رواية الشيطانة الحلقة الثامنة والاخيرة للكاتب حسن الجامعي | القلم الناجح
روايات ليبيه كاملة

رواية الشيطانة الحلقة الثامنة والاخيرة للكاتب حسن الجامعي

رواية الشيطانة الحلقة الثامنة والاخيرة للكاتب حسن الجامعي

#الشيطانه 8 ( والأخيرة )

عند نسمة في حوووش ملاك:-
في المطبخ 🍽…!

نسمة : مقعمزة تقطع في كسبر و معدنوس بنفس المووس…رح ندير غدا جميل اليوم بعون الله…!

طق طق طق طق طق طقققق:-

نسمة : ناضت على حيلها…اخخخ هذه سعديه اكيده نست الفلوس وشنطتها…وفتحت الباب!
الشرطي : هذه حوووش ملاك عبد العزيز الترهوني؟؟؟؟
نسمة : ايواه هو هذه نفسسه الحوش تفضل؟
الشرطي : انتي المدام ملاك او لا ؟؟؟
نسمة : توترت وخافت…اءءءءءءءءء انا اليوم كيف بديت نخدم قصدي شن في كنها؟؟؟
الشرطي : انتي هي نفسسها ملاك…مقبووض عليك بتهمة القتل المحقق محمووود!
نسمة : شنوووو شنووو😱…؟؟؟؟؟؟؟
الشرطي : قتلك تفضلي معانا للمركز يلا خودوها بسسرعه حطوها في السيارة وفتشوا الحووش…!
نسمة : بدت تعييط…انا مدرتش شي كنكم شنو في احكولي جريمة شنوو ومنو هضا محمود😨؟؟؟؟
الشرطه : حطوا الكلبشات في ايدها وحطوها في السيارة…خليكم في جنبها وانتم خشوا داخل فتشوا في كل مكان على جثة المحقق محموود…!
نسمة : مقعمزةفي سيارة وتعيط…والله العظيم مادرت حاجه انتم غالطين في العنوان انا مش ملاك انا نسسمة😩…!
الشرطة : خششت تجري فووق في ديار ملقووش شي ونزلوا تحت وفتشوا المكان كله ملقووش شي…خششوا للمطبخ وشافوا المخزن…هذه مباش يفتح وين المفتاح؟؟؟
الشرطي 2 : فتح الادارج وخدي الامواس كلهم وحطوهم في شكارة ومعاهم الموس اللي كانت نسمة تقطع بييه…المفتاح مش موجود؟؟؟
الشرطي 3 : فتح الادراج كللهم وشاف المفتاح…هو هذه المفتاح شوفووه!
الشرطي 1 : خدي المفتاح وفتح بييه المخزن…وشافوا جثة محمود مرميه على الأرض وملفوفه بالبساط والمكان في ريحه قوويه بكل معفنه…هي هذه الجثة اتصلوا بصاحبة الحوش واتصلوا بمغسلة الاموات بسسرعه…وبلغوا المركز ان المحقق محمود توفى وان لقيناه في الحووش!
محمود : ملفوف بالبساط وراسه دم وكل جسمة معبي دم والبساط معبي كله بالدم😨…!

