روايات ليبيه كاملة

النصيب اقوه من الحب الحلقة 11

#النصيب_اقوه_من_الحب

#الحلقه11

________✍️ الكاتبه Meroo Ahmad ✍️________

🌹»”قراءة ممتعة” »🌺

سندس كانت شبه دايخه
سندس: اكويسه خليك جنبي
محمد: قاعد جنبك ماتخافي
سندس كانت تتكلم مش واعيه: محمد نحبك ليش خليتني وتزوجت ليش وقعدت تبكي واتكح
محمد انصدم وافرح يبي يستغل الفرصه ويتاكد من حاجه : كيف ومن امتي اتحبيني
سندس 😴: اوعدني محمد ماتخليني ابروحي خايفه
محمد بخواف وحنان: من شنو خايفه
سندس: خايفه في امره تلحق فيا تخنق فيا يامحمد اتخوف 😭
محمد: اهدي انا جنبك قعمزها وجبدها في حضنه
محمد : اص علاش البكي توا ومسحلها دمعتها خلاص توا خلينا نحكو
سندس كانت اتبحت فيه واعيونها واضح عليهن ارهاق وتعب: مخنوقه يا محمد مضايقه
محمد: خيرك بسم الله
سندس: انت قتلتني وقتلت كل شي حلو فيا حبيتك حبي ليك قتلني حبيت حب من طرف واحد دمرني
محمد: ماكان حب من طرف واحد حتي انا حبيتك ياسندس مش من توا من لمه كنا اصغار حاولت قربتك منك وشاركتك كل شي بس انتي الي حبيتي غيري اسمعت بو اذني تحكي علي مشاعرك لي تامي اختي اتقوليها انحبه ياتامي ايهبل مانقدرش انعيش بلا ضروري كل يوم انشوفه ونحكي امعا
سندس: تعرف الشخص الي كنت نحكي عليه هو انت حتي انا حبيتك من لمه اصغار عشقتك قلبي كتبته بسمك حتي بعد تزوجت انت ماقدرت ننهي هل الحب ماقدرت ننساك ولا انحب غيرك

محمد ادكر اليوم الي سمع فيه سندس كانت وعد قاتله تعال اسمع سندس الي رفضتني علي شانها اهي اتحب غيرك فا وعد لعبت لعبتها ولعبت في راس محمد قتله ازوج انت قبل لا هي تزوج وتحرق قلبك مرتين فامحمد كان مكسور وجروح خطب وعد علي طول طلع الفرح مش لانه حبها او اي شي توا عرف وعد انه تكذب عليه

محمد مسك وجهه سندس بي ايديه: اهدي حبيبتي والله توا انصلح كل شي خربته وعد مني توا انتي مريضه ماتعبي روحك
سندس: انت كسرتني وجرحتني مستحيل يصلح شي توا انت متزوج
محمد: وكان متزوج الي متزوج ما ايطلق اصلا انا ويها مش متفاهمين ولا عمري حبيتها و حتي بعد نقرب منها نتخيلك انتي ونزل راسه 💔
سندس زادت في بكاها 💔 : معاش يصلح شي يامحمد
محمد: وراسك يصلح مادم انحبك وانتي اتحبيني ومافيش حد يوقف في طريقنا المره اولى ضعتي من يدي بس المره هدي حتي لو اطر الامر نخطفك نخطفك لانه سعادتي امعاك انتي بس نحبك قطوستي
سندس: ليا زمان ماسمعتها منك
محمد ضحك: توا تسمعيها لين اتملي احلى قطوسه شافتها عيني وعضها علي خشمها
سندس: تي بطل
محمد:مش حانبطل لين اتوقفي ادموع
سندس: مانقدرش خاطري نبكي
محمد: تي كنك نكد هكي اضحكيلي نبي انشوف غمزاتك
سندس ابتسمت بتعب بانو غمازات
محمد ضحك وحط صبعه في حفرة الغمازه
محمد: فديت انا الغمازه قداش انحبهم
سندس ضحكت:مزال نفس عادتك ماتغيرت
محمد:مش حا نتغير كل ما انشوف غمزتك نذوب فيها
سندس 🥺🥺:اتعبت انا محمد
محمد: خلاص هانت صبرنا واجد خلاص مسائلت وقت بس وناخدك نزوجو مستحيل لمره هذي انخليك اضعي مني وعد احسابها امعايا غير انروح حا انطلقها مش حا تقعد علي ذمتي اكثر من هكي ساد ضاعت سنه من عمري امعاها
سندس 🥺 كانت مش مرتاحه: بس الكل حايرفضو
محمد: لو رفضو سند حايفهمني ناخدك ونسافرو انخلولهم ليبيا كلها اهم شي انتي امعايا المره اولى ماحاربت علي حبي وضاعت بس توا اندير كل شي عشان اتكوني امعايا
سندس حست بانه ايحبها بجد مكانت تتخيل اول تحلم
سندس: توعدني مش حاترخي بيا واتخليني
محمد: والله وعد انتي الي ماتخليني خلي انحاربو علي حبنا لعند اخر لحظه فعمرنا
سندس: انحبك
محمد باس راسها: نموت فيك ياقلبي ❤️ نعشقك قطوستي
سندس ضحكت
محمد: ربي ما يحرمني من الضحكه

انفتح الباب وخشت تنسيم انصدمت في محمد كان امقعمز وسندس راقده في حضنه وايده كانت في شعر سندس والتانيه شاد في ايد سندس

تنسيم انصدمت: محمد شن ادير هنا انت
سندس:بعدم اهتمام مادخلك
محمد: كنت انهدرز علي سندس ونقرالها في قران
سندس ابتسمت
تنسيم بحقد: هذي اميه واعشاب درتهولك اجديده
سندس: مانبيش شي
محمد: جبيه ياتنسيم توا نعطيه ليها
تنسيم: به اعطاته ليه وطلعت تجري بتخبر وعد

محمد قعمزني: هاك اشربيه
سندس: لالا مانبيش
محمد: عشاني اشربيه توا اتصحي
سندس: والله مانقدر ريحته اخي
محمد: اشربيه دفعه وحده هيا توا تتريح
سندس 🥺: به
رفع محمد الكاس بيشربه ليها
اول ما حطه علي فمها شربت منه اشوايا 💔 تفتح وعد الباب الدار بقو
محمد انخلع وحتي سندس انخلعت كبت باقي الي في الكاس
وعد: شن ادير امع الهانم هذي
محمد مارفع عينه فيها ولا اعطاها اهتمام; اطلعي سكري وراك الباب صوتك مانبيش نسمعه
سندس فضلت تسكت ومحمد يحكي
وعد: فهمني تتمعشقو من ورايا
محمد: ماتمعشقنا من وراك اهو قدامك جبد سندس ليه وباسها بقوه 💋
سندس انصدمت حتي بعد كانو ابروحهم ماتجرئ ودارها بس كيف قدام وعد

وعد انصدمت ماتوقعت ايصير هكي وقدامها اخرا
وعد: خزي حقير انت وياها وانتي يا بنت سحر وربي انشوف فيك يوم حسبي الله نعم الوكيل فيكم
(علي اساس تعرف ربي هي)
محمد: ضحك خلاص وضح كل شي ياكذابه اقلبي وجهك من عليا نكرهك ايكون في علمك اول ما انروحو بنطلقك معاش تلزميني
وعد زادت صدمتها ماتوقعت كل شي ينقلب في لحظه
وعد:بتتكلم
بس الي وقف حوارهم سندس بعد شمت ريحة الميه الي في الكاس الي جابتها تنسيم كبدها زعمت وبعد شربت منه زاد اكثر لانه ريحته قويه طلعت تجري لي الحمام اترجع (حشاكم)
وطلع محمد وراها
طلعت سندس تعبانه اكثر من الاول
محمد: انتي اكويسه سندس
سندس بتعب: اي
خشت في الدار الي فيها اجديده ماتبيش ترجع لي الدار التانيه عشان وعد ماتبي اتناقش امعاها

طلع محمد
وعد تغلي ابروحه وخايفه اول شي من انه محمد ايخليها وتاني شي خايفه عشان سندس ماشربت الكاس كامل ضروري تشربه كامل قالتها المره
اتصلت في المره وحكتلها قتلها اهم شي شربت منه

