النصيب اقوه من الحب الحلقة 15 | القلم الناجح
روايات ليبيه كاملة

النصيب اقوه من الحب الحلقة 15

جميع حقوق الطبع والنشر محفوظة

#النصيب_اقوه_من_الحب

#الحلقه 15

الكاتبه Meroo Ahmad

ونحنا انوتو لي العشاء كان كبير جابو طبخات
ونحنا درنا الموالح والحلو ع السريع كملنا كل شي
كل وحد بدت تجري اتعول علي روحها الي تلبس والي تستشوار والي اتمكيج والي اتصور 😂😂
الدار تحولت لمزين
انا كملت درت ميك اب خفيف امع روج احمر فاقع 💋
ورفعت الفير في ايدي
انا: نور ديريلي شعري ع السريع
نور كانت تلبس: تي شعرك طويل شن بيكمله ليا
انا: ماديرش كله ديري خصلات 🥺🥺🥺 هيا
نور: مادريش وجهك برئي مش امدايرتلك 😂 كملت لبس
انا: خزي تافه تمن اديريلي يابنات 😢😢
اريج: تعالي انا كملت
كملتلي اريج علي السريع طلعنا انا وياها
انوتو في الضيافه ولحقنا البنات ابدت كل وحده لهيه فحاجه الي اتغلف والي اتستف والي اخر 😂😂😂

لانه الناس بدت اتجي وتزحم بالخص الشباب
المهم وتينا كل شي جاهز

اريج خشت لي المطبخ: حي يابنات لو اتشوفو الصاله كيف تعبت 😂 تي كيف لحقت اجديده وعزمتهم
انا انستف في المناديل: تي الصبح قعدت قريب ساعتين علي التليفون وعبيتلها 4 اكروت 😂😂😂
ابرار: خزي مفروض عبيتيلها زوز بس واعطيتني الزوز التانيات
انا:هههههههه امصبيه علي راسي كيف بنرفعهن منها 😂نور: كان انا حولت منها
انا: 😂😂 انا تفكيري مش خارب زيكن
سندس خشت اتافاف
انا: كنك
سندس: تي تعبت وانا انسلم تي امي ما خلتني اتخش وحده ترفعني انسلم عليها بدل ماهم ايجوني انا نمشيلهم الله عليك دنيا ورفعت كاس عبت اميه انا وقعدت تشرب تي ادهشت وهم مضبطيني وايهدرزن 😂😂😂
نور: بالشويا عليك احكي بشويش مافيش حد زارك
سندس ضحكت: اتعبت والله معاش طالعه هي
انا: اقعدي ياحنه من شدك
بيسان: زعما انوتو السفر ولا مزال
اماني: انخلوه اشويه
ابرار: اي صحه خلي اشويا تانيه ولا انكلمو اعميمه نسالوها
سندس: تعرفو ميته جوع
خش محمد من باب الخلفي في المطبخ
محمد يضحك: انتي ديما ميته جوع
سندس: والله ياحوده من الصبح ماكليت شي
محمد قرب جنبها: وعلاش ماكليتي
سندس ضحكت:ماكنت فاضيه ماجتني نيه
محمد: لازم تاكلي عاد مانبوك تمرضي
انا: نحنا هنا ياقوم
نور: راعو مشاعرنا عندنا جفاف
محمد: سكري فمك انتي
سندس ضحكت: كنكم مادرناش حاجه نحنا
نور: محلاكم ودايرين حاجه
محمد يضحك: السانك يافرخه قطوسي خليها في حالها
ابرار: اشي اشي يابنات محمد نبي واحد زيك
سندس: للاسف اخر واحد وامتاعي انا
محمد ابتسم: اهو جاوباتك
انا: ربي ايخليكم لي بعض
محمد: امين وغمز لي سندس طالعه حلوه ياقطوسه
وجا بيطلع
نور: ابرار طلعي اليم من الثلاجه 😂😂😂
ابرار: يانا ياروحي 😂😂😂
نحنا كنا نضحكو عليهم
رجع محمد من جديد
محمد:ذهبتولي شيرتي دازيني يبو اميه
نور: قطوستك ذهبت شيرتك مش نحنا
محمد دخل ايده في شعره ورجعه لي الورا وابتسم
محمد: في هدي عندك حق ذهبتلي شيرتي
اريج: تي اعطوه اميه خليه يطلع بسرعه 😂 ركبلنا الجفاف
سندس كانت فرحانه واتبحت في محمد حتي هو نفس الشي
نور رفعت السفرة الميه: امسك يا اخي العزير ارجوك لا تدخل مرة تانيه الي هنا لان نحنا الفتيات لا نتحملو الرومنسيات بهاد الحد 😂
محمد 😂 : شن تخرطي انتي
ورفع السفره هو يضحك وطلع

نور:وانتي التانيه توا كنتي جيعانه توا انشوف في ضحكه من وذن لوذن
سندس ضحكت: حاسدتني في الضحكه 😂
نور: حاسدتك في الرومانصيه يا كلبه 😂😂
سندس: اهو خالد امشيله
انا ضحكت: بصفت ملاك ولا نور 😂😂
ابرار: الزوز
نور: 😂😂😂😂😂
خشت هاجر
هاجر: شن في ايضحك ضحكوني امعاكم
صح منهي ملاك توا اسمعت اسمها
اماني تبي اترقع: ملاك صاحبت نور
هاجر😏; اها علاش سكتو بعد خشيت
نور: والله الضحكه طفي شحنها شن بنديرو 😒😒😒
هاجر: بارده ع فكره
نور: مش ابرد منك
هاجر: كنك امعايا انتي
انا: كنكم يابنات خلاص ماصار شي
هاجر: شفتها ابروحك اتكشخ عليا
سندس: خلاص اهدي خيركم
اماني بتغير الجو: حي يابنات اسبوع الجاي بتبدا المدرسه يانور انتي بس قعدتي
نور: والله رايفت عليها القرايه
ابرار: احسن شي بشهادتي 😂😂
اريج: وانا واماني كليه 😂😂
انا:والله احلى شي ايام التانوي
نور: اهو اخر سنه وانكمل التانوي
هاجر:حتي انا زيك
نور 😒

خشت ماما
ماما: سندس تبيك عمتي
سندس بتعب 🥺🥺:وربي اتعبت انسلم مايتموش بكل
ماما ضحكت: الله غالب تحملي
طلعت سندس وهي اتافاف 😂😂😂😂
ماما:بنات انتو حطو العشاء خلاص اول شي اعطو التريس وبعدها انسوان هيا ابدو خلي انكلم الطيابه اتحط العشاء

حطينا العشاء وكلمنا الشباب ايجو يرفعو
قعدنا انمدو في السفر

خالد: هيا كنها يدك مرخيه
نور: اصبر انسقم العصير بس
خالد: تي هيا
نور رفعت السفره واعطاتها ليه: تي كنك ماعندك صبر
خالد طالع من الباب: ماهو انتي اتمرخي بايره ماتعرفيش
نور: خزي بارد تي نصه درته انا
خالد طلع ما عدل عليها

