رواية اسألي عني الليالي الحلقة الرابعة للكاتبة سجو محمد | القلم الناجح
روايات ليبيه كاملة

رواية اسألي عني الليالي الحلقة الرابعة للكاتبة سجو محمد

رواية اسألي عني الليالي الحلقة الرابعة

#اسالي عني الليالي 4

ســجــو مــحــمــد 🔥🔥
ســجــوو مــحــمــد 🔥🔥

كيان:طلعت من الحمام ولبست لبسه حلوا مع مكياج بسيط وخدت فونها وفتحاته وشافت صوره كنان ابتسمت وطلعت وهيا مبتسمه ووقفت ع صوت بوها وهو يتكلم ع التلفون 💔🔥
منير:تمام تفضل في اي وقت
كيان:حطت ايدها ع قلبها….احييي كنان بيخطبني 😍 ومشت بسرععه قبل لبوها يحسس عليها

سمار:بعد ماشافاته خنقتها العبره وفكرت انه فتح علاقه جديدة بعد ما دمرلها حياتها ومشت بسررعه
كرم:تعصب ودار لهاشم…..الا ما نوريك عليها اللقطه هادي ومشي
هاشم:استنى شن درتلك اني ….. وبعدين شاف لعبله الي مش فاهمه شي ….. وقدم عليها…شخبارك
عبله:الحمد لله ☺️
هاشم:تعالي تحت الشجره اففضل
عبله:تمام ……

كيان:نزلت من الدروج ومشت للمطبخ….ماما صباح الخير
صباح:اطلع في الصحون من الدولاب…صح النوم
كيان:حضنت امها من الخلف…..فرحاانه هلبا اليوم ❤️
صباح:ربي يدوم حبيبتي….علاش الفرحه هادي كلهاا
كيان:جعانه اني مزال الفطور
صباح:ارفعي معاي ع الطاوله
كيان:حاضر …..حطت حقيبتها ع الطاوله الصغيره يلي في المطبخ ورفعت صحن الخيار والطماطم وطحن الجبن وحطتهم ع الطاوله وامها جابت الصحون الباقيه وقعمزو يفطرو
منير:قعمز…..صباح الخير
كيان&صباح:صباح النور
منير:كلمني كنان تو
كيان:بفرح….علاش ؟؟
منير:غدوا يبيجي بيحدد العرس
صباح:ع خير انشاءالله
كيان:وقفت …. اوكي ماشيه للشغل تبو حاجه
صباح:لالا سلامتك تو نوصي بوك ع حجات
منير:يشرب في مياه ويهز في راسه….لالا اني اليوم الشغل لفوق رااسي وصيها تجيبلك الناقص
صباح:امتى فاضيلنا انت ……بعدين نبعتلك رساله بالحجات الناقصة بعدين
كيان:خدت شنطتها من المطبخ….تمام نستنى في رسالتك وفتحت الباب وطلعت ……

سمار:تجري والدموع ع خدودها لقت السواق يستنى فيها ركبت وتمسح في دموعها بكمها وتشهق
السواق:انتي كويسه يابنتي
سمار:لو سمحت وقفلي ع اليمين
السواق:حاضر….وصف ع اليمين
سمار:نزلت ع السريع ووقفت تبكي وهيا تشهق بققوة والدموع موقفوش
سمار:واااحد حققير وتافه ربييي ياخدكك 😭😭😭
وقعمزت ع الكرسي ومنهاره
كرم:وقف سيارته بعييد عليها ويشوفلها ومتاتر بحالتها

بعد ربع ساعه 🕒

كرم:وقف قدااام الحوش يلي ع تلاته دوار ….. الحرس في كل مكاان يمشو وكل جيهه حاطين فيها كلب ….. الاضواء في كل مكان…..سيارات فخمه ميقلش عددهم ع 20سياره كلهم عاليات بلاااك ميبانش منهم شيي 🔥
كنان:قاطع صوت تفكيره واحد من الحراس يتكلم
الحارس:انست سيد كنان
كنان:تسلم…..قاعدين الكل في الحوش
الحارس:المدام عائشه بس طلعت الصبح بكري والباقي كلهم يفكرو ع طاوله الفطور
كنان:حط ايده ع كتف الحارس…تمام ربي يعاونك
الحارس:سلمك….ومشي في حال سبيله يدور ع الحوش
كنان:خش من البوابه وضغط زر الاسنسير وفتحله الباب ضغط ع رقم 3 وتسكر الباب وبعد لحظاات فتح …..
كنان:شاف لي طاوله الفطور…..صباح الخير
الكل:صباح النور
رماس:نزلت من الكرسي ومشت تجري لحضن كنان…..خويا حبيبي
كنان:ضحك….رموسه شنجو
رماس:ترفع في يديها تبيع يقيمها …… كويسه…..بس استاحشتك معاش جيتنا ومعاش قريتني ☹️
كنان:رفعها فوق في حضنه…..حتى اني استاحشتك رموستي بس عندي شغل
رماس:كان نحك…..قاطعتها امها يلي مقعمزه ع كرسي يلي ع حافه الطاوله…..انستنا كنان
كنان:الله يانسك مرات عمي
حفصه(مرات عمه):بصوتها الخشن …..وين مغيب وضحكت…..ولا لاهي في الانتقام 😏
كنان:نزل رماس…..امشي اقري حبيبتي
اكرام:انفتح الاسنسير وطلعت هيا …. الله الله شن صاير في الدنيا كنان عندنا
كنان:ضحك وضربها ع رقبتها…..كبرتي وولا عندك لساان اكرام:حضناته…..استاحشتك هلباات
كنان:شخبار الدراسه…
اكرام:معاش تجبدلي سيره الدراسه بلله كرهتها
كنان:الباين انك مش ماشيه اليوم
اكرام:ايي اليوم في حفله في المدرسه منبيش نمشي قلت نرتاح يوم من النفخ
كنان:وين عمتي و وليد ؟؟
اكرام:ماما طلعت و وليد راقد زيي العاده
كنان:تمام….. اسماء ؟؟
اسماء:جت تجري ….. اهلين سيد كنان
كنان:حك راسه ….اهلا بيك…بنركب غرفه وليد جيبيلي قهوا غادي
اسماء:حاضر ….. ورجعت للمطبخ
كنان:قعمز ع طاوله الاكل…..شن صاير في الشغل ماشي
حفصه:زيي العسسل ماشي ….
كنان:كويس بنرتاح شويه وبعدين نمشي نشوف الشركه
حفصه:ابتسمت….سابقاتك غادي ارتاح وتعالا
كنان:تمام مرت عمي ….. وفتح الاسنسير ومعاه رماس تحكيله ع يومياتها من دونها ……

كرم:حجز تذكره لي ليبيا قبل ليروح رجع للحوش وتى شناطيها وقعمز ع فونه يتصفح …….

سمار:رجعت لحوش خالتها وخشن ارتاحت نص ساعه وطلعت لخالتها يلي كانت مقعمزه في البلكوني وتشرب في قهوتها …..
خلود:شافتها وهي جايا…..صح النوم حبيبتي
سمار:سلمك….وسحبت الكرسي وقعمزت تتامل في السماء
خلود:ليك يومين مش عاجبتيني !
سمار:شافتلها…..معاش نقدر نعيش بعيد ع اهلي …. اليوم قبل منرجع هني حجزت في تذكره لي ليبيا
خلود:شافتلها….سمار بنتي خيرك شن جاك ….
سمار:خالتي معاش نقدر نعيش بعيد ع اهلي اكتر من هكي ضروري نرجع ….
خلود:مستحيل نخليك تمشي بتسيبني هني بروحي
سمار:خالتي بللهي عليك متضغطيش عليا
خلود:تنهدت…. براحتك حبيبتي…. بس بنستاحشك هلباا
سمار:حتني 🥺 وناضت لغرفتها وهي شاده دمعتها……