كانو خالد ونور ايهدرزو بس ملاك 😂😂😂😂 راكم تتلخبطو

خالد: شنجو
نور:تمام وانت
خالد: اهو ماشيه
نور استغربت: خيرك
خالد: شي بس مضايق
نور:ليش
خالد: هكي
نور:شن السبب قبل اشويا اتهدرز مافيك شي
خالد:بنحكيلك بس ماتضحكي
نور ضحكت: به لو ايضحك بنضحك
خالد: خلاص مش قايل
نور:خلاص سكتت احكي
خالد:صح انا نسونجي وانكلم في البنات واجد بس كلهن عارفتني امتاع جو مش جدي امعاهن وامتاع بنات
بس عمري ما وعدتت بنت بالزوج ليا ايامات الي تتصل بيا انفوتها وقطعت علاقتي امعاهن بس قبل يومين اتصلت بيا وبنت وحكالها علي ملاك (الي هيا 😂😂😂)
مش عارف هكي تعلقت فيها الوحيده الي توا انكلم فيها تعرفت عليها اكويسه مش عارف قلت بنسكر سريب البنات ونتبت عليها هي 😏😏
نور انصدمت ماعرفت شن اتقول : اكويس بكل انه ضميرك فاق وضحكت
خالد شبحلها بربع عين 😒😒: شنو امال قبل ميت مش قلنا مانبوش ضحك
نور ضخكت:والله مش امصدقه انت تتبت علي وحده وتحبها واتفوت وجيج البنات
خالد ابتسم: في اتقولي ربي بعتها ليا انه انثوب علي حبها هو صح بداية اعجاب
نور 💔: اها ربي يحفظكم
خالد:اكيد استغربتي كيف انا نحكيلك اول مره
نور: اي
خالد بيتكلم بس جت ابرار واريج قعمزو جنبهم ايهدرزو

نور تغلي من داخل تبي تعرف ليش حكالها شكت في حاجه بس استبعدتها مستحيل اتصير

انجو لي شخص مادكرنا اقريب

عمر: تعرف سند الفلاني
الشاب 😏😏😏:اي نعرفه
عمر:هذا الكلب الي قتلك عليه نبيك اتصفيه ليا
الشاب 😉😉:كم تعطيني
عمر:هاك5000 توا ونعطيك 5000 بعد ايموت
الشاب ضحك ورفع الفلوس: اعتبره تم
عمر:اهم شي نبي شغل نضيف وماحد يعرف
الشاب ضحك: تم ولا ايهمك
طلع عمر فرحان

الشاب الي كان امع عمر
رفع تلفونه
الشخص:ايو
الشاب: عندي ليك خبر
الشخص:شنهو
الشاب:ضروري انتلاقو
الشخص: انا توا مش في البيت تعالي في المكان %&&
الشاب: تم ياثعلب

كانو الجو عادي عندنا كل شخص لاهي في روحه

سند: شن قلت ياجدي وانت ياعمي
جدي: والله الي ايريحكم ديرو
سند: وانت ياعمي
بابا: والله انا اموقف بس ضغط شهر خلي شهرين احسن
سند: تمام الي يعجبك ياعمتي حتي بعد شهرين اكويس بس نبي نقرا الفاتحه امع الخطوبه
جدي: اكيد هذي اول شي مستحيل تخطبها بلا فاتحه
بابا: تمام ربي ايهنيكم حطها بين اعيونك
سند: ماتوصي ياعمي فاطمه في اعيوني
بات سند ولا كانه موجود ولا كانه ولده الي بيتزوج ولا بنت مريضه مايندري عنها 💔

