رحم من النار الفصل العاشر | القلم الناجح
روايات ليبيه كاملة

رحم من النار الفصل العاشر

جميع حقوق الطبع والنشر محفوظه

10

مرام:ماشيه راجعه في الممر تستنا في الدكتور
معاد:مرام مرام شن في؟
مرام:ليش لاحقني وخليت صغار وسارة براحهم
معاد:غير طمنيني ع جوليا خيرها
مرام:حضنت معاد بقووة …..خااايفه يطلع شي خطير مستحيل نتحمل معاد
معاد:طبطب علاها….بإذن الله مش ح يكون شي خطير خليك هاديه وادعيلها
مرام:مستحيل نسامح روحي
معاد:مرام انتي ماذنبك شي هدا مكتوب من ربي
مرام:تمسح ف دموعها ….قلبي مش مطمني💔
الدكتور:فتح الباب….لو سمحت انتم اهل جوليا
مرام:ايي دكتور طمني💔
الدكتور:منبيش نخوفكم علاها هلبا لكن عندها تكيس في الكبد كأنه بداية ورم
مرام:شهقت بصوت عالي
معاد:حط يده ع كتف مرام…اهدي مرام
الدكتور:انا فهمت الممرضه كل شي بخصوص حالة جوليا ونتمنا انكم تسعفوها لانه في بداية المرض وفي امل انها تتعالج
مرام:م م متأكد دكتور ونزلو دموعها مكانش فها شي فجاءه اغمى عليها
الدكتور:اي لأنه طفله متحملتش والشي هدا يعتبر لصالحها وساعدنا ع اكتشاف المرض وبما أنه حتى مش اول حاله تمر عليا زيها
معاد:شنو تنصحنا دكتور؟ يعني مافيش علاج ليبيا وله كيف
الدكتور:ضروري ترفعها لي اخصائي يفهم المرض ويعالجها ممكن متحتاجش عمليه
معاد:تمام دكتور شكرا
الدكتور:العفو تقدرو تخشو للمرضه تعطيكم التقرير
مرام:سحبت روحها من جنبهم وقعمزت ع الكرسي
معاد:عيونه ع مرام….تمام دكتور ان شاء الله
الدكتور:وحمد الله ع سلامتها وبإذن الله وتعالج
معاد:إن شاء الله
الدكتور:نستأذنكم…وخدا بعضه وطلع!
معاد:مرام
مرام:تمسح ف دموعها…مش قادره مستوعبه شي من الي قاله الدكتور
معاد:متكونيش ضعيفه جوليا معندهاش حد غيرك انتي وربي ضروري تكوني قويه باش تخليها ترجع صحتها
مرام:نهارت من لبكي حليلي ع النار الي فيا
معاد:مرام منعرفكش هكي انا نعرفك قويه وتحبي الصغار
مرام:بنبرة لبكاء….مش قادره غصبا عني😭
معاد:طبطب علاها…توا الي صار صار هدا واقع قدامك فكري كيف بتتجاوزيه
مرام:جوليا صغيرونه كيف ح تتحمل العلاج علاش ي ربي 💔
معاد:انتي ضروري توقفي ع رجليك الأمانه الي محافظه علاها توا مصيرها بين يديك الضعف مش ح يجيب نتيجه توا وقت الي بتبيني حبك ليهم
مرام:حطت عيونها في عيون معاد….وتراجع في كلامه
معاد:جوليا في بداية المرض وفيه امل كبير ترجع احسن من قبل بس لو ح تقعدي هكي حاتخسراها
مرام:لاااااا لالا لا مستحيل نتحمل من غدوه ح نشوف دكتور اخصائي زا م قال الدكتور وراح تتعالج وترجع صحتها
معاد:ابتسم…ايواه ضروري تفكري كويس وتخلي املك بي ربي كبير الضعف مش ح ينفع
مرام:في لحضة ضعف حضنت معاد وهيا تبكي ربي بعتك ليا والله مش عارفه لولاك شن كان صار فيا شكرا هلبا معاد هادي المره التانيه الي حتجتك فها 😭
معاد:انا جنبك ومش راح نبعد عليك
مرام:حست بروحها تباعدت اءءء انا اسفه منحبهاش
معاد:ميبيش يحرجها…اكيد الممرضه كملت خلينا نشوفها
مرام:ايي اي هيا
معاد:ردي بالك تبكي قدام جوليا وتخليها تحس بي شي
مرام:قامت عيونها فوق وهيا تاخد في نفس….لا معاد:تمام هي خلينا نطمنو علاها….ودخلو مع بعض

_________________

قمر:كيف وصلت لي عنوان شارع الي وصلها ف رساله….وقفت سيارتها وعيونها ع بداية الشارع تستنا في حدمنهم لن جت عيونها ع سيارة عالية واضح متع عصابات وقفت جنب سيارتها ونزل منها شخص
قمر:ترجف مع بعضها وتذكر في القرأن خايفه يصير شي ويغدرو بها لن شافت منزلين امير معاهم ع طول فتحت باب السياره وهيا ماسكة الشنطه
الشخص:جبتي المبلغ المطلوب؟
قمر:اءءء اي
الشخص:فك امير المره هادي تنبيه من جديد مش ح يصير خير
امير:اعلا م في خيرك اركبه
الشخص:هجم ع امير وضربه فااكو
قمر:بصوت بكاها ووقف وقف متضرباش امير:كان الدم نازل من خشمه خليك بعيده قمر هدا الي قدامك بايع رجوليته وصرف حقها وحتى فلس
الشخص:هاتي الشنطه وح نفوتهاله المره هادي ع خاطرك بس
قمر:بصوت يرعش….مسكت امير من يده هيا خلينا نمشو
امير:يمسح في الدم الي نازل منه علاش جايه
قمر:غير اركب السياره وبعدين نتفاهمو
امير:مكانش متوازن لانه مش قادر واقف ع رجليه قمر:فتحت الباب وركباته وركبت هيا ….نرفعك للمصحه ضروري خشمك موقفش نزيف
امير:يغلي من الداخل وبدا يضرب في مرش السيارة بقوووه قمر:وقف امير شن ادير احمد ربك انهم سيبوك بدون م يقتلوك
امير:مش قادر حاط عيونه في عيون قمر لأنه حطوه في موقف بايخ هلبا وهانوه ومش متحمل الي صار معاه قمر:مصدومة في حالة امير لانه واضح مغلول ومش ح يسكت ع الي داروه فيه…كيف خطفوك هما وشن في بينك وبينهم؟
امير:بيعه وربي ح نخليهم يندمو الكل
قمر:لا حبي ع خاطري انساهم شوف المره هادي كيف دارولك يعني مره تانيه مش ح يخلوك عايش
امير:وقففففي وقفي السياره
قمر:وقفتها خيرك امير شن فيك؟
امير:فتح باب السياره وجهك للحوش طول لن نتصل بيك انا
قمر:به خليك انا ح نوصلك
امير:لااااا ديري زا ماقتلك ومتطلعيش لن تتصلي بيا قمر:بعيون يدمعو علاش هدا كله فهمني انتا هكي تعذب فيا معاك
امير:شافلها شوفه غريبه ونزل نفذي كلامي وارجعي للحوش طول
قمر:ابتسمت بكسرة خاطر….حاضر لكن طمني عليك لما توصل
امير:هز براسه وسكر الباب
قمر:قعدت تتفرج عليه وهوا زا الضايع في الشارع مقدرتش توقف بكاء نهائيا لن وصلت لحوشها💔

