النصيب اقوه من الحب الحلقة الخامسة | القلم الناجح
روايات ليبيه كاملة

النصيب اقوه من الحب الحلقة الخامسة

النصيب اقوه من الحب الحلقة الخامسة

 

#النصيب_القوه_من_الحب 🔥🔥

#الحلقه_الخامسه

✍️الكاتبه Meroo Ahmad✍️

🌹»”قراءة ممتعة” »🌺

انا :بنتكلم بس انتفح الباب وخش سند انصدم من الموقف😳 اعيوني طلعو من مكانهن
شد عمر طاح فيه ضرب اعطاه طريحه نباش القبور
عمر ضرب سند وهرب
وانا نبكي :والله افهمت غلط يا سند
سند:تي اسكتي عندك عين تتكلمي مزال تي في شنو امقصرين امعاك تكلمي لعند اتنزلي روسنا هكي
انا ونبكي: والله خليني نحكيلك والله مش كيف امفكر انت
سند: شن كان ايدير الكلب &&&&🔞🔞
سند: وانتي شن امقعمزك امعا فرخ الحرام هد
انا نبكي :مانعرفش والله كنت امقعمزه انا وسندس هو الي خش صدقني مش انا الي اندير هكي
سند: طحتي من عيني يافاطمه اخساره تقت هلك فيك

انا من قوة الصدمه والخوف والبكي لعند اغمى عليا
سند :تي نوضي مش وقت ادرمتك
قعد سند ايخبط ع وجهي مافيش استجابه خاف
مشا يجري كلم وحده من الممرضات قالته ارفعها لي الغرفه الاسعافات رفعها سند وقعد يجري بيها لي الغرفه
الممرضه كلمت الدكتوره
قعدت الدكتوه تفحص فيا اعطتي ابره 💉
وطلعت برا لي سند
سند: خير يادكتوره كنت انكلم فيها فجاء طاحت عليا
الدكتوره: اطمن فطومه مافيها شي غير صارلها هبوط واضح كانت تبكي او متعرضه لي صدمه توا اعطيتها ابره لازم ترتاح
جت سندس تجري: دكتوره سناء خيرها تامي شن صارلها توا كلمتي الممرضه قالت داخت
سند:مافيها شي
الدكتوره:مجرد هبوط حمدلله ع سلامتها توا نستاذن ومشت
سندس:شن صارلها تامي لعند داخت
سند:من رومانسيه امتاعها داخت مزال ماتميت امعها كلامي
سندس:مافهمتش
سند:مادريش روحك برائيه حتي انتي احسابك امعايا كيف اتخليها امع الكلب هذا وبعدين منهو هذا الي كان امعاها
سندس انصدمت خافت(حي عليها تامي كيف عرف هذا ووووووه توا بينقلب علينا) توترت :اءءءء مانعرفش
سند:سندس ماتشوفيش فيا عيل اصغير قدامك
سندس سكتت :انا بنخش لي تامي
سند:احسابك امعايا في البيت
خشتلي سندس وراها سند
انا كانت الممرضه اتعلقلي في ابره
الممرضه:نص ساعه وانجي انحولها
انا:لا خلاص توا سندس اتحولها
الممرضه:تمام وطلت
جت سندس حضنتي وتبكي:يافرخه خوفتيني عليك
انا:مافيا شي خلاص علاش البكي
سند:انا طالع اشويا وانجي ايكون في علمكن معاش في شغل ولا شي ونقاش منتهي وطلع