رواية الشيطانة الحلقة الثامنة والاخيرة

عند ملاك وهي تسوق وماشيه لياسمين:-
الساعه 11:30

ملاك : ووصلت للمكان الحادث وشافت ياسمين و رواد كيف مبهدلين…هههه جيتوني زي لكلاب توا…خدت بعضها و نزلت!
ياسمين : فرحت..
واخيرا حبيبتي ملاك وصلتي لولاك راهو مزلنا قاعدين اهني متبهدلين…شووفي شنو صار فينا السيارة مفيهاش فرينوا كله من الافندي هذه!
رواد : قرن حاجبه لما شاف ملاك…ونا شنو عرفني ان السيارة فرينوا متعها معاش يخدم…!
ملاك : لا اله الا الله…بجد زعلت عليكم هلبا واوول ما سمعت جييت نجري اووف ياربي…هيا اركبوا اركبوا في سيارة ناخدكم لحوشي…!
رواد : لالا خودينا لحوشنا بنرتاح شوويه ونعقم الجرح ورح نكلم الورشة تجي تاخد السيارة…!
ملاك : لالالا انتم اصلا ضروري تمشوا لحوشي نبعتلكم دكتورة تعقم الجرج متعكم وترتاحوا عندي يومين وبعدين تروحوا ولا كيف ياسمين؟
ياسمين : اصلا احني جيران يا رواد هيا خلينا نمشوا هيا اركب…وركبت في سيارة!
رواد : قلب عيوونه بملل…باهي تمام ان شاء الله خييير…!
ملاك : ركبت السيارة وبدت تسووق وشهقت…انهار احرررففف!
ياسمين : 😨خيرك ملاك خلعتيني؟؟؟؟
ملاك : تي ووووين ولدكم اصيل ووينه انهار مغبر!
ياسمين : خليني ساكته ولدي خطفووه واحني كنا جايينك في طريق ونبوك تساعدينا!
ملاك : كيف كيف خطفووه😱
رواد : وطلبوا مننا هلبا فلوس وكنا جايينك تساعدينا فيهم وبعدين نرجعوهملك اول ما يتحسن الوضع في المستشفى!
ملاك : اهاااا يا حرام اصيلووو زعما شنو صاير فييه توا…ومتجيش بيناتنا الكلام هذه يا رواد انا نعطيكم عيوووني🤭…!
ياسمين : تسلمي حبيبتي عارفتك متقصريش معانا اصلا احني لولاك شن كنا رح نديروا!
ملاك : هههههه قتلك انا الكلام الحلووو هذه مش ليا وفعلا لو انا مش في حياتكم راهو هي افضل من هكي🤭!
رواد : استغرب…كيييف مفهمتش عليك؟
ملاك :بلعت ريقها بصدمه… قصدي لووو انا مش في حياتكم راهو اسواء من هكي ههههه😅
ياسمين : اها هههههه محلاك ملوكه!
ملاك :- 😈…!

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة الثامنة والاخيرة

عند ريم و سعد في الحوووش:-
قدام الباب…!

ريم : الحقيرة ملاك قالتلك ولاه اكيييده هي اللي قالتلك مفييش غيرها يعررف اصلا!
سعد : شنو يلي تعرفه البنت اللي ذكرتي اسسمها توووا؟؟؟
ريم : بصوووت حاد…أن اني حامل و منك🔥…!
سعد :- عاووودي شن قلتي توووووووا😨؟؟؟؟؟
ريم : زي ما سمعت توووا…انا حامل منك وورطتني في حاجه انا ملياش دخل فييها يا حقير يا وسخ دمرت حياتي و دمرت زواجي ودمرت كل شي!
سعد : انتي اللي دمرتيها بإيدك قتلك من البداية يا تكوووني ليا يا مارح تكووني ليا بكل…واكييد فهمتي تووووا…!
ريم : انت شني متفهمش معندكش خوووات لووو اختك قلتلها تزوجي هذه اكيييد رح تقبل بدوون اي نقاش صح؟
سعد : شاف لجهه تانييه…معنديش خووات انا وحتى لو عندي كنت رح نفهمها…واكييد هي كانت رح تتكلم ومش رح تسسكت زي ما انتي سكتتي…ولا انتي تحبييه حاتم هذه؟؟؟؟
ريم : دفاته بالقوة…شوووف انا اي نحبه حاتم لأن راجلي والولد اللي رح يجي تووا رح نخليه ولد حاتم وانت رح تسكت ومش رح تقوول شي…ولو حاوولت تقوول حاجه انا رح نشكي للشرطه لأن اعتديت عليا و انا متزووجه فاهم ولالا؟؟؟؟
سعد : ابتسم بخبث…ههههه و انتي ماشيه للمركز انا وقتها نكوون ماشيه للدكتور حاتم ونقوله ان مرتك ريم حامل من شخص تاني…وهو رح يدير تحليل DNA…وانتي هكي ماشيه طريقك للموت للذبح طووول…!
ريم : شافت لسعد بكره وحقد وعيييطت…انت شنوووو تبي مني توا احكي خلصني شنوووو تبي خلاص كرهتني في حياتي كرهتني في كل ساعه عشتها في حياتي انت شني؟؟؟؟؟
سعد : رح نقوولك شن تبي بإختصار شديد جدا…لووو موافقتيش رح نكون زي الشبح اللي يلاحق فيك كل ليلة وكل يوووم!
ريم : واقفه وتسسمع فيييه وشاده نفسها علييه…اتكلم بسسرعه قبل ما حاتم يرجع!
سعد : اللي نبييه بسيط جدا…اطلقي من حاتم وبعد الطلاق بشووية نجي نخطبك وتتزوجيني ومعانا ولدنا…شنووو رأيك؟؟؟؟
ريم : نعم نعم تححلم انت شورك…هذه من سابع المستحيلات تفهم فيا؟؟؟
سعد : ببرووود اعصاب…اووك انتي ترضي يربى ولدك مع اب مش بوووهه…ولا ترضي راجل يربي ولد مش ووولده؟؟؟
ريم : تجمعوووا عيووونها وقالت…انا مضطرة انت حطيتني في موقف زي هذه حرام عليك يا سعد حرام عليك…حسبي الله ونعم الوكيل فيييك!
سعد : بخبث…شني مزلتي مصكرة دماغك وتبي تعيشي مع الخرا اللي اسمه حاتم زفت متعك؟؟؟
حاتم : درس سيارته قدام باب الحوش وخدي مفتاح سيارته وفي ايده طاسة قهوة…وبدي يطقطق في الباب…ريم افتحي الباب ايديا معبيات منبيش نطلع المفتاح في جيبي؟؟؟
ريم : في صووت سمعته برا خليني نشوووف😨…!
سعد : شدها من ايدها بعنف…استني اهني كملي الكلام معاي وبعدين بري وين ما تبي…اطلقي خلاص انا موجود معاك توا…رغم انك كسرتي قلبي انا مزلت موجود معاك!
حاتم : مزال واقف قدام الباب…النم وووينها هذه اكيده طلعت…طلع المفتاح من جيبه وفتح الباب وخدي القهوة متعه وخششش!
سعد : قرب منها بشووية بشوويه ولمسها…انتي ليا انا وبسسس ورح تطلقي يا ريم انا بديت مجنون بيك حاوللتتت نفوتك لكن مقدرتش!
ريم : ضعفت وبدت واقفه وخايييفه وجامده في مكانها…اءءءءءءءءءء سعد خلاص😨!
حاتم : خشششش علييييهم وانصدم وطاحت الطاسه من ايده😨…منووووو هذه يا رييييم😱؟؟؟؟؟؟؟؟؟
سعد :- 😱؟؟؟؟
ريم :- 😱؟؟؟؟

رواية الشيطانة الحلقة الثامنة والاخيرة

عند الكل في مركز الشرطة :-

ريهام : ملامح الخبث على وجهها…مش قتلك انا ان كنت نكلم فيييه ونبلغ على الحقيرة اللي اسمها ملاك بس انتم متبوش تصدقوا ليين سمعتوا بروحكم😏!
امجد : الندم باين في عيووونه اتجه ريهام…اءءءءء انا اسسف ريهام مكنتش نعرف كل شي شفته بالدلائل لخبطوووني…وقطعته ريهام!
ريهام : اسسكت ولا حرررف بس بعد ما تنتهي القصه ونطلع منها رح نوقع على اوراق الطلاق وفوووتني!
امجد : انصدم من ريهام وقرارها المفاجئ…مكانش قصدي حبيبتي افهميني😨
الشرطة : ووصلت سيارة الشرطه ومعاهم نسمة في سيارة…ونزلوووها!
نسمة : تعييط وتبكي…واللهي العظيم مش انا ملاك انا نسمة افهمووني انا طباخه وفي حالي علاش مصرييين تحبسوني وتتهموني!
الشرطي : خلاص قلنالك اسكتي غدوا كل شي يبان في المحكمه فاهمه ولالا…!
سامح : خش يجري للمركز🏃‍♂️…امجد امجد اهيا لقيانها ملاك قاعده موجودة معانا…!
ريهام : ناضت من مكانها بفزززع…وووينها الحقيرة المجرمه هذه!
امجد : تي ووينها به؟
سامح : اصبر قاعده تنزل من السيارة…حتى الجثه لقيناها في حوووشها وتوا خدوها لمغسلة الاموات وبعدين الجنازة!
امجد : لا حول ولا قوة الا بالله…قصدك محمود توفى…رحمة الله علييه كان محقق كويس ومنضبط وطيب وقوي💔…!
سامح:- 💔
ريهام : تي مش قتلك انا ان هي وحده مجرمه كل مرة نحكيلك عليها كنت تتجاهل فيا تتفكر استاد امججد؟؟؟
امجد : داخ من الكلام اللي تقول فيه ريهام…انتي خيرك شن تخرفي معمرك ما حكيتيلي عليها ولا عمري تجاهلتك ابدا!
ريهام : ششكت فييه يكدب…انت كداب معناها شنووو يعني في منك زوز وانا منندريش؟؟؟؟
امجد : انصدم وعصر دماغه وتفكر ان عنده خووه تؤام بديع…انتي متاكدة يا ريهام من كلامك؟؟؟؟
ريهام : لالا انا مهبولة طايحه على راسي…تي متاكدة ونصص حتى كنت تجيني في وقت شغل تقولي فترة استراحه!
امجد : غييير كييف بس انا معمريش خديت استراحه شن تخرفي انتي؟؟؟؟
ريهام : بالله علييك صكر فمك خلاص بلاش استعبط ورقة الطلاق غدوا توصلني بعد المحكمه حل عني…هيا هيا وووينها ملاك بنتشمت فيييها !
نسمة : خششت للقسسم وهي ضعيفه وتعبانه وعيوونها معبيات دمووع…حسبي الله ونعم الوكيل فيكم يا كلاب!
ريهام : منووو هذه؟
سامح : هذه ملاك اللي بلغتي عليها هي نفسها اللي قتلت محمووود!
ريهام : ناضت ومتعصبة…تييي منووو هذه…هذه مش ملاك تي شن تخرفوووا انتم!
امجد : مالا منوو هذه؟
نسمة : انا ليا ساعه نقوللهم مش انا ملاك…انا نسسمه الطباخه متعها مش انا المجرمممه!
ريهام : ووووك عليا…لو عندك رقمها كلميهم يتصلوا بيهم توا تجي تجري🙄!
نسمة : تي هذه طلعت تجري من الحووش واضحه ان هي دارت جريمتها ودفتها فيا💔…!
سامح : وهذه المووس شن يكون يا استاذة يا محترمه بصماتك علييه هو نفسه الموس اللي انقتل بييه المحقق محمووود!
نسمة ، ريهام :😨…….!؟

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة الثامنة والاخيرة

عند ملاك في المستشفى مع ياسمين و رواد:-

ملاك : طمني يا دكتور هما كويسين ولالا؟؟؟
الدكتور : تي كويسين هما يدلعوا شوية دم بس على وجوهم وتم تعقيمه وان شاء الله خير!
ملاك : اممممممممم تمام كويسس بكل خليهم داخل وقوللهم نص ساعه وتطلعوا…انا عندي مكالمة مهمه لازم نديييرها…!
الدكتور : حاضر يا مدام ملاك!

ترن ترن ترن :-

ملاك : ايوا يا زفتتت شن صار معاكم؟؟؟
مجهول : الولد كويس عطيناه ماكلة ياكلها لكن قالبها عياااط عليينا مباش يسكت بكل…يبي امه وبووه درهلي كبدي!
ملاك : خلاص باهي ديروا بالكم منه ومتخلوهش يهرب منكم ردو بالكم تاني مرة نحذر فيييييكم!
مجهول : خلاص يا هانم كوووني مطمنه ومستريحه على الآخر!
ملاك : ان شاء الله خييير وخلاص…يلا انا عندي شغل باي باي !
مجهول : مع السلامه يا هانم…وصكر الخط!
ملاك : خششت للغرفه وشافت ياسمين و رواد مستريحين على السرير…شنو صار ارتحتوا وخف الجرح ولالا؟
ياسمين : واللهي يا حبيبتي مستحيل ننسى معروفك هذه معانا ورواد انت رح تخليها تشد القسم صح ولالا يا رووواد!
رواد : قلب عيوونه بملل…اهاااا مش عارف خلونا نطلعوا من اهني ونتفاهموووا!
ملاك : ههههههه قتلك راجلك عنيييد دماغه مصكر ههههههه…!
ياسمين : ههههه اي عارفه عارفه😂😂😂…انا بسس خايفه على ولدي اصييل زعما شن صار فيييه!
ملاك : خلاص يا حبيبتي الفلوس رح نعكيهملكم انا ونرجعه هذه زي ولدي…حتى انا خايفه علييه والله🥺!
رواد : صدقتتتتتتتتتتتت🙄….!

ترن ترن ترن :-

ملاك : ردت…الووو منو معايا؟؟؟
الشرطة : مدام ملاك الشغاله متعك موجودة في القسم وتعالي بسسرعه للمركز عندك ساعه وحده بس لو مجيتيش رح يتم سجنك لأن مشبوهه في جريمه قتل المحقق محمود…!
ملاك : بلعت ريقها بخوووف…انا مدخلنيششش بيها شن دخلني انا…هي مجرمه مش انا!
الشرطي : مزال 59 دقييقه انتي تضيعي في وووقت لازم تكوووني في القسسم!
ملاك : اوووك حاضر انا جايه فورا فورا…وسكرت الخط!
ياسمين : حبيبتي ملوكه خيره وجهك اصفر شنوو صاير معاك احكي؟؟؟؟
ملاك : مفيييش حاجه مهمه حبيبتي…ديروا بالكم من نفسسكم انا مضطرة نمششي!
رواد : تي تعالي اهني مني رح يرووح بينا يا هانم؟؟؟
ملاك : طلعت تجري بفزززع…كلم اصحابك يلي ينششد فيهم الظهر ريم و حاتم😈…وطلعت من المستشفى تجري زي كأن في حد يجري في جرتتتها…!
ياسمين : ششفت اسلوبك معاها خلاها تمششي كله منك…اوووف يا ربي خايفه على ولدي!
رواد : خلاص ياسمين ضمي فممك صدعتيلي راسسي راهو بكلامك هذه…!
ياسمين : انت خييرك معندكش احساس ولا كيييف…شن العلاقه اللي بينك وبين الهانم ريم يلا احكيلي؟؟؟
رواد : مدخلكش فيا انتي…ضممي فمك وخليك في حالك تمام…لأن تكلمت معاك بالذوووق والواضح ان الاحترام ميمشيش معاك!
ياسمين : عيييطت في وجهه…تي شني قلت ترا عاووود عاووود…احكيلي شن اللي بينك وبينها انا مرتك مش ووواحد صاحبك فاهم ولالا!
رواد : توا نقوولك شن العلاقه اللي بيني وبيين ريم توا نقوولك!
ياسمين : بصوووت حاد…احكككككي!
رواد : بصوووت عالي…حبيبتي وعشيقتي🔥!
ياسمين : اوول ما سمعت الجملة جمدت في مكانها وعيوونها مفتوحيين من الصدمه…شنوووو😱؟؟؟؟؟؟؟؟؟
رواد : ؟؟؟؟؟؟؟

رواية الشيطانة الحلقة الثامنة والاخيرة

عند ملاك في الحووش:-

ملاك : خششت تجري لدراها🏃‍♀️…ركبت تجري خششت للدار فتحت الشنطه متعها متع السفر…وتاخد في الحوايج وتحط فييهم بفزززع!
سعدية : مالك يا هانم في اييييي؟؟؟؟… انتي يا ست احكيلي فيين الست نسمة المطبخ انحرق عشان الاكل كان على نار!
ملاك : سسعدية اطلعي من دماغي وراس امك…وقريييب تكمل حوايجها وشافت لسساعه لقتها مزال 27 دقيقه على الوقت!
سعدية : طب يا فندم خليني اسسعدك في حاجه احكيلي هوو في حاجه ولا اي؟؟؟
ملاك : فقدت اعصابها…قتلك اطلعي من حياتي يا سعدية حلي عني انا مش طايقتك ومش فاضيتلك انتي وحوراتك التافها…!
سعدية : خافت وسكتت…طييب يا فندم سكتت
ملاك : انتي قاعده بتتكلمي صكري فمممك بكل بدون ولا صوووت خليني نركززز!
سعدية : واقفه وساكته…نززلت دور في المطبخ من التوتر…وشافت المخزن مفتوووح…هو فيه اي ده المخززن خليني شووف…شافت المخزن ريحته مقرفه ومعبببي كله دم…يا نهااار اسسود دي طلعت وحده مجرمه😱…!
ملاك : خدت حوايجها كلهم في شنطه وخدت معاها مفتايح والفلوس اللي في الخزنه ونزلت تجري…انهار احررررف خليني نمشي بسسرعه قبل ما يشدووني مزال 20 دقيييقه…طلعت تجري حطت الشنطه في السيارة وركبت وهي تجري وسيبت الباب حوش مفتوح ودنيا كلها حايسه ومقلوووبة!
سعدية : طلعت من مطبخ تجري وشافت ملاك مييف تهرب…دي هاربه من الشرطه خليني ابلغ عليييها دلوووقتي…!

