😂
نور: 😒😒😒 والله القصر نص جمال البنت
ناصر: اما جمال 😂😂😂 هم زي الفكرونات 😂😂😂اقصار
ابرار: لا واجد هكي تعالي يانور انقولك شنو انديرو
نور: هيا ومشن امع بعض
خالد: حي علمها شن بيديرو
ناصر: خفت يارجل مافيش امعاهن ابصاره
انا: بيش تعرف
سند:😂😂😂
خالد: شن بيديرن الفرخات
امجد: انا نعرف نور اختي شيطانه حي عليكم
تي يومها صبت عليا كاس اميه امسقع ونا راقد
الشباب يضحكو ويهدرزو

انا:سند اتجي تفتحلي علي اسطبل نبي انشوف احصاني
سند: تمام انجيب المفتاح
هاله: حي عندكم اسطبلات 😍😍😍بنمشي امعاك
انا: به 😒😒😒
سند:هيا تامي نمشو انجيبو المفتاح
مشيت انا وسند كات هاله ورانا
سند:يتكلم بصوت واطي شن الصقه
انا شديت ضحكتي: مانعرفش في كل شي زقبه امعانا
سند: امشي امشي خير
قعدت نجري ونضحك عاطيه وجهي لي سند ونمشي لي الوراء بسرعه
سند:تعالي جاي ماقتلك اجري يافرخه
انا:تؤتؤ مش جايه
سند سرع خطوته: لو نمسكك حي عليك
انا: شن بديرلي 😂😂😂
سند: مش حا انخليك تركبي علي احصانك
انا: ماتقدرش وطلعت الساني سرعت خطوتي نجري جيهة اسطبلات وسند قعد يجري ورايا
😂😂😂 هاله كانت محروقه من تجاهلنا ليها وانه خلينها ومشينا

انا وقفت جنب السطبل داشه درت ايدي لي سند انه ايوقف: خلاص اتعبت
سند وصل فيا
سند يتكلم هو داهش: يافرخه تعبتيني في جرتك
انا: مش فرخه 😂😂😂
المهم تخلصنا من الصقه
سند: شاف وره تي اما تخلصنا اهي جايه
انا شفت ورايا: اوووووف ياربي الصبر
سند يضحك 😂😂 : لي هل درجه متحبها
انا: تي بارده ماهضمتها
انا: هيا افتح الباب
سند: تي باهي ياهمي اصبري
وصلت هاله
هاله: علاش خليتوني ابروحي
انا:😏اتشوفي فينا نجرو متسابقين 😏😏
هاله: مشوقه انشوفهم واخيرا بنركب علي احصان 😍😍😍
انا: 😒😒 هل حاجه الكبيره
سند: خشي يا ام السان
انا: ره بنطلع بيه انا
سند: في حلمك هنا بس تمشي بيه
خشينا
كانن في 6 اخيوال
كل 3 في جيهه
هاله اعيونها اقلوب اقلوب 😍😍 : الله نبي نركب علي هدا
انا: لا يا ماما احصاني مايركبش عليه حد جيت جنبه وحطيت ايدي علي راسه كان احصاني لونه ابيض وحلو
انا: استاحشتني حبيبي 💋
سند كان يتفرج عليا
هاله: اها مانحسباب امتاعك سند وين احصانك انت
سند اشرلها علي احصانه كان لونه اسود قاتم
هاله: عادي نركب عليه اشويا
سند: اي عادي تفضلي مشا سند لي مكان الحصان وطلعه
هاله: محلا ايهبل
سند: سلمك
انا انشوف فيهم وساكته
سند : تعرفي تركبي عليه
هاله بتجوعين: مانعرفش عادي اتركبني انت
انا 😳😳
سند: انتي امسكي في هدي وحطي رجلك علي هدي قعد سند يشرحلها كيف
هاله: صحيت بجد
انا قربت جنب الحصان رخيت السرج امتاعه 😂😂 ما فطنولي
درت وجهه طفولي ورديت جيهة احصاني

هاله جت بتركب: ممكن اتساعدني سند
سند 🙁: اركبي توا انساعدك
حط سند ايديه علي خصرها
سند: توا حطي رجلك توا نرفعلك
كان سند قريب واجد من منها وكانت ريحة عطرها قوي لبستها ضيقه هلبا انا انشوف فيهم مش عارفه حسيت بي احساس اخييي 🥺

ساعدها سند قعد ايمشي فيها
فجاء هووووب 😂💦😂😂😂 اطيح هاله
سند انخلع طبس عليها :صارلك شي
هاله تبكي ودبشها اتوسخ: رجلي توجع فيا
انا نضحك 😂😂😂 : مش اي شخص يركب علي الحصان 😂😂
سند:فاطمه اسكتي سشوفي البنت تبكي
انا 😏😏😏😏😏
سند: تقدري اتصبي
هاله:لالا مانقدرش 🥺🥺
سند: ساعدها اتصبي
هاله: اححح توجع فيا
سند: بسيطه ترا انشوفها
انا:مافيها شي كلها طيحه
سند عله صوته: تامي اسكتي خيرك
انا 😒😒: سكتت ها
هاله كانت اتشوفلي بغل
هاله: ممكن اتساعدني نطلع
سند: به سندها سند عليه
خشت بيسان
انا:بيسي جيتي في وقتك هاله طاحت ساعديها
بيسان 😑😑😑: خيرها
سند: تعالي بيسان فوتك منها اختك المجنونه
مشتله بيسان
وخر سند من هاله
بيسي ساعدت هاله طلعو من برا

هاله: خلاص مافيا شي نقدر نمشي
بيسان:😯😯😯 توا كنتي ماتقدريش تمشي علي رجلك
هاله: لا خلاص معاش توجع فيا
بيسان مشت وخلتها ولحقتها هاله وهي حاقده عليا

سند: ليش رخيتي السرج
انا: تستاهل
سند: انا قتلك ليش
انا: 😒 ماهو انت استفدت
سند: كيف
انا: ماشاءالله خدماتك واتيه
سند:وليش عندك مانع
انا: 😒 لا
سند: 😏😏 صدقتك
انا: اي امشيلها السنيوره خايف عليها
سند: من قال خايف عليها
انا: تي شفتك بعيني صارلك شي بسيطه 😡 ولا ترفع فيها
سند: خيرك محروقه منها
انا: مش محروقه بس تبي ادير رومنسيتك ديرهن مش قدامي
سند ضحك: اتغاري قصدك
انا: وعليش بنغار
قعد سند ايقرب لين وصل فيا وكان وجهي امقابل وجه
سند: تغاري 😏😏
انا ارتبكت من قربه: لا
سند زاد قرب : اتغاري
انا ضحكت:تؤتؤ تتوهم بس
سند: شبح في اعيوني وقال
عيونك ضياع وضحكتك امان ❤️
انا اختفت الابتسامه توترت : شنو
سند:😂💔 انجرب في رومنسيتي علي قولتك انتي
انا: ماقتلك جربها عليا 😂😂
سند: وانا نبي انجربها عليك لو عجباتك توا انديرها امع هاله 😏😏😏
قعدت نضرب فيه علي صدره
انا:خزي حقير بنت عمك انا 💦💦
كتفني سند بي ايده
سند: تي بطلي يافرخه كنه عقلك صغير هكي
انا: بعد عني بنطلع
سند:مافيش اطلوع
انا: مش بكيفك
سند: بكيفي نبي انهدرز امعاك
انا 😒: قول شن عندك بسرعه
سند: 😏تامي
انا: نعم
سند: جلم 😂😂
انا: سننننننند
سند: 😂😂😂😂 خلاص ليش عاقدتيها اضحكي
انا: مانبيش وخر بنمشي
سند: مش بتركبي علي احصانك
انا: طارت النيه منه
سند: لالا ليش
انا هزيت اكتوفي : هكي
سند: تعالي نركبو انا وياك
انا:مانبيش
سند: به انا بنحكي امعاك في موضوع
انا: شنهو
سند: مش توا
انا: وليش
سند:بعدين احسن
انا:به علاش اموقفني
سند: خليك لحضه هكي فتح سند اشعري ودفن راسه فيه كنت انحس بنفسه ساخن ع الرقبتي
انا: سند خيرك اهبلت توا ايشوفنا يفهمو غلط
سند: اسسس مانبيش نسمع صوت
انا: اهبلت شكلك طبست طلعت من بين ايديه
اناوطلعت نجري
سند: تي راجي يافرخه
سند يضحك 😂 تي شن درت انا هبلتني الفرخه تي بعد نقعد امعأها انضيع استغفرالله

