رحم من النار الفصل الثامن | القلم الناجح
روايات ليبيه كاملة

رحم من النار الفصل الثامن

جميع حقوق الطبع والنشر محفوظه

#رحم_من_النار 8

أمير:ماسك شخص وموجه عليه السلاح احكي شن ادير هنايا ومن باعتك؟
الشخص:يتنهد بخووف…..قق قمرر
أمير:مسكه من تيشرته بقووه….وحط المسدس في راسه….انتل عارف شن تقول؟ لو يطلع لكلام كدب حانفجره فيك هدا
الشخص:يبلع في ريقه……توعدني لو حكيتلك الحقيقه تساعدني
أمير:احككي خير مانطربقك
الشخص:طلع تلفونه من جيبه….وفتح الرمز ….وفتحله ع الصور شوف بروحك
امير:مسك التلفون وهوا يتفرج ع العرض ومصدوم..وهدا كله شن مقابله؟
الشخص:كنت نعطي فه ف فلوس وطلعت معاي اكثر من مره قالت انها محتاجه وتبي تصرف ع ولدها لانه راجلها مطارد ومسافر
أمير:حط المسدس ف فم الولد…..تعرف لو الدوه هادي تطلع من فمك ش ح يصير فيك
الشخص:يتكلم بوجع….اءءء ويهز في راسه
امير:واسم قمر شن جابه في فمك وكيف تعرفها قمر انتا؟
الشخص:مم مرح وصتني لو انتا مسكتني نقول هكي
امير:دفه بقوووه
الشخص:متقتلنيش عندي بنت وولد 😭
امير:وتوا اقلب وجهك وقبل م تفكر تحكي شي اسأل ع أمير (؟؟؟؟؟) باش تحكي القصة بدون م تنقص ولا حرف
الشخص:طلع يجري وهوا خايف ومش مصدق نفذ بريشه

قمر:كانت تتفرج ع امير وكيف يهدد في الراجل وسمعت الدوه الي بينهم اول ماشافت امير راجع للحوش …رجعت لي سريرها وهيا مستغربه في وجه امير التاني الي مشفتاش للحضه هادي…وعلاش قال لراجل اسأل ع امير قبل يعني امير مش شخص عادي ويخافو منه…..بس ليش الغبيه تخون فيه لو انا عندي زيه ح نكون زي مايبي معاه وربي رااجل ونعدمت الرجوليه بعده….قاطع سرحانها صوت الباب

طقق طقق:-
قمر:عدلت حوايجها وشعرها….تفضل
امير:خش ….وسكر وراه الباب….فاضيه نحكي معاك شويه
قمر:اي عادي لأنه
امير:لأنه شنو؟
قمر:بصراحه مقدرتش نرقد وانتا مش ف الحوش وكنت نستنا فيك ترجع
امير:قعمز مقابلها….أسف بجد مفروض بعتلك مسج وطمنتك
قمر:لا ويهمك بس كنت مشغوله عليك انا موضوعي مش هامني لو انتا بتتعرض للخطر
امير:ابتسم …المهم كنت مع شخص واصل وعنده كلمه مع الاشخاص الي يتعامل معاهم علي الي هما نفسهم يدورو فيا ووافق يساعدني وبالنسبه لي علي طلقته خلاص
قمر:ابتسمت بخيبة….ولو يخون ويرجع ينتقم مني ومنك
امير:مستحيلا لأنه مهدد لو تصرف معاي اي تصرف ح يقتلوه
قمر:نزلت عيونها….بس مهما كان نا ح نقعد خايفه
امير:مدام انا معاك انتي ممنوع تخافي
قمر:اول ماسمعت الكلمات هادو قلبها نبض من جديد
امير: قتلك الشخص واصل ومستحيل يطيحو كلمته
قمر:انشاءالله يطلع كلامك صح وميدريش شي
امير:انتي ادعي بس وربي مش ح يخيب ضنك
قمر:تكلمت بكسرة خاطر….وشن صار في خطوبتي بيفسخ مني وله ميبيش؟
امير:حكيت معاه بخصوص الموضوع هدا قالي كلام مع اهلها
قمر:حقير مازال عنده وجه يقابل اهلي ويخش لحوشنا
امير:قرن حواجبه وحط يده بي غل ع وجه….تي وربي لو مش انتي بس كنت نزلته من السياره وفشيت غلي فيه
قمر:تشوفله وهوا متعصب ومحروق ع خاطرها….متفكرش فيه الي داره ح يرجعله بس اهم شي انتا عرفت تصلح الامور بطريقه صحيحه
امير:لأنك بنت وحتا انتي ساعدتيني وحطيتي روحك معاي في الخطر وربي ك نهدا مانرضا نمد يدي ونصالح ولا واحد فيهم
قمر:ك كييف؟
امير:أنسي انتي الي تبيه انا نفدته ومدرتش مشاكل ولا شي صح؟؟
قمر:تذكر في كلامه مع راجل وتشوفله وهوا بحالة الهدوء هادي قدامها كأنه مش نفس الشخص
امير:قممر
قمر:هااا انعم
امير:أكيد نعستي صح؟
قمر:اءءء…..لالا عادي
امير:تمام ارقدي ارتاحي باش الصبح نوصلك لي حوشك
قمر:تمام تصبح ع خير
امير:ابتسملها ….وانتي من اهل الخير….وطلع
قمر:ذايبه فيه🤤