ترن ترن ترن :-

امجد : مركز الشرطه في مدينة طرابلس تفضل؟؟؟؟؟
سعدية: ايوووا السلام عليكم انا الشغاله اللي بتشتغل عند المدام ملاك!
امجد : خيييرها تكلمي شن صار معاها بتجي للمركز ولا كيييف؟؟؟
سعدية : يا فندم دي لمت هدومها وطلعت تجري من البيت هربانه منكم…!
امجد : انصدممممم…كيييف كيييف وووينها توا من امتى الكلام هذه صاير؟؟؟؟
سعدية : قبل 3 دقايق يا فندم لحقووا عليها بسسرعه يا فندم…انا عملت اللي عليا…السلام عليكم…وفصلت الخط!
امجد : سامح يا شباب كلكم بلغوا كل البوبات والحراس والامن ان يدووروا على مراة اسسمها ملاك عبد العزيز الترهووني بسسرعه بسسرعه!
ريهام : بدت تعييط وتكسر يلي يجي…هذه هررربت منكم يا مضاحك كان مكانكم راهوو مشيلتها عند الحوش ومطلعتش الا بييها يا جاهليين يا حقراء…شرطه فاششله كلكم!
امجد : احترمي نفسسسك انتي في مكان محترم يا ريهام!
ريهام : وووينه المكان محترممم…جايبين وحده مظلومه بتحبسووها و اتهمتوها في جريمه هي مدخلهاش فييها؟؟؟؟؟؟
نسمة : مقعمزة تبكي على كرسي وتخبط في وجهها…انخررب حوووشي انخرب حوووشي يا ناس…ووووك عليا وعلى صغاري كيف بيعيشوا من غيري ياررربي الصبر ياربي…حسبي الله ونعم الوكيييل فيكم كلكم كلكم كلكم…واوول وحده فييكم الشيطانه🔥…!
امجد : طلع يجري من المركز🏃‍♂️…هيا يا سامح خلينا ندوروا على بنت الكلب اللي اسمها الشيطانة🔥…!
ريهام : شيطااااانه شيطانه هذه مستحيل انسانه طبيعية كلنا خلتنا في دائرة الشك…الشيطانه🔥…!

رواية الشيطانة الحلقة الثامنة والاخيرة

عند ملاك في الطريق السريع:-

ملاك : ههههههههه بتبحسووني انا يا ولاد الكلب…وانت يلي اسسمك بديع وين اختفييت ضحكت عليا صح يا ولد الكلببب…انا عارفتك من الاول انك بتمشي وبتقوتني بعد ما خديت كم قرش يا وسسسسخ👿…ههههههه كلهم في دائرة الشك تووا…خلييت الشرطه تششك في الغبيه نسمة الجامعي…وخليتها تشك في ريهام عبد العزيز الهبلة…وخليتها تششك في امجد لأن بديع ليييه ايد في القصه😈…وسعديه الغبيه رح تهرب من الحووش بعد ما شافت الدم…ولو بلغت عليا رح نخليها جثة مرمية زيها زي اللي قبلها كلهم…ههههههههههه هههههههههههه هههههههههههه الدنيا مليهاش امان يا حبايبي لازم تأمنوا على نفسسكم…حبووو نفسكم وبسسس خلوا كل شي يمشي على مصلحتكم ومستقبلكم…متخلووش اي شي يوقف حاجز في طريقكم…حتى ولو ووووصلت للقتل😈🔥…خلي دماغك يشتغل انا مش ملاك انا الشيطانة🔥…!
سيارة الشرطة : قاعديين وراها وهي تجري تبي تطلع من طرابلس في( طريق سريع تاجوراء ) وولعوا الميكرفون…مدام ملاك ووقفي على يمين انتي موقوفه وممنوعه التجول خارج القسم…انتي مشبوهه في جريمه قتل…اووقفي على جنب يا مدام للمرة التانيه نقولها…!
ملاك : يا بنت الكلب يا سعديييه امتى بس لحقتي توصلي الاخبار…انا رح نوريكