النصيب اقوه من الحب الحلقة السابعة | القلم الناجح
روايات ليبيه كاملة

النصيب اقوه من الحب الحلقة السابعة

جميع حقوق الطبع والنشر محفوظة

 

#النصيب_اقوه_من_الحب

#الحلقة_السابعه

______✍️الكاتبه Meroo Ahmad ✍️_______

🌹»”قراءة ممتعة” »🌺

هاله: اي اوصلت نزلت من السياره خالتي افتحي الباب
بسمه: هيا

بسمه طلعت من حوشها فتحت الباب
بسمه: هلا هلا نورتي
هاله:النور نورك اخويله
نزلت هاله شنطه كبيرا
خشن وهن يضحكن ويهدرزن
بسمه تضحك:تي هم يومين بتقعدي فيهم امعايا جايبه شنطه هكي كبرها
هاله:😂 ماهو تعرفيني دبشي واجد ومهتمه بنفسي واكريماتي مانستغنه عنهن
بسمه: هو اسبوع بس وتروحي ماقتلك اسكني
هاله:خلي الواحد يتريح اشويا من بيت الفقر 😂😂خلي انعيش في العز اشويا 😍😍
كانت اتشوف في احيشنا كيف راقيه

ستوب خلي نحكيلكم اشويا علي شكل 🏠

كان حوش جدي في النص كبير وجنبه مربوعه كيبرا نظام جناح ابروحه
من اليمين حوشنا كان علي دورين فوق منا محمد الدور التاني كان نظام شقتين
جنبه حوشنا كان حوش عمي عبدلله حتي هو نفس نظام حوشنا دورين والدور التاني شقتين

من اليسار حوش جدي كان جوش عمي عبدالرحمن بات سند حتي هم كان علي دورين بس الدور التاني نظام شقه وحده
وجنبه حوش خالتي غاليه
كان حوشها عادي
في نص الجنان كبير وكان مقسوم فيه تقعميزه شبابيه
ومن الجيهه التانيه نسائيه
فيه قوراج كبير

نرجعو لي روايتنا

بسمه: تضحك اش اش ع الحسد
هاله: 😂😂😂😂😂
خشو لي الحوش

هاله اخت وعد وموليد 95 هذي الحسد ايبان من اعيونها خاشه علي طمع
عيلة وعد
خوها مصعب وموليد 89 اشر منها يعبدو في الفلوس عباده ولد ضايع حشيش وسكير وكل حرم ايدير فيه
وايمان موليد 97 بنت طيبه و بسيطه تختلف علي خواتها ماتحب المظاهر وماعندها اختلاطات واجد
امهم ليلي مره طيبه بس طايح بيها زمانها مريضه اتعاني مره ضغط مره سكر مافيش من داري عليها غير ايمان اتعاني فيها

ميرو: حسها غمتلي منهم العيله هذي ما اتجي من وراها غير المصايب
نور😂😂: حي ياميرو حتي انتي تكرهيهم زي
ميرو: 😂😂 واشر منك
نور: 😂😂😂 تعرفي خاطري نقتلها وعد الكلبه
ميرو: بعد خطرها شن صار فيك انتي وخالد
نور: تعالي توا نحكيلك بس ماتخبريش الفانز امتاعك
ميرو: حرم 🥺🥺 خليهم يعرفو ايحبوك هلبا هم
نور 🥺 : 🥺🥺 ياروحي قريب نبكي توا نحكيلكم حتي انا انحبكم
ميرو: اسكتي بلا كذب😂😂😂
نور:تي والله مانحكيلك تعالو يافانز اني نحكيلكم ماتحكوش لي ميرو تمام
ميرو: 😒😏😒😒 ياغبيه ماهو انا الي نكتب في الروايه
نور: حسيتك طولي هلبا ياميرو😏
ميرو: 😂😂 والله حسيت حتي انا
نور:😂 تي بري كمليهم اكيد يبو يعرفو شن صار في الزرده
ميرو 😒😒: ماشيه بلا لزان

نرجعو لي الروايه

عند البنات

بيسان: يا بنات شن نرفع امعايا
نور:ارفعي الي ايجي قدامك
بيسان: اوووو شكرا ماكنتش نعرف
انا:هههههه هو جدي قال اسبوع صح
سندس: اي حي عليا ما وتيت دبشي
نور: شن اتراجي امشي بسرعه
سندس: اي صح خلي نمشي نتلاقو بكرا حبيباتي
انا:باتي امعانا انكسدو امع بعض
سندس: منقدرش حبيبتي امس بايته
نور: تعرفو يابنات عندي الحل
انا: شنو
نور: تعالي نمشو لي حوش اجديده كلنا انباتو غادي مافيش حد ايمانع انكسدو
اماني: اي صح لينا فتره مابنتا غادي
بيسان: اي خلي انكلم هاجر وهناء حرام
انا:كلميهم خلي انكلم ابرار واريج
سندس: تمام نمشي انوتي دبشي ونرفعه امعايا بالمره نلبس في حوش اجديده ونطلعو
انا :اي صح فكره

كلمت البنات واتفقنا
درنا هجوم علي اجديده 😂😂😂 مسكينه انصدمت رافعه شنطه هكي كبرها 😂😂😂

اجديده: مرحبتين بي بناتي
اريج: درنالك هجوم يا اجديده استقبلينا
اجديده: الحوش حوشكم انا بنمشي نرقد
تصبحو علي خير
كلنا: وانتي من اهل الخير

نور: والله اجديده تفهم في الجو 😂😂😂
تعرفنا جاين بنكسدو ونهدرزو
فرشنا كلنا بجنب بعض

سندس:هههههههه به توا شن انديرو
ابرار: نور يافرخه شن صار امعاك امع خالد
اماني: حي علمها خوك طاح بوجهه 😂😂😂😂
ابرار: عارفه خويا خفيف 😂😂😂
نور: احكتلها كل شي
انا: بنات تعرفو بكرا نرفعو امعانا دربوكه انديرو شوط غادي خاطري انعيط
اماني : احلى شي في الزرده ايخلوك علي راحتك اتعيط تنكلب ما حد ايكلمك
نور: اي متحلى الزرده الا بي الدربوكه

سندس: انا شوري اندربك 😂😂😂
انا: بيسان صح كلمتي هناء وهاجر ليش ما جن
بيسان: قالن مايقدرو ايخلو امهم ابروحها
انا: اها صح
نور:هههه احسن تعرفو خالد من امبدري ساكنلي اتصال وراه اتصال مانردش 😂😂😂
ابرار: وانا انقول خيرا خويا قرنها مانزلش تليفونه من يده ومعصب 😂😂😂
نور: ماشافش شي مزال وربي انبهدله
انا: رد بالك انتي اطيحي في شر اعمالك اتحبيها وايفوتك هههههه
نور: انحب قهرته
بيسان: بنقوللكم حاجه ماتهزبو
سندس: شن دايره من عمايل
بيسان: تعرفت علي ولد ع النت
اريج: بيسان اتحب من ورانا 😂😂
انا: امتي ومن هو وانا اخر من يعلم
نور: 😂😂😂 اسكتو خلي البنت تحكي
اماني: نفسه الي خبرتيني عليه
بيسان: اي
انا شبحت في بيسان واماني: خزي ليش ما خبرتينا
بيسان:به اسكتو توا انخبركم
تعرفت عليه من النت اسمه ايوب موليد 90 يخدم في النفط يسكن في شارع ### لي عيت $$$$$
اريج: به هو حلو ولا شين
بيسان: 😍😍 ايهبل حبيبي نا اكيد حلو
انا:امتي تعرفتو
بيسان:قبل 4 اشهور نحكو شات بعد انحصل فرصه انتصل بيه
انا: 4 اشهور ومانعرفش تف تف 💦
نور:متاكده ايحبك
بيسان: اي تعرفو يا بنات ايهبل وحنون تعرفي ايخاف عليا ومايبي يحكي امعايا صوت خايف يكبسوني
ابرار: اطلع يا امخبي من تانيه اتحب
انا: تعرفو قصتي
سندس: حتي انا تعرفو 💔 مافيش غير محمد خدا قلبي
اريج: انا سنقل 😂😂
ابرار: وانا سنقل
اماني: سنقل امعاكم ماعنديش وجيج لي الحب
نور: وحتي انا ماعنديش
ابرار: تي اسكتي خير واضح طايحه في خويا والله مش وخدتك له 😂😂
نور 😒😒: حسستيني ميته علي خوك البنسونجي
ابرار: وعلاش اتكلمي فيه
نور: نبي انربيه بس يامريضه
ببسان: باهي اسمعني
انا:ها
بيسان:ايوب يبي ايشوفني
سندس: ان شاء الله بتبعتي صورتك
بيسان: لالا هو طلب ايشوفني في مكان عام
ابرار: به بعد امروحو توا انشوفو حل 😂
نور: بنات خالد يتصل شن اندير
اماني: ردي وافتحي المايك
نور: وحده اتكلم ولا تضحك ياويلها مني
انا:غير ردي بس
فتحت الخط
نور: كنك سكنت انت
خالد: ارخي اعصابك ياحلو
نور 😒: شن تبي متصل بيا في اخر اليل
خالد: رايفت علي صوتك
نور: 😂 والله
خالد: ليش ماتردي عليا
نور: عليش انرد مانعرفك انا
خالد: انا خالد نسكن $$$ ومن عيت $$#
هكي اعرفتني
نور: تؤتؤ مانعرفكش انا
خالد: عادي توا نتعرفو
نور: مانبي نتعرف انا
خالد: شن اسمك ياحلو
نور: امممم ملاك
خالد: وربي ملاك اسم علي مسما 😍😍🤤 يناعليا
نور:به بنسكر انا 😏😏😏
خالد: ليش
نور: انت واحد فاضي شكلك امتاع بنات
خالد:لا والله انتي اول بنت انكلمها ارتحت لي صوتك
نور انصدمت 😳😳😳😳حي ع الكذب وفي خاطرها وربي اتشوف ياخالد
نور:واضح من سكنانك امتاع بنات
خالد:توا كان جونا حلو به موليد الكم يا ملاك
نور: 98
خالد: العمر كله ياسمحه
نور::امتي شفتني انت
خالد: واضح من صوتك سمحه
😂😂😂 انا وموليد 95
نور:بطولت عمرك
خالد:وعمرك يارب

