رواية جرائم غامضة للكاتبة ميلو حسن الحلقة الثالثة | القلم الناجح
روايات ليبيه كاملة

رواية جرائم غامضة للكاتبة ميلو حسن الحلقة الثالثة

رواية جرائم غامضة للكاتبة ميلو حسن الحلقة الثالثة
#جرائم_غامضة 3

ملاحضه(منذر مات بسبب ازمه قلبيه لأنه ف البدايه تلخبطت لناس الي قرتها ف البدايه)

وليان:حطت التليفون ع الرف….خيرك حبيبي فهمني بس ليش زعلان؟
صقر:انا مستغرب في الشي الي قعدا اديري فيه
وليان:حبيبي انتا شن موجعك حور وقدرت نقنعها صح هيا شرطت شرط بس عادي اهم شي سلامة العيله
صقر:كيف شن شرطت؟؟
وليان:قالت انه صقر ميدخلش شقتي يعني زواج ع لورق وباش يزيد يتربا بينكم
صقر:اها اي اكيد هكي بيكون وانا من الاول وصيتك
وليان:قربت من صقر حبيبي انا درت هكي لانه عارفه حور بنت عيله وبجد جبتها هنايا لانه امك مصممه ويزيد نبيه من زمان ونحبه ومعتبراته زا ولدي وهدا شي ميعنيش انه انا سلمت فيك بالعكس ح نحاول اكتر نخلي الامر عادي وفي النهايه اهم شي العيله
صقر:حضنها بحب حبيبتي انا عارف انك بنت قدعه ودرتي الواجب وكسبتي امي
وليان:تلمس في شعر صقر وراسك ي حبي كل شي ع خاطرك بس
صقر:تعالي نبيك الليله ترقدي ف حضني
وليان:حولت الطرف الفوقي وجت جنبه بزبط

وليان قدرت تثبت للعيله انها الكنة المثاليه برغم مكانتش معاملتهم معاها حلوه لانه وليان كانت ف نضرهم البنت الدلوعه والهاديه والي م فيش منها فايده عكس حور الي تفهم ف كل شي وجبتلهم البيبي وكانت معاهم في كل شي يد بيد
ممكن الأمر يكون عادي من وليان وممكن انه هيا تبي تجمع العيله فعلا لانه لاحضت ف الفتره الاخيره الحزن والوجع وتشتيت مسيطر ع العيله اكتر شي ف الحل هدا حترجع الضحكه للعيله وح تتغير هلبا حاجات💔

___________

حور:دموعها نازلات….ياربي امتا ح ينتهي الامتحان هدا
فاطمه(امها):بنتي وكلي امرك لربي عادي عيلة منذر واضح يحبوك وميبوش يسلمو فيك
حور:لا ي ماما انا عارفه نصيبي خلاص ومنذر الله يرحمه بس مكنتش يوم نتوقع نتزوج صقر ونجي ع وليان 💔
حور:به هيا وليان راضيه وقدرت تقنعك وزي م قلتي ع الورق بس تربي ولدك لن مع الوقت يتغير الوضع معاك للأحسن
حور:منهاره من كثر لبكاء لا ي ماما والله مهما كان وليان متستاهلش الي صاير فها مرت عمي متحبش وليان اكيد هيا ضغطت علاها ووليان خايفه تخسر صقر قررت انه تزوجنا
فاطمه:خلاص ي بنتي مدام وليان بنت عيله وناس انتي توا واجبك توقفي معاها وتحترمها ومتقصريش معاها
حور:هدا اقل شي نديره معاها
فاطمه:انشاءالله ربي يقرب بينكم وتوا صلي ركعتين واستخيري
حور:انشاءالله💔
فاطمه:هي تصبحي ع خير
حور:وانتي من اهل الخير

___________

وديان:تبكي وتتكلم ي عمري انا خايفه
عمر:ي روحي م فيش شي يخوف انا قتلك شهر واحد وراجع
وديان:فاهمه حبي بس نا متعوده عليك ديما جنبي
عمر:حبي فهميني بس انا علشان من مسافر
وديان:😭😭
عمر:افهمي وديان انا نحبك وم فيش حد يقدر يفرقنا
وديان:ي روحي تحملني انا خايفه تنكشف
عمر:انتبهي ع تصرفاتك وكلامك ومتخافيش حد يلاحظ عليك شي لن نرجع
وديان:حاضر بس مسرة عندها علم بكل شي
عمر:اءء اي بنت خالتي مسرة مش ح تقول لحد تخاف عليك وعلينا
وديان:اي فاهمه اصلا م فيش حد مصبرني غير هيا
عمر:تمام حبيبي توا امسحي دموعك وارقدي نحكو الصبح
وديان:تمسح ف دموعها …ح حاضر💔
عمر:سعيده حبي…وتسكر الخط.

