النصيب اقوه من الحب الحلقة الرابعة | القلم الناجح
روايات ليبيه كاملة

النصيب اقوه من الحب الحلقة الرابعة

جميع حقوق الطبع والنشر محفوظة

النصيب اقوه من الحب الحلقة الرابعة

#النصيب_اقوه_من_الحب

#الحلقة_الرابعه

الكاتبه Meroo Ahmad

🌹»”قراءة ممتعة” »🌺

سندس : خزي حقير اخساره فيه
ابرار 😂😂: اسكتي ره يسمعك
سندس: خله يسمع 😂😂حقير وكلب 😂😂😢
انا 😂😂😂: اسكتي عطك قصه في السانك
انتن ارفعن صفرتنا توا انا نرفع امتاع محمد
ابرار : تمام غير راك تنسي العصير
سندس: توا نرفعه انا
انا: به ياهمي
رفعت لي محمد العشاء وطلعت

انا: الطف لو رجيتوني
سندس:😂😂😂 والله ابرار قالت نبدو
ابرا: وحق ربي حقيره انتي ماتصدقيها هي الي قالت ابدي
سندس: تي بري حطي مصايبك ع حد تاني 😂😂😂 تكذب يا افطومتي ماتصدقيش
انا : توا انصدق من فيكن 😂😂😂😂
ابرار:تي تعالي كولي 😂😂 ولا نقضو عليه
انا:بعدك ميته جوع
تعشينا انا والبنات مايخلاش الجو من ابصارة سندس وابرار وعريك امتاعهن ع ابسط حاجه الحق جوهن خيال
روحو هلي كلهم رقدو
اما عندنا 😂😂😂 دايرين سهرية بنات ( طبعا ديما انديرو فيها بس كل مره عند وحده هكي من نحنا اصغار متعلقين في بعضنا)

نور:تعرفو يابنات
كلنا:شنو
نور: تعرفو نبي انربي خالد واندير فيه مقلب
سندس: وشن بديري هيا
نور: انخطط اني انكلمه برقم مجهول
اريج: 😂😂 والله خويا وعارفته امتاع بنات
بيسان:شن بديري بعد ما اتكلميه يافالحه كان عرف انتي من
نور: مستحيل يعرف اصلا رقمي المدار ماعند حد في العيله حتي انتو ماعندكش وبعدين مش بي اسمي
ابرار: كان زبط الصوت يافالحه
نور:علاش اتعقدو فيها
انا: به يا ستي انقولو كلمتيه و ماعرفك بس شن بتستفاذي انتي حب انتي ما تحبيش علاش تبي اتكلميه
نور: امبدري سمعته ايكلم في بنت شكلها تبكي قاللها انا مانحبكش كنت انفوت في وقتي امعاك وانا ما وعدتك بشي وسكر ولا كانه كسر قلب بنت خزي حقير نبي انربيه نبي انكلمه باسم مستعار وراه وراه لعند انخليه ايحبني وانسيبه انخليه ماعدش ايكلم بنت لانه بنات الناس مش لعبه عنده نبيه يكره حاجه فيها بنت انضوقه من نفس الكاس عرفتو
ابرار: هيييييي ره خويا حراام
نور:ايحرم جلدك ياكلبه اسكتي مش حرم في شخص كيف هذا
اريج: 😂😂 خليها اتجرب خويا قلبه ميت ما ايحب امغير ايكلم ويفوت
انا:ياخوفي ايفوتك حتي انتي زيهن
نور: اقهرك توا ايشوف 😈😈😈 وربي انمشيه ع طريق الصح
سندس: ياخوفي هوا الي ايخليك اتحبيه
نور:انجنيت انحب واحد زي هذا امتاع بنات
ابرار: ره خويا الي تحكو عليه 😂😂😂😂
انا: كان خوك ياقلبي 😏😏😏 ماهو حق نسونجي
نور:المهم توا اعطوني اسم حلو
اماني:ملاك محمد
نور:اي حلو خلاص بكرا نتصل بيه عاساس غلطانه
انا:تمام انا بنرقد الساعه 3 ورايا نوضه من 8
بيسان: ارقدي مرقد
سندس :اي صح ورانا نوضه حتي انا بنرقد
نور:تي بلا جو خلونا انهدرزو
انا:لا وين ياعمري امشي لي الدار الناتيه كان بتهدرزي نحنا بنرقدو
نور:به بنسالكن ريتو هاجر وهناء متغيرات مش زي قبل
اماني: والله صح لحظتهن ماعد ايهدرزن زي قبل
انا: مانعرفيش الحق بس
سندس:توا نحنا بنرقدو دخلناش فيهن يتغيرو ينحرقو توا طفي الضي وسكري وراك الباب
ناضت نور: تففف مافكنش جو هيا بنات
طلعت نور واماني وبيسان واريج
ابرار:الحق مش جايني نوم نمشي انهدرز امعاهن بكرا مش ماشيه انا
انا:ليش
ابرار:هكي ماعنديش جو خودولي اذن
سندس:والسبب
ابرار: والله هكي مانعديش نيه نمشي وانوض الصبح بدري
انا: تنباله
ابرار وهي تضحك 😂😂 : انا والنوم قصة عشق لا تنتهي
انا 😂😂 :به هيا وجهك من عليا بنرقد
طلعت ابرار سهرنات هدرزه وضحك لعند الفجر
رقدنا انا وسندس 😴😴😴😴😴

