رحم من النار الفصل الثاني .. الكاتبة ميلو حسن | القلم الناجح
روايات ليبيه كاملة

رحم من النار الفصل الثاني .. الكاتبة ميلو حسن

جميع حقوق الطبع والمشر محفوظه

رحم من النار الفصل الثاني .. الكاتبة ميلو حسن

قمر:بدون مانسمع لباقي حديثهم تلفتت ع طول ونا راجعه لغرفتي نفكر في الطريقه الي بنساعد فها المريض ؟ حتى ثواني بسيطه مفكرتش في نفسي او حتى كيف هما دارو هكي؟ أول ماوصلت لغرفتي وحطيت يدي ع المقبض جتني الفكره الي ح ننقض بها مصحه تامه…..دخلت خديت جميع الملفات الخاصه بالمتوفين وطلعت لغرفتي الخاصه …قعمزت ع الكرسي تع المكتب الخاص بيا وكملت الاجراءات وكأنه الأمر طبيعي ومنعلمش بي شي بس كنت نستنا في الدكتور يجي ويحكي معاي!

قاطع تفكيري طقات ع الباب خفيفه!
قمر:بدون مانرفع راسي ..تفضل!
الدكتور:السلام عليكم
قمر:بضحكه مصتطنعه ….عليكم السلام ..تفضل دكتور قعمز!
الدكتور:تلفت سكر الباب بهدوء….لا مافيش داعي نقعمز انا جايك في موضوع حساس ونتمنا تفهميني!
قمر:بصوت بريئ…انشاءالله خير …تفضل أحكي!
الدكتور:المريض الي في غرفة ستة الي مسؤوله ع حالته
قمر:اها اي الله يرحمه توا وصلني الملف متعه وانه توفا صح؟
الدكتور:أنا عارف ومتأكد انك انتي مصدومه بي موته لأنه حالته مستقره ومستحيل يموت
قمر:دكتور لو سمحت ممكن تشرحلي الي صاير ؟
الدكتور:المريض أمير متصاوب برصاصتين في كتفه واضح أنه في اشخاص يطاردو فيه وبينهم قصه وللأسف اليوم كان معاي شخص وهددني انه ح يقتل ولادي لو متخلصناش منه
قمر:تنهدت بصدمه….أوك تقدر انتا ترد عليه توا تقوله انه الدكتوره قمر وافقت ع شروطك ولازم حتى هوا يوافق ع شروطنا
الدكتور:تنهد براحه ….قق قصدك بتساعديني وح ديري الي هما طلبوه
قمر:بضحكه مستفزه ….أكيد مش ح نضحو بصغارك 😅…المهم وصله أنه قبل ماتاخد الحرس والجاسوس الي حاطه في المصحه مش ح يصير شي!
الدكتور:بصوت فرحان….تت تمام اكيد ح يتصرف زي ماتبي
قمر:اوك …نستنا منكم في رد مابين كملت الملفات الي في يديا ح نكمل المهمه
الدكتور:شكرا شكرا مش عارف كيف ح ردلك معروفك
قمر:
الدكتور:طلع وسكر الباب وراه!
قمر:حطت يداها الأثنين ع وجها وتحاول تركز في الخطه لأنه غلطه بسيطه منها ممكن تنهي حياتها!

