رحم من النار الفصل الرابع | القلم الناجح
روايات ليبيه كاملة

رحم من النار الفصل الرابع

جميع حقوق الطبع والمشر محفوظه

مرام:واقفه في بداية الدرج ومصدومه في المنضر ….معاذ خاش ومعاه شباب هلبااا ومنضرهم مقرف وواضح عليهم مردف وصوت الاغاني الي قالب الدنيا ….ومن غير هدا كله معاذ واضح عليه شااارب والي معاه كلهم عيونهم في مرام
مرام:بدت تنسحب بشوية وتبي تدخل لغرفة الصغار والخوف مسيطر علاها💔….قدرت تهرب وتخش لغرفة الصغار ….واقفه وراء الباب تاخد في نفس….حقيرر بان ع حقيقته وربي غير تفوت الليله هادي بس مش ح تقعد ولا ثانيه هنايا
جوليا:مرام خيرك مع من تحكي ؟
مرام:حطت يدها ع شعرات جوليا….بيهبلني كان ناقص غير الصغار يشوفو مناضر زيه
منذر:وين الرز انا جعت وانتي ليكي ساعه تقولي قريب يطيب
مرام:افففف عليك نسسوه …ارجعو لمكناتكم بسرعه ….ووقفت جنب الباب تتسمع مرات تسمع اصواتهم او شي ….لي امتا ح نقعد ع الحاله هاظي ورز ح ينحرق فووق النار ….شوية تخميم فكرت في طريقة تخليهم يطلعو من الحوش ….فتحت الباب وطلعت تتستل باش م يحسش بيها حد منهم😂

____________

قمر:بعد الوقت الطويل من التعب والارهاق وتفكير في الوقت الي كان الهدوء مسيطر ع المصحه…. قررت تبدل توكة اليل بي نهار ….وهيا طالعه من غرفتها ….وحطت يدها ع مقبض وفتحت الباب….تشوف في قطرات الدم قعدت اتبع فيهم بعيونها لن وقفت قدام بابا غرفة الثلاجة الخاصة بي رجال….طاحت منها الاوراق الي في يدها ….ووقفت بدون ماطلع صوت برغم كانت خايفه من الي قعد يصير …..تبادل في نضراتها بين الممر والغرفه ….هل تمشي تشوف او تهرب وطلع روحها من الكابوس الي قعدا تشوف فيه حقيقة💔…..غمضت عيونها وهيا تحاول تنهي الأفكار السلبيه …وصلت لباب الغرفة وكأنه سمعت صوت شخص يتوجع ….فتحت الباب وخشت ….جت عيونها ع امير فوق السرير وكتفة كله ملطخ بدم واضح انه نازف هلبا
قمر:بصوت مرتبك….كيف قدرت تدخل هنايا ؟لأنه عارفه المصحه الحراس مشددين الحراسة
أمير:بصوت تاعب …متكونيش عبيطه بسرعه تعالي لفي الجرح لأنه ثواني وحايغما عليا
قمر:قربت منه …بعيون مركزه وهيا تشوف لجرح أمير….للحضة هادي ونا مش فاهمه تصرفاتك
أمير:بتجاهل وهوا يأشر براسه تلقي شنطة الاسعافات تحت السرير طلعها وعالجيني بسرعه
قمر:نزلت بسرعه وخدت الشنطه وحطتها فوق السرير ….وكيف طالعه بتسكر الباب
أمير:وو وين ماشية؟
قمر:بتصرف هادي …..سكرت الباب بقلة الصبر وطقتين بالمفتاح….وجعت قعمزت جنب أمير……حطت يدها ع جرح بي غل
أمير:اححح احح
قمر:خدت الفاشة ومزقتها بسنونها
امير:😳
قمر:حطت الفاشة ع جرح وبدت تمسح في الدم ….يالا تقدر تحكيلي من الدكاترة الي تتعامل معاهم؟
أمير:انتي
قمر: قلبت عيونها بحقد….انتا عارف المصحه هادي بأسم منو؟
أمير:بي اسمك انتي والمصحه ليك
قمر:خلي يدك ثابتة بنحط البنج…..وهيا تخيط في الجرح !
امير:كأنه مش حاس بي حرارة الجرح لأنه عيونها كانو ع ملامح قمر ….حاط بيهم الهدوء لن كملت قمر خياطه ولفت الفاشة كلها ع الجرح.
أمير:شكرا
قمر:بنضرات عيون مش مفهومه….تقدر توا تحكي
أمير:انا هارب من السجن
قمر:تنهدت بخوف ….انتا مجرم؟
امير:ضحك ع جنب وبدل عيونه ع جهة الحيط…..لا الحمدالله
قمر:بس انا مفهمتش الشرطه تبحث عليك وله اشخاص
امير:ههه ونزل من السرير وهوا يحاول يسكر ازرار سوريته….والشرطه تحت اي جهة تخدم
قمر:ك كيف؟
أمير:تقدري تساعديني
قمر:شافت لعضلاتها البارزات …ونزلت من السرير وقفت قدامه…بدون ماتشوفله سكرتلة الازرار بيدين يرجفو
امير:بصوت رجولي…ع فكرة كنت جاي نتأسف منك
قمر:هه وبكل سهولة يعني ح تقدر تخش للمصحه
امير:شاف لي روشن بهزوه…..حاطة حرس قدام المصحة ينخاف منهم هلبا
قمر:ش شنو قصدك وبعدين انتا ليش تتهرب بطريقة هادي؟
امير:متخافيش جيتي للمصحه هادي صدفة بس مش عارف من عاطي عليا اخبارية
قمر:شنو يعني؟
امير:انا بنطلع قبل محد يشوف الاستعراض الي برا ….وخدا بعضه وهوا يفتح في الباب
قمر:وقف قبل ماتتحرك شنو قصتك ؟
امير:شافلها شوفة أخيره…وفتح الباب وطلع يجري!
قمر:طلعت وراه بس اكتشفت انه اختفا رجعت لغرفتها متسرعه وفتحت البالكوني شافت الحرس كلهم متسطحين واضح مغمي عليهم….طلعت منها ضحكة عالية ….ههه غريب الشخص هدا …خدت بعضها ونزلت للحرس برا!

____________

____________

في السجن:-

خديجه:تراقب في الوضع بعد ماتأكدت انه كلهم راقدين ….خدت السكين من تحت لبخده ووقفت وهيا تشوف لي سرير رانيا …..تخطت خطواتها والسكين كان في يدها وتبي تقتل بيه رانيا
رانيا:واقفه وراها وتتفرج علاها وعيونها يلمعو فرح كأنه واخيرا حسست بالإنتصار ….شنو اديري خديجه؟
خديجه:😨…اءءء
رانيا:ولعت الضي ….وقربت من خديجه ….انتي ماسكة السكين ونا قدامك واقفه وبي اإمكانك اديري اي شي فيا صح؟
خديجة:😨😨…مم مني انتي؟
رانيا:ميهمكش انا مني …من باعتك ليا ؟
خديجة:بلعت ريقها بخوف وحطت وطاح السكين من بين يداها…..متفضحينيش؟
رانيا:مسكتها من رقبتها بأقوى جهد ….احكي من السوسة الي باعتك ؟
المسجونات:فاقو من نومهم ومستغربين في رانيا الي تبان كيوت وهادية كيف ماسكة خديجة بكل هالقوة
خديجة:اءء راح نحكيلك بس متجيبيش سيرة
رانيا:كم بنت قتلتيها في السجن ي واطية؟
خديجة:علامات الخوف ع وجها رهيبة….غصبا عني قتلتهم والله
رانيا:مسكتها من شعرها …ووقفت هيا وياها قدام باب الزنزانه تعرفي لو توا خبطت ع الباب ح يتجمعو كلهم هنايا وح يكون مصيرك اسود
خديجة:اءء اوك ح نحكي القصة كلها وعد بس انتي اعطيني الأمان
رانيا:منى
منى:كانت في مكان رانيا …انعم
رانيا:اغلي لي خديجة مياة سخونه خلي تتحمم
خديجة:اشش خلاااص 😭 والله ح نحكيلك
المسجونات:يوشوشو لبعض شنو قصدها رانيا ؟؟
رانيا:اءء رئيس السجن هوا وراء كل شي وهوا امس وصاني نقتلك
رانيا:بصوت هادي …وتمارسي معاه ي حيوانه كم مره حملتي في السجن (*****) وجابوك هنايا وبديتي مجرمة
خديجة:مم من وين تعرفي هدا كله؟
رانيا:خلي في راسك انه انا جاية هنايا مش نكشف المجرمة المجهول انا جيت هنايا باش ناخد ادله ع البارد
وطلقتها بقوهه….ح تشوفي مصيرك…..قاطع حديثهم صوت الباب…..لانه خشو العناصر بيطلعو المحقق رانيا ع ساعه 12 لانه تمت مهمتها 🤷‍♀️🔥

___________

مرام:ضغطت ع المفتاح ونطفت الاضواء ….توا تشوف اللعب مع مرام كيف …رجعت لغرفة الصغار تسكت فيهم وحكتلهم انه دايره خطهه وقعدو ساكتين دايرين حوومة مع بعض ويضحكو بصوت هادي😂

معاذ:وجوه فقر من يومكم مافيش مره تعشيت معاكم وفاتت الليله ع خير …سكر الباب وركب فووق

مرام:فتخت المفتاح وقامت البتنه فوق في عز ضحكتها تلقتت للخلف….😨
معاذ:مربع يدية ويشوفلها….شن كنتي اديري؟
مرام:بلعت ريقها بخوف….اءء المفتاح فاسد مره مره يدير فها ويتسكر بروحه
معاذ:اي اي كويس لو مره مره مش ديما
مرام:اءء انا بنحط عشاء لصغار لو تبي اي شي
معاذ:يساوي في رقبة بلوزته…احم لالا متعود نطيب بروحي
مرام:بي ضحكة كدابه….يالاا مالا ….وخدت بعضها ونزلت !
معاذ:ضحك ع جنب وخش لغرفته!

________

رانيا:وقفت سيارته قدام حوش كبير فخم وراقي …ونزلت بكامل اناقتها وهيا ماسكة الشنطه الي فيها الادلة كلها ….نزلت فتحت باب الحوش ودخلت
الخادمه:ي ست رانيا
رانيا:انعم
الخادمه:ليا فترة مشفتكش قلت نطمن عليك
رانيا:انا كويسة كيف حال ماما توا؟
الخادمه:الحمدالله بس مشغوله عليك
رانيا:اوك خودي الشنطه هادي حطيها فوق وسكري علاها وانا نطمن ع ماما وننزل نلقا السير جاهز
الخادمه:اوكى حاضر!
رانيا:ركبت الدروج وخشت تطمن ع امها !

___________

قمر:بعد ماطمنت ع الحرس وعالجت جروحهم البسيطة وهيا لا عارفة تزعل ع الهجوم الي صارلها وله تضحك ع امير الي رجع للمصحة بس باش يطمن علاها وقصته مش مفهوومه ؟؟ 😂

#ملاحضة انا عارفة قصة امير مش مفهومه بس خليني نوضحها لانها بسيطة غير هوا شجاح زيادة

امير:هدا شخص عادي مصاحب مجموعه او شلة فاسده ومنحرفة كل مره بي مشاكلهم لن يوم تعاركو مع اشخاص من الشرطة وامير ضرب معاهم وهكي لموهم الشرطه مع بعض وسجنوهم اسبووع مسكر وزي ماتعرفو حال لبلاد مزري جو هجمو ع الحبس مجموعه من الي ماسكين بدون ذكر اسماء حد ويبوهم ينضمولهم خدوهم من السجن للمنضمة هادي طول قعدو يخدمو معاهم والامور لوز يعني أمير موضحش انه مش راضي ع الخدمة والمنضمه هادي اسرارهم واماكنهم كلهم عند أمير يعني حتى الاشخاص الي يمسكو فيهم ويقتلو فيهم كان يتفرج عليهم كلهم ف يووم هرب منهم امير في وقت الاستراحه طلقو عليه نااار وتصاوب في ضهره بس قدر يهرب منهم هوا وزوز بس و باقي جماعته قتلوهم لانه حتا هما حاولو يهربو معاه 🔥

ولانه المنضمة متعاونه مع الشرطة وهكي قدرت الشرطة تبحث عليه في المصحات وعرفو مكانه وفي ليلة الي سمعت فها قمر الدكتور والراجل الي يتكلمو ع امير كان حتا امير يسمع فيهم وقدر يتصل بي تلفون احد الممرضين ويتواصل مع ولد عمه مراد لانه يخدم في المصحه هادي ع سيارة الاسعاف وهوا الي جابة للمصحه من الاول وامير مكانش مصدق انه قمر ح تساعده هدا ليش تعامل معاها هكي ومكانش ناوي يطلعها معاه حتا بعد ماوصاها مراد انه يجيب معاه ممرضه باش تعالج صحاب أمير الي تصاوبو معاه لما هربو بس مكانتش اصابتهم خطيره زي امير وفعلا امير متعاملش بسوء مع قمر🤷‍♀️

____________

مرام:تعشت هيا وصغار بي كامل راحتهاا ورقدت الصغار وكملت الحوسة الي دارها معاد وجماعته لكن قررت انه تحط حد لي معاذ 🔥

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

__________

يوم جديد:-🌤🌤

ساعه 11 الصبح:-

قمر:كيف طالعه من الدوش وواقفه قدام لمرايا تجفف في شعرها جي امير بين عيونها…ابتسمت …زعما نشوفه تاني ونفهم قصته ….لن سمعت طقات ع الباب خفيفه….تفضلي
نوره(امها):اهلين بالقمر
قمر:ضحكت….وهيا تمشط في شعرها وين بابا وله مروحش كالعاده
نوره:لا مروحش ليه ايام برا الحوش💔
قمر:متزعليش ع شخص فارغ
نورة:تعودت المهم انتي ي بنتي شن امور الخدمه؟
قمر:حلوهه وكل شي تحت السيطره
نوره:طمنتيني ي بنتي …قمر انا زعلانه منك
قمر:تحط في الروج …ليش؟
نوره:كم مره قتلك متحوليش خاتم خطوبتك من يدك
قمر:اففف ي ماما كنت في الدوش واكيد نسيته ع البوفي
نورة:تمام ….اليوم حاولي ترجعي بكري للحوش
قمر:في شي تبي شي ؟
نورة:نبي سلامتك بس ام خطيبك وخطيبك جاين يتعشو عندنا
قمر:قلبت عيونها بملل….حاضر ح نحاول
نورة:قمر ضروري ترجعي للحوش
قمر:تمام ماما خلاااص…..وبوستها ع خدودها …نا بنطلع توا نهدرزو اول مانرجع
نورة:ردي بالك ع روحك حبيبتي
قمر:حاضر…خدت شنطتها ومفتاح سيارتها وطلعت!

_________

مرام:مقعمزه في الصاله تتفرج ع تلفزيون
معاد:صباح الخير
مرام:بدون ماتشوفله صباح النور
معاد:وين الصغار؟
مرام:رفعتهم للمدرسه …يسألو ع امهم وبوهم معاش قادره ندس عليهم اكتر من هكي
معاد:لا حول الله المشكله انه اقاربهم كلهم مستحيل يفكرو يجو للحوش هدا
مرام:شافتله…انتا عارف القصة؟
معاد:قعمز ع الكنبة…من ميعرفش انه ناصر وبثينه هربو وتزوجو في تونس
مرام:تنهدت لا حول الله
معاد:يساوي في كمامه شوفي مصيرهم في النهاية خلو صغارهم ومافيش حد سخف وجي
مرام:ناس بلا قلوب ضميرهم مات
معاد:الله غالب ..وانتي اهلك مش في ليبيا يعني
مرام:كيف؟
معاد:يعني انتي عايشه في حوش ناس ومهتمه بي الصغار يعني مافيش حد سأل عليك او شي
مرام:تفكرت الماضي ع الطول…وخدت بعضها بسرعه وركبت الدروج
معاد:غبي مفروض مسألتش سؤال زي هدا واضح في شي صاير بينها وبين اهلها لو غير هكي كانت سلمت الشغل وطلعت🤦‍♂️

__________

قمر:مع الممرضات تخدم كالعادهه بس امير ماراحش من تفكيرها …مش عارفه حسيت انه نفكر فيه هلبا بس لو حكالي قصته مكنتش شغلت بالي هكي
مروة:صباحو الحلو
قمر:صباح النور
مروة:شن ونا نقول ليش قمر اليوم لابسة وزايده مكياجها
قمر:قامت حاجبها شن تخررفي ع الصبح؟
مروة:خطيبك شفته خاش من الباب
قمر:تبصري؟ونزلت من الكرسي خدت شنطتها وطلعت الخاتم.ستر ربي انك شفتيه قبل مايجي لانه ماما فتحت محاضرة ع خاطر الخاتم ونا كدبت علاها
مروة:وانتي علاش تحولي فيه في شي صاير معاك قمر؟؟
قمر:مش متقبلاته ومش قادره نحبه باااارد يععععع
مروة:مش علياحركاتك هادي اعترفي ليش توا معاش متقبلتيه
قمر:حاولي تسيطري ع دماغك الخامر انا من اول ماخطبني مكنتش راضية واصلا ظكنتش نعرف انه طبعه هكي بس قلت مرات مع الايام نحبه ويتغير
مروة:وتوا شنو مقرره تتصرفي؟
قمر:ح نطفششه بطريقتي بإذن الله ……شوفيلي طالعه حلوهه
مروة:اهااا صار قلتي بطفشيه؟
قمر:حرام واحد ياخد رايك اففففف وطلعت!
مروة:ههههه والله تهبلي 😂

_______________

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

مرام:فتحت دولابها بعد قريب نص ساعه وهيا تبكي وتتفكر في خواتها…طلعت برمودا لونها وردي هاادي ….لبستها ودارت شعرها كوده……لن سمعت طقات ع الياب…..مني؟
معاد:لو سمحتي مرام لو فاضية نبي نحكي معاك شوويه
مرام:تنفست براحه…..تفضل!
معاد:خش وشااف لي مرام ..اءءء نخش
مرام:اي تفضل قعمز
معاد:تخطا خطواته وقعمز ع الكنبة…..كنت بنقولك
مرام:اكيد جاي يطالب بي مفتاح الشركة كل يوم يبين ع حقيقته
معاد:انا اسسف هلبا ع سؤالي ونتمنا انك متزعليش مني
مرام:اءء لا مزعلتش اصلا بس نا منحبش نحكي ع حياتي لي اي حد
معاد:ضحك بعيونه…..شكرا وحقك عليا اني ادخلت بأمورك الخاصه
مرام:عفوا😅….نستأذنك ….وطلعت بدون اهتمام
معاد:سبحان من سواها…لكن ليش تعامل قيا هكي ممكن من تصرف امبارح ….وناض وقف قدام لمرايا وهوا يشوف لروحه جمالي هدا كله ومعجبتهاش اول مرره نتعرف ع بنت باردة المشاعر بس يالا مجرد خادمه كيف بتكون يعني ؟؟…..وطلع!

_________

قمر:ماسكة باقة الورد ….وجها احمر من الحشمة
علي:حبيت نجي نطمن عليك بس باين انك مشغوله
قمر:اءء اي الحق مشغوله اليوم
علي:تمام ح نرجع نشوفك في ليل ع لعشاء
قمر:بقلة صبر….احتمال مروحش للحوش
علي:براحتك بس امك قالت انه قمر ح تكون موجوده ع خاطركم
قمر:😁😁….اهااا اي انشاءاللع نفضي روحي ونرجع للحوش
علي:حط يديه ع يد قمر….اليوم ح نقروو موعد زواحنا
قمر:بلعت ريقها بصدمه مع عيونها الي نقلبو ….لل ليش؟
علي:كيف؟
قمر:ههه قصدي امتا بزبط؟
علي:خلاها مفاجئه بعدين شن رايك؟
قمر:بصوت هادي….زي باقة الورد الاصطناعية
علي:شن قلتي؟
قمر:لا بس فرحتني هلبا
علي:تماام منعطلش عليك شوفي خدمتك
قمر:اوك ….ومشت ..افففف كل يوم يخليني نندب ع حضي الزفت لو نا مزيته. له خاينه كان جاني خطيب يقربع ….لن خشت لغرفتها ولوحت الباقة بي غل
مروة:😂😂….وككك لو تشووفي منضرك وانتي تحكي مع روحك
قمر:كان ناقصني انتي يعني؟
مروة:هههه الممرضات كلهم كانو يضحكو ع سروالها الي من عام الستين نقرضو😂
قمر:ي فضيحتي قدام الدكاتره والممرضين النننم 🤦‍♀️

____________

رانيا:كيف واصله….تشوف للمر الي مليان زحمة(عبارة ع شوية شهود والمسجونات والمحقق والقاضي وكلهم يستنو ….لو سمحت
الشرطي:اعطيهم أمر انه المحكمه تأجلت
الشرطي:حاضر
رانيا:خشت ع غرفة المحقق بدون ماتستأذن….السلام
المحقق:عليكم السلام …تفضلي
رانيا:وصلت….وقعمزت ع الكرسي
المحقق:شنو صار معاك طمنيني؟
رانيا:كأنك هازي؟
المحقق:هه لا بس نسأل فيك لانه عارف شن طلع معاك
رانيا:خلينا ع اتفاقنا
المحقق:شنو؟
رانيا:حطت الشنطه متعها ع طاوله….انتا عارف ليش دخلت انا مجال القضاء صح وعارف انه قدمت عمري علشان القضية هادي يعني نجحت او خسرت ح يعطوني كفأءه
المحقق:حلوو
رانيا:بس لما يوصل الخبر للقضاء انك انتا رئيس العصابة المنتشره في سجون النساء شنو ح تكون مكافئه متعي
المحقق:😨😨
رانيا:انا اجلت موعد المحكمه بس عندك 24 ساعه بس وعناوين اخواتي يكونو عندي ….يتبع!!

اترك رد

زر الذهاب إلى الأعلى