رحم من النار الفصل التاسع | القلم الناجح
روايات ليبيه كاملة

رحم من النار الفصل التاسع

جميع حقوق الطبع والنشر محفوظه

9

في المحكمه:-

بعد استقبال القاضي واعتراف بالقضية الي ماسكتها رانيا واعطاء لي رانيا الامان التام وبعد استماع القاضي لي شهادة الشهود ضد المتهم ايمن وبعد قراء رانيا القصة كامله استثناء قصة اختها طلب القاضي إستماع للأسئله الذي بين رانيا ورأفت لي اطلاع الحكم ع ايمن
رانيا:سيد رأفت سمير تشهد ع انه جميع ماقلته وم كتبته النحققه رانيا بأسمك وانه المتهم ايمن عياد هوا المسؤول ع عملية الاغتصاب
رأفت:لااااا
رانيا:😮😮
رأفت:لا مش ايمن بس
رانيا:تنفست براحه
رأفت:رمزي عياد وايمن عياد وفتحي عياد عندهم يد
القاضي:الدليل؟
فتحي ورمزي:😨😨😨
رانيا:شافت بعيون مليانه حقد لي ايمن….ايمن هوا الي مفروض يعترف سيدي القاضي ونتمناا اعترافه يكون يوم الحكم
القاضي:تمام
ايمن:مش قادر ينطق ولا حرف ومقدرش حتا ينكر الي قاله رأفت
رانيا:شافت للقاضي وتستنا في القرار
رنيم:لو سمحت سيدي القاضي
رانيا:شافت لي رانيا وخايفه يصير زا م توقعت
رنيم:انا الضحيه الي تم الاعتداء عليها
رانيا:تقدري توضحيلنا القصه اكتر امام القاضي بعد اعترافك في غرفة التحقيق
رنيم:انا مش ح نتنازل ع حقي نهائيا الا بشرط واحد
رانيا:هه….مخابش ضني فيك ممتاز
رأفت:شاف لي رانيا بمعنى شن قعد يصير؟؟؟
رنيم:وقفت ع منصة لشهود….مش ح نتنازل ع حقي الا لو كان ايمن عياد زوجي
رانيا:شافت لي رأفت….وابتسمتله
القاضي:المتهم رأفت سمير ح ياخد برأئه اما المتهم ايمن سيتم تحويله الى السجن وستتأجل محكمته والمتهمه رنيم سيتم سجنها بسبب تهمتها الكادبه ضد رأفت وم السبب الذي دفعها للكدب ؟ سيتم إكمال في المحكمه القادمه
ايمن:😨😨😨
رانيا:هه….ح يكونو عصفورين بي حجر واحد
رأفت:يعني انتي مش زاعجك الموضوع ؟
رانيا:لا بالعكس لانه السبب الي خلا رنيم تكدب برغم ايمن هوا الي اغتصبها هوا ح يوصلنا لدليل ع انه ايمن مغتصب اختي المتوفيه وهكي ايمن ح ياخد احلا عقاب وهوا الاعدام وعمي رمزي بو رنيم ح ينعدم معاه
رأفت:ضحك….ربي معاك رانيا

وأخيرا تمت المحكمه لصالح رانيا مره تانيه وصح هيا تأجلت بس بي مقابل احلا واقوى لانه قضية اختها منتهيا من سنين ومافيش دليل لو بسيط انه ايمن هوا الي اغتصبها بس لأنه رأفت كان مضلوم اضطرت رانيا تجمع ادله ضد التهمة هادي بس وفعلا قدرت تاخد حقه لكن لانه رنيم تنازلت ع حقها بمقابل انه تتزوج ايمن هنايا ايمن ح يطلع برائه ….حطت رانيا سؤال ع جنب الي هوا شن خلا رنيم من الاول تتهم رأفت وطلع ايمن برائه؟؟
هنايا رانيا ح تبدا ادور في الاجابة لأنه متأكده انه الاجابة هادي ح تحط كل كلب في مكانه لأنه مستحيل رانيا تتنازل ع حق اختها وع حقهم وتسامح الي عنده يد في السبب الي شتتهم وفرقهم 💔

ايمن ورنيم رجعوهم لي سجن ومش معروف شن مصيرهم ومش معروف من ممكن ينسجن معاهم تاني وشن ح تكون نهايتهم مدام هما في مصارعه ضد رانيا مستحيل ح يطلعو ع البارد؟؟🔥

من بيساعد رانيا باش يوصلو للإجابه ومن ممكن يدخل لحياة رانيا وشنو مقرره رانيا تتصرف مع موضوع اخواتها هل خلاص بتتعرف عليهم أم ح تأجل اللقاء لن تكمل معركتها مع أقاربها ….كانت المحكمه ح تتحول لي نار بس الباين مش مكتوب الا بعد ايام وح تكون اكبر مواجها وح تتطلع هلبا حاجات مخبيه ؟؟🔥

_____________

مرام:وهيا مرتبكه…اءءء كنت نبي نحكي معاك بس خفت والله عارفه اني ضيعت كل شي مني وضيعت املاك الصغار لانه اهلهم يبوهم يعيشو في عز وراحه😭
مش قادره نستوعب انه نا السبب في الخراب هدا كله 😭
تمسح في دموعها عمر خدعني
معاد:بصوت اعلا منها….اقرري لوراق واطلعي من الحوش
مرام:😮
معاد:هكي كنتي متوقعه مني صح كنتي تراقبي فيا اكتر من كل شي اي تصرف كنت نتصرفه تفهمي فيه غلط لدرجة استعجلتي ووكلتي اكبر محامي نصاب
مرام:تشوفلة بنضرة مش فاهمه شي
معاد:للحضه هادي وانتي قعدا شاكه فيا وانه انا ح نسرق رزق يتامه منك برغم انه انا للحضه هادي مطلبتش منك حتا مبلغ مجرد سلف صح؟
مرام:بلعت ريقها….ففف فهمني معاد شن صار ؟
معاد:تمالك اعصابه …برغم انك هنتيني اكتر من مره قدام عيوني وخشيتي لغرفتي وانتي تبحثي ع هويتي باش تطمني اتجاهي وممسكتيش عليا شي
مرام:اءء انا مم مش قصدي …قاطعها معاد …انا لعلمك لو نبي الحوش والشركه مكنتش خديت منك الاذن لانه انا الشخص الوحيد من حقي نمسك الشركه ولما رجعت هنايا برغم معنديش ولا رزق م فكرتش نتصرف وانتي قعدا شاكه
مرام:💔💔💔
معاد: ونا ع خاطرك انتي بس تحملت واستنيت اليوم هدا الي ح يضربك فيه الحيط وتكشفي حقيقة المحامي
مرام:قق قصدك رجعت كل شي منه …معاااد لو سمحت افهمني انا مش خايفه ع نفسي انا خايفه ع صغار بس هادو امانه والامانه غاليه انا وعدت بوهم انه ح رد بالي عليهم وع المفتاح الي سلمهولي
معاد:وهدا السبب الوحيد الي خلاني نتحملك ونستنا اليوم هدا باش تعرفي حقيقتي انا شنو …خودي الأوراق وتأكدي لانه الاوراق الي سلمتها لي عمر مزوره
مرام:بصوت يرجف….كيف قدرت تاخدهم وكيف عرفت انه نا سجلت كل شي بأسم الصغار
معاد:قبل ماانتي تعيني عمر محامي للأملاك انا كنت ف الشركه ووصلتني المعلومات كلها وزدت تأكدت من لما جي وطلب منك الاوراق كامله من غير الشركه
مرام:اذكرت ع طول لما معاد حط اللابتوب مفتوح وركب عرفت انه معاد تسمع عليهم …ممم مش عارفه كيف بنشكرك بجد انتا درت فيا معروف 💔
معاد: هنتيني مرام بس لانك متعرفيش معاد مني حاولت نفهمك ونقدرك ومخليتكش تلاحضي شي …نتمنا اديري بالك اكتر ع صغار نستأذنك
مرام:معاد
معاد:بدون مايشوفلها….وقف
مرام:انا اسفه هلبااا
معاد:بصوت هادي….ولا يهمك ….وركب فووق💔

مرام:في اللحضه هادي كانت مصدوومه هلبااااا مش عارفه شنو الي صار فاجئه بعد م فقدت الامل انه ترجع الاملاك
والشخص الي كانت خايفه من ردت فعله فاجئها انه هوا الشخص الي كان عنده علم بكل شي من الاول بس حب يساعدها برغم شكت فيه وهاناته اكتر من مره في بدل م يشوفها مجرد خادمه ويتهمها بي شي وياخد منها الاملاك ويستغلها طلع عكس هدا كله ؟؟
صدمة فرحتها من انه معاد طلع الشخص الي مكانتش متوقعه انه تتلاقا معاه اكبر من صدمتها انه الاملاك الي شبه نسرقو رجعولها في لحضه وتوا بين يداها
بس هنايا هيا عارفه انه معاد معروفه كبير ومهما دارت مش راح تردله المعروف
بس نحرجت قدامه هلبا وعارفه روحها انه وجعاته وضروري ادير شي باش تريح ضميرها🔥💔