_____________

رانيا:وهيا مقعمزه ع سريرها وعيونها ع الكل بنضرات مش مفهومه ….وهيا مستمره تشبحلهم طلعت طرف دخان من الشنطة متعها….وبصوت عالي…من عندها ولاعه ؟
الكل:يتفرجو علاها ومستغربين فها كيف تبي الدخن بدون خوف من حد
رانيا:مافيش حد عنده ولاعه ؟بدلت شعرها ع الجهة الثانية وحطت طرف دخان ع الطاوله الي جنبها ….ونزلت من السرير وهيا تمشي بهدوء لن وصلت للحمام …وقفت قدام لمرايا وهيا تشوف لعيونها ….هدا أول يوم وشبة بيتم بدون مانوصل لطرف الخيط واحساسي أنه مش ح ننجح في المهمه ….فتحت الصنوبرة وغسلت وجها بالمياه …لن حست بي حد جنبها …تلفتت ع جنب…تفضلي؟
منى:بصوت هادي….اني عندي ولاعه بس حانعطيك بدون محدش يعلم
رانيا:بصوت عادي….متبيش مقابل يعني؟
منى:عندك حشيش؟
رانيا:تحاول تخفي علامات الصدمه…اءء إي أنا عندي بس اعطيني الولاعه توا وانا نعطيك لحشيش أول مايرقدو الكل
منى:بحركة خبيثه …تمام …عطت الولاعه لي رانيا كملي بيها وفي ليل ناخدها منك
رانيا:تمام ولا يهمك😁
منى:طلعت
رانيا:غمضت عيونها براحه…واخيرا الخطة بدت تجيب في نتيجه ….ضروري نحكي معاها وهيا ح توصلني لي اي شي نبيه💔

______________

قمر:طالعه من غرفتها ادير في دوره ع المصحه تبي تتأكد من الوضع بشكل كامل بعد ما وصلهت خبر الموافقه من الأشخاص الي بيقتلو أمير …تأكدت من الدور الفوقي أنه تحت السيطر ونزلت لدور الاول وكل الحرس والوجوه الجديده الي جت من اول يوم جي فيه امير مختفيه وتأكدت من الحرس الي قدام المصحه ….رجعت ركبت للقسم الي تمسك فيه ….ودخلت ع غرفة أمير ….السلام
أمير:بصوت تاعب….عليكم السلام
قمر:شنو تحس توا في شي يوجع فيك؟
أمير:لا بس امتا حانطلع من هني
قمر:مازال جروحك الجديده وضروري تقعد في المصحه تحت المراقبه
أمير:قرن حواجبه ….لكن أنا ضروري نطلع من المصحه متقدريش اديري شي
قمر:شافت للباب ….أنتا حاتطلع الليله من المصحه
أمير:بي استغراب ….كيف؟
قمر:في أشخاص مطاردينك وكانو محاوطين المصحه
أمير:ههه ….وتوا شن صار؟
قمر:مافيش داعي نحكي الي صار لأنه مش ح تفهم شي توا بس انا حانعطيك مخدر وحانحولك لغرفة الميتين
أمير:بهزوة….يعني تبيني نصدق انك انتي واقفه في صفي ومعارضه حياتك للخطر ع خاطري
قمر:فتحت الدرج وطلعت الإبرة ….وانا يعني شن بندير باش نخليك تصدق؟
أمير:وانا عارف انهم مش حايخلوني حي بس مكنتش متوقع انه ح نموت ع يد ملاك زيك
قمر:بلاش دوه فارغه وبعدين انا حسيتك مضلوم حبيت نساعدك ولأنه نا مسؤوله عليك
أمير:اوك انا ح نطلع من المصحه وحاينكتبلي عمر جديد لكن انتي شنو ح يصير فيك بعدي؟
قمر:أنك حاتقعد مختفي وبعيد ع اهلك أو
أمير:أو شنو؟
قمر:حاندير الي طلبوه مني
أمير:ههه برغم كل شي تحكي فيه مافيش علامة خووف ع وجهك وكأنه مش مجرمين يهددو فيك
قمر:قعمزت جنبه ع سرير……وضحكت بي استفزاز….موعدنا ساعه ثلاثه في ليل
أمير:لكن تقدري تقولي كم مدة المخدر الي ح تعطيهولي
قمر:حطت الابرة ع طاوله…..شكلي فيك خايف ….عادي خليك توا فاتح عيونك وبعدين نخدرك
أمير:المده؟
قمر:متخافش مش ح تطلع من المصحه الا وانتا فايق
أمير:تماام وحط يده ع وجه
قمر:شافتله شووفه اخيره وهيا في شي مستغربه منه؟وطلعت!

