النصيب اقوه من الحب الحلقة 12 | القلم الناجح
روايات ليبيه كاملة

النصيب اقوه من الحب الحلقة 12

جميع حقوق الطبع والنشر محفوظة

#النصيب_اقوه_من_الحب

#الحلقة_12

________✍️الكاتبه Meroo Ahmad ✍️________

سندس فتحت اعيونها: سند وينك مانشوفش فيك وينكم وقعدت تبكي مانشوفش في شي ياسند
الكل انصدم كيف هكي 😱
سندس تبكي بهستريه: سند مانشوفش في شي خيرا كل شي اسود
سند مصدوم والدمعه في عينه: اهدي حبيبتي
طلع محمد بسرعه كلم الدكتور
جو بسرعه لي سندس كانت حالتها تبكي في بكا ايقطع القلب
الكل قعد مصدوم مانعرفناش شن نحكو وكيف بنصبروها او بالصح مش فاهمين شي

اعطوها مهدي هدت اشويا والدكتور يفحص فيها طول اشويا

الدكتور ممكن تطلعو اتخلوها ترتاح

طلعو الكل وكمل فحص

سند حاط ايده علي راسه وكان مخنوق مش قادر ايدير شي ايديده ورجليه مربوطات 💔💔

ومحمد مايعرف بحاله الا ربي 💔💔

طلع الدكتور وجه عابس
التمينا كلنا عليه
انا: ممكن يادكتور اتفسرلنا حالته علاش اتقول مانشوف
الدكتور: للاسف انعمت 💔💔 بس الخبطه مش قريبه من شبكيات العين مافيش ضرر بس مش فاهم علاش انعمت لانه الخبطه ماكنت قويه لين تنعمي كل شي قضاء وقدر وحمدلله علي سلامتها مره تانيه لازم تعتنو بيها ونفسيتها تتحسن لانه الموضوع حساس واجد
سند: به يادكتور في امل اتشوف تاني لو محتاجه عمليه عادي انطلعها برا
الدكتور: توا ايجي دكتور متخصص في العيون حا ايشخصلك حالتها لو تبي عمليه او لا
وطلع

نحنا الخبر نزل علينا زي الصاعقه 💔💔💔
مانقدرش نحكيلكم او نوصفلكم احساسنا كان كل شخص قلبه موجع عليها اجديده بعد سمعت الدكتور صارلها هبوط وعلقو عليها كان الوضع ماساوي الكل ايفكر في حالته سندس شن بيصير فيها بعد تعلم انه معاش اتشوف انعمت

نزل سند الي السياره ماتحمل قعد يبكي زي العيل الصغير لانه ماكنت سندس اخته بس كانت زي بنته هو الي امربيها وكانت تشبه لي امه في كل شي متعلق فيها واجد وايحبها كان مكسور مش عارف كيف ايشوف سندس ولا ايقوللها انه هي معاش اتشوف وكان ايفمر في نفسيتها كيف بتدمر
انتبه لي تليفونه القيه حمزه اكثر 50 مكالمه انشغل
فتح الخط
سند بتعب: الو
حمزه ارتاح بعد سمع صوته: فيك شي ليش ماترد
سند تنهد: قاعد في المستشفي والتليفون ناسيه في السياره
حمزه انخلع وقف السياره: خيرك شن في صارلك شي
سند: لا مافيا شي ياريت فيا 💔ولافيها 😢 سندس اختي طاحت رفعنها
حمزه: حمدلله ع سلامتها ان شاء الله بسيطه
سند بحزن: مانقدرش انقوللها معاش اتشوفي واعره ياصاحبي
حمزه: اهدا ياسند فهمني شن صاير
سند 💔 حكاله كل شي الي قال عليه الدكتور

حمزه حاول ايهدي سند اشويا لا انهار قاله دقائق ونوصل عندك فامقدر حمزه يحكي لي سند شن سبب اتصاله لانه مش وقت مناقشة الموضوع فضل يسكت ويقعد جنبه

عمتي عائشه: يابنات ردو عليكم
نور: لالا يا اعميمه مافيش حد رد
اماني: زعما شن صار في سندس
اريج: حسبي الله ونعم الوكيل فيها علاش ادير هكي
( الي تبو تعرفوه انه اريج سمعت وعد تحكي امع المره شن يحكو كله حتي من المره سمعت كلامها لانها كانت اقريبه من وعد وكانت وعد فاتحه اسبكر جنبها اختها وتنسيم يسمعو)

