رحم من النار الفصل الخامس | القلم الناجح
روايات ليبيه كاملة

رحم من النار الفصل الخامس

جميع حقوق الطبع والنشر محفوظه

5

رانيا:حطت الشنطه متعها ع طاوله….انتا عارف ليش دخلت انا مجال القضاء صح وعارف انه قدمت عمري علشان القضية هادي يعني نجحت او خسرت ح يعطوني كفأءه
المحقق:حلوو
رانيا:بس لما يوصل الخبر للقضاء انك انتا رئيس العصابة المنتشره في سجون النساء شنو ح تكون مكافئه متعي
المحقق:😨😨
رانيا:انا اجلت موعد المحكمه عندك 24 ساعه بس وعناوين اخواتي يكونو عندي
المحقق:من بيصدق كلامك ؟ انتي عارفه مكاني في القضاء شنو؟
رانيا:اي اكيد انا الي نعرف مجرد خسيس معفن وخبطت بيدها بقووه ع طاوله ….انا كلامي واضح وع ماأضن كل شي باين عندك عناوين خواتي لو موصلوش عندي اعتبر نفسك محكوم اعدام
المحقق(وديع):شنو الأدله الي تثبت كلامك انتي بي اتهامك ليا ح تنطردي م السجن
رانيا:ههه بهزوه…..أنا لأنه الاشكال الي زيك نقابل فها من طفولتي عارفه كويس نتعامل معاهم وخترتك انتا الوحيد تكون مسؤول ع قضية هادي لأنه عارفه انك انتا وراء البركان الي صاير
المحقق:😨😨….شن تقولي انتي؟ وانا كيف نقدر نجيب عناوين خواتك
رانيا:تقدر لأنك انتا الوحيد عندك تصريح تدخل لي اي ميتم وتشوف الملفات المسجلات
وديع:لحضه فهميني بس شن يمنعك من انك تفضحيني وتدخلي لي اي ميتم ؟
رانيا:انا كامحققه مش ح يعطوني ورقة التصريح الا بعد سنة وانتا بنفسك مش ح تتحاكم الا بعد الشهور وزا ماتعرف القانون بدا خرا يعني هادي اضمن طريقة نجيبك بيها أو حاتنفضح ونشهدر بيك ونخلي بناتك ومرتك يتبرو منك
وديع:اءءء أوك ح نشوف لو قدرت مش ح نقصر
رانيا:ح تشووف ؟؟ أوك وقامت حاجبها ….انتا اكتر شخص تعرف رانيا ؟ ورانيا ليش واقفة قدامك …حطت يدها ع الشنطه نتمنا تخدم كويس زي خدمتك الي لاها سنين ماشية كيف ماتبي وبدون اضرار 😅…وكيف بتطلع تلفتت خلفها….متنساش 24 ساعه بس …وطلعت!
وديع:😨😨

______________

مرام:ماسكة كتاب وتقرا ومره ومره ترشف رشفه من القهوه
معاد:مقعمز في الصالون الي مقابلها وماسك اللابتوب
قاطع هدا الهدوء الي كان محاوط لمكان صوت رنة رسالة
مرام:ابتسمت….فتحت الرساله ….انا قريب نوصل للحوش نتمنا تكوني موجوده
مرام:ردت عليه برساله ….اوك انا قعدا نستنا فيك ….وحطت التلفون ع طاوله وناضت هيا مبتسمه وركبت فوق!
معاد:لاحظ الفرح الي ع وجه مرام ولأنه هوا مش عارف اي شي متزوجه ؟ مخطوبه مرتبطه محطش شي في باله !
مرام:نازله من فوق وشعرها مفتوح ….ماسكة شيشة المعطر وتعطر في الجو
معاد:سكر اللابتوب ….شكله في ضيوف جاين
مرام:ادور في الصاله وتركز في الحوش….شن رايك؟ الحوش مرتب صح؟
معاد:كل شي تمام بس تقدري تقوليلي شن صاير؟
مرام:بلاش اسئله خود اللابتوب تعك واركب خليك مع صغار نبيش دوشه
معاد:هه يعني صاحباتك جيات
مرام:في شي يضحك ؟
معاد:بطريقة ذكية حط الابتوب …وخدا بعضه وركب فوق!
مرام:ع اساس هادي يعني وربي حاننهيك قبل ماتنهي اي شي !

