روايات كاملة

رواية السجينه للكاتبة فاطمه سالم الورفلي .. روايات فاطمة سالم

جميع حقوق الطبع والنشر محفوظة

رواية السجينه للكاتبة فاطمه سالم الورفلي .. روايات فاطمة سالم
#السجينه
الحلقـةه :الاولى
بقلم فاطمه سالم الورفلي 🍃
…….
….
اليوم حكايتنا غير عن باقي الحكايـات… ليوم زعما حقا “الطيـر يحب سجـانه؟ “…. احني من الحكايه هادي ح نعـرفو هل الفزوره هدي حقا او لا… بس الحكايه زعما حلاوتها في سردها ولا في نهايتها 🤔..
… خلي نحكيلكم هالحكايـةه وبعدين قولولي رايكم
……….
في احد المساكن… الكبيـرةه والفخمـةه… وسكانهـا سبعـةه ولاد ونجمتنا 🌸🍃…ناضت نجمتنا على صوت ” صباح الشحروره”
..
ساعات ساعات
احب عمري …واعشق الحاجاتاحب كل الناس .. واد ايه احساسواحس جوايا بميت نغم .. ميت نغم يملي السكاتساعات .. ساعاتوساعات ساعات .. احب عمري واعشق الحاجات

وساعات ساعات

احس اد ايه وحيده .. واد ايه الكلمه فى لساني مهيش جديده

واد ايه منيش سعيده .. وان النجوم .. النجوم بعيده

وتقيله خطوه الزمن .. تقيله دقة الساعات

ساعات .. ساعات

ساعات ساعات .. ساعات ساعات

احب عمري واعشق الحاجات

وساعات ساعات

اضحك والعب زي عصفورة ربيع .. زي النسيم

زي النسيم ما يعدي وف لحظه يضيع .. اضيع

افرح اوي .. واضحك اوي .. اوي

واحب عمري واعشق اليوم اللى فات

ساعات .. ساعات

ساعات ساعات .. ساعات ساعات

احب عمري واعشق الحاجات

غريبه .. وغريبه

رواية السجينه للكاتبة فاطمه سالم الورفلي .. روايات فاطمة سالم

نفس اللى بيفرحني .. هايفرحني

وغريبه نفس اللى بيريحني .. مايريحني

واحس ان عمري فات .. من غير مااحب عمري واعشق الحاجات

كده ساعات .. وكده ساعات

وغريبه .. غريبه دقة الزمن

وغريبه .. غريبه لعبه الساعات

غريبه غريبه لعبة الساعات ..

ساعات ساعات .. ساعات ساعات

احب عمري واعشق الحاجات
…..
وتكسلـت في سريرها نجمتنا وناضت…. “المايك لي نجمـةه “…
…….
اني :اخخخ والله كلامك صح يا شحرورتنا… توا شن بينوضني توا وبنظم الحوش!

“واني في عـز تفكيري هـوب ينفتح البـاب بغجريـةه”

نواره ” مرت بوي ” :نوضي يا ماما نوضي شن عابيه عليا ندير الفطور مالا!

اني نكشت شعري بيدي بتنهيـده :صبح يـا فتـاح.. باهي تو نوض خلاص عاد

نواره بتكشيخ :لا اضربيني وخلاص… تي نوضي قتلك نوضي اني سامعه ولا

اني :اففف باهي خلاص ها نضت

نواره :توااا نوضي قداامي للكوجيـنه توا قلت

اني نضت :استغففر الله

نواره جت لي راديو وصكراته :وشن هلخارب هدا فاتحتيه من امس… اللطـف الناس ترقد على القرءان

اني طلعت من الدار ونتأفف… خشيت للحمام صكرته وقعدت نغسل في وجهي … تمشي الشيطانه اطقطق عليا

نواره بعصبيـه :شن قلت اني… مش قتلك طول للكوجينه ولاا؟

نوري “خوي “يتاوب:تي خيركم ازف؟

نواره حصلتها فرصه وتبي تبخ سـمها :اختك الموصونه تبيش ادير الفطور… اقعدو بلا فطور مالا

نوري تعصب وقعد يطقطق على الباب :افتحي يا بنت افتحي واطلعي ديريلنا ما نتسمسمو

اني :عبتلك راسك عاد ولاا… اففف تي اصبرو شوي ما بين توضيت وصليت شنو هدا

نوري :كلمه هي اطلعي قلت

اني فتحت الباب ومليانه مايه :تي باه حول ترا بنخش لي داري

نوري شدلي ايدي:قلنا ديري فطور احني ولااا

اني عيطت :تي هيي ايدي حوول

نوري :امشي قدامي هياا

اني :تي غر حوول بنشف المايه جفت عليا اللطف

نوري :خمسه دقايق ره والسفره نلقاها قدامي سامعه ولا

نواره بتكشيخ :عليك جيل ما ينفعش فيهم الخير


تأففت وخشيت لداري وصرفقت الباب ونسـمع في نوريه قالت

نواره:ريتها ولا ريتها لي ما تتحشم

نوري :فكينا يما صبح

نواره:تي شن فكينا هدي لين تركب علينا تبيها؟

رواية السجينه للكاتبة فاطمه سالم الورفلي .. روايات فاطمة سالم
زدت حقدت عليها وقعدت نشف في روحي بعصبيه ولبست الملايه وصليت الفجر… ونضت خلصت شعري وطلعت…لقيت الكل يستنـى في حضرتي عاد