____________

في ليل ساعه 11:-

مرام:خشيت للمطبخ درت قهوا وقعمزت في صاله مستغربه عمي ناصر ومرته وين؟ لن قاطع صوت تفكيري طقات ع باب خفيفه…..تبعت الصوت لن فهمت انه في شخص ع باب يخبط…..مني؟
المحقق:لو سمحتي افتحي الباب انا المحقق ومعاي الشرطه
مرام:فتحت الباب برغم اني قعد مش مصدقه…..لن جت عيوني ع المحقق وسيارات الشرطه قدام الباب….تفضلو
المحقق:شن تكوني للستاذ ناصر وزوجته؟
مرام:اهااا انا الخادمه متعهم ونعتبر فيه زي عمي
المحقق:للأسف الاستاذ ناصر وزوجته توفو في حادث سير وهما حاليا في مصحه والصبح حايتم دفنهم واسفين انه جينا في الوقت المتأخر هدا لأنه لا اهل ناصر ولا اهل المدام راضين يستلمو الجثث
مرام:اءءءء……كك كيييف ماااتو ؟
محقق:لأنك انتي اقرب شخص نتمنا انك تجي للمركز الصبح وتوقعي ع بعض الاوراق وتستلمي الجثث من المصحه
مرام:في حالة صدمه …اوك ….وسكرت الباب ونا مش مستوعبه لكلام الي قاله لن وصلت لصالون وكلام المحقق في راسي ؟؟؟ 😭😭

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

قمر:حاطه بكرج القهوه قدامها وكل ماتحس انه النوم بيسرقها تصب وتشرب
مروه:خشت للغرفه وسكرت وراها الباب….مافيش حد كلهم لوطا ومستحيل حد منهم يركب في الوقت هدا
قمر:متأكده؟
مروه:اي وزدت تأكدت حتى من غرف الدكاتره مافيش حد ماسك توكة الليله كأنهم حاسين بيك 😅
قمر:اوك انتي خليك تتجولي في الممرات مابين انا طلعت أمير لغرفة الميتين
مروه:باهي لما يجو اهله للمصحه شن بتقوليلهم؟
قمر:مش ح يجو لأنه هوا حايكون عندهم من الصبح
مروه:ولو حسو انك خدعتيهم وأمير قعد عايش؟
قمر:متكونيش سأيله مروه ديري الي نقولك عليه وبس
مروه:لا قمر متحطيش حياتك في خطر
قمر:لا الشي أكبر من هكي ومافيش خطر ع حياتي صدقيني ….نزلت من ع كرسي …انا حانحوله توا وانتي ديري الي قتلك عليه
مروه:تماام ….وطلعت وراها!

_____________

رانيا:تنفخ في الدخان بقووة…..خاطري نقتل الي لابسة وردي شفتيها شن قالت بكري؟
منى:اءءءء….اي انا وياها جونا مش تمام
رانيا:وكأنه انا وياك نفس التفكير ونشبهو بعض
منى:ادخن في لحشيش ….بس بنسألك؟
رانيا:تفضلي؟
منى:شنو سبب دخولك السجن؟
رانيا:اءء….نزلت عيونها بحززن …ارتكبت جريمه
منى:نفسي يعني.
رانيا:كييف؟
منى:أنا ارتكبت جريمة قتل بس بدون قصد والله
رانيا:تقدري تحكيلي؟
منى:انا كنت مسجونه انا واختي في السجن هدا في فتره حولونا من هني لسجن تاني تقدري تقولي المسجونات هما الي يتحكمو في كل شي لدرجة انه يطلعو كل ليلة لنزهة مع شباب ويرجعو في وقت الفجر في يوم قررو يرفعو اختي معاهم
رانيا:ايي وشنو صار؟
منى:انا مسمحتلهمش ياخدوها وهني هما لعبو عليا في لعبه انه نقتل البنت المضلومه او يرفعو اختي
رانيا:كيف قدرتي تقتلاها؟
منى:مقدرتش لأنه اختي قتلي خليني نطلع معاهم وهكي حاتجيني فرصه نهرب وسمعت كلامها ووافقت انه ياخدو اختي وللحضه هادي اختي مشفتهاش من يومها السجن نقلب وغيرو الحرس وجابو المسجونات كلهم هنايا والشرطه بعد فتره لقو اختي مغتصبة وملوحينها 💔
رانيا:وانتي مش شاكه في حد ؟
منى:أنا شاكه في ورد أو خديجه؟
رانيا:طفت الدخاان برجلها…..وهيا تشوف لي منى وحاسه انها وصلت لنص الخيط مش راسه🔥