__________

امير:مش مضايق انه شدوه وانه ضربوه لأنه حتا وهما يعذبو فيه مكانش خايف منهم وواجهم لكن كسروه بي شي واحد لما نصبو ع صاحبته وحبيبته الي شايفها كل شي ودفعت باش اطلعه مووقف باااايخ هلبااااا ومرضاشي في حق نفسه اضايق هلبا هدا لاش قرر يبعد علاها في الوقت هدا ومش ح يرتاح لن يدير الي ف راسه حسسها رزينه هلبا 💔

قمر:مضايقه ع حالة امير هلبااا وهيا عارفه انه قصة امير وراها سر بس محبتش اضايقه بالاسئله💔
___________

رانيا:تفتح في عيونها ببطئ لن حست بيداها مربطينهم شافت وديع قدامها رجعتلها الذاكره واذكرت اخر شي صار معاها
وديع:صباح الخير
رانيا:قلبت عيونها وشافت لجهة التانيه
وديع:ان شاء الله منكونش ازعجتك انتي صممتي نعاملك بطريقة هادي
رانيا:ونا نحب نطمنك حتى لو خديت مني الملفات مش ح نخليك تاخد راحتك
وديع:انتي توا بين يديا ونا ح نحدد مصيرك وفهمك كفاية رانيا:هه شن المطلوب مني بزبط؟
وديع:انتي عارفه انا شن نبي تصرفي باش تطلعي من هني في اسرع وقت
رانيا:حقيييير
وديع:بسرعه قولي وين مكان الشنطه ؟
رانيا:لا امي مريضه وح تتعب لو انتم خشيتو للحوش في الوقت هدا
وديع:هههه وراء القوه هادي كلها فيه قلب يحن
رانيا:الي يتعامل بضميره اكيد عنده قلب وحنين هلباااا وديع: جي من وراها وفكلها يداها ….تفضلي هدا التلفون واتصرفي
رانيا:خدت التلفون وبعتت مسج للخادمه انه بايته برا الحوش وانه ضروري الصبح تاخد الشنطه الخاصة بالملفات وتحطها في مكتب رانيا الي ف المركز
وديع:سحب منها التلفون وقرا الرساله حلو نعتذر منك اليوم انه ح تقعدي عندنا لن نستلمو الشنطه وخدا بعضه وطلع!

رانيا:مكانتش تبي توضح ضعفها قدامه نهائيا بس هيا عارفه انه كل ضالم وليه نهاية💔

_______________

مرام:نزلت من السياره وهيا ماسكة جوليا في حضنها لن خشت للحوش
سارة:شن صار معاكم ليش تأخرتو؟
مرام:بعيون يدمعو شافت لي معاد ومقدرتش توضح لي ساره شي ركبت فوق لدار الصغار💔
سارة:شن في معاد خوفتوني؟
معاد:لوجين ومنذر وينهم؟
سارة:رقدو بس فهمني جوليا خيرها
معاد:عندها اكياس في الكبد بداية تورم
سارة:تنهدت ي ناري مستحيل
معاد:متحكيش شي لي مرام وتخوفيها خليك جنبها وطمنها سارة:اءء اي اكيد ح نكون جنبها ي ناري ربي يصبرها هيا متعلقه بي صغار هلبا
معاد:انا ح نشوف حل ونسأل ع اخصائي كويس
سارة:اي شوف بإذن الله تتعالج لانه في مرحله البداية معاد:إن شاء الله غير خليك مع مرام توا لانها مضايقه
سارة:حاضر خليني نشوفها انتا تبي عشاء؟
معاد:لالا تعشيت برا
سارة:تمام.وخدت بعضها وركبت
معاد:قعمز ع الكنبة وهوا مشغول شوية ويفكر في مرام وحالة جوليا وكيف ممكن يساعدها ؟؟؟؟

________

قمر:اول م وصلت للحوش ودموعها مكفوش كانت تبي تقعد جنب امير لأنه جوه مش تمام بس مخلهاش اضايقت هلبا عليه وتبي تفهم شن صاير معاه لأنه مفهمتش كل شي منه كانت متلخبطه وافكارها عشوائيه وعيونها ع تلفون تستنا منه في اتصال ومتبيش تتصل بيه لانه تبيه يرتاح لانه باين انه امير يبي يقعد بروحه فهمت انه هوا نحط في موقف بايخ قدامها هدا ليش تبي تكلمه وطمنه وتفهمه انه هيا وياه شي واحد ومشترك وانه هيا عارفه العصابات هادي هكي شغلها م فكرتش في شي غير انها تريحه قبل م تفهم منه 💔

_____________

فات الليل:-

مرام:طول الليل وهيا جنب جوليا مقدرتش تبعد عليها كله كوم وتفكيرها السلبي كوم تاني كانت النار تاكل فيها من داخل بهدووء تفكر بشكل مخيف لأنه مكانتش متوقعه ح يصير معاها هكي كل شويه تشوف لروشن تستنا في الصبح امتا يصبح باش معاد يرد علاها بخصوص الدكتور لأنه مش قادره تصبر ولا قادره توقف تفكير وهدا حالها لن خداها النوم بدون م تحس😴

_____

قمر:الفون في يدها وهيا تراقب امتا ح يتصل امير او يبعتلها مسج تقاوم في النوم برغم كان شبه غالبها بس مقدرتش ترقد لأنه قلبها ع نار وعقلها مع امير مشغوله عليه هلبا وخايفه يتصرف من راسه لما فقدت الأمل انه يتصل اتصلت بيه ب للأسف عطاها مقفل💔….عذبها التفكير ولن رقدت وهيا تدعي انه ربي يحفظ امير💔 زا م تشوفو الفتره هادي كانت صعبه ع قمر ونجرحت هلبا بس كان ف من يوقف معاها ويسندها وينساها بس الليله هيا بعيده وخايفه ع نفس الشخص الي تعودت تاخد منه القوه مجرد م تشوفه وله تسمع صوته كانت ليله شينة ومليانه حززن وكأنها طوويله💔💔

________

رانيا:كانت ف مكان بعيد ومش مأمن عارفين شعور الشخص لما يخاطر بنفسه ويواجه ناس بدون ضمير ممكن ح تتألم بس مش ح تنصدم من اي شي يديروه طبيعي مش ح يجاها نوم برغم القضية الي كلفتها الليله هادي هيا مجرد قضية مش خاصة بها شخصيا لأنه وصول لخواتها وانه تاخد حقها من حوش عمها هيا اهم شي عندها زعلت ع قضية وديع بس هيا عارفه انه تستنا فها قضية اهم من هادي وضروري تربح فها لأنه لو خسرت مش ح تفكر تتعرف ع خواتها لأنهم ح يكونو في غابة مليانه وحوووش💔 كانت تستنا في الوقت يفوت باش تطلع لأنه كان عندها موعد ومدابيها متخسرش الوقت لأنه تستنا غير امتا تشم ريحة خواتها وهيا عارفه انه م فيش حد يقدر يوصل فيهم ولا يهددهم💔

____________

أمير:كان متلخبط هلبا ومضاااايق هلبااا بس امير مكانش وضعه وحاله زا زمان لانه مكانش حاس بي مسؤولية حتا الموت كان عنده شي عادي لكن من لما خشت قمر ف حياته كان يحسب لكل خطوه حساب برغم السلاح كان شي مدمن عليه وامير حاليا بين الحب والحرب خايف يختار قمر ويزعلها تاني ويحطها في نفس الموقف الي نحطت فيه اليوم ولو ختار انه يبعد علاها مش ح يتحمل فراقها وح يقعد متعذب لانه هوا عارف انه تعلق بي قمر قمر تعلقت بيه ومش متخيل انه قمر م تكونش هيا البنت الي يكمل معاها حياته كل م يفكر يتصل بها يوقف لأنه كان يبي ياخد قرار وح يضحي بي شي غالي عليه وعارف الخيارين ح يكلفوه هلبااا💔

_________

معاد:حاااول هلبا يكدب مشاعره بس كل مره يصير موقف وتثبتله مشاعره انه في حب اتجاه مرام حب كل شي فها كان واثق واخيرا واجه نفسه ممكن الضعف والكسره هما يبينو حقيقة الإنسان ومعاد حس بشعور غريب لما كانت مرام قريبه منه وكمية الفرحه لما شاف الثقه الي في عيون مرام اتجاها كأنه جس روحه السند الوحيد الي مستحيل يستغلها وقرر انه ح يكمل مع مرام لن تطلع من الي هيا فيه لكن امتا ح يعترف بحبه مش معروف؟؟

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-

مرام:بعد م عطت الدواء لي جوليا نزلت ع طول
سارة:رشفت رشفة من القهوه…صباح الخير مرام
مرام:صباح النور…..معاد طلع؟
سارة:اي طلع ليسأل ع دكتور
مرام:تغيرت ملامح وجها…..محستش بروحها لن قعمزت ع الكنبة
سارة:مرام انتي مأمنه بي ربي صح؟
مرام:ونعما بالله 💔
سارة:صدقيني نا حاسه بيك وعارفه انه هدا شي صعب بس مافيش فايده منه لانه المكتوب مافيش منه مهروب وانتي ضروري تكوني قويه باش جوليا تفوت تتحسن
مرام:ربي يسمع منك وترجع زا الأول
سارة:اول م يروح معاد ح يقولك شن صار وبإذن الله خلال أيام بس وترجع زي قبل واحسن
مرام:ربي يسمع منك بس معاد كأنه عطل زعما يحصل اخصائي كويس
سارة:بصراحه لو تسافرو احسن يعني الدول للبرا متحضره اكتر خاصة المانيا يعني حتا لو ليبيا فها علاج مش ح يكون اسرع من للبرا
مرام:قصدك نسافرو برا ؟
سارة:اي شن فهاا انتم مش ح تعطلو اصلا ومستحيل العلاج ح يكون لمدة سنة بجد نصيحه اضمن تعالجوها
مرام:خلي نشوفو شن يصير مع معاد وبعدها نقررو لانه انا معاش نبي نتأخر اكتر من هكي ضروري خلال الأيام هادي تكون جوليا تاخد في العلاج
سارة:اي بإذن الله خودي قهوه حبيبتي اقل شي تصحصحي شويه لانه التعب واضح ف عيونك
مرام:ابتسمت بكسرة خاطر….اهاا اي 💔

____________

ابتهال:ماما ماما
عائشه:ايوا
ابتهال:شفتي امير شن حاط قدام باب الحوش
عائشة:شنو؟
ابتهال:ورقه فيها الحوش للبيع
عائشه:تنهدت اللطف
ابتهال:والله زا م نحكيلك زعما علاش من امس قتلك امير متغير وفي شي صاير معاه
عائشه:متسأليشي انتي توا انا نكلمه ونفهم منه ربي يستر م يكونش داروله عمله ولاد الحرام
ابتهال:مش عارفه وعلاش بيبيع الحوش اصلا احنا وين بنمشو
عائشه:يااارب احفضلي وليدي….قاطع حديثهم صوت الباب

