رحم من النار الفصل السابع | القلم الناجح
روايات ليبيه كاملة

رحم من النار الفصل السابع

جميع حقوق الطبع والنشر محفوظه

7

قمر:وهيا نازله وع اعصابها ومش عارفه شن الاحساس الي تحس بيه وهيا ادير في شي مغصوبه عليه …..وقفت قدام الباب وهيا تشوف في سيارة علي واقفه ….كانت تمشي وتلعن فيه….ياااارب امتا بنلقا الحل الي يخليني نرتاح منه وجه…فتحت باب السياره وركبت….واول ماجت عيونها عليه…..تنهدت بصدمه ….انتا؟ 😮

في الوقت هدا بزبط جي اتصال من البريد لي مروة ومرام 

_____________

مرام:ألو
موضفة(البريد):أهلين اختي
مرام:رجعت قعمزت ع الكرسي…..طمنيني شن صار
موضفة(البريد):تواصلنا مع صاحب الضرف وطلب رقمك والباين أنه الشخص يبحث عليك او شي زا هدا المهم استني مكالمة منه
مرام:بلعت ريقها بصدمه….اءءء ك كيف يعني هوا شخص يعرفني
موضفة(البريد):اي اكيد وبصراحه هدا الي قدرت نوصله واكتر من هكي نقدر نساعدك
مرام:المهم انه طلب رقمي صح وح يتواصل معاي
موضفة(البريد):اي ونا بعتله رقمك وانشاءالله خير
مرام:عيونها يلمعو فرح….الحمدالله ياربي شكرا
موضفة(البريد):العفو بسلامه وتسكر الخط
مرام:انفاسها متسارعه من صدمة الفرحه نزلت تجري لمعاد تبي تخبره!

في نفس التوقيت:-

مروه:ماسكة الورقه وتكتب في الرقم …..اي يعني هدا صاحب الضرف ولو كلمته ح يخبرني بكل شي صح؟
موضفة(البريد):أكيد أول ماتتواصلي معاه ح تفهمي شنو قصة الضرف
مروة:اوك شكرا بس بنسألك
موضفة(البريد):تفضلي؟
مروة:مخبركش بي شي او من اي طرف هوا؟
موضفة(البريد):لا بصراحه بس سألني عليك أكتر من مره وقال خليها تتواصل معاي في اقرب وقت
مروة:الضحكه ع وجها اوك اوك بإذن الله!….وتسكر الخط
مروة:حطت الورقه في المكتبه متعها ….احسن شي منتصرفش لن قمر تعطيني الأذن وهيا تكلمه المهم شبه وصلنا خلاص واخيرا قمر فرجت بس توا خليني نشوف امير و شنو صار معاه؟؟🥀

_____________

في السياره:-

قمر:وقف انتا وين ماشي ش شنو قعد ادير
امير:منتبه ع سواقه …اششش
قمر:هجمت عليه وبدت تضرب فيه نزلني ي حقير نزلني متفق معاه ي تافه
امير:يحاول يركز ع سواقه وبحركه مفاجئه مسكها من مرفقها بقووه…قتلك خليك هاديه قمر اول مانوصلو نفهمك مش وقت اسئلتك
قمر:نفضت يدها منه بقوه….ودموع بدو يبينو في عيونها …أمير فهمني انا خايفه
امير:لاحظ هدوء صوتها وكان يبي يطمنها….مش ح نأذيك انا ومروة قررنا هكي …ارتحتي؟
قمر:🥺…كانت بتسأله بس اول ماقلها هكي لفت ع كرسي وقعمزت وهيا شاكة انه علي كان يخطط لي شي💔
امير:تنفس براحه….وسرع في سرعة السياره ….ويبادل في عيونه مره مره ع قمر
قمر:عيونها ع روشن مش عارفه هل هيا مكسوره او لا وكأنه في شي مطمنها 💔
امير:يحاول يسيطر ع الجو باش ميزيدش خوف قمر اتجاها ويستنا امتا يوصلو باش يفهمها ويلقو حل مع بعض!
قمر:برغم هدوئها بس قلبها كان عباره ع نار لأنه اول مره يصير معاها هكي ومصدومه من وضعها
أمير:وقف السياره فجاءه….وهوا يحول في حزام الامان….شوفي!
قمر:شافتله!
امير:انا بننزل وانتي خليك في سياره نشوف الوضع ونرجع ناخدك
قمر:متعطلش عليا
امير:حاضر مش ح نعطل لكن انتي حولي الخوف ومتتوتريش
قمر:تحاول تتمسك بي كلام امير وتهدي نفسها
أمير:اوك ….فتح باب السياره ونزل!
قمر:عيونها ع امير لن خش الحوش …حطت يدها ع قلبها زعما شن صاير وليش البقره مروه محكتليش شي💔