انا:اوووووف ياربي صبرني ع المصيبه
سندس:احكيلي شن صار
انا: بعد طلعتي قعدت نتناقش انا وعمر المهم عمر قرب قدامي كان امحاصرني وخش علينا سند وجن اجنونه اضاربو هو وعمر وهرب عمر بعده قعد ايهزب فيا
بعدها طحت عليه
سندس:عليك مصيبه طحتي فيها
انا:المشكله فهمني غلط موقف اخييي مش عارفه علاش حظي هكي
سندس: به شن الحل توا
انا : مانعرفش مانعرفش 💔 زعما شن صار في عمر
سندس:تي فكري في مصيبتك قاعده اتفكريلي في الخرا هذاك مرض يرفعا شوفي شن صارلنا من وره هوا
انا: اووووف سند شن جايبه هنا
سندس: مش عارفه
انا:به توا شن اندير
سندس: حاولي اتفهمي سند واحكيله كل شي كلمي الخرا امتاعك يتحرك ايدير حاجه
انا:مستحيل حا يفهمني سند صعب صعب
سندس :لا انتي غير توا فوتيه عشان امعصب بس توا يهدا كلميه
انا تنهدت بتعب : امتى بتكمل الخرا لي في يدي
سندس:ماقعدش واجد
انا:نحيها ليا حاسه نفسي بينقطع نحيها
سندس: اصبري
انا:توا انحيها ابروحي امع خشت سند ما شفته
نحيت الابره بقوه لعند الوريد انفجر ايدي كلها ولت دم
سندس جابت شاشه ومعقم: قتلك اصبري شن درتي يامصيبه
انا: قتلك مخنوقه مانبيها
سند: لو كملتو يا قدامي
سندس:تي ماتشوفش فيها البنت كيف شكلها
سند:ماتستاهل انشوفها ولا تستحق اهتمام وحده زيها
انا: ليش تجرح فيا هكي ياسند انا مش رخيصه لعند اتقول عليا كلام هكي
سند بعصبيه: تي ما شفتش فحياتي وحده حقيره ورخيصه ولا عندها شجاعه تتكلم
قعدتت نبكي ماتحملت كلامه وربي جرحني
سندس: حرام عليك سند ما تغلط في كلام وفالنهايه بنت عمك انت افهم منها الموضوع مش اتجرحها
سند : تي اسكتي انتي التانيه احسابك امعايا
واللهي قاهرني انها بنت عمي 💔
سند : هيا قدامي توا اتشوفو المعامله كيف شكلها
وطلع
سندس: اهدي حبيبتي خلي انكملك اثبتي
انا:شفتي شن قال عليا انا رخيصه ياسندس
سندس:حشاك حبيبتي غير هو امعصب مايعرفش يتحكم في روحه لانه بعد ايعصب يبدا ايفلم
انا:اووووف اتعبت ربي يستر شن بيدير خوك
سندس: مستحيل ايدير حاجه اضرك غير خليه يهدى اشويا بس
انا: لو خبر خوتي ننتهي انا 🥺🥺
سندس:عيب عليك انتي تعرفي سند مايدير هكي عقله كبير ويحسب لي الحاجه الف احساب
انا:وينه خوك الخرا نبي انروح
سندس: راجي اشويا انجيب شنطتي تلفوني وانجيك
انا:جيبيلي تليفوني امعاك
سندس: تمام مش حا انطول وطلعت

قعدت ابروحي واسرحت انفكر في مصيبتي الي شن بيصير فيا والموقف المحرج الي انحطيت فيه مش امصدقه الي صار كيف سند خش عليا وكيف استحقرني وقال عني رخيصه 🥺🥺🥺 اوووووف زعما عمر شن صار فيه قبل لايطلع شفت دم في وجهه اووووف عليك يوم مشوم به توا كيف انفهم سند خلي نحكيله كل شي يفهم اني انا مادرت حاجه غلط زي ماهو امفكر بس كيف انقوله اووووووف اتعبت
كنت نتكلم مش حاسه علي روحي مانعرفش حد كان امعايا في الغرفه

سند هو ايصفق: مزال اتفكريلي فيه السي السيد امتاعك
انا انصدمت مانحساب كنت نتكلم هو قاعد 😳😳😳
سند: تكلمي ليش سكتي شن القط كله السانك مش توا كنتي اتفكريلي شن صار فيه يا احنينه انتي بدل ماتفكري في حل لي المهزله هدي ياهانم بدل ماتخافي واتوبي وانتي مش هامك شي غير الكلب امتاعك تعرفي يا فاطمه ماكنتش نحساب وره وجهه الملاك شيطان تي في شنو امقصرين امعاك عشان اديري هكي تي لو تعرفي حقيقته الفاسد $$🔞&الي اتكلمي فيه ياريتك كلمتي رجل تي من اول كف طاح بس احسابه امعايا
وانتي الخرا توا اتشوفي المعامله

انا قعدت ساكته ماقدرت اندافع علي روحي لانه كان امعصب وشكله ايخوف ماقدرت ننطق حرف

سند😡😡: شنو ماتبيش تتكلمي ماشي ياهانم توا انشوفو اخرتها امعاك
انا:منبيش نتكلم لين انت تهدا ونتكلمو زي الناس
هجم عليا سند وشد ايدي مكان ابره
كان سند قريب عليا واجد مايفصلش بينا شيي ويتكلم من بين اسنونه كان شكله غير سند الاول هدا وحش مش سند
سند 😡😡: شنو ماسمعتك تكلمي تبي تتكلمي زي الناس تفضلي تكلمي وضغط علي ايدي ووعله صوته تي تكلمي ياخرا نسمع
انا خفت منه قعدت نبكي: سند ايدي اتوجع فيا
شاف سند انه كان ضاغط ع ايدي لين ولت دم
سند: انتي ايدك توجع فيك بكيتي فما بالك انا شن اندير تي تكلمي شن اندير وخبط ايده علي قلبه

انا مافهمت عليه لانه كنت نبكي وايدي توجع فيا

سند: زيدي ابكي وربي مش حا اثاري فيا ادموعك هدين نزليهن علي روحك وعلي جايك مني

انا ونبكي ونشهق من كثر البكي 🥺😭: سند وراسك افهمني وربي اءءء وربي نحكيلك كل شي
سند: احكي هيا نسمع فيك تاكدي لو كذبتي في حرف مش حانرحمك يافاطمه اعتبري روحك انتهيتي

انا 🥺 افرحت عشان يبي يسمعني: بس مابنحكيلك توا خليه بعدين

سند: وليش بعدين علاش مش توا تبي تتطمني علي السي السيد توا انا انطمنك عليه شن درتله

انا: مش هكي قصدي كنت نبيك تهدا ونحكو بي رواق في البيت مش هنا لاني مخنوقه من المستشفى مانبيش نقعد فيها
انا:🥺شن درتله
سند:ضحكلي درتله كل الخير بعدي اتخربني كل شي توا اتوا انطمنك علي حبيب القلب
انا سكتت

سند شافلي دقيقه لعند توثرت وربي نضرته مش مفهومه كانت نضرته وراها شي

خشت سندس: طولت عليك تامي
انا:لا عادي
سندس:هاك تليفونك
مديت ايدي بنرفعه بس بسرعه كانت يد سند رفعت التليفون
سند: هدا بيقعد عندي
انا:ليش
سند شافلي 😒:عندك مانع ان شاءالله
سندس:سندس ماتضغط ع البنت واجد في النهايه اانت مش خوها ولا راجلها ولا خطيبها لعند تحكم فيها هكي انت ولد عمها صح اميحقلك اتهزبها بس ممش ترفع تليفونها
انا: خلاص اتعبتت من النقاش خليه ياسندس
سندس:بس
انا:خليه يرفعه
سند:هيا امشو قدامي لي السياره
طلعنا من المستشفى

💗_________✍️أّلَګأّتّبِهِ مَيِّروِ أّحٌمَدِ ✍️_________💗

ركبنا في السياره مافيش حد تكلم لين اوصلنا
قبل ما ننزل استني انتي
سندس:نعم
سند :مش انتي
انا:نعم
سند: الساعه 5 ترقيلي في شقتي اسمعتي
انا: به
سندس انصدمت:سند خيرك اهبلت شن تبي من البنت
سند: اطلعي منها انتي خير

انا نزلت من السياره وخشيت ولحقتني سندس

نسمع في صوت السياره مشت

عند سند

سند:الو
حمزه:ها يابرو
سند:شن صار في الموضوع
حمزه:عيب عليك تطلبني في موضوع ونا ما انفد شكلك انسيت انا حمزه الثعلب مايصعب عليا شي
سند: عارفك قدها يا افندي
حمزه:تالقني في استراحتي الي في شارع $$$$ وامعاي هديتك
سند: تم يابرو مسافة الطريق تالقني جنبك
توصي شي
حمزه:والله انت كريم ونحنا نستاهلو لنقني جعان هديتك تعبتني امعاها جيب امعاك غداء حتي الجماعه جاين
سند: تم سلام وسكر
وقفت علي مطعم نزل خدا منه غذاء وطلع شور الاسترحه (الحوازه)

حمزه صديق سند واجد ويعتبر فيه زي خوه موليد 87 اصغر من سند بسنه لونه برنزي نقشه ع اسود احليوه
عنده نقرة الزين وعنده غمازه في خده اليمين يشتغل ضابط