وقعدو يتعرفو علي بعض ويهدرزو

اما نحنا كل وحده رقدت لانه ورانا نوضه الصبح وطريق طويله

نور:انا خلاص انعست بنرقد
خالد: تصبحي علي خير ياملاكي
نور: انت من اهله
وسكرت

بعتلها خالد رساله
أنتي بدايـۃ ڪلّ التفاصّيلِ الجَميلـۃ ،🍭💗ٍّ

قرتها نور ورقدت

صبح جديد

اجديده: هيا نوضو سلم بناتي وقت
نضنا كلنا وهجوم علي الحمام (اكرمكم الله)

كل وحده وتت روحها لبسنا
نور: اني بنمشي لي المخزن بنرفع الدربوكه
انا:به
سندس: هيا نطلعو كلهم ايراجو
ابرار: هيا نمشي نرفع الكيكات من الثلاجه
بيسان: اي حتي بنمشي هيا
طلعو امع بعض

طلعنا لي الجنان القينا جدي وبابا وعمامي كلهم
وتينا كل شي حطوه في السيارات

خلي نختصرلكم

بابا ركب امعا جدي واجديده وماما

ومعتصم امعا عمي عبدلله ومرته
وايهم عمي عبدالرحمن مرته بسمه وتنسيم وهاله

ومحمد امعاه وعد

امجد خويا كان امعا خالتي غاليه وهاجر وهناء
وخالد امعا ابرار واريج ونور
وسند امعا سندس وانا وبيسان واماني

وناصر امعا عمتي ابتسام وعبير وسجى

كانن السيارات وراه بعضهن

طالع خالد من روشن السياره
خالد: ياشباب سباق انشوفو من يوصل الاول
سند: تم يا طيري تالقوني قبلكم
هم يتلكمو انشوفو سيارة ناصر طايره 😂😂😂😂

امجد: تي الفرخ يحساب بيفوز
انطلقو كلهم بسرعه يبو يصلو في ناصر

سندس: وووه عليا سند باشويا بتقتلنا
انا: ع اقل ولعلنا اغاني
سندس:تي بنموتو انتي تبي اغاني
اماني: سند ما اتخليهم ايفوتونا
انا: اي نبو نحنا انفوزو
ولعلنا سند اغاني ع الاخر وعله السرعه قريب نوصلو في ناصر
سندس خايفه بتموت من السرعه