ططقق طقق:-
ابتهال:ناضت….من بيجينا توا … فتحت الباب
قمر:اهلين ابتهال
ابتهال:اهلا قمر نورتينا والله
قمر:ابتسمت…موجود امير
ابتهال:اي قعد في دارع. .غير تفضلي خشي حبيبتي
قمر:لا مافيش داعي بس جيت نبي نطمن ع امير
ابتهال:عادي لو تبيه في شي خشيله
قمر:رجعت شافتت لي لافته.احسن شي نخش لانه احتمال معاش نرجع نشوفه
ابتهال:تفضلي
قمر:شكرا…وخشت
عائشه:اهلين
قمر:سلمت علاها…كيف حالك؟
عائشه:الحمدالله وانتي؟
قمر:الحمدالله
ابتهال:قاطعتهم…خشي لي امير في داره لو تبيه ضروري متتحشميش
قمر:اءءء..ت ت تماام
ابتهال:تمام خودي راحتك
قمر:خدت بعضها وصلت قدام دار امير.طقق طقق
امير:كان يتفرج من الروشن….تفضلي
قمر:فتحت الباب وخشت..امير🥺
امير:تلفتلها شن اديري هني قمر
قمر:مقدرتش نصبر من امس ونا نستنا وانتا مخليني ع نار
امير:قرب منها….كنت بنطلع وبنحكي معاك
قمر:علاش تعامل فيا هكي ليش تغيرت وسحبت روحك مني وناوي وبعدين هنايا وعايش حوشك للبيع نا ف شن اسيا كوبا ع خاطر موضوع امس انا نسيته وانتا ضروري تنساه معقوله انا طلعت عندم شي عادي
امير:قاطعها بصوت اعلا منها….لاااا ومسكها من يدها نبيك تفهمي انه انا نحبببك وغصبا عليا نختار بينك وبين حياتي نبيك تعيشي سعيده حتا لو مش معايه
قمر: 🥺اءءءء كك كيييف فسرلي كلامك شن تقول
امير:دفها ع الحيط وحاصرها بيديه الزوز انا خترتك انتي ولأني خترتك ضروري نسافر لأنه انا شخص مطارد لو قعدت معاك حتا حياتك ح تكون ف خطر
قمر:كيف بتسافر يعني بتستقر برا
امير:اي لو قعدت هنايا ح نقعد نحارب فيهم ي يقتلوني ي نقولهم
قمر:وكيف خترتني انا شن ح يصير فيا
امير:حاط عيونه في عيونها…..ضروري توافقي تتزوجيني ف اقرب وقت
قمر:بصدمه….ههه كيف انا وانتا ح نتزوجو قصدك؟
امير:القرار قعد عندك وانتي حره توافقي تتزوجي شخص مطارد او تخليه يشوف لمصيره
قمر:بساته ع خده اششش حبيبي وحطت يداها الاتنين ع لحيته انا معاك امير ومش ح نقدر نعيش من غيرك
امير:يشوفلها وهوا كأنه يتفصل فها بي حب…..الاسبوع الجاي ضروري نكونو مسافرين لأنه الوضع حساس فوق م تتصور
قمر:تنهدت……حبيبي خلاص انا بنطلع توا وح نتفاهمو ع كل شي في تلفون
امير:تمام قلبي وين ماشية توا
قمر:للمصحه وبعدها للحوش
امير:اوك نا عندي شوية خدمه نكملها ونتصل بيك
قمر:رد بالك من روحك تكلمني مش زا امس
امير:من عيووني ي عيوني
قمر:ابتسمت بي حب….تمااام باي توا
امير:باااي

_____________

مرام:ماسكة الملف وتبكي يعني ضروري نسافرو
معاد:اي حالتها حساسة وكل م نتأخرو كل م يزيد الخطر
مرام:💔💔 ع ألمانيا صح؟
معاد:اي المانيا فيها دكاتره مختصين بي شي هدا
مرام:بتخميم تماام انا موافقه انه نسافرو لو الوضع ح يقعد هكي
معاد:امتا بزبط باش نحجزو في اول طيارة
مرام:احجز ع مصر وبعدها نطلعو لي ألمانيا
معاد:حتا منذر ولوجين بترفعيهم؟
مرام:اكيد الشي هدا نجيبلك جوازاتهم والكتيب ونبيك تحجز في طيارة
معاد:بتسافري معاهم بروحك وانتي مش قريبتهم ممكن تصير مشاكل هكي
مرام:شوف انتا قبل لو ف مشكله ح نشوف حل بعدين
معاد:تمام هاتي الاوراق وخليني نحجزلكم عندي زميلي ح نكلمه يساعدك
مرام:تماام حلو لحضه وننزل
معاد:تمام
مرام:خدت بعضها وركبت
معاد:ع طول تفكر انه مرام بدون محرم مش ح يسمحوله تسافر لكن محبش يضايقه لن يشوف صاحبه ممكن يساعدها
مرام:تفضل هادو اوراقنا كلها مدابيك اتم كل شي اليوم
معاد:حاضر بإذن الله
مرام:شكرا تعبتك معايه
معاد:تعبك راحه ومنبيش نسمعه لكلام هدا مره تانيه
مرام:ابتسمت بزعل اووك متعطلش عليا لانه مدابيا الامور تنتهي بسرعه ونعالجو جوليا قبل فوات الأوان
معاد:حاضر…وناض هي ماتبي شي؟
مرام:سلامتك
معاد:خدا بعضه وطلع
مرام:حطت يداها ع راسها ورجعت تفكر من اول وجديد وزاد خوفها ع جوليا💔💔

___________

وديع:كيف واصل للمركز خش لغرفة رانيا وهوا يفتش بين الاغراض لن جت عيونه ع شنطه الي فها الادله الي ضده كلها خداها وطلع بس كانت في عيون تراقب فيه مش معروف هل لعيون هادي صالح رانيا او لا؟؟🔥

_________

رانيا:نزلت من سيارة عصابة وديع ركبت في سيارتها وهيا ع اعصابها….خسارة القانون بس ياريت فضحته من الايام الاوله هدا ح يكون دين ف رقبتك واي خراب يديره ح يكون ف رقبتي..ياااارب خليه ينكشف ع حقيقته يارب ولعت سيارته واتجهت ع حووشها طوول💔