جا بعده سند
سند: مزال كم سفره
انا: 2 بس
سند: هاتي
رفعت السفره ومديتها لي سند
سند بصوت واطي: انحط السفره وانجيك امشي لي السطح تمام
انا هزيت راسي: تمام
طلع سند وخش امجد
امجد ايعارك: توا جدي مش عاجبه هدوم يرفعو اينوض فيا انا قدام العرب ويهزب
اماني اعطاته السفره: تستاهل ارفع واسكت
امجد: توا انخربلك وجهك بيها وبعدين ماقتلك ماتلبزي علي وجهك
اماني: مادخلكش فيا
امجد: والله اتشوفي
انا: خلاص انت امشي ريحنا من دوشتك
امجد: اقعدو فيها ماشي انا
نور: طريق السلامه😂
طلع امحد
فرقنا علي النسوان وحطو البنات بيتعشو
انا خليتهم يتعشو وطلعت
ركبت علي السطح
القيت سند امقعمز وعاطيني بضهره
مشيت علي روسين اصباعي اوصلت فيه
حطيت ايديني وسكرت اعيونه
ابتسم سند وحط ايده علي ايدي: جيتي حبيبتي
انا سكتت ماتكلمت
سند: هههه نعرفهم ايدين حبيبت قلبي
انا ساكته
سند: ماتخليني نجبدك توا 😂 تعرفي شن ايصير
انا نحيت ايدي نضحك: كنك صايع انت
سند: في حد ايشوف حبيبته قدام اعيونه وما ايصيع
انا ضحكت: والله قبل كانت فكرتي عنك محترم وهادي
سند ضحك: وتوا
انا ابستمت: اول شي صايع ومجنون ومراهق
سند كشر ☹️: وشن تاني
انا 😍: ورمنسي وعصبي وحنوني
سند ❤️: وشن تاني
انا حطيت ايدي علي خدي وانفكر ❤️: اممممممم وغيوري 🔥🔥 وانحبه بس
سند: شن تاني بعده ركز شن قلت
سند 😍😍:عاودي شن قلتي اسمعت صح انا 😍😍
انا ❤️❤️: تؤتؤ مش امعاوده
سند😍: نحلم صح
انا: ضحكت وعلاش تحلم
سند: عاوديها كنك مكاره ليا واجد انرجي نسمعها منك
انا ابتسمت وبحتت في اعيونه: انحبكك ❤️ سند
سند 😍😍: انموت فيك ياروح سند 💋💋
الله واخيرا سمعتها منك
انا ضحكت: توا تسمعها ديما
حضني سند
سند: اخخخخ لو تعرفي ليا قداش انرجي فيها
انا: لهدرجه
سند: واكثر من هك وراسك
انا ابتسمت 😍: والله النصيب احظوظ ويامحلا حظي فيك
سند ابتسم: انحبك عنشكلك شن درتي فيا
انا بعدت وجهي من علي صدره
انا:وشن درت
سند:هدا كله واتقولي شن درت
انا رمشت اعيوني: مادرت شي ☺️
سند: تسكتي ولا انعضيك من فمك
انا: لو بتبدا بصياعتك انا بنمشي
سند:والله سكتت ها عايش في جفاف ليا يومين
انا: كنك اتخرب في لحضات الرومانسيه
سند:يقطع رومنسيتك خربتي كل شي غير صايع ولا بطل يابارد 😂😂😂😂
المهم مانبيش انخرب يومي الحلو وليا واجد انراجي فيه
انا ضحكت: مستحيل اتبطل تافهه انت
سند: 😂😂😂
قعمز سند وجبدني قعمزت جنبه : اتعبت نبي انقعمز 😂😂😂
انا:به انت قعمز انا بنمشي
سند: وانا ماصدقت حصلت عليك🤤
انا:😍😍
سند: تعرفي بجد فرحان اسمعت احلى خبر في حياتي الاول سندس والتاني انتي والله انتم الاتنين اهم حاجه فحياتي
انا🥰: ربي ايخليك لينا
سند باس ايدي: احبَ وجودك بقربيّ وأحب بسمتيِ التيَ سببهاَ انت❤
انا: انحبك ياواقعي الحلوه
سند:طالعه اتهبلي ع فكره
انا: عارفه روحي
سند: لا ياتقه انتي
انا:حقاتي ❤️
سند: اكيد 💋💋
سند: معاش تطلقي شعرك هكي يافرخه 🤤🤤🤤🤤🤤 انموت فيه مانبيش حد ايشوفه غيري
انا صبيت قعدت انلود قصدا 😂
سند🤤🤤🤤🤤🔥: قعمزي ياهبله
انا: ماريت شي من اهبالي مزال
سند: والله 😉😉
انا: والله
سند: قعمزي دوختيني يا مهبوله
انا:تؤتؤ بنمشي طولت
سند: خليك يامهبوله❤️
بست سند بسرعه🔥🔥🔥💋💋💋
انا: هههههه شفت المهبوله شن دارت ومشيت نجري جنب الباب
سند 🤤🤤🤤🔥: عنشكلك يافرخه تعالي شن درتي
انا نضحك درتله شكل قلب بيدي ونزلت بسرعه