_________

مرام:ماسكة كوب كاكاو وكانت ريحته طالعه ….قعمزت مقابله معاد وهيا مبتسمه
معاد:ماسك زا لكتاب وكأنه يقرا .شاف لي مرام ..وقام حاجبه ورجع يشوف للكتاب
مرام:رشفت رشفة من الكاكاو….خيرا هدا حسسني أنه نزار قباني
معاد:سكر لكتاب وحطه ع رف وحط النضارات فوق لكتاب….شن المناسبه؟ اكيد في خبر ؟
مرام:حاسة بي اهتمام معاد بس قعدا مقتنعه انه كل شي مجرد تمثيل….اي وصلني اليوم احلا خبر
معاد:فرحيني معاك
مرام:ردت عليا الموضفة تع البريد وقتلي انه الشخص الي رسل الضرف خدا رقمي وح يتواصل معاي
معاد:برغم انه الموضوع غريب شوية لكن نتمنا متقابليشي بروحك
مرام:لا هوا لو اتصل بيا وفهمت منه ح نحكم من كلامه وخاصة لو حسيته دوه بس وبدون مايفيدني
معاد:ايواه ونتمنا لو صار شي تخبريني
مرام:بي غباء….علاااش 😳
معاد:😁….بي شوية عليك لكن زا ماتشوفي انا ولد وح نقدر ممكن نقدر نساعدك او نوضحلك شي
مرام:ممكن؟ اوك كل حد فينا يجري وراء الشي الي يبيه
معاد:فهم قصدها وكان يبي يلقحلها ….بحركة متكبره….اكيد بدون شك ومش ح يوقف لن يوصل
مرام:ارتبكت….وقفت وهيا ماسكة الكوب في يدها….أول مايتصل توا نفكر نحكيلك او لا !
معاد:براحتك🙂
مرام:قلبت عيونها بغرور….اكيد…..خدت بعضها وركبت فوق!
معاد:🤦‍♂️….غبااااء↖️

_______
قمر:كأنه تأخر ؟ ….حاطه يداها ع قلبها وجسمها يرجف…لن لمحت امير جي….وأخيرا
امير:فتحلها الباب….هي انزلي بسرعه
قمر:حوش مني هدا؟
امير:حوش أهلي انزلي مش وقت اسئله
قمر:كيف ؟ شن بتقوللهم عليا
امير:خطفتها
قمر:تنهدت بخوف….شنووو؟
امير:قمممر وقفي غباء شويه وانزلي من قال انك بتشوفيهم اهلي
قمر:نزلت من السياره…به وامتا بتفهمني؟
امير:بقلة صبر….مسكها من يدها وخداها
قمر:تشوف للمكان كله وهيا خايفه
امير:دف الباب بقووه لانه قديم شويه….خشي هنايا بتقعدي الليله
قمر:تشوف للمكان الخارب….اءء انا بنقعد هنايا
امير:اي انتي
قمر:به امتا بتشرحلي الي صاير وشن قعد تخطط انتا ومروة
امير:شافلها وهوا مفنص عيونه فها
قمر:لسانها التواء ومستغربه في شوفت امير
امير:بداء يتقرب منها بهدوء …لن جت يده ع صدرها
قمر:بصوت عالي …ابععععععد عليا ي تاااافه
امير:اححححح ..ومسك يده الي تنزف دم
قمر:شافت الدم الي ينزف من يد امير واستغربت لأنه كانت مفكره انه بيعتدا علاها ….خخ خيررك؟
امير:كانت زا الحشرة عليك لكن الباين جرحتني
قمر:حطت يدها ع فمها..افففف حار الجرح
امير:قام عيونه فها….شن لمصيبه الي حطيت روحك فها ي امير بس
قمر:مصيبه؟😏
امير:اي امتا بتبطلي حركاتك هادي
قمر:مش ح نسكت لن تفهمني القصه…..شافت وراها ….خدت بعضها وقعمزت ع الكرسي
امير:وهوا يحاول يوقف الدم…..وتلفت وراه ….وهوا يشوفلها …في خاطره ….شن درت في روحي بس
قمر:شن توتوت عليا
امير:ماسك ضحكته ….قعمز مقابلها….تبي تفهمي القصه صح
قمر:ابتسمت وشافت لسقف…ياريت تفهمني!

رجوع للمشهد:-

مروة:في غرفة الأدوية …من بيقعد ماسك اليوم لي الليل؟
غفران:مش عارفه ممكن ممرضين ممنوع الممرضات يباتو في فترة الليل
مروة:قعمزت ع الكرسي …جت عيونها ع كاميرا ….بلعت ريقها …غفران
غفران:انعم
مروة:انتي عندك هدرزه معاهم متعين الأمن الي داخل
غفران:نحكيلك بس متحكيش لحد
مروة:ولا يهمك احكي
غفران:علي الي ماسك المصحه مره مره نشوف فيه واقف ع نور
مروة:بصوت هادي كملي
غفران:اي نور هادي هيا الي ماسكة الكاميرات عندها وهيا الي تراقب في قمر
مروة:اهااا به نور جت اليوم ؟
غفران:احتمال جت مش عارفه انا مشفتهاش
مروة:اوك متجيبيش سيرة لحد انه نا سألتك
غفران:وحتا انتي بالله لأنه منبيش يلزوني من المصحه
مروة:ولا يهمك مش ح يعلم بيك حد
غفران:تمام نستأءذنك توا
مروة:اوك ….وخدن بعضها وطلعت وهيا تفكر ف نور تبي توصل فها وتسألها ع تفاصيل
امير:بسست
مروة:تلفتت ورجعت شافت قدامها
امير:بسسسست.
مروة:رجعت شافت خلفها….مني هنايا؟
امير:بين وجه ….تعالي بسرعه نبيك
مروة:شافت يمين يسار زخشت للغرفة تجري…..ش شن في؟
امير:بأنفاس متسارعه…..جيت نبي نحكي مع قمر ف موضوع بس غرفتها مليانه
مروة:اهااا اي عندها خدمه توا …بس انتا امير صح؟
امير:اي انا أمير نبي نحكي معاك في موضوع بما انك صاحبتها
مروة:تنهدت في شي خطير او كيف؟
امير:اي خطير هلبا لو معرفناش نتصرفو ممكن قمر تنسجن
مروة:تنهدت …كيف ؟ احكي
امير:علي كان يهدد في قمر الفتره الي فاتت بس لما انا جيت للمصحه وصله الخبر وشك انه في شي قعد يصير بيني وبين قمر وقرر انه يسلمها لي نفس المجموعه الي تطارد فيا
مروة:ش شنووو؟ كيف يصير هكي
امير:مش وقت كلام توا نبيك تاخدي تلفونها وتوقفي خدمة سجل المكالمه لانه الحقير علي يتسمع ع مكالماتها
مروة:بلعت ريقها….اهااا اي اي تماام توا نمشي ونحكيلها كل شي
امير:لااا متحكيلهاش خلينا نتصرفو ع الهادي لانه قمر لو سمعت ح تلخبط الامور في بعضها
مروة:وأنتا من قالك ع هدا كله؟
امير:تغيرت تعابير وجه …..موضوع طويل مش مهم توا
مروة:به وانتا شن ناوي ادير وكيف بتساعد قمر لو هوا عنده فيديو وهيا تهرب فيك؟
امير:عندي خطه في راسي مافيش غيرها حاليا بس نبيك انتي تتصرفي زا مانوصيك انا
مروة:تت تمام توا خلي نسكر التسجيل ونرجع نتصل بيك ونتفقو
امير:اوك اطلعي انتي لانه ح نطلع وراك
مروة:به مالا رد بالك وانتا طالع
امير:ولا يهمك ح نطلع من هني بس انتي سجلي رقمي عندك
مروة:اعطيني
امير:مل الرقم ….اوك نستنا منك ف مكالمه
مروة:تماام ….وفتحت الباب. طلعت 🔥

الحاضر:-
قمر:ايي فهمت به وانتا من وين سمعت الاخبار هادي كلها وخاش للمصحه بكل ثقة
امير:دبرت اموري المهم علي لما تصل بيك كان ناوي يرفعك للمكلبه
قمر:وانتا كيف عرفت وسبقته
امير:لا مسبقتاش علي حاط ناس تراقب فيه واول ماوصل لشارع متعكم مسكوه وخلوه يتصل بيك ويقولك انزلي ونا مشيت مكانه لانه العصابه جاين وراه وشكيت انهم يهجمو ع حوشكم وياخدوك بالقوه
قمر:حقيرر….بس منصدمتش لانه متوقعه منه اي تصرف او اي شي
أمير:خاصة لما كلمتني مروة وقتلي انه علي يبيك تطلعي ع طول زدت انتباهي عليه
قمر:بدون ردة فعل حضنت امير بقوة….بجد شكرا هلبا ساعدتني ونا مستحيل ننسا معروفك هدا
امير:يشم في ريحتها ونعومة شعرها لقريبه من وجه….اءءء ولا يهمك
قمر:حست بروحها …سحبت يداها ع طول….ونزلت عيونها….وتوا زعما شن ح يصير فيا
امير:مش ح تطلعي من هنايا الا ونا متأكد امورك تمام
قمر:قامت عيونها في عيونه…..وابتسمت
امير:بادلها الابتسامه….شن نجيبلك معاي
قمر:كنت بنقولك اني جعانه اصلا
امير:اوك ح نزل لعشاء من فوق وانتي ردي بالك تطلعي من هنايا ويشوفك حد
قمر:اءءء…لا مستحيل بس انتا متتأخرش لانه عندي فوبيا من الاماكن هادي
امير:ههه….تماام ح نجيبلك شي تلبسيه
قمر:تماام
امير:حط يده ع وجها….متخافيش انا معاك…وخدا بعضه وطلع
قمر:تلفتت تشوفله وهوا طالع كانت شخصيته تجنن ….كنت حاسة انك مش مجرد شخص عادي

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

________

مرام:ترتب في المطبخ ….حست بي الجو ساخن حولت التوب تع التوته حطاته ع كرسي….وكملت تنضيف
معاد:فتح باب الحوش وخش
منذر:أووووو شكلاطه
جوليا:كنددر 😂
لوجين:ميلكا
مرام:طلعت بدون ماتنتبه ع نفسها…..لالا مافيش شكلاطه في ليل
منذ وجوليا ولوجين:😔😔
مرام:هاتو نقسملكم منها شويه كلها ممنوع
معاد:ماسك الكيسة وسرحان في مرام وتفاصيلها
مرام:قعمزت بين الصغار….وهيا تقسم في شكلاطه هادي لي جوليا
معاد:مركز في ملامحها وجسمها الي يلمع وخدودها الورديات وشعرها المبلول بشوية عرق
مرام:هي بسرعه كولو مابين رتبت المطبخ باش تغسلو سنونكم
منذر وحوليا ولوجين:حاضر😍
مرام:شافت لي معاد وبدون ماتنتبه ليه….اخر مره تجيب معاك شي حلو في ليل لو سمحت
معاد:يشوفلها بس مردش علاها هز براسه وحط الكيسه ع طاوله وركب فوق!
مرام:😏…تطربق …وخدت بعضها خشت للمطبخ!

___________

قمر:شكله اليوم جو الساخن كيف بنرقد بدون تكيف
امير:فتح الباب وخش….جيبت مروحه متخافيش عارفك تفكري
قمر:ههه اي لانه نقدرش نرقد والجو سخون هكي
امير:حط فرشه كبيره وعليها فراش طبي وورغان وبخده
قمر:شكرا تعبتك معاي
امير:العفو بس اخر مره نسمع منك كلمة شكرا
قمر:بجد والله انتا مش ناقص همي
امير:حط صبعه ع فمه….قتلك اششش خلاص ورجع يساوي في لفراش
قمر:سرحت فيه وهوا يرتب كان جماله باين وخاصة لون عيونه الزرق مش طبيعيات
امير:وهادي كيسة فيها اغراض تقدري تغيري
قمر:كك كيف تع من؟
امير:هادو خديتهم بكري من المحل متخافيش مش مستعملات
قمر:واااو كنت مستعد لكل شي
امير:ههه اكيد
قمر:بس هما يعرفو حوشك صح
امير:يعرفو بس مستحيل يخشو لمنطقتنا
قمر:اهااا متأكد؟
امير:واضح انك متوتره وتفكري هلبا
قمر:شافت لجهة التانيه ….اي خايفه يصير معانا شي خطير
امير:لا مش ح يصير حانصفي مشكلتي ومشكلتك معاه وبعدها ح ترجع الامور طبيعيه
قمر:انشاءالله💔
امير:كان يبي يغير جو قمر…..ثواني بس ونجيب لعشاء
قمر:هزت براسها تمام
امير:طلع!
قمر:ناضت تغير ف حوايجها!

__________

معاد:ماسك فونه في يده ونازل…مرام
مرام:تلبس في توب التوتة…..تفضل؟
معاد:شوفي الصوره….اما احلا قفتان
مرام:واااو الأتنين يجننو
معاد:عارف بس احلا واحد فيهم
مرام:نفضل الي لونه احمر
معاد:حلو صح ؟
مرام:😏….اي ولمن ؟
معاد:وجه وله احمر اءءء
مرام:اي اي فهمت ربي يهنيكم….لبست توبها….هي تصبح ع خير
معاد:شاد ضحكته….سعيده وجي جنبها وفاتها بسرعه اركب الدروج
مرام:غبر فيك ي مرام هدا بيخطبها اكيد وبيجيبها تعيش معانا هنايا افففففف ع مصيبتي 😠

__________

امير:كيف فتح الباب…جت عيونه ع قمر شبة مش لابسة من فوق….مخلهاش تحس بي شي …سحب روحه وطلع
قمر:كملت لبس وحطت حوايجها المستعمله في الكيسة ….ورجعت قعمزت ف مكانها
امير:طقق ع الباب….وشويه وخش
قمر:مافيش حد سألك لمن لعشاء؟
امير:ههه لالا لكن مرتي كانت شاكه معايا حد وكانت تبي تعرف بس قلتلها انه ولد صاحبي بايت معايه الليله
قمر:مصدومه…كيف شن قلت؟
امير:قام عيونه فها ….تعشي ومتخافيش مافيش حد يعلم بيك
قمر:شافت للسفرة مليانة معجانات ..اححيه استحشت البيتزا في الحوش
امير:طبعا اختي اطيب في الحار وتبيع فيه
قمر:محلاها ربي يوفقها
امير:سسلمك….وجت عيونها ع صدرها
قمر:شافت لروحها وسكرت ازرار بلوزتها….وكملت تاكل
امير:يتفرج علاها كانت مشاعره متلخبطه اتجاه قمر من اول ماشافها لدرجة حاول ينكر ومقدرش وكان حاط هلبا حاجات في راسه
قمر:تاكل بس كانت كلمة مرتي الي طلعت من امير شاغلتها وحست بي شي مش حلو اول مسمعتها كأنه غااارت شويه😔
لحضات وكملو اكل 
امير:صبلها مشروب…تفضلي
قمر:مكانش في داعي
امير:قمر لو تبي تكلمي مروة وتحكي معاها عادي
قمر:بصراحه كنت بنسألك لأنه ضروري نطمنها ونبيها اطمن ماما عليا
امير:اي اكيد خودي راحتك انا راجع للحوش شويه
قمر:يعني مش ح ترقد معاي اليوم
امير:كيف؟
قمر:يعني بنقعد بروحي في الدار هادي؟
امير:اي شن رايك؟
قمر:بزعل….انا نخاف منقدرش
امير:ههه غبيه مستحيل نخليك ح نرقد في سيارة جنبك
قمر:ت تماام
امير:ابتسم…قام السفره وطلع!
قمر:رجعت لمكانها….واول مااتكت ع لبخده وهيا قلقانه كل شي متغير علاها وياريت السبب شي عادي وحاسه انها قعدا في خطر كبير ومش عارفه كيف تفكر في المشكله الي صايره برغم مرتاحه اتجاه امير هلبااا وكان اكتر شي مخليها مرتاحه وتحاول تسيطر ع خوفها بسببه …خدت فونها ورنت ع مروة

__________

مرام:طلعت من الدوش وهيا تفكر …اففف انسي مرام خلاص غصبا عنك ح توافقي علاها …قعمزت ع سرير وفتحت علبة لكريمة….وبدت تدهن في اطرافها….مستحيل نتقبل بنت معايه هني ولاااا ح تكون بارده زا خطيبها الي داير روحه شخصية جذابة ….ضروري نحكي معاه ونقوله ممنوع يعيش شخص اخر معانا…فتحت الدولاب ….لبست طرف طويل….وطلعت!

مراسلة:-
معاد:تي خير امك نفختهم تقولي اول مره تخطب الزح
اياد:تي اي اول مره شن قالك عليا
معاد:اي حقا نسيت به خود الاحمر وريحني
اياد:انا ذوقك شاك فيه
معاد:تي مش ذوقي خديت ذوق بنت تخدم معايه
اياد:وشن وضعها تفهم وله دفان
معاد:سرح في ملامحها شويه.اءء اي تي لو هيا متفهمش من الي يفهم؟
اياد:تي منور توا نحجز فيه مالا
معاد:به وجهك ي نفخ…وكمل المحادثه وحط اللابتوب ع طاوله
مرام:فتحت الباب وخشت.
معاد:شافلها ورجع شاف لجهة التانيه بكل برود
مرام:😨….حقيرررر
معاد:تفضلي؟
مرام:كنت جاية نبي نحكي معاك ف موضوع
معاد:احكي انشاءالله خير
مرام:اءء….قاطعها معاد …افففف ميبطلش اتصالات …فتح الخط شن تبي ي رااجل فهمني القفتان وساعدتك فيه وندمت الزح شن تبي مازال
اياد:تي خيرك تعيط ي راجل
معاد:سكر عليه الخط….وانتي احكي خيرك
مرام:فهمت الموضوع….اءءء لالا بس كنت بنقولك خليك الصبح متطلعش عندي اجتماع في الشركه
معاد:تغيرت تعابير وجه…مع من؟
مرام:مع المحامي عمر وبنتفاهمو ع امور الشركه
معاد:ضروري تمشي انتي يعني؟
مرام:ايي مافيش داعي للأسئله انا جيت بنوصيك مش ناخد في اذن….وكيف بتطلع تسكر الباب
معاد:ردي بالك تعطلي انا اكتر من ساعه مش ح نستناك
مرام:قاصده تقهره….مش عارفه ع حسب مرات عمر يعطل في الاجتماع…وطلعت😅
معاد:حدف لبخده بي بغل…توا نشوفو عمر هدا كيف ح ينفعك💔

_________

رانيا:كيف طلعت من غرفة امها …وخاشة لغرفتها بس هيا الوحيده الي عقلها مستحيل يوقف تفكير …اول ماخشت لغرفتها قعمزت ع الكنبة وقامت تلفونها!
رانيا:ألو محقق وديع
وديع:اهلين تصلت بيك اكتر من مره اليوم ومرديتيش
رانيا:اي مرديتش قصدا لانه كان عندي موضوع المهم
وديع:وصلنا لعناوين خواتك والاتنين تواصلو مع البريد
رانيا:مستغربتش لانه كانت حاسة ح توصل فيهم…المهم متتصرفش لن نا نعطيك الاذن وابعتلي عناوينهم في رساله
وديع:كيف يعني؟
رانيا:زا ماسمعت ….سلام

رانيا:حست انها خشت جولة اكبر من جولتها الاوله ومكانتش تبي تحط اي شخص معاها ف الخطر كانت وازنه الامور كلها وخدت قرار انه ح توصل لحوش عمها وتنتقم من الشخص الي اغتصب اختها لانه رانيا كانت شاكة في شخص وتبي تتحقق من كل شي اما من ناحية موضوع خواتها اجلت اللقاء معاهم لانه متبيش تبينهم في الصورة وينحطو في خطر معاها ومتبيش تحكي لي اي شخص انه وصلت لخواتها الا بعد ماتنجح في قضيتها وبعدها لكل حادث حديث🤷‍♀️

_________

قمر:كملت مكالمتها مع مروة وطمنت انه امها مش مشغوله علاها…واول م تلفتت ع الجهة الثانيه ….وخشت ف تفكير عميق ….زعما امير ح يقدر يحل الموضوع ؟ بدون م يصير معانا شي بس علي مستحيل ينسا الي درته فيه بدون م ياخد حقه مش عارفه ليش الشخص هدا ربي حطني معاها بي موقف زا هدا يارب كون معانا💔

ليله زا اي ليله زي رانيا ومرام وقمر كانو مشغولين هلباا ومتوترين بس قصة قمر كانت اخطر قصه من بينهم ورانيا نفس الشي وافقت ع شي مش عارفه شنو نهايته 🤷‍♀️💔

_______

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-⛅⛅

قمر:فتحت عيونها ببطئ …ناضت لمت الورغان ولفراش حطتهم في جهة …وكانت تبي تخش الحمام …فتحت الباب بشوية جت عيونها ع امير في سيارة…بصوت هادي….امير أميييير
امير:فاق ع صوتها…مسح عيونها وشرب من علبة لمياة جنبه….ونزل
قمر:كيف بنقوله اني بنخش الحمام
امير:خش…صباح الخير
قمر:صص صباح النور
امير:هي تعالي معاي نركبو لحوشنا
قمر:😳…كيف؟
امير:انتي اكيد مش ح تقعدي هنايا طول الفتره خليني نعرفك ع اهلي وخليك معاهم
قمر:بصوت يرجف….وشن بتقولهم عليا؟
امير:انتي اطلعي معايه ونا ح نقولهم اي شي المهم يهتمو بيك مابين نحلت مشكلتك
قمر:يعني مشكلتي مازال مش ح تنحل
امير:دايرين جهدنا بإذن الله اليوم تنحل بس انا ضروري نطلع ومنقدرش نخليك بروحك هنايا
قمر:اها اي…اوك تمام
امير:حط يده ع كتفها…وهوا يبتسم نوعدك ح تنحل مشكلتك
قمر:ابتسمت…انشاءالله بس لو عارف في شي خطر عليك وقف انا ح نتصرف مع علي بطريقتي
امير:اشش ومعاش تجيبي سيرته مره تانيه انسيه انا قتلك ح نحل موضوعك
قمر:تت تمام
امير:هي …وطلع
قمر:طلعت وراه 💔

_________

مرام:فتحت عيونها …بخفة نزلت من سريرها….خشت للحمام خدت دوش سخون وغسلت سنونها ولبست بيجامة خفيفه باش توتي فطور الصغار ….ونزلت خشت للمطبخ رتبت لفطور فواكه وزبادي وحليب وحطتهم ع طاوله …ركبت لصغار دوشتلهم ورتبتهم ونزلت هيا وياهم خلال ساعه كملت امورها ❤
معاد:كيف نازل م فوق …صباح الخير
مرام:ماسكة مجلده…..ياربي شنهيا الكدبه الي بنكدبها؟ زعما نقوله مصارش منه الاجتماعوهيا قعدا قيد التفكير
معاد:شنو مازال اجتماعكم؟
مرام:اءء لالا شوية وبنطلع
معاد:هه…كويس ..مافيش فطور؟
مرام:احنا فطرنا افتح الثلاجه وكول انا مدوشة منبيش الريحه تعلق فيا
معاد:وااااو عندك حق اكيد …وناض مغلول
مرام:سيبت المجلة… اطلعي لي اي مكان المهم منطلعش كدابه قدامه.😏
معاد:يطلع في الاكل من ثلاجه…شنو مصار معاك شي
مرام:بصوت مرتبك…كيف؟
معاد:البريد مكلموكش
مرام:لا لتوا مافيش حد كلمني
معاد:سكر باب الثلاجه….انشاءالله خير
مرام:انشاءالله
معاد:لو تبي تمشي اطلعي عادي انا قعد مع صغار
مرام:تغيرت تعابير وجها…اهاا اي اهو بنوض
معاد:تمام …وخدا جهاز التلفزيون
مرام:خدت بعضها وركبت لغرفتها!

