حب عنيف الحلقة الثانية للكاتبة اروي الطاهر .. روايات اروى الطاهر | القلم الناجح
روايات ليبيه كاملة

حب عنيف الحلقة الثانية للكاتبة اروي الطاهر .. روايات اروى الطاهر

حب عنيف الحلقة الثانية للكاتبة اروي الطاهر .. روايات اروى الطاهر

#حب_عنيف 2 🔥
مقعمز في سيارته جنب امه يراجي في حور تطلع هيا وخوها ويذكر كيف حور تجرآت ووقفت في وجها وهدداته زياده !…ضحك بهزوه وولع دخانه

حور:خذت شنطتها حطت فيها كم حاجه بسيطه ولبستها علي ضهرها وتلبس في الوشاح !
رمزي:وين نمشو
حور:اششش حبيبي خليك هادي ومتحكيش لين نوصلو باهي؟!
رمزي:به لاكن قوليلي نمشو لي ماما؟
حور:كان قعدت ساكت وعاقل نرفعك
رمزي:به
حور:فتحت روشن دارها وطلعت منه هيا وخوها زي العاده كل ماتبي تهرب تطلع من نفس الروشن 😂لانه كبير هلبا وقريب ع الارض
حور:قامت خوها من ع الارض ومشت وهيا تجرررى بسرعه
_______________تقوى:راقده ع الصالون وماسكه تالفونها…امي وين؟
اريج:ماشيين يجيبو بنت سالمه
تقوى:من سالمه!
اريج:بنت عمتك يلي معش ريناها من لما صغار
تقوى:ناضت قعمزت بكسل…افففف زعمى كيف بتكون الخرا يلي بتجي تسكن هنايا
اريج:قاعده مريتيش البنت متحكميش عليها
تقوى:وطبعا اكيد بتشاركنا في كل شي مصروف وفي الدار و و …عليك نفخ من وين طلعت
اريج:هني عمرك البنت عندها ورث تصرف منه وبنسبه لدار امي جهزتلها الدار فوق
تقوى:فوق😨😨😨تسهوككككككي ؟!..جنب غرفة امير خوك
اريج:اي 🙃
تقوى:خيرها امي هبلت ولا شنو
اريج:لين يكمل جناح الصيانه لوطا
تقوى:ربي يعينها وخلاص 😂🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥حور:وقفت انفاسها وتجمد جسمها علي الحركه ووجها اصفرر لما شافت امير مدرس سيارته وواقف يستنى فيها 😨!!
امير:ع اساس بتهربي يعني؟
حور:انت كيف عرفت !!
امير:مش مهم وتوا اركبي بدون شوشره زايده
حور:شافت السياره فارغه!عائشه امه مهناش..خافت ومقدرتش تتحرك
امير:اركككككبي
حور:لا منقدرش نركب من وين نعرفك اصلا وامك وينها؟!
امير:لوح الدخان وعفس عليه ..قام حاجبه بتهديد…مصره اتعبيني يعني؟
حور:بلعت ريقها بخوف…
امير:اشر علي السياره بهدوء…اركبي منحبش ندوي هلبا
حور:استسلمت اخيرااا…حذت خوها وركبت السياره وداخلها خوف كبير من يلي يستنى فيها 🤭هدووء طول الطريق وحور تراقب في كل شي جنبها !
دخان غالي زي يلي تشوف فيه في الافلام ..السياره فخمه هلبااا الريحه يلي كانت عالقه في السياره ادوخ !..عيون امير يلي كانو ملينات قسوه وملامح وجها كلها جديه !جاكيته الجلد كيف طالع علي علي كتافه العراااض. ساعته السوداء وفيها جمجمه من الوسط …يده كان فيها شي مفهمتاش هل هوا وشم ؟او اثر حرق!!؟
حور:نزلت عيونها بخوف لما شبحلها امير من المرايا !اما عند امير رغم ان عيونه ع الطريق بسس لاكن لاحض كل شي ادير فيه حور !بطريقته عرف انها تفحصت السياره وتحاول تفهم منو يكون امير؟!
بس بينه وبين نفسه حور مكانتش هاماته ابدا وكل همه توصل لي حوشهم وتنتهي القصه هاذي …مكانش بعرف شخصيتها كيف رح اتعبه 🤦🏻‍♀️________________امير:سحب مفتاحه من السياره وبصوت هاادي…انزلي
حور:شافت للحوش من روشن السياره وعرفت انهم جديات من طبقه غير الطبقه يلي كانت عايشه فيها
امير:تلفتلها…اول شي رح تعرفيه عليا ان كلمتي منحبش نعاودها
حور:وشن دخلي فيك ليش بنعرف حجات عليك ياروح امك 🙂بنخطبك مثلا!!
امير:ابتسم بي استهزاء ع جنب ونزل وسكر الباب بقوووه…قاعد واقف قدام السياره ومربع يديه ونضرته تخووووف
حور:مسكت خوها يلي رقد في الطريق ونزلت وهيا تهمس بي شوية كلام…ان شاء الله تتفجر
امير:سكر السياره بي مفتاحه من بعيد وخش الحوش
حور:لحقاته بخطوات متردده!

