رواية اسألي عني الليالي الحلقة السادسة للكاتبة سجو محمد | القلم الناجح
روايات ليبيه كاملة

رواية اسألي عني الليالي الحلقة السادسة للكاتبة سجو محمد

رواية اسألي عني الليالي الحلقة السادسة للكاتبة سجو محمد

#اسالي عني الليالي 6

🔥ســـجــو مــحــمــد 🔥🔥
ســجـــوو مــحــمــد 🔥🔥

كيان:مقعمزا في البالكوني…… باهي المهم رجعلكم بصحه كويسه
كنان:ايي حبيبتي…. كيان بنقولك ع حاجه بس نتمنى انك متزعليش مني ؟؟!
كيان:منزعلش منك حبيبي…. قولي نسمع فيك
كنان:سكت وبعدها تكلم وقال…..امس شفت بوك مركب وحده معاه في السياره
كيان:سكتت وبعدين تكلمت… ااه اكيد ماما 😅
كنان:حتى اني توقعتها تكون امك بس بعد ركزت كانت بنت في نهايه العشرينات ممكن
كيان:سكتت وبعدين ضحكت….ضحكتني من قلبي كنان شن النكته هادي
كنان:تكلم بصوت عالي…. كيان عارفها صعبه عليك بس افهميني هادي الحقيقه وصورت حتى صوره لييه قلت نقولك عليها
كيان:توترت…..تمام تمام…..ابعتلي الصوره ع الانستا بسرعه
كنان:تمام بس اهدي حبيبتي….
كيان:خدت نفس…..اني هاديه كنان ابعتلي الصوره
كنان:تمام حبيبتي دقيقه وتوصلك
كيان:اوكي حبيبي باي
كنان:سلامات وسكر …..ضحك….واخيرا بنبدا في كشف حقيقته 😏 وفتح الانستا وبعت الصوره

كيان:شاده التلفون في ايدها وتسنى ع نار 🔥🔥

سمار:ارتاحت ساعه ورتبت سريرها وغيرت حوايجها وطلعت تبي تمشي لامها لها زمان ع الهدرزا معاها بس وقفت ع صوت بوها يلي يتكلم ع التلفون خلى جسمها يرعش مع بعضضه

منير:تمام حبيبتي متعصبيش انتي بادن الله متاخدي غير يلي يبيه
سمار:تكدب في روحها وتستنى في صوت امها يطلع….بعد بضع دقائق فقدت الامل ونزلت بحيل مهدود وشافت امها مقعمزه في الجنان نزلت بسرعه للحمام ووقفت تشوف لروحها ع المرايه وحاطه ايدها ع فمها….. لالا مستحيل بابا يطلع يخون في ماما !!! مني يلي يكلم فيها ؟؟ وزياده يقول حبيبتي !! مستحيل ندير ايي رده فعل من دون منتاكد من الكلام يلي سمعته ونتابع بويا الايام هادي !! غسلت وجهه وطلعت للجنان مع امها وعقلها في مكاان تاني!!!!

كيان:تشوف للصوره بصدمه….بابا كان ماسك ايد البنت وواقف جنب السيارة ويضحك وهيا كدالك ….حطت ايدها ع فمها بصدمه مش مصدقه يلي تشوف فيه قدامها…..لالالالا اكيد الصوره تركيب
حطت ع رقم كنان بسسرعه واتصلت بيه ورد من اول رنتين ….. الو حبيبتي شن صار شفتيها ؟؟؟
كيان:كنان متاكد من الصوره؟؟؟ اكييد تركيب
كنان:كيان شن تقولي ؟؟ تشكي فيا انه مركب صوره لبوك ونبي نركب فيه التهمه 🤨
كيان:تمسح في وجهه بايدها….لا كنان مش قصدي بس هدا شي كبير! بابا راهو مش شخص عادي
كنان:هدا علاش مكنتش نبي نخبرك عارفه بوك بس مقدرتش ندس عليك خبر زيي هدا تعرفي انه منخبيش عليك في الاسرار
كيان:جديات كنان شكرا…..شكرا لانك مخبيتش عليا خبر مهم زيي هدا …..بس رح نوقفه عند حده شاف ماما مش مدوراته دار عملته بس وراس ماما ممخلياته في حاله….شكرا مره تانيه حبيبي
كنان:مش بينا كيونتي❤️يهمني زيي ميهمك …..وضغط ع ايده….عمي زيي بوي
كيان:نعرف حبيبي ❤️ سلام تو دير بالك من نفسك وسلملي ع سلفي 😅
كنان:ضحك….يوصل سلامك حياتي وسكر الخط وشاف لكرم يلي يستنى فيه ينهي مكالمته
كنان:ابتسم….كيان تسلم عليك
كرم:ضحك…..سلمها مرات خوي

كيان:تشوف للصوره بغل….كانت مراءة في نهايه العشرينات مكيجه مكياج قوووي ولابسه لبس ضيق…..كيان فاار دمها ومسكت تلفونها واتجهت لغرفه بوها وفتحت الباب بقووه
منير:كان يبخ في عطره وانخلع….خيرك يا بنت شن صايرلك هاده بطريقه هادي
كيان:خدت نفس…..اها اسفه بابا….رجلي عترت وطحت ع الباب انفتح بقوه
منير:تنهد….تمام مش مشكله سكري الباب وراك
كيان:اوكي….وسكراته بقووه وطلعت لغرفتها
كيان:حاطه راسها بين يديها ومش عارفه شن ادير حايره لو امها تعرف اكيد رح تنهار! من حقها عشره عمر مع بابا بس هو خانها ….مسحت وجهاا واستغفرت وغيرت حوايجها وقعدت تقرا في كم ورقه

منير:تمام ميه ميه ابعتهولي تو تو
؟؟؟:لحظات ويكون عندك وانت ايدك ع جيبك وبس
منير:متفكرش في الفلوس متفاهمين…..نبي الفيديو بس
؟؟؟:تم يا معلم شويه بس
منير:سكر تلفونه وفتح الابتوب ويستنى فيه يبعتله الفيديو….بين مافتح ايميله لقاه واصل عنده الفيديو فرح وقريب طار من الفرحه وناض بسرعه للجنان

سمار:واخده ورقه وتكتب في اقاربهم والمعازيم يلي بيعزموهم في عرس كيان
اما كيان قعمزت جنبهم وعقلها في مكان تاني !!!!
صباح:كتبتي جارتنا يلي حولت من بحدانا ناديه
سمار:ايي كتبتها هيا وبناتها الاتنين
صباح:كويس واكتــ قاطعها منير
منير:تعالو معاي التلاته
صباح:شن فيك خيرك فرحان هك ؟؟
سمار:انشاء الله خير 😀
كيان:تشوفله وساكته
منير:قدرت نكشف يلي كيان مقدرتش تكشفه
كيان:بابا ؟؟؟
صباح:ااءا شن تقول منير مرييض ؟؟
منير:صحتي ميه الميه غر تعالو معاي
ناضت كيان وامها واختها وهما في حيره ويتسالو ؟
منير:قعمزهم كلهم ع الصالون وقعد يعلق في الفلاشه يلي حط فيها الفيديو
كيان:تشوف لبوها وللشاشه
منير:علق الفلاشه وخدي الريموت وقعمز في جنبهم وكبس الزر وولعت الشاااشه 💣💥
كنان:مقعمز ع الكرسي وقدامه مراءة مقعمزه بس وجهه مظلم ومش واضح كويس
كنان:صار الوقت باش نخلي منير ال؟؟؟ يتعدب ميه مره في اليوم
؟؟؟:قدع من يومك كنان…..نبيك تخليه تحت الارض
كنان:منير مش رح يقدر يرفع وجهه من ع الارض ….. يموت ميه موته قبل ليطلع من الحوش ….يحسب ميه حساب قبل ليطلع…..وضحك….هدا كان عاش 😏 رح نخلي بناته يدفعو تمن كل شي صار معانا بسببه
؟؟؟؟:برا قبل ليحس عليك حد ويصير شي
كنان:متقلقيش هي ديري بالك ع نفسسك ووقف
كيان:حاطه ايدها ع فمها من الصدمه ودموعها ينزلو
سمار:تشوف للشاشه واختها ومش فاهمه شي
صباح:فنصت في منير يلي يضحك بخبث وشافت لبنتها يلي منهاره…..كيــا
كيان:وقفت قبل لتكمل امها كلامها ومشت لغرفتها تجري
سمار:وقفت بتلحقها بس بوها وقفها
منير:اوقفي تو نكلمها اني
صباح:شدت بنتها وتبكي …..