نواره :طيب فيك يا حنه

اني :وخيرك تراجي فيا اللطف

المهدي :تحشمي يا شيطانه تحشمي

نواره :هادي من الصبح ناصبه سكايتها لين تجيها طريحه

ابراهيم :قداش ليها معاش كلت طريحه


اني قصـرت شري وخشيت للكوجينه لان عارفه ح تتقربع … وفتحت التلاجه خديت البراد وولعت الغاز وخديت الولاعه ولعته وحطيت البراد… وخديت السفره حطيتها على الطاوله…وخديت العلاقه متاع الخبزه خديت منها اربعه فرادي خبزه المداس لقيتها سخونه تسهف يا كبدي… وحطيت الطواسي في السفره… و طفيت على الشاهي وحطيته البراد في السفره… وفتحت التلاجه خديت منها الشاميه وجبنه وحطيتهم في السفره.. و رفعتها وقعمزت

مقداد :تي شنو هدا ؟

اني :خيرك!

مقداد:تي هدا فطور هدا؟

اني ناكل :شن تبي مالا؟

مقداد :تي نوضي نوضي شن تاكلي نوضي اقلي الدحي

اني نأشر على السفره :توا هادا كله مش عاجبك؟

مقداد :اي مش عاجبني نووضي

مقدام :تي وين الزيتون؟

عبدالله :والملاحه وين ؟

جهاد :والهريسه والتن وين؟

اني :تي خلوني نتسمسم ونوضو برواحكم شنو هداا

نواره :نوضي شن بتخلي خوتك بلا فطور؟

اني :ولادك مش عاجبهم شي زي الدراه

نوري :ساكتلك من مبكري ره وانتي تحدفي في الدوه اسكتي خيرلك

اني نضت… وقليت الدحي…وجبتلهم الملاحه والتن والهريسه والزيتون.. وقولو شن لقيت؟… لقيتهم واكلين كل شي والصاعقه الكبرى قالولي

كلهم بي اصوات متقطعة :منبوش… شبعت… توا جبتيه… بعد شنو؟… هدا وين خطرلك؟

….
وما هناك والي قال لي صحيتي لا شي… قعمزت وقعدت ناكل بروحي… وختمتها نواره عاد

نواره :تي نوضي اغسلي ماعينك ونوضي ضمي الحوش وين مقعمزه يا حنه

اني :تي بنفطر!

نوري :نوضي اسمعي كلام امي بلا ملاطه ترا

رواية السجينه للكاتبة فاطمه سالم الورفلي .. روايات فاطمة سالم
ما هناك ما تسمسمت ونضت من مضايقاتهم… غسلت الماعين… وطلعت من الكوجينه وقعدت انكث في الحوش وهم يشبحو فيا ويجـقرو… وكل واحد يحدف في كلمه..

نوري :نظفي كويس

المهدي :تي ديري كويس يا مرخيه

ابراهيم :واني نقوول خيره الحوش مش زي قبل رايح مزطن

اني شبحتله شبحه لين تخزرط… لان ابراهيم ماضيه كله عندي بكلمه مني نحرق كرته… هدا ابراهيم حشا اسمه شيطااان يمشي على الارض…المهم كملت مسح وضم وتسييق الحمامات…وعاد كل واحد مقعمز ومش راضي ينوض تقول نابتين في الارض 😂… مهم مافيش طماطم حكه باش نطيب الغدي وكل واحد طبس راسه باش ما نقولاش نوض وقلتلهم مافيش طماطم… وما هناك واحد تحشم على طوله وناض باش يجيب… مشيت اني لبست عبايتي وخديت من فلوس معاش بوي الله يرحمه….وطلعت قدامهم المعفنين… توا الناس شن بتقول بس سبعه ولاد وكل واحد يهد الحيط … وبنتهم هي لي تقضي يا عليك حشمه وخلاص… مهم طلعت ومشيت للمحل وشريت حكه طماطم داب الغدي وخلاص … لكن لما طلعت من زنقه المحل في حد يلحق فيا.. قعدت نسرع في خطواتي ونبي ندهبه قعدت نخش لي زنقه ونطلع من زنقه لعند…. يتبع
….

جميع الحلقات:
  1. رواية السجينه الحلقة الاولى
  2. رواية السجينه الحلقة الثانية
  3. رواية السجينه الحلقة الثالثة
  4. رواية السجينه الحلقة الرابعة
  5. رواية السجينه الحلقة الخامسة
  6. رواية السجينه الحلقة السادسة
  7. رواية السجينه الحلقة السابعة
  8. رواية السجينه الحلقة الثامنة
  9. رواية السجينه الحلقة التاسعة
  10. رواية السجينه الحلقة العاشرة
  11. رواية السجينه الحلقة الحادية عشر
  12. رواية السجينه الحلقة الثانية عشر
  13. رواية السجينه الحلقة الثالثة عشر
  14. رواية السجينه الحلقة الرابعة عشر
  15. رواية السجينه الحلقة الخامسة عشر
  16. رواية السجينة الحلقة السادسة عشر
  17. رواية السجينة الحلقة السابعة عشر
  18. رواية السجينة الحلقة الثامنة عشر
  19. رواية السجينة الحلقة التاسعة عشر
  20. رواية السجينة الحلقة العشرون والاخيرة

لمشاهدة جميع اعمال الكاتبة : روايات فاطمه سالم الورفلي

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock