رحم من النار الفصل السادس | القلم الناجح
روايات ليبيه كاملة

رحم من النار الفصل السادس

جميع حقوق الطبع والنشر محفوظه

رحم من النار الفصل السادس

رانيا:بعد ماكملت مع سمير….جي الوقت الي ناخد فيه حق عادل عياد وبناته……خدت الملف وبدت تتفرج عليه ووقعت ع كل الاوراق وهيا معتبره هادي اكبر قضية بين يداها🤷‍♀️

قمر:تنهدت بصدمه….من باعت الضرف هدا مستحيل يكون الضرف من الميتم وبدت ترجف مع بعضها مش خوف ومش حزن ترجف من الفرحه من الشي الي فقدت الأمل توصل فيه …طلعت تجرري في ممر المصحه وهيا مصدومه ومش مصدقه الي قعد يصير لن اصطادمت مع شخص….وطاح منها الضرف ….وقفت من الصدمه وبدت تقيم في عيونها تبي تعرفه مني…..تنهدت….ووقفت تشوفله مصدومه
امير:في شي صاير؟
قمر:بلعت ريقها بتردد …..قامت الورقه ….ونست روحها….شووف وصلني الضرف هدا اليوم
امير:مش فاهم شي….ورقة شنو؟
قمر:بصوت مرتبك….شوف اقرا خواتي عايشين للحضه هادي واكيد يدورو عليا
امير:هدا اسمك مكتوب في الورقه؟
قمر:اي اسمي الحقيقي وخواتي احتمال كبير يكونو في نفس منطقتي عايشين
أمير:هه انا مش فاهم شي ممكن تشرحيلي وخواتك وين هما اصلا لو مش عايشين معاك
قمر:رجعت بيها الذاكره….اءءء
امير:انتي تعبانه قمر او فيك شي؟
قمر:خدت الورقه من بين يدين امير….وهيا تشوف لعيونه…..وانتا شنو خصك فيا؟
امير:بصدمه….كييف؟
قمر:بي توتر ….. اطلع من المصحه قبل م حد يشوفك معايه وكيف جاية بتتلفت
امير:وقفي قمر فهميني شن صاير معاك؟
قمر:تفكرت كلام علي الي نزل علاها زي السم…..لا ومعاش ترجع للمصحه تاني لأنه الخطر بدا عليا اكتر منك….وخدت بعضها وطلعت!
امير:من غير لكلام الاول الي سمعه من قمر وهوا مش فاهم شي زادت لخبطاته بالكلام الجديد الي نزل عليه زي الصاعقة …..لف ورجع وهوا في باله الف سؤال من غير الموضوع الي كان جاي ع خاطره؟؟
قمر:خشت لغرفتها وهيا تشوف لضرف ومش قادره مصدقه من الفرحه

_________________

معاد:مقعمز في الصاله ويشوف لمرام كيف خاشة تضحك زي المجنونه….خيرك؟
مرام:نست روحها ….وقربت من معاد حضناته بقووه…..لقيت خواتي ي معاد
معاد:مش قادر حاضنها…..الف مبروك لكن كيف؟
مرام:نزلت يداها من عليه……وتحكي والضحكه مرسومه ع وجها…..ش شوف الضرف
معاد:ماسك الضرف ويقرا في الاسم….فهميني شن في هدا اسمك؟
مرام:اي اسمي الثلاثي
معاد:باهي لو كانو خواتك ليش يبعتو في ضرف زي هدا ليش مجوش هما ع طول
مرام:كييف؟
معاد:يعني مش حاطين عنوان ولا شي ليهم ولو هما فعلا خواتك الي تحكي عليهم كانو هما جو بنفسهم ليش يبعتو في رموز زا هكي
مرام:اءءء اي صح بس من الي باعت الضرف هدا؟
معاد:عندك اعداء من قبل؟
مرام:اذكرت بشاعة عمها واقاربها…..اي هلبا
معاد:خلاص متحطيش شي في بالك ممكن يكون شي انني مش متوقعاته
مرام:كأنه فقدت الامل واختفت الضحكه
معاد:متزعليش صدقيني لو في شي حايبان الايام هادي
مرام:شافتله بنضرة هل في أمل؟
معاد:الي باعت الضرف هدا اكيد يعرف خواتك وين زي ماعرف مكانك وزي ماوصلك منه ضرف ح يوصلك منه شي تاني بس انتي متتصرفيش اي تصرف قبل ماتشوفي شي واضح
مرام:تنفست براحه….ريحتني ….أكيد زا ماقلت وطمني الضرف لأنه اكيد ح يجي اليوم الي نشوفهم فيه
معاد:طبطب ع كتافه….خلي املك في ربي كبير وخليك تستني شي تاني منهم
مرام:ابتسمت….فرحتني والله
معاد:ابتسم ابتسامه خفيفه…..متفقديش الأمل وتوا اركبي غير حوايجك ولصغار لانه شوفيهم من بكري وهما يتفرجو عليك😂
مرام:اءء اي شكرا ع كلامك ….انا نغير لصغار وننزل نحط لغذاء
معاد:اوك براحتك
مرام:خدت الصغار وركبت فوق!
معاد:واخيرا شفتها ضعيفه هكي معقوله حبها لخواتها يخليها تتصرف اي تصرف ؟ ربي يحفضك

___________

قمر:ماسكة الضرف وتبكي ياريت حطو عنوان بس ياريت
مروة:قمر ماتاخديش ع كلامي انا قتلك بس وفهمتك باش تاخدي احتياطك لانه بالعقل لو هادي وحده من خواتك كانت توا معاك بس الباين الضرف هدا وراه سر
قمر:🥺….لكن من الي يبي يلعب بي اعصابي مافيش حد عنده علم انه نا نسأل في الميتم عليهم وشنو بيستفيد الي بيتصرف معاي هكي؟
مروة:اء ممكن هكي بس الي باعت الضرف هدا مش ح يوقف أكيد عنده شي يبي يوصله وح يزيد يتواصل معاك
قمر:كيف يعني؟
مروة:الضرف هدا واصل من شخص يعرفك ويعرف خواتك وين ومش ح يوقف لن يبعتلك اي دليل تاني
قمر:اففففف الضرف هدا شككني في نفسي معقوله باعت ضرف بدون مايحط عنوان عليه
مروة:به شوفي عنوان المكتب مرات يكون مكتوب ع الورقه
قمر:اهاا اي لحضه….وهيا تقرا بعيونها …اي اي هدا رقم البريد بس
مروة:بس شنو ؟
قمر:البريد مش ح يعطينا معلومات عليه وهدا قوانين شغلهم
مروة:اعطيني الرقم حانحاول نشوف طريقة الليلة
قمر:خودي سجليه
مروة:سجلت الرقم….اوك خلي بينا مكالمه
قمر:مروة
مروة:انعم
قمر:جي امير الصبح
مروة:شن قال؟
قمر:معاش نذكر بزبط ….اءءء اي الي فهمته انه جاي بيحكي معاي في موضوع
مروة:حكيتو وله شن صار؟
قمر:لالا مقدرتش انا لزيته خفت علي يشوفه او شي
مروة:احسن مادرتي انتي مش ناقصك
قمر:تمسح في دموعها الباقيات….اي المهم متنسيش تتصلي بيا
مروة:اي اي ح نكلم ولد خالتي وهوا ح يساعدني
قمر:اوك ….بسلامه!

_________

رانيا:بعد ماكملت الملف بخصوص قضية رأفت سمير وكملت الإجراءات كلها وتحملت مسؤولية القضية متعه وكأنه ح تكون أكتر قضية ح تخدمها صح لأنه ح تاخد حقوق هلبا ناس من خلالها …..حطت الملفات في الشنطه متعها وهيا مش ناسية اتصال وديع بس الشي الي مخليها متحمله هوا زيارة رانيا لي رأفت غدوهه الي تستنا فيها باش تكتشف حقائق حوش رمزي وشن علاقة رأفت بيهم؟🤷‍♀️

رانيا:كملت امورها مع سمير……جي الوقت الي ناخد فيه حق عادل عياد وبناته…
مرام:

___________

مرام:توكل في الصغار ..هيا جوليا كولي بسرعه وراك قرايا
منذر:انا نبي مشروب منبيش عصير
مرام:ممنوع انتا قعد صغير
منذر:🥺🥺
معاد:خليه يشرب لو خاطره فيه
مرام:لاااا ممنوع مستحيل منبيش يتعود عليه ونحصل فيه
معاد:خلاص حبيبي مش لازم تشرب …شن رايك تطلع معاي في ليل
مرام:لاااا
معاد:😨
مرام:مافيش حد من الصغار يطلع اسفه
معاد:لا مش ع رايك منذر مش صغير ونا ح نطلعه معاي ساعتين ونرجعو
مرام:الصغار انا متحمله مسؤوليتهم
معاد:متنسيش انه منذر ولد خالي وعندي حق نرفعه وين مانبي؟
مرام:كأنك بديت تتطاول
معاد:م يروحش فكرك لبعيد عادي حبيت نطلعه معاي مش اكتر
مرام:تت تمااام …جوليا لوجين شن حابين نطيبلكم لعشاء اليوم؟
لوجين وجوليا:بيتزاااا
منذر:حتى انا مش طالع نبي بيتزا
مرام:شافت لي معاد بي نضرة مستفزه 
معاد:وهوا يشوف لمرام والصغار الي متعلقين بي مرام وبرغم منعت منذر من المشروب بس مزعلش منها ومنع نفسه من لطلوع علشان البيتزا…..وحتى انا جاي في بالي ناكل بيتزا
مرام:اوك خليك معانا تعشا ….ونزلت من الكرسي خدت صغار للمطبخ
معاد:يشوف لي مرام الي كل تصرفاتها اذوب فيه وكأنه بدت تشغل في تفكيره ….بس مرام عكسه تماااما وتراقب في تصرفاته بي شك ؟🔥🤷‍♀️

_____________

في مكان ثاني :-

مرح:مقعمزه ع طاوله في المطبخ وتقطع في البطاطا
عائشة:جبدت الكرسي وقعمزت جنب مرح ….شنو متصلش امير لتوا
مرح:مش عارفه ي عمتي خيره كل مايكلمني دقايق ويسكر
عائشة:الله غالب ولاد لحرام خربو عليه وانتي تحمليه مرات يلقا حل وتسافري انتي وياه
مرح:لالا اكتر من هكي معاش نتحمل لانه فكرت بنطلق
عائشة:اللطف شن جاك ؟ بتخربي حوشك بيدك؟
مرح:نزلت من الكرسي وهيا ماسكة سفرة البطاطا ….عادي قعدا صغيره نطلق ويتزوجني غيره
عائشة:لا عيب الي تقولي فيه
مرح:خلااااص سكري فمك الي فيه انا مافيه حد متزوجه غير بالأسم قداش بنصبر ونتحمل عليه وهوا قريب يسكر سنة ع الحاله هادي
عائشة:لا حول الله ربي يهديك ي بنتي وطلعت
مرح:😏😏….رجعت قعمزت ع طاوله….وطلعت تلفونها تتراسل وعاجبها الي قعد يصير !
ابتهال:مرررح
مرح:واطي صوتك….شن تبي؟
ابتهال:امير برا يبيك
مرح:بي ارتباك…..طفت التلفون وطلعت

_________

قمر:مقعمزه ع الكنبة وهيا سرحانة وتفكر في الضرف….امتا بترد عليا مروه ؟ زعما غدوه لو مشيت المصحه نلقا ضرف تاني موجود فيه عنوانهم ؟ تنفست براحه وناضت وقفت قدام لمرايا تمشط في شعرها اول م شافت لوجها في لمرايا اذكرت أمير ….وامير شن يبي مني؟ ياريت سمعت منه ممكن هكي مش ح يرجع للمصحه تاني اذكرت شوية من تفاصيله مسكين حتى هوا اشبح شنو قصته ؟ باعدت الافكار وحاولت تهدا وطلعت بتتعشا مع امها لوطا

____________

ترن ترن ترن:-

رانيا:نزلت من سريرها….ألو
وديع:اهلين
رانيا:شن صار من الأخر؟
وديع:اليوم كامل في الميتم وطلعو السجلات كلها اسماء خواتك حاطينهم مع اسماء بنات تانية عطونا تقريبا 5بنات مشكوك فيهم اخواتك ووصلنا اضراف للكل واي وحده منهم حاتقرا اسمها ح تتواصل مع البريد
رانيا:ولو مجابتش نتيجه؟ انتا ليش متردد اعطيني عناوينهم ونا نقدر نبحث عليهم
وديع:لا خواتك مش معروفين عند عائلة من ممكن هكي يسبب خطر ع خواتك لأنه خواتك حاليا ممكن يكونو خدم
رانيا:ولعت نار في قلبها….به كم يوم وتوصل فيهم؟
وديع:لو تأخرو حانبعتو ضرف تاني ليهم
رانيا:اوكى نستنا منك في رد
وديع:تماام
رانيا:سكرت الخط وحطت الفون ع البوفي…..حطت يداها ع راسها وهيا تفكر بقلق ….افففف ي خواتي زعما شن صاير فيكم؟💔

___________

مرام:واقفه في الباب تحكي مع عمر ….هادي الأوراق كلها الموجوده في الخزنه
عمر:شافلها بغرور….تمام مرام يومين وكل شي يكون عندك بضمانة
مرام:ابتسمت….اوك شكرا واسفه لو تعبتك معاي
عمر:لا بالعكس تعبك راحه
مرام:مشكور
عمر:نستأذنك ونتمنا محدش يسمع لن نكمل الأوراق
مرام:أكيد بدون ماتوصي!
عمر:اوك سلام
مرام:سلام….سكرت الباب…..وكيف خاشة
معاد:نازل من فوق ….كملتي؟
مرام:بصوت مرتبك…..اي كملنا
معاد:ضحك ع جنب….كويس
مرام:اول ماقامت عيونها فيه رجعت شافت لصدرها الي كان باين
معاد:بادل نضراته للباب…..لو تركزي ع لبسك قدام الضيوف زا مامركزه ع الشركه
مرام:لوت شفايفها….وهيا تساوي في تيشرت متعها….اءء بتتعشا معانا؟
معاد:جاوبها وهوا نازل اي…..محلا فيتك وانتي دايره الحوله ع غلطاتك🤤
مرام:شافت وراها…..مقدرتش للحضه هادي نشد عليك عيب معقوله هدا كله تمثيل 😏….وركبت!

جي الليل:-

ترن ترن:-
قمر:الو
مروة:اهلا وين لتوا ليا ساعه نتصل بيك
قمر:كنت مع ماما الحقير علي حدد موعد العرس
مروة:وااااو ميبيش يضيع اي فرصه كل شي في وقته
قمر:مروة🥺…..مستحيل نتحمل نعيش معاه ولا دقيقة
مروة:ي روحي كيف بديري به لو هوا ماسك عليك شي زا هدا
قمر:مش فاهمه شي وربي نموت ولا نكون مرته قرفانه من كل شي فيه خاصة بعد ماطلع واطي…
مروة:به شوفي امير ممكن يقدر يساعدك في شي
قمر:شن فكرك فيه وامير بعدين مطارد غير يخلص روحه باش يساعدني؟
مروة:به متوتريش روحك انتي ضروري تلقي طريقة باش نوصلو للمقاطع ونحدفوهم وتحدفي الحقير من حياتك
قمر:كيف ؟ فكري معاي انا مستعده ندير اي شي المهم نتخلص منه
مروة:تمام قلبي المهم تواصلت مع البريد
قمر:اي وشن قالو طمنيني؟
مروة:قالي ح نتواصل مع صاحب الضرف قبل لو هوا حاب يتواصل معاكم ح نتصل بيك ونخبرك
قمر:اهااا وامتا ح يرد عليك؟
مروة:اكيد الاسبوع هدا ونا ح نتصل بيه كل يوم ونسأله
قمر:اوك حبيبتي تعبتك معاي
مروة:ولا يهمك انتي ردي بالك من نفسك وغدوه نحكو في المصحه
قمر:اوك….تصبحي ع خير
مروة:وانتي من اهل الخير 

