رواية جرائم غامضة للكاتبة ميلو حسن الحلقة الخامسة | القلم الناجح
روايات ليبيه كاملة

رواية جرائم غامضة للكاتبة ميلو حسن الحلقة الخامسة

جرائم غامضة الحلقة الخامسة

رواية جرائم غامضة للكاتبة ميلو حسن الحلقة الخامسة

#جرائم_غامضة 5

صقر:فتح عيونه ببطئ وجت عيونه ع حالته كان مش لابس شي غير شورت داخلي وكانتيرا بلع ريقه بصدمه شن درت انا وحط يديه ع راسه ويحاول يذكر شن صار ف ليل وجت بين عيونه حور هوا ويبوسلها ف جسمها لالا مستحيل انا خنت وليان مستحيل …ناض بخفة لبس تيشرت وسروال وطلع ….ينادي ف وسط الحوش…حووور حووور
حور:صوتها وهيا تبكي داخل الحمام
صقر:سمع الصوت وقرب من الباب….حور جاوبيني شن صار بيني وبينك
حور:مش قادره تتكلم ومستمره تبكي
صقر:ريحيني وجاوبي انا ملمستكش صح حوار جاوبي
حور:تتكلم بأنفاس متقاطعه….اءءء
صقر:يخبط ع الباب بقوووه…..حووووور م فيش وقت جااااوبي انا خنت وليان وله لا
حور:تحاول تاخد نفس ….اءءء اي حاولت نبعدك بس انتا مسمعتش كلامي منعرفش شن صار معاك فجاءه
صقر:بدا يخبط ع راسه وبأعلا صوت لااااااا مستحيل لالالاااا
حور:فتحت باب الحمام ووجها ميتفسرش وعيونها منفخات من لبكاء…..تشوف ف صقر وهوا يعيط زي المجنون خشت لغرفتها تجري وجسمها يرجف سكرت باب الدار واستندت ع سرير وهيا تبكي 😭
صقر:حسسسن الي يجي قدامه وفتح باب الحوش وطلع وهوا في شي داخله يحرق فيه الشي الي حارقه زياده انه هوا داره بكامل عقله ركب سيارته وهوا يحاول يفهم شن الشي خلاه يتصرف هكي بدون م يحس….اكيد في شي مش طبيعي مستحيل نقرب من حور ونا بعقلي علاش منذكرش ف شي اكيد في شي استمر يخبط ع راسه زي المجنون طول الطريق💔💔

__________

وليان:كيف وصلت لحوش عمها
مسرة:تنهدت…وليان
وليان:قلبت عيونها بقرف….وين وديان؟؟
مسرة:في دارها
وليان:فتحت الباب وخشت…وديان ي روحي
وديان:😭😭….ي قلبي الي فيا م في حد
وليان:أهدي انا معاك هوا طلع حقير بس انتي متضعفيش
وديان:مش قادره نستوعب كل يوم نتوقع انه ح يتصل او يبعت مسج بس مافيش فايده نهائيا مش مصدقه انه عمر طلع من حياتي
وليان:ح يندم ع كل شي لكن انتي وقفي بكاء
وديان:لكن انا مضطرا نتزوج عزو
وليان:اي وديان ح تتزوجي علشان الستره لانه مافيش مصحة ح تنزله الجنين الا بحضور الاب وحتصير محكمه يعني ح تنفضحي ع فاضي
وديان:😭😭….عارفه وليان ادعيلي مش عارفه شن صار معاي خشيت ف سريب مش ليا ومش راضيه عليه ياربي مش عارفه كيف صار هكي
وليان:تطبطب علاها وبصوت هادي خليك قويه نوعدك انه ح تتخلصي من عزو
وديان:في حالة صمت
وليان:متحكيش شي توا بس متخافيش مش راح تعيشي طول عمرك معاه فترة بس
وديان:تمسح ف دموعها…..تت تماام وشافت للباب
وليان:حتا مسرة مافيش داعي تعرف بي شي
وديان:لكن مسره هيا الوحيده الي تساعد فيا
وليان:وديان م فيش حد يحبك بدون مصلحه انتبهي
وديان:حح حاااضر
وليان:انا راجعه للحوش لانه طلعت ومخديتش اذن من صقر نرجع نتصل بيك
وديان:تمام بس خليك جنبي الفتره هادي محتاجاتك
وليان:حاضر بس انتي نبيك قويه باش تقدري تتجاوزي القصه بسهوله..
وديان:هززت براسها
وليان: ….تمام سلام توا
وديان:سلام
وليان:خدت بعضها وطلعت..

