النصيب اقوه من الحب الحلقة 14 | القلم الناجح
روايات ليبيه كاملة

النصيب اقوه من الحب الحلقة 14

جميع حقوق الطبع والنشر

#النصيب_اقوه_من_الحب

#الحلقه 14

الكاتبه Meroo Ahmad

🌹»”قراءة ممتعة” »🌺

اتصلت بمحمد بعد ما طلع سند من الدار
انا:الو
محمد: ها شن صار
انا: توا كيف طلع سند
محمد:والعيله وين
انا:الكل في الصاله انت تعال من الباب الخلفي وخش لي الدار طول
محمد:تمام جاي
انا:بس ما طولش سند توا ايجي لانه كل 10 دقائق ايرد يطمن عليها
محمد: باهي ياهمي افهمت
انا ضحكت: هيا لو تبي تطمن علي حبيبة القلب
محمد ضحك: حكتلك سندس
انا: لالا نعرف من قبل هي اتحبك وتوا تاكدت انك اتحبها
محمد: قصدك واضح عليا لدراجه هذي
انا: اي واكثر محمد حافظ عليها سندس لانه مستحيل تلقا حد ايحبك زيها
محمد ابتسم بوجع: في اعيوني ماتوصي
انا: به هيا تعال بسرعه
محمد: عنشكلك انتي الي لهيتني في الهدرزه وسكر عليا 😂😂😂

جا محمد دخلته لي سندس
وقعدت حرس ع الباب العشاق 😂😂😂😂

قدم محمد ايشوف في سندس راقده بتعب قعمز ركبه ونص وحط ايده ايمشي فيها علي شعرها
محمد بحزن: قطوتسي الحلوه مريضه 💔💔 ياريته فيا ولا فيك حبيبي والله حاس بوجعك واكثر دوستي هيا نوضي نبي انشوف ضحكتك وغمازاتك رايفت عليهن وعلي صوتك هيا حبيبي نوض خلاص معاش في حاجز بينا الجاي احلا وعد حبيبتي سامحيني كله بسبي انا الي دخلت في حياتي وعد وضراتك سامحيني 🥺💔 كان يتكلم وايحرك في ايده علي وجه سندس والدمعه في عينه رشف انفه 🥺 والله نوعدك بعد اتنوضي الضحكه ماتفرقش وجهك انعوضك علي كل شي صار والله اليوم تعذبت اكثر منك كل عيطه نسمعها منك كانه رصاصه خشت في قلبي والله حاس بيك مسك ايدها وباسها ونزلت دمعه من عينه
هيا نوضي حبيبتي
سندس حركت ايدها
محمد رفع راسه افرح: حبيبي نضت
كانت سندس اتحاول اتفتخ اعيونها بتعب واضح: سند
محمد قرب وجه عليها: انا محمد حبيبي تسمعي فيا
سندس رمشت اعيونها كانت ماتشوفش مازال 💔💔: محمد ما انشوف في شي خيرا
محممد بوجع: اهدي حبيبي فتره وتمشي
سندس بتعب: كيف نبي سند وين
محمد 💔: اهدي توا ايجي
سندس: محمد راسي تقيل انحس فيه شن صار وعلاش مانشوفش قصدك انعميت انا وقعدت اتلمس جنبها
محمد نزلو ادموعه ماتحملش حضنها: اهدي حبيبتي والله مؤقت كل شي يمشي وقعد يمسح بيده علي راسها اهدي توا نحكيلك كل شي بس خليك هاديه قطوستي
سندس تبكي بتعب: شن صار
محمد: مش حانحكيلك لين اتوقفي بكي وقعد يمسحلها في ادموعها
سندس بحزن: به احكيلي هيا
محمد: به توعديني ماتبكيش وتقعدي هاديه
سندس: وعد
محمد بوجع: حكالها كيف طاحت وكيف كشفو وعد وكيف فكو عنها السحر
سندس بصدمه وتعب: هدا كله صار امعايا اليوم وانا ماندريش
محمد: لانك كنتي تعبانه من الطيحه وزدتي تعبتي اكثر اعطوك مهدئات ومنوم عشان تتريحي
سندس تبكي: حسبي الله فيها شن درتلها انا قصدك انعميت معاش بنشوف بنقعد هكي 💔💔وتبكي حسبي الله ونعم الوكيل فيها دعوة مظلومه دعوة يتيمه 👌 حسبي الله فيها ربي يا خدلي حقي منها وكلت ربي عليها علاش شن درتلها وانهار تبكي بصوت عالي
محمد وجعه حال سندس 💔💔: خلاص كل شي بيكون احسن انتي احمدي ربي انه ربي كشفهن قبل لا ايدرلك 💔💔
سندس 😭😭💔: ياريتني متت
محمد تبت راسها: شن اتقولي ياهمي بعيد السو عنك تي نهبل ولو صارلك شي
خش سند والعيله لانه سمعو ابكا سندس
سند انصدم بعد شاف سندس تبكي ماحد شك في محمد لانه ياحسبوه ايهدي في سندس لانها كانت تبكي ومنهاره
سند: خيرها تبكي
محمد: عرفت كل شي وانها ما 💔 سكت
سند بعد محمد حضن سند
سند: اهدي حبيبتي كل شي ليه حل اهم شي انتي امعايا وبخير
سندس 💔😭: بس مانشوفش خلاص وتبكي
حاول سند ايهديها
العيله كلها كانت ساكته
سند: خلاص ماتعبي روحك حتي الشيخ قال من مفعول السحر توا يتنحا امع الوقت انتي خلي ايمانك بربي قوي الي قدر ينقدك من شرهم يقدر يشفيك منه صدقيني اهدي بس انتي واصبري توا كل شي ينحل وترجعي زي قبل
سندس: يعني نقدر انشوف مره تانيه
سند: اي 💔 توا انتي اضحكي ماتزعلي روحك ره اليوم تعبتينا من وراك العيله كلها خايفه عليك ولا اتقيسي في غلاك عندنا
سندس: 🥺🥺🥺
نور: تي ياسندس لو نحكيلك شن درتلك في الكلبه وعد
سندس: ماتجبيلي سيرتها
نور:😂😂 ها سكتت
ناصر: كنكم عيلة نكد انتم
انا: ماهو انت واحد من العيله كيف ماتبيش تطلع نكد
كنا نبو انغيرو جو سندس اشويا هدرزنا عليها وخلينها تضحك والعيله كانت فرحانه عشان سندس

كل حد طلع بيروح لي بيته
بس نحنا البنات طلبو منا نقعدو امع سندس ما انخلوها اصلا من غير ما ايقولو مستحيل انخلو سندس ابروحها
كانت سندس هاديه ماتحكيش بس نحنا انهدرزو عليها وتساير فينا

اجديده: ياحاج نبي اندير عزومه ع سلامته حفيدتي
جدي: مش وقتها خليها لين سندس تتحسن وضعها اشويا امبدري كلمني الشيخ وقالي بيجي يوميا بيقرا عليها وايجبلها اميه مرقيه باسمها وان شاء الله بعدها اتشوف
اجديده: ان شاء الله يارب يرزيني فيها هالوعد الله لا اتربحها شن ذنبها ابنيه يتيمه ادير فيها هكي
جدي: اهو خدت حقا ربي ماينسا حد كل ظالم ليه يوم
اجديده: اي والله سيوره كل ظالم ايطيح في الي اظلم منه حسبي الله ونعم الوكيل في كل ساحر وساحره
جدي: والله اليوم رعشت رعشه بعد شفت سندس حالتها وشن صار فيها
اجديده: الحمدلله الي اعرفنا بدري بدري كان هدا شن صار 💔💔
جدي: اي والله حتي الراجل قالي باهي الي اكتشفتو بدري قبل ما يبدا مفعوله قوي
اجديده: الحمدلله وشكرا الحمدلله
جدي: الحمدلله خلاص ياحاجه طفي الضي والله تاعب خلي نتريح اشويا
اجديده: به تريح حتي انت تعبت اليوم طفت الضي اجديده ورقدو

عند هلي
كانو ماما وبابا وامعاهم امجد امقعمزين
جا محمد قعمز جنب بابا
محمد: باتي نبي نحكي امعاك في موضوع
بابا:احكي شن في
محمد: حكيت امع محامي بنطلق وعد من بكرا بيبدا اجرات الطلاق وبكرا بنمشي نعطيها كلمتها وخلاص معاش في شي يربطنا وصلنا لي نهاية الطريق من البدايه مش متريح امعاها
ماما: اي يا اوليدي هدا الصح هدي مش مكانها امعانا
بابا: اسكتي انتي وانت دير الي ايريحك والي اتشوفه صح مش حا انعارضك عليه لانها اليوم ماقدرتش انحط عيني في عبدالرحمن خويا بسبب عملتها
امجد ضحك: تي مش بنت اخت مرته هو علاش انت تحشم منه مفروض هو الي يتحشم مرته وهوا اصل المصايب
بابا: عيب اتقول هكي عمك راك ناسي
امجد: مش ناسي بس بنته كانت بين الحياه والموت ما خش سال عليها ولا خايف عليها تي هدا مش اب قاعد ايهز في راسه بس
بابا: الله غالب هوا هكي
محمد: الله غالب علي المغلوب مش هو المهم امي تمشي امعايا الصبح لي وعد نعطيها كلامتها ونتريح من شرها
ماما: مانبيش انشوف وجها نمشي امعاك بس ما انخش امعاك
محمد: حتي انا بنعكيها كلمتها من الباب ونمشي
ماما: ربي ايعوضك خير اوليدي توا تلقا الي احسن منها واتصونك بنت ناس
محمد ابتسم ادكر سندس: ان شاءالله وخش رقد
وحتي الباقي رقدو

تعالو نحكيلكم علي وعد شن صار فيها
وقفولها النزيف وحالتها استقرت بعد كم ساعه
فاقت التمو الدكاتره عليها ايشوفو فيها
وعد كانت حالتها تعبانه هلبا
الدكتور: الحمدلله علي السلامه
وعد ماتقدر تتلكم من البنج مزال مفعوله قاعد غمضت اعيونها بمعني الله ايسلمك
الدكتور: شن اتحسي توا
وعد هزت راسها بتعب بانها تعبانه وموجوعه
الدكتور: ترا حاولي حركي ايديك او رجلك
وعد حاولت اترك ايديها بس ماقدرتش
نزلو ادموعها
الدكتور عرف وتاكد انها انشلت شلل كامل
الدكتور: ترا حاولي حركي رجلك
وعد حاولت واجد بس مافيش فايده لانها انشلت
وعد نزلو ادموعها ماتقدرش تتكلم ولا تتحرك تبي اتعيط بس ماتقدرش
كانو الدكاتره يتكلمو امع بعض وايشوفو في الصور بتد تاكدو من كل شي
الدكتور بحزن 🥺: للاسف الضربه اثرت في العمود الفقري و وتحرك من مكانه ونخاع الشوكي اضرار هلبا
للاسف انشليتي شلال كامل ومافيش امل ترجعي تمشي نسبة العمليه ضعيفه جدا 1% يمكن اتموتي في نص العمليه
الخبر نزل زي الصاعقه عليها هي واهلها انصدمو وجعهم حالها
وعد تبكي ماتقدرش اتحرك اي شي في جسمها صعب هلبا 💔 عليها
اما هاله حالتها اكويسه زي مادكرتلكم في الحلقه السابقه كسور بس مش مضرره هلبا

(هدي نهايه كل ساحر وساحره وكل نهايه شخص ظالم هذي نهايه حد شرك بالله ولجه لي السحر حتي ايفرق بين اتنين نصيحه مني ما تخليش حسدك وغيرتك وكرهك ايخلوك تشرك بالله مهما كنت ما شخص سيئ ماتشرك بالله لانه من اكبر الكبائر مايغفرلك عليه لانها عقابها بيكون اكبر حتحساب عليها في الدنيا وفي الاخره و اعرف انه حا ايجيك يوم تتحساب علي اغلاطك من الصغيره لي الكبيره وانه جايك يوم ماكنت متوقعه ولا كنت دايرله احساب 👌👌 واطيح بيك مهما كنت ماتهربش من يوم الحساب خودوها وعد ابسط دليل 👌👌👌 اي انسيت ماحكتلكم علي المره الي دارت السحر تاني يوم لقيوها محروقه في الحوش كامل انحرق 🔥 هدي نهايه افعالها ماتت محروقه مزال نار جهنم اتراجي فيها الي ما حسبت احساب ليها هكي كانت نهايتها لانه بافعالها وسحرها عائلات واجده اتفرقو والي ماتو 👌👌 فا اعرفو كل ساحر نهاية زي افعاله وحسبي الله ونعم الوكيل في كل ساحر وساحره )

نرجعو لي روايتنا

عند البنات
كنا انهدرزو علي سندس
نور: يانعليا امبدري كيف محمد حاضنك 🤤🤤😍 ياخيتي ايهبل اوخيي
ابرار: والله كلهم ماركزو 😂😂😂 العيله ضايعه
انا: 😂😂 تعرفو انا بعد سند جا بيخش قلبي وقف
اريج: والله من وجهك اعرفت دايره عمله
سندس 💔: خيتي سلمه حنوني
ابرار: ضحكت ربي ايخليكم لي بعض واخيرا بنشوفكم امع بعض
انا: امين
نور: واخيرا تخلصنا من حاجه اسمها وعد في حياتنا
اماني: اي والله
نور اتصل بيها خالد وقعدو ايهدرزو

انا رن عليا سند قالي انا فوق السطح تعالي نحكو اشويا
سكرت منه وكلمت البنات قتلهم بنمشي لي سند

طلعت جيهة الدروج ورقيت كنت خايفه سند ايقولي احكيلي ليش وعد دارت هكي

اوصلت في سند كان امقعمز صبيت قدام
انا: شنجوك
سند مدلي يدا ومديت ايدي مسكتها جبدني ليه قعمزني جنبه
انا ضحكت ليش تجبد فيا لو قتلي قعمزي
سند ضحك: ماهو كنت وسكت
انا:كنت شنو
سند: شي علقي خارب بس صلحته في الاخير 😂😂
انا: احسن درت الخير الي صلحته
سند:😂😂 عارف مش وقته ضروي انسيطر علي قلبي لانه حا ايودرني
انا: سند بطل ولا ننزل وانخليك
سند: لا خلاص اهو سكت
انا: كيف حالك توا
سند: بخير مادم سندس بخير 🥺💔
انا: الحمدلله ع كل حال توا تتحسن امع الوقت
سند:نسالك سؤال اتجوبيني بصراحه
انا شبه عرفت سؤاله: شنو
سند: في شي بين سندس ومحمد صح حتي امبدري زدت تاكدت بعد كان محمد امعاها في الدار وكيف ماسكها ماحبيت انكبر الموضوع لانه مش وقته بس نبيك اتجاوبيني بصراحه يا فاطمه انا مش حا انكون ضدهم لانه عارف الحب وحتي انا حبيت بقلبي بالعكس حاندعمهم مش حا انوقف في طريقهم

انا ارتحت لي كلام سند: بس هم مافيش شي بينهم
سند: كيف
انا: صح ايحبو بعضهم بس ما اعترفو لي بعض لين وعد فرقت بينهم وكانت كاذبه ع محمد انه سندس اتحب شخص تاني برغم عارفه محمد ايحب سندس
كذبت عليه وتزوجها …. وحكيتله كل شي عنهم لانه الموضوع واضح مانقدرش نكذب عليه
سند:قصدك هدا كله صاير وانا مانعلمش وماحكيتيلي
انا:كيف نحكيلك وانا ماليش ايام بس نحكو امع بعض
سند: به تو شن بيصير فيهم
انا: انت ماتدخل بينهم خلي هم ايقرور
سند: ماهي اختي لازم نداخل لانه اتهمني سعادتها
انا: محمد مش حايضراها ربي يسعدهم
سند ضحك: تعرفي متريح في حاجه انه محمد حنون ويسعدها وعارف ايحبها
انا: اي
سند شافلي وضحك
انا: كنك تضحك
سند: كنك زايده حلاوه 😍😍 تبي تقتليني ولا كيف
انا ابتسمت
سند ابتسم بحب : ـ ‏عندما أراڪك أبتسم حباً دون أن أشعر 🥺💜💕.

انا: 😂😂 من وين اتجيب فيه الكلام هذا
سند: من قلبي من وين يعني 😂😂😂 اصلا بعد انشوفك الكلام ابروحه يطلع
انا: ربي مايحرمني منك
سند: انحبك ❤️ وحا انضل انحبك لي اخر يوم في عمري
انا: بتسمت 😍
سند: ـ وعِندما ضَحكَـتي أشرقتْ الشَمسُ علىٰ قَلبي 🥺💜💕.
انا: يانعليا 😍😍😍 مانقدرش ع الكلام الحلو لو تعودت حاتتعب امعايا
سند ضحك: الكلام الحلوه لو مش ليك حرام ❤️
انا 😍: انت اكثر حاجه حلوه فحياتي حمدت ربي علي وجودها بحياتي
وتالقو اعيونا امع بعض قعدنا انبحتو في بعض قريب دقيقه
سند: تعرفي لو ماتنزلي بسرعه اندير جريمه انا مش مسؤال عنها
انا بستعباط: شن بدير
سند: تبي انقولك ولا انطبقها 😉😉
انا: سندددد 😒😒
سند: به شن بندير انا انتي جنبي والشيطان في النص ايقولي في كلام وعياد بالله 😂😂😂😂😂 مانبيش انخوفك 😂😂 ايقولك اختصبها 😂😂
انا: خزي بارد اصلا معاش جايتك مادم تفكيرك هكي وصبت بتمشي
مسكها سند من يدها وجبدها ليه طاحت في حضنه
سند: وين ماشيه
انا: بعد عني بنمشي
سند: مش طالقك خيرك
انا: سند وخر عني بنمشي
سند: غير استهدي بالله والله انبصر
انا: به وخر بنمشي
سند: مش حانخليك تمشي لين تفردي وجهك وتضحكي
انا: مش ضاحكه خليني نمشي كنت انحاول انحي ايديده من عليا
سند: امال اقعدي هكي حتي هكي مستمتع لعند تضحكي
انا: بطل يابارد
سند: قرصني ع خشمي هيا اضحكي مانبيك تزعلي
انا: ابتسمت خلاص اطلقني
سند: مش حا نطلقك لين اتبوسيني
انا: تحلم
سند: ليش نحلم
انا خطرت ع بالي: به اطلقني وغمض اعيونك
سند افرح 😂 وطلقني
نضت نجري: اتعيش وتاكل غيرها ضحكت عليك
سند فتح اعيونه: خزي كدابه والله اتشوفي عليها
انا من بعيد: ههههههه تصبح ع خير
سند ضحك: وانتي من اهلي ❤️ واتشوفي علي حركتك هذي 😉

نزلت نجري لي البنات القيتهن رقدات
رقدت لانه اليوم كان طويل متعب

في الصبح

محمد رفع امي وامشو لي المستشفى الي فيها وعد
وخش محمد لي الغرفه الي فيها وعد من غير ما ايبحت فيها ولا سال عنها قال وعد انتي طالق طالق طالق ثلاثه مرات وطلع القي ماما ع الباب ورفعها وطلعو

اما وعد انهارت وزادت تعبت نفسيتها اكثر كل شي انقلب ضدها
اما هلها كانو عارفين محمد بيطلقها

ترن ترن
سند: ايوا
حمزه: شنجو
سند: والله تمام ماشي الحال
حمزه: والله عندي موضوع كنت بنحكيه لك امس بس اجلته
سند:خير ان شاء الله
حمزه: والله …….. وحكاله كل شي
سند: ضحك مانحساب غبي لدجه هدي اخساره انه دكتور
حمزه: والله توا ايشوف امع من يلعب
سند ضحك:تي صعب عليه سند يحساب بساهل ايجيب راسي
حمزه: ههههههههه
سند: بالله نبي انشوفه بعد بتمسكو
حمزه: 😂😂 خزي بتشمت
سند: ههههه لا بس عندي كلمتين انقولهن له
حمزه: تم توا نحكيلك يوم تنفيد الخطه بس ماننصحك تمشي لانه بيصير اشتباك
سند: عادي ما تخممش
حمزه: تم
وهدرزو اشويا وصكر سند دوش
وطلع لي حوش جده

اما عندنا نحنا
نضت امعا سندس دوشتلها وغيرت 💔
كانت هاديه اتهدرز بعد اتكلمها

نوضت البنات درنا فطور خش سند فطر امعانا كل مره يغمزلي 😂😂 وانا اندير في روحي مانشوف فيه
خش خالد وامجد ومعتصم ونحنا مزال نفطرو ما رفعنا السفره
خالد: اوووووه خيانه هدي تي امخلي امي ابروحها قلت انجيكم نالقاكم فاطرين قبلي
اجديده: قعمز الخير واجد
امجد قعمز : انا نضت ما لقيت حد في البيت امي ومحمد طلعو وباتي مشا لي الشغل سكرت الباب وطلعت
اجديده: وين امشو
امجد ياكل: والله امس في اليل محمد حكا امع امي قالها نمشو لي وعد
انا بحتت في سند وحتي هوا بحت فيا بعده شفت سندس كانت في ايدها الخبزه نزلتها
اجديده: وعلاش مشتلها
امجد: والله ياجدتي ماشي بيعطيها كلمتها وايروحو لانه كلم باتي قاله بنطلاقها معاش تلزمني
اجديده: احسن شي داره
انا ابتسمت وشبحت سند شافلي وكمل يشرب في الشاهي
اما سندس فرحت ❤️

كملنا فطور اجواء ضحك وهدرزه احلا شي في عيلتي انهم مترابطين امع بعض وحنونين في بعض

مره اليوم عادي
وجا الشيخ لي سندس وقرا عليها واعطاها اميه

مر اسبوع والشيخ ايجي يوميا لي سندس ونحنا واقفين امع سندس ما خلينها ابروحها كنا انغيرو في جوها وانهدرزو عليها
كانت حياتنا حلوه وهاديه خلي نختصرلكم شن صار في السبوع هذا

خالد زاد تعلق في ملاك (نور) حتي نور تعلقت فيه واطورت علقتهم وحبو بعض نور اتهرب من مشاعره وتكذب انه متحبه بس في الواقع عكس

اماني وناصر يحكو امع بعض وديما ايجي اهدرز امعاها بس امجد زقب في كل شي 😂😂😂 امشيط ريق ناصر وامدره كبدهم وغاير مايبش ثوامه تتجوز وتبعد عنه مهما كان هذي قطعه منه ❤️

بيسان وايوب كان حبهم كل يوم ايزيد ❤️

ابرار واريج زي ماهم 😂😂

انا وسند تطورت علاقتنا بي بعض ولينا نحكو واجد زدت تعلقت فيه وتعودت علي وجوده في حياتي كان حنون امعايا وورمنسي هلبا مانحكيلكم علي حركاته واجنونه بس ايهبل 😍😍😍😍💋❤️

اما محمد طلق وعد واعطاها ورقتها 😍😍

كل مره يطمن علي سندس وايهدرز امعاها 😍😍❤️
بس كان سند زاقب في كل شي لانه ما يخلي في سندس ابروحها ❤️❤️

خلي نحكيلكم ع الحاجه الحلو 😍😍 الي كلكم بتفرحو عشانها

بعد مرور اسبوع من علاج سندس بالقرآن

في صباح الباكر ❤️

سندس كانت راقده بين البنات
فتحت اعيونها اتشوف 😍😍😍 بس في اشويا ضباب 😍😍 عيطت من الفرحه قعدت تبكي

نحنا انخلعنا نحسابو صار شي
انا بخوف: ؤ خيرك سندس شن في
سندس اتبحت فيا: فطومتي الله انشوف فيك😍😍
نور: اتبصري صح
سندس: والله ما انبصر بالعلامه لبسه توته حمرا
نحنا من الفرحه حضنا سندس وانعيطو امع بعض

خشت اجديده و جدي مخلوعين من اعياطنا
جدي : بسم الله خيركم
سندس: جدي وجرت حضناته والله انشوف فيكم وتبكي
جدي قعد يبكي: الحمدلله وشكرا الحمدلله
اجديده: تعالي حتي نا نحضنك
وجت سندس حضنها وقعدو يبكو

انا : صدق ناصر عيلة نكد علاش البكي توا
سندس: مش في ايدي فرحانه والله
اريج: ان شاء الله دوم فرحانه
كلنا: امين
اجديده: ياحاج انديروها اليوم العزومه
جدي: اي توا انكلم العويل يدبحو وانديرو عشاء علي سلامتها
كنا فرحانين 😍😍
صلت سندس وشكرت ربي

سمعت العيله كلها وكلمهم جدي علي العشاء
الا سند ماكن موجود لانه راقد في شقته
سندس: ماحد يحكي لي سند توا نمشيه انا
اجديده: عدي فرحي اوخيك بنيتي
سندس: اي ماشيه ❤️

طلعت سندس

نحنا انجهزو لي العشاء اجديده اتصلت ماخلت حد وما عزماته الجيران والقارب كلهم

وصلت سندس لي باب شقته سند
تعرف وين حاط المفتاح احتياطي لانه كانت هي الي اتنضفله في الشقه وتغسل دبشه
فتحت الباب وخشت تمشي علي روس اصباعها شافت الصاله ماكن فيها
فاتت لي الدار كان راقد
ركبت علي السرير وقعدت تنقز 😂😂😂😂

انخلع سند 😳😳: بسم الله نحلم ولا شنو
سند: ماتحلمش ياصفوري
كان سند لبس تشرت اصفر
سند بصدمه: قصدك 😱😳
سندس تضحك: اي انشوف ردلي نضري ياسند
مدت يدها وصبت سند وقعدت تنقز
سندس: فرحانه 😍😍❤️ يا سند
سند حك اعيونه: قصدك ما نحلمش انا
سندس: قرصاته في كتفه ماتحلمش ياروحي
سند حضنها ونزلت دمعه من عينه: مش متخيله من امتي انراجي في الحظه هدي

سندس:ابتسمت ربي ايخليك ليا ولا يحرمني منك يا اجمل اخ في العالم
سند: ولا يحرمني منك ❤️

هكي كان حب الاخ واخته ❤️

سند: قعمز سندس
سند واضح الفرحه في اعيونه: احكيلي كيف صار وامتي

سندس بفراح: قعدت تحكيله كل شي ……

سند: انا اخر واحد يعرف
سندس: ما انا قتلهم خلوني انا انكلمه صح جدو داير عشاء كبير علي سلامتي وقالك اعزم اصحابك وتعال يبك اتجيب حاجات ناقصه
سند: راجيني اندوش وانغير وننزلو امع بعض
دوش سند ع السريع ولبس
طلعو هو سندس يضحكو

اتصل سند وعزم اصحابه

ونحنا انوتو لي العشاء كان كبير جابو طبخات
ونحنا درنا الموالح والحلو ع السريع
لانه الناس بدت اتجي من العصر 😂😂😂

حمزه: ……..
ابرار:……………

انا:………
سند……….

خالد:……….
نور😱:………..

محمد:……..
وسندس 😱:…………

مجهول: ………..

#يتبع

اترك رد

زر الذهاب إلى الأعلى