وديان لانه تعيش ف حوش عمها وكانت قريبه هلبا من مسرة وهما صحاب الاتنين طبعا عمر هدا يكون ولد خالة مسرة زي حب وديان من ايام الطفوله لانه شايفها عندهم كانو الكل عارفين بقصتهم بس مازال عمر متقدملهاش بسبب ضروفه الماديه وتوا واخيرا قدر يجمع راس مال ويسافر باش يكمل مشروعه مع عمه باش اول مرجع لي ليبيا يحدد موعد زواجهم ويتزوجو وهدا كان اتفاقهم لأنه وديان طلعت حامل منه مافيش وقت اصلا حتا يستنو💔

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

رانيا:شن سبب البرود الي عند وليان؟
السجينه:😅 متنصدميش مافيش حاجه ح تصير الا وراها شي كبير
رانيا:مستحيل تكون ف طيبه لدرجه انها تسلم راجلها بساهل وتخرب حوشها
السجينه:وحتى انا كنت مصدومه زيك بس اول م عرفت السبب قدرت نقتنع شويه
رانيا:كملي
السجينه:رجعت تكمل في القصه!

بعد مرور ايام :-

صقر كتب كتابه ع حور وانتشر الخبر لكل الناس وطبيعي بيكون في انتقاذات لكن الشي حلال وميقدرش حد يعترض عليه
وحور قدرت تتقبل الوضع الجديد والشي الي مريحها محلاها مرتاحه هيا وليان وكلامها ونصايحها لانه حور خايفه تسلم وليان بس ومصيرها يأنب فها.

اما وليان كانت صابره و متحمله كل شي علشان شي احلا وقدرت في وقت قصير تحقق الشي وتفرح العيله وتخلي الموضوع عادي بين صقر حور😅

برغم الشعور الي تمر بيه وليان كانت في قلوب تنبض من جديد شعور وليان مش معروف شن بس الي باين علاها انها فرحانه وكأنه تتمنا في شي احسن او تستنا في شي يصير

كانت في أصوات تخاطب في نفسها هههه متوقعتش كل شي يصير بسرعه هكي وزي مانتمنا وبدون م نتعب نفسي حتى هههه شعور حلو تلقي ناس تسمع ف احساسك وتنفد فيه وااااو واخيرا تحقق الحلم الي نستنا فيه من فترة طوويله لكن مش ح نقدر نحتفل باليوم هدا هههه رعاية لي مشاعر بعض الناس😈😈

حور :استعدت واخيرا انه تتزوج صقر جهزت أغراضها وولدها لانه اتصلت بها وليان وقتلها خليك واتيه لانه صقر ف اي لحضه يكون عندك

وليان:رتبت شقة حور وبخرتها وعطرتها وحطت فيها كيكه وشموع وزينه تبي تفرح حور شويه وطلعها من الي هيا فيه

واخيرا وصل صقر ومعاه حور وصبر خدا بعض الاغراض وركبهم لشقه وركبت حور وولدها معاها

كانو العيله كلها مجتمعه في الصاله فرحانين ووليان في المطبخ تجهز في لعشاء وهبة معاها تغسل في الفواكه

مفيده:روروروروري واخيرا ي وليدي فرحت امك
صقر:وجه احمر اسكتي يما وليان متتحملش الي اديري فيه
مفيده:لا وليان هيا الي خططت لكل شي بتتحمل النتيجه توا
صقر:مفروض تحطها فوق راسك ودللها لانه دارت كل شي ع خاطر العيله
مفيده:به به المهم يزيد يتربا معانا
حور:السلام عليكم كيف حالك ي عمتي؟
مفيده:واخيرا رجعت الضحكه لينا بعد شوفتك
حور:عمتي بالله متعاملنيش قدام وليان هكي بالله عليك
مفيده:حاضر غير قعمزي ارتاحي
وليان:ماسكة سفرة لعصير وتبتسم…..تفضلي حور
حور:صحيتي وليان
وليان:خدت يزيد وقعمزت تلعب فيه
صقر:يشوف لي وليان وكأنه في حد يصب عليه في جمر خدا بعضه وطلع وهوا مش مستوعب الي صاير بووكل
وليان:هيا يزوده برا لعماتك انا بنحكي مع ماما شويه
حور:منزله راسها ومتحشمه من وليان
وليان: قعمزت جنب حور….حور بنقولك ع موضوع صقر
حور:😨….شنو في؟
وليان:بنقولك انا سألت شيخ وقالي حرام ميدخلش علاها وهيا مرته
حور:لا وليان احنا مش هكي اتفقنا من الاول
وليان:اسفه انا كنت محترمه قراركم بس ضروري نتبعو الدين
حور:بجد وليان حطتوني ف موقف محرج
وليان:سامحيني حور بس حتا لو من البدايه معترضين حتا بعد اسبوع المهم اديرو زا ما قال ربي
حور:انشاءالله ونزلت راسها وهيا مش راضيه ع الي قعد يصير نهائيا💔💔
وليان:طبطبت ع كتف حور انا ماشيه نحكي مع صقر وانتي ارجعي لشقتك توا نرفع يزيد يبات عندي الليله
حور:لااا وقبل م تكمل كلامها قاطعتها وليان اششش حور هيا ليله بس وح تغير كل شي وح تتعودي
مفيده:تشوفلهم من بعيد وقريب تهجم تبي تتسمع عليهم😄
حور:هزت براسها
وليان:توا نجيب لعشاء نتعشو وديري زا موصيتك
حور:تمام 😊

هبة:جايه سفرة لعشاء ووفاء وراها ماسكة سفرة الفواكه والتمو كلهم ع عشاء
وليان:وصلها مسج…خدت فونها وخشت للمطبخ
حور:عيونها ع وليان طوول الوقت

وليان:تقرا في المسج ألف مبروك مش عارف نباركلك ع الضره وله ع زواج راجلك
وليان:بعت الايموجي هدا 😂😂 بجد حالتك تسخف الشي هدا لو مش انا موافقه عليه مكانش صار
الشخص:عارفك قدعه …المهم طلعتي شطوره وتسمعي ف كلامك حبك نضمي امورك ونستنا فيك
وليان:ابتسمت بي حب وطلعت!

____________

حور:هيا تصبحو ع خير
وليان:مسكت يزيد من يده اليوم بترقد جنبي حبيبي
يزيد:حضن وليان بقووه اي اي نبي نبي
وليان:ابتسمت 😅….هيا حور لو بتركبي فوق
حور:اءءءء اهاا اي هيا.
وليان:خدت يزيد وطلعت ركبت شقتها
صقر:حبيبي جيت؟
وليان:سكرت باب الحوش….معايه يزيد الليله
صقر:شن اديري وليان
وليان:خيرك حبيبي انا فرحتي كبيره اليوم راهو
صقر:به وانا من بنرقد جنبي
وليان:لا عمري انتا اليوم بترقد عند حور
صقر:ولييييااااااان
وليان:اشش صقر تخوف الولد زي م حكينا الصبح الشيخ هكي قال صح خلاص علشان خاطري دير زي م وصيتك لو تحبني صقر حتى شوويه
صقر:قعمز ع سرير تطلب مني ف حاجات صعبه هدا ميدخلش ع انك تحبيني انتي هكي تبعدي فيا عليك انا معاش مرتاح للقعد يصير نهائيا
وليان:قربت منه بكل حب حبيبي علشان خاطري دير زي م وصيتك وفوت الليله ع خير
صقر:الليله بس وليان فاهمه الليله بس وطلع
وليان:حاااسه بشعوور غريب بس مع هدا مسكت يزيد وقعدت تبوس فيه وتلعب هيا وياااه💔

_________

يوم جديد:-

حور:سحبت روحها من جنب صقر ودخلت للحمام دوشت وطلعت لمت الطاوله وحطت الكيكه ف الثلاجه ولبست قفتان مستور وخشت للمطبخ تجهز في لفطور:-

وليان:بعيون يدمعو مقعمزه تراجع في الي دراته للحضه هادي وشن الهدف الي بتوصله معقوله ي وليان الحب يخليك اديري هكي ؟؟ انا عارفه انه صقر يحبني بس خلاص روتين ومليت منه ضروري يتغير مازال شي واحد بس لو يتحقق ح نكون سعيده اكتر لن قاطع تفكيرها صوت الباب

طقق طقق :-
وليان:فتحت الباب
حور:صباح الخير
وليان:اها حور شن جابك من الصبح
حور:لا جيت بناخد يزيد اكيد تعبك من امس
وليان:😅….لالا بالعكس والله هادي وغيرلي جوي
حور:اياااه يزيد هادي
وليان:وراسك ي حور زي م نحكيلك بري ارجعي لشقتك وافطري مع صقر ويزيد معاش تفكري فيه قعد معايه
حور:ابتسمت باهي حبيبتي مالا مدوريش غذاء توا نا ندير ونحسبك
وليان:براحتك حبيبتي
حور:تمام هي بسلامه
وليان:سلام😅

_____________

وديان:ماسكة تلفونها وترن ع عمر مافيش رد نهائيا
مسرة:طلعت سروال وبلوزه شن رايك فيهم
وديان:حلوات
مسرة:خيره صوتك متغير
وديان:ننضت لقيت تلفوني مطفي شكله عمر اتصل بيا ولقاه مقفل وتوا عاودت عليه تلفونه مقفل
مسرة:به ي حماره اكيد برا الشقه ولاهي اول م يرجع للحوش يحكي معاك
وديان:امممم باهي ح نستناه انشاءالله يكلمني
مسرة:ي نننكد مش عارفه خيرك اصبري انا متأكده انه اموركم ح تكون تمام
وديان:انشاءالله ربي يسمع منك
مسرة:قعمزت جنب وديان خدت تلفونها نبي نفتح حسابي عندك لانه تلفوني بدا يستكا مني
وديان:افتحي حبيبتي انا بنخش للحمام بنتوضا ونصلي
مسرة:تماام ي قلبي…

______________

صقر:فتح عيونه ….ولقا ف روحه ف مكان مش متعزد عليه ناض ومقدرش يتحمل يقعد دقيقه
حور:شاده البخاره وين صقر لفطور واتي
صقر:شن الريحه هادي الي وجعتلي راسي من الصبح
حور:اسفه هدا بخور عطتهولي وليان قتلي بخريه ع العين
صقر:قلب عيونه بملل وطلع
حور:قعمزت ع الكنبة…..والله مش غير انتا بس مش راضي ع الوضع حتى انا مش راضيه ي صقر💔

_________

وديان:كيف طالعه من الحمام
عزو:وديان
وديان:تلفتت…وتكلمت فوق من نفسها…انعم
عزو:يشوف لبطنها بي استفزاز….انتي مصدقه انه عمر ماشي يخدم ع خاطرك؟؟
وديان:اي عندك شك انتا؟
عزو:ههه لا بس نحسابه هارب من عملته
وديان:قامت يدها بتضربه كف
عزو:مسك يدها بقووه عمر م يدسش عليا في شي فا ردي بالك مني لانك مش ح تلقي غيري وسيب يدها
وديان:حقييييير ودخلت تجرري!!!وهيا تبكي😭😭

__________

صقر:كيف راجع للحوش ويسمع؟؟
وليان:ههههه بالله بالله الي درته شن رايك فيه
الشخص:😂😂…مش مصدق انك انتي تحكي معايه هكي
وليان:ههه خيرك انتا صارلك زيهم وهما يشوفولي بنضرة شفقة😂
صقر:دخل للغرفه…..وليااان
وليان:تلعب ف يزيد ها حبيبي جيت؟
صقر:يشوفلها ويشوف لتلفونها الي بعيد علاها….يتببع!!

 

اترك رد

زر الذهاب إلى الأعلى