__________

طقق ططق:-

هبة:من جاي توا ….فتحت الباب
البريد:السلام عليكم…هدا منزل حور؟
هبة:اءءءء اي تفضل
البريد:هدا الضرف لاها
هبة:خداته اوك شكرا وسكرت الباب
حور:نازله من فوق….اءء وصل
هبة:اءء اي هدا ليك انتي
حور:خداته منها اي وتلفتت وركبت فووق
وليان:السلام
هبة:وين كنتي؟
وليان:😅…عند حوش عمي شفت وديان شويه …شنو صقر مرجعش؟
هبة:لا مرجعش مالا انتي من رفعك؟
وليان:اءءءء تاكسي كنت مستعجله الصبح
هبة:تمام خليك تغذي معانا
وليان:حاضر نغير حوايجي وننزل

__________

حور:اي ياريت ف اقرب وقت
الشخص:تمام بس حسابك مافيشي المبلغ هدا كله
حور:انتا حول المبلغ وانا ح نتصرف ف باقي المبلغ
الشخص:تمام بس متتأخريش
حور:تمام غدوه نحاول نطلع ونتصرف
الشخص:تمام …وتسكر الخط
حور:ناضت حطت الضرف ف رف الدولاب

________

وليان: تمشط ف شعرها وتفكر بشكل عميييييق….زعما شن صار فيهم صقر لو تقرب من حور ح تتغير هلبا حاجات لو بس تحمل الجنين ح يغير كل شي انا عارفه انه صقر مهما كان يحبني وصعب انه يتقرب من حور بس لحبوب اقوى منه اي اي فتره صعبه وح تمر وح يتأقلمو وح يرضو بالواقع هههههه وانا هكي نقدر لن سمعت صوت الباب
صقر:حط مفاتيح السياره ع طاوله…وليان
وليان:طلعت …ها حبيبي استحشتك
صقر:عيونه حمر من لبكاء بحركه مفاجئه حضنها بقووة
وليان:ع طول تأكدت انه الي خطتله صار منه….شن في صقر
صقر:ضغط ع وليان بقووه وبدا يبكي
وليان:بصوت مليان حب….صقر ي روحي احكيلي شن في
صقر:تزعلي مني
وليان:مش ح نزعل احكيلي
صقر:انا خنتك ي وليان
وليان:سكرت عيونها ….لااا هدا الي كان لازم يصير
صقر:سحب روحه بسرعه….كييف؟
وليان:اي حبيبي حور مرتك وضروري هكي تتعامل معاها
صقر:بصوت عنيف انا خاش بنرقد
وليان::صقر انتا زعلت مني؟
صقر:تغيرت ملامح وجه لحزن…..وخش لدار بدون م يرد علاها
وليان:حطت يدها ع قلبها….اسفه صقر
ترن ترن ترن:-
صقر:قام التلفون….في رقم غريب يتصل
وليان:بخفه خداته من ببن يديه وبصوت يرجف اءءءء هادي اكيد وديان
صقر:اها تمام ردي علاها
وليان:بلعت ريقها اءءءءء لالا مش فاضيه بتنزل لهبة
صقر:شن صاير وليان معاك ؟؟
وليان:قربت من الدولاب ….لالا ما في شي خدت وشاحها
صقر:يشووف لي وليان وهوا يحاول يفهم تصرفاتها
وليان:بعيون مليانات خوف….انا نازله اول ماتنوض رن عليا
صقر:استند ع سرير وتغطا بدون م يقول ولا حرف💔
وليان:شافت لصقر وحسن انه شاك فها نزلت تجري بخوف!!
صقر:حط تصرفات وليان بين عيونه من غير انه بكبت تغار عليه وسمحتله يتزوج حور والف مره حاولت تقرب حور من صقر وتصرفاتها الغريبه واتصالاتها الي مش تمام …..هوا كان شاك بس توا متأكد انه وليان متحباش زي زمان وتتهرب منه كأنه مش راجلها مافيش بنت تسلم ف راجلها مهما كان عافن بس وليان قدمت صقر بكل حب لي حور ولا كأنه تحبه حتى شويه كان اكتر شي شاغل صقر هوا السبب هدا ومش فاهم شي ويبي يتحقق في الموضوع؟؟؟