___________

قمر:دخلت للغرفه وهيا دهشانه
مروه:وين عطلتي؟ معقوله لتوا وانتي تحولي فيه
قمر:تحاول تتحكم في نفسها….اششش ماتسألنيش ولا ع حاجه توا انزلي لوطا مع الممرضات وجسي النبض منهم
مروه:تنهدت متقوليش في حد شافك؟
قمر:لالا بس كنت نجري وحسيت انهم سمعو صوت؟
مروه:وربي مافهمت حاجه…وناضت انا حاننزل نشوف الوضع وانتي ارقدي خلاص الوقت تأخر
قمر:اوك سعيده…خدت المنديل وبدت تمسح ع وجها…..وخدت نفس عمييق كنت شاكه ومخابش ضني في نفسي الحمدالله💔

___________

في الماضي:-

ناديت ع اختي بصوت كان عالي قدرت في لحضه نجمع اخواتي كلهم وعمامي لأنه كانو ساكنين جنبنا …طحت ع ركابي وناا نندب ومصددومه مقدرتش نتحمل منضر اختي ….لحضه وكلهم كانو في الدار…..قعدو الرجاله برا ونساوين كلهم شافو وتفرجو ع حالة اختي وكلهم فهمو الي قعد يصير ….
فوزيه(مرت عمي):خدت قطعة قماش وحطت فها الجنين وغلفاته بي كيسه ….حسبي الله ونعما وكيل
ربيعه(مرت بويا):وهيا منهاره حطت زي الشرشاف ابيض ع جثة اختي …هيا كلكم برا ووحده منكم تمشي تحكي للي قاعدين برا يستنو

في لحضات الي كنت انا وعيلتي منهارين ومصدومين ومش مستوعبين انه اختي الي كانت عايشه بينا والي تضحك وتعلم فينا وتنصح فينا الي كانت قدوه فينا اختي لكبيره الي كانت احن من مرت بويا الي ربتنا وبدون ماتحسسنا بي انها موجوعه وانها صاير معاها شي زي هدا فجاءه نلقوها ميته بينا وحامل بششاعة المنضر والموقف مستحيل ننسا للحضه هادي هدا كووم وعمي الي دخل علينا وهوا ماسك كتيب العائله متعنا لأنه كان متحمل مسؤوليتنا بعد وفاة بابا كوم ثاني ومززقه قدااام عيونه وسرق مننا اصلنا واسم بابا وعطانا مهلة يومين باش نطلعو من الحوش💔😭

___________

في الحاضر:-

يوم جديد:-🌤🌤

قمر:في الوقت الخدمه والناس طالعه خاشه ع المصحه وكلهم لاهين ومافيش حد مركز في ثاني ركبت الدروج وبدون خوف لانه انا من الدكاتره المسؤوله ع غرفة الي فيها الثلاجه …فتحت الباب وخشيت جت عيوني ع سرير امير….كنت نمشي بخطوات رزينه ونا مصدومه كيف السرير فارغ مستحيل يكون هرب💔

___________

مرام:واقفه في المطبخ ارتب في سفرة لفطور لصغار… ودموعي مكفوش من لما سمعت الخبر ونا مقدرش نرقد ….قررت نغيبهم ع المدرسه
جود:مرام ماما وين؟
مرام:تمسح في دموعها…اتصلت بيا قتلي انها تجيبلكم في العاب
جود:هههه ماما تجيبنا في العاب هي هي وخشت تجري لغرفتهم تخبر في خوتها
مرام:ونا نفكر في اهل عمي ناصر وبثينه الي فعلا ولا مره شفتهم زاروهم برغم انه عمتي بثينه مريضه بس ملاحضتش غير صديقاتها يزورو فها كنت عارفه انه في شي صاير من الماضي مع اهاليهم بس ولا مره سألتهم ومنعرفش السبب لليوم اهو ماتو والسر مات معاهم ….خديت بعضي وخشيت لي غرفتي لبست عبايه وحطيت وشاح ع راسي ونزلت…حكت شويه مع صغار ووصاتهم يقعدو عاقلين مابين هيا رجعت وعطتهم العاب باش يلهو بيهم !

________

رانيا:غسلت سنوني وغسلت وجهي بي صابون وكيف طالعه من الحمام
ورد:خشت وسكرت الباب….اشش مديريش صوت انا مستعده نجاوبك ع جميع الاسئله الي في راسك وانا عارفه انك مش عباره ع مسجونه عاديه وداخله السجن بي تهمه ومتبرريش لأنه عارفاتك انتي نفسها المحققه رانيا اخطر محققه في ع ليبيا بس صح؟
رانيا:هزت براسها…..وليش جايه تحكي معاي؟
ورد: انا طلبي بسيط
رانيا:تغيرت تعابير وجها….شنو المطلوب؟
ورد:نعطيك سر حايخليك انجح محققه وحانعطيك اسم المسؤول ع جميع الجرائم الي قعدا تصير في سجن النساء مقابل تجيبيلي نشووف صغاري مره وحده
رانيا: اوك ارجعي لمكانك توا قبل مايشوفك حد معايه ويشك فيك

__________

مرام:كملت امورها مع المركز و المصحه وكانت مصدومه في موتتهم هلباا لكن اطمنت بعد تقرير الي طلع انه حادث قضاء وقدر ….وهيا راجعه للحوش …شافت شخص ماسك شنطة ولابس طاقيه وواضح كأنه راجع من سفر …..لن وصلت قدام الباب…تفضل
معاذ:اهلين أنتي الخادمه هني صح؟
مرام:اي وانتا مني تفضل؟
معاذ:انا خالي ناصر امس وصلني خبر وفاتهم ومن حقي نجي نشوف صغار خالي
مرام:ضحكت بهزوة…اها توا تفكرت صغار خالك
معاذ:عندك مانع؟
مرام:لا معنديش مانع ….وتلفتت تفتح في الباب ….وخشت!
معاذ:امسكي الشنطه دخليها داخل انا عندي مكالمه نتكلم وندخل
مرام:شافتله بقرف….امورك ….وخشت!
_____________

قمر:تتفحص في السرير وهيا تحاول تفهم الي قعد يصير…كنت عارفه هادي خطة منك ي امير ي حقير بس مكنتش نعرف انك حاتهرب في اسرع وقت …لن حست بي مسدس نحط ع رقبتها …بدون ردت فعل….شن تبي؟
أمير:تطلعي معاي توا
قمر:من باعتك ليا ؟
أمير:مش وقت اسئله اطلعي قدامي لسيارة الاسعاف تستنا فينا لوطا
قمر:💔…..يتبع!!!!

____________

الحاضر عباره ع قصتهم لكن الماضي من يحكيلنا فيه؟

لمشاهدة جميع اعمال الكاتبة : روايات ميلو حسن

اترك رد

زر الذهاب إلى الأعلى