معاد:لأنه ولا مره في حياته نهان من حد ولا عمره تنازل وكسر خشمه لحد بس مع مرام كان عكس طبعه تعامل معاها بي الوجه الي يريح مرام بس وحاول يقدرها ويفهمها
بس مستحيل بعد مواجها انه ح يسامحها ع طول او يتعامل معاها بي طيبه ويكمد مشاعره زا ماكان من الاول مش مخليها تلاحظ اي شي منه
بس توا خلاص تغير كل شي وكل شي بدا واضح

______________

خلينا نشوفو معاد ومرام كيف ح تكون قصتهم؟ وهل ف مشاعر تانيه مش باينه ؟

نور:فتحت تلفونها …خودي تفرجي ع حقيقة امير
قمر:خدت التلفون وهيا تتفرج ع رقم امير ومكالمات الي بين نور وامير الي مدتها كانت طويله من غير رسايل الحب …طاح منها التلفون ….وخدت بعضها وطلعت تجري لانه مش قادره تكدب عيونها 😭💔
مروة:كيف طالعه من غرفة العمليات جت عيونها ع قمر …قمممر قمر وقفي خيرك شن في؟
قمر:بصوت حزين….نبي اروح نا تعبانه قلبي بيتقطع
مروة:تنهدت…خوفتيني خيرك شن في قمر؟
قمر:أمير امير يخون فيا مع نور ش شفت كل شي بي عيوني
مروة:شن تخرطي قمر امير علاش بيخونك وشن مصلحته في هدا كله؟
قمر:م م مش عارفه ليش هوا دار معايه هكي بس انا شفت كل شي بعيوني
مروة:مسكت قمر من يدها…تعالي خشي معايا وفهميني
قمر:مصدوومه معقوله بعد م عرض حياته للخطر يطلع خاين بس لتوا مش فاهمه ليش هوا خش لحياتي وساعدني
مروة:ممكن لانك ساعدتيه حب يرد المعروف
قمر:لا مش هكي تصرفات امير معاي كانت غير …جنيته واهتمامه وغيرته مستحيل يكون كل شي كدب ووهم 💔
مروة:ونور هيا امتا خلت لولاد في حالهم نا مش مصدقه انه امير يتواضع للفرخه نور ويحبها لالا مستحيل في شي اكيد
قمر:تمسح ف دموعها….نا مستحيل نرجع نحكي معاه لو تصل بيك قوليله ع كل شي وانه نكشف ع حقيقته
مروة:اوك اصلا لو تصل بيا ح نعرف شن نقوله…قاطع كلامهم صوت رنة تلفون
قمر:هه يتصل بكل صحة وجه
مروة:مش ح تردي قصدك؟
قمر:لا وزا م وصيتك …ديري رايك….خدت بعضها وطلعت وهيا في حالة خيبة وصدمه💔

_____________
جت 9 في ليل:-

قمر:فتحت عيونها بي تعب….خشت للحمام خدت دوش سخون ونضمت امورها ….وجت قعمزت ع سرير خدت فونها لانه من اول م روحت قفلت تلفونها ورقدت ومعاش تعرف شن صار مع مروه وامير …اول م فتحت تلفونها وصلاها رسايل من امير هلباااا ومكالمات اكتر من 20مره طبعا الرسايل كانو عباره ع عتابات طويله كيف تشكي فيا بدون متفهميني وكلميني خليني نشرحلك ومن لكلام هدا كانه اطمنت شويه لانه ممكن يطلع فيه سوء تفاهم وهيا ع قيد التفكير وصلتها رساله تانيه انتي متحسيش بيا النننم ردي خير م ندير العااار ….لن سمعت صوت كلاكس تحت الحوش…تنهدت مستحيل يكون امير ؟؟ خدت بعضها وطلعت ع البالكوني بتشووف!!!

