رواية إنتقام الحب للكاتب حسن الجامعي | القلم الناجح
روايات كاملة

رواية إنتقام الحب للكاتب حسن الجامعي

جميع حقوق الطبع والنشر محفوظة

رواية إنتقام الحب للكاتب حسن الجامعي

الحلقة الأولى

مبروكة : تييييي خشي للدار خشي خشي ياا عار خشي خشييي يااارب خشت قبرك خشي
فرح : عمتي اخر مرة واللهي اخر مرة معاش نطلع من باب الحوش
مبروكة : تي واللهي نوريكي من قالك حطي رجلك برا الباب اااااه من قالللكك
فرح : عمتي واللهي خديت الخبزة من ولد جيرانا الصغيرون بس
مبروكة : ياااسلاام هدا بس اللي درتيه انتي
فرح : وحيات أمي الله يرحمها هدا اللي صار بس
مبروكة : امك وحده حقيرة وكانت ادير نفس الحركات اللي ديري انتي فيهم توااا يا حقيره يا مصخه يا متع العار
فرح : اول شي معاش تتكلمي على مرحومه هكي باهي وتاااني شي شن فيها وكان خديت الخبزة مني بيشوفوني ااه من بيشووفني وووووك عليا فديت منكم فديت
مبروكة : وتعلي في صوتك عليا تااني يا قليلت الرباية
فرح : صكري الباب صكككري وخلوني في حالي …
مبروكة : قلتيلي من بيشوفك … الناس اللي مأجرين عندهم الحوش الفخم هدا ولدهم هداكا اليوم حاط عيونه عليكي وبالك تحسبيني منفهمش راا عمري 40 سنه خااابزة وعاجنه الدنيا لعلمك مش فرخه زيك عمرها 20 سنه بس
فرح : ما ساد حرمتوني من الجامعة ومن حلمي اللي كنت نبي نحققه ما ساد توا في الحوش متبوش تخلوني في حالي بككككل

🔥طلعت مبروكة من دار وهي تفنص في فرح وشبحه متع توا نوريكي قلت الأدب شن شكلهااا 💔 …

سليمان : بنتتي وينها ؟
مبروكة : بنتك قاعده منطمرة ومتمرقدة في دار
سليمان : خيرها في حد زعلها ؟
مبروكة : بنننتككك مبكري طالعه فاتحه الباب بدون وشاح ولا شي وحطاته على دوووب راسها وواخده الخبزة من ولد جيرانا الصغير
سليمان : عااار عااار 😠😠😠
مبروكة : برا استر العار متعك برا امشي

… سليمان كان متعصب وخش على بنته في دار وفتح الباب بوقوته تقول خش مدهمه في دار ونخلعت فرح …

سليمان : بديريلنا العاااار يا كلللبه يا مش متربية امك معرفتش تربيكي كويس قبل لتموت وتنقبر في قبرها
فرح : واللهي يا بوي كنت لابسة وشاح الله 😭😭😭
سليمان : لا وشاح لا … 😠😠😠

… وطبعا المسكينه فرح نضربت ونضلمت في الأخير على سبب تافه انقلبو عليها بدون احساس بشعورها لما تتهزب وتنضرب وتنحبس في الحوش ودار ..

منى : تي افتحولي الباب يالهم ووووك هل الحوش لكبير بكل لا فيه خدم ولا شي ومأجرينه تاني مفروض شرينه وجبنا خدم يا وجوه الفقر تي افتحو البااب وووك عليا …

سليمان : تعرفي المرة الجاية نسمع عمتك مبروكة قيلتلي انك مدايرة حاجه واللهي لما نقبرك زي تقبيرت امك

فرح : امي امي امي هااااادي معاش تجيبو سيرتها في لسانكم تي شن درتلكم شن درتلكم يا ناااس سيبوها مسكينه لا خليتوها ترتاح في الدنيا ولا خليتوها ترتاح في الآخره

مبروكة : ياسر ياسر دراما ونوضي اقتحي الباب شكلها خالتي نورا جت ولا منى وحده منهم نوضي
سليمان : نوضي افتحي الباب نوضي جدري يرفعك
فرح : افففف 💔💔

… ناضت فرح ومسكا دموعها بسيف والمسكينه مش مسيبينها في حالها وامها ميته ومفيش من يدافع عليها حتى بوها اللي مفروض يحن عليها اخواته وعادتهم وتقاليدهم اولى من بنته 💔

منى : لولولوي واخيرا فتحتي الباب يا بنت
فرح : 😒💔💔
منى : خيرك قالبه وجهك … نضفتي الحمام ؟
فرح : انتو شني مفيش غير تنضيف والهم والغم على قلبي حلو عني يا نااس حلو عني خلوني في حالي
منى : تعلمتي تعلي صوتك يا فررخه تي واللهي زيك امك كلامها وحركتها ودره كبدها كله … عشنا وشفنا والله …

💔 خشت فرح للدار وصكرت على روحها بالمفتاح باش يسيبوها في حالها …

رواية إنتقام الحب

عبير : ولدي ولدي وين ماشي يا وليدي ووين ماشي
مراد : امي ماشي نجيب خبزة … مش وصيتني مبكري
عبير : مشاااء الله باعتتك من ساعه 10 صبح وتوا ساعه 2 … خليها غدوا وخلاص الخبزة واللهي الله
مراد : واااك امي انا وليت شااب وعمري 24 مفروض تزوجوني خلاص كبرت لا عندي خوت ولا عندي اخوات زوجوني واستريحو مني 😂
عبير : ياا وليدي من بيساندني انا وبوك مني …بوك قاعد في الدار 24 ساعه وتعبان وعنده القلب يا ناري ومن بيعلنينا
مراد : يا امي يا نور عيني يا نبع الحنان من قال ان بنسيبك ماهو بنتزوج وبنجيبلك المرا اهني ونعيشو كلنا في حوش واحد شوفي مشاء الله حوشنا كبير زي القصر وعندنا مستأجرين عندهم قصر زينا وناخدو في المعاش كل شهر
عبير : ربي ما يحرمني منك يا ولدي ويارب يخليك ليا يا نور عيني وقلبي
مراد : امين امي الغالية 💗

محمد : وين ماشي يا ولد
مراد : بوي ماشي نجيب خبزة وبعدين بنبدل حوايجي وبنمشي للسوق متاعنا نشوف كان في مشكلة او حاجه او مسوقين يبو يعطونا بضاعه فهمت
محمد : مشاء الله توا تأكدت ان متعبتش على الفاضي لما ربيتك يا ولدي
مراد : ربي يخليك لينا يا بوي ويحفظك من كل شر
محمد : طريقك بيضه يا ولدي 💗 …

… مراد خدي خبزة من الكوشة ودرس سيرته فخمه قدام حوش عيلة فرح المستأجرين عندهم …

… فرح …

نورا : يااا منى وين حطيتي الكمون الحوت
منى : تي وين نندري قولي للكلبه فرح بالك تعرف مكانه
نورا : يا فرح يا فرح وينك يا بنت
مبروكة : شن تبي فيها وجه الفقر هادي
نورا : دورت على الكمون الحوت ملقيتاش بكل بالك تعرفه هل فصعونه
مبروكة : فرح هااانم وينك

… طق الباب 🏠 …

فتحت فرح الباب ونست كلام بوها وعماتها 😱💔

مراد : مرحبا 💗
فرح : اهلين 😊💗
مراد : جبتلكم خبزة في طريقي زي ما قلتلي عمتك نورا كل ما تجيب خبزة احسبنا معاك 😂
فرح : هههههه عمتي نورا عبيطه عادي ديما هكي
مراد : تفضلي الخبزة
فرح : ههه شكرا مراد 😊

… وطبعا الحظ السئ واكبر مشكلة ان مبروكة عمتها شافتها تضحك مع مراد ومااا غباااكم في مبروكة وتحب ادير كل حاجه قصه طويلة وبدات على فرح لأنها تستنالها في غلطه هل المسكينة 😱💔

مبروكة : هلا هلا وليدي هههه خشي فرح بسرعه يبيك بوك
مراد : اهلين خالتي مبروكة
مبروكة : هههه تعرف الغدي على نار نكلمك نهدرزو بعدين ولدي ههه
مراد : به سلامات خالتي 😂💔💔

فرح : خيره بوي شن يبي فيا
مبروكة : ووووووووك يا عاري وووك وووك يا عاري
سليمان : تي شن في شن في
منى : خيرك تصيحي خير بلاك
نورا : اللطف يا ربي شن في يا الهم
فرح : عمتي خيرككك تعيطي شن في وخيرك شاده شعري هكي 😳😳
نورا … منى … سليمان : 😳😳😱😱

… مراد

مراد : ٩ع سلامه ياام اعيلنا 💗
عبير : ربي يوفقك وويهنيك ويريحك وربي يحفظك من كل عين حااسدة يا وليدي 💗

… مراد مقعمز قدام باب حوش عيلة فرح وقال

مراد : ايوااا توا وقت الشغل المزبوط 10 دقايق فقط 👌 …

رواية إنتقام الحب

سليمان : تي خيرررككك يا مرا تعيطي شن في
مبروكة : بنتتتتكككك تضحك وتهدرز مع ولد الناس اللي مأجرين عندهم اللي اسمه مراد
سليمان : حققق لكلام هدا 😱😱😱
فرح : لالا عمتي تكدب عليك انا خديت منه الخبزة بس يابوي
مبروكة : ياااا نهااارك احرف على الكدب تي خيرك على الخبزة اليوم معاش لقيتي سبل الا الخبزة ولا شني مرا الولد الصغير ومرا مراد ولد عبير هداكا الراجل الطويل العريض … بري دوري على من تضحكي يا فرخه
سليمان : نوررااااا 😠😠😠😠
نورا : نعم خوي 😟
سليمان : جيبيلي الموس من المطبخ خليني انضففف عاااري
مبروكة : 😱😱
منى : 😱😱
نورا : مووووس 😱😱
فرح : لالالا شني موس خيركم يا ناس بتقتلوني بكل شن درتلكم انا … بوي انت بوي من لحمي ودمي بوي انت اللي ربيتمي وكبرتني معقوله بتقتلني … عمتي اللي مفروض تكون ي امي الله يرحمها عماتي كلكم تضربو فيا وتهينو فيا وطلعولي في قصص باش نتهزب على خاطر تكرهو امي ومتحبوهاش ومتحبوش اي شي منها 💔💔💔 لالا انتم وحوش مش بشر

سليمان : نورا جيبي الموس قتلك
نورا : حاضر خوي
مبروكة : ايوا هكي تقعد راجل يا خوي لو اميمتي الله يرحمها عايشه راهو فخورة فيك توا
منى : لولولي واخيرا بنفتكو منك يا وجه النحس

… فرح مشت تجري بأسرع ما عندها لي دارها وصكرت على روحها بلمفتاح وهي ترعش وايديها ترعش وعيونها مش دموع عيونها حمر وكأن في حاجه بتصير وكأن في في بالها خطه حاطتها في راسها وتبي تنفدها وكأن تبي تنتحر او تبي دير حاجة في روحها 💔💔💔

مبروكة : تعالي وين ماشية تجري تعاللللي
سليمان : الحقيها يا منى بسررعه بسسررعه
نورا : هاااك اهوا الموس
سليمان : هاااتي هاااتي يا بنت تعاالي يا عار انتي مش بنتي انتي غلطت عمري انا اصلا مكنتش نبيك تجي على هل دنياااااا كنت نبي ولد لكن انتي طلعتيلي زي الجن افتتتحي اللباااب افتحي
نورا : فرح افتحي الباب خيرلك
منى : خيرها صكرت على روحها زي المهبولة
مبروكة : ياااودي ماهو طلعلها صوت خيرهااا الهم
سليمان : افتحي الباب خير ما نكسره فوق راسكك افتححي
منى : خيرها متردش هل المصيبه
نورا : تي افتحي مش حنديرولك شي
سليمان : اهوااا بنكسررره

… سليمان كسر الباب بلقوة متع الباب لكن بصعوبه لأن هما عايشين في حوش كبير بككل وزي القصر والباب بروحه متع دار تقول باب قصر كبير …

وكسر الباب سليمان وكانت المفجأة …

منى … نورا … مبروكة … سليمان … 😱😱😱😱😱😱😱😱😱😳😳😳😳😳

نورا : الطف يااااااارب 😱😳💔…#يتبع

رواية إنتقام الحب

🔥 زعما شن في داخل الدار لما خشو عليها عمتها وبوها ؟

🔥 وياترى شن يخطط مراد لما قال 10 دقايق ؟

🔥 شن حيصير في مصير فرح وشن هي المفجأة اللي تتوقعوها بتصير ؟

🔥 تابعو حلقات من الأثارة والتشويق من روآية إنتقام الحب 💗🔥

الكاتب ” hassan algmie ”

رواية إنتقام الحب

لمشاهدة جميع اعمال الكاتب :روايات حسن الجامعي

جميع الحلقات:

  1. رواية إنتقام الحب الحلقة 1
  2. رواية إنتقام الحب الحلقة 2
  3. رواية إنتقام الحب الحلقة 3
  4. رواية إنتقام الحب الحلقة 4
  5. رواية إنتقام الحب الحلقة 5
  6. رواية إنتقام الحب الحلقة 6
  7. رواية إنتقام الحب الحلقة 7
  8. رواية إنتقام الحب الحلقة 8
  9. رواية إنتقام الحب الحلقة 9
  10. رواية إنتقام الحب الحلقة 10 والاخيرة

اترك رد

زر الذهاب إلى الأعلى