___________

ع تلفون:-
مرام:اوك حبيبتي نتمنا متتأخريش عليا
موضفة(البريد):تمام بإذن الله لو الشخص وافق يشوفك ح نتصل بيك ونخبرك
مرام:ياريت وشكرا حبيبتي
موضفة(البريد):العفو هادي خدمتنا
مرام:تمام ….وتسكر الخط💔….نزلت من سريرها طلعت فوطة الدوش وحوايجها ونزلت للحمام

معاد:يتفرج ع تلفزيون وسرحان في هلبا اشياء ….قاطع سرحانه صوت باب الحمام
مرام:خشت للحمام ….وفتحت الدوش
معاد:طفا التلفزيون …..وهوا راكب الدروج شااف سنتيان مرام ….مسك ضحكته ومسكه ونزل…..يطق ع باب الحمام
مرام:وقفت الصنوبرة….وسمعت الصوت…مني؟
معاد:علق السنتيان في يد الباب وركب
مرام:لفت روحها بالفوطه….وطلعت شافت يمين ويسار ملقتش حد لن جت عيونها ع المقبض….😨😰….كيف طاح مني مشفتاش افففف🤦‍♀️….خداته وخشت تكمل في دوشها😂

___________

رانيا:ليل كله وهياتجهز في اهم اسئله باش توصل لكل شي تبيه وتكون الادله واضحه تأخرت هلبا باش رقدت كملت الاسئله وتستنا في الصبح بفارغ الصبر باش توصل لي الشي بدون ماترحم حد منهم🔥
__________

قمر:تبي تتخلص من خطيبها بأي طريقه بس في شس امبرد اعصابها هوا الامل في شوفت اخواتها……بس قمر خايفة ومتوتره من ناحية خطيبها🔥💔

______________

مرام:برغم التصرفات الهاديه من معاد قعدا خايفة. وشاكه في جاية معاد وبدتت تراقب في كل شيي يخصه لانه تبي تطمن من ناحيته……وبعيدا ع معاد تفكر في الضرف الي عباره ع مجرد ورقة بس عطاها امل كبير🔥

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-

قمر:سروال سحابي لاصق ع جسمها وبلوزه خفيفة لونها وردي راده ع وجها وشعرها واضح مبلول وكيف مدوشه ….مقعمزة في غرفتها تستنا في قائمة المرضا تع اليوم …
مروة:خاشة ووجها ملخبط…ص صباح الخير
قمر:صباح النور خيرك خاشة مفجوعه
مروة:تاخد في نفس ….اءء لالا بس انتي طمنيني شنو وضعك توا؟
قمر:اهو ع شوفتك نستنا في القائمة اليوم عندي خدمه للمغرب
مروة:اي ربي يعاونك …فتحت شعرها وتقيم فيه فوق…حتا البريد لتوا مردش عليا
قمر:به منوصيكش انا بنوض توا وانتي اتصلي بيهم شوفي شنو صار
مروة:حاضر …قمر تعطيني تلفونك شوية
قمر:المناسبة؟
مروة:نسيت فوني في الحوش
قمر:به شوفي شغلك بيه وجيبهولي للغرفة
مروة:اءءء…..اي حااضر
قمر:خودي…وطلعت!

_________

مرام:تقري في صغار وبالها في الموضفه الي بتتصل بها
معاد:قعمز جنبهم….كأنه الجو سخون
مرام:مقدرتش تحط عيونها في عيونه…نسحبت وخشت للمطبخ
معاد:ناض لحقها ع المطبخ…..مش جاي المحامي اليوم؟
مرام:بدون ماتشوفله…….وليش تسأل؟
معاد:جي من وراها وكان قريب منها……كأنك بديتي تسرقي فيا
مرام:بلعت ريقها بخوف….وشافتله
معاد:وهوا يشوف لعيونها….شاكه فيا لدرجة تخشي تفتشي في غرفتي بعد مانطلع…وزاد قرب منها
مرام:قلبها يدق………اءءءء
معاد:حط يديه ع رقبتها وبدون اي ردت فعل من مرام قدر يلبسلها السلسله ….امس ؟؟؟؟واليوم سلسله اهتمي بي حاجاتك الثمينه
مرام:😨😨
معاد:فتح الثلاجه خدا منها مشروب وطلع
مرام:🤦‍♀️….حقييير فضحنني😨

_____________

رانيا:بكامل فخامتها وقوة شخصيتها وجمالها …خشت لغرفة التحقيق….السلام
رأفت:عليكم السلام
رانيا:شن الوضع
رأفت:كانت لحيته طويله شوية وواضحه البرائه في عيونها…الحمدالله
رانيا:شوف رأفت
رأفت:انعم
رانيا:انتا اكيد ربي يحبك هلبا
رأفت:الحمدالله
رانيا:ح نجيك من الأخير ….انا عارفة انك بريئ ونضيف ومضلوم بس شوف الورقه هادي فيها مجموعة اسئله نبيك تجاوب عليها باش ناخدلك حقك
رأفت:تنهد…كيف وشنو الي خلاك واثقه
رانيا:هه تقدر تقول سر المهنة …المهم رأفت خلينا نبدو باش نتشاورو مع بعض
رأفت:اوك براحتك

__________

جت ساعه 7:-

قمر:كيف واصله للحوش ومرهقة ….خشت ع طول الدوش خدت دوش سخون …وطلعت
ترن ترن
قمر:الوو
علي:انا برا نستنا فيك
قمر:كيف؟ ع خير انشاءالله
علي:انتي خطيبتي ونا مستاحشك نبي نشوفك
قمر:انا تعبانه خليها غدوه
علي:قتلك نبيك توا تطلعي دقايق ونوصل عندك
قمر:ضروري يعني؟
علي:اي ارن عليك اطلعي
قمر:بقلة صبر ….تمام …وردت ع مروة في الانتضار …بصوت تاعب …ايوا
مروة:خيرا صوتك حبيبتي؟
قمر:نهارت من لبكاء ….الحقير يبيني نطلع توا
مروة:كييف ووين؟
قمر:قالي اول مارن عليك اطلعي مش عارفه ع شنو ناوي
مروة:ردي بالك تركبي معاه بس
قمر:تمام وانتي ليش تصلتي شن صار فيك
مروة:لا بس حبيت نطمن عليك
قمر:تمسح في دموعها….سلمك ي روحي
مروة:سكرت الخط فجاءه
قمر:الو الو ….شكله فصل الخط….حطت تلفونها ع طاوله ونزلت

__________

رانيا:شربت المياه…شن علاقتك بها رنيم؟
رأفت:كانت مجرد صديقة بس واليوم الي قتلي انها تعبانه وتبي تشوفني قتلها انا في المزرعه ومنقدرش نشوفك قتلي انه ح تطلع ادور دورة بي سياره
رانيا:محكتلكش ليش هيا تعبانه او شنو الي صاير معاها
رأفت:لا بس كانت اوقات تحكيلي ع ولد عمها ايمن انه مش تمام معاها
رانيا:بحركة غريبة وقفت ع الكتابه حطت البيرو في الشنطه
رأفت:في شي ؟
رانيا:بصوت يرجف….لالا ولا شي غدوه نكملو تحقيق وبإذن الله الاسبوع الجاي ح يكون فيه محكمه
رأفت:تمام براحتك…وشكرا
رانيا:العفو ….خدت بعضها وطلعت!

رانيا:كانت اكتر وحده بين خواتها مأثر علاها الماضي لانه اكبر زحده في خواتها وهيا الوحيد الي تذكر في تفاصيل حياتهم ومتأثره بالماضي هلبا💔
_____________

قمر:وهيا نازله وع اعصابها ومش عارفه شن الاحساس الي تحس بيه وهيا ادير في شي مغصوبه عليه …..وقفت قدام الباب وهيا تشوف في سيارة علي واقفه ….كانت تمشي وتلعن فيه….ياااارب امتا بنلقا الحل الي يخليني نرتاح من وجه…فتحت باب السياره وركبت….واول ماجت عيونها عليه…..تنهدت بصدمه ….انتا؟ 😮

في الوقت هدا بزبط جي اتصال من البريد لي مروة ومرام …يتبع❤

اترك رد

زر الذهاب إلى الأعلى