__________

مرام:في وسط المطبخ ترتب في سفرة لعشاء لكن عقلها وتفكيرها ف معاد الي طلع من لعشية معاش رجع مش من روتينه؟؟ كملت ااي ف يدها وطلعت لي صاله كالعاده بدت تتعشا هيا وياهم لن سمعت الباب نفتح ..اطمنت
معاد:السلام عليكم
مرام:ع عليكم السلام..تعالا تعشا معانا
معاد:بدون م يرد علاها خدا بعضه وركب فوق
مرام:شافتله بحيرة…اكيد زعلان مني قعد شنو الي درته انا ؟ مكانش قصدي نأذيه ؟ بس الحمدالله ربي بعتك ليا …رجعت اتكت ع الصالون…زعما نمشيله نكلمه نتأسف منه بس هوا عارف انه نا خايفه ع صغار ؟ يالا خليه هوا بعد م يرتاح يرجع يكلمني ….قاطع تفكيرها صوت تلفون الارضي!
مرام:ردت…الو
سارة:ايوا تي وينك معاد هدا غير بتلاقيني في المطار قعدت متشحوره ساعه الزحح
مرام:بصدمه…م م مني؟
سارة:انتي الخادمه متع معاد صح؟ قوليلي معاد وينه توا
مرام:اءءء كيف رجع للحوش
ساره:به خير فيته ليا ساعتين نتصل ع رقمه مافيش حد رد قوليله قتلك ساره نستنا فيك
مرام:كانت بتسألها مني انتي؟ لكن سارة سكرت الخط…حطت التلفون.وركبت لدور الفوقي
معاد:يغير في حوايجه
مرام:طقت مرتين ع الباب….ندخل؟
معاد:تفضلي!
مرام:شافت لي معاد وهوا لابس شورت بس ….اءءء س ساره كانت تتصل بيك قتلك انها تستنا فيك ف المطار
معاد:🤦‍♂️…ووووه نسيتها …لبس التيشرت متعه ع سريع
مرام:مم
معاد:بخفه طلع يجري
مرام:قبل م تطلع جت عيونها ع تلفون معاد فوق الطاوله…باين انه تلفونه مرفعاش معاع اليوم …ضغطت ع زر من الجنب…شافت مكالمات فائته من ساره اكتر من مره….سكرت الفون وطلعت وهيا تقول زعما من ساره هادي ممكن تكون حبيبته؟؟

قمر:جت عيونها ع امير واقف جنب السياره ….شن جاي يبي هدا؟…لن سمعت تلفونها يرن تاني….الوو
امير:شفتك في البالكوني انزل خير م نقلب الشارع انزززلي
قمر:شن تخرف انتا عارف روحك شن الي قعد ادير فيه
امير:اي عارف روحي ندير ف العار انزززلي خير م نهد ع حوشكم
قمر:انا فهمت كل شي شنهوا الي مازال بتفهمهولي؟
امير:ضغط ع كلاكس بقوووه.. .انززلي يلعن🔞🔞
قمر:اميررر
امير:بصوت اعلا منها….انززززززلي
قمر:حدفت التلفون بقووه ع السرير…ونزلت تجري تبي توقف المهزله الي دايرها امير لوووطا …واخيرا وصلت قدام سيارته….هااا هيا فهميني بسررعه اشرحلي ع علاقتك الوسخه مع الغبيه نور …قاطعها امير بي بووسة طويله ع فمها
قمر:تحاول تمنعه…وقف متلمسنيش قبل م تفهمني
امير:حط يده ع شعرها…كأني هديت قمر صح؟
قمر:وهيا قايمه عيونها فيه….ضم فمك وقولي شن جاي تبي مني؟
امير:مسكها من مرفقها بقووه….انتي عارفه انه اليوم قريب هبلت ف جرتك تسكيرت تلفونك هادي خلتني نتعارك مع ناس كلها ي حماره وانتي زعلان ع شي تااافه
قمر:نفضت يداه منه….سادك من الكدب انا قريت عاركم بعيوني ومازال تكدب قدامي
امير:حط صبعه ع فمها….وبصوت حنون ….ي غبيه نور لعبت علاها لانه هيا الي تراقب فيك وتبعت ف معلوماتك لي علي وهيا الي كانت ماسكة غرفة الكاميرات وانا مالا من وين بنجيب معلوماتك وبنعرف انه غلي نااااوي يبيعك؟
قمر:بتخميم….اءءء ايي ونا السؤال هدا م راحش من بالي وكنت نبي نسألك
امير:اي ونور من اليوم الي هربتك معايه معاش كلمتها فالهدا اهدي وريحيلي جمالك وشبشبلها شعرها…لكن حلوه وانتي متعصبه
قمر:طلعت منها ضحكه…..هههه منضرك يضحك وانتا تعارك متوقعتكش مجنون هكي😂
امير:قرب منها وحط يديه من وراء ضهرها….قمر نا نحبك وحط يديه ع شعرها ….لو نزيد معاك دقيقتين تانيات مرات تصير حاجات غلط
قمر:نزلت عيونها بخجل ودفاته ….كيف يعني؟
امير:بصوت سحنون….نخطفك صفي النيه
قمر:شافتله بي حب…وابتسمت
امير:هههه هيا ارجعي للحوش بسررعه ودماغك الصومالي هدا حاولي تتخلصي منه
قمر:😂😂
امير:نحبببببببك
قمر:ابتسمت…وخدت بعضها وخشت تجري للحووش
امير:ركب سيارته …وطلع!

