رواية اسألي عني الليالي الحلقة السابعة للكاتبة سجو محمد | القلم الناجح
روايات ليبيه كاملة

رواية اسألي عني الليالي الحلقة السابعة للكاتبة سجو محمد

رواية اسألي عني الليالي الحلقة السابعة للكاتبة سجو محمد

#اسالي عني الليالي 7

🔥ســجــو مــحــمــد 🔥🔥
🔥ســـجـــو مــحــمــد 🔥🔥

منير:نازل من الدروج للمطبخ….الدنيا كانت عاصفه ورعد ومطر خيط من السممي والدنيا تخووف
منير:شرب كوب المياه وركب ع الدروج ووقفه ظلل شخص ع الروشن الشخص هدا يعرفه كوويس ؟؟

منير:ينزل شوي شوي من الدروج ومتجه جيهه الروشن ويرجف مع بعضه فتح الروشن بشويه وانخلع بعد ما في ايد نحطت علي كتفه من الوراء
منير:رعش من الخلعه ودار
كيان:بابا خيرك
منير:شفت حد جيهه الروشن وشاف للروشن ملقاش حد
كيان:بابا مفيش حد بالك تتخايل هيا اركب ارتاح فووق
منير:يشوف للروشن ولكيان والعرق يصب منه
كيان:مسكت بوها من ايده وركبت بيه وهيا تشوف للروشن 🔥

منير:خش لغرفته وهو يمسح في العرق ومش قادر يتكلم
صباح:رقدت ع سريرها….خيرك عرقان في هصقع
منير:لا شي وفتح الورغان وخش فيه وهو تفكيره في شي تاني ؟؟؟
صباح:كيفك 😏 ورقدت