ع سفره العشي 🥂🥂

قعمزو عيله كنان كلهم عمته عائشه،مرات عمه حفصه،بنت عمه رماس،وولاد عمته الاتنين اكرام ووليد ❤️❤️
حفصه:تاكل في طماطم….. استنيتك كنان علاش مجيتش كنان:مسح ع وجهه …فاتت عليا نومه
وليد:نخصه من رجله وضحك
كنان:فنص فيه بمعنى اسسكت
رماس:فمها معبي شكلاطه…..اليوم نبيك ترقد معايا وتقريني الانجليزي
كنان:ضحك ع برائتها…حاضر ورن فونه..
كنان:وقف وتباعد شويه…. ها كرم شنجو
كرم:غدوا جاي معاش فيها
كنان:خلاص غدوا تو نلاقيك في المطار
كرم:تم تصبح ع خير
كنان:تلاقي الخير ورد قعمز ع الطاوله
عائشه:مني كرم ؟؟؟
كنان:ايي قال جاي غدوا
عائشه:واخييرا الغالي بيجي …. كمل شغله وجيي 😏
كنان:تنهد…. رموسه نوضي نغسلو ونقريك هيا
رماس:نزلت بشويه من ع الكرسي بشويه ومشت هيا وكنان…….

سمار:ضمت حوايجها كلهم في شنطتين كبار واتصلت بكيان

كيان:الو سموره
سمار:اهلين كيان شنجو
كيان:الحمد لله وانتي
سمار:بخير ….. توقعي
كيان:شن بنتوقع ؟
سمار:غدوا راجعه لي ليبيا
كيان:بفرح…… جديااات 😍 حبيبتي انتي علاش القرر المفاجاه هدا
سمار:ملييت من تونس نبي نرجع غادي لحياتي الاولى صاحباتي اهلي
كيان:احسسن مدرتي اصلا اني تو نشري في حاجات بيحدد العرس غدووا
سمار:مبرووك ياروحي تستاهلي
كيان:سلمها ❤️❤️ غدوا بنجي ناخدك من المطار
سمار:تمام يا عمري …. سلميلي ع بابا وماما وديري بالك ع نفسسك
كيان:يوصل حبيبتي ….. باي وتسكر الخطط

رواية اسألي عني الليالي الحلقة الرابعة

كنان:خش هو وبنت عمه الصغيرة لغرفتها ودرسها ورقدت في حضنه….. حطها ع سريرها وطلع لغرفته

كرم:جهز شناطيه وكلم صاحب الشقه وخصله ع الشهر الاخير وطلع كل الماكله يلي عنده لحارس العماره وراح فيها نومه وهو يتفكر في منظر سمار وهيا منهاره

اما سمار:رقدت والدمعه في عينها معمرها خبت ع اختها ايي شي بس الموضوع هدا بدات مقدرتش تقوله لاختها 🔥

كيان:خدت كم حاجه ناقصه للحوش ورجعت متاخره شويه خشت لغرفتها غيرت ولقت كنان يتصل بيها

كنان:راقد ع بطنه…. الو حبيبي
كيان:اهلين ياعمري كيفك
كنان:تمام وانتي كيف حالك
كيان:الحمد لله تو كيف رجعت للحوش وين انت ؟؟
كنان:اليوم مشيت لحوش العيله قاعد عندهم
كيان:باهي كويس حبيبي….. غدوا بتجي انت وياهم
كنان:بنجي اني وخوي لان غدوا راجع من السفر
كيان:ربي يرجعه بسلامه….حتى اختي سمار راجعه غدوا
كنان:اءاا باهي حبيبتي ❤️❤️ غدوا نبي نشووفك لما بنجي
كيان:كان حصلت فرصه تو نجيك
كنان:انشاء الله حبيبتي …. منبيش نتاخر عليك ارقدي كويس وغدوا مش ضروري تمشي للخدمه
كيان:انشااء الله حبيبي دير بالك من نفسكك
كنان:وانتي ديري بالك حبيبتي تصبحي ع الف خيير
كيان:ابتسمت…. تلاقي الخير وسكرت الخط