في الوقت هدا كانت رانيا واصله لحوشها مقعمزه في دارها وتراجع في نفسها مش قادره تشوف لي روحها في المرايا حست بأنه مش قد الامانه لأنه هيا عطلت انه تفضحه وقدام القانون….. ياريت فضحته من الايام الاوله هدا ح يكون دين ف رقبتك واي خراب يديره ح يكون ف رقبتي..ياااارب خليه ينكشف ع حقيقته يارب ولعت سيارته واتجهت ع حووشها طوول💔 بس خلاص هيا عرفت انه مش ح ينفع شي توا حاولت تنسا وتهتم بي قضية ايمن وكيف بتفضح عمامها قدام القانون لأنه لو ايمن طلع من السجن رانيا ح تكون اضعف انسانه 🔥

___________

جت 9 في الليل:-

معاد:فتح الباب وخش
مرام:اها جيت منتبهتش عليك
معاد:لا ولايهمك عارف انك مع جوليا
مرام:اي طمني شن صار معاك؟
معاد:ياريت تكملي وتجي لداري نتفاهمو
مرام:ليش صار شي مش حلو
معاد:مرام كملي وألحقيني والخوف هدا حوليه لانه هكي انتا مش مخليتني ننتبه ع شي غيرك
مرام:كيييف؟
معاد:شن تقول انتا ….لالا في حل واحد بس واكيد ح نلقو حل
مرام:غطت جوليا انا جايه معاك…وناضت
معاد:تمااام وطلعو مع بعض حسن لدار معاد
مرام:هيا طمني معاد شن صار؟
معاد:انا حجزت الطياره بعد بعد 4ايام
مرام:ابتسمت…اي حلو وشن الشي الي مضايقك؟
معاد:حجزت لي روحي معاهم لانه انتي ممنوع انك تطلعي الا في حالة تزوجتي وتطلع انتي وراجل
مرام:تنهدت بصوت عالي….كيف معاد انتا عارف روحك شن تقول؟ نا مستحيل نسيب الصغار نا دقيقه بلاهم منتحملش
معاد:هدا الي صار مافيش حل غير هكي
مرام:بصوت يرعش…لالا معاد انتا اكتر واحد عارف قداش نحبهم ومتعلقه بيهم دبرلي حل معاد وراسك ندفع كم يطلبو بس المهم نمشي معاهم
معاد:مسك يدها مراام خلاص وراسك متكونيش ضعيفه انا عندي حل واحد ومش عارف انتي توافقي او لا؟
مرام:كييف شنهوا الحل احكي
معاد:انك تتزوجيني ونمشو كلنا مع بعض
مرام:سحبت يدها من معاد وهيا مصدومه….كيييف؟
معاد:اي مرام مافيش حل تاني لو بتقعدي تفكري الوقت ح يضيع علينا
مرام:يعني كيف ح يصير بعدين نتزوجو ع اورق وبعدها اطلقني صح
معاد:اءءءءء انتي لو حابه هكي عادي انا قترحت عليك هكي باش نساعدك وتكوني مع جوليا
مرام:ضحكت بخيبة لانه تمنت معاد طلب يدها ع حب في لحضه هادي بتحديد عرفت انه هيا كانت شايفه معاد شي تاني بس بكلامه الاخير فهمت انه كل شي داره معاد ك مساعده مش اكتر..ت تماام موافقه وامتا ح تبدأ في الزواج
معاد:بعد يومين شن رايك
مرام:يعني بدون م حد يعرف بينا لن رجعو ونطلقو
معاد:مسك مرام من يدها وقام عيونه فها….احيانا الانسان م يكونش حاط شي ف راسه او مأجل الشي بس في ضروف تجبره انه يعترف او يتصرف عكس ماهوا مخطط
مرام:مكانتش فاهمه كلامه..شن قصدك بالكلام هدا انتا مش حاب تتزوجني صح وخايف ع نفسك
معاد:انا نحبك مرام
مرام:من الصدمه باعدت ع معاد….وبدون م تنتبه. علاش؟
معاد:منعرفش هكي حبيتك بدون سبب محدد متوقعتش انه ح نعترفلك في ضرف زا هدا تمنيت انك تكوني م أفقه عليا لانك تحبيني مش انك مضطرا
مرام:كانت تبي تقاطعه وتقوله انه هيا وافقت لانه تحبه مش لانه اضطرت بس لكن مقدرتش تصارحه
معاد:صح كلامي مرام صح؟
مرام:كانت سرحانه في كلامه
معاد:اسف اني سألتك السؤال هدا فعلا انتي مش مضطرا تحبيني مش عارف سن صار في فجاءه اسف مرام
مرام:لكلام ع راس لسانها كانت تبي تقوله انه حتا هيا تحبه بس مقدرتش تواجها
معاد:مراام انتي معاي؟
مرام:اءء ايي اي اوك معاد كمل كل شي وانا جاهزه
معاد:بكسرة خاطر…تمام ح نتزوجو وح نديرو حفله بسيطه شن رايك؟
مرام:هزت براسها عااادي براحتك
معاد:لا براحتك انتي حتى لو متبيش نديرو حفله عادي
مرام:يعني حتا سارة مش راح تعلم
معاد:انا نتمنا الناس كلها تعلم بس انتي
مرام:بصوت مرتبك…معاد
معاد:عييوووونه
مرام:بس انا مش ح نطلب منك الطلاق لا
معاد:بي حيرة كيف فهميني
مرام:انا كنت خايفه انتا تطلع متحبنيش مكنتش خايفه من روحي
معاد:شو تقولي مرام قصدك انتي تحبيني؟
مرام:ضحكت من عيونها…..ههه بجد انا مصدومه معاد كيف هكي فجاءه تغير الوضع وانتا طلعت تحبني ونا الي كنت نتجاهل فيك لانه خايفه متبادلنيش
معاد:هه ونا كنت بعيده ع خاطرك لانه انتي شاكه في كل حاجه فيا
مرام:عيونها دمعو وخدودها بدو حمر….اءء
معاد:خدا نفس المهم اني مش بروحي في الجريمه معايه شريكه حلوهه
مرام:ضحكت
معاد:ح نديرو احلا حفله تليق بي احلا بنت في عيوني
مرام:بصوت دلع…في عيونك بس؟
معاد:خفت نقول في العالم تقوللي هدا اكيد نسونجي وشايف ونتعرف ع لبنات
مرام:هههههه
معاد:حليلي من الضحكه الي فها الزايد
مرام:سحبت يداها انا طالعه
معاد:وقفي مافيش طلوع لن نسمع منك كلمة نحبك
مرام:جي معاد بكل تصرفاته ورجوليته مرو في ثواني بين عيونها….اي انا نحبك معاد ❤
معاد:ربي يحفضك ويخليك ليا
مرام: 🥺🥺نبيك ديما معايه معاد
معاد:ومعاد مش ح يقدر يفارقك
مرام:بخجل….ههههه
معاد:هيا بري لصغار عارف عقلك معاهم
مرام:هه به وغدوه برا احجزلي
معاد:تمام نوعدك اول يوم بعد عرسنا ح نسافرو فيه منبيش نضيع وقت ع فاضي
مرام:اي اي حلو هكي
معاد:تمام تصبحي ع خير
مرام:وانتا من اهل الخير….وطلعت
معاد:عيونه ع مرام لن طلعت❤