نور: حي سند فاتنا يا خالد
اريج: نبو انفوزو نحنا
خالد: تي اسكتو خليني امركز ع الطريق
نور: يارتني ركبت امع سند
خالد 😒: وعلاش ماركبتي امعاه
نور: ماهو انا الغبيه الي راكبه امعاك
ابرار: تي خلاص انت وياها علقت ابرار اغاني
وقعدن ايهدرزن

عندنا نحنا
اوصلنا في ناصر

سند نزل القزاز : بيصوت عالي عيب ياناصر اتغش
ناصر بنفس علو الصوت: ماهو كان قعدت نرجا فيكم اتكلمو راه قعدت اخر واحد
سند بكل تقه: مش حا توصل قبلي
ناصر: اتعاند
سند: ضحك انت الخاسر
وزاد السرعه سند
وفات ناصر 😂😂😂
ونحنا نتعايطو من السرعه قعد سند يستاج في السيارات قريب تنقلب بينا السياره

واخرا اوصلنا قبلهم

نزلنا انا والبنات مدروخات 😂😂😂😂
سندس: وووه عليا بنموت
اماني: التوبه معاش نمشي امعاك ياسند
سند يضحك ويشفولنا
سند: امهم وصلنا قبلهم
انا:وشن الفايده اشويا ومتنا من وراك
رجينا قريب 10 دقائق بعدها وصلو
كان خالد وبعد ناصر وبعد امجد ومعتصم
بعده عيت محمد وايهم وبابا

خالد: 😂😂 وين الغشاش حتي ياريته فاز
ناصر: والله عمتك دارت فيا العمايل هدا علاش هديت
سند:يضحك ماحد يقدر يغلبني 😌
امجد:انا اصياح هل الفرخات كان هذا فزت
سند:هههههه تي كلكم طلعتو عذر ماتبو تعترفو
الشباب يضحكو
اجديده:تبو اتخلونا برا
سند: المفتاح عند جدي
عطا جدي المفتاح لي سند
جدي: يافروخ معاش تجرو الدينا جابت مافيها
امجد: ياجدي مافيها شي
جدي: اسكت يافرخ كله من تحت راسك ياشيطان
امجد: والله ياجدي غالط انا ملاك مش شيطان

خالد ادكر طول الاسم ابتسم نور كانت امركزه عليه

جدي: امشي عن وجهي يامصيبه
امجد: والله قاعدلك اسبوع في وجهك 😂😂
ونحنا نضحكو عليهم
فتح سند الباب خشينا ودخلو الشباب السيارات

قعدنا انرتبو في الدبش في المطبخ
قسمنا ارواحنا الي ايحطن الفطور والي اتنضم كانت الاسترحه كبيره ونضيفه لانه قبل لانجوها نضفوها

الشباب كانو ايعبو في المسبح اميه
وتينا صفرت الفطور كانت الساعه 11ونص
طن جميع انواع الجبنه ودحي مقلي ومطبوخ وزيتون واسلاطات وعصير وشاهي وفواكه من جميع اصناف
شكلنا صفرتين اكبار وحده لينا والتانيه لي الشباب

فطرنا ولمينا الحوسه خشن ماما وعماتي ايطيبو الغداء نحنا طلعنا جيهة الشباب كانو امقعمزين جنب المسبح

امجد:امتي ايجي العصر خاطري في اشويات
اماني: حتي انا والله
امجد: تي ماسد زقبتي امعايا وجينا جميع ونفس اليوم توا حتي الي في خاطري بتشاركيني فيه يافرخه
اماني: انت امشاركني انا جيت قبلك واكبر منك بي 5 دقائق 😂😂
امجد: غير اسكتي انا الي اكبر منك غير لخبطو قالو البنت نزلت الاوله 😂
كلنا نضحكو علي عركتهم لانه ديما يتعاركو من جا قبل
ناصر: خاطري في عومه من ايخش امعايا
خالد: هيا خاش امعاك سلح خالد تشرته وزقب في المسبح ولحقه ناصر
انا:خاطري فيه ايسفه يابنات
بيسان: خلي بعدين انخشو توا شمس ننحرقو 😂😂
سندس: بعدك انا لو خشيت نبدا سوده زي مره لمه خشينا البحر
نور:😂😂😂😂 تي مضرك عاررر بعد روحنا
سندس:والله اتعبت لين طلعت ضربة الشمس