طلعت نجري لي البنات كان وجهي احمر وشعري مفتوح لميته
سندس: تضحك خيرك تجري
انا:شي
نور:به ليش وجهك احمر
انا: قالت شي يعني شي
ابرار: وربي وراك شي
انا: تي اووووف منكم
نور: شكلك دايره عمله يافرخه شن كنتي اديري
انا:ؤ 😒😒😒 شن بندير يعني
سندس:شن كنتي اديري في السطبل انتي وسند ابروحكم
انا: وووووه عليا منكم قتلكم مافي شي
نور: شوفو طالع يضحك
اريج: نبصم عليها في شي
سندس: اي
انا:تي القصه كلها انفتح شعري وتحشمت من سند وطلعت نجري
نور: صدقتك
سندس:تعالي نمشو جيهة الشباب
نور: اي صح ابرار هيا
ابرار: ضحكت
انا: 😂😂😂 والله ضحكتك وراها عمله
سندس: تي عمايل اسكتي توا اتشوفي بعينك
ابرار: بري يا نور جيبه وتعالي
نور: تم انا بنجي من وراهم وانتي ياسندس واريج زي ما اتفقنا الهيهم تمام
سندس: تمام نعطيكن اشاره
مشو ابرار ونور واماني كل وحده في جيهة

انا:حي شن بديرو
سندس:……….
انا: اتخططو من ورايا
سندس: هيا نمشو
كنت انا واريج وسندس بيسان كانت جنب امي هايمه في التليفون
المهم جينا جنبهم
كان محمد امقعمز جنبه خالد وناصر وامقابله سند وامجد وايهم ومعتصم ايهدرزو

سندس: هاي
ناصر: هاي ولا باي
سند: هاهاهاها دمك ولا قطران 😂
انا:😂😂😂 امتي بيطيبو الشويات بنموت من الجوع
خالد: احسن موتي بناكل حصتك
انا:بعيد السو عليك
سندس: خزي حقير علاش تدعي عليها
خالد: تي من جا شورك انتي
انا: خيتي سلمها الي ادافع عليا
ناصر: هيا وجهك انتي وياها انهدرزو هدرزة شباب
سندس:وشن اتهدرزو
خالد: زي ما انتم البنات اتهدرزو حتي انا انهدرزو
سندس: اسكت انت يا امتاع م سكتت
خالد: امتاع شني كملي
ناصر: حي زرقه عليك الفرخه
انا وسندس انشوفو في بعض سندس اشرت لي نور
نحنا وخرنا اشويا

😂😂😂 اتجي وابرار واماني كل وحده بطوبو اميه وايرشن الشباب بالميه وبعده نور عبتهم دقيق
تعرفو المنضر 😂😂😂 كان فزززززيع بدات

لحضة هدو علي ارواح الشهداء
خالد:اينحي في الدقيق من وجهه تي من الكلبه الي دارت هكي
نور: وهي تضحك مره تانيه ماتلعبوش امع البنت القصيره
سند: واحني خيرنا ازف
ابرار: ذنبك راجل زيك زيهم هههههه
ناصر: ماقتلك اخلوده هذين ينخاف منهن
محمد: تي وربي اتشوفي يانور
انا:تستاهلو
امجد شاف المسبح: صفر لي الشباب غمز لهم وشاف المسبح
ضحكو الشباب امع بعض
نحنا استغربنا كانو ايهزبو بعده يضحكو