________________

مرام:درست سيارتها …ونزلت وتشوف للحوش كأنه مضلم….وصلت قدام الباب وفتحت الباب وخشت والحوش كله بلاك ….طاحت منها الشنطه وبدت ترجف مع بعضها وتنادي منذر منذذذذر جووولياااا لوووجين منذر وينكم 💔….فجاءة ولعت الاضواء ….وسمعت اصواتهم
كلهم:عيد ميلاد سعيد 😂😂
مرام:تمسح في دموعها والضحكه ع وجها…..وربي قريب نشليت 😂
معاد:ماسك التورته….تعاالي بسرعه طفي الشموع
مرام:قربت منهم وهيا تضحك….طفت الشموع…وقعدت تشوف للحوش كيف مزين
معاد:شن رايك؟
مرام:هههه محلاكم والله😂
جوليا:نبي نعيد عليك بي بوسه
كلهم:😂😂
لوجين:وحتى انا
مرام:نزلت هيا بوسوني
لوجين وجوليا:ممممممواااح
معاد:حط التورته ع طاوله …..هيا لعشاء بيبرد
مرام:ومن داره هدا كله
معاد:الشيف معاد ومنذر وجوليا ولوجين
مرام:طلعت تعرف اطيب؟😏
معاد:😂 بلاش نكد توا خلينا نتعشو
مرام:هههه هي قعمزو …..وقعمزت مقابله معاد…بس انا مستغربه من قالكم ع عيد ميلادي
معاد:تبي الصراحه شفت تاريخ ميلادك في بطاقتك
مرام:اهاا اي نسيتها امس فوق الرف تع التلفزيون
معاد:مش مهم المهم اني شفته وحبينا نغيرو جو مع بعض
مرام:تشوف لي معاد بي اعجاب…في خاطرها.. طلعت مش ساهل سي معاد
معاد:يتفرج علاها وهيا فرحانه وطبعا هوا كان فرحان اكتر لانه تصل بي الشركه ومافيش منه موضوع الاجتماع….استمرو يتعشو وهما فرحانين

________________

رانيا:ههه….خلينا نبدو بي قضية الاغتصاب الاوله الي حدثت قبل 15 سنة او اكتر
ايمن:😨😨
رانيا:جوري عادل عياد الي غتصبتها تقدر تقولي كيف ماتت؟ وليش في ليلة الي ماتت كان الجنين نازل منها بعني هيا محاوله تنزله صح؟
ايمن:وقف لااا من جوري هادي الي تحكي علاها وكيف تتهميني بدون دليل
رانيا:وااااو معقوله انا بنتهمك بدون دليل؟ م تخافش موجود اكثر من دليل ضدك ف لهدا ارتاح وخلينا نكملو تحقيق خير م نا نتصرف من راسي تصرف مش ح يعجبك لا انتا ولا اهلك
ايمن:😨😨….انتي من؟ ومن وين جايبه المعلومات هادي كلها هدا موضوع قديم وعيلة عمي ماتو كلهم
رانيا:صار ماتو هههه بالله شن قلتو لناس علينا بعد مالزيتونا وشردتونا
ايمن:انتم معاش تقربولنا اصلا وحتى لقبكم مسلوب منكم يعني انتم حاليا عايشين بدون تعريف كيف رانيا ح توصل للقانون بدون لقب وبطاقه
رانيا:ههههه والله زا ماانتا. اشكالك قعدين حايسين في الدم ليكم اكتر من عشرين سنة ومافيش حد قدر يشكي فيكم
ايمن:انتي بدون لقب افهمي. متشرفيش تكوني ظن عيلتنا لو فعلا انتي رانيا
رانيا:قاطعاته بصوت اعلا منه……تي سكررر فمك تي عااار عليا اني نكون بنت عمك اصلا عااار عليا نكون انا وخواتي نفس لقبكم ونفس الدم يجري في عروقنا تي ملياش الشرف اني حتا نوقف جنبك لعلمك انتا اي مكان تخشله مفروض يعقموه بعدك لانه نجسس فهمت نجسسس
ايمن:وقفي تخاريف…..كم تبي مبلغ نعطيك وخليني نطلع
رانيا:الوقت تأخر وانتا ح تقعد في زنزانه ولينا لقاء اخر واخير
ايمن:😨😨
رانيا:للأسف مش مسموحلي نحقق معاك اكثر من هكي غدوه عندنا ضيف معانا وضروري يشاركنا
ايمن:شن تبي مني انتي لو تبي املاكي نعطيك؟
رانيا:هه ع اما املاك تحكي ع املاك عادل ؟ …وبعدين خلي في بالك القضية هادي بدون مقابل من حد ..وح ندمرك وح ناخد حق اختي منك وصدقني ح نخليك تتمنا الموت وماتشوفه
ايمن: اسمعي كويس انا نقدر نشري القانون كله وحتى القاضي متع المحكمه
رانيا:هه اوك مسألتش روحك انا من وين جايبه القوه والثقه هادي؟ وخدت بعضها وطلعت🔥
ايمن:😨….لحضه وخشو العناصر خدو ايمن وحطوه في الزنزانه المنفرده🤷‍♀️