💗__________✍️أّلَګأّتّبِهِ مَيِّروِ✍️________💗

ميرو☺️: اكيد قاعدين تسالو من وين طلع هذا وليش ماكتبته في المقدمه انا انقولكم ليش لانه في اكثر مش شخصيه حاتطلع في الروايه وليهم دور فيها في الحلقات الجايه حايطلو اكثر من شخص هدا علاش مادكرتهم في المقدمه لانكم حاتتلخبطو فهمتوني تفاعلو ماتنسوش حبايبي 😂😂😂

نرجعو لي الروايه

عند البنات

خشيت انا وكانت سندس ورايا
خبطتت علي الباب فتحت ماما
مام انخلعت من شكلي ا:اسملا علي بنتي خيرك الطف وجهك اصفر واعيونك عمر وبعدها شافت اايدي
سندس: ترا ياعمتي خليها اتخش اتريح
ماما:خيرها
انا: شي غير عندي هبوط بس
ماما: خشي خشي
وسعت ماما خشيت طول لي داري ماما وسندس ورايا
ماما: احكيلي خيرك بنتي
انا:والله ماتخافي مافيا شي
ماما: كيف ما انخاف وانتي طلعتي اكويسه مافيك شي
انا:والله مافيا شي غير تعبت اشويا بس
ماما:سلم بنتي توا تريحي وارقدي
سندس:اي حتي الدكتوره قالت لازم ترتاح
ماما:بنتي دوسه ديري بالك عليها انا بنطلع امع محمد بنجيب كنة العازه متعاركه هي ومحمد وحرجانه والحاج قال لي محمد امشي جيبها
سندس:تمام اعميمه
انا:علاش ياماما حرجانه هي
ماما:والله الي قاله ليا محمد طولت السانها عليه شكله ضاربها هي حرجت بس السبب ماقاله وجدك قاله تمشي اتجيبها عشان بكرا طالعين
انا:اها ربي يهديهم
محمد ايضبح من برا: هيا يا امي
ماما:هيا انا ماشيه ديري بالك عليها ونوضي البايرت وطلعت

انا سلحت وشاحي قعمزت:سند يبيني نحكيله كل شي علي عمر
سندس: انتي احكيله كل شي وتريحي
انا:هدا الي بنديره توا
صبت سندس:انا نمشي النوض البنات ونمشي لي حوشنا انغير وانجيك انتي تريحي توا
انا: ماتمشي خليك امعايا
سندس:انغير وانجيك مش حا انطول
انا:البسي حاجه من عندي
سندس:تعرفيني مانتريح الا في احويجي
انا: تمام خلي انوض اندوش علي مامشيتي وجيتي
سندس: تمام
خشيت انا لي الحمام (اكرمكم الله)

مشت سندس اتوض في البنات كان رقدات في دار الضيوف
خشت انصدمت في المنضر كيف رقدات وجنبهن حوسه 😂😂😂
سندس عيطت: تي شن هل الحوسه هدي حي عليكم من اعميمه
لا حياه لمن تنادي 😴😴😴 كلهم في نووم
سندس عيطت لين اعيت مافيش امل
سندس: اعميمه جتكم حي ياحي وقعدت ادربك ع الباب
اماني: بطلي يا ازعاج
سندس: تي نوضو الساعه قريب 11 وانتن رقدات
اريج: خلين نرقدو اشويا
سندس: امتي رقدتو
اماني: بعد طلعتي انتي وسندس
سندس: طاح سعدكن في شنو كنتو اتهدرزو
اريج: فاتك نص عمرك
سندس: شن الي فاتني
اريج: ههههه مش حانقولو
سندس: تافهه هي نوضو اعميمه طلعت هي ومحمد بيجوبو وعد قالو حرجانه
نور: اوووف لو حرجت يومين خلتنا مرتحين منها
سندس:انا بنمشي لي حوشنا وانجي ديرو بالكم علي تامي تعبانه
بيسان:خيرها
سندس: قصه طويله سند شافها امع عمر توا نحكيكن كل شي اشويا وانجي
اريج: اتبصري انتي
سندس: والله مانبصرش
نور:حي عليها
اماني: غير اسكتي خلي نفهمو الموضوع
سندس: هيا نوضن وحده فيكن اطيب الغداء
وضمن حوستكن علي ماجيت وانتبهن علي تامي
ابرار: توا نمش انا لي تامي
اريج:انتي ديما هاربه من الخدمه مسكين الي بياخدك
سندس: ههه والله حق ديما هاربه
ابرار: مادخلكمش بكيفي لو نبي نخدم او لا وطلعت
سندس: انا بنمشي ديرو زي ما قتلكم وطلعت