محمد يضحك: 1
سند: 2
ناصر وخالد: 3

ووووووووهب هجمو علينا كل واحد شمر وحده طيحونا في المسبح وطاحو امعانا 😂😂😳😳

انا: خزي محقركم
ناصر: مش احقر منكم
نور: خزي اكلاب 💦💦
شدها خالد ايغرق فيها
خالد:تي هدي خلوها ليا راس المصايب شاد نور من راسها ايغرق فيها
نور: خزي ببببققق حقي ببيققق يرر
ابرار: خالد خلي البنت خيرك حقير هكي
خالد: تي شن اتراجو ياشباب غرقوهم عشان مره تانيه امع من يلعبن
خالد كان شاد نور وابرار شادها معتصم واماني شدها ناصر وانا كان ايغرق فيا سند وسندس كان ايغرق فيها سند اريج كان ايغرق فيها امجد

قعدو الشاب ايغرقو فينا ونحنا نتعيطو وهم يضحكو

كانو العيله كلها تفرج عليا ويضحكو بس كانو في شخصين النار تاكل فيهم اي اي نفسهم الي خطرو في بالكم هاله وعد
عمتي اسماء: ان شاء الله دوم العيله فرحانه وتضحك
اجديده: امين
جدي: ان شاء الله الي جاي غير افراح
ماما: ان شاء الله ياعمي
جدي: ترا ياحاجه اعطيني طاسة شاهي
صبت اجديده الشاهي لي جدي
عمتي اسماء: والله ياباتي عندي موضوع نبي نحكيه امعاكم
جدي: ان شاء الله خير
عمتي اسماء: خير خير ياباتي نبي انسبكم نبي نخطب لي ناصر ولدي مالقيت خير من بنت خويا …..ناخدها لي ولدي
جدي: انا عطيتك اعتبروها البنت بنتكم اهو بوها جنبك
اجديده: طيب فيا بنشوف عرس احفادي والله زين ما اختارتي يابنيتي
….: والله ليا الشرف مني الي تبيها
عمتي اسماء: …….
…:كيف ماقال باتي البنت بنتكم
قعدو ايهدرزو في امور الخطبه وشن بيديرو

عندنا نحنا
مانحكيلكم ع المسبح كيف شكله 😂😂😂
درنا جو فيه بعده طلعنا درنا هجوم علي الحمام
كانو في حمامين بس واحد احتلوه الشباب والتاني لي البنات
المهم غيرنا
وطلعنا جنب المسبح من جديد

سندس: اووووف والله جعانه
محمد: انتي ديما جعانه تعالي توا نعطيك
مشت سندس ومحمد

خالد: توا من بينضفه الي درنا
سند: توا انغير امية المسبح
ناصر: توا انجي انساعدك
خالد: انا بنمشي اشويا وانجي رفع تلفونه
غير سند المية المسبح هو ناصر
كل حد لهي في حاجه

سندس: كنهم مابيوش ايطيبو
محمد: اصبري اهو طابو
سندس:اعطيني من الكبده 😍😍
محمد:من اعيوني 😍
سندس:تعرف جعانه
محمد: المشكله تاكلي مايبان عليك
سندس: قول ماشاء الله
محمد: في حد ايعاين روحه
سندس تجاهلت كلامه لانه من كانو اصغار اقراب من بعضهم واجد وكانهم شخص واحد بس في يوم وليبه تغير كل شي والسبب نعرفوه في الحلقات الجايه
محمد: شنجوك
سندس: تمام بخير وانت
محمد:شوفت عينك بخير
محمد: لينا زمان ماسهرنا امع بعض ولا درزنا زي قبل
سندس: كل شي تغير توا انت متزوج وعندك مره تسهر امعاها
محمد: مافيش حد في حياتك مزال
سندس استغربت من سؤاله: لا مافيش
محمد: اها نحساب في حد في حياتك هدا علاش تغيرتي
سندس:ماتغيرت الوقت بس تغير
محمد: واضح المهم احتجتي شي تلقيني جنبك زي قبل
محمد كان ايقطع في الكبده لي سندس رفعها بيوكله ليها
اتجي في فم وعد تاكلها
وعد: جت في خاطري حبيبي الله اتجنن الكبده حبيبي
محمد وسندس كانو مصدومين
محمد: الكبده لي سندس مش ليك
وعد: انا مرتك وعندي حق ناكلها من ايديك
محمد: وعدد مش فاضيلك هاك سندس حصتك
سندس: صحيت مانبيش اعطيها لي مرتك
ومشت خلتهم والدمعه في وسط عينها

محمد: تي شن جابك انتي علاش تاخدي حاجه مش ليك
وعد بدلع: خيرك امعصب حبيبي
محمد: وعد فوتي الحركات هذين تعرفيني مانحبهن فات عنها وخلاها

انا: اوووف كساد نبي فوني
ابرار: مزال ما اعطاه ليك سند
انا: مزال اصلا ماحكيت امعاه نهائي
جت هاله وتنسيم قعمزو امعانا
هاله: شنجو صبايا
نحنا:تمام
هاله: تعرفو فيكم جو بعد تلعبو في المسبح توا نحنا مش مرتبطين واجد امع عمامي
نور: ماهو حتي العيله اتجي بالحظ وانت ونيتك اطيح في عيله اكويسه
هاله:مافهمتك
نور: انسي مافيش داعي تفهمي
اشويا رن فونها وكان صامت
نور: بنمشي لي الحمام وناضت

كنا انجاملو فيهاوهي اتهدرز زعمت كبدي 😂😂😂
تعرفو بعد اتهدرزو امع واحد منافق وكذاب 😂😂😂

نور: الو
خالد: هلا وغلا
نور: اهلين
خالد: شنجو ملاكي
نور: تمام بخير وانت
خالد:لو نسمع صوتك ديما نبقا بخير
نور 😒😒: به امشيتو لي زردتكم
خالد: اي مشينا
نور:😂😂به شن جوها
خالد:والله زرده اطلع طول
نور:بنات عمك اسماح
خالد:تي شينات ما ينشبحن بكل
نور 😳😳😳حي ع ام الكذب: امممم حسن
به توا انت من وين اتكلم فيا صح امعا بعضكم قاعدين
خالد: طلعت بره
نور:اها
ناصر: تعال ياكلب سادك هدزره حطو الشويات بناكلو
خالد:تمام ملاكي بغدين انهدرزو
نور:مانقدرش بعدين امعانا اختي المتزوجه بايته كان حصلت رسائل انكلمك
خالد:تمام باي وسكر

سكرت نور صار احني شينات ياخالد اليوم اتشوف
جت جنبنا امع خشت ناصر وخالد من الباب يضحكو

هاله: علاش طولتي
نور: تبي انقولك شن درت في الحمام استغفرالله
هاله:😂😂انبصر امعاك كنك
نور: 😒😒
حطينا الشويات ومشروب وجو هدرزه وضحك

امع المغرب كنت ماشيه ابروحي وسرحانه في حركات سند وشن دار امبدري اوصلت جهة السطبل فجاء في يد تجبدني وراء السطبل كان ظلام اشويا مانشوف

انا جيت بنعيط
سندحط ايده علي فمي: اششش انا سند اهدي ونحا ايده
انا: علاش تخلع فيك
سند: شنجوك
انا:تمام
سند: في شنو كنتي سرحانه اكيد فيا
انا : لا يا عبد الواتق
سند: توا طحتي بين ايديا شن اندير فيك زعما
انا:سند ليش ادير فيا هكي 🥺🥺🥺
سند: وماهو انتي غبيه ماتفهميش
انا:ليش غبيه
سند: اصلا كل شي بيدا ةاضح الايامات الجايه
انا: مافهمتكش
سند:صح هاك تليفونك غيرتلك الشفره رد بلك تغلتي لانه هل مره غلطتك بحساب
انا خديت منه التلفون: ماكنش داعي اتغير الشفره
سند:لو اتصل بيك الكلب
انا:اكيد ما بنرد
سند: محلاك ورده عليه نقتلك بعدها
انا 💔: المهم فوتنا من سيرته
سند: احسن غمتلي منه مانبيش انخرب جوي خليني لهي فيك
انا:سند ممكن اتفسرلي الي درته امبدري شنو
سند: ……….

كان في شخص يسمع فيهم

# يتبع

اترك رد

زر الذهاب إلى الأعلى