______________

مرام:نازله من فوق..زعما وينهم لتوا ليش تأخرو معاد ليه اكتر من ساعه طالع وهيا تخمم لن نزلت لي صاله وقعمزت تتفرج ع تلفزيون ثواني وسمعت الباب نفتح معاد:اسف خلاص ساره طول الطريق ونا نتأسف سارة:مافيش كلمة اسمها اسف في موضوع زا هدا الاجتماع فاتني وانتا ولا ع بالك
معاد:قعمز ع الكنبة…عادي تأسفي منهم اول مره نسمع اجتماع قبل م توصل المديره من سفر
سارة: م كانوش يعرفو انه المدير خوها سطل زيك
معاد: وووه خلاااص عارف روحي ح نقعد نسمع ف القاعده هادي لي السنة الجايه
مرام: هههههه سارة: شافت لي مرام انتي من اكيده وحده من صاحباته الصايعات لانه مستحيل معاد يتزوج
معاد:😨😨😨
مرام:اءءء لالا
سارة: لا متتحشميش عادي متعوده ي اختي
معاد: تحشمي ع وجهك واعرفي شن اطلعي من فمك
سارة: من هادي؟
مرام:انا مربية الصغار
سارة:اءء انتي نفسها الي رديتي عليا؟
مرام:هزت براسها مرتين
سارة: اسفه متاخديش ع كلامي لانه المسطول هدا مخلاش فيا عقل وقعمزت جنب مرام تصدقي فالح يذكر فيا غير وقت لفلوس الشحات هوا 😏😏
معاد: انا راكب بنرقد وياريت تطفي وتخشي ترقدي لانه انا ح نطلعك من شعرك الصبح بنحطك في الاجتماع الي درتي ع خاطره العار
مرام:هههه
سارة:تجاهلاته وشافت لمرام محلاك ي بنت كيف كنتي عايشه وتخدمي فيه هدا ؟
مرام:ههه حرام عليك
سارة:اكيد يتشرط عليك في الاكل لانه م يحبش ياكل وجنبه حد
مرام:بصدمه…كيف؟
سارة:اي معاد مش اي شي ياكله وميحبش ياكل خاصة لو مع بنات وصغار يتعوذ من الشيطان
مرام:شافت لي معاد بصدمه….معقوله معاد متحمل جتا الشي هدا شن وراه هدا كله بس؟؟؟
معاد:مقدرش يتكلم….ركب فوق ع طول
سارة:هيا شكلي صدعتلك راسك بنخش نرقدسعيده
مرام:هه لا عادي هدرزتك حلوه
سارة:تسلمي هيا باي
مرام:تصبحي
______

فات الليل:-

قمر : فرحانه طول الليل بي علاقتها الحلوه والنضيفه لانه فعلا قمر من زمان كانت تتمنا تعيش علاقة حب هكي ونفس المواصفات الي تتمناها موجوده في امير كانت كل دقيقه تحبه اكتر وتشوف منه في كل شي حلوو لانه هوا سبب فرحتها وبعدها ع علي وامير نفس الشي مكانش متوقع انه ح يحب هكي او يتعلق بي بنت زا قمر وكان خايف علاها وغاير علاها هلباااا….الليل كله وهما يحكو ع الفوون وكانو يهبلو

أما مرام : كانت متلخبطه شوويه وتستنا امتا معاد ينسا ويرجع يحكي معاها اذكرت كلام سارة ع معاد وزادت اعجاب فيه اكتر وراجعت تصرفاته من اول م جي كلها كانت عفوية وهاديه في الوقت الي هيا تفسر فها غلط حست بندم اتجاه معاد وتستنا ف الصبح باش تحكي معاه وتعتذر منه لن يسامحها💔

اما رانيا:كانت سهرانه ومش قادره ترقد وهيا تراجع في باقي الملفات لكن المره هادي مكانوش ملفات خاصة بي قضية الاغتصاب الملفات الي تراجع فيهم خاصة بي وديع لأنه تحت المراقبه كملت اجراءات الي بتسلمهم لي وديع الصبح حسب امانة التحقيق وثقة القانون فها …حطت الملفات ف الشنطه وخدت الضرف الي وصلها اليوم من المراقب الي حطاته يراقب ف اخواتها خوفا من انه يسافرو وكالعاده قمر تطلع للمصحه ومرام متبدعش ع الحوش واغلبية وقتها ف الحوش حطت الضرف ورجعت رقدت ع سريرها❤❤