صباح جديد ع ابطالنا
وعيت ع صوت المنبه 7:30
نوضت سندس
وتيت روحي انا وسندس
انا:هيا سندس وقت علينا خلي انكلم امجد ولا بابا يرفعنا
سندس: مش عارفه علاش الايلاينر مايبش يزبط اوووووف 😡😩
انا: تعالي انديروهلوك
سندس: هههههه فحياتي ماعرفت نرسمه
انا:انتي حتي الميك اب ماتعرفيش اديري
سندس كشخت:اوووف نفس السطواته ماتعيش انتي
انا:غير اتبتي خلي نرسمهولك صح ياهمي
سندس: مزال كلها رسمه وانتي ساعه ترسمي
انا فنصت فيها:تي فوق مانرسملك مش عاجبك
سندس: هيا كملي
كملتها :تي علاش انقلب جوك
سندس:مانعرفش هكي مخنونه مش عارفه كانه النفس بنقطع عليا
انا:بسم الله اقري المعودات توا تتريحي
سندس :ان شاءالله بري انتي كلمي يوك هيا وقت
انا:تمام
مشيت لي امجد مابش اينوضلي
كلمت بابا قالي شوفي امجد ولا محمد
رجعت بنوض امجد ايخش محمد وحاط المنشف ع راسه
انا: صباح الخير
محمد:صباح النور
انا:امال بايت لوطه
محمد:اي كنت امكسد امع امجد لعند رقدت
انا:به ترفعني وقت عليا
محمد:تمام ديريلي قهوه نرقا نلبس وانجي
انا:تمام
طلعت درت قهوه لي محمد
خشت سندس رافعه السبيدرو في يدها :بالله امعاك فنجان قهوه انحس في راسي بينفجر
انا: توا ماكنش فيك شي
سندس: تعرفي خاطري نمشي ل قبر ماما هكي مخنوقه
انا:ادعيلها بالرحمه حبيبتي
سندس:الله يرحمها ويغفرلها يارب
انا:صبيت القهوه في المق اعطيت سندس ورفعت لي محمد انا مانشرب فيها
ورجعت نلبس في اسبيدرويا :هيا يا سندس وقت
سندس تتكلم من المطبخ: هيا جايه
لبست طلعت في الجنان لحقتني سندس وفي يدها الكيكه خبطت ع راسي: حيعلمها انسيتها
سندس تضحك:كيف تنسي الحب انتي
انا:تي اسكتي حتي امس بعد صار الموقف انسيت ماكلمته قتله في اليل انكلمك ولهيت امعاكن في الهدرزه
سندس: تي وربي حبيبه مايكلمه ولا يطمن عليه تعرفي لو انا مكان عمر مستحيل انكلمك
انا:تي اسكتي توا يسمعك محمد اتصير قصه تانيه
سندس:قصدك بيرفعنا محمد
انا: اي يافالحه
سندس:خيرك ماخبرتيني
انا 😒😒😒: خلاص توا اعرفتي
سندس : اقلبي وجهك قدامي مش عارفه اليوم تحرقيلي في دمي
انا:بالشويا عليك
جاءمحمد:صباح الخير سندس
سندس من غير ما تلتفت عليه :صبح النور
هيا وقت علينا
طلع محمد
انا:راجي سندس نتكلم بصوت واطي خلي نبعت رساله لي عمر بعتله ( صباح الورده حبيبي انا توا طالعه نتلاقو بعدين زي ما اتفقنا حبيبي) سكرت التليفون ولحقتهم

محمد: ليش عطلتي
انا: كنت انعدل في وشاحي
ركبت جنب محمد وسندس من الخلف
وعم الهدو في السياره لعند وصلنا المستشفى
نزلنا ومشا محمد

خشيت انا وسندس فات الوقت كله في الشغل جت الساعه 10:30
امقعمزين انا وسندس انهدرزو رن تليفوني وكان عمر
رديت
انا:صباحو ياقلبي
عمر بجفاف: صباح النور
انا:شنجو
عمر: من ربي يخير
انا: عمر خيرك
عمر: وينك امس وانا انراجي لعند الساعه 5 من خوفي عليك ماقدرتش نرقد ولا نتصل كل ما انجي بنتصل انقول لا مرات اتصير مشكله خيرك ازف ماتحسي بيا
انا: اسفه وربي انسيت رقدت 🥺
عمر:شن بندير بي اسف امتاعك انا خايف عليك وانتي راقده عندك الحق مايهمك عمر انتي ينحرق ايموت
انا:بالشويا عليك صبح علاش ادور في المشاكل انت
عمر :توا انا طلعتيني امتاع مشاكل
انا:انسكر احسن انا
عمر: اتسكري ياويلك
انا: شن بدير ان شا الله
عمر: وربي انجيك واتشوفي
سكرت عليه ماخليته ايكمل كلامه سكرت
انا:اوووووف خيره المصيبه هدا
سندس:خيركم
انا:مش عارفه متعصب عشان ماطمنته عليا امس وانتي تعرفيه بعد ايعصب يقعد ايفلم بس سكرت خير من تكبر
ما كملت كلمتي الا وعمر فاتح الباب بقوه زي الثور
انا: من سمحلك تفتح الباب هكي
عمر:،سندس لو سمحتي نبي الهانم ابروحها
انا:عندي اسم
سندس :تمام وطلعت
انا:علاش خاش عليا هكي
عمر: مش قتلك ما اتسكري
انا:انت بعد تعصب تبدا التفلم
عمر:لو بعتي رساله وطمنتي مكانش صار هي وربي مش امفوتها لك باساهل وقرب مني
انا :عمر بالله اطلع مانعديش لك جو
قرب عمر وحط ايديه ازوز ع حاشية الصالون (عرفتوها)
انا قلبي ايدق :عمر لو سمحت اطلع
عمر: لو ما طلعت شن بديري
انا :بنتكلم بس انتفح الباب اعيوني طلعو من مكانهن
شد عمر طاح فيه ضرب اعطاه طريحه نباش القبور
وانا نبكي
هو: طحتي من عيني يافاطمه اخساره تقت هلك فيك

انا من قوة الصدمه والخوف لعند اغمى عليا

#يتبع النصيب اقوه من الحب الحلقة الرابعة

اترك رد

زر الذهاب إلى الأعلى