تقوى:فتحت الباب…اهلا
امير:خش بدون ميرد عليها
حور:ساكته وشاده خوها
تقوى:تفضلي خشي
حور:شكراا …وخشت بي الصاله بي ارتباك قعدت واقفه مفهمتش شنو ادير ووين تمشي
اما تقوى واريج واقفين يشبحولها ويفصلو فيها !!
كانت عكس مامتوقعين …يحسابو ان حور رح تكون انيقه وبنفس مناضرهم بس كانت لابسه سروال جينز مشرك شوي مع تيشرت ابيض وجاكيت مزلز احمر في الابيض وقايمه كمامها بطريقه فوضويه وسبيدرو ابيض ويدها معبيات حدايد متع خيوط!!
وجها مفيشي نقطت مكياج ..وطالع شعرها شوي من الوشاح وواضح انه بدون قصد !
تقوى:مصدومه في لبس حور البسيط!
اريج:اءء اهلين انا اريج اخت امير يلي جابك هنايا
حور:اهلين بيك …بعد اذنك نبي مكان نحط فيه خوي
امير:طالع من المطبخ وماسك كوب عصير معبي ثلج بصوت خشن وبدون مايشوفلها…الحقيني
حور:شافت لي اريج كأنها تبي تستفسر؟!
اريج:ارتبكت …رح يوريك غرفتك وين شوي ونجيك
حور:هزت راسها بمعنى تمام ولحقت امير وهيا تراقب وتحكي داخلها گ العاده ..مصح خليقته خاش بي كندرته لعند داخل !!حاسب في روحه ..اففف شن الحوش هاذا تقول جامع من كثر الرخام

_______________

اريج:بسم الله خيره استلمها هكي
تقوى:شفتي حوايجها 😨تقول رديف اقسم بالله توقعتها كعب عالي ولبس راقي صدمتني
اريج:اي لبسها عادي بس حلوه البنت
تقوى:ماريتلها حلاوه علي ريحة عيون ملونات وفم مدايرتله فلر
اريج:وووك طول عمرك حسوده
تقوى:نننننن ترا نحي بنرقد …وين امي حقا!
اريج:في حوش خالتي حطها امير بكري
تقوى:اممم مليح

امير:وقف فجآه وتلفت اشر بي صبعه…الدار هيا ليك انتي وخوك منبيش مشاكل ووجع راس الهي في روحك وفي خوك تبي شي كلمي وحده من خواتي وتلقي عندك داخل الدولاب تلقي حوايج مناسبات اكتر من يلي لابستيهم استعمليهم هما
حور:اي شن رايك تقولي حتى امتى نخش الحمام وخلاص🙂؟
امير:تنهد بملل…سيورك تتعودي وتعرف وضع الحوش وتعرفي انا شنو ووقتها نأكدلك انك رح تندمي علي كل حرف قلتيه وتوا خشي دارك
حور:جت بتتكلم وتلقح بس في خاطرها قالت!…لا خلي نسكت نشوف وضعهم شنو بعدين نوريه الحقير
امير:مفهوم؟
حور:مردتش عليه خشت وقربعت الباب
امير:حط يديه في جيوبه ورجع غرفته يحاول مايشغلش روحه بمواضيع تافها لان عنده الف شي في راسه وكان يشوف في حور مجرد موضوع وكمله خلاص !

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

حور:حطت خوها ع السرير وتحكي بي التالفون .
حور:سرير كببببببير اكبرررر من راس ابلة العربي ولو تشوفي الدار زي يلي في المسلسلات تعرفي
ساره:وووه عليا نبي نجيك 😭😭😭😭
حور:بكرا نوصفلك الطريق وتعالي
ساره:يعني خلاص معش بتولي ؟خليتيني
حور:ساره معش توجعيلي قلبي انا قاعده مفهمتش قصة الجيان هنايا اصلا!وبنحكي مع خوالي يجو ياخذوني ولا يدبرو
ساره:حمااااره انتي بديتي فلوس وعايشه في مكان يجنن توصفي فيه ليش تبي ياخذوك؟
حور:منحبش الوضع هاذا نبي نرجع لحوشنا ولي شارعنا زي قبل
ساره:افففف عليك قصه !