يوم جديد

منير:فاتح سيارته ويسخن فيها وحاط راسه ع الدومان….رفع راسه وقعد يعدل في المرايه وتفجاة بلوجه يلي شافه في مرايه….بدي يعيط بصوت عاالي….الحقووني الححقووني 😨 سماار كياان وينكم
سمار:تلبس في شنطتها….جيت بابا شويه بس
منير:ياشر بايده ع المراءة يلي واقفه
سمار:تشووف للمكان يلي بوها ياشرلها عليه ومش شايفه حد….خيرك بابا ع شن تاشر ؟ 😕
منير:نزل من السياره وجي في جنب سمار….بنتي مش شايفه شي انتي !! خيرك شووفث المراءه هياا 😨😨
سمار:تشوف لبوها وللمكان ومش فاهمه شي !
منير:خايف ومعاس قدر يتلكم لما المراءه قعدت تقدم عليه
كيان:طلعت …..خيره صوتكم عالي ؟؟
صباح:استنو كيان خودي شنطتك معــ وقعدت تشوفلهم
منير:قعمز لووطه وحاط راسه بين يديه…..كلكم مش شايفينها انيي بس شايفهااا علااااش !💔 وقعد بحاله هستريا
كيان:تستفز فيه علاش تشوف فيها برووحك اكيييد انت مدايرلهاا شي قووول بالك تسيبك في حالككك بابا قووول ؟
منير:ها هاد هادي سسلطانه 😥 المراء يلي دمرت حياتها خليتها تخش في حالله نفسيه وهيا متزوجه وعندها ولد صغيير 😭 اني دمرتلها حياتها وقتلتها وهيا حية في هداكا اليوم مكنتش بوعي واللهي مكنت بووعي ويبكي بصوت عالي ومقعمز ع الوطى وراسه لوطه
كيان:واقفه ومتبيش تبكي…..وانت كنت تعرف انه كنان يكون ولدها ومقدرتش تقولي لانك متحشم من يلي دايره ولا قوول ؟؟
منير:كله غصب عني واللهي يومها مواعي لحاجه اسسف سامحوني
سمار:قدمت خطوات…..تعرف انت بيلي درته دمرت حياتنا……زيي مدرت فيها جي فينا علاش بابا؟؟ 😭
صباح:سكتت طول السنين ع اغلاطك بس مستحيل نسكت بعد تو
كيان:لاا ماما…..من اليوم بابا بينسانه
منير:شافلها بصدمه….لاا متحرمونيش من شوفتكم ع خاطر غلط ارتكبته من سنين لاا كيان بنتي مديريهاش 😭
كيان:لا بابا تو تفكرت انه عندك بنات وقت كنت نبكي كل الليل وانت تسمع في صوت شهقاتي ومش هامك كنت جيتني وخبرتني انه كنان ولد المراة يلي اغتصبتها
سلطانه:قدمت….مش انت بس تشوف فيا الكلل يشوف فياا الكل في وقتها حط الحق علياا مفيش حد صدقني واني نقول مضلومه وهو يلي تهجم علياا 😭😭 مهما يكون انت وقتها مش واعي الله يسامحك
وفجاءة طلعو كنان وكرم من وراء الحوش
سمار:😨😨بصوت واطي….شن يدير هدا هني…..
كرم:قدم ع امه وحضنها بقووه…..خلاص معاش تبكي امي مفييش حد يستاهل دموعك يا غاليه
سمار:انصدمت اكتر بعد فهمت انه كرم تكون امه….حست بروحها بترجع حطت ايدها ع فمها ومشت تجري
منير:شافت للكل واحد واحد ووقف بحيل مهدود وخدي مفتاحيه يلي محدوفات في جنبه وشاف لصباح يلي دموعها موقفوش وركب سيارته وطلع بيها
صباح:مسحت دموعها…..تفضلو علاش واقفين ؟
سلطانه:خشت للحوش وهيا تشوف فيه وتتفكر في نفس اليوم يلي جابها هني غصب عليها وهيا كانت طالعه ترمي في القمامه من حوشها يلي في جنبهم واستغل فرصه انه صباح كيف جايبه كيان وقاعده في حوش اهلها ودار يلي داره 💔
كنان:مسك كيان من ايدها باش متخشش ومشي بيها من خلف الحوش….استاحشتك ❤️
كيان:مش عارفه كيف مرو عليا الليالي من دون منكلمش 🥺
كنان:المهم تو مع بعضنا..اءء كنت بنقولك ع شي ومنبيكش تزعلي يعني كله صار وني منعرفش عليه
كيان:تنهدت….تعودت ع الصدمات قولي شن في تاني ؟؟
كنان:يتكلم بصعوبه…..كرم خويا دار غلط
كيان:خوفتني كنان شن صاير ؟؟!
كنان:لو سمحتي كلمي سمار اختك
كيان:اختي 🙄؟؟ اوكي لحظة بس ومشت وتلاقت مع كرم يلي مقعمز ع الدروج ….تفضل كرم لداخل ☺️
كرم:لا صحيتي هني مرتاح
كيان:براحتك وخشت تنادي ع سمار يلي قالبتها في الحمام
سمار:طلعت من الحمام وهيا ماسكه الفوطه في ايدها وتمسح في وجهه
كيان:سمار حبيبتي تعالي معاي برا
سمار:لو مش مهم خليني مريضه
كيان:خيرك شن فيك ؟؟
سمار:لا بطني شويه علاش شن في برا
كيان:لحظظة بس كنان يبيك
سمار:توترت….شن في شن يبي ؟؟ 😨😨
كيان:منعرفش عليه يبيك وبس تعالي تاخرنا عليه
سمار:مشت وكيان ماسكه في ايدها وتمشي معاها لبرا

صباح:جايبه قهوه….تفضلي حبيبتي
سلطانه:صحيتي وخيتي مخاطريش
صباح:حطت السفره وقعمزت….عارفاته يلي صار معاك صعب ومافيش وحده تتحمله بس خلاص كله فات اهما سلم اولادك ماشاءالله عليهم
سلطانه:متوتره….كنت في حاله ميعلم بيها الا ربي نسيت حتى صغاري في هديك الايامات من لما صار معاي واني دخلت حاله نفسيه منعرفش حد وبعدها بفتره حملت بكرم كانو مربطيني باش منديرش شي في كرم بجديات مش عارفه كيف مرو الايامات وبعد فتره اكتشف كنان انه يعطو فيا في حبوب باش نقعد هكي ومنرجعش كيف مكنت في وقتها كنان مباش يخبر حد غير هو وخوه باش العيله ميعرفوش انه وليت عاديه….سكتت شويه وبعدين تكلمت…لانه حد من العيله
يعطي فيا في الحبوب بعيد عليك 💔
صباح:تاترت…يا ناري عليك وبعدين سكتت وتوترت….قق قصدك حملتي بعد مصار هداكا كله 😳
سلطانه:ايييه 😭 كرم يكون ولد منير 😭
كيان&سمار:واقفين مصدوميين والاكتر سمار
سمار:طاحت ع رجلاها…..لاااااا 😭 لاا ياربي شن يلي قااعده تقوولي فيه يعنني كرم خوويا للااا ياربي مسستحيلل 😭😭😭😭
كيان:انصدمت ورفعت اختها وتحاول تهديهاا
صباح وسلطانه قدمو عليها ومش فاهمين شيي
كنان وكرم سمعو العياط خشو مصدومين في حاله سمار 💔💔
سمار:شافت لكرم ومشتله شداته مع حوايجه…..انت طلعت خويااا انت خوويا 😭 وتضرب في روحها ع خدودها
كيان:مسكتها….سمار اهدي خلينا نفهمو القصه….عمتي شن في شن قصدك يعني كرم خونا 😳
كرم:تعصب وتوتر….تيي شن تقولو انتم لا خوكم لا شي …..تي تكلمي امي شن في ؟؟ 😠
كنان:واقف ومصدوم ومش قادر يقول كلمه
كرم:امي علااااش متبيش تتكلمي قولي وضرب راسه ع الحيط……تييي اني غلطت في البنت غللطت…..ومسسك ايد سمار….تعالللي معاي مستحيل نعييش لا انتي ولا اني وجبد سمار معاه
سلطانه:تجري في جرته وصباح وراهم وتحاول تكلمهم وتبكي 💔💔🔥
كيان:قعمزت بحيل مهدود ع الدروج وكنان يحاول يوقفها ويهديها

صباح:ياا ولدي بللهي عليك اوقف وافهمني 😭
سمار:احسسن لينا ماما راااهو اني حاامل حاامل
كرم:طللع سلاحه من السياره وحطه ع راس سمار
سلطانه:استنأ وصلي ع النبي يا ولدي راهو سمار مش بنت منيير 😭
سمار:اغمى عليها من الصدمات
كرم:حدف السلاح ورفع سمار بين يديه ودخلها للحوش وحطها ع للصالون ويضرب فيها بشويه ع خدودها
كرم:سمار فييقي….جيبو مياه
كيان:ناضت بسرعه للمطبخ وجابت مياه وعطتها لكرم
كرم:بخ المياه ع وجهه وسمار بدت تفتح في عيونها بشويه
سمار:فتحت عيونها ورفعت راسها وقعمزت
كرم:متحكيش حرف….وشاف لكيان …..ارفعيها لغرفتها ترتاح
كيان:حاضر ومسكت اختها من ايدها وركبتها فوق

كيان:ارتاحي وبعدين نحكو……جت بتمشي
سمار:مسكتها من ايدها وكيان دارتلها….
سمار:معناته انتي مش اختي 🥺
كيان:قعمزت وشافتلها بحب….لا يا روحي اني اختك حبيبتي متفكريش هك حتى كان مش من نفس البطن احني خوات بروح تربينا مع بعض كبرنا مع بعض قرينا مع بعض كل شي شاركناه مع بعض يعني الكلام هدا كله طلعيه من راسك ❤️
سمار:شافتلها وعيونها مدمعه وحطت ايدها ع بطنها….اني تو في داخلي روح كيف بندير كيان 🥺
كيان:حبيبتي اهم شي صار مش برضاك واكيد رح نلقو حل مع بعض متخافيش
سمار:شافتلها وخشت تحت الورغان وتفكر وعيونها يقطرو في الدموع

شعور مش حلو لما تعرفي انه العيله يلي عشتي معاها سنين وعشتي معاه ع الحلوة والمره يطلعو مش عيلتك

شعور مش حلو وقت تعرفي انه المراء يلي رباتك واعتبرتيها امك تطلع متقربلكش حتى اختك يلي اعتبرتيها اختك وسند ليك وتدعم فيك وقت تحتاجيها ووقت متحتاجيهاش تطلع مش اختك

الراجل يلي رباك وقت يطلع تستنيه بدقيقه والتانيه يروح باش يحيبلك شي معاه ويقولك يا بنتي وانتي تقوليله بابا تطلعي مش من دمه 💔

تحملتي كل هلمصايب بس ع خاطر غلط بوك زمان وفي النهايه تطلعي مليكش ذنب في القصهه 💔💔🔥

🔥🔥ســـــاجــــده مــــحــــمــــد🔥🔥
رواية اسألي عني الليالي الحلقة السابعة للكاتبة سجو محمد

