سليمان :- انتو عارفين زيـن كميـة العداوة الي بيننا وبين الرايس … اليوم تناقشنا حني وشيوخ القبيلة كلها ، والي عرفناه انه من اكبر البضائع وصلت لعندهم ، والشي هذا حيكسرناا … وبعد ما حاولنا نشوفو شخص مناسب يساعدنا ، معاش لقينا غيركم …
امير :- احم قصدك انت عابـي على حد غيري 😎 !!…
شهاب :- لالا تو اني نهتم بيه الموضوع هذا …
سليمان :- قاااطعه وبعصبيه … لاااا الشـي هذا مش حيقدره الا امير … طلعلهم شوية صور …
امير :- ضحك … هذا… تيم الرايس!!….
شهاب :- بنظره مش فااهم …
سليمان :- بالزبط ، هذا عندهم زي ماعندنا حني امير ، كلمته الي ماشيه والمعروف صايع ومتع بنات وسكير وحشيش ….
امير :- وتقارن فيه بيا 😏 … المهم شن المطلوب توه …
سليمان :- تمشي وتاخد منهم البضاعه …
امير :- اكيد لا…
سليمان :- نعممم 😡 …
امير :- مش حناخدهاا بالخنبه ، حنحط فلوسهاا قبل كل شي ….
شهاب :- كاان متوتـر … لالا امير لا …
امير :- تييي خيرك يا…
شهاب :- انت عارف انه خطير ! ولسمح الله شن يصير معاك او شي هكي …
امير :- بهزوه … والله ! خطير عليا ! … المهم جدي اعتبر الموضوع تمم 🔥 … خـدي نظـاراته وطلـع ….
نيروز :- كانت واقفه وسمعتهم … ابتسمت لما تذكرت امير ♥️…..
شهاب :- متعصب ويكلم في جده … انتت كيفف تقووله 😡 … تي عارفه مش نااقص هوو ولااا …
سليمان :- يشرب في الشاهي … حفيدي وواثق فيه انه قدهم كلهم …
شهاب :- كااان متضاايق بكل … مشي ركب لداره …
————————————-
مرت ايامات عاديه وبدون احدااث …
اما عن اليوم ….
تيم :- كان مقعمز على طاولة الفطور …
جلال :- تيم شن صار في اخر بضاعه …
تيم :- امورها تمام …
راشد :- انت عارف انها حتكسر السووق صح ! دير بالك اكيد حيداهموكم ولا شي من هكي …
تيم :- يتكلم ببرود … مايقدر حد يوصللها …
راشد :- فرحان … واخيرا المطيري هالمره مش حيقدرو يتكملو …
جلال :- لكن رد بالك …
تيم :- وقف … ماتقلقوش … وطلع …
…..
سليمان :- مقعمز ومتضايق ….
شهاب :- يفطر …
امير :- اييي تو ليش متضايق …
سليمان :- لانه حضرتك ماد وجهك بحداي وهما يفوزو علينااا …
امير :- تي كانت عندي شوية مواضيع ، اهو اليوم ماشي ومانجي الا بيها …
سليمان :- فرح … خلاص قصدك …
امير :- يرفعله في حواجبه🔥 ….
شهاب :- لاحول ولاقوة الا بالله ، وناض ركب لداره ….
سليمان :- ماتعدلش اليوم تمشي تمام …
امير :- ميه ميه ….
—————————-
نيروز :- كانت كل ما تنجاب سيرة امير قدامها قلبها يدق ❤️ … ديما تحاول تفوت الافكار هادي بس القلب يغلب …
نور :- نيروز حبيبتي شن جهزتي الاكل ….
نيروز :- كـانت مبتسمه … اا اي اي جهزته …
نور :- غريبه فرحانه اليوم …
نيروز :- تقدري تقولي مرتاحه ، الفرح معاش ريته بعد اهلي 💔 …
نور :- اووو حبيبتي اسفه مش قصدي نذكرك ….
نيروز :- لاعادي …
نور :- عالمهم الاكل نبوه حاجه صح ، السيد سليمان ناوي على عزومه كبيره ان شاء الله …
نيروز :- من عيوني اكيد …
………
راويه :- تنـوض فيهاا … اسوو اسوو …
اسراء :- تي هااا …
راويه :- نوضي هيا وقت …
اسراء :- ليش الساعه كم !