كنا في الجنات انهدرزو والجو كساد وملل
نور: اوووف ملينا
ابرار: مانحساب انملو هكي بسرعه
انا: بلعكس الجو سمح
بيسان: الجو سمح عندك انتي ام المقبالات
انا: خزي كله مرتين الي حكينا فيهن
اماني: تعرفو يابنات انا وناصر امبدري حكينا
نور: زرقت عليك اتكلمي فيه تعرفي لو انتبهلك امجد قيامتك قامت
اماني ضحكت: والله مادرنا شي حكينا عادي
بس طلب يحكي امعايا علي الفون وخدا رقمي
نور: اكويس دار خطوه 😂😂😂😂 في امل يطلع رومنسي الفرخ
اماني:هي احترمي روحك علاش اتقوليه فرخ
نور ضحكت: تفضلو تو بدافعلي خطيبي ما خطيبي راجلي وابصر شنو 😂😂😂😂 تي اسكتي
اماني: عندي حق اندافع عنه
ابرار تضحك: ونبي اسكتي خير
سكتت اماني مش عاجبها
انا:تعرفو يا بنات ايهبل سند مانحساب سند هكي خدا كل تفكيري وعقلي انسيت حاجه اسمها عمر مانعرفش كيف حبيت شخص كيفه حقير تعرفو ماوجعتني خيانة ولا كذبه عليا بلعكس فرحانه انه ربي عوضني بسند انه كسبت راجل زي سند ايحبني وايخاف عليا
بيسان: ربي يحفظكم وايهنيكم انا قتلك من البدايه مش متريحه لي عمر
ابرار: اهم شي توا تخلصتي منه توا حافضي علي سند رد بالك منه في العيون عليه
بيسان: من
نور: ماشفتي هاله كيف الحقد طالع من اعيونها
انا: ماتقدر ادير شي سند ايحبني يعني ماعندها اما ادير
ابرار: حي ما حكيتلكم
نور: خيرك
ابرار: قبل الغداء طلعت مش منبهه قلت اكيد الشباب كلهم في المربوعه الشباب المهم انا طالعه نخبطلك في صاحب سند
انا: قصدك حمزه
ابرار: اي تعرفي ايهبل وشخصيه ولحيه وجمال كبدت ياناس
اريج: حي عليك مرت خاطب او متزوج ولا عنده حبيبه
ابرار 💔💔: تي علاش حظي هكي 😂😂😂
نور: خلي نحكيلكم شن قالي خالد قبل لا اتجي يا وجه الفقر
ابرار شهقت: انا وجه فقر ياكلبه
نور ضحكت : اي المهم وحكتلهم كلي شي
انا:حي عليك شكله عرفك
نور: مستحيل وكيف بيعرف
اماني:لالا اكيد عرف حي حي وتضحك قتلك ماتلعبي امعا
نور: خري كلبه بس ماعتقدش
انا: ردي بالك
ابرار: يانعليا ياخويا
نور: تسكتي خير
قعدو البنات ايهدرزو اشويا بعد خشو لي سندس ايهدرزو امعاها عادي لانه كانت ماما واجديده وعماتي وهاله وعد
حطو العشاء وتعشينا
مافيش اي جديد

الصبح

ناضت سندس تجري لي الحمام اترجع (حشاكم) نسمعو في خبطه في الحمام قويه

وعت عليها اعميمه ابتسام
فتحت الحمام عيطت
عمتي ابتسام جرت لي سندس :سندس ردي عليا وتضرب فيها علي وجها كانت سندس غايبه عن الوعي

عيطت عمتي ابتسام: ياامي يا سند الحقو عليا
فقنا نجرو ليها
القينا عمتي ابتسام شاده سندس وتبكي
انا:خيرها سندس
عمتي مانندري عليها يابنتي اسمعت حاجه خبطت طلعت القيت سندس طايحه بدمها
جو الشباب بعد سمعو العياطنا
سند مخلوع: بعدو خيرها
انا: راجي خلي انشوفها قعدت نفحص فيها بي انه عندي خبره فيه
انا انصدمت: سند لازم مرفوعها بسرعه نبضها ضعيف وفاقده الوعي
انصدمو كلهم بان علي وجهم الحزن
الا شخاص فرحنين
شمرها سند طلع بيها يجري
انا: راجي نمسي امعاك
اجديده: حتي انا نمشي امعاك
مشيت بسرعه لبست عبايتي وشاح ورفعت لي سندس وشاح لانه كانت لابسه توته طويله
طلعت نجري ركبت امع سند وكان امع سند محمد
طلع بسرعه نسو اجديده
سند يجري بسرعه كان صبح والطريق فاضيه
وصلنا لي المستشفى نزلها سند يجري وانا ومحمد وراء

دخلوها لي اسعافات بسرعه بعد رفعوها لي العنايه

سند: كيف طاحت
انا: مانعرفش نضنا علي اعياط عمتي ابستام القينها طايحه
سند شد راسه: الغلط مني انا السبب انا
حطيت ايدي علي راسه: خيرك انت
سند: امس شفتها كيف مريضه ياريتني رفعتها ماخليتها والله كنت حاس بيصير شي
انا نبكي: خلاص انت ادعيلها ربي اينوضها بخير
سند نزلت منه دمعه ومسحها

اشويه ولحقونا الباقي في المستشفي

كان الجو مثوتر واجد

وعد: اي قبل اشويا طاحت في الحمام
المره: هدا بداية مفعول السحر بس الفلوس ضروري يوصلني اليوم اندير خطوه الاخيره معاش في سندس وضحك
وعد: تمام اليوم انجيبهن ليك