طقق طقق :-
مرام:اوو ي ربي اكيد وصل ….حطت المعطر ع طاوله وع طول مشت فتحت الباب
عمر:اهلين مرام
مرام:بصوت مرتبك…اءء تفضل😍
عمر:دخل بكامل هدوءه ووجه البريئ
مرام:تشرب قهوة او شاهي؟
عمر:لا انا مستعجل شوية نتمنا تجيبي الاوراق في اسرع وقت
مرام:اءءء حاضر
مرام:هادي الأوراق سيد عمر
عمر:يعني حانحولو كل شي بأسم منذر حاليا
مرام:اي ياريت ونتمنا كل شي يتم في المحكمه باش لو مهما يكون حق الصغار محفوظ
عمر:أوك خلي الأوراق عندك وانا غدوه في نفس الوقت هدا ح نجي نستلم منك كل الاوراق
مرام:كيف يعني؟
عمر:نتمنا تعطيني اي ورقة خاصة بي املاك ناصر ونا نتمهم في المحكمه هكي اضمن ليك وليهم
مرام:اءء اي حاضر متفاهمين
عمر:اي شي تاني؟
مرام:شنو امور الشركه ؟
عمر:كويس نفس الاشخاص مستمرين في الشغل ونجاح يزيد
مرام:الحمدالله ونا واثقه في شغلك
عمر:شكرا كلك ذوق بنضرات اعجاب لي مرام
مرام:العفو ونتمنا تخبرني بي اي شي يصير معاك
عمر:اوك نستأذنك توا
مرام:تصبح ع خير….وصلاته للبرا وخشت ووقفت في الصاله…ي روحي ع جمالة ورزانته
معاد:نازل من الدروج ….واخيرا شفتك فرحانه
مرام:بلعت ريقها….اءءء فرحانه لانه الشركة امورها تمام
معاد:يشوفلها….اهااا لدرجة قريب الطيري
مرام:😨اي اكيد لانه تهمني
معاد:ماسك ضحكته ….ووقف قريب منها ….محامي شركة ليش قابلتيه بطريقة هادي وخليتيني نركب فوق
مرام:كيف بتتكلم قاطعها معاد…وقفي انا مسألتكش قتلك بس …..شوفي الصغار انا طالع توا ….سلام
مرام:دقايق وهيا تشوف لي معاد مصدومه وتراجع في تصرفاتها الواضحه والعبيطه…افففف🤦‍♀️

___________

قمر:كيف طالعه من المصحة ….جت عيونها ع سيارة عالية فخمة فجاءه نزل المرش ولمحت ملامح أمير ….كيف بتبادل خطواتها وتمشيله تبي تتأكد
علي:قمر قمر
قمر:قلبت عيونها بملل ….هاا انتا شن جابك هنايا؟
قمر:قلت نجي ونمشو مع بعض للحوش
قمر:اءءء أوك اهلك وصلو عندنا؟
علي:اي حطيتهم وجيتك ع طول
قمر:اءءء تماام ….لن ركبت السياره وهيا تتلفت وراها وتبي تعرف هل امير او هيا متلخبطه؟؟

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

___________

ساعه 9 في ليل:-

قمر:طالعه من الدوش لافه الفوطه ع جسمها وشعرها كله نازل ع كتافها ….قعمزت ع سريرها وهيا تجفف في شعرها بسرحان….امير أمير الززحح الي مش قادره مانعه نفسي من التفكير فيه ..زعما هوا الي جي بكري بس ليش ح يجي شخص حلو وراقي زيه بيعرض حياته للخطر علشاني …..لالا من المستحيل يكون هوا ….حولت الفوطه وقفت قدام الدولاب طلعت بلوزه ع الوردي وسروال واسع قماشة خفيف لبستهم وبخت برفان وحطت لمسة مكياج خفيفة وهيا طالعه لمحت خيال حد ….من هدا الي كان هنايا وليش يراقب فيا؟ لو الواحد نسا يسكر باب غرفته يندم يعني ….وهيا تخمم وشاكة في بوها لأنه مش تمام معاها ….ونزلت!