_____________

شوية بس بنشارك بي حاجه يحليلي ع شخصية رانيا وكلام رانيا وملامح رانيا وربي قداش كنت متمنيه نقرا قانون ونكون محققه اححيه ع كمية الحب لي شخصيات هادي وع كمية الذكاء الي مش طبيعي والاسلوب الي تتكلم بيه 🤤

___________

كان الجو هادي والضوء مطفي والشاشة بس والعه وكلهم منسجمين مع الفيلم مرام:مقعمزه ماسكه صحن الفوشار وصغار لاصقين فها وياكلو
معاد:جنبهم من الجهة التانيه وكان يتفرج عليهم بي حب
فات جو ربع ساعه وهما نفس الحاله
مرام:رقدت خداها النوم من بينهم
معاد:ناض وقف جنبهم…خدا الصغار وركبهم لغرفتهم ورجع ….غطا مرام بالورغان محبش ينوضها ….طفا الشاشه ….وخدا بعضه وركب!

فات الليل ع رانيا وهيا تتهرب من التفكير لأنه حاليا مواجها اخطر انسان ومتوقعه انها تتعرض لي اي شي غلبت تفكيرها ورقدت لانه وراها تحقيق طوويل غدوه🔥

_________

قمر:فرحانه لأنه خلاص قصتها مع علي انتهت ولانه عندها ثقة كبيره في امير صدقت كلامها وانه الامور تمام بس كأنه قعدا شاكه في امير انه داس علاها شي ومش قادره تصدق انه امير حل المشكله بسهوله هكي ؟ …وبعد تفكير طويل تفكرت وعميق اذكرت امير وكيف ساعدها ابتسمت ع طول بس في نص تفكيرها جي في بالها سؤوال….من وين جاب امير المعلومات ع علي؟ وكيف قدر يخش للمصحه بدون خوف؟ بس باعدت الأفكار السلبيه لأنه امير واضح انسان خلوق وفعلا ساعدها ووقف معاها …وهكي لن خداها النووم 😴

_________

يوم جديد:-

قمر:فتحت عيونها ببطئ …خدت فونها من جنبها واتصلت بي مروه ع طول ….يرن
مروة:اهلا صباح الخير
قمر:صباح النور …وين؟
مروة:في المصحه كيف وصلت وحقا قبل م ننسا تستنا فيك قائمه ع كبرها ونا كدبت ع الكل انك مريضه
قمر:افففف اي في مرضا عاطيتهم موعد اليوم
مروة:به انتي متقدريش تجي ي عني؟
قمر:حولت لغطاء ونزلت من السرير….لالا بنمشي اليوم لأنه امير حل القصه
مروة:مستحيلا ووووو واخيرا
قمر:ابتسمت….اي الحمدالله طلع يعرف شخص واصل ويعرف علي وجماعته وقدر يتفاهم معاهم
مروة:اممممم كويس المهم انتي تفكيتي من علي الحقير هدا
قمر:اي وربي مش مصدقه
مروة:به به نا عندي خدمه وانتي كملي امورك وتعالي للمصحه بسرعه لأنه قريب يجي موعد العلاج
قمر:تمام حبيبتي نتلاقو
مروة:سلام….وتسكر الخط !

قمر:فتحت الباب…وطلعت خشت للحمام

في الصاله:-

ابتهال:تصب في الشاهي في الكوب….مستحيلا ي خساره
عائشه:والله لو بتقعد هنايا لما نحطها في عيوني لكن عادي هيا وراحتها
امير:رشف رشفة من القهوه….اي البنت مرتحتش هني وضروري تكون مع خالتها مابين بوها تعالج
مرح:مقعمزه تشوفلهم بخبث….في خاطرها اكيد لزها من عملتها متع امس مسكينه كانت متوقعه انها ح تعيش هني وتلقا من يسندها .
قمر:خشت عليهم…صباح الخير
كلهم:صباح النور
امير:قام عيونه فها ومقدرش ينزلهم
ابتهال:لاحضت نضرات امير لي قمر وضحكت….تعالي قمر قعمزي مابين جبت حليب سخون
قمر:لالا صحيتي مافيش داعي انا مستعجله نبي نطلع
امير:😨
ابتهال:كيييف؟ باش بتمشي لخالتك صح؟
قمر:شافت لي امير….وامير غمزلها….ههه اي اي بس توا نمشي بروحي مافيش داعي امير يوصلني
امير:بصوت عالي….لاااا انا ح نوصلك قعمزي افطري
قمر:ااا اوك….وقعمزت
امير:نااض وطلع برا!
قمر:شافت لي مرح….غريبه قعدا لتوا برغم امير ماسك عليها شي
ابتهال:تبي شي تاني لو عندك نيه في شي قولي متتحشميش
قمر:شكرا حبيبتي والله م نحب نفطر انا بس ع خاطرك

لحضات وقمر كملت فطورها ونزلت لي امير 

___________

مرام:ماسكة سفرة فطور مشكل حلو وحار …صباح الخير
معاد:عيونه ع سفرة….صباح النور
مرام:تفضل
معاد:هدا كله ليا؟
مرام:ههه اي وليش مصدوم؟
معاد:مش مصدوم بس نصدمت انك أنتي مجهزه هدا كله ليا
مرام:لا منسيتش عيد ميلادي الي تفكرته انتا بجد امس فرحتني
معاد:ولو انتي تستاهلي برغم
مرام:ش شنو؟؟
معاد:لا شي يالا خلينا نفطرو
مرام:لا انا بنمشي للمدرسة متع الصغار بنخلصهم
معاد:اها اي كويسس!
مرام:اوك نستأذنك توا
معاد:سلام