وصلت سندس لي حوشهم فتحتلها تنسيم اختها
تنسيم: شرفت الهانم
شبحتلها سندس من فوق لي لوطه: وخري من طريقي
تنسيم تضحك: ردي من وين ماجيتي مكانك انتي الشارع مش هنا
سندس ما عدلت عليها وخشت طول لي دارها
اول ماخشت حست في شي متغير في الدار بس ما عرفتش شنو
سندس سخنت فجاء ابروحها وجسمها كله اميه وضاق نفسها كانهزفي شخص يخنق فيها قعمزت قعدت تاخد في نفس وتقرا في قران حست تريحت اشويا خدت توته من الدولاب رجعتلها نفس الضيقه ماتحملتش طلعت طول من الدار وخدت نفس

سندس 😩 اوووووف خيرني شكلي بنمرض
مرت باتها اتشوفلها زين: خيرك
سندس كان لونها مخطوف وترجف: شي غير مضايقه
مرت باتها 😏😏: ان شاء الله ديما مضايقه
سندس 🙁 ماعدلت عليها خشت لي الحمام (اكرمكم الله) دوشت علي السريع وطلعت
مابت اتخش لي دارها
سندس: ماترجوني ع الغداء ماشيهزلي حوش عمي علي
مرت باتها: منو حاسبك اصلا
سندس ماردت عليها وطلعت ماتبي ادير مشكله امعاها

مرت باتها: نهايتك علي ايدي يابنت سحر توا اتشوفي لو ماخليتك اتمني الموت بس ماتلقيها
تنسيم:شن بديري ياماما
مرت باتها: ………………….
تنسيم: بس ياماما لو عرفو
امها: من بعرف رد بالك حد يعرف لانه الموضوع خطير
تنسيم: لالا مش حانقول اصلا نكرها ليش كل شي سمح ليها هي دبشها ودارها وتليفونها كل شي ياخد فيه ليها سند سمح علاش حتي انا مايخدلي حتي انا اخته
تنسيم: توا كل شي يقعد ليك
امها: صح ياماما 😍😍
امها: اي

عندي انا طلعت من الدوش كانو اعيوني حمر قعمزت انمشط في شعري وانفكر شن بنقول لي سند انه لو كذبت عليه حايعرفني نكدب اووووف اتعبت ياربي

اشويا وخشت ابرار
قعمزت جنبي
ابرار: نعلي حبيبتي خيرك امهبيه هكي والله تفرج ماتخممي حبيبتي
انا: اوووف اتعبت وربي جرحني بكلامه واعررر واعررر يا بروره
ابرار: اهدي حبيبتي والله توا تلقي حل ليش امكبرتها
انا:ان شاءالله بالله بنتعبك نبي بندول جيبيلي
ابرار:تمام حبيبتي
خشت سندس اتافف
انا: خيرك
سندس: مانعرفش راسي بينفجر نفسي ضايق قلبي يوجع فيا
ابرار:توا انجيبلك امعايا بندول
سندس:اديري فيا الخير تعرفي
انا: هاك مشطي شعرك توا تمرضي
سندس:اعطيني اصلا ماخشيت لي داري هكي مخنوقه مانبيش انقعد في البيت تعرفي بعد انخش نفسي ايضيق مش عارفه ليا فتره انحس بيه اكرهته من مرت بوي
انا: معليش حبيبتي ماتعدلي عليها اصبري توا ربي ايفرجها
سندس: ان شاء الله
اشويا خشو البنات(بيسان ونور اماني واريج وابرار كانت جايبه بندول وامعا اميه وعصير

نور: هيا احكولي شن صار بتفاصيل
بيسان: اي صح هيا
انا:خلي ناخد البندول وانخبركن
خديت البندول
ابرار: هيا احكيلنا
انا:حكيتلهن شن صار امعايا باتفاصيل
نور: حي والله الموقف حقيره انحطيتي فيه ياريت كنتو اتهدرزو عادي ما امقرب منك ماكبرتش هكي
انا:مانعرفش كنت انهدرزو هو قرب قتله وخر ماسمعني
وخشت سند
اماني: توا كيف بيصير في الموضوع
انا: وربي اتعبت بنحكيله كل شي وخلاص
بيسان:قداش نكره عمر قتلك فوته ريتي المشكله الي انحطيتي فيها بيسببه
سندس:خلاص انتي ليش اتزيدي فيها البنت
انا: نبي نرقد حاسه جسمي كله امدقدق
سندس:ارقدي حبيبتي حتي انا بنرقد
نور:توا انوضك ع الغداء
انا:مانبيش غير خلوني نتريح نوضوني الساعه 4 ونص نمشي لي سند
بيسان: تمام
طلعن البنات
رقدت انا سندس ماقدرت ترقد بسبب وجع راسها الغريب طلعت لي البنات خدت بندول تاني بس مافيش فايده