سند كان فرحان واجد 😍😍❤️ بيطير

اما عندي نزلت بسرعه
القيت البنات مزال ياكلو قعمزت ناكل امعاها 😂😂😂😂 كنت ميته جوع كنت ناكل مبتسمه

ابرار: اشي ع البتسامه
نور: وين هايمه امالا شن درتو انتي وسند
اريج: حي شكلهم دارو اححححا 😂😂😂
انا: خزي حقيره تفكيرك خارب زيك
اماني: غير قولينا شن درتو وانتي وجهك احمر وتضحكي من نزلتي منه
انا:تفكيركن مريض
نور: غير قولي عليك الامان مش حا انقولو لي حد
انا :محلاك وقايله نقتلك
ابرار: اووووووو اعتراف اكيد في شي
نور: ههههههه كشفناك
انا:والله مافي شي غير اعترفت لي سند بحبي بس ❤️
نور بشك: هدا بس
انا:اي
ابرار: مافيش حاجه هكي ولا هكي 😉😉😉 نزبطك انا
انا 😒😒😒😒
بيسان: كولو بسرعه ورانا تغسيل الماعين 💔💔💔
اريج: ووووووه عليا قلبي الصغير لا يتحمل 🥺💔🥺🥺
نور:عنشكلك سدتيلي نيتي يابيسان
اماني: سندس مسكينه عالقه امع اجديده
ابرار 😂😂: وجعتني 😂😂😂
خشت عمتي ابتسام😂😂😂
عمتي ابتسام:بنات راهو الشباب جابو السفر وحتي النسوان كملو نوضو لمو الحوسه بسرعه

انا: اوووف الحوسه الي ماتم
اريج: صبو خلي نمشو انكملو بسرعه
ناضو البنات انخشو لي المطبخ انشوفولكم شوفه
شي ايقطع القلب 💔💔💔💔💔💔💔💔🥺
منضر ايبكي
نور: هذا شنو 🥺🥺💔
انا: يا بنات قلبي 😂😂😂😂💔
ابرار:شكله نهايتي في المطبخ

بدينا في التغسيل 💔💔💔 والناس اتروح
ونحنا كنا انغسلو ونضحكو وجو كل اشويا خاشه ماما اتهزب علي صوتنا العالي

نور اتبصر علي ابرار وصبت عليها امية صابون
ابرار: يا تافهه ياحقيره شن درتي وكانت رافعه التيشرت
نور: ههههههه تستاهلي
ابرار:رفعت اميه وصبتها علي نور

كنا نضحكو عليهم 😂😂😂😂
ابرار: بنمشي بنغير
انا 😂😂: امشي امشي
طلعت ابرار
خشت هاجر وهناء
هاجر 😒: ماما قالت خشو ساعدو البنات
نور: بشوفت عينك اهو قريب انكملو مش محتاجين مساعدتك خليك زيك زي الضيف
( عندكم منهم النوعيه هذي في العيله بعد اتصير مناسبه زيهم زي الضيق ايقعمزو ياكو ويمشو 😂😂😂)
اماني: تعالي سيقي الارضيه خلاص كملنا نحنا
نور 😒😒😒😒

عند ابرار
طالعه من بيت جدي ماشيه اتجا بيتهم
بالصدفه كان حمزه طالع مش منتبه 😍

خبط فيها لي تاني مره
حمزه: انتي😂
ابرار: انت 😂
وضحكو الزور
حمزه: كنك ديما خابطه فيا
ابرار: لا والله صدفه بس
كانت ابرار ناسيه منضرها 😂😂😂😂
حمزه ضحك: كنك امبلبه كلك اميه
ابرار تحشمت وفي خاطرها عطك موت يانور
ابرار: كنت انغسل بليت روحي نستاذن منك وجت بتمشي
حمزه: استني
ابرار: نعم
حمزه:ممكن نعرف اسمك ☺️
ابرار:برار
حمزه: عاشت لاسامي انا حمزه
ابرار: تسلم
مشت بسرعه خافت حد ايشوفهم غيرت ورجعت لي حوش جدها

ع الفون
محمد: قطوستي ريفت عليك نبي انشوفك
سندس: مانقدرش توا اشوفنا سند انخاف
محمد: به ريفت عليك نبي نهدرز عليك
سندس:هدرز حتي هكي
محمد ضحك: ماهو مانعرفش انهدرز ع الفون
سندس: ههههه والله
محمد:اي به احكيلي شن درتي
سندس ابدت تحكيله وهي فرحانه وقعدو ايهدرزو ومحمد ايحاول امعاها يبي ايشوفها بس هي قالت لا

كنا انهدرزو
نور تليفوها رن وكان خالد
طلعت تحكي امعا
في شخص طلع وراها وهي مش منتبه

نور: تمام وانت
خالد:والله بعد هل الصوت اكيد بنقعد تمام
نور:ضحكت وينك اليوم مش فاضيلي
خالد: والله اليوم ما فضيت امع جدي
نور:ربي ايعون حبيبي
خالد: ملاكي بنحكي امعاك في موضوع
نور:شن هو
خالد: امتي فاضين ايجو العيله يطلبوك ليا بنجي بنخطبك مانبيش انضيع فرصه ربي اعطاها ليا
نور بصدمه 😱😱😱: اتبصر صح
خالد: وعلاش بنبصر يعني والله جديات انا حبيتك من قلبي مانبيش نخسرك ولا اضيعي من يدي
نور: بس ماسكرنا شهر كيف هكي
خالد: اهم شي عارف في شنو بقلبي خيرك امعقدتها بدل ماتفرحي ولا ماتحبيني
نور 💔💔💔🥺🥺: لا انحبك بس كانه استعجلنا
خالد: انتي تبني ولا لا
نور 😢😢: اي
خالد: ليش امعقدتها انتي توا احكي امع امك الموضوع وهدرزيلها وانا باذن الله خلال السبوع انجي نخطبك
نور💔💔: به نبي انسكر
خالد حسها اضايقت: خودي راحتك
سكرت نور

قعدت تبكي ما كانت متخيله روحها بتحبه بسرعه هذي
وجعها 💔حالها لو حكتله الحقيقه بتخسر لو مشت في الكذبه بردو حاتنكشف وبتخسر وفي الحالتين هي بتخسره وندمت انها خشت في لعبه هدي بس صار العكس ❤️ حباته

جتنا نور وكان وجها حزين واضح باكيه
حكتلنا كل شي
ابرار: قتلك فوتك منها بس انتي اصريتي
اماني: اهو انتي الي حبيتيه وكسرني قلبك بيدك
نور 💔💔🥺:خلاص ماتزيدو عليا بالله عليكم 🥺🥺
انا: من راي انك تحكليه الحقيقه وكل شي
بيسان: اي واحكيله علاش درتي هكي
نور: مش حايفهمني
اريج:نصيحه احكيله قبل لايكتشف ابروحه
نور: توا نمشي نحكيله
انا: اصبري ماتمشي توا خليه بكرا
سندس: اكيد توا اضايق بعد سكرتي عليه انتي بكرا امشيله بالهدو
ابرار:ماتوقعت من خويا ايحب بسرعه هذي ولا يبي يخطب فوقها 😂😂😂😂😂
قعدنا انهدرزو وانغيرو في جو نور

بس كان في شخص جنب باب الدار يسمع فينا
……: والله توا اتشوفي يانور مش كل حاجه انحبها انا اتحطي عينك عليها

حمزه:………
سند:………

هاله:………….
…:………….

#يتبع

اترك رد

زر الذهاب إلى الأعلى