بيسان: يابنات اهو خالد رد
خالد: ايوا
بيسان: شن صار في سندس
خالد: اكويسه توا اعطوها مهدي لانها كانت منهاره وتبكي
بيسان:عليش منهاره
خالد: 💔 سندس انعمت معاش اتشوف
بيسان من الصدمه عيطت 😢💔: كيف اتبصر صح
خالد: ليش نكذب 💔💔💔 وربي وجعتني كيف كانت تبكي توا خشولها فاطمه وعمتي واجديده
نور: خيرها سندس شن صار احكي 😢
بيسان: به خالد في موضوع صار ضروري الكل يعرف لازم ننقدو سندس
خالد: شن في
بيسان: اريج سمعت وعد مرت محمد اتكلم في وحده ساحره وسحرت سندس وتبي تقتلها وقالتها انه السحر بدا مفعوله جيبي باقي الفلوس واندير اخر حاجه وتموت سندس وحتي انها توا قتلي ماتشوف سندس هدا مفعول السحر لازم انلحقو علي سندس ياخالد كلمهم ابسرعه لانه وعد مشت لي المره بتعطيها الفلوس اتكمل باقي السحر تربح بسرعه احكيلهم ياخالد

خالد انصدم 😱 والسانه ارتبط: كيف هكي
بيسان: مافيش وقت ياخالد لازم ننقدو سندس
سكر خالد منها
مشا بيحكيلهم مصدوم

نور: شن قالك علي سندس
بيسان: سندس انعمت ماتشوفش ومنهاره تبكي اعطوها مهدئ
عمتي عائشه: حسبي الله ونعم الوكيل فيهن هذا مفعول السحر في الي يعمي وفي الي معاش يتكلم ولا يسمع حسبي الله اللهم ابطل حسرهم اجعل كيدهم في نحرهم
اماني: حسبي الله ونعم الوكيل
نور: والله اتشوف وعد الكلبه وينهي وطلعت برا اترجي فيها ( والله نور ناويتلها علي شي 😂😂😂 وتستاهل)

ابرار:به ياماما توا شن بيصر فيها
ام ابرار: لازم تعالج ضروري ايفكو السحر جدك يعرف شيخ اكويس وصاحبه ايعالج من السحر اكيد توا يصرف

بيسان: يارب اشفيها

في المستشفي

خالد حكالنا كل شي الكل في حالة صدمه تانيه 💔
صدمتين في يوم واحد وعراه يستر الله في الجاي
سند باين عليه الصدمه علي وجه: متاكد ياخالد الي اتقول فيه
ماما 💔 ماتوقعت من كنتها ادير هكي : حسبي الله فيها
اجديده: يانعلي ابنيتي بتريح مني زي امها وقعدت تبكي

انا كنت مصدومه ونبكي كيف صاير في سندس وحالتها

بنختصر عليكم لانه الموقف 💔💔 مؤلم الصراحه مانقدرش نحكيلكم ع حالهم كيف 💔😭😢 كلهم خايفين وزعلانين عليها واكثرهم سند ومحمد 💔

جدي كلم شيخ وحكاله علي وضع سندس
وقاله الشيخ ضروري ايروح بيها الشيخ حايكون في البيت قبل لا يوصلو طلع خالد وناصر ايجيبو الشيخ

سند بيطلع سندس بس ماخلوه ايطلعها لا وضعها مش مسموح تطلع عندها ضيف في التنفس ماتقدرش تطلع لازم تاخد جرعة اكسجين اتكون في المستشفي يعتنيو بيها بس سند دار مشكله هكي كبرها وقع علي مسؤلتهم لو صارلها شي وطلعها

طلعنا بسندس كانت مش واعيه من المسكن وخدته

كانت سندس راقده علي رجلي كان وجهه مرهق وتعبان

كنت زعلانه عليها ونبكي وخايفه نخسرها 💔💔لانه سندس مش بنت عمي بس هي زي اختي واكثر

رفعت راسي شفت سند من المرايه يمسح في جفن عينه كانو اعيونه حمر واضح باكي
قعد ندعي لي سندس
اجديده كانت راكبه جنب سند
جديده: هي تبكي والله لو ناضت منها سندس بخير اندير عزومه كبيرا يارب اشفيلي بنتي يارب
انا 💔: ان شاء الله ياجديده
سند هو متعصب: علاش وعد ادير هكي شن تبي منها وشن علاقتها بيها فهموني ازح ليش تسحرها ليش ليش شن السبب
انا سكتت ماقدرت نحكي انقوله عشان محمد