مرام:ركبت فوق لبست سروال جينز ازرق وبلوزه حمراء وحطت وشاحها وخدت معاها البطاقه وطلعت 

_________

قمر:شكرا تعبتك معايه
امير:شن قلت اخر مره مافيش شكرا بينا صح
قمر:بخجل….نسيت اسفه
امير:تمام انزلي توا ولو صار معاك شي كلميني
قمر:شافت لعيونه وكأنه سرحت فيهم شوويه
امير:قممر
قمر:هاا انعم
امير:سجلي رقمي عندك
قمر:اه اوك….فتحت تلفونها وعطاته لي امير
امير:كتب رقمه….تفضلي!
قمر:اوك سلام توا
امير:سسلام
قمر:نزلت من السياره…وخدت بعضها وطلعت!
امير:وقف يشوفلها من بعيد ومشاعره متلخبطه هلبا اتجاه قمر

_________
مرام:كيف مفهمتش؟
المديره:اي البطاقه صلاحيتها منتهيا
مرام:بس البطاقه جديده وفيها اكتر من3000
مديرة:صدقيني البطاقة فارغه تقدري تاخديها وتتأكدي
مرام:اوك ….خدتها وطلعت وهيا مصدومه بس كيف البطاقه طلعت فارغه مهتمتش هلباا لأنه شكت مرات تكون متلخبطه 💔

__________

في الوقت هدا:-

قمر:تستقبل في الحالات لأنه اغلبهم عندهم مراجعه ومروة دخلت معاه القسم تساعد فها لأنه قمر تعبانه شويه 

_____

مرام:من لما روحت من المدرسة وهيا متلخبطه طلعت البطاقات كلها وتراجع فيهم اتصلت بي المحاسب متع الشركه وراجع جميع البطاقات وقلها انه فارغات كلهم …سكرت عليه وهيا افكارها كلها سلبيه اتجاه المحامي عمر حطت الأوراق كلها في الخزنه وخدت مبلغ نقدي
مشت للمدرسة خلصت المديره وخدت الصغار وروحت بيهم💔

_________

رانيا:في مكتبها تكمل في الاجراءات اللازمه متع القضية وامور هلبااا بخصوص القضية لأنه القضية مش ح تكون مجرد محكمه القضية هادي ح تكون طويله وح ينكشفو فها هلبااا ناس …بس رانيا كانت تدرس وتجهز في القضية بكامل قوتها يعني اليوم كله لي الليل وهيا تجهز في ملف القضية واجلت التحقيق لغدوه لأنه اضطرت ادير اجتماع بي المحقق وديع باش يقبض ع الاسماء الي طلبتهم رانيا حضور القضية وفعلا وافق وديع ع جميع شروطها 🤷‍♀️

___________

ترن ترن:-
مرام:ألو
الموضف:اهلين
مرام:شن صار معاك؟ قدرت تستفسر؟
مرام:شبه بس حاليا منقدرش نأكدلك قبل م يوصل محامي الشركه
مرام:وامتا ح ترد عليا بزبط باش نعرف نتصرف
الموضف:اسف منقدرش نساعدك توا استني عليا الصبح بإذن الله ح نقولك القرار الأخير
مرام:اافففف….أوك نتمنا متتأخرش عليا
الموضف:انشاءالله
مرام:سكرت الخط…وحدفت فونها بقوه ع السرير….مستحيل يكون لعب عليا مستحيل كيف بنحل المشكله الي ح دمر العيله كلها ياااااربي متمتحنيش مع الصغار💔
معاد:كان يتسمع علاها …خدا بعضه وطلع!

__________

قمر:قعمزت ع الكرسي…اففف شنو هدا وربي خلاص
مروة:قصدك انتي ديما هكي
قمر:واكثر من هكي وربي والدكتور يوسف الفتره هادي واخد اجازه كان مساعدني
مروة:تمسح ع وجها…تمام ربي يعاونك انا بروح
قمر:بتروحي؟
مروة:اي
قمر:خدت فونها….اه امير متصل
مروة:تنهدت ….حليلي وشن بينك وبينه؟
قمر:ريحي جمالك متزوج
مروة:قلبي الصغير لا يتحمل
قمر:عادي توجع شويه لكن ميه ميه😂
مروة:😂😂….خساره الزح وربي لما شفته كيف مهتم بيك وكيف يحاول يساعدك توقعت انه يحبك
قمر:تفكرت كلام ابتهال …ابتسمت ابتسامه خفيفه…مش عارفه
مروة:شنهوا الي مش عارفاته
قمر:لالا بس امير علاقته الزوجيه ممكن مش تمام
مروة:كيف؟
قمر:وقفت …متزوج مرت خوه المتوفي وعندها ولد
مروة:واااو خلاص خلاص فيه امل كبير انكم تكونو لبعض
قمر:ضحكت ع جنب….اطلعي ي مجنونه….وطلعو مع بعض❤

كان الليل طويل ع مرام بعد مارقدت الصغار خشت لغرفتها مقدرتش ترقد برغم انها تعبانه لانه كانت تفكر في السرقه الي صايره ؟؟ كان جوها مش تمام طول الوقت ومعاد كان ملاحظ مرام بس متجرأش يسألها ولا يفهم منها الا بطريقته وكأنه كان يستنا في اليوم ….بي اختصار مرام للفجر مقدرتش ترقد لانه فعلا لو طلع الي ف راسها صح ح تكون مصيبه ومش ح يرتاح ضميرها لانه هيا الي وثقت في عمر وسلمتله كل شي💔

_____________

رانيا:ماسكة الورقه الي مسجله فها عناوين خواتها….برغم انه ليها سنين تحلم توصلهم باش مضيعش ولا ثانيه باش تكون معاهم وتوا العنوان بين يداها ومش قادره توصل فيهم بسبب خوفها عليهم بس هيا عارفه وواثقه انه القضيه ح تنجح لانه الأشخاص الي تتعامل معاهم قدها وخاصة رأفت اهم شخص واهم شاهد عندها ….هدا الي تفكر فيه رانيا برغم خوفها شوية من انه حد منهم يرخي بها🔥

قمر:من لما روحت دوشن ونضمت امورها ورقدت ع طول برغم امير اتصل بها اكتر من مره بس تجاهلت لانه كانت تعبانه هلباااا💔💔

____________

يوم جديد:-
قمر:سروال جينز اسود وبلوزه سحابيه ولمسة مكياج خفيفه
نورة:فتحت الباب وخشت صباح الخير
قمر:صباح النور
نورة:بنتي بنقولك شي ومنبيكش تزعلي
قمر:احكي ماما شغلتيني
نورة:امس جت ام علي و
قمر:بخوف….خيرها؟
نورة:قالت انه ولدي يبي يفسخ الخطوبه ومعاش يبي
قمر:ابتسمت…هه به ماما وليش زعلانه
نورة:مستغربه…قصدك انتي مش زعلانه؟
قمر:وعلاش بنزعل وانا قمر😉
نورة:فرحتيني
قمر:ومقالتش ليش فسخ
نورة:لا قالت انها متعرفش
قمر:حلو…هي ماما نا طالعه للخدمه توا ومنبيكش تفكري في شي لأنه والله انا فرحانه هلبا
نورة:حبيبتي ربي يخليك ويحفضك
قمر:باست ع راسها امها….وطلعت!

__________

مرام:ترتب في المطبخ وهيا تستنا في الاتصال بالها مشغول
معاد:راجع من برا….وصلت الصغار لو تبي شي انا فوق
مرام:كانت سرحانه….مردتش
معاد:شافلها وهيا منسجمه ….ضحك وركب فووق😅

_________

رانيا:كيف واصله للمكتب
الشرطية:تفضلي شن المطلول مني
رانيا:نبي المتهم رأفت وايمن يكونو في غرفة التحقيق
الشرطية:قصدك ندخلهم من توا
رانيا:خلي ايمن هوا الاول وبعد خمسة دقايق دخل رأفت واي حد يسأل عليا قوله رانيا مش موجوده اليوم وأجل جميع المقابلات للاسبوع الجاي
الشرطي:حااضر ..ضرب التحيه وطلع!

___________

قمر:كيف داخله لغرفتها شافت امير يستنا فها
امير:واخيرا
قمر:هه…انتا هنايا؟ كيف حالك اليوم؟
امير::انا بخير بس خوفتيني عليك امس
قمر:قعمزت ع كرسي….ليش؟
امير:لانه تصلت بيك اكتر من مره ومافيش حد رد
قمر:اذكرت امس…اهااا وربي نسيت لانه امس بجد روحت تعبانه ومش شايفه شي
امير:تمام سامحتك المهم حبيت نطمن عليك
قمر:شافتله وابتسمت…شكرا امير
امير:نبض قلبه لما سمع اسمه بصوتها….شن قلت عليها
قمر:هه والله نسيت ههه
امير:مركز في ضحكتها الي جنناتها
قمر:تشوف لعيونه ومش مصدقه انه شخص راقي زا امير يحكي معاها وانه ربي ح يعوضها بيه
امير:اوك منعطلش عليك….ردي بالك م روحك
قمر:حاضر
امير:نزل من الكرسي وكيف بيطع
عدنان:السلام
قمر:عليكم السلام تفضل
امير:وقف جنب الباب بس كان باين
عدنان:قعمز ع كرسي…بجد توا صحتي كويسه احسن من امس بهلبا
قمر:هه بجد ؟ طمنتني
عدنان:بس الواضح انه وجهك هوا السبب
قمر:شافت لي امير …اها اي
عدنان:بجد مقدرتش ننساك ولا لحضه
قمر:😨
امير:قرب من عدنان ومسكه من تيشرته
قمر:😳😳
امير:ينضف في تيشرت عدنان…شن مني؟
عدنان:اءء…انتا مني؟
امير:جبده بقووه من التيشرت….عارف انها مصحه هني …ودفه بقوه ع الحيط
عدنان:😨😨
امير:قرب منه …انا طالع نبيك وراي ووجهك ع طول ومعاش تفكر تخش للمصحه
قمر:امير سيبه خلاص
عدنان:وهوا يرجف مع بعضها…نزل يجري
امير:عدل حوايجه…وخدا نفس…وشاف لقمر …ديما هكي انتا مع المرضا
قمر:نزلت راسها…اءءء لالا بس هما هكي يحكو معاي احيانا ونا منعطيش ف فرصه ليهم
امير:قام حاجبها..وكأنه شاد نفسه كملي شغلك …وطلع
قمر:تشوف لي امير لن طلع وهيا مش فاهمه علاش تصرف معاها هكي ومصدومه في عصبيته الزايده…رجعت قعمزت ع الكرسي ..معقوله هادي كلها غيره ؟؟😉