معاد:ع قد ماهوا متأكد من حبه اتجاه مرام ع قد ماهو مصدوم كيف مرام طلعت تحبه وقدرت حتا تعترف الموقف الي صار وخلا معاد ضعيف قدام مرام مكانش متوقع منهم الاتنين هوا الحب هكي يخليك قوويه وصريح لانه الحقيقه مافيش حد يقدر يخباها معاد لما اعترف لي مرام مكانش طالب منها شي بس هكي حب وبيعترفلها لانه حسه الوقت المناسب ❤

مرام:صدمتها كبيره في معاد صح هوا شخص مهتم بها ويساعد فها وكان متحملها بس متوقعتش انه يوم يعترفلها بكل بساطه ع حبه ويكون زوجها والسند للمره الثالثه كانت فرحانه هلبا بي معاد واول م حطت راسها ع لبخده وبدت تذكر في تصرفات معاد كلها الي مفروض كانت منتبهتلها لانها واضح انه شخص مهتم بي حب ❤❤

____________

في نفس الوقت الي كانت فيه مرام ومعاد فرحانين كانو قمر وامير فرحانين بزياده لأنه واخيرا حددو موعد العرس بعد يومين وامير حجز في طياره في صباحية عرسهم وقروو يديرو يوم واحد بس وتكون حفله بسيطه وقنينه زي حبهم❤

لكن رانيا مكانتش فرحانه زيهم كانت مشغوله هلبا بخصوص القضيه كأنه جابها احساس انه ح تصير خيانة ولأنه تستنا في ادله توصلها بس للحضه هادي موصلتهاش مكالمه من حد هوا ايمن ح ينسجن في الحالتين ووضح قدام القانون شنو وح يتعاقب بس بسبب اغتصاب لي رنيم مش بسبب اغتصاب جوري والباين انه قصة جوري مشتركين فها والناس الي شتركت في الجريمه قعدا برا السجن تسرح وتمرح والناس معتبرينها شي كبير ومخدوعين فيهم بس لو رانيا وصلت فيهم ح يذوقو من نفس الكأس الي شربوه لي عيلة عادل عياد 🔥

#تسسريع_الاحداث:-

بعد يومين:-

معاد:كمل كل الاجراءات وحجز لي مرام وكان تفكيره بس كيف ح يدير حفله ويفرح مرام ❤

امير:حصل من يشري الحوش باعه بي مبلغ مرتب قدر يأجر شقتين شقة لي اهله وشقه ليه هوا وقمر لمدة يوم واحد بس لانهم ناوين يطلعو لتونس طبعا من غير هدا كله رفع حتا اهله وتكلمو ف قمر ودارو حفلة خطوبة بسيطه وقمر وامير برغم كل شي كان بسيط بس كانت فرحتهم كبيره المهم انه يطلعو ومننسوش انه امير فااات شي كبير باش يكون مع قمر ويكمل نص دينه معاها❤❤ وقمر كانت هيا ومروة تاخد في حاجات لعرسها زى لحوايج والإكسسوار ومكياج وحاجات من هكي❤

رانيا:مطلعتش من الحوش خلال اليومين هادو لانه موصلهاش حتا شي بسيط باش تبدا منه حست انه الدنيا تسكرت في وجها وانه قرب موعد المحكمه بدون م تاخد حقها منهم حست بي خيبة كبيره تخيلو لو رانيا مثبتتش انه ايمن هوا الي اغتصب اختها انه ح يطلع من السجن وح يقعد يلحق فها هيا وخواتها ومش ح يخليهم في حالهم 💔

في الوقت الي كانت قمر فرحانه في لموزين وتستنا في لحضه الي بيزفها فها امير لحوشهم بفارغ الصبر باش واخيرا يسافرو ويفوتو الهم كله بجد محلاهم وهما يحاربو في كل شي مع بعض ❤

بس للأسف كانت رانيا تطلع من الصبح وتراقب في المشتبه فيهم ع امل انها توصل لي شي لانه رانيا متحملتش تقعد تتفرج ع الوقت الي يضيع منها وهيا مش ماسكه حتا راس الخيط عليهم 💔

وكانت مرام مقعمزه ع الكرسي والكوافيرا جايتها للحوش وتمكيج فها وتسمع في صوت معاد وساره وصغار وهما يجهزو في كل شي لوطا وتستنا امتا تكمل باش تكون قريبه من معاد اكتر من غير انها تستنا في يوم السفر وتعالج جوليا باش تكمل فرحتها ❤