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-

رانيا:في مكتبها….قدامها ورقه وتخطط كيف بتتصرف وكبف بتوصل للحقيقه…لن فجاءه نفتح الباب بقووه…جت عيونها ع وديع…نزلت راسها وهيا تشوف الورقه
وديع:هجم علاها بقوه….لشن تبي توصلي انتي ؟
رانيا:بصوت مستفز….الي نبيه وصلتله لو نبي شي ح نتصل بيك
وديع:كيف تطلبي مني طلب زا هدا هدا باب رزقي تبيني نتخلا عليه كيف تبيني نعيش صغاري
رانيا:لو كنت فعلا خايف ع صغارك مكنتش فعلت كدا وكدا وبعدين متنساش اني نا ع خاطر صغار رحمتك هلبا
وديع:مستحيل نسيب الخدمه
رانيا:اوك براحتك خليك لحين إشعار آخر ح يكون جنب القاضي 😅
وديع:انا كنت معاك قد الكلمه وجربت وراء موضوع اخواتك وساعدتك وبعد م وصلتي للي تبيه بعتيني
رانيا:ونا مستحيل ح نكون انانيه ومش قد كلمتي انا تعاهدت معاك لسبب واحد تبحث ع خواتي خير م نوري فضايحك للقضاء صح؟ تخيل لو نا وريتهم عليك شن ح يكون مصيرك؟؟ قدام اهلك والناس الي تحسابك قدووه لكن نا تسترت عليك بشرط انك توقف خدمتك وتوقف لعب ع ناس لانك شوهت سمعت القانون انتا وامثالك
وديع:بي غضب…يعني انتي مصممه
رانيا:متأكده من قراري نتمنا تطلع وانتا راضي لانك ف الحالتين ح تخسر
وديع:بخبث….لكن هكي ح تتغير معاملتي معاك وانتي عارفه شن ممكن ندير فيك؟؟
رانيا:بي ابتسامه عريضه….وقفت ع رجليها….تهديدك هدا ح يكلفك هلبااا
وديع:خدا بعضه وطلع مغلووول😡
رانيا:قعمزت ع الكرسي…..وهيا تفكر انه ممكن وديع يأذي اخواتها ؟؟💔

_____________

رانيا:في مكتبها….قدامها ورقه وتخطط كيف بتتصرف وكبف بتوصل للحقيقه…لن فجاءه نفتح الباب بقووه…جت عيونها ع وديع…نزلت راسها وهيا تشوف الورقه
وديع:هجم علاها بقوه….لشن تبي توصلي انتي ؟
رانيا:بصوت مستفز….الي نبيه وصلتله لو نبي شي ح نتصل بيك
وديع:كيف تطلبي مني طلب زا هدا هدا باب رزقي تبيني نتخلا عليه كيف تبيني نعيش صغاري
رانيا:لو كنت فعلا خايف ع صغارك مكنتش فعلت كدا وكدا وبعدين متنساش اني نا ع خاطر صغار رحمتك هلبا
وديع:مستحيل نسيب الخدمه
رانيا:اوك براحتك خليك لحين إشعار آخر ح يكون جنب القاضي 😅
وديع:انا كنت معاك قد الكلمه وجربت وراء موضوع اخواتك وساعدتك وبعد م وصلتي للي تبيه بعتيني
رانيا:ونا مستحيل ح نكون انانيه ومش قد كلمتي انا تعاهدت معاك لسبب واحد تبحث ع خواتي خير م نوري فضايحك للقضاء صح؟ تخيل لو نا وريتهم عليك شن ح يكون مصيرك؟؟ قدام اهلك والناس الي تحسابك قدووه لكن نا تسترت عليك بشرط انك توقف خدمتك وتوقف لعب ع ناس لانك شوهت سمعت القانون انتا وامثالك
وديع:بي غضب…يعني انتي مصممه
رانيا:متأكده من قراري نتمنا تطلع وانتا راضي لانك ف الحالتين ح تخسر
وديع:بخبث….لكن هكي ح تتغير معاملتي معاك وانتي عارفه شن ممكن ندير فيك؟؟
رانيا:بي ابتسامه عريضه….وقفت ع رجليها….تهديدك هدا ح يكلفك هلبااا
وديع:خدا بعضه وطلع مغلووول😡
رانيا:قعمزت ع الكرسي…..وهيا تفكر انه ممكن وديع يأذي اخواتها ؟؟💔

_____________

في المصحه:-

قمر:ماسكه كوب قهوة ….وقدامها كيسة مليانه شكلاطه…ونازله فها ماكله لانه ضغطت من الخدمه
امير:صباحو الزعلان
قمر:صباحو لو عيون زرق وين ع صبح وين؟
امير:كنت خاطم من هني تفكرتك
قمر:اول م قامت عيونها فيه لاحضت علامة زرقاء ع جبهته…شن الي ضاربك ع راسك؟ نزلت من الكرسي خدت حافضة التعقيم
امير:اهاا حط يده ع مكان الضربه ….لالا ممكن ضربني الباب الصبح م فيش داعي
قمر:اشش خليني نعمقه… حطت الفاشة ع مكان جرح
امير:هجم
قمر:وجعاتك صح؟ يعني مش باب اكيد حديد
امير:قايم عيونه فها ويشوف لملامحها الي كانو زي البيبي
قمر:حطيت عليه لصقة باش يتعقم كويس…حط يدها ع خدوده إنتبه لنفسك حبيبي ف ناس تانيه قعدا تتوجع معاك
امير:حااضر في طلب تاني
قمر:ضحكت بخجل
امير:منبيش نعطل عليك ردي بالك من روحك واول م توصلي للحوش ردي عليا
قمر:حاضر وانتا رد بالك م روحك❤
امير:انا روحي انتي❤
قمر:نبضات قلبها ف تزايد….ي عمري باي
امير:شافلها شوفه اخيره وطلع❤