جديده 💔😢: اكيد غايره منها
سند:ليش اتغار ماهو بنت زيها
جديده تاكدت الي كانت اتحس بيه صح
جديده:كله من مرت بوك هي اصل المصايب
سند كان متعصب لانه سندس حاجه غاليه عنده مايتحمل حد يغلط فيها يابال ايحاول ياذيها

تعالو نحكيلكم شن صار قبل لا نوصلو نحنا

نور كانت امعصبه مقهوره علي سندس وتحلف علي وعد
ابرار جيتها: خيرك طلعتي
نور: انراجي في الكلبه اتجي بنوريها كيف تسحر الناس
ابرار: فكينا منها هذي ماتخاف ربي اديرلك شي
نور: خليها ادير طز فيها وفي سحرها وربي اليوم مش حانتريح الا انفش كل غلي فيها
ابرار: فكك منها الكلبه ربي ايحسبها
نور تغلي وساكته اتراجي في وعد
سمعت صوت سياره وقفت مشت اتجاه الباب تجري والشر طالع من اعيونها
اتخش وعد وهاله اختها يضحكو
نور هجمت علي وعد
نور بحقد: تضحكي صح وطاحت اتريش في شعر وعد
وعد انصدمت
وعد: خيرك اهبلتي وخري عني يا كلبه
نور: ضربتها علي بطنها من الكلبه ياساحره ياحقيره هكي اديري في سندس وزادت تضرب فيها لين وعد طاحت من الصدمه كيف عرفت نور
وعد: وخري عني ياكذابه
نور طيحت وعد وجت فوقها اتريش في شعرها واتشخب في وجها
نور: ياحقيره يافاسده $$ وربي اتشوفي اليوم
حاولو ابرار وهاله اينحن نور من وعد بس كانت نور ادف فيهن وتضرب فيهن حتي من ابرار ضربتها كانت كانها وحش 😂😂😂😂( وربي عجبتني نور وبردت عليا اشويا 😂)
نور: شن دارتلك سندس عشان اديري فيها هكي
طلعو البنات علي صوت الدوشه وصوت نور وهي اتعيط علي وعد وعد كيف اتعيط وتبكي

بسمه: تي وخري عنها ياكلبه
نور: تي جايتك حتي انتي ياساحره تبي انرقدك جنبها
بسمه كانه حد صب عليها كاس الميه 😱😱
بسمه بخوف : احترمي روحك مرت عمك انا
نور بستحقار: شن بيصير في عمي بعد يعرف حقيقتكم تي مش بعيده ساحرته حتي هو
بسمه ماتت من الخوف 😱😱 لون وجها راح
وعد وهي تبكي: حد ايطلقني منها
نور: وربي ماطالقك حد مني غير الموت
وطاحت في ضرب من جديد
الكل حاول ايفكوها منها بس نور شي شي مدبسه في وعد ماتبيش تطلقها

وصلو ناصر وخالد وامعاهم الشيخ يسمعو في دوشه
خشو لقيو نور فوق وعد واتريش في شعرها 😂😂😂😂😂 حاولو خالد وناصر ايفكو نور بس حصلو ضربات
ناصر: عنشكلك يافرخه شدها بيوخرها عن وعد ضربته
ناصر يضحك: تي وين نور تي هدا وحش بسم الله يدها محرها
نور ولا كانه تسمع فيهم كانت محروقه علي سندس من قبل عندها حقد علي وعد توا طاحت في ايدها
خالد جبد نور بقوه من وعد
كانت وعد حالتها حاله وجها كله دم وفتحتلها فمها وشعرها نصه في ايدين نور وجسمها امخبش وامعضض كله دم حتي من دبشها امشرك
خالد شاف وعد باستقزاز من منضرها: بالله ارفعوها استروها
كان ماسك نور بقوه
خالد: انت ياناصر دخل الراجل داخل

دخل ناصر الشيخ في المربوعه
وهاله رفعت اختها بسرعه هربت ركبتها في السياره
وبسمه وتنسيم من الخوف يصافقو امع بعض لين لون وجهن انخطف