___________

ططقق ططقق ططق:-

رانيا:مقعمزه في الصاله….ناضت فتحت الباب كأنه كانت تستنا في الزائر….فتحت الباب…تنهدت
رأفت:اهلين رانيا
رانيا:اهلا تفضل
رأفت:دخل….كيف حالك؟
رانيا:الحمدالله خش داخل قعمز
رأفت:خش وقعمزت ع الكنبة
رانيا:انشاءالله خير رأفت
رأفت:انتي ساعدتيني وشبه كانت حياتك في خطر ونا وعيلتي فرحانين الايام هادي وكله بسبب
رانيا:به انا مدرتش الا واجبي معاك ونا رجعتلك حقك بس
رأفت:لا وقفتك معايه كبيره ومستحيل ننساها وهادي مكافئتي ليك
رانيا:شافت لي الشنطه….هادي متعي صح؟
رأفت:اي ما ماانتي ربي بعتلك ليا حتا انا ربي يعاني ليك في الوقت المناسب
رانيا:تبتسم وهيا تتنهد من الصدمه كيف قدرت تجيبها مستحيل نا مش مصدقه
رأفت:اليوم كنت كل شي للمركز واول مانشيت لمكتبك شفت وديع قعدت اراقب فيه ولما تصلت بيك لقيتك مقفل عرفت انه في شي مش طبيعي قعدت اراقب فيه لن شفتك انتي لما منزلينك من السيارة متعهم قلت هادي فرصتي وهكي قعدت وراء وديع لن شديته
رانيا:هههه وربي هادي احلا هديه توصلني شكرا رأفت بجد شكرا لانه ضميري مكانش مريحني
رأفت:فرحان لأنه شاف رانيا مبتسمه.
رانيا:وديع توا ممكن ح يتصرف بنفس التصرف تاني
رأفت:عادي نقدر نا نرفع كل شي للقاضي ويشوف كل شي بدون م حد يعرف انه انتي وراء القصه
رانيا:اوك بس خليني نحفظ الأصوات والمقاطع في لابتوب ع الاحتياط
رأفت:لا هادو النسخ الاصليه عندك انا عندي نسخ تانيه انا ح نرفع قضية يده
رانيا:ابتسمت….شكرا هلباا رأفت
رأفت:وشن صار في موضوع ايمن؟
رانيا:نستنا ف اتصال بس لتوا مصار شي واحتمال انه مش ح يصير شي
رأفت:تمام فهمت عليك غدوه بعد العصر ح نجي ونبدو في الشغل
رانيا:كيف ؟ في من شاك انتا؟
رأفت:لا بس لو مسكنا عمك رمزي حايعترف مستحيل صوت بس كافي انه يخلي ايمن وعمامك في السجن
رانيا:اوك ونا اصلا عطوني تصريح نتصرف اي تصرف
رأفت:وقف…تمام رانيا استني مني اتصال
رانيا:ابتسمت….تمام وشكرا ع كل شي رأفت❤
رأفت:العفو….سلام توا
رانيا:سلام

______________

في حوش قمر:-
كان في السور متعهم جايبين صالة متنقله ع لون الابيض والوردي كانت مليان زينه وتحف وكل شي كان فخم وراقي وطبعا اهل امير كانو حاضرين في نفس العرس وكان الجو جميل❤

قمر:فوق الكوشة بكامل اناقتها كانت طالعه تحفه زا الباربي كانت تتفرج ع الضيوف الي كانو عباره ع جيرانهم وصديقات امها واهل امير بس وكان كل شي مرتب ❤

مرام:كانت دايره صالة متنقله في جنان متعهم كان كل شي ع بسيط بس حلو طبعا الضيوف كانو عباره ع سارة وصديقات سارة وجيران ❤

طبعا في خادمات هما الي يفرقو في كل شي لانه معاد حجز في كل شي حار وحلو وحجز في تورتة تجنن متع عرسان

فاتت ساعه تقريبا:-

امير:خش لصاله بكامل اناقته ولعت مروة واغنية تليق بيه وبي شخصيته كانت البدله طالعه هيا زي الريم يجنن لن وصل قدام قمر ❤
قمر:مبروك علينا حبي
امير:باسها ع فمها قدام الكل ومروة زادت في صوت الاغنيه
قمر:حطت يدها في يده نزلو مع بعض يرقصو ع اغنية تركية هاديه❤

مرام:تقص في التورتة مع معاد …وكلاته ووكلها وياها ع راسها والكل يصفقو جنبهم والصغار يرقصو كان الوجع مش باين بس مختفاش بس مننكرش انه عاشو ساعات حلوهه❤❤

قمر:نزلت الطرحه ومسكت في يد امير وطلعو مع بعض نوره ومروة كانو فرحانين لي قمر لأنه حصلت حب حقيقي وربي عوضها ع كل وجع مرت بيه❤

معاد:مسك مرام وركب هوا وياها وسارة خدت الصغار وريتهم لغرفتهم رتبتهم وغسلتهم وريتهم وطلعت❤

قمر وامير طول الطريق يغني هوا وياها ومولعين اغنية بهوايا وانتي قعدا معايه عينيك ليا مرايا😂❤

مرام:كيف خشت لغرفة معاد الي كانت مليانة ورد طبيعي وشمووع
معاد:حط يده في خصرها وجي من وراها….نورتي الغرفه
مرام:شافتله بطرف عيونها وهيا تبتسم شن الاجواء الحلوه هادي
معاد:انتي الكل في الكل هدا شي بسيط وحبيت نفرحك شوية
مرام:لفت روحها وحطت عيونها ف عيونه…..كنت مدسوس في حوايجك
معاد:يشوف لعيونها الي ربي حط نص الجمال فيهم ونص التاني للبشر….في حد من زمان قلك انك حلوهه حلووووه هلبا
مرام:بدلع…..اممممم اي هلباا
معاد:حط فمه ع فمها…..من ي خاينه
مرام:قلبت عيونها بس مصدقتش لن سمعتها منك
معاد:حضنها بقووه وتخالطت أنفاسهم ببعض قعمزو ع سرير وهما قراب من بعض
معاد:قاطع خوف مرام بي بووسة ع رقبتها
مرام:نزلت عيونها بخجل ثواني وفكلها السوسته تع الفيلو اقرب منها اكثر🔞

______________

امير:كان في المطبخ يجهز في لعشاء
قمر : لبست في روب الدخول ولت شعرها مفتوح زدت بخ برفان
امير:ماسك السفرة……حليلي مفروض ناكلك انتي
قمر:شنو هدا امير نا مش جعانه
امير:حط السفره ع طاوله…ومسكها من خدودها من الي من بكري توزع فيا
قمر:حط يدها وهيا تعدله في التيشرت….تصدق حبي الي م طالع طررف
امير:تصدقي انه القمر اليوم مكتمل بعد ماكان هلال
قمر:بدلع حبيبي
امير:عيوونه
قمر:ورانا سفر غدوه راهو
امير:ابتسم وناض رفع السفره للمطبخ ورجعلها
قمر:تلمس في شعرها بدلع…..امير
امير:قعمز جنبها وحط يديه خلفها وقربها منه
قمر:قلبها بدا يدق بقوووه
امير:باسها من فمها وبدا ينزل بي شوويه 🔞