راويه :- الساعه 1 …
اسراء :- مصح وجهك مزال بكري ، وردت رقدت …
راويه :- هفف باهي … ونزلت ….
—————————
تيم :- كان مقعمز … ويراجع في حساباته ووراقيه … توه معاش عنده هدف الا الشغل … قاطع تفكيره … شخص ماكنش متوقع يشوفه ….
امير :- واقـف ولابس نظارات … خش وبكل ثقهه …
تيم :- استغرب .. دقيقه دقيقه ، وين الحراسات !! وكيف خلوك تخش !!….
امير :- قعمز ، وبهزوه … خيرك مستغرب ، من عاداتي نحب المفاجات 😉 …
تيم :- بجديه ، رغم انه اول مقابله الا اني عارف زين ليش جاي …
امير :- كويس ، اهو وفرت عليا الشرح … شار بإيده للولاد الي معاه …. والاتنين منهم حطو شناطي فلوس على الطاولة 🔥…
تيم :- شافهم … حسب رايك حنوافقك يعني ؟
امير :- لا انت وافقت وخلاص ، هادو حقاتك ومعاش عندك عندنا شي تمام …
تيم :- شد تلفونه …
امير :- رفع سلاحه عليه🔥 … ضحك بهزوه … متحاولش …
تيم :- بيتكلم …
امير :- قاطعهم صوت تلفونه …. ولما رد …
…. :- امير البضاعه خديناها ، ولما جينا نتاكدو منها طلعة مش نفسهاا ….
امير :- تعصب وعض شاربه ، تمام تمام سكر توه …
تيم :- ابتسم … شنو شكله هالمره ماشدتش معاك …
امير :- مداير روحه عادي … شار للولاد يرفعو الشناطي … امم كويس طلعت تعرف وحسبت حساب …
تيم :- ااكيد الخطوه بحسابها ….
امير :- ضحك … كوويس وياريت ترد بالك اكثر في الجاي … وناض …
تيم :- ماتبيش تشرب شي ! …
امير :- مره تانيه … وطلع …
تيم :- ابتسم بنصـرر … وكمل شغله ….
اميرر:- مش حنحكي كمية الغضب الي عنده حاليا … اول ما طلع مشي لمكتبه .. هي هكي صار تيم الرايس ، تمام جهز روحك امالا 🤨 … واتصل بحد …
( الحقد الي في قلبه شن يطفيه توه ، وبجد كان مجهزلهم شي اقوى من هذا كله🔥 )
————————————-
… ( روايـات كـارمن ✨ ) …
كان الوقت ليل ….
شهاب :- كيف مروح وركب لداره … امم روحتي ..
شدى :- اي …
شهاب :- شن حال بوك …
شدى :- بخير الحمدلله ، يسأل عنك بس ….
شهاب :- تو ان شاء الله غدوه نمر عليه … يفتح في بطم سوريته …
شدى :- قربت منه … خلي عنك ، وكملت تفتحله فيهم … لحظات حضناااته ❤️
شهاب :- مسح بإيده على خدها … خيرك شدى في شي !… في حد دارلك شي او ضايقك
شدى :- لالا مافيش شي …
شهاب :- قام راسها بإيده … متاكده ؟…
شدى :- ابتمست … اي اي …
شهاب :- تنهد … تمام خلي نخش ندوش وانتِ ارتاحي .. ومشي …
شدى :- ابتسمت بفرحة … حست وكأنه بادلها شوية شعور ؟ … بدت تمشي بنصائح اختها وبطلت تكون نيه وغبيه وتعلمت كيف تكسبه … بس شهاب هل حيرد زي الاول !!!….
———————————-
سليمان :- كيففف هكييييي كيفففف …. واني لي نقوول امير وامير وامير ….
امير :- جدييييي اني خبرتك بيش ماتسمعش من حد ، وحقي حناخدههه تمااام ….
سليمان :- اني الي عندي زوز ماقدرتوش وهو الي واحد زلبحك ….