نور بعصبيه: كنك ماخليتني نقتلها
خالد: اهدي كنك يامصيبه
نور 🥺🥺: مش حانهدا الا بعد نقتلها
خالد: كان قتلتيها شن بيتغير
نور: نبي انفش غلي فيها خليني وكانت اتحاول اتفك روحها من ايدين خالد
خالد بعصبيه: انتو خشو داخل
خشن كلهن خايفات
نور 🥺💔: بعد عني ماتعرفش شن دارت هي
خالد: عارف عارف
نور:مانكش عارف تي فرقت بينهم وتوا اتحاول تقتلها
خالد: فرقت من
نور ماكنت امركزه علي تقول فيه: فرقت بين سندس ومحمد وتوا تبي تقتلها وقعدت تبكي
خالد انصدم: اهدي خلاص اهو قتلتيها كلها دم
نور تبكي: مازال مافشيت غلي فيها كله منك لو خليتني نقتلها تي قتلها هدي حلال
خالد: تي منحسابش قويه هكي
نور تبكي: نبدا قويه بعد حد يلمس حاجه عاليه عليا
خالد: خلاص امسحي ادموعك باذن الله سندس تحسن
نور زادت في ابكاها: ان شاء الله

خالد كان اول مره ايشوف نور تبكي قدامه
نور حضت خالد وكانت تبي
خالد اجمد في مكانه اول مره ايكون قريب منها هكي
نور تبكي 😭: مش متخيله انه سندس معاش اتشوفنا 💔
خالد: نعرفك قويه انا علاش تبكي مفروض انكونو قدامها اقويا عشان نفسيتها تتحسن خليك قويه زي توا
نور 🥺😢: مش قويه انا مانقدرش انشوفها هكي
خالد: خلاص امسحي خناينك تي وين الهيبه الي توا زي جاكي شان طايحه في المره تريش
نور ضحكت: تي بطل يابارد وبعدين تستاهل اكثر من هكي المهم فشيت غلي فيها ماقعدت حسره في قلبي
خالد ضحك: خلاص ياشريره اطلقيني خليني انشوف الراجل حشمتيني قدامه وانتي زي القرد امقعمزه علي المره
نور تحشمت وخرت من خالد
نور:مانحساب بتجو توا
خالد: ههههه والله حصلت كم ضربه منك تي ايدك حاره مسكينه البنت شن صار فيها
نور بغل: سكين يقطع رقبتها الحقيره
خالد ضحك عليها ومشا ايشوف في الراجل
بس كان في اعيون شخص اتشوف فيهم من بعيد وحاقد علي نور

نور خشت داخل لي البنات
ام خالد:كنك يابنتي طحتي في البنت هكي لو كانت حامل حرم
نور: ايحرم جلدها عن عضمها تي الحقيره لو خلاني خالد وربي كملت عليها اليوم
اريج: تي درتي فيها العمايل
اماني: تستاهل الكلبه
بيسان:والله انقول تبيلها 10 عمليات تجميل علي وجها وقعدت صلعه
ابرار: تعرفو بعد نور تجبد فيها من شعرها حتي من راسها دم
نور: المهم بردت علي روحي وين بسمه وتنسيم الكلبه
اماني: امشو لي حوشهم
بيسان: والله مش بعيده عليها تطلع ساحره عمي
ام ابرار: اديرها هدي مره ماتخاف ربي
اريج: حسبي الله ونعم الوكيل فيهم

عندنا نحنا
اوصلنا دخل سند السياره في القوراج داخل
وفتح من فتح الباب بينزل سندس
وصلو بابا وجدي وبات سند ومحمد وامجد وعمتي ابتسام ومعتصم

جدي: ارفعها ياسند لي حوشي
سند: به وشمرها جا محمد بيساعده
سند: صحيت نقدر نرفعها امشي دير لي مرتك حل قولها تبعد علي سندس خير
محمد قعد واقف مصدوم كيف سند حكا امعه هكي

خش سند بسندس ونحنا وراه
دخلها لي الصاله وحطها علي الصالون وقعد ايسقم فيها
ماخلاش حد يقربها
سند رشف خشمه: وين الشيخ يا خالد
خالد: في المربوعه خلي اناديه
جدي: توا نمشيله انا وانتم يا صبايا خشو داخل وانتم ياشباب هيا قدامي سند انت بس خليك امعاها
انا: انا بنقعد امعاها مش حا انخليها
جدي: فاطمه خشي داخل امعاهن
انا اعيوني امعبيات ادموع: مش خاشه مانقدرش انخليها ابروحها
جدي بيتكلم قاطعه سند
سند: خلاص ياجدي خليها
جدي سكت طلع هو والشباب والصبايا خشن داخل
كان الجو مثوثتر اشوي لانه اول مره اتصير حاجه زي هذي في الحوش