____________

كانت احلا ليله تمر ع قمر وامير ومعاد ومرام كانو قراب من بعض وجنب بعض وهادي فرصتهم الاوله الي ح يستغلوها ويعبرو ع حبهم شعور يجنن مارين بيه مش ح نقدر نوصفه مهما تكلمت عليه ❤

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-

ساعه 9 الصبح:-

امير:فتح عيونه جت عيونه ع قمر الي كانت راقده زي الملائكه جنبه سحب روحها من جنبها بهدوء بدون م تحس خش للحمام دوش ولبس سروال وبلوزه ونزل الشناطي لسياره خلا لبسة بسيطه لي قمر باش تلبسها ودخل للمطبخ جهز سفرة فطور ع الحلو كلها
قمر:فتحت عيونها م لقتش امير جنبها نزلت من السرير خشت للحمام دوشت ولفت ع روحها الفوطه وطلعت امير:حبيبي وقعمز ع سرير
قمر:اللطف وين الشناطي امير؟
امير:خليت اللبسه هادي البسيها لانه نزلت الشناطي في سياره ومعاش فيه وقت نص ساعه وتطلع الطياره
قمر:بجد ؟ لبست اللبسه ووقفت قدام لمرايا دارت لمسه بسيطه مكياج وامير يتفرج علاها
قمر:شفاته في لمرايا يتفرج…ههه خيرك حبي؟
امير:اول مره نشوف قمر نازل ع الارض بس
قمر:هه وقربت منه خليني نفطر لانه احتمال ندوخ في طياره خدت شوية بريوش وعسل وكل ماتاكل تجاها بوسه من امير ❤

__________

معاد:لابس شورت وتيشرت ومقعمز ع كرسي يلبس في ساعته
مرام:واقفه قدام لمرايا تعدل في حوايجها
معاد:حبي روحك مرام الطياره ح تفوت لو تأخرنا
مرام:لابسه سروال سماوي ضيق من فوق وواسع من لوطه فوق بلوزه كمامها واسعات لونه ابيض وسبيدرو ابيض ووشاح حرايري
معاد:وقف جنب مرام باسها ع خدها….انا نازل بنشوف سارة وصغار شن صار فيهم وانتي ألحقيني
مرام:حاضر حبيبي ثواني وننزل
معاد:خدا الشناطي معاه ونزل

_____________

رانيا:وصلت لشارع الي عاشت طفولتها كلها فيه كل مكان فيه يذكرها بي شي برغم الشارع متغير هلبا وصلت ف جهة حوشهم وشافت حياش عمامها الي كانو عبارة ع فيلات ضخمه وواضح من غير حياش المنطقه الا هما حياشهم فخمة كأنه ماسكين مكان كبير تفرجت ع شارع الي مستاحشه ترجعله وتشوف خواتها ضحكات ومواقف كلها جت بين عيونها بس في شي كان يمزززق ف قلبها بعنف 💔💔

رأفت:ركب معاه رمزي وطلع ورانيا وراهم لن وصلو لمكان مجهول ؟؟؟؟

في نفس الوقت بزززبط وصلو قمر وامير للمطار ويستنو في الانتضار ومن جهة التانيه كانت مرام ومعاد والصغار وسارة وكلهم يستنو في الموضفه تعلن ع موعد الطيارة💔

__________

رأفت:اسف ي عمي …وطلع السلاح ووجها ع راسه
رمزي:اءءءء شن ادير؟
رأفت:انزل قدامي بسرعه
رمزي:يبلع في ريقه من الخوف فتح الباب ونزل
رأفت:فتح باب السياره وهوا موجه السلاح ع رمزي لن خشو للمبنى المهجوور ….لو تبي تطلع من هنايا وانتا عايش عندم شرط وضروري تنفذه
رمزي:كم تبي نا نعطيك
رأفت:لالا لا ي عمي مش احنا الي نخطفو ونقتلو علشان لفلوس
رمزي:شش شن تبي؟
رأفت:تعترف بالحقيقة كامله
رمزي:اما حقيقه؟
رأفت:حقيقة بنات خوك عادل بالي بعتهم برخص التراب رغم انك عارف انه بناته أشرف من الشرف
رمزي:😨😨😨..دمك كيف؟
رأفت:بقلة صبر…حط المسدس ف وسط راسه لو متعترفش بكل شي توا ح تكون هنايا واليوم ح يكون اخر يوم ليك
رمزي:تت تمااام
رأفت:فتح تسجيل
رمزي:حكا القصه كامله ورانيا كانت تتسمع من الروشن((طبعا القصه ح نوضحهالكم غدوه))
رانيا:خشتتتت مغلووله……ي حقيييييير
رمزي:شن جابها المحققه هنايا؟
رانيا:المحققه الي قدامك تكون بنت خوك ي سيحاول أن
رأفت:أهدي رانيا وارجعي للحوش انا ح نتصرف معاه
رانيا:لاااا ركبه السياره بنرفعه لي سجن و
رأفت:تمام حاضر…..مسكه بقووه
رانيا:بعيون مليانه حقد….نوعدك ح تكون نهايتكم الايام هادي
رأفت:خدا رمزي ركبه السياره وطلع
رانيا:كييف بتركب سيارتها ودموعها ع خدودها وحاسة هم الدنيا فوق ضهرها…قاطع حزنها صوت تلفونها ….خدت التلفون بخير مهدود وردت….الو
الراجل:ايوا رانيا خواتك الاتنين في المطار واحتمال طيارتهم طلعت
رانيا:😮😮….شن تقول ؟ ليش مكلمتنيش؟
الراجل:ليا اكتر من نص ساعه نتصل وانتي مكنتيش تردي
رانيا:طاح منها التلفون وطلعت تجري بسرررعه

قمر:حطت كتاب في الشنطه متعها….كأنه خلاص ي خواتي مش مكتوب نشوف بعض💔💔

مرام:كتبت اخر كلمات في الكتاب….النهايه💔

غدوه الحلقه الاخيره💔…..رايكم؟؟؟؟

اترك رد

زر الذهاب إلى الأعلى