خلي نحكيلكم ع السريع شن صار
بعد ما طلنا انا سند بسندس
جدي قاللهم بنروحو وتو روحهم ع السريع طلعو حطو البنات في البيت
وجت ماما واعميمه ابتسام واجديده بس الشباب وجدي وبات سند باقي قعد في الحوش

وعد: هاله سيارتك هنا صح
هاله ماسكه تليفونها: اي قاعده خيرها
وعد: عندي مشور لي المره ترفعيني
هاله: به
وعد: نمشي لي شقتي وانجي
هاله: تمام نستنه فيك لوطه
مشت وعد لي شقتها وخدت افلوس محمد رفعتهن وطلعت لي هاله ومشو

نور: زعما شن صار فيهم
ابرار: نتصلو نسالوهم
اماني: قبل شويا كلمت ناصر قال مازال ماطلعو الدكاتره منها
بيسان: يستر الله يارب اشفيها انت الشافي
ابرار: خايفه ايصيرلها شي
اريج خشت تجري داهشه وجها اصفر يابنات يابنات
ابرار: خيرك بسم الله
اريج: يا نعليا يابنات
اماني: خيرك سندس فيها شي
اريج قعمزت مصدومه: ميه نبي اميه
مشت نور تجري جابت الميه
ؤنور: هاك اشربي بسم الله خيرك
بيسان: خليها تهدا
اريج شربت من الميه وبخت علي وجهه وتنفس بسرعه
ابرار:احكي كنك
اريج هدت اشويا: جداي وين بسرعه
نور: كنك اهبلتي مش حطونا وطلعو
اريج: بسرعه يابنات وحكتلهم
البنات انصدمن

حمزه اتصل بسند
بس سند كان ناسي تليفونه في السياره
اتصل اكثر من 10 مكالمات مارد زاد خاف عليه
مشاء باقصى سرعه لي الاسترحه الي كنا فيها خبط عليها بس مافيش رد بعدها درست سياره ونزل منها راجل كبير في العمر ايكون الغفير امتاعنا يعرفه حمزه الراجل

حمزه: صباح الخير عمي صلاح
صلاح: صباح الورد
حمزه: كيف حالك
صلاح: والله بخير
حمزه: والله انخبط من امبدري ماسمعني حد
صلاح: ماهم قاعدين طلعو من الصبح روحو كانو بيقعدو اسبوع كلمي الحاج الصبح قال طلعنا تعال شكله غيرو رايهم
حمزه: اها تمام صحيت عمي بارك الله فيك
وركب بسرعه لي سيارته يجري يبي يوصل في سند بسرعه خاف عليه اكثر زاد يتصل ما يرد

ابرار: شن انديرو توا نحنا
اماني: انكلمو خالد ولا امجد ايجي بسرعه انخبرو
عمتي عائشه: اي بسرعه قبل ايفوت الوقت

عندنا في المستشفى

كان الجو متوثر نوعا ما
اجديده قاعده تدعيلها هي وماما

اشويا وانفتح الباب وطلعت الدكتوره
الدكتوره: حمدلله علي سلامتها
سند: كيف حاله يادكتوره
الدكتوره: كان عندها نزيف وقفنا ليها وعندها ضيق في التنفس درنالها اكسجين توا حالتها مستقره
اجديده:ؤ الحمدلله الحمدلله ربي لطفلي في بنيتي

بعد ساعه

طلعو سندس لغرفه
خشينا بس كانت مزال امركبيلها اكسجين
كانت دوبها اتفتح في اعيونها وغمضتهن
سند باس راسها: حمدلله ع السلامه ياروحي
سندس: تتكلم بشويش الله ايسلمك
سلمنا عليها وكانت تعبانه مش قادره تفتح اعيونها
ماما: شن اتحسي يابنتي
سندس فتحت اعيونها: سند وينك مانشوفش فيك وينكم وقعدت تبكي مانشوفش في شي ياسند
الكل النصدم كيف هكي 😱

وعد: هاك افلوسك كاملات
المره: توا انكمل باقي الشغل بس ديري بالك حد ايحس لانه نهايتنا انا وياك
وعد: كيف
المره: مش حا تفهمي اخطر سحر هذا لو انفك انموت انا وانتي بتنضري امعايا
وعد خافت:مش حايعرف حد
المره: ان شاء الله

حمزه :…………
….:…………..

# يتبع

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock