رواية اسألي عني الليالي الحلقة الاخيرة للكاتبة سجو محمد | القلم الناجح
روايات ليبيه كاملة

رواية اسألي عني الليالي الحلقة الاخيرة للكاتبة سجو محمد

رواية اسألي عني الليالي الحلقة الاخيرة للكاتبة سجو محمد

#اسالي عني الليالي 9 والاخيره

🔥ســـجــو مـــحــمــد🔥🔥
🔥ســـجـــو مـــحـــمـــد🔥🔥

سمار:فتحت باب الحمام ودخلت ادوش …..
كرم:خش للدار وبدي يغير في حوايجه ليين سمع صوت سمار تعييط في الحمام بصوت عالي وسمع صوت حاجه طاحت
كرم:مشي يجري للحمام وانصدم….سمار كانت طايحه والدم مالي الحمام
كرم:قعد واقف في مكانه من الصدمه ووعاه صوت سمار يلي تعييط
سمار:ااااه ياربي ميصيرش شي ع البيبي ياارب 😭
كرم:مشالها بسرعه وبعدين رجع جاب عبايه ووشاح ولبسها في الحمام ورفعها بين يديه ونزل يجري خدي مفتاحه من ع البوفي وفتح الباب وركب سمار من الخلف وهيا تبكي من الوجع وتدعي انه البيبي ميصيرله شي 💔
كرم:فتح السياره وطار بسرعه 220 🔥

كنان:فتح باب السياره ونزلت كيان وهيا ماسكه في ايد كنان دخلو للحوش وعمته وبنت عمه وولد عمه سلمو عليهم ورحبو بيهم وكنان قالب وجهه ع عمته

عائشه:تحاول انه تصلح غلطها…..تفضلو تفضلو
كيان:ماسكه في ايد كنان وجو بيخشو بس وقفهم صوت
حفصه:وين خاشيين ؟؟؟
عائشه:بضحكه مزيفه….مبردك يا حفصه نحي خلي الصغار يخشو
حفصه:يلي ياخد بنت العدو مليشي مكان بينا
كنان:نسيتي يا مرت عمي….انه الحوش هدا باسمي
حفصه:شنو بتلزنى ولا شني
كنان:باستفزاز…..لا حشاك 😏
حفصه:فنصت في كيان وخشت
كنان:ارتسمت الابتسامه ع وجهه ومسك في ايد كيان وخشو للصالون كلهم ويهدرزو

وفي نفس الوقت هدا كرم وصل للمشفي ومنزل سمار بين يديه ويعيط…..تعااالو ارفعوهااا
الممرضين جابو السرير ومشو بيها جري…في الوقت هدا سمار اغمى عليها وكرم زاد خوفه
دخلوها دغري لحجره العمليات وكرم قعد واقف قدام الغرفه ويتصل بكيان

كيان:سلمك حبيبتي عيونك الحلوه☺️ ورن فونها في جيبها …..طلعاته واستغربت وقت لقاته رقم كرم
كيان:عن ادنكم وبعدت شويه وردت
كرم:ها كيان وينكم
كيان:في حوش اهل كنان خير شن في خيره صوتك هك ؟؟
كرم:اني وسمار في المشفي تو !
كيان:خافت….علاش شن فيكم ؟ انتم كويسين
كرم:تنهد…..سمار طاحت في الحمام ولقيتها غارقه بدمها وتو جايبها للمشفي وانشاء الله خير
كيان:دمعت….حي علياا….انتو في ايي مشفى
كرم:في مشفي ؟؟؟؟
كيان:تمام دقايق ونكونو عندكم
كرم:تمام سلامات
كيان:سلمك وسكرت
كنان:جي من وراها…..فيك شي؟؟
كيان:دموعها نزلو….سمار اختي في المشفي 🥺🥺🥺🥺
كنان:خيرها شن صارلها؟
كيان:طاحت في الحمام وشكلها صارلها نزيف! خلينا نمشو نشوفوها
كنان:تمام انتي البسي وتلقيني برا نستنى فيك وخدي مفاتيحه واستئذن في العيله وطلع

كيان:تلبس في العبايه باستعجال
عائشه:ما علي قلبها شر
كيان:سلمك عمتي….هي بسلامه وطلعت تجري

🔥🔥ســــــاجـــــده مـــــحـــــمـــــد🔥🔥
🔥🔥ســــــاجـــــده مـــــحـــــمـــــد🔥🔥

في المشفي

كرم:مقعمز ع الكرسي وع اعصابه….لحظات وطلع الدكتور
الدكتور:انت زوجها ؟
كرم:ايي انشاء الله
الدكتور:المريضه نزفت دم هلبا ونبو متبرع…فصيلتهاAB
كرم:تمام اني فصيلتي AB
الدكتور:تمام تو ترافقك الممرضه
كرم:شاف للممرضه والممرضه مشت وهو لحقها

رواية اسألي عني الليالي الحلقة الاخيرة

صباح:ركبت في السياره….خيركم يالطف كلمتوني بسرعه وين بترفعوني
كيان:حابسه دموعها….تو تعرفي ماما دقايق بس
كنان:متخافيش عمتي كله خير انشاءالله ويسوق
صباح:انشاء الله غر سمار مفيها شي يارب
كيان:تدعي داخلها ميصيبش اختها مكروه

اكرام:تبكي بشهقه….بس اني منقدرش من دونك سيف مترخيش بيا
سيف:انتي عارفيتيني منرخيش بيك يا عيوني ….امك طردتني وقالتلي معاش تقرب من بنتي واني منبيش مشاكل بينكم ياكبيدتي
اكرام:لا بلله عليك سيف وراسك متسيبني وربي نموت
سيف:غمض عيونه…..اسف ياكبيدتي وسكر الخط وسكر فونه بكل

اكرام:الو سيف 😳 سيف الو ونزلت الفون ع ودنها وعرفاته سكر الخط ونهاارت تبكي

صباح:علاش وقفنا ع المشفي 😳
كيان:ماما اهدي كل شي تمام بس سمار تاعبه شويه
صباح:خبط ع خدودها….يانهاار حي عليا بنتي شن صارلها 😭
كنان:مسك صباح…..خلاص ياعمتي انشاء الله كل شي تمام ومسك يديها….هيا تعالي معاي
كيان:خدت شنطتها ومشت وراهم

كيان:وقف ع الريسبشن….لو سمحتي رقم غرفه سمار منير ال؟؟؟؟
الريسبشن:امم لحظه وقعدت تشوف….اها اهيا…في غرفه العمليات
صباح:حيي عليا وع بنتي 😭
كنان:قرب صباح لكيان بمعنى تمسكها وهو قرب ع الريسبشن….
كنان:وين غرفه العمليات ؟؟
الريسبشن:من الممر هدا طول تمشي نهايه الممر تقابلك طول
كنان:تمام صحيتي
الريسبشن:ولو استاد
كنان:مسك صباح من ايد والايد التانيه كيان ماسكه امها منها ومشو للعمليات

كرم:لا تمام اني….عطيتو الدم للمريضه ؟؟
الممرضه:ايي خديناه تو
كرم:تمام وفق اللصقه من ع ايده ومشي للغرفه

كنان:وقفو قدام الغرفه وما هما الا تواني وطلع عليهم الدكتور
كنان:كيف حال المريضه دكتور ؟؟
الدكتور:انتم عيلتها ؟؟
كنان:ايي اني راجل اختها وامها واختها
الدكتور:للاسف فقدنا الطفل والام قاعده تحت العمليه وانشاء الله شويه ونطلعوها للحجره وتقدرو تشوفوها !
كنان:تمام دكتور صحيت
الدكتور:لاباس انشاء الله ومشي
كرم:جاي من بدايه الممر شاف الدكتور ساله وقاله نفس الكلام ومشي وكرم مشي للعيله

بعد سااعه 🕛

كيان:خشت هيا وامها ع سمار يلي كانت راقده ومش واعيه لشي
صباح:مسكت ايد بنتها…..حليلي عليك يا بنتي قاعده صغيره 😭
كيان:خلاص ماما معاش تبكي فوق راسها قال الدكتور منخلوهاش تنزعج من شي
صباح:تمسح في دموعها….تمام خلاص سكتت
كيان:شافت لاختها وماسكه دموعها بسيف متبيش تبكي لانه عارفه امها بتبكي معاها وممكن يسبب خطر ع حياه سمار زيي مقال الدكتور

كنان:شن صاير معاكم علاش البنت طايحه انت مدايرلها شي ؟؟
كرم:تي بشويه وانت طايح تحقيقات فيا
كنان:يتكلم تحت سنونه….قول متعصبنيش مداير شي للبنت ؟ 😑
كرم:ايي اني يلي طيحتها من الدروج بش يطيح البيبي لانه منبيشي اوكي 🙂
كنان:كيف طاحت البنت احكي من دون حرق اعصاب !!!!
كرم:تي منعرفش ياراجل خشت هيا للحمام واني خشيت نغير فجاءه سمعت صوت عياط مشيت لقيتها طايحه والدم معبي الحمام وبس هدا يلي نعرفه !!
كنان:ربي يعوض غر انت دير بالك ع البنت راهو قاعده صغيره ع المشاكل يلي هيا فيها
كرم:نزل راسه….اي واللهي البنت متستاهل طيبه للنم
كنان:برا شوفها متقعدش واقف هني زيي المصطول
كرم:جي بيتكلم بس طلعو عليهم كيان وصباح
كنان:حركله حواجبه بمعني خش
كرم:شافله وبعد نفكير دام ثواني خش للغرفه
قعد يشوف لوجهه البريء وهو يحكي داخله
شن دنبها تتحمل المشاكل هما كلهم ؟؟ بعد كل المعنى يلي عنتها بسبب انها بنت منير ! طلعت هيا مش بنته واني طلعت ولده ! عليك دنيا وخلاص
كرم:ملقاش روحه الا مقعمز ع الكرسي ويمسحلها ع شعرها يلي متناتر ع السرير وفجاءه تخش كيان
كيان:تلخبطت….اءاا اسففه 😅
كرم:حول ايده بسرعه….لا عادي ووقف اصلا اني طالع خودي راحتك !

الساعه 9:30 م

كرم:لا كلكم روحو تو نقعد معاها اني مفيش داعي نقعدو كلنا
صباح:منقدرش نسيب بنتي بروحها 🥺
كرم:غمز لكنان
كنان:خلاص عمتي غدوا وعد من الصبح نجيبك هني تمام
صباح:شبحتله بعيونها المدمعه….غدوا الساعه 7 نجو هني
كيان:تمام ماما حاضر الساعه 7 نكونو هني غر هيا دواك قريب وقته ومجبناشي معانا
صباح:مشت معاهم وعقلها مع بنتها
كرم:تنهد وخش للحجره يلي فيها سمار….مسك ايدها وقعد يمسح ع راسها وبعدين نحى يديه
كرم:تي خيرني اني مداير روحي نبع الحنان عليها 😑
ووقف وبعدين رجع مسك ايدها ويشوفلها

يوم جديد 🌤️🌤️

كرم:غافي ع الكرسي وهو ماسك ايد سمار الصغيره
سمار:بدت تفتح في عيونها وشافت كرم قدامها غافي ولقاته ماسك ايدها…رفعت راسها شوي شوي وهيا تتوجع بصوا واطي
كرم:وعي ع صوتها وفتح عيونه….ارتاحي علاش بتنوضي
سمار:حطت ايدها ع راسها….شن صار وحطت ايدها ع بطنها… وين ولدي ؟ 😨
كرم:سكت شويه….اسمعيني انتــ قاطعاته
سمار:لالا متقولهاش متقولش مشي لاا مستتحيل مستتيحل 🥺🥺🥺🥺
كرم:اهدي اهدي ربي يعوضنا
سمار:هو الوحيد يلي كان مخليني متقتلش روووحي 😭😭 ياربييي علاش اختبرتني بولدي…وانهارت
كرم:وقف ومشي ينادي في الدكتور
الدكتور جي هو والممرضات وضربولها مهدي ورقدت تاني
اما كرم وقف في الممر وحط يديه ورا راسه ويدور

كيان:فتحت عيونها وهيا في حضن كنان يلي غافي
كيان:تمرر في ايدها ع وجهه كله ومسكره عيونها
كنان:فتح عيونه وحس بيها ومسك ايدها وابتسم….صباح الخير
كيان:فتحت عيونها….صباح النور حبيبي
كنان:شن كنتي اديري ؟ 😉
كيان:كنت نحفض في تفاصيلك ❤️❤️
كنان:قربها ليه اكتر…..وغمض عيونه
كيان:كنااان تاخرنا ع ماما 🥺
كنان:فتح عيونه وقعمز….نسيتهم بكل
كيان:خلينا نفطرو ونمشولها
كنان:تمام خاش ندوش ع السريع
كيان:واني تو نمشي نجهز الفطور بين مطلعت انت
كنان:تمام حبيبتي ❤️ وخدي حوايج من الدولاب وخش للحمام

🔥🔥ســــــاجـــــده مـــــحـــــمـــــد🔥🔥
🔥🔥ســــــاجـــــده مـــــحـــــمـــــد🔥🔥

تسريع الاحدات

بعد مرور اسبوع ❤️

كرم:ماسك سمار من ايدها….بشويه خشي
سمار:تتالم بصوت واطي وتمشي بشويه
كرم:لحظه اوقفي نفتح الباب ومشي بسرعه فتح الباب ومسكها تاني
سمار:تتالم من بطنها…بشوي بشوي ااااه 😫
كرم:استنى في طريقه وحده بس
سمار:ويلي هيا !
كرم:رفعها بين يديه وخش بيها
سمار:ماسكه في تيشيرته وتفصل فيه….طرفف الحيووان 🤤🤤❤️
كرم:ركب بيها ع الدروج وحطها في الغرفه….شويه وامك وكيان بيجو واني ماشي نديرلك شي تشربيه !
سمار:تمام وقعدت تشوف للمرايه يلي مقابلتها قبل اسبوع كانت تشوفي في روحها وتتلمس في بطنها يلي داخلها بيبي كانت تستنى فيه بفارغ الصبر نزلت منها دمعه سخونه ع خدها وهيا تتفكر في اليوم يلي كانت فرحانه بيه مكانتش متوقعه بعج اسبوع تكون حالتها هك….من دون طفلها يعني بطني مفيهاش شي وكل شي اختفي فجاءه 🔥🔥
كرم:وهادي كوب عصير وبريوشه من يلي تحـ وشافها تبكي
كرم:قعمز وقرب عليها…خلاص سمار يلي صار صار اهتمي بنفسك خلاص البكي مش رح ينفع شي البيبي راح لو بكيتي مش رح يرجع
سمار:تبكي وتتلكم متقطع….ناار والعه فيا مفيش حد قدر يطفيها راهو قطعه من قلبي كنت نستنى فيه امتى يولد بفارغ الصبر نستنى امتى نحمله بين يديه 😭😭😭😭
كرم:من دون ميتكلم خداها في حضنه وبدي يسكت فيها….اششش خلاص ربي يعوضنا هلباا غيره ❤️❤️
سمار:حست بكلامه انه في معنى وخرت…..بما انه معاش في بيبي مش ضروري نقعدو شهر مع بعضنا 💔
كرم:نزل عليه الكلام زيي الصاعقه ومعاش عرف شن يقول اكتفي انه يطلع من الغرفه وبسس

سمار:تتكلم وتبكي….وربي قاعده نحبك زيي محبيتك في الجامعه بس مستحيل ننسى الاساءه يلي درتها ليا مستحييل 💔😭😭 وتغطت بورغان وتبكي تحته

صباح:خشت وهيا حامله شنطه ووجهه مقلوب
كرم:كان في المطبخ وسمعها لما خشت مشالها….اهلين عمتي خشي سمار فوق
صباح:ااءا في حد يبي يحكي معاكم انتو الاتنين
كرم:باستغراب….يتفضل 😕
منير:وجهه ميتفسرش وحوايجه مبهدله ومتغير…..السلام عليكم
كرم:قبض ع ايده…..انت شن ادير هني 😠
منير:نبي نحكي معاكم كلمتين ونوعدكم معاش تشوفو وجهي
كرم:ليك وجهه تجــ قاطعاته صباح
صباح:خليه يحكي هلكلمتين ويمشي اركب سمار فوق
منير:ركبت صباح وهو ركب معاها اما كرم سكر باب الحوش بقوه وركب وراهم

سمار:تحت الروغان وتبكي
منير:بنتي 🥺
سمار:مسحت دموعها ونحت الورغان من ع وجهه…..انت 😳 شن مزال تبي مني بعد مدمرت حياتي كلها جاي لحوشي !!!
منير:بنقول كلمتين اسمعوني وبنمشي
كرم:مطبق يديه….تمام دبحتنا بيهم هلكلمتين قولهن وامشي في حالك
منير:سمار اني اعتبرتك زيي بنتي وربي يشهد عليا مفيش يوم فرقتك ع كيان كل شي ناخدلكم فيه زيي بعض وايي شي تبيه ناخدلك فيه وانتي تعرفي….مكنتش متوقع انه رح يجي اليوم يلي رح يجو فيه ولادها كيان سكرت راسها ع كنان ومقدرتش نخليها تسيبه وانتي بس يلي قدرت عليك وسفرتك بس مكنتش متوقع انه بيلحقك لغادي وبيصير فيك هدا كله….
سمار:تمام اني عارفه انك مفرقتنيش وخليتني زيي بنتك بس انت يلي درته قبل حرام واتر حتى علينا واني مستحيل نسامحك اطللع برااا 😭😭
منير:بنتي اسمعيني
كرم:قرب عليه….خلاص قالتلك اطلع معناته اطلع ومعاش تعتب باب الحوش مفهوم
منير:اسمعوني بلله عليكم
كرم:بصوت عالي……اطلللع برااا 😠😠
منير:دير بالك ع بنتي يا ولدي وشبحله نظره اخيره ونزل
وصباح نزلت لوطه تبكي
اما كرم قعد واقف ع البوفي وياخد في نفسس
سمار:مسحت دموعها…..سيبت قرايتك غادي وجيت لحقتني
كرم:اولا اني ملحقتكش…..تانيا اني متخرج ليا سنتين يا درويشه وطلع
سمار:طلعتي درويشه حق واني يلي نحسابه يقرا وهو طلع كله عشان يلحقني وبسس

🔥🔥ســــــاجـــــده مـــــحـــــمـــــد🔥🔥
🔥🔥ســــــاجـــــده مـــــحـــــمـــــد🔥🔥

رواية اسألي عني الليالي الحلقة الاخيرة

كنان:خلينا نخلو الخوات مع بعض ونطلعو برا احكيلي شن قصتك
كرم:طفى الدخان…تم حتى اني عندي كلام بنقوله
كنان:شده مع كتفه وطلعو للجنان

كنان:من الاسبوع يلي فات عيونك يلمعو شن تحب يا راس ؟😉
كرم:شكله طحت وماحد سمى عليا
كنان:اوووه مبروك يا غالي
كرم:المشكله تبي تطلق !!
كنان:علاش شن السبب
كرم:اكيد مش رح تنسى الشي يلي درته فيها كنان خيرك كيف بتتقبلني !
كنان:بتخميم….باهي انت تحبها ! 🙄
كرم:تي مالا شني النم !
كنان:تم تبي تكسبها انتبهلي شويه
كرم:ضربه ع كتفه….طول عمرك صاحب حلول….نسمع فيك احكي
كنان: …………

حفصه:افتحي اكرام الغرفه علاش اديري في نفسك هك

اكرام:تبكي في الغرفه….اني معاش بنتك معاش نبي نسمع صوتك حتى…سيبيني في حالي اعتقيني الهم
حفصه:سيبت مانيله الباب….هدا كله ع خاطر واحد وسخ…تمام ع راحتك سيورك راجعه
اكرام:تبكي. وبسس وكل متحاول ع سيف يطلع مقفل لن فقدت الامل وحدفت فونها

رواية اسألي عني الليالي الحلقة الاخيرة

بعد مرور اسبوع ❤️

كرم:وقف السياره قدام حوش صباح…..ساعه وجايك مش كويس ليك الطلوع
سمار:تمام….بس متنساش موضوعنا بلكتير اسبوعين ونكون مطلقه
كرم:سكر عيونه….يصير خير غر انزلي تو
سمار:نننننن ونزلت وسكرت الباب بقوه
كرم:ضحك علاها وقعد يتبع فها بعيونه لين دخلت باب السور
سمار:سكرت باب السور واتكت عليه…..وربي نحبك كل شي غصب عني بس مستحيل نعيش معاك وانت مدايرلي شي كبيرر 🔥
صباح:سمار جيتي مرحبتين خشي
سمار:سلمك ماما وخشت معاها

كنان:وقف السياره قدام حوش صباح….ساعه بس ره
كيان:قربت عليه وباساته من خده….ساعه بس
كنان:تمام بعد ستين دقيقه تلقيني مغروس هنايا
كيان:نستناك العمر كله حبيبي ❤️ وخدت شنطتها ونزلت
كنان:وتوا صار دورك كنان وطلع طلقههه 🔥🔥

سمار:خلاص قررت نبي نطلق من كرم
صباح:لاه عليك بنيتي تخربي في حوشك والله كرم ممنقص عليك حاجه
كيان:ايي بجديات غر شن تبي سمار
سمار:مسرع نسيتو يلي داره فيا….لو انتو نسيتو اني مستحيل ننسي
صباح:بكيفك عاد انتي كبيره ومنقدرش نغصبك….وهدا حوش امك مفتوح ليك ولاختك في كل وقت
سمار:اتكت ع كتفها….عارفاتك تحبيني مامي 😌
صباح:طبطبت ع خدها بخفه… من ليا غيركم
كيان:اححححي بتبكوني 🥺🥺🥺 واتكت ع كتف امها وحضنتها بيديها

رواية اسألي عني الليالي الحلقة الاخيرة

كنان:حبيبتي اني قدام الباب اطلعي
كيان:تمام حبيبي دقايق بس نسلم ع ماما ونطلع
كنان:تمام حبيبي وسكر الخط

سمار:علاش بنروح معاك خلاص وصلت لحوش ماما….مداما بنطلقو علاش نقعد عندك
كرم:تي علاش الزح مش هك كنا متفقين
سمار:احني لا اتفقنا لا شي انت بروحك متبيش تجيبني بحدا ماما 😒😒
كرم:وراس امك بتفضحي بينا ع الاقل اقعدي لن نطلقو
سمار:اصلا ماما تعرف شن يلي خلاني نتجوزك فاعلاش بنخبو !
كرم:قصدك طلعتيني عيل هك وقلتي بنمشي بنوسع خاطري بحدا امي وفي النهايه ضحكتي علياا
سمار:خلاص عاد متبداش ادير في جو المسكين
كرم:تمام سمار زيدي سكري راسك بس في علمك الليله بنرقد من دون عشي بسببك يعني ربي بيحاسبك 🥺 باااي وسكر الخط…..يارب الكلام يلي قلته يجيب نتيجه !!

سمار:حطت التلفون ع قلبها….ميهونش عليا نقعدو متزاعلين بعد لنطلقو….اففق قلبي ميتحملش 😫😫 خليني نرجع خيرلي منتحملش نزعله ورنت عليه

رواية اسألي عني الليالي الحلقة الاخيرة

كرم:يسسسس 💪💪 اللوو
سمار:تعالا روح بياا 😒😒
كرم:ني قدام الباب اطلعي
سمار:تبصصر
كرم:تي اطلعي وربي قدام الباب
سمار:اامم عارف قلبي طيب وبتضحك عليا بسرعه زيي مضحكت عليا اول مره
كرم:متقعديش تجبدي في ام السيره في كل مرهه
سمار:اوكي اوكي طالعه وسكرت

كيان:تاخرت عليك حبيبي !
كنان:قتلك نستناك العمر كللله ❤️
كيان:ختسلمه حبيبي الحلوو
كنان:اكتفي بابتسامه وبس
كيان:حاسا انه في شي !! مش متعود تخبي علياا
كنان:لا شي
كيان:والنببببي 🥺🥺🥺
كنان:بنلمح تلميح بسيط وبس….تو نوصلو للحوش وتعرفي
كيان:امتى بنوصلو الطريق طولت 🥺🥺
كنان:ضحك….نقناقه
كيان:برمت وجهه وقعدت تتفرج ع الروشن

سمار:ركبت السياره وهيا قالبه وجهه….السلام عليكم
كرم:وعليكم 😒 وقعد يسووق

كنان:وقف في السور وفتح الباب لكيان…هي اميرتي انزلي
كيان:نزلت ومسكت في ايده
كنان:تو ني بنخش وبعد نقولك خشي تخشي اوكي
كيان:متحمسه….حاضر حاضر خش انت واستعجل مش قادره نصبر
كنان:ضحك….تمام رد بالك تخشي كن هدا يفسد كل شي وخش
كيان:اتكت ع السياره وتستنى في كنان يقوللها خشي !