العيلة كلها متجمعه في الصاله يتعشو

علي:تأخرتي قمر؟
قمر:😅….هوا هداكه نضمت اموري ونزلت
نوره:شنو امور الخدمه حبيبتي؟
قمر:زا كل يوم ماما ماشية
هدى(ام علي): موفقه حبيبتي حسيتك متعلقة بالخدمه
قمر:اي اكيد عمتي الخدمه اهم شي عندي
علي:امي قصدها حتى بعد الزواج ح تقعدي تخدمي
قمر:هه الاجابة واضحه 😅
علي:اي اي بعدين ساهل ممكن تملي منها
قمر:ممكن بس مش اكيد
هدى:😰
علي:بصوت هادي …انا ح نتفاهم معاها
هدى:هزت براسها!
نورة:وامتا موعد العرس؟
علي:توا بنتفاهمو انا وقمر برا
قمر:🙄
علي:شنو قمر امتا حابة يكون العرس
قمر:فمها معبي ماكله….مش مهم حتى السنة الجاية مش متعجله انا
هدى:شافت لي علي
علي:حط الكوب ع طاوله…..انا طالع برا قمر نبيك شوية بخصوص الموضوع لأنه الوقت تأخر
قمر:شربت المياة ….اوك انا طالعه وراك
علي:تماام…وطلع متنفرز!
قمر:لحقاته وهيا مش طايقة تكون قريبه منه بس علشان امها متحمله كل شي !

________

مرام:لابسة توتة لاصقة ع جسمها وبارزه تفاصيلها ومقعمزه قدام تلفاز تلعب في يوقا والصغار وراها يضحكو ويقلدو فها
معاد:كيف واصل للحوش ….جت عيونه ع مرام وجسمها المغري لدرجة مقدرش ينزل عيونه من علاها
مرام:مستمر تتمرن ومش ملاحضه حركاتها ولا جمالها الي يسحر
معاد:فاق من سرحانه…احمم احم
مرام:تلفتت ع طول …هوا انتا رجعت ….وناضت
معاد:في خاطره….لتوا مغلطش معاه في شي ليش تعامل فيا هكي ؟
مرام:وين سارح هدا ويفكر غير امتا نكمل الاوراق بس ونرتاح
معاد:موجود عشاء؟
مرام:اي قعمز مع الصغار مابين انا وتيته….وتلفتت وهيا خاشة للمطبخ
معاد:عيونه علاها شاف فها شي اول مره يشوفه في بنت برغم كان مختلط هلبا بي بنات ….خش قعمز ع الكنبة وهوا يحاول ينكر اعجابة اتجاه مرام !

__________

علي:شوفي قمر انتي صح خطيبتي الحلوه الي نحبها ونتمناها بس هدا كله ميعنيش انه تقللي ادب مع امي
قمر:ونا مقللتش ادبي بس امك اكتر من مره سألتني السؤال هدا وهيا عارفه انه نا مش ح نوقف خدمه
علي:عادي تقدري تجاوبها بهدوء وتبطلي حركاتك المستفزه
قمر:وانتا شن واجعك لو مش عجباتك انا تقدر تفسخ
علي:يعني انتي لو فسخت انا ح تكوني فرحانه
قمر:عادي لو الشي هدا بي إرادتك
علي:قرب منها ….بديتي تتطاولي هلبا ومعاش خايفة
قمر:هه واخيرا فهمت وعرفت الشي الي رابطني بيك انتا عارفه وبصراحه نا مستغربه فيك كيف متحملها في روحك
علي:مسك يد قمر بقووة….ردي بالك قمر تحاولي تستفزيني بي شي هدا لأنه
قمر:لأنه شنو ح تاخد الشركة والمصحه وامي ح تنصدم وتخش غيبوبه وانتا وبوك تمرحو وتسرحو في الرزق الي في الاساس مش ليكم
علي:لااا لينا بوك هوا الي خسرنا هوا الي دفع الثمن
قمر:بصوت شرير…..ههه ماهو انتا وبويا وبوك احرف من بعض
علي:المهم انتي وبس!
قمر:بس متنساش انه ماما سعادة بنتها قمر تهمها اكتر من الاملاك كلها
علي:واااو كأنك نسيتي ماما نورة من وين جباتك
قمر:نفضت يدها منه ….حقيييير وين كنت داس الحقد هدا كله اه وله كنت خايف تخسرني
علي:لااا ي بنت الميتم لكن انا تغيرت مشاعري اتجاهك من اول ماكشفت حقيقتك
قمر:اءءءكييف؟؟

_____________

رانيا:ماسكة السفرة وداخله لغرفة امها….هيا ماما انا اليوم ناوية نعشيك بيديا
حورية:استندت ع سريرها….تعبتي روحك ي بنتي
رانيا:لالا تعبك راحه ي قلبي ….وقعمزت ع سرير والسفرة ع فخادها
حورية:طمنيني عليك قبل شن امور خدمتك
رانيا:الحمد الله ي ماما ماشية تماما
حورية:لكن انا قعدا خايفة عليك
رانيا:ليش ي ماما والله خدمه بسيطة بس انتي متشغليش بالك نهائيا
حورية:ربي يحفضك ويبعد عليك كل شر
رانيا:امين يارب….هيا افتحي فمك وقوليلي شن رايك فها؟….بعد خمسة دقايق وهيا توكل في امها !ططق طقق
رانيا:تفضلي!
الخادمه:ي ست رانيا في شخص برا طالبك
رانيا:بتخميم …..اهاا من معرفتيشي
الخادمه:لا والله بس قال انه يبيك ضروري
رانيا:اوك تعالي كملي مع ماما مابين انا رجعت
الخادمه:حاضر
رانيا:طلعت من الدار ….ونزلت طلعت برا جت عيونها عليه …تفضل
زياد:اهلين اول شي
رانيا:قول من الاخير شن تبي؟
زياد:اانا كنت جاي بخصوص الحوش هدا
رانيا:عارفه انك جاي بخصوص الحوش مافيش جديد يعني؟
زياد:لا بس استنيتك تردي عليا ومتصلتيش
رانيا:اي متصلتش لأنه الحوش هدا مش بأسم بوك باسم ماما بس
زياد:امك شبه ح تموت يعني انتي ح تطلعي من الحوش للمكان الي كنتي عايشه فيه
رانيا:هه وانتا مش الي ح يسمحلك انك ح تقعد في الحوش هدا؟
زياد:طبيعي لأنه الحوش هدا كان عايش فيه بويا وانتي في الاساس مش بنت حورية جايبينك من الميتم
رانيا:ههههههه وااااو خليني نطمنك انا مسجله في كتيب العائلة عندهم والشي هدا معندكش بيه علم
زياد:مستحيل عمي يعطي لقبه لي لقيطة زيك مستحيل نصدق كلامك
رانيا:مشكلتك لو انتا مش مصدقني….وانا الحمدالله ربي عاطيني موهبة وخدمه قنينه مش محتاجه للحوش هدا
زياد:اوك لو هكي تقدري تسلميلي الحوش هدا بعد وفاة امك
رانيا:تسكرله فمه بكفف قوووووي …..وجهك ي حيواااان ي تافه وربي لو مازال تجيب سيرة امي ع لسانك الرخيص ح تكون في الحبس
زياد:حط يده ع جهة الكف ….وربي ح ناخده منك لو بالقوه
رانيا:تلفتت ورجعت للحوش ولا كأنه في حد كان يهدد فها لأنه عارفه مافيش حد ح يقدر ياخد اي شي منها وقبل زياد هلبا من عيلة امها يطالبو بالاملاك وكلهم نسحبو لأنه عرفت كيف تواجهم واغلبهم خافو منها كونها محامية واصله في القانون

_______

علي:وتوا فكري كويس في لكلام الي قلتهولك
قمر:امير مريض عادي وساعدته لانه محتاجه مساعده ومافيش اي شس بيني. بينه
علي:ههه الكاميرا مسجله كل شي ي غبيه نسيتي انه حتا المصحه نص ارباحها لينا
قمر:لا مش ناسية اي شي لكن مكنتش نعرف انك حقيرر لدرجه هادي
علي:ههه وانتي مستغربتيش في الشرطه الي مسألتش عليك ومطلبتش تشوف الدكتوره المسؤوله ع حالة امير
قمر:تشوفله بنضرات سم…..تاااافه
علي:لو انا تافه كنت سلمت المقاطع لي شرطه وو شن ح يكون عقابك ووو وامك مسكينه مش ح تتحمل
قمر:انتا قدرت توصل لنقطة ضعفي بسهوله وقدرت تمسك عليا شي زا هدا بس نا ح نوعدك انه ااي في بالك مش ح يصير منه
علي:انتي بديتي الحرب قمر ومعندكش اي خيار تاني توا غير انك تنفذي اي شي نطلبه منك
قمر:تفووووه في نص وجه…..وخشت تجرري للحوش ودموعها ع خدودها😭

____________

مرام:طالعه من المطبخ بعد ماكملت ترتيبه…..ركبت لدارها وخشت خدت برمودا وحوايج داخليه ونزلت للحمام الي في وسط الحوش بدوش

معاد:كأنه كان يستنا فها ….ناض ركب لغرفتها طول دور في الأدراج كلها وهوا يفتش ع مفتاح الخزنه….لن جت عيونه عليه خداه ونزل رجع لمكانه !

لحضات وطلعت مرام من الحمام وخشت لغرفتها وسكرتها بالمفتاح وطفت الضوء ….في الوقت هدا معاد ركب وخش لغرفة ناصر …..وطلع الأوراق كلهاا وسكر الخزنه وطلع🤷‍♀️

______________

#توضيح_بسيط

رانيا:في طبيعة الحال مكانتش اي حاجه تهمها الا امها حورية لأنه كانت معاها كأنه امها فعلا حورية سبب طلاقها من راجلها هوا رفضه لي رانيا ولأنه حورية كانت عندها املاك كان راجلها متحمل رانيا ووافق حتا يعطاها كنيته وهكي بس بعد فتره طويله اكتشفت حورية خيانة زوجها لاها وطلع عنده عيله وصغار لأنه حورية عقيمه ….ورانيا مستحيل تنسا تضحية حورية وافعالها لاها واول مامرضت حورية بالتكسر الصفائح كانت رانيا تقرا لكن رانيا مفكرتش توقف قرايا لانه عندها مخطط مهم في حياتها جابت خادمه تهتم بي امها وهيا كملت قرايتها وتخصصت كامحققه هدا كله باش تقدر توصل لخواتها لأنه رانيا حاولت تعيش وتتأقلم في حياتها بس مقدرتش تنسا خواتها نهائيا وكانت تزور في الميتم وحاولت اكتر من مره تسألهم بس كان رد الميتم انه خلاص السجلات قديمه تلوحو ومنعرفوش من العائلات الي تبنو خواتك 💔🤷‍♀️….لن جي يووم توزيع القضايا وقررت رانيا تمسك القضية وبعد يومين من قرارها وصلها خبر انه المحقق وديع وراء كل شي بس مافيش دليل يثبت اجرامه ؟؟ بس رانيا قدرت توصل لكل شي تبيه بعد رفض وديع مساعدتها في البحث ع اخواتها لانه هوا الوحيد يقدر يجيب تقرير كامل ع اخواتها لكن قدرت رانيا تحاصره وتاخد منه اي شي تبيه

رانيا:تستنا في اتصال وديع وبس لأنه اول ماتستلم اسماء العائلات هيا بنفسها ح تبحث عليهم🤷‍♀️

______

فات الليل:-

قمر:اول ليلة كانت تمر علاها وهيا حزينه ومش لاقية حل نهائيا في الوقت الي كانت قوية ومستقويا وتبي تفسخ الخطوبه بطريقتها جتها الضربة الي خلتها تفقد الأمل وترضا بي مصيرها ومستحيل قمر تتصرف اي تصرف لأنه تحب امها نورة هلبا لكن هني علي بان ع حقيقته من شخص هادي وع نياته لي شخص هادي باش يوصل لكل شي يبيه ويمسك علاها شي كبير ويستغلها 💔

___________

مرام:قصتها مش مفهومه ومتحبش تحكي مع حد بخصوص ماضيها لأنه مرام عاشت مع عيلة ومن اول ماجابوها داروها خادمه واول مابلغت صارلها تحرش من ولد العيله الي تبنوها اكتر من مره لليوم الي هربت منهم وخدمت عند ناصر وبثينة وتعلقت بيهم وعاملوها كأنه بنتهم لكبيره مش شغالة ….بس توا مرام متوتره ومشغوله من عيشت معاد معاها ومش متحملاته لأنه ولا ثانية قدرت تطمن اتجاها 🤷‍♀️

___________

يوم جديد:-

قمر:كيف واصله للمصحه….خشت لغرفتها …كانو عيونها ذبلانات ومرهقة….قعمزت تتفرج ع ورقة الي مسجلين فها الحالات….نهار مغبر ليش قابلين فوق ثلاثين حاله 🤦‍♀️
الممرضة:دكتوره قمر
قمر:شن تبي انتي تانيه؟
الممرضه:بصدمه….هدا ضرف وصلك بكري بس انتي مكنتيش موجوده
قمر:حطيه ع طاوله وارجعي لخدمتك
الممرضه:حاضر وطلعت 💔
مروه:صباح الخير خيرك تهزبي فها؟
قمر:الي فيا مافي حد ريحيني
مروه:متعاركه مع علي
قمر:معاش تجيبي سيرته قدامي
مروه:شن في قمر خوفتيني عليك؟
قمر:مضايقة 💔….ومش تحمله ولا شي!
مروه:احكي قمر شن صاير معاك
قمر:علي طلع انسان حقير
مروه:قصدك خانك ؟
قمر:ياريت وطت صوتها….طلع حاط كاميرات في المصحه مراقبني وماسك عليا فيديوات
مروه:به شنو الغريب يعني انا شفتهم لما ركبوهم ولو كان شافهم شي عادي انتي دكتوره وهادي خدمتك
قمر:كيف تعرفي؟ وانا وانتي هربنا الولد في ليل ي غبيه خايفة تتكلمي
مروه:😨…كك كيف مش عارفه ممكن نسيت
قمر:وووووه تعرفي لو وصلو المقاطع لي الشرطة ح تتسكر المصحه ونا احتمال اعدام
مروه:😨😨😨
قمر:بقلة صبر….نوضي اقلبي وجهك ….وحطت الضرف في الشنطه متعها وطلعت بتشوف الحالات!

___________

معاد:كيف نازل من الدروج…..وقفه صوت مرام

مرام:اهلين سيد خالد كيف حالك اليوم
خالد:الحمدالله مرام وانتي؟
مرام:كويسه …حبيت نسألك بخصوص الاسماء الي عطيتهالك شنو مافيش شي جديد
خالد:لا الحق لتوا مافيش حد جانا منهم وسألنا
مرام:اوك لو صار شي معاك كلمني
خالد:تمام انشاءالله خير
مرام:سلام …..وسكرت الخط
معاد:السلام عليكم
مرام:قامت عيونها فيه وهوا لابسة جاكة وجو رسمي وماسك شنطة ….ص صباح الخير
معاد:جت عيونه ع الورقه الي في يد مرام….تقدري اديريلي قهوه ع سريع
مرام:اءء….ح حاضر ….حطت الورقه ع طاوله وخشت المطبخ
معاد:قعمز في مكانها….وشاف للمطبخ ….اطمن…مسك الورقه ….كيف يقرا في اول سطور …..فهم انه خاصة بي ميتم بس ….استغرب…..معقوله مرام بنت لقيطة ؟؟ ….رجع الورقه
مرام:تفضل القهوه واتيه
معاد:صحيتي ….رشف رشفات من القهوه وطلع ومرام ركبت لصغار فوق…..

_________

رانيا:كيف وصلت لمكتبها …..وخشت لقت مجموعة اشخاص يستنو فها….شافتلهم بصدمه …لن وصلت وقعمزت ع كرسي ….تفضلو؟
طبعا الي كانو جاين هما عيلة وحده متكونة من بو وزوز خوت !
سمير(الاب):انا اليوم جاي بخصوص قضية ولدي
رانيا:شنو القضية؟
سمير:ولدي مسجون بي تهمة الاغتصاب
رانيا:والقضية هادي مش ساهله عندنا لانه ح يكون سجن مؤبد او اعدام
سمير:لكن ي بنتي انا واثق في ولدي وعندي ثقة كبيره فيه انه الاتهام هدا باطل
رانيا:تقدر تخلي ملف القضية وبعد اسبوع ترجع….ومن غير اهتمام طلعت تلفونها
سمير:انا عارف ي بنتي انتي مش مصدقة انه ولدي بريئ لكن نقدر نجيبلك رسايل وأدله عليه
رانيا:قامت عيونها فيه….كيف وليش مقدمتش اوراقك للمحكمه
سمير:لانه محكمه مستحيل تقبل اي دليل الا بوجود محامي ومافيش محامي مشيتله الا ورفض
رانيا:ليش يرفضو ؟ ممكن متفاهمتوش ع سعر
سمير:لا انا مستعد ندفع اي مبلغ لانه ولدي مضلوم
رانيا:تقدر توضحلي سبب رفضهم
سمير:لأنه بوه البنت شخص معروف وصغاره مجرمين
رانيا:اللقلب لو سمحت؟
سمير:عائلة عياد (اسفه لكتابة اللقب هدا لو يكون لي اي طرف بس مجرد كتابة لقب وهمي لا غير)
رانيا:بصددمه…..عيااااااد؟
سمير:اي بنت رمزي عياد
رانيا:مسكت البيرو بين يداها وبدت تلف فيه …..هه شكله الوقت بدا يلف كوويس 🤷‍♀️

______________

مرام:لابسة عبايتها وطالعه بتروح بصغار من المدرسه …جت عيونها ع معاد وهوا راجع بسيارته…..وككك نسيت المفتاح فوق ….مش ح يقدر يدير شي لأنه هوا الوحيد معاي…..ركبت سيارتها وطلعت

معاد:نزل من سيارته وخش للحوش ع طول ….رجع الاوراق كلهم للخزنه ….ورجع المفتاح في مكانه …..خدا بعضه وخش لغرفته !

____________

مرام:كيف طالعه من غرفة الفحص وكملت مع جميع المرضا برغم جوها زفت هلبا ….خشت لغرفتها واول ماقعمزت ع كرسي اذكرت الضرف !

______________

مرام:وهيا تسوق وعقلها عند معاد ….لن جت عيونها ع الكرسي الي جنبها …شافت ضرف …قماته بيدها تتفحص فيه

قمر &مرام:فتحو الضرف
قمر:قمر عادل عياد ….😮
مرام:مرام عادل عياد😮

_________

قمر:تنهدت بصدمه….من باعت الضرف هدا مستحيل يكون الضرف من الميتم وبدت ترجف مع بعضها مش خوف ومش حزن ترجف من الفرحه من الشي الي فقدت الأمل توصل فيه …طلعت تجرري في ممر المصحه وهيا مصدومه ومش مصدقه الي قعد يصير لن اصطادمت مع شخص….وطاح منها الضرف ….وقفت من الصدمه وبدت تقيم في عيونها تبي تعرفه مني؟؟💔

__________

مرام:نزلت للمدرسه طلعت الصغار وهيا ترجف من الفرحه وقريب اطير…..ركبت هيا وصغار السياره ….مستحيل يكون الضرف من الميتم لأنه سألتهم الصبح ومافيش اي شي جديد اكيد وحده من خواتي او حد حاب يساعدنا مستحيل بعد السنين هادي كلها نرجع نشوف اخواتي …..طول الطريق وهيا مش قادره متحكمه في تصرفاتها …..لحضات ووصلت للحوش …..دخلت الصغار…..وهيا فرحانه
معاد:مقعمز في الصاله ويشوف لمرام كيف خاشة تضحك زي المجنونه….خيرك؟
مرام:نست روحها ….وقربت من معاد حضناته بقووه…..لقيت خواتي ي معاد.❤

رانيا:كملت امورها مع سمير……جي الوقت الي ناخد فيه حق عادل عياد وبناته…….يتبع🔥

من باعت الضرف؟ وتفاصيل الماضي المختفيه حانبينها غدوه؟؟ ومن البطل الجديد في روايه..هلبا تفاصيل حلوهه حاتبين مع الحلقات🤷‍♀️❤

الاحداث خشت بعضها حلقة غدوووه نااااار ومازال الرواية طوويلهه رايكم بليززز💔

اترك رد

زر الذهاب إلى الأعلى