حياتي الجديدة للكاتبة سجو محمد | القلم الناجح
روايات ليبيه كاملة

حياتي الجديدة للكاتبة سجو محمد

جميع حقوق الطبع والنشر محفوظة

#حياتي الجديدة
#الحلقة 1(المقدمة)

🔥🔥ســــجــــو مــــحــــمــــد🔥🔥
🔥🔥ســــجــــو مــــحــــمــــد🔥🔥

لجين: فتحت عيوني كان باين في عيوني الحزن اخر يوم رح نرقد في داري اخر مرة رح نشوفها لملمت سريري ع السريع وخشت للحمام (يكرمكم الله) غسلت ع السريع قبل لتفوت عليا الطيارة طلعت لبست سورية قصيرة وردية معا جينز فيه تمزيقات لونه اكحل وسبيدرو وردي وشنطة وطلعت من دون حتى ما نفطر وسكرت الباب بلمفتاح واني كل مرة نتلفت مش مصدقة انها خلاص سيبت حوشي 💔
طلعت للطريق ومشيت للمطار بما انه حوشي كان قريب للمطار يعني ع الرجلين تقريبا نص ساعة او ساعة الا ربع
خشيت للمطار كملت اجرائتي تشحطت هلباا بس هادا كله باش ننقض حياتي 🔥

نعرفكم ع نفسي اسمي لجين م1997 متخرجة لغات نقشي حلو حواجبي عرراض عيوني كبار خشمي صغيير وفمي صغير ومنفوخ 🍓
طبعا من لما كنت نقرا في الجامعة السمستر الخامس توفو امي وبوي في حادث سير في الفترة هديكاا انهرت هلبا واني معنديش حد نعيش معاه بوي كان وحيد ماعنداشي لا خوت لا خوات وامي مش ليبية وامي حتي هيا كانت وحيدة وجدي وحناي شيابين كبار من لما امي تجوزت بوي انقطعت اخبارهم جدي وحناي تقبلو ماما عادي وحناي لانها معندهاش بنات خلتها زيي بنتها وسكنو في نفس الحوش وماما كدالك حبت حناي هلبا بعد ماما اتجوزت بابا جابت اختي عبير م1995 وبعدها اني وبعدين ماما معاش جابت ….. عشنا معا بعضنا في حوش واحد وكنا عيلة متفاهمة هلباا
بعد اني كبرت اني وعبير وخشيت اني التانوي توفا جدي فقدناه هلباا وقعدنا فترة باش تعودنا ع فراقه كان حنين هلباا فينا وخصوصا فيا ماكانش يرضى فيا شي …. بعد خشيت للجامعة حناي مرضت هلبا وتوفت فقدناها هلبا كنا متوقعينها في ايي لحظة تتوفى رضينا بالامر الواقع وعشنا عادي بعد موتى حناي بفترة تقدم واحد لاختي عبير

لجين : قعمزت تستني في موعد قلوع الطيارة الي بعد ساعة ودمعتها في عينها وتذكر في كل شيي صار معاها …

قبل ووقت : –

موسي : واللهي سالت عليه قالو ولد ماشاء الله عليه وفي النهاية رايك انتي عبير
عبير : منزلة راسها …. بما انك سالت عليه وطلع كويس عادي
سلمي : خلاص توا نكلم ام الولد ونقوللها ع بركة الله
لجين : واخييرا بنحصلو عررس في حوشنا ياااي 😍
عبير : ابتسمتلها وخشت لغرفتها …..

بعد فترة جيي العرس وفي ليلة العرس عبير تفاجات براجلها كيف خاش عليها وسكران حوايجه ملبزات كانه كان مقعمز في اميه وتراب ويقول في كلام مش مفهوم …. قرب ع عبير وبدي فيها ضررب ليين ولت زرقة معا بعضها وطلع خلاها
عبير : وقفت بحيل مهدود تشوف في روحها ع المراية ومن هداكا اليوم بدي روتين عبير هكي يروح موخر سكران ويبدا فيها طريحة بس عبير مخبرتش حد الا لجين لانها كانت قرريبة منها هلبا وماحبتش تشغل اهلها وخلتها ع ربي 💔
وبعدها بفترة بوي وماما كان عندهم عزي في مكان بعيد ع منطقتنا هلباا وقعدت اني بحدا اختي عبير وكنت نشوف فيه كيف يضرب ويعدب فيها ومخليها زرقة معا بعضها وحتى الماكلة ميفورلهاش فيها في الصبح سمعنا …..
لجين : سمعت صوت النداء للطيارة لحظات حطيت شنطتي وركبت في الطيارة ماكانش في حد في جنبي
لجين : سكرت عيونها ….. في الصبح سمعنا بوفي بابا و ماما في حادت سير …. بكييت هلبا يعني معنديش حد بعد ماما وبابا الا عبير بس كيف رح نعيش معاها وراجلها كل يوم يعدب فيها واحتمال يزيد يعذبها اكتر لما اني نقعد معاهم
كنت نشوف لعيون عبير الي فيهم هلباا كلام مش مفهوم 💔 …..
ماجوناش ناس هلبا يعني الجيران بس والرجالة ماجاش ولا واحد غزي لانهم كلهم عارفين رياض سكار وخايفين منه يدير شي فيهم 🔥