__________

مرام:ليها اكتر من ساعه وهيا تستنا ع نار في الاتصال …لن واخيرا رن تلفونها ….بصوت يرجف…ألو
الموضف:اءء اهلين مرام
مرام:احكي بسرعه شن صار معاك
الموضف:مش عارف كيف بنقولك لكن كل شي حتى الشركه مش بأسم ناصر مافيش ولا شي بأسم ناصر نهائيا
مرام:بصوت يرعش….كك كييف شن تقول من الي داير هكي
الموضف:اكيد الاستاذ عمر لانه م فيش حد ح يحول كل شي بأسمع الا لو عنده اوراق الملكيه وضمانهم
مرام:تت تمام…سكرت الخط …مستحيلا يكون غشني الحقير بعني في اي لحضه يدخل للحوش ويلزنا منه 💔
يااااربي شن درت ف روحي ليش تسرعتي ي مرام بس حتى معاد الي كنت شاكه فيه للحضه هادي مجابش سيرة الاملاك قدامي
شن بنقولله توا بس كيف بنقابله؟ اففففف مستحيل معاد يتحمل وله ح يستوعب الي درته 😭💔

__________

رانيا:كيفك اليوم سيد ايمن
ايمن:بصوت عنيف….من وين جايبه القوه والثقه شن الدليل الي ماسكاته عليا احكي
رانيا:ع م اضن مافيش حد يعطي سر مهنته وبعدين انا مش ح نتأخر في المحكمه لانه الموعد ح يكون في بداية الاسبوع الجاي
ايمن:نوعدك ح تندمي ع كل شي درتيه فيا وانه حتا لو حكمت عليا المحكمه بي سجن ح نطلع بكفاله وحياتك ح تتمني الموت
رانيا:هه….خليك هادي سيد ايمن تشوف في الجو سخون مش ناقصك تتعصب 😅
ايمن:شن تبي تعرفي بس ؟
رانيا:لا كل شي عندي وجاهز سؤال واحد بس شن كان بينك وبين اختي باش تغتصبها ي تافه
ايمن:ههه اختك ضحكت علاها ووهمتها اني ح نتزوجها😂…بس ف نهاية ماتت هيا وجنين
رانيا:بقلة صبر….مسكاته من التيشرت متعه….اسمعني كويس زا م قدرت نوصل فيك ح نوصل لكل شخص ساعدك
ايمن:دف رانيا …خليك بعيده لانه انا معنديش يد في قتل اختك ونصدمت هلبا لما سمعت بموتتها بس كان في بالي انه هيا ماتت منتحره
رانيا:من الشخص التاني الي يعرف بيكم
ايمن:بنات عمي رمزي
رانيا:ههههههه…حلوو….يعني رنيم عندها يد؟
ايمن:وكيف عرفتي انتي؟
رانيا:لأنه صاير فها زا مصار مع اختي
ايمن:بس هدا مش دليل
رانيا:طوول بالك الاشخاص المشتبه فيهم كلهم في الزنزانه عندي
ايمن:😨😨…كييف؟
رانيا:ضحكت بي استفزاز…زا م سمعت وزي م تعرف انه انا مواجه وحوش مش بشر ضروري نكون متأكده من كل خطوه نخطيها
ايمن:بس انتي معندكش دليل عليا وشاهد واحد مش ح يكفي
رانيا:اشششش….وتخطت خطواتها وخبطت ع الباب…ورجعت .
ايمن:في اللحضه هادي كان واثق. متأكد انه رانيا ماسك راس الخيط ووراها شي كبير
رأفت:السلام
ايمن:شن يدير هدا هنايا؟
رانيا:عيب ايمن مفروض تتشكره وتستقبله بالبوس
ايمن:من هدا وشن دخله؟
رانيا:هدا مسكين نسجن في مكانك وتعاقب اشد العقوبات باش انتا تسرح وتمرح ع راحتك
ايمن: 😨😨😨
رانيا:خبطت بقوه ….ع مااضن الصورة وضحت قدامك توا ومعندكش خيار تاني
رأفت:انتا ورنيم مضطرين تعترفو بكل شي
ايمن:😨….شن قعدين تقولو انا مدخليش بي حد واختك هيا الي سلمت نفسها ليا
رانيا:ضحكت بصوت عالي….حتا الميت مش مرتاح منك
انتا عارف رأفت شن ماسك عليك والناس الي تتعامل معاهم من التعذيب ح يعترفو بكل شي درته خلاااص جي وقتك وعلت صوتها للأسف ح تكوون المحكمه بعنوان رحم من النار لأنه الاعداء من نفس العيله ومن نفس الدم
ايمن:😨😨