______________

مرام:لابسة قفتان قصير ودايره شعرها كوده ودايره حملة نضافة للحوش
سارة:تمسح في الطاوله بجديات العيشه معاك حلوه ونا مستغربه ف خويا معاد كيف جي هنايا ومعاش رجع لي ألمانيا
مرام : كيف يعني ؟
سارة: مه بويا وماما بعتوه يجيب الصغار معاه لي ألمانيا لكن بعد يومين اتصل بينا قال لا
مرام:خدتها سرحه مع ابتسامه…كل يوم تخلي فيا ي معاد نندم اكتر
سارة:شنو مرام الباين مش غير معاد بس ذايب فيك
مرام: ك كييف؟
سارة: انا حاسة واحساسي مش ح يخيب انه سبب رجوع معاد في قراراته هوا انتي
مرام:كييف؟
سارة:سادك استغباء معاد خويا واضح معجب بيك مرام:متألفيش سيناريو كامل بطلي من الوهم
سارة:لا حبيبتي الواضح هكي هلبا حاجات تغيرت فيه
مرام:لا فوتيه سريب الحب
سارة:فوته سريب الحب فوته فوووته من اولك والنيه مش مزبوطه
مرام:😂😂
سارة:سيبت الفوطه من يدها …نا ف غيبتك زا من برا من مرض
معاد:كان نازل من فوق…..العب غاااااادي
سارة:باعك رخيص وكل مره في وادي
معاد:ونا عندي عين بالعين
سارة:وانتا البادي
معاد:واليوم بايعك م حد خير م حد
سارة ومرام:😂
معاد:😂😂
مرام:تشوف لي معاد الي تصرفاته وابتسامته تجنن ولبرائته وكيف هيا كل شي وشاركهم الي للحضه هادي معرفتش تفهمه وتتعمق فيه برغم عاش معاه قريب شهر طلع شخص ما نا نحب شخص يشبهني راجل وعند كلمته
سارة:مراااام
مرام:وقفت تفكير.. انعم
سارة:اركبي غيري حوايجك معاد خويا تحشم لما قعدتي مفنصه فيه لن ركب فوق
مرام:انا درت هكي
سارة:😏وين كنتي ي بعدي؟
مرام:هههههه نغير وننزل 😂

____________

قمر:علقت البالطو…كيف خدت شنطتها وبتطلع
مروة:واخيرا لقيتك نبيك توصليني اليوم لأنه سيارتي خدتها خويا
قمر:تمام هيا اطلعي معاي
مروة:حقا شن قالي امير انكم تصالحتو
قمر:اي ي غبو مه نور هيا الي كانت ترفع ف المعلومات عليا لي علي النحس
مروة:تنهدت….مصح وجها اي شن بيطلع منها اصلا
قمر:اي وامير استغلها باش يساعدني
مروة:اي اي فاهمه المهم قعد امير يخدم في المصنع
قمر:مصنع شنو؟
مروه:هداكه اليوم ونا جايه للمصحه شفت امير يركب في لبضاعه ع طانطه كبيره واليوم نفس الشي شفته
قمر:تبصري وله؟
مروة:توا هدا موضوع يبصرو فيه نحسابه عندك علم انا
قمر:اذكرت الضربه الي ع راسه الصبح….اي ممكن لكن محكاليش
مروة&قمر:ركبو السياره مع بعض
قمر:لكن نا مفهمتش علاش يخدم هوا؟؟
مروة:منعرفش عليه انتي اسأليه
قمر:تواا نششووفه
لحضات ووصلت قمر مروة لحوشها ورجعت لحوشها نبعتت مسج لي امير(انا وصلت للحوش)و كالعاده دوشت وغسلت سنونها ونزلت نتعشا مع امها❤

___________

في السجن:-

رنيم:الي عندي حكيته ليك ممكن ضلم بابا ليكم تعاقب عليه فيا
رانيا:يعني انتي متأكده انه السبب اتهامك ضد رأفت هوا خوف من ايمن يأذي بوك
رنيم:لا بس ايمن هوا الي هدد بويا وبويا قالي اتهمي رأفت مش ايمن
رانيا:متعرفيش شنو سبب التهديد؟
رنيم:ممكن بويا عنده يد في قصة جوري اختك
رانيا:يعني الحقيقه عند بوك حاليا
رنيم:اي عند بويا لكن نتمنا انك متاذيشي
رانيا:طبطبت ع كتف رنيم انا مش حاننسا مساعدتك ليا انتي صح غلطي بس ندمتي وحبيتي تربحي ضميرك صح؟؟
رنيم:اكيد انا مش هامني شي حاليا غير اني اريح ضميري
رانيا:تمام ي روحي ح نشوفك شغلي مع بوك وبإذن الله مش ح يصير الا كل خير
رنيم:انشاءالله نتمنا انك متجيبيش سيرة لي رأفت عليا
رانيا:متخافيش للحضه هادي ونا قدام رأفت محكيتش شي
رنيم:ابتسمت….شكرا
رانيا:العفو نستأذنك توا
رنيم:سلام

رانيا:طلعت من السجن وهيا خايفه من شي واحد انه يطلع عمها رمزي عنده يد ف الاغتصاب وهكي ح يتحاكم اعدام وتزعل رنيم كأنه الامور تلخبطت عندها بس قعدا موصره توصل في المجرمين كلهم وتاخد حق اهلها وتضمن سلامة اخواتها الحاله الي وصلتها رانيا واليوم الي هيا فها مش فراغ من تراكمات الحزن تصنع قووة 🔥

_____________

مرام:طالعه من الدوش ….وكيف نازله لوطه بدير كيكة لصغار لانه من اول م رجعو من المدرسه طلبة منها
سارة:جنب الصغار تلعب فيهم
مرام:فتحت الثلاجه اطلع في بيض وحليب لن سمعت
سارة:جوليا جوليااااا
مرام:طاح الي ف يدها وطلعت تجرري…شن في شن في
سارة:مش عارفه خيرها كانت عليا فجاءه
مرام:دموع في عيونها خدت نشاطها من ع طاوله وقامت جوليا وطلعت لسياره…خليك مع منذر ولوجين ردي بالك منهم ودرس بالك افتحي الباب ….ركبت جوليا في سياره وركبت هيا وطلعت تجرري💔💔
__________

قمر:كيف خاشة لغرفتها….خلي نشوف حبيبي اكيد متصل بيا لن سمعت
ترن ترن ترن:-
قمر:الو حبيبي
شخص:ايوا
قمر:مني انتي؟؟
شخص:نبعتلك عنوان توا ع تلفونك جيبي معاك 100الف وتعالي خودي حبيبك
قمر:من انتم شن درت فيه؟
شخص:مش وقت كلام عندك ربع ساعه بس وسكر الخط
قمر:ترجف مع بعضها وهيا تستنا ف رساله توصلها…اول م وصلتها ….فتحت الدولاب لبست الي يجي قدامها ووشاح..نزلت لغرفة امها فتحت الخزنه وخدت المبلغ…..وطلعت ركبت سيارتها ودموعها موقفوش طول الطريق💔💔

___________

رانيا:كيف وصلت لشارع الي تسكن فيه…وكيف بتلف بي سيارة…..حاصرتها سيارة فخمة عاليه ….قعدت تشوفها مصدومه مش عارفه هل من جهة ايمن وله وديع وله زياد الي يطالب بالورثه وجت عيونه ع زوز اشخاص ملتمين نزلو بسلاحتهم فتحو الباب وقبل ماتعيط سكرولها فمها ونزلاها معاها💔

__________

مرام:ماشيه راجعه في الممر تستنا في الدكتور
معاد:مرام مرام شن في؟
مرام:ليش لاحقني وخليت صغار وسارة براحتك
معاد:غير طمنيني ع جوليا خيرها
مرام:حضنت معاد بقووة …..خااايفه يطلع شي خطير مستحيل نتحمل معاد
معاد:طبطب علاها….بإذن الله مش ح يكون شي خطير خليك هاديه وادعيلها
مرام:مستحيل نسامح روحي
معاد:مرام انتي ماذنبك شي هدا مكتوب من ربي
مرام:تمسح ف دموعها ….قلبي مش مطمني💔
الدكتور:فتح الباب….لو سمحت انتم اهل جوليا
مرام:ايي دكتور طمني……يتبببع💔

شنو قصة امير وشن مصير قمر معاه؟؟
شن الي ح يصير مع عائله مرام شن ممكن يغير احداث الروايه؟؟
وشنو الي ممكن يخلي رانيا تتنازل ع كل شي وتراجع وهل في بطل جديد يغير توقعاتنا؟؟🤷‍♀️
اسفه لو لكلام مترتبش معاي لانه مكتبتش ع الواتس بجد وتعقدت في الكتابه انشاءالله تفهمو الحلقه

اترك رد

زر الذهاب إلى الأعلى