امير :- حدف الطاااسه بقوووته … مش حنفوتهاااا ليهم وحسااابه غااالي … انت خليك زييين على التلفزيون … ونااض …
( امير ماكانش عصبي ، بالعكس كاان باارد ومستفز ديمه ويحب يلعب باعصاب غيرره ، بس سليمان كان ديما يستفز فيه قصداً بيش يتحرك ، في كل مره يضر فيها امير من الطمع متاعه وهذا كله بيش يرفع راسه بيه بحدا القبيلة )
———————————
كان الوقت متأخـر ، واغلبية الناس في حوشها …
الا هـوو …
امير :- ترا وريني … متاكد منه الموقع صح !…
…. :- اي ، بس يعني كنت تقدر ترتاح وحني نتكفلو بالموضوع …
امير :- شافله بهزوه … ماتنساش كيف عبيت عليكم اخر مره وشن صـاار ….
…. :- تمام تقدر تتفضل معانا لتتأكد …
امير :- مشـي معاهم ….
شوية ساعات ودقايق …. لحد ما دار امير الي فـي راسه ، وبهكـي فتح باب حـرب جديد 🔥 ….
امير :- كـاان واقـف وشاد سبسي … النـااار الي قداامه كااانت تاكـل في الدنيااا كلهااا 🔥… بـس شعور النصر كان شي تاني …ابتسم بنصر … وسيب المكان …
——————————
… ( روايـات كـارمن ✨ ) …
في صباح يوم جديد ….
عند تيم ….
كلهم كانوو مشغوليـن بخبر اليـوم ، كيف وامتى وشن صار مافيـش حد يعلم الا شخصين بس …
تيم :- كاان واقـف ويشوف في البضاعه كلها محروقه والنار مزال مشتعله 🔥، المطافئ تجري وتطفي …
جلال :- مصدوم … كك كيفف صااار هكييي كيفف 😡!!…
تيم :- واقف وساكت … يمكن الجواب كان هو بس عارفه …
جلال :- وين طاااااقم الكهرباء المسؤل عن هذا كلهه … الي صار خلل في الخيوط …
تيم :- امم تو نشوفهم كلهم …
جلال :- تنهد … اففف شن بنقولو لجدك بس …
تيم :- يصير خير …
جلال :- في شي صاير ، مش عاجبني بكل راه، اول مره نشوفك مكتف ومش مداير شي ؟؟…
تيم :- مافي شي يابوي ، تو نعرف نتصرف 😏 …
جلال :- شوف من وراء الموضوع ودير راي …
تيم :- هز براسه …
…….
اما عند امير …
كانو مقعمزين على الطاوله كلهم … ويهدرزو زي اي عيله ، لحد ماقاطعهم التلفزيون بنفس الخبر ، وهو احتراق اكبر بضائع لعيلة الرايس …
سليمان :- اول ماسمع الخبر ، فررح ….
شهاب :- شاف وشهق … غر دقيقه !! كيفف !..،
امير :- شاد تلفونه … ماتشبحوليش مادخلنيش قالو خلل في الكهرباء 😉 …
سليمان :- ايووه هذااا هو حفيدي 😌🔥…
امير :- ضحك …
شهاب :- لاحول ولاقوة الا بالله … امير كيف تحرق بضاعه كيف !!!….
امير :- ايييي عاد ماتديرش روحك ثقي راه ، انت زيي واحرف …
شهاب :- مش هكي لكن ، اعرف على من تستخدم قوتك …
امير :- بهزوه … قتلي نعرف 😏، خليهم يتحملو مسؤلية الي داروه ، لحد الان ماجبتااش امه الي يفكر يزلبحني ، وفي النتيجة شوف شن صاار ، خلي يحسبو حساب زين من يكون امير المطيري 🔥 … وناااض …
سليمان :- ناااض وخش للمطبخ … نوور ….
نيروز :- سمعااته تلفتت … تفضل …
سليمان :- انتِ الطباخه الجديده صح …
نيروز :- اي …
سليمان :- يتكلم بفرحه … اليوم نبي احلى اكل وافخم اطباااق ، نبي اليوم الي ماياكلش ياااكل …
نيروز :- ابتسمت .. حااضر …
سليمان :- طلع فرحان وماشي بيخبر عاد بقية الشيوخ والقبيله متعهم ….
نيروز :- بدت تجهز وبكميات كبيره ….