طق طق طق
حور:نحكي معاك بعدين
ساره:تمام…وسكرت الخط
طق طق طق
حور:تي خيرهم مخشوش
عائشه:نخش بنتي؟
حور:ويستأذنو زي المسلسلات 😂…احممم تفضلي
عائشه:فتحت الباب وخشت …كيف حالك توا؟
حور:الحمد الله
عائشه:هي انزلي توا عشان نحكو شوي
حور:غطت خوها ونزلت معاها

___________________

تقوى اريج وامهم عائشه وبوهم موسى مجتمعين مع بعض وقدامهم حور !
امير:نزل من الدروج وعيون تشوفله كان لابس توته سوداء مطلعاته يجنن🤦🏻‍♀️وگ العاده نفس النضره متغيرتش
موسى:اول شي اهلا بيك بينا ❤️طبعا احني اهلك و….
حور:مش اهلي ليش النفاق يعني
تقوى اريج عائشه:شافلها بصدمه
امير:نزل شيشة الميه من علي فمه وشافله !!!؟
موسى:حب يغير الوضع وضحك…ههه عارف اي بس خوك يكون ولد اختي ره يعني انا خاله و….
حور:حطت يديها في جيوبها واتكت بي تقعميزه هبله 😂….اي اي اختك يلي معمركمش سألتو عليها وفي العزي جيتو دقايق وروحتو زي البرانيه
امير:لوح الشيشه ع البار ويشوف لي حور وعيونه ناااار من ملامها وتصرفها
موسى:شوفي بوي الله يرحمه كان غاضب علي سالمه لانها خذت بوم ومنعنا علي زيارتها بس قبل مايتوفى قال انه سامحها والورث لازم تاخده
حور:وانت جبتني هنايا عشان الورث خايف يضطع منكم صح؟!
موسى:لا مش هكي بس انا خايف عليكم ومنرضاش ولد اختي يتربى عند حد براني ولا حد غريب فهمتي!؟
حور:امممم ..به شنو المطلوب من هاذا كله
امير:فقد اعصابه وعيط عليها….بتشدي امممه لساااااانك ولا نجيك
صوت امير فجآه خلا خواته وامه ينخلعو وحتى حور!
موسى:اششش اعدى امير البنت عندها حق في كل شي حكاته
امير:قعمز ع الكرسي ويشوفلها بنضرات غريبه كأنه ناويها مثلا!
موسى:نبيك تقعدي هنايا معانا تهتمي بخوك ومش رح نخلي اي شي ينقصك لين تبلغي سن الرشد انتي وخوك عشان تتصرفو في الورث زي ماتحبو
حور:خافت تحكي كلمه غلط ويرجع يعيط عليها امير لان جديات صوته يخوف 😂
حور:اهاا به تمام
موسى:ابتسم …كويس وبي ادن الله بكرا حايين باقي خوتي عشان يتعرفو عليك انتي ورمزي خليه يتعرف علي خواله
خور:جت عينها في عين امير نزلتها بسرعه…اي علاش لا عادي !
قاطع كلامهم صوت غناء من برا
انس:يماااااا يمااااا هاذا غزالي وين نمشي بيه يماااااا يم…🤭خيركم مقعمزين مع بعضكم شن هاذا الترابط الاسري ومن هاذي الجميله
امير:قلب عيونه ويقلب في القناوات
عائشه:هاذي حور بنت عمتك سالمه الله يرحمها
انس:ابتسم…اهلا اهلا انا انس اخ الخروات هاذم الزوز وخو النفسيه هاذا(اشر علي امير😂)وولد العسل هاذا يلي رح يعطيني 50دينار اليوم
موسى:امشي اقلب وجهك وخدم علي راسك طلع الفلوس من عرقك
حور:تضحك ومصدومه في شنابات انس يلي كانو ملويات زي باب الحاره 😂
انس:اقسم بالله جريت جريت جريت جريت وطلع مني عرق اكتر من البحر المتوسط ومحصلت قرش
موسى:برا مع خوك غضوا اخدم واصرف علي روحك
انس:انا ؟ مع خوي؟ هل تُبَصِر اثابك الله؟
عائشه:خلي الرلد مرتاح قاعد صغير ياموسى
موسى:تي اي صغير ولدك25راهووو شوفيه مش فالح الا في لوي شناباته
انس:لواهم بيده…عليك حسد
موسى:🤦🏻‍♂️رتيه؟زيدي دلعي !
حور:ساكته وتراقب في الوضع
تقوى:تكلمت بصوت يرجف وواضح انها متردده في الشي يلي بتحكيه…ااء اء امير
امير:مردش عليها ويقلب في القناوات
تقوى:سيمستر الجامعه يبو الدفع غضوا!
امير:شافلها ع جنب …الشعر يلي فات خلصتهم انا
تقوى:تتكلم بخوف وصعوبه… ااءء اء اي بس نبي ندفع توا قبل ما نوصل النص فهمت
امير:يصير خير
حور:تصبحو ع خير انا بنرقد !
عائشه:خليك شوي تعشي قبل
حور:لا معنديش نيه صحتين…ومشت قبل ما يرد عليها حد …وفي الموقف هاذا بدات امير قرر انه رح يربيها من اول وجديد
تقوى:ع فكره الفرخه هيا واضح عليها متع شوارع من كلامها ولبسها واسلوبها يلي زي الزفت
انس:اسكتي انسه فتنه
تقوى:مدخلكش انت ولا عجباتك يا متع البنات
انس:نشم في ريحة غيره بي الفطيره كان مش غالط
تقوى:وعلاش بنغاااار ياروحي م…..
موسى:خلااااص عاد انتي وياه البنت عاشت في مكان مش زيكم وسيورها تتعود علي الوضع
عائشه:خذت نفس….كان مالنا ونال وجع الراس هاذا بس خليتوها في مكانها
امير:بصوت هادي وبدون مايحرم عيونه….خلوها تو تتربى زيكم في الجديد
موسى:حاول انك متخليش البنت تطفش وتمشي
امير:هز راسه ببطئ وسااااارح
انس:.هي شنو بوي 50هما بس 50ياراجل اقل من حق عود الاسنان ره 50ياراجل
موسى:لا قلت لااااا
عائشه:غمزت لي انس بمعنى تو نعطيك
انس:يلوي في شنباته ويبتسم….متحي هنا وانا حبك
عائشه :ضحكت 😂