كيان:سكرت ع اختها الضي وردت الباب ونزلت للصالون وقعمزت وهيا مطبقه يديها….هي سمار مشت تقدرو تبدو في الموضوع وتحكولي بتفصيل الملل
كرم:حط ايده ع راسه….قصدكم اني ولد منير الككلب
سلطانه:ايي رح نفهمككم القصه من البدايه…..وبدت تحكي في القصه يلي حكيتها فوق في حديث سلطانه وصباح 👆👆 …… بعد جبت كرم خدوه مني عماته وبوكم من لما صار يلي بيني وبين منير جاته سكته قلبيه وتوفى وبعد بفتره خوه راجلي قرر انه ياخد حق خوه ودخل معاه راجل حماتي عائشه ومنير كان اقوى منهم في هداكا الوقت مكانتس حالتنا زيي تو وبعد جوه في حوشه وهدو عليه قتلهم الاتنين بدم باررد ورمي جتتهم سلفتي كانت شخصيتها قوويه وحرضت ولادي انه ينتقمو الانتقام القدر هدا وهما في وقتها يعرفو كل شي ع عيلتكم يعرفو كرم انه ولد منير ويعرفو انه سمار مش بنتكم ولعبو لعبتهم……الحمد لله في الوقت هداكا عرف كنان انه يعطو فيا في دواء بعد شاف الممرضه تعطي فيا سالها وطلع الكلام منها بلغضب وطلعت سلفتي هيا يلي تعطي فيا في الدواء باش منوعاش ومنمنعش ولادي 💔 وهادا يلي صار
كيان:شافت لامها….ماما بجديات مخبرتيش سمار انها بنتك ! علاش ماما علاش لامتي كنتي بتخبي الموضوع ؟؟ وعلاش سمار سيبوها اهلها وينهم !! احكي علاش ساكته 🥺🥺
كنان:مسك ايدها وغمض عيونها وفتحهم بمعنى اهدي ❤️
صباح:في تاريخ 6.9.1998 صار معانا حادت كنت اني في عرس وبوكـ قاطعتها كيان
كيان:مش بوي من اليوم ياريت تقولي منير
صباح:تمام…..هو كان معصب لانه العرس تاخر رجعنا ممكن الساعه1 واحني راجعين كان بوك يكشخ وطايرتله منتبهش ع الطريق واستضمنى بسياره ع الطريق كان الحادت قوي…..سيارتنا ما اضررتش هلباا واني ومنير جونا شويه كدمات….نزل هو من السياره وشاف العيله يلي فيها الام والاب كانو مش في السياره بس في بنوته عمرها تلاته ايام تبكي بصوت عالي من الخلف مسكها منير بين يديه وجابهالي في السياره وقعد يدور ع الشخصين التانيين…..في النهايه لقاهم في بعيد ع السياره كل واحد في جيهه بس للاسف الام والاب كانو متوفيين في وقتها منير انحبس بس مش هلباا والبنت قعدت عندي وبوك بعد طلع حاول يوصل لاقاربها بس ملقاش وقعد منير يدور ليين البنت كبرت وبدت تقولنا بابا وماما واعتبرنها بنتنا يشهد علينا ربي 😭😭 وهيا هادي نفسها سمار…..لما جبنا البنت كيان في وقتها كان عمرها سنتين مسكرات نفس يوم الميلاد ❤️❤️
سمار:كانت واقفه فوق عند الدروج ومقعمزه وترشف في انفها
كرم:خدي نفس…..اني مستعد نتزوجها 💣
سمار:فوق ومصدومه
صباح:انت غلطت معاها وهيا حامل مهما يكون الولد ولدك خليها لين تجيب وطلقها عادي 😥
كرم:يصير خير….رح نتفقو مع بعض وانشاءالله نديرو العرس نهايه الاسبوع هادا
صباح:انشاء الله خير…..
كنان:شافت لكيان بحب….بما انه بديرو عرس ندير عرسي اني وكيان ❤️
كرم:قصدك انت واختي 😅
الكل ضحكو مع بعض …..
سمار:نزلت….الكل يضحك مفيش حد يفكر فيا بكل 🥺 طبعا لاني مش بنتكم ومن دمكم
كيان:وقفت….سمار شن الكلام يلي تقولي فيه هدا بوعيك انتي
سمار:ايي وبكامل قواي العقليه فوقها
كرم:بعد ادن حضرتكم بنتكلم اني وسمار شويه
سمار:واقفه ع الدروج….ع شنو تبينا نحكو….اهو عيلتي الكريمه جوزوني ليك من دون حتى مياخدو راحتي شن مزال بنحكو
كرم:ركبلها وتكلم بصوت واطي ….اطلعي قلت ومسكها من ايدها ومشي بيها لبرا….شنو الكلام يلي تقولي فيه لداخل هادم في النهايه ربوك وتحملو مسوليتك يعني زيي عيلتك
سمار:مطبقه يديها…جايبني هني بتعرفني ع اهلي 🤨
كرم:لا طبعا بنقولك هلكلمتين…..مش متجوزك ع سواد عيونك البنات عليا بلهبال يعني منبيش نضيع المعجبات 😌😌 الموهيم بنتزوجك لن تجيبي ونطلقك ومش رح ينقصك شي لا انتي ولا ولدك اوكي
سمار:تنهدت….حتى اني عندي هلبا معجبين يعني نبي نطلق باسرع وقت باش منضيعش معجبيني والاصح ميشوفوكش 😉
كرم:هه مريتلك معجبين وجهك زيي المعزه 😒😒
سمار:ضحكت بدلع….هههه انت عارف اني شني 😏 وخشت
كرم:وووكك طررف الززح كيف بنقعد معاها شهر بس…..ضرب روحه كف خفيف…شن تقول يا حمار انت ؟ ومشي شغل سيارته وطلع
اما كنان قعد هو وامه مع صباح هدرزو واتفقو ونسو كل شي صار معاهم وبدو صفحه جديده مع بعضهم ❤️❤️