🔥ســجـــو مــحــمــد 🔥🔥
رواية اسألي عني الليالي الحلقة الرابعة

يوم جديد

كيان:فتحت عيونها ع صوت مسج …. خدت فونها وضغطت ع الرساله لقتها من كنان
(صباح الورد حبيبتي….لما بتجيبي اختك البسي شي غليظ صقع اليوم….نحبك ❤️)
كيان:ضحكت بصوت هادي وسكرت فونها ووقف للحمام ادوش……

سمار:في الوقت هدا حاضنه خالتها وهيا تبكي
سمار:رح نجوك اكيد حبيبتي…. رح نجوك كلنا 💔
خلود:تبوس فيها…. يا روحي انتي يا حبيبتي … كلميني تمام متقطعيش علياا 😭
راجل خالتها:خلاص ياسركم بكي هيا سمار الطياره بتطلع
سمار:سلمت ع خالتها ومشت ركبت وهيا تشوف لخالتها …. قعمزت ع كرسيها وهيا تبكي وحاطه ايدها ع راسها كرم:كان مقعمز ولابس طاقيه ونظارات وحاط السماعات ويسمع وراسه لوطه
سمار: تبكي ويدها ع راسها
كرم:كان مغمض عيونه وحس عليها لما قعمزت حول السماعات وشافلها…..انتي كوويسه ؟ 😕
سمار:وهيا منزله راسها….شكرا اني كويسه !
كرم:شافلها باستغراب….اوكي ورد السماعات ولهي
اما سمار منزله راسها وتبكي وبسس 🔥🔥

رواية اسألي عني الليالي الحلقة الرابعة

كنان فطر وطلع شغل سيارته ورفع رماس للروضه ووصل اكرام للتانويه ووليد في الجامعه بسس غاييب 🤦‍♀️ ……

كيان:جهزت نفسها لبست بلوزه ورديه قصيره مع سروال شيفون ابيض ولبست جيبوطي بيج وصندلي حلو وعالي دارت روج وردي وطلعت تفطر مع امها يلي تستنى فيها لوطه

صباح:كولي بشويه خيرك مستعجلله
كيان:يييي مخبرتكش ….. سمار اليوم راجعه
صباح:ايي اتصلت بيا خلود خبرتني بكري
كيان:ايي هدا علاش تاخرت شويه…. ووقفت…. هي سلاام
صباح:بسلامه
كيان:طلعت والمطر تصب شوي شوي ركبت في سيارتها واستنتها ربع ساعه تسخن وطلعت للمطااار 🛩️🛩️

كيان:فتحت اغاني رومانسيه هاديه وحلوه بس الغريب انه في سياره تلحق فيها من اول مطلعت من الحوش …. سرعت في السرععه وهو يزيد يسررع
كيان:خاافت .. بس تشجعت ووقت سيارتها تبي تنزله ونشوفه من يلي يلحق فيها 🔥🔥

سمار:بعد فتره رفعت راسها ورشفت خشمها وقعدت تتفرج ع السماء وشردت ❤️
كرم:سمع فونها يررن وهيا شارده….. لو سمحتي ؟؟ انتتي !
سمار:سمعاته ودارتله وانصدمت لما شافاته والدم جمد في عروقها 😳😳
كرم:معاش تحرك من مكانه ويستنى في رده فعلها 🔥🔥
يتبع: ………

🔥ســـجــو مــحــمــد 🔥🔥
🔥ســـجـــوو مــحــمــد 🔥🔥

لمشاهدة جميع اعمال الكاتبه : روايات سجو محمد

اترك رد

زر الذهاب إلى الأعلى