عند سند وصل لصاحبه
سلم عليه وقعمز
سند: شن اخبارك يا طيري
حمزه:والله علي حطت ايدك شايف الوضع كيف خارب والمجارم كثرو
سند:ربي ايقويكم والله البلاد خربت
حمزه:تعرف امس في المداهمه تي شباب اصغار ضاعو فيها بين احبوب وحشيش اصغر واحد عمره 17 سنه المشكله من اول كف قعدو يبكو زي البنات
سند:والله اهمال يرجع لي الاهل الي مايندروش علي اصغارهم وين ومن اصحابهم
حمزه:مفروض بعد اتجيب ولدك ربيه انت مش الشارع
سند: الله غالب به قولي وينها امانتي
حمزه يضحك: ماعندكش صبره يابرو
خلي نتغدو بعدها
سند:تي وينه ازح اعصابي في شيشه
حمزه:هيا كلمه وقلتها نتغدو بعدها اتشوفه
سند:ماعنديش نيه ازح
حمزه: توا اتجيك النيه غير قعمز
خشو اصحابه الزوز ابراهيم و مهند
مهند: اووووه حبي هنا
سند هو يضحك ويحضن فيهم: شنج يا طيري
مهند:وينك ليا زمان ماشفتك
سند: والله مشغول تعرف كبرنا الشغل كل المسؤليه عليا
ابراهيم: تي وخر يافرخ خلي ان سلام عليه
مهند:مش اموخر عدي سلم علي الراس الي قدامك انغار عليه
ابراهيم يضحك: وربي مجنون الفرخ
مهند: غير اسكت خير ما انطلع فضايحك
ابراهيم: فضايح شنو ياكلب
مهند:لو تكلمت انت الخاسر
ابراهيم واتقدمن روحه: تكلم
مهند:جبتها لي روحك 😂😂😂 تعرفو مره مشيت لي كليه العلوم وانشوفلك شوفه
ابراهيم انصدم 😳 :اسكت يا كلب
مهند : المهم نالقالك عمكم ابراهيم غاطس في الرومانسيه ورد وجو
حمزه: اووووو من ورانا ياكلب
سند:اطلع يا امخبي كمل يا مهند
ابراهيم:وربي اتكمل اتشوف
مهند: شن بيدير ياصقر
المهم وين اوصلنا اي ورد وجو بالصدفه تطلع صاحبة صاحبتي لانه بعد طلع الكلب شفتها واقفه امعه البنت سالتها علي اسمها قاتلي
ابراهيم نقز علي مهند يتعركو 😂😂😂
وسند وحمزه ميتين ضحك عليهم ديما هم الزوز عرايك
مهند:خلاص وربي مش امكمل غير وخر من عليا يا $$$$
ابراهيم:وربي اتجيب سيرتها اتشوف
مهند: حي ع الواعر
سند هو يضحك عليهم: تي اسمها غيره ياكلب
مهند:تي الي هيا تي نوض من عليا مرض يرفعك كسرتني
حمزه:تستاهل

قعدو ايهدرزو الشباب وياكلو مايخالاش من عرايك مهند وابراهيم

سند:…….
……….:………..

عند البنات
روحت ماما وامعاها وعد مش عاجبها شي رافعه خشمها خشت لي شقتها ماطلعتش منها ومحمد تغد امعانا وخش رقد في المربوعه
😂😂😂 علي اساس زعلانه

المهم خلي نختصر
تغدو هلي ورحت ابرار واريج لي حوشهم
وكانت امعايا سندس جت الساعه 5
طلعت من الحوش

انا: ………..
سند:……….

انا: تكذب صح سند قولي كذب

#يتبع

شن توقعاتكم لي الحلقه الجايه
وشن قال سند لي تامي ومن هو الي كان امع سند وشن اتخطط مرت بوه سندس ليها كله نعرفو في الحلقات الجايه ياتفاعلو نبي يوصل لي 100 تعليق

اترك رد

زر الذهاب إلى الأعلى