كيان:واقفه هيا وكنان مع بعض قدام السياره الوالعه
وصباح وسلطانه في باب الحوش يهدرزو كدالك

كنان:مش حابه تخبري متابعينا كيف خططنا لكب الشي هدا وكيف وقعنا بوك في الخطه
كيان:ييي نسيت اسسفه 😅 خلينا نررجعو بالاحداث

🔥🔥ســـــاجـــــده مــــحــــمــــد🔥🔥
رواية اسألي عني الليالي الحلقة السابعة للكاتبة سجو محمد

كنان:كيان بوك شن قاعد يقول؟؟؟
كيان:منزله عيونها…..يلي سمعته يلي بينا انتهي !
كنان:كيان شوفي لعيوني وقوليها الكلمه هادي
كيان:تهرب في عيونها منه
كنان:جديات مصدقه الكلام يلي يقولو فيه عليا ! مستحيل نكدب عليك كيان اني كنت نبي نتزوجك بلحلال ونعيشو احلى حياة مع بعض خيرك كيان من عبالك فراسك
كيان:تحاول تبين قويه…..مفيش حد عبالي في راسي شفت بعيوني !!
كنان:كيان شنو تقولي شن يلي شفتيه بعيونك
كيان:حول من طريقي بنخش
كنان:مستحييل نخليك تمشي وتخليني مستحيل ……
كيان:تمشي في المرر وكنان وراها
كيان:خشت للمكتب وسكراته …..كنان فتح الباب وخش وراها وسكره
كنان:فتح تلفونه ووراها فيديو امه
كيان:تشوف ومصدومه ….الممرضه خاشا لسلطانه وتحاول تشربها الدواء وسلطانه تهرب يمين ويسار وحالتها تزعل
كنان:سكر التلفون بغل…..تعرفي هادي من تكون 😑 ؟
كيان:ايي امك ؟ 🙄
كنان:لا هاادي امي….امي يلي سبب حالتها هادي بوكك اعتدي عليها وهيا ولت في الحاله هادي….. تعرفس قداش عااانت سنين……. سنين وهيا بلحاله هادي
كيان:تشوفله بصدمه……بابا ؟؟
كنان:حاولتي تسالي بوك علاش اني ندير هك ؟ لااا شكيتي وبسس
كيان:تبكي …..متوقعتش هكك 😭😭بابا نفسسه 🥺
كنان:رح نتبتلك كل شي قداام عيونك ….بس استنى علياا ؟!
كيان:اني موافقه 🔥
كنان:اوكي و……… حكالها كيف الخطا
انه تجي سلطانه للحوش ويخلو منير يخاف انه يتخيل فيها ويحكي الحقيقه…..في الوقت هداكا سلطانه كيف تعافت بعد ما كنان وقفلها الدوا يلي يعطولها فيهه 🔥🔥

🔥🔥ســـــاجـــــده مــــحــــمــــد🔥🔥
رواية اسألي عني الليالي الحلقة السابعة للكاتبة سجو محمد

بعد مرور اسبووع ❤️

في افخم صالات طرابلس ….الاضوأء ع العرايش يلي طالعات زيي القمر يتمشو ع المسرح بفلواتهم الحلوه والبسيطه ❤️
خشو العرسان الاتنين مع بعض والبسمه ع وجوههم
كرم يسلم من بعيد ع البنات والابتسامه ع وجهه ❤️❤️
كرم:وقف قدام سمار
كنان:وقف قدام كيان ❤️
يتبع…..

لمشاهدة جميع اعمال الكاتبه : روايات سجو محمد

اترك رد

زر الذهاب إلى الأعلى