_________
قمر:هلا مروش وين لتوا
مروة:كنت ارتب في الغرفه غريبه جايتني انتي اليوم
قمر:قعمزت فوق السرير…ههه نبي نحكيلك شن صار معاي نبيك تفسريلي
مروة:سيبت الي في يدها….شت في احكي؟
قمر:امير اليوم كان عندي في المصحه
مروة:اي اي
قمر:بسبب اني امس مرديتش عليه جي يبي يطمن عليا
مروة:به حلو كملي
قمر:المهم لما هوا كان بيروح خش مريض اسمه عدنان كان يعالج عندي
مروة:به به
قمر:طبعا كالعاده يتغزل فيا وامير قعد مطلعش
احيه منوصفلكش شعوري لما شفت في عيونه نار الغيره وبعدها مسكها ببرود وبدا يهدد فيه احييه لما كان شخصية وأحترم المصحه وقاله انتا عارف انه احنا ف مصحه؟واااو ذبتتتت🤤
مروة:😂😂….وربي مجنونه
قمر:بلا جو شن حسيتي بعد ماحكيتلك
مروة:اي اي يحبك بدون شك لكن انتي ضروري تكوني قريبه منه شويه
قمر:كيف يعني؟
مروة:بلاش استغباء…يعني لما يتصل ردي عليه اهتمي بيه هكي
قمر:😏…بس متنسيش هوا متزوج
مروة:اي افففف مستحيل تكمل معانا ضروري خرا في الوسط يبخر الجو
قمر:لاااااع
مروة:هيا نا طالعه وانتي حاولي تقنعي نفسك تكوني الزوجه التانيه😂
قمر:برغم اني متأكده انه ميحبهاش ومش مواعدها بي شي بس هكي ضميري مش مريحني
مروة:واااو ادهشتيني….المهم ي وجه الفقر انا طالعه وانتي خليك رزينه
قمر:😌…متوصيش…وطلعو مع بعض قلبو المصحه بصوتهم 🤣

________

رانيا:رد بالك تقول رانيا تهدد فيا انا حبيت نوضحلك الي قعد يصير منبيش نفاجئك يوم المحكمه
ايمن:برغم شاف لخساره بس قعد مصمم ع فوزه….نوعدك ح ندمك والله
رانيا:خلاص خليها عناد لو تبي …حطت الملفات في الشنطه….لنا اللقاء
رأفت:فكر كويس ايمن
رانيا:طلعت ….ونفس الشي خشو العناصر رجعو ايمن ورأفت لي الزنزانه🔥

__________

مرام:في كل لحضه وهيا تشوف للباب وتلفونها تستنا في حد يجي ويلزهم او حد يتصل ويتشتم فها مقدرتش تاكل ولا شي مقعمزه جنب الصغار وحايره كيف ح تتصرف في المصيبه
ومعاد كان كل يوم يتأكد انه في شي صاير مع مرام بس محسسهاش وكان يتعامل معاها عادي وكأنه مش فاهم شي
مرام:تلوح في نضراتها ع معاد وخايفه تحكيلها وتكون ردة فعله عنيفه معاها
استسلمت للوضع وكأنه فقدت الامل خلاص قعدت تستنا امتا يجي حد ويخبر معاد بي الي قعد يصير 💔
يأست خلاص لدرجة انه جمعت فلوسها هيا الي مخزنتهم من زمان وقررت تشري بيهم حوش وفتحت النت ادور في خدمه كويسه لاها 💔

________

قمر:وصلت للحوش وامير م راحش من تفكيرها هوا فعلا مش ح تقدر تنساه لانه كله ع بعضه حاجه حلوهه تصرفاته وجماله ورجوليته وصوته❤
خشت للحمام دوشت ع سريع وطلعت مشطت شعرها وتكت ع سريرها بس مكانش جايها نوم لن سمعت صوت تلفونها
شافت الرقم عرفت انه امير
قمر:بصوت هادي… الو
امير:كان في سيارته ويدخن….اهلين شن جوك
قمر:تمام بخير وانتا
امير:شن كأنه عاجبك الجو
قمر:اي عادي الجو بارد شويه
امير:يعني انتي متقدريش تاخدي قسم نساء فقط
قمر:فهمت قصده؟…اءءء لا يعني م فكرتش
امير:تقدري تفكري وتختاري الي يناسبك لانه مش خدمه بكل هادي
قمر:ليش؟ خدمتي حلوه ونا مقتنعه
امير:مقتنعه الهم م غدوه تغيري خدمتك
قمر:وانتا ليش تفكر فيا في الاخير شي يرجعلي
امير:المشكله انه نحكو ع تلفون بس
قمر:كيف؟
امير:انا برا ومنبيش نخش للحوش لانه الجو عندنا ملخبط
قمر:كيف وليش شن صاير؟
امير:لالا م في شي …قبل م يكمل قاطعاته قمر …احكي اميرر
امير:طلقت مرح
قمر:تنهدت بصدمه….لييييش؟
امير:مش متفاهم معاها
قمر:حرام عليك ليش درت هكي؟
قمر:خلاااص سكري عليه الموضوع
قمر:في خاطرها اكيد بسبب انها خاينه
امير:توا تصبحي ع خير
قمر:كنت نبي نسألك بس يالا مره تانيه سعيده
امير:في شي؟ صاير شي احكي؟
قمر:ههه الحق فضول بيقتلني
امير:تفضلي اسألي
قمر:انتا شن قصتك ؟ وليش في ناس يطاردو فيك؟
امير:هههه
قمر:ليش ضحكت؟
امير:والله قصتي طيش مش اكتر
قمر:احكيلي🥺
امير:حكالها القصه كلها (طبعا انتم تعرفوها لانه وضحتها )قمر كانت منسجمه بدون م تقاطعه نهائيا
بس اطمنت هلبااا م ناحية امير لأنه واخيراا عرفت وتأكدت من توقعاتها؟❤