سمار:نزلت بسرعه بس وقفها صوت كرم
كرم:استنى شويه خاش معاك وجاها يجري
سمار:كملت طريقها بس وقفت بعد كرم مسكها مع ايدها
كرم:مسك ايدها وكمل مشي
سمار:تحاول تفك ايدها منها….اطلقنني 😳
كرم:ما كاناش يسمع فيها وطلع المفتاح من جيبه وفتح الباب بس كاان الحوش كلله مضلم 🔥🔥
سمار:علاش الحوش مضلم
كرم:لحضضه ومشي جيهه البريزات وفتح الضوايه كانت الدنياا كلها مزينه بلورد الاحمر والبالونات الحمر والشموع الحمر في كل مكان وفي الوسط قاتو محطوط عليه 20 شمعات حمر ❤️❤️

كنان:حبيبتي ❤️
كيان:احححححي وخشت تجري وكانت كدالك الدنيا مضلمه…..كك كن كنان ؟ 🙄
كنان:فتح الضويه وكانت الحوش او الفيلا الصغيرونه كلها مزينه نفسس زينه كرم شموع بالونات ورد ع الدروج لدار النوم قاتو عليها 23شمعه

كيان:حطت ايدها ع فمها….حبيبي 😍 اليوم عيد ميلادي!

سمار:حطت ايدها ع فمها….كرم 😍 اليوم عيد ميلادي ! قعدت تتمشى في الصالون لن لقت لافتى مكتوب فها Iam,Sorry 🥺💔 تلفتت وشافت لكرم يلي يترجى فيها بعيونه
سمار:معاش قدرت تتحمل الموقف وارتمت في حضنه ️….انحبككك انحبككك 😭😭
كرم:حاضنها بقوه….اششش علاش الدموع تو….وني نمووت فيك ❤️

كيان:حضنت كنان…..انت الوحيد يلي ادكرت عيد ميلادي 🥺🥺
كنان:حضن كيان بقوه…..من عندي غيرك ياروحي ❤️❤️

بعد مرور سنه 🔥

كيان:مقعمزه وفي حجرها بنتها ريفان….حبيبي افتح الباب كرم وسمار جو
كنان:نحى مريول المطبخ….راك تديري حاجه كنان كنان 😒
كيان:حبيبي شوفت عينك ريفان متعبتني 🥺
كنان:باسها ومشي يفتح في الباب….خدامك اني يا عيوني ….وفتح الباب
سمار:خاشا وشاده ولدها انور في ايدها….هاااي
كرم:سلام
كيان:وقفت تسلم عليهم….اهلين باختي ووخيي الغاليين 🧡
سمار:اموااح..اموواح كيفك
كيان:الحمد لله تعالو نقعمزو في الجنان برا كنان حبيبي مجهز كل شي 😌😌
كنان:تنهد ايي ماشاء الله عليا….اطلعو انتو وانتي نجيب العشي كله ونجي
كرم:نساعدك هي
كنان:يكون احسن ومشو هما الاتنين مع بعض

كيان:شنداير انور معاك 😂
سمار:متعبني متعبني حاله وخلاض ميرقدش الليله
كنان وكرم جابو العشي يلي عباره ع دجاج وحوت مقلي وشاورما جاهزه من يلي تحبها كيان ورز بلاو ومعاه طاجين وبيتزه ومشروبات وقعمزو بعد ماجابوه كله
كيان:شافت لكرم وسمار….ايي شنداير كرم معاك
سمار:امم ماشي حاله 😅
كرم:ايي انتي رد بالك تشكري كرم في حاجه 😏
الكل:😂😂😂😂
النهايه

•خلي شخصيتك قويه متخليش الناس تركب عليك بيني شخصيتك وخلي الكل يحسبلك الف حسااب 🔥

•مهما كان قلبك ضعيف وحساسه بيني للناس انك انسانه واتقه من نفسها قويه 💪💪

•لما بدير شي غلط احسب الف حساب وحط المثل هدا قدامك(يا داير يا لاقي ) كل يلي بديره بتلقاه قدامك وعيلتك بذوق اكتر منه 🔥🔥

•عمرك مدرقي ع شي غلط متخليش روحك تشاركي في الغلط لانه رح يحطو الحق عليك وقتها كلهم بيشمئزو منك
•لما بتحبي حبي الانسان الصح،انسان يصونك ويصون شرفك ويحبك اكتر من نفسه ❤️❤

نبي ارءاي ️الكل مش تم وملصق وتهبل حلوه وبس نبي كلام حلو لياا حتى اني نتعب ونبي كلام حلوو 🥺🥺🥺🥺

مع تحياتي :-

🔥🔥ســــــاجـــــده مـــــحـــــمـــــد🔥🔥
🔥🔥ســــــاجـــــده مـــــحـــــمـــــد🔥🔥

رواية اسألي عني الليالي الحلقة الاخيرة

لمشاهدة جميع اعمال الكاتبه : روايات سجو محمد

اترك رد

زر الذهاب إلى الأعلى