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

بعد مرور اسبوعين:-

اليوم هدا كان يوم اربعاء ف نفس الاسبوع بزبط عرس وفاء ووديان لكن اليوم ليلة دخول وديان وكانو دايرين حفلة بسيطه للعيله ♥️♥️

وديان:مقعمزه ع الكوشة وتستنا ف الوقت يفوت باش تروح للحوش وتنتهي المسرحية المزيفه هادي
وليان:كأنه حتا اهل عمر مش معزومين ع العرس
وديان:بعيون يدمعو مش عارفه بس اكيد لانهم ميحبونيش
وليان:يالا عادي انتي مضطرا تتزوجيه وفتره ح تتطلقي منه
وديان:انا حسيت روحي استعجلت شويه
وليان:ليش استعجلتي لو هوا هرب وخلاك ف الهم
وديان:لا عمر متتصلش بيا ولا خبرني كان اخر اتصال أنه هوا ح يدور خدمه وع اساس بيرجع وبيحدد موعد العرس
وليان:مالا من قالك انه هوا فاتك
وديان:لانه اختفا فجاءه وقفل تلفونه وحكا قصتي كامله لي عزو وعزو هددني
وليان:بتخميم زعما ف شي كبير بينهم
وديان:نتمنا يتصل بيا ف اي لحضه ويقولي انه كل شي كدب وانه يحبني
وليان:عادي حتى لو كان هكي انتي اهم شي متنفضحيش يعني شن الشي الي ح يخليه يبعد عليك فجاءه
وديان:خلاص سكري السيرة وليان متحمله روحي بسيف حتا يوم عرسي يوم اسود ومش حاسه بي شي
وليان:حسبي الله ونعما وكيل
وديان:مرت بشعور غريب هلبا مكانتش راضيه ع شي تتمنا تعيط بأهلها صوت وتنهي كل شي تمنت انه تطلع من الجحيم الي هيا فيه وهيا مش عارفه شن قعدين يخططو من وراها اقرب الناس لاها الشي الوحيد الي مخلاها ساكته ومتحمله هيا غلطتها وبس وانه هيا حامل بالحرام فااات الوقت علاها وكأنه حاطين نار ف وسط قلبها
لكن شن نهايتها مع عزو الي وافقت عليه بس خوفها من العار مش اكتر كل شي وقف ضدها برغم متوقعتش يوم تكون ضعيفه هكي؟؟؟💔💔

دخل عزو وطلعها وهوا فرحان لانه حقق الي يبيه وبس وحبه لي وديان كبير حاول يتعامل معاها بجميع الطرق باش تحبه مافيش فايده بس صار الي يبيه فجاءه وحقق حلمه وتزوج وديان برغم انه هيا حامل من غيره ركبت السياره وهيا تتمنا ف المووت وبس لن وصلو لشقتها

عزو:فتح باب السياره ومسك الفيلو لن دخلو لغرفتهم
وديان:خلاص سيبني خليك بعيد عليا وقعمزت ع السرير
عزو:وديان نحب انبهك لو ستمريتي اتصرفي هكي حنين في شي مني مش ح يعجبك
وديان:فكت السوسته وغيرت ملابسها
عزو:تقرب منها الليله هادي كنت نستنا فها ليا سنين
وديان:دفاته بقوه خلييييييك بعيد
عزو:مسكها من يدها بقوووة
وديان:بعدد عليا ي حقيرر
عزو:كان اقوى من منها ووديان مقدرتش تقاومه وسلمت نفسها💔💔💔

ليله حزينه ملياااانه وجععع مرت ع وليان الي مكانتش ولا يوم تتوقع انه صقر يلمس بنت غيرها ولا يرقد برا الحوش
كانت تغار عليه من كل شي لكن علاش فجاءه قل حبها وغيرتها وسلماته بكل سهوله شنهوا الشي الي غير وليان وبرد قلبها فجاءه
شن الي دراته وليان ومازال تخطط باش توصل للي هيا تبيه
في لحضه هادي صقر طالع من الحوش لانه مضايق من كل شي حس انه حب حياته الي معتبره اغلا شي عنده فجاءه خسره والدليل البرود الي ف عيون وليان
حس انه وليان بعاته برخيص
وله حور الي حياتها نقلبت رأسا ع عقب وخسرت راجلها حست بهلبا حاجات ناقصه عندها حست انه كل شي يصير بسبب اوامر وليان مافيش حب حقيقي زي ماكان منذر يحبها ويهتم بها
عرفت انه خسرت سندها وحبها ف دنيا ومهما صار مش ح يتعوض
كل شي ممكن يتحقق إلا الحب مستحيل تجبري انسان يحبك ويكون ليك بسهوله
ونفس السؤال الي ف راس صقر هوا نفسه ف راس حور؟؟
كيف حور تسلم صقر ودير ف المستحيل باش يتقربو من بعض؟؟؟ شن الي تخططله ولي شن تبي توصل؟؟

صح ف ناس تطمع في كل شي وتوصل بها الحاله انه تقتل باش توصل للي تبيه؟؟
معقوله ف ناس نعمت قلوبهم لدرجه انه مازال ناوين ع شر علشان مصالحهم؟؟

في لحضات هادي كانو ف ناس نااااااادمه والندددم يقطع فها بس الندم مقدرش يسيطر ع حقدهم وحسدهم والطريق الي خشولها ناوين يكملو فها بأي طرريقه 💔💔

يوم جديد:-🌤🌤

ساعه 1 الضهر:-

حور:طلعت قفتان ابيض واحمر طويل وحايره شن تلبس لن سمعت صوت سياره طلعت لي البالكوني …جت عيونها ع صقر ووليان نازلين وماسكين اكياس….اكيد كانت تاخد ف حوايج…رجعت وقفت قدام لمرايا تغير ف حوايجها لن سمعت صوت الباب
وليان:حوور حور
حور:تفضلي انا هنايا
وليان:اه انا كيف وصلت من المحلات وجبتلهم معايا قفتان حلو وبسيط
حور:كنت واقفه وحايره شن نلبس ههه واخيرا ريحتيني
وليان:😅😅 اول م شفته حبيته عليك
حور:تسلمي ياااارب
وليان:اي حقا بنقولك نلقا عندك كط اسوود لانه لفيت الشارع كله محصلتش ونا قفتاني عاري هلبا
حور:اها عندي اي انا بنخش للحمام شوفي دولاب ح تلقي
وليان:حااضر هي
حور:طلعت خشت للحمام
وليان:وهيا تفتش بهي نها لن قابلها الضرف اذكرت الشخص متع البريد….فتحت الضرف لمحت كلمتين بس ورقم حساب رجعت الضرف وخدت الكط وبدون م تشك ف شي
حور:حصلتي؟
وليان:اءءءء اي اي يالا منأخركش
حور:تمام حبيبتي نتلاقو تحت
وليان:😅..انشاءالله…وطلعت!!

___________

مسرة:ي روحي معاش تبكي خلاص
وديان:مش قادره نتحمل شفتي مرات الناس امس انه نا بعت عمر وفوته وهوا ماشي يخدم ع خاطري مش فاهمين علاش انا استعجلت وتزوجت
مسرة:ي قلبي انتي مدوريش الناس اهم شي انتي نحلت مشكلتك ومنفضحتيش حاولي تتأقلم مع عزو
وديان:مستحيل مستحيل مسره نفكر نحبه
مسرة:نوضي وديان اغسلي وجهك باش ترتاحي شويه
وديان:خدت بعضها بحيل مهدود ودخلت للحمام
مسرة:سمعت تلفون وديان يرن…ردت الوو
شخص:انا من السجن نبي نقولك ع شي مهم
مسرة:الوو منسمعش ف شي…شن تقول؟؟؟

__________

حور:لابسه قفتانها الازرق وفاتحه شعرها ودايره مكياج يجنن
صقر:خش علاها…حور
حور:قامت عيونها فيه…اهلين
صقر:قعمز جنبها نبي نسألك لانه مش عارف لمن نحكي؟
حور:احكي صقر فضفض
صقر:انتي لو ف مكان وليان اديري الي دراته
حور:لا مستحيل
صقر:يعني هيا ناوية انها تنفصل عليا
حور:متزعلش مني صقر بس الي ادير هكي الا الي متحبكش
صقر:انا لاحضت انه وليان داسه عليا شي وامس ف رقم اتصل بها مخلتنيش ارد عليه وهيا اكتر من مره ترجتني باش نقعد عندك في ليل
حور:غريبه؟؟لكن لا اكيد في سبب تاني مستحيل وليان تخونك
صقر:حط يده ع راسه…انا مش شاك فها لكن هيا هكي سلمت فيا بسهوله
حور:حطت يدها ع يد صقر امشيلها توا وافهم منها ممكن هيا دارت هكي باش تلم العيله
صقر:هدا مش سبب مقنع انا متأكد انه في شي تخططله وليان
حور:شن الدليل؟؟
صقر:طلع الباكو من جيب التوب…..لقيت لحبوب هما ف الدرج متع المطبخ ورفعتهم لصيدلاني وقالي انهم حبوب هلوسه وهما نفسهم الي عطتني منهم امس وليان باش انا قربت منك
حور:تنهدت مستحيل نبيك تكون قريب مني بأي طريقه
صقر:تغيرت ملامح وجه وطللع بسرعه
حور:كانت صدمتها اكبر من صدمة صقر؟؟؟؟

___________

في الجنان البرا حاطين الكوشه معلقين الاضواء ووفاء مقعمزه فرحانه فرحتها كبيره لانه بتتزوج حب عمرها

في الوقت الي مقعمزه فيه وفاء وفرحانه وتحكي مع محمد ع تلفون كانت وليان فوق تحكي ع تلفون مع شخص غريب وكأنه خلاص وصلت للي تتمناه
صقر:خش بخطوات هاديه والمره هادي كأنه يبي يتسمع ع وليان
وليان:اي ي دكتور فهمت عليك
الدكتور:انا ساعدتك وعطيتك تقرير مزور وشرطت عليك المبلغ وانتي وافقتي لكن لتوا موصلنيش المبلغ الكامل
وليان:فاهمه ونا مستحيل ننسا مساعدتك ليا وعارفه انك تورطت ف الجريمه معايه لكن بعد لقائنا غدوه ح ينحل كل شي وحاتاخد حقك
صقر: من صدمته ورجليه ثقلو معاش عرف يقدم ولا يوخر ….وسمع اخر كلمات منها ومرات نحتاجك تاني لانه ف هلبا اشخاص بي نتخلص منهم😅😈
صقر :💔💔💔

رانيا:فهميني شن الي قعد يصير؟؟
السجينه:لا بالعكس كل شي لحد توا طبيعي ومفيش شي غريب
رانيا:طبيعي قلتيلي؟؟ والي قعد يصير شن معناه
السجينه:كل حد يخدم لمصلحته وبس
رانيا:من الي تصل بي مسرة؟؟ وشن ح تستفيدوليان بعد ماقتلت منذر
السجينه:بشوية عليا😅…مش جريمه وحده راهو
رانيا:انا عارفه انه اكتر من جريمة صارت بس من حقي نعرف انا مع نحقق مع المجرمه وله مع الضحيه؟؟
السجينه:خلاص وصلنا لنهاية القصه والليله ح ينكشف اول سر
رانيا:به كملي كل شي توا معاش نقدر نصبر اكتر من هكي
السجينه:نزلت من الكرسي ووقفت قدام النافذه….الدنيا ضلام برا تأخر الوقت عليك غدوه نكملو
رانيا:بس نبي نفهم شي واحد انتي كيف وصلاتك المعلومات هادي كلها
السجينه:سيورك تعرفي متخافيش😅…..يتبع!!

توضيح بسيط:الروايه هادي اقصر رواية نكتبها نحكي ف المهم بس يعني الناس الي اول مره تقرالي نبيكم تفهمو انه الروايه هادي تختلف ع كل روايات الي كتبتها♥️

 

اترك رد

زر الذهاب إلى الأعلى