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

#تسريع_الاحداث:-

بعد مرور اسبوع:-

قمر:كانت فرحانه وجوها حلو لانه عايشه روتين جديد تعودت ع امير كل يوم عندها وكل يوم تكتشف انه امير شخص يجنن وراجل خاصة غيرته علاها الي تخليه فيه سخص مجنون
ومش هكي بس غيرته تطورت وبدا يغار علاها حتا من حوايجها وبدا يتحكم فها هلبا وهيا مش قادره تمنعه وله تسأله ليش هوا هكي
وهيا مش عارفه وين تحط فرحتها من كبرها😂❤

_________

مرام:مر عليها الاسبوع كأنه قرن لا تاكل ولا ترقد زا البشر نحفت هلبا من كثر التفكير لدرجة اغلب الوقت مع صغار باش متفكرش في شي لكن مش قادره ترحم روحها من التفكير ف الاملاك تع الصغار وتحاول تتغلب ع روحها بس ع خاطر ميحسش معاد بي شي
لكن معاد كان فاهم علاها واغلب وقته وهوا ف الحوش خايف من ردت فعل مرام وكانت عيونه ع مرام طول الوقت بس بدون م يحسسها بي شي
لكن هوا مطمن لانه عرف يلعبها صح بس مكانش متوقع انه ح توصل مرام للحاله هادي💔💔

_________

رانيا:متمش الاسبوع هدا الا وهيا فرحاانه بي انتصارها ومسجله اعترفات المشتبه فيهم كلهم ووصلت اخيرا للحقيقه وزا م كانت متوقعه بزبط 🔥

___________

ميلو : كأنه وصلنا لنهاية الحاضر صح؟ بس قررت نغير شي في القصه ونتعرفو ع الحقيقه كلها مع رانيا لانه هيا البطله الوحيده الي تجري وراء الماضي وح تفسرنا اسم روايتنا🔥

___________

مجهوله:هادي الاحداث المكتوبه عندي بس من يوم الي فترقو فيه كل وحده فيهم عاشت حياتها منعرفش هل ح يوصلو لبعض ام لا؟
ميلو:خلينا نا نكمل القصه الي وصلتني ونتعرف عليك من خلالها❤❤

____________

في المصحه:-

قمر:مقعمزه بين الممرضات تتراسل مع امير مسجات وحست فيه ناس تتهامس علاها حاولت تتجاهل أكثر من مره لن قامت عيونها …وجت ع ممرضه وهيا تشوف لي قمر بحقد
قمر:في شي ؟
نور:اءءء انا جايه نبي نحكي معاك ف موضوع والممرضات الي معاي يبو يشهدو ع كلامي
قمر:بخووف…شن في ؟ خوفتوني احكي
نور:ناضت من مكانها وقعمزت جنب قمر….امير حبيبك صح؟
قمر:اءء…لالا
نور:هه متنكريش كل شي واضح وواضح هوا وانتي تحبو بعض
قمر:امورنا انتي شن جايه تبي؟
نور:فتحت تلفونها …خودي تفرجي ع حقيقة امير
قمر:خدت التلفون وهيا تتفرج ع رقم امير ومكالمات الي بين نور وامير الي مدتها كانت طويله من غير رسايل الحب …طاح منها التلفون ….وخدت بعضها وطلعت تجري لانه مش قادره تكدب عيونها 😭💔

__________

في حوش ناصر:-

مرام:مقعمزه بين الصغار وجنبهم معاد زا اي يوم مش حلو يمر علاها وهيا مصدومه لن سمعت صوت طقات ع الباب…تنهدت
معاد:خيرك؟
مرام:ابتسمت بكسرة خاطر…ش شووف من؟
معاد:نزل من الكنبه وهوا يشوف لمرام لن وصل للباب
مرام:خلاص مرام متخافيش هادي الحقيقه سيورها تنكشف
معاد:استلم اوراق…وخش
مرام:شش شن في؟
معاد:تغيرت تعابير وجه….وحط الاوراق قدام مرام….خودي اقري
مرام:وهيا مرتبكه…اءءء كنت نبي نحكي معاك بس خفت والله عارفه اني ضيعت كل شي مني وضيعت املاك الصغار لانه اهلهم يبوهم يعيشو في عز وراحه😭
مش قادره نستوعب انه نا السبب في الخراب هدا كله 😭
تمسح في دموعها عمر خدعني
معاد:بصوت اعلا منها….اقرري لوراق واطلعي من الحوش
مرام:😮

_________

في المحكمه:-

بعد استقبال القاضي واعتراف بالقضية الي ماسكتها رانيا واعطاء لي رانيا الامان التام وبعد استماع القاضي لي شهادة الشهود ضد المتهم ايمن وبعد قراء رانيا القصة كامله استثناء قصة اختها طلب القاضي إستماع للأسئله الذي بين رانيا ورأفت لي اطلاع الحكم ع ايمن
رانيا:سيد رأفت سمير تشهد ع انه جميع ماقلته وم كتبته النحققه رانيا بأسمك وانه المتهم ايمن عياد هوا المسؤول ع عملية الاغتصاب
رأفت:لااااا
رانيا:😮…..يتبع❤

رايكم؟؟؟

اترك رد

زر الذهاب إلى الأعلى