سند:توا احنا شن جايبنا جنب الصبايا
امجد ومعتصم ;هنا الي جنا مش نحنا
سند بيتكلم
جت وعد وهاله اختها
هاله: هاي شباب
صبا سند: هيا شباب لحقو ناصر خالد دايرين جو في المسبح

نور بصوت واطي: شن جابها المصيبه هي واختها
انا: مانعرفش
هاله: كيفكم بنات
ابرار:تمام
قعمزت هاله جنبنا: قداش حلوه عيلتكم
نور: قولي ماشاء الله قل اعود باربي الفلق في عين الحاسد👁️🖐️
هاله 😒😒: ماشاء الله
اريج تبي اتغير الجو : يابنات وين الدربوكه
اماني: توا انجيبها
سندس: اجري
جابت اماني الدربوكه اعطتها لي سندس
سندس ادربك

سندس : كيف السيل يجيك عشمناا
ماتربح يلى ظالمنا 😏🙂🤙🏻

قعدنا انصفقو
كيف السيل ايجيك عشمنا
ايجيك عشمنا
ماتربح يلي ظالمنا

نور:صوب الدوني موش لهن🥺💕
انظاري ع العز تربن👏👏

نحنا:الصوب الدوني موش لهن
مش لهن
انظاري ع العز تربن

انا:في عرب لوطه تبينا
لكن نحنا فوق رقينا

ئحنا:في عرب لوطه تبينا
لوطه تبينا
لكن نحنا فوق رقينا

نور:انظاري تمنا شهدرات😏🙂
ع سواق حافلات😂

نحنا 😂😂😂😂😂😂
ابرار: سواق حافلات 😂

نور: خزي هيا انكملو
اماني:هدي ليك يادوسه

اللي طال البيضاء الشرهابه 😌👱
….مايخمم كان جوها اصحابه👌👌

سندس: حي حي 😂😂😂

وعد 😒: الحوش إلى ما فيه احميده
ماندوروش عليه كبيده

اريج: عطها بمبة غاز اتسرب..
هلي بين الناس اتخرب🤜

نحنا: هلي بين الناس اتخرب
الناس اتخرب
عطها بمبة غاز اتسرب
نور:اقوي عليهم

اريج: ولعت ياحي عليها
ولعت ويش ايطفيها

نحنا ولعت يا حي عليها
ولعت ويش ايطفيها

حي حي 👏👏👏

نور: ولعت ياحي عليا
ولعت مافيش اميه
حي حي

ولعت ياحي عليا
ولعت مافيش اميه

سندس: ولعت في اخيوط الضي 😂😂
ولعت ماخلت شي
😂😂😂

حي حي 👏👏👏حي حي
ولعت في اخيوط الضي
ولعت ماخلت شي

حي حي 👏

درنا شوط مش عادي

عند الشباب

خالد: حي علمها شوفو البنات شن امدايرات
ناصر: تي من الي امعاهن
امجد: اخت وعد مرت محمد
ناصر: وخيرها لصقه هكي
خالد: تي شن دك راسها امعانا
سند: تالقه كله من راس خالتها
خالد: مصمت جدها هل البنت
امجد: راح الجو كله امع البنات
سند:😂😂😂
معتصم: انت عقلك امع البنات 😂😂
امجد: والله فيهن جو مش زيكم
خالد: تي بري يا$$$#
امجد: ليش الغلط توا
قعدو الشباب يتعيطو وايغرقو في بعض

نحنا وقفنا قعدنا انشوفو فيهم
كان خالد ايغرق في امجد
وسند ايغرق في ناصر ويضحكو

اشويا جتنا ماما قالت تعالو لي الغداء

في العصر

انا:……….
سند:……..
هاله:………

سندس:……
محمد:…….

نور::……..
خالد:…….

#يتبع

اترك رد

زر الذهاب إلى الأعلى