كيان : مسكررا عيوني ونبكي غصة في قلبي مش قادرة ننسى الي صار اليوم مستحيل يكون هو نفسسه الي حبيته … خشيت في بعضي ورقدت ع سريري واني مغمضة عيوني بقووة وكاني منبيش نتفكر الي صار معاي اليوم 💔 وهادا كله تحت عيون حد ….. !؟
منير:فتح الباب وخش وسكره وراه…..شفتي اختيارك لوين وصلنا؟ لو تجوزتيه شن كان صار! كان رماك ووطى راسنا قدام الناس واني ننبح فوق راسك ونقولك الولد هو مينفعش وميصلحش بيك ويبي يدمرلك حياتك !
كيان:تشهق وساكته…
منير:كيان…بنتي..اني نبيلك مصلحتك نبي نختارلك الولد الصح منبيكش تاخدي وخلاص والولد هدا معاش نبي نسمع سيرته في الحوش ! عطيني هاتفك ؟
كيان:شافت للبوفي وسحبت فونها واعطتهوله
منير:فتح ع رقم كنان يلي كانت مسجلاته (حبيبي❤️) حطه في الحظر ورد التلفون
منير:منبيش نسمع انك كلمتيه تاني كيان رد بالك ….. اني تو نكلمه وننهي كل شي
كيان:شافتله بعيون منفخه ورجعت نزلت عيونها
منير:خلاص السيره بتتسكر في الغرفه هيا ومعاش بتنفتح
كيان:غمت روحها وسكتت ….
منير:طلع من الغرفه لقى صباح وسمار واقفات ويشوفو خش لغرفته وسكرها وصباح لحقاته
سمار:خشت لغرفه اختها …. كيان 🥺 حبيبتي
كيان:تبكي تحت الورغان وبس م
سمار:محبتش تضغط عليها وطلعت…

تاني يووم

كرم:يتمرن….الزززح ليا قرن واني نتمرن والعضلات ميبوش يطلعو عطيني الطريقه ؟؟ 🙂
كنان:ضحك…..سر المهنه….وخدي تلفونه ويحاول يتصل بكيان يلي تلفونها مقفلل
كرم:داهش….بمني تتصل
كنان:كيان من امس مقفل غريبه ؟ 😕
كرم:مرات الضي مقطوع عليهم وفونها طايف شحن
كنان:مرات لاكن غريبه…..هي نشوفك بعدين
كرم:تم حبيبي….وقعد يتمرن

كنان:لبس تيشرت ابيض وسروال سبورت رياضي ولبس طاقيه وشبشب وركب سيارته وطلع

كيان:طوول الليل تبكي وتفكر في يلي صار معاها….تفكرت السنه يلي عاشتها مع كنان كانت من اسعد ايام حياتها…..كله كدببه يعني عشت السنه هادي في كدببه ؟؟ 🔥 فتحت تلفونها وحطت كنان في الحظر من الفيس والانستا …..الليله هديكا كنان مفتحش نت 🤦‍♀️
ناضت الصبح غيرت لبستها ولبست بلوزه بيضه طويله وازرارها سوده وسروال اسود ضابط وشنطه سوده سبيدرو سبورت ابيض واسود ولمسات بسيطه ميك اب وطلعت ع الفطور…..صباح الخير
الكل:شبحلها بصدمه….صباح النور
صباح:تعالي حبيبتي افطري معانا
كيان:سحبت كرسيها وقعمزت وبدت معاهم في الفطور
سمار:كويسه انتي ؟ 😕
كيان:ايي الحمد لله زيي كل يوم….هي سلامات اني طالعه للشغل
منير:سلامتك طريقك زينه 😏 ووقف ….واني طالع الليله بايت برا
صباح:احسن حاجه خبرتني باش مننشغلش عليك الليله
منير:شرب كوب مياه…..اهو عرفتي تو…..ديرو بالكم ع نفسكم وخدي تجاكته وطلع
سمار:كسرت عينها عليه وناضت اضم في الاماعين وترتب فيهم…….

كنان:واقف ع السياره قدام مكتب كيان ويستنى فيها ويبربش في تلفونه
كيان:وقفت سيارتها ونزلت من دون متشوفله
كنان:انتبهلها ومشالها…..حبيبتي ❤️
كيان:منزله عيونها لوطه…..نعم شن تبي
كنان:علاشـ وقطع عليه تلفونه يلي يرن…..لحظه بس وتباعد شويه ورد
منير:الو السلام عليكم
كنان:وعليكم السلام كيف حالك يا عمي
منير:واللهي من امبارح في الليل حالي كويس وفوق الريح
كنان:انشاءالله ديما كويس
منير:اكيد متعرفش سبب اتصالي
كنان:لا واللهي انشاء الله خير ؟ 🤨
منير:من اليوم معاش نبيك تجي في طريق بنتي والا رح يصير شي مش كويس…..بنتي كشفاتك ع حقيقتك يا نصاب ومستحيل تسامحك ع الشي يلي درته ليها وانشاء الله حجاتك كلهم يوصلوك هي مع السلامه وسكر الخط
كنان:مش فاهم شي من الكلام يلي يقول فيه….تلفت لكيان لقاها تاخد في حجاتها من السياره
كنان:كيان بوك شن قاعد يقول؟؟؟
كيان:منزله عيونها…..يلي سمعته يلي بينا انتهي !
كنان:كيان شوفي لعيوني وقوليها الكلمه هادي
كيان:تهرب في عيونها منه
كنان:جديات مصدقه الكلام يلي يقولو فيه عليا ! مستحيل نكدب عليك كيان اني كنت نبي نتزوجك بلحلال ونعيشو احلى حياة مع بعض خيرك كيان من عبالك فراسك
كيان:تحاول تبين قويه…..مفيش حد عبالي في راسي شفت بعيوني !!
كنان:كيان شنو تقولي شن يلي شفتيه بعيونك
كيان:حول من طريقي بنخش
كنان:مستحييل نخليك تمشي وتخليني مستحيل ……

💥ســجــو مــحــمــد💥💥
رواية اسألي عني الليالي الحلقة السادسة

منير:يسلب في جاكته…..حبيبتي وينك
ياسمين:شاده في ايدها بيبي صغير وطالعه من الدار…..حبيبي جيت
منير:قرب عليها……هو نقدر نباعد عليك اني
ياسمين:تسمع في صوت ضجه في الممر…..حبيبي ملييت من ضجه الاوتيلات هادم لامتي بنقعدو هكي امتي بتعرف عيلتك عليا وبترفعني نسكن معاك
منير:هانت حبيبتي عن قريب بنعرفك عليهم ورح تحبيهم هلباا
ياسمين:ضحكت …. تقصد ع مرتك وبنتك 😏
منير:ع بناتي 😑
ياسمين:حطت ولدها لوطه…..شوووف حبيبي بدي يمرد 🥺
منير:يشوف لولده يلي عمره تسعه شهور…..بطللي…. تعالي معاي نبيك شويه ….

بعد مرور تلاته ايام 🔥

كيان:تغيرت حياتها180 درجه عن قبل بس تحاول ترجع طبيعيه نست كنان معاش تحكي ولا تجبد في سيرته بكل …..نص وقتها في الشغل والتاني مع اختها وامها

كنان:بدي ديما سرحان ومش مركز ميمشيش للشغل ….يحاول يتواصل مع كيان بس مش قادر حاضراته من جميع برامج التواصل الاجتماعي حسسو العيله كلها ع تغيره المفاجاه ….متواصلين في التجهيز للعرس زيي ما كنان طلب وميعلموش انهم فصخو 🤷‍♀️

كرم:يحاول يلهي نفسه عشان ميدكرش الليله هديكا ويحاول ينسى سمار بس هيا محتله عقله وقلبه وهوا ميعرفش انه يحبها ويطمن في نفسسه انه ضميره يانب فيه وبس …..

سمار:بدت تسني شوي شوي يلي صار معاها امها واختها ملو عليها فرااغ كبير في قلبها ❤️ ….كل متقعد بروحها تدكر في نفس الليله فلهادا ديما تتجنب انها متقعدش بروحها 🔥

اكرام:طالعه ع روس صوابعها……سييف
سيف:واقف ع الباب …..كبيدتي
اكرام:ضحكتله…..حبيبي استاحشتك
سيف:واني هلباا بس انتي تعرفي سيد كنان لو يشوفنا مع بعض تصير مشكله ليا وليك
اكرام:مش خايفه من حد ماداما انت في جنبي
سيف:سلمها عسولتي ❤️خلاص رح نكلم امي في اقرب وقت وبنخطبك حبيبتي باش حتى نشوفك تكوني خطيبتي
اكرام:انشاء الله حبيبي هي تصبح ع خير تاخر الوقت
سيف:سعيده ❤️❤️وطللع

🔥ســـجــو مــحــمــد 🔥🔥
رواية اسألي عني الليالي الحلقة السادسة

منير:نازل من الدروج للمطبخ….الدنيا كانت عاصفه ورعد ومطر خيط من السممي والدنيا تخووف
منير:شرب كوب المياه وركب ع الدروج ووقفه ظلل شخص ع الروشن الشخص هدا يعرفه كوويس ؟؟ 🔥🔥
يتبع:…….

لمشاهدة جميع اعمال الكاتبه : روايات سجو محمد

اترك رد

زر الذهاب إلى الأعلى