___________

في نفس التوقيت را :-

أمير:فتح باب الحوش وخش
قمر:خشت وراه
مرح:من الي معاك امير؟
امير:خشي قمر قعمزي
قمر:جت عيونها ع ولد صغيرون جنب مرح……وبدا وجها احمر ومش قادره قايمه وجها
ابتهال:تفضلي حبيبتي
قمر:تخطت خطواتها بهدوء وقعمزت ع الكنبة….وتشوف في الولد يقول لي امير ي بابا
مرح:جاوب امير من هادي؟
عائشة:خيركم صوتكم طالع شن في لن جت عيونها ع قمر سكتت
امير:هادي بنت راجل الي ساعدني اءءء كانو راجعين من تركيا وتعرضو لحادث واضطريت نجيبها معاي هني نبيكم تردو بالكم منهم
عائشه:لا حول الله ربي يشفيه ي بنتي ويرجع ينورلك حياتك
قمر:بصوت متردد انشاءالله عمتي
مرح:شافت لقمر بي غل …شكلك مطوله؟
ابتهال:فنصت في مرح
مرح:لا متخافيش مش ح لزها هي انا بنخش لداري
امير:عيونه ع مرح وكان يلقا يقتلها
مرح:خشت لغرفتها وامير لحقها
قمر:فهمت انه مرح هيا نفسها مرت امير💔
ابتهال:لو تبي حاجه متتحشميش كلميني
قمر:شكرا
ابتهال:اكيد تبي ادوشي خلي نجيبلك حوايج من عندي وحضك عندي ملابس داخليه جديده
قمر:صحيتي حبيبتي وين الحمام ؟
ابتهال:تعالي معاي نوريك ونعطيك لحوايج
قمر:ابتسمت….تمام وناضت مع ابتهال!

__________

مرام:نازله من فوق لابسة جمبسوت اسود فوق طرف طويل مفتوح ووشاح خفيف شيفون وماسكة شنطه ولابسه صندلي عالي شويه.
معاد:يشوفلها ومش قادر مطفي نار الغيره اول ماشافها
مرام:انا طالعه وزا ما وصيتك ع صغار
معاد:يشم في الريحه الي قالبه الحوش ..وانتي هكي منضرك الي بتطلعي فيه؟
مرام:شن تفضلت سيد معاد؟ لا اختك ولا نعرفك ارجوك اخر مره تتكلم ع حوايجي
معاد:ضغط ع يده بي غل …في خاطره اي فعلا ي معاد شن دخلك بها انتا
مرام:وهيا طقطق بالكعب…سلام
مرام:اففففف لو عندي عليك سلطه بس انا خليتيني هكي الي ف شارع شن ح يصير فيهم وقربع الطاوله الي قدامه …وهوا المره هادي واجه نفسه خلاص لانه كان ينكر في حبه اتجاه مرام بس المره هادي خلاااص مقدرش يتحمل 💔

__________

قمر:طلعت من الدوش …لابسة توتة موف وفاتحه شعرها ع جنب
ابتهال:كيف خاشة ….تبارك الرحمن بجد انك بنت حلوه هلبا
قمر:بخجل ….سلمك حبيبتي عيونك الحلوه
ابتهال:ههه ي روحي واسمك قمر اسم ع مسمى
قمر:انتي لحلاوه كلها
ابتهال:خساره والله لو خويا مش متزوج كنت خطبتك ليه
قمر:بكسرة خاطر…اهاا اي عنده مرته زا لعسل
ابتهال:هه ربي مايذوقك منه لعسل الي عنده
قمر:ههههههه خيرك
ابتهال:مسكين امير طافش منها وميحبهاش غير الوقت احرف
قمر:بي فضول ….كيف؟
ابتهال:خويا لكبير الله يرحمه مات كان متزوج مرح ومرح كانت حامل منه وامي متبيش حفيدها يتربا بعيد علاها زوجتها لي امير بالغصب
قمر:كانه ارتاحت شوية لما سمعت انه الولد الي شفاته مش ولد امير…اي اي ربي يسعدهم
ابتهال:انشاءالله حبيبتي توا نخليك شويه بنطيب لغذاء ونرجعو نحكو وانتي تحكيلي ع حياتك شويه
قمر:اهااا اي تمام حبيبتي
ابتهال:تمام….وخدت بعضها وطلعت!