نور :- خشت عليها … حبيبتي قال الحاج شن يبي ؟؟…
نيروز :- اي اي قالي واهو شوفي شن بندير …
نور :- عارفه تعب عليك هلبا امس واليوم …
نيروز :- لالا عاادي …
نور :- هاتي الي في ايدك … شوفي نبيك تمشي للجيران وترفعيلهم حاجات … ماتعطليش هلبا فيسع وتعاالي ….
شدى :- نورتي … شافت قدامها نيروز … ؟؟..
نور :- تعالي حبيبتي … هادي طباخه …
شدى :- اهاا ، ماشاء الله انتِ تهبلي واكلك يهبل …
نيروز :- ضحكت … من ذوقك …
نور :- خلاص امشي تو اني نشوفها …
نيروز :- تمام هي … وطلعت ….
……………..
… ( روايـات كـارمن ✨ ) …
تيم :- خش لحوشهم ، خلا كلام راشد وراه .. وعلى طول ركب لداره ، مش عارف شن الخطوه الجايه الي مفروض ياخدها … قاطع تفيكره صوت الباب … خش …
اسراء :- هاااااي …
تيم :- اهلا اسراء !!….
اسراء :- بنقولك …
تيم :- واقف على المرايه … اي !!…
اسراء :- غدوه قلت نبيك ترفعنا اني وراويه …
تيم :- تو نشوف من يرفعكم ساهل …
اسراء :- اممم به …
تيم :- يشبحلها بنظرة …
اسراء :- قعدت واقفه ماطلعتش …
تيم :- مشي قرب منهاا … لحد ماقعد في شوية مسافه بينهم …
اسراء :- خافت وسكتت …
تيم :- كان يتحسس بإيده على فمها … في شي تاني !!..
اسراء :-بلعت ريقها ، وهزت براسها لا…
تيم :- مستمر يتحسس … بعدين قاللها … للبرا …
اسراء :- استغربت .. ومشت طلعت لبره على طول … اسلوب تيم ماكانش هكي ؟؟ وهي مش عارفه خيره لتوه … وبدت تفكر …
تيم :- كل مايشوف بنت يتذكر سيرين ، تنهد ورجع لفراشه يرتاح ….
——————————
عند نيروز …
امل ( جارتهم ) :- تفضلي تفضلي … انستينا
نيروز :- ابتسمت … سلمك ، تفضلي اهو شوية حاجات باعتتهم ليكم خالتي نور …
امل :- اهاا ، اكيد لماما ، عالمهم خشي هدرزي شوية …
نيروز :- والله عندي شغل تو مـر…
امل :- جبتدها من ايدها … تي هي خمس دقايق شن تدير … تعالي قعمزي …
نيروز :- سكتت وسايرتهاا …
امل :- تعالي احكيلي كيف تخدمي هني وهكي انتِ …
نيروز :- بدت تهدرز هي وياها وانسجمت …
لحد ماقالت …
امل :- نقولك شي ، هما اوڤر حني صح عندنا هكي ، بس حوش سليمان بشكل …
نيروز :- كيف يعني !..
امل :- يعني شوفي هلباا اجرام وهلبا قتل ، ولدهم الصغير مش مخلي شي مش دايره تقريبا ، اما الكبير اخف شوي …
نيروز :- دقيقه ، هما الي ياخدو في حقكم هني تقريبا وامشيين اموركم ، كيف طلعو ماينفعوش …
امل :- اي اكيده اني وخوي على ولد عمي واني وولد عمي على البراني … لكن يعني حتى قصصهم غريبه … امهم مقعده بوهم ميت وخوهم مفقود وحاجااات هلباا …
نيروز :- استغربت وقعدت تسمع وساكته … لحد ماحست الوقت تاخر وروحت …
———————————————
… ( روايـات كـارمن ✨ ) …
مر اليوم ، سليمان دار الي في راسه ووزع اكل وحاجات على جماعته ، اما شهاب كمل شغله وروح ، وامير مش في الحوش لتوه …
بـس عند تيم …
تيم :- كان مقعمز على اللابتوب … يبعت في وراقي وحاجات … ويفكر شن يدير … قاطع تفكيره صـووت البريد … فتحه وشااف شي غريب شووي 😨 … يتبع🔥>>……