حطيت ايدي علي ايد سند
انا: صدقني هدا اختبار من ربي بيختبر صبرنا انت ادعيلها بس
سند رفع اعيونه فيا وبعدها جبد ايده مني وقعد ساكت
استغربت حركة
انا :خيرك سند
سند: مش فاضيلك
خش جدي امعا الشيخ
طلب منا انا وسند انبعدو عنها
قعد يقرا عليها في القران كانت سندس راقده اشويا واتنوض اترجع (حشاكم)في شي مش مفهموم كانت اترجع في دم وشعر واضافر
انصدمنا كلنا في منضر سندس
الشيخ انصدم مايحساب السحر قوي هكي لدرجة اترجع دم وشعر
الشيخ زاد يقرا عليها وكانت اتزيد اترجع اكثر
نحنا مصدومين في المنضر 💔
بعد سندس تحولو اعيونها حمر قعدت تخنق في روحه واتعيط
جرا سند ايفك في ايديه حاول امعاها بس كانت سندس قويه ماقدر ايفك ايديدها
جدي من الصدمه قعمز علي الارض
اشيخ شبحلي: بسرعه جيبلي كاس اميه
مشت نجري جبتله اميه
والعيله كانو يسمعو في اعياط سندس بس مش قادرين ايخشو جدي مانعهم
اعطيت الشيخ اميه قعد يقرا عليها بسرعه وجا قدام سندس كان سند مزال ايحاول يرخي ايدينهن كب الميه علي وجهه سندس
سندس رخت ايديها وفشلت امعا بعضها
الشيخ: انت امسكلها ايديها ماتخليها اتحرك
سند بحزن 💔😢:به خلي نرفعها الجيه التانيه
الشيخ: تمام
رفعها سند الجيهه التانيه وكان امكتف ايديها وانا كنت انساعد فيه
الشيخ قدم وفتح اعيون سندس ايشوف فيهن
بعدها بدا يقرا عليها من جديد تعبت سندس من جديد كانت اتعيط واتقول في كلام غريب
الشيخ عرف نوع السحر الي امديرله
الشيخ قال ايقول في دعاء ويتكلم بعدها سندس ففدت الوعي من جديد
الشيخ: ياحاج البنت مسحوره سحر قوي مديور من فتره بس توا قاعد يتجدد وسحر تاني لانه لو مافكينا السحر بسرعه حا اتموت لانه السحر امدايرلها عشان تقتل روحها لازم نبطلو السحر
جدي: به كيف نبطلو السحر
الشيخ: السحر الاول اكيد موجود في مكان البنت الي ترقد في
انا ادكرت سندس بعد تحكيلي علي دارها بعد اتخشلها كيف تنخقن
وحكيتلهم شن قاتلي سندس
الشيخ: لازم نمشي لي دارها بسرعه وانتي ولعي علي القران
فتحت التلفزيون علي قناة القرآن
الشيخ طلع امع جدي بيمشو لي دار سندس

قعدنا انا وسند امع سندس
بعد 5 دقائق ناضت سندس
تبكي وتعيط مش متحمله صوت القرآن اتعيط لعند داخت من جديد لانه كان سند ماسكها زين مش امخليها تتحرك
اشويا و انفتحت الروشن مش عارفه كانت ريح قويه
طاح TV انصدمنا انا وسند كيف صار هكي
بعدها سندس كانت اتحرك
انا: سند افطن لي سندس اتحرك
سندس فتحت اعيونها ورجعن الاول حمر
كانت تتكلم في كلام مش مفهوم وتتحرك بقوه اتحاول اتفك في روحها من سند برغم كانت مريضه بس كانت قويه
انا: انعيط لي سند شن انديرو يا سند
سند ايحاول يمسك فيها بالقوه 🥺🥺: مانعرفش مانعرفش
انا خطرت علي بالي حاجه: ئ وين تليفونك يا سند
سند: تي ماندريش عليه وقته هو
انا: تي ادكر وين حاطه بسرعه نفتحو علي القرآن
سند ادكر: ااهو في جيبي تعالي ارفعيه
مشيت رفعت تليفون
انا: كم الرمز بسرعه وكانت سندس اتعيط تبي اتفك روحها من سند بعد قعدت تلوي في رقبتها
سند: تاريخ ميلادك 12/12/1992
انا فتحت الرمز بسرعه وفتحت النت وخشيت علي القوقل بحتت علي سورةالبقرة وفتحت عليها
وعليت الصوت وجبته جنب وذنها
كانت سندس تتكلم انا لازم انموت لازم انموت لازم ان فجاء تسكت

انا وسند 😱😱😱😱😱

عند شخص تاني
😱😱😱😱

الشيخ 😱😱
جدي 😱😱😱

# يتبع

اترك رد

زر الذهاب إلى الأعلى