____________

رانيا:مقعمزه في مكتبها ….وبين يداها معلومات ع حياة ايمن بالكامل اهم المعلومات انه متزوج ومرته عقيمه لكن ميقدرش يطلقها لانه عايش ع حسابها لكن ايمن عايش حياة الذل والقهره لانه يسكر وخاش ع جو حبوب ويعاني من امراض من بينهم تكسر صفائح بس برغم هدا كله مش موقف شره نهائيا سكرت الملف….وربي ح تطلع انتا الي مغتصب بنت عمك ي وسخ …قامت التلفون وتصلت ….الو
الشرطي:ايوا
رانيا:ح نبعتلكم عنوان شخص توا نبيكم تقبضو عليه وتجيبوه لغرفة التحقيق
الشرطي:حاضر ح نحول مكالمتك لرئيس القسم
رانيا:اوك

____________

فات الوقت بسرعه :-

ع سفرة لغذاء:-

امير:فمه معبي ماكله….قمر نبيكم تحطوها في عيونكم منبيش شي ينقصها
ابتهال:اححيه ي خويا لو مش متزوج بس كنت خطبتهالك
امير:شافلها …اكبري
ابتهال: 😂خير من لعزوز الي عندك ومازال تتجكتر الزح علينا خززي وقحه
امير:زا ماوصيتك يما هادي بنت مجنونه را
عائشه:ههه حاضر ولدي غير تغذا وعبي بطنك قبل
امير:رن تلفونها….ناض ع طول شرب المياه….انا طالع وزا ماوصيتكم
ابتهال:علاش بتطلع شن في ؟
امير:يشوف لتلفون لن طلع
قمر:كيف طالعه من الغرفه….امير وين؟
ابتهال:تعالي حبيبتي تغذي معانا امير جاه تلفون طلع
قمر:تفكرت علي ع طول اكيد وصلو لي شي انشاءالله خير بس
ابتهال:قتلك تعالي قمر في شنو تفكري؟
قمر:بلعت ريقها….اءءء لالا هاني جيت
ابتهال:حطت الصحون قدام قمر…تفضلي حبيبتي!
قمر:🙂….شكرا حبيبتي!
عائشه:امير لن طلع وهوا يوصي عليك كولي وعبي بطنك بنتي
قمر:بخجل….ربي يحفضه ❤

____________

جي الليل:-

في غرفة التحقيق:-

رانيا:كيف خاشة لابسة جاكة ع الاسود وبوت جلد اسود وملامحها ع الاسود وبارزه بي شخصية قويه….قعمزت قدامه ورفعت راسها فوق
ايمن:بي وجه شاحب لونه اسود….قالو انك انتي طالبتني
رانيا:ضحكت بهزوه حتا في السجن عندك واسطه
ايمن:بي استغراب شن المعنى؟
رانيا:المعنى واضح سيد ايمن
ايمن:تقدري تفهميني انتي ليش جايبتني هنايا؟
رانيا:طلعت الأوراق….طول بالك مازال قضيتنا او قصتنا طويله
ايمن:يبلع في ريقها وكأنه حاس خلاص وقع ف الفخ
رانيا:خلينا نتعرفو ع بعض قبل شن رايك
ايمن:بصوت يرجف….تمام
رانيا:انا رانيا عادل عياد
ايمن:😨😨😨
رانيا:نزلت راسها تشوف الملفات …ماشاءالله شخص مشهور ومعروف تخيل اول مره نمسك قضية يكونو ملفاتها هلبا هكي
ايمن:شش شن تبي مني انتي؟ انتي مستحيل تكوني رانيا بنت عمي
رانيا:ههه….خلينا نبدو بي قضية الاغتصاب الاوله الي حدثت قبل 15 سنة او اكتر
ايمن:😨😨

___________

مرام:درست سيارتها …ونزلت وتشوف للحوش كأنه مضلم….وصلت قدام الباب وفتحت الباب وخشت والحوش كله بلاك ….طاحت منها الشنطه وبدت ترجف مع بعضها وتنادي منذر منذذذذر جووولياااا لوووجين منذر وينكم 💔

___________

قمر:تستنا في امير ع نار🔥🔥🔥 ….لأنه من كلامه الصبح وتصرفاته حست انه امير يجري وراء شي وخايفه بتمووت عليه لن تسمع في صوت دوشه محبتش تطلع تشوف؟؟

امير:ماسك شخص وموجه عليه السلاح احكي شن ادير هنايا ومن باعتك؟
الشخص:يتنهد بخووف…..قق قمررر……يتبع💔

من الحلقه الجايه ح تقوا الاحداث ونحددو مصيرهم ونعرفو نهاية كل حد فيهم حلقتين او 3 حلقات تفصلنا ع الاخيره 🔥

اترك رد

زر الذهاب إلى الأعلى