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

معتصم:طلع من تحت السياره وكانو حوايجه ملطخات بزيت السيارات ويديه كحللل من الخدمه …مسك الهاتف وتضحك اول ما قري اسم حور
معتصم:حورة عيني كيف الحال
حور:راقده جنب خوها…زباله حالي
معتصم:قعمز ع الكرسي ….عارف نفسيتك تاعبه من موت مرت بوك الله عالب كلنا ليها وانا من قبل قتلك جنبك متخافيش
حور:تنهدت بوجع….معتصم خذوني
معتصم:مني ؟!😨
حور:خوت مرت بوي حو رفعوني عندهم لان طلع عندي ورث كبير بي اسمي وخافو عليا الناس يطمعو ويصير شي
معتصم:امتى صارت القصه هيا؟
حور:صارت في لحضات لقيت روحي عندهم
معتصم:سكر فمه يلي كان مفتوح من الصدمه…اهاابه ؟..به انتي متريحه غادي
حور:اول يوم منعرفش الاوضاع عادي جدا
معتصم:حور كان صارت معاك لقطه كلميني نجي ناخدك انتي وخوك عارفتيني منوخرش
حور:ضحكت…يسلميلي الحنيني …تو نحكو راسي بيتفرج بنرقد
معتصم:تمام ديري بالك ع روحك و طمنيني عليك
حور:ان شاء الله هي سلام
معتصم:سلام
حور:سكرت الخط وهيا مبتسمه من حنية معتصم !
رغم انه فلوسه ميكفوش حتى حق ماكله ليه ولي خواته بس كان مستعد يبيع روحه عشان يساعدها
معتصم يكون صديق حور وجارها من ايام الطفوله ❤️

_________________

حور:ضهرها وجعها لان مش متعوده علي السرير …فرشت ع الارض ورقدت وفي قلبها جرح ينزف من موت مرت بوها 💔بس قررت انها رح تكون قويه زي قبل عشان خوها ع الاقل

امير:مقعمز في مكتبه الخاص في داره …جنبه عدة كتب من جميع الاشكال والانواع !!ماسك اوراق قضيه ويتفحص فيها لاكن فجآه لوح الاوراق ع طول يده !كل ما يتفكر حقارة حور وشبحاتها الاستفزازيه يهبللل هوا في حياته كلها محدش تجرآه يشوفله نضره غلط او حتى يتواقح معاه !!بس كان في داخله ناووويها🔥🔥

_________________

حور:راقده وكل شوي تتحرك بملل لانها تسمع في اصوات غريبه!اخر شي ناضت مخلوعه من صوت شي طاح
حور:شن اددددير هنايا
انس:….يتبع

الروايه في بدايتها ره حلوه اقروها 🥺💔

لمشاهدة جميع اعمال الكاتبة : روايات اروى الطاهر المسلاتي

اترك رد

زر الذهاب إلى الأعلى