بعد وفى بابا وماما قعدت معا اختي عبير بطلب منها وانها حلفتني كنت رح نرجع لحوشنا بس عبير مخلتنيش وسكرنا دار اني وياها وقعدنا فيها خوفا من راجلها رياض يولي علينا احني الاتنين
اسمعنا باب الحوش تسكر واعرفنا انه رياض راجل عبير رجع … بس الغريب انه مادارش ولا صوت كانه الليلة مش سكران
رياض : عبير وينك
عبير : لا مش رح نفتحله مرات يهجم عليك او ايي شي
لجين : ياربي استرنا يارب 🔥
رياض : اطلعي عبير متخافيش بنحكي معاك في موضوع انتي ولجين
عبير : تشوف لي لجين ….
لجين : افتحي نشوفوه واني معاك مش رح نخليه يلمسنا
عبير : وقفت ووراها لجين … وفتحت الباب
قابلهم رياض مقعمز ع الصالون ويستنى فيهم بس المرة هيا ماكانش سكران
رياض : اشر جنبه …. تعالو قعمزو عندي معاكم موضوع
عبير : قعمزت بعيد عليه وقعمزت جنبها لجين
رياض : تنهدت بغضب … اسمعوني كويس تعرفو انه عمي توفى الله يرحمه وماعندكمش غيري
لجين وعبير يشوفوله بانتباه وكانه عارفين شن بيطلب
رياض : الناس كلها طامعة فيكم توا يعني امانا ليكم تكتبو الحوش والمحل امتع عمي الله يرحمه باسمي لجين : وقف لحظة … الاملاك هما من حقي اني واختي بس يعني مافيش حد يقدر ياخدهم منه وبعدين احني معندناش اقارب يعني من هوا الي بيطمع فينا
عبير : ماقالتش ولا كلمة وكانت خايفة من رياض هلباا
رياض : خدي نفس طويل …. انتي لازم توقعي ع الوراق
لجين : مش رح نوقع ولو ع جستي وعبير مش رح توقع
رياض : شاف لعبير ومدلها الورقة … وقعي عبير
عبير : شافت لي لجين الي عيونها مدمعات وتهر براسها بمعنى متوقعيش 💔
عبير : استجعت قوتها وخدت نفس … مش رح نوقع هادا ملكنا ومش رح نعطوه لحد
لجين : ابتسمتلها … زيي مسمعت ونتمنى انك معاش تجيب سيرة الاملاك
رياض : شاف لعبير وطلع بعصبية
عبير : دمعت … خايفة يدير شي 🥺
لجين : طبطبت عليها …. متخافيش كل خير انشاء الله
عبير : انشاء الله سعيدة !🍓
لجين : ابتسمت وخشت لغرفتها وعبير خشت لغرفتها ….

☄️☄️ســــجــــو مــــحــــمــــد☄️☄️
☄️☄️ســــجــــو مــــحــــمــــد☄️☄️

لجين : فتحت عيونها … الطيارة مزال مطلعتش والناس قاعدة تركب رجعت سكرت عيونها 🔥

عبير : كانت مقعمزة ع سريرها ولجين في الصالة … فجاءة خش رياض وهوا سكران و الباين انه شارب هلبا … لجين وقفت فوق وكانت خايفة اول مرة تشوف واحد شارب وفي نفس الوقت خافت يدير فيها شي
بس رياض توجهه طول لدار عبير 🔥
لجين : معاش قدرت نوقف ع رجليا خفت هلبا يدير شي لعبير …. استجمعت قوتي ومشيت لحقته
لجين : الصدمة كاانت 💔🔥 ….

لجين : حسيت في حد فتحت عيوني وتلفتت ….

يتبع : ……..

🔥🔥ســــجــــو مــــحــــمــــد🔥🔥
🔥🔥ســـــجــــو مــــحــــمــــد🔥🔥

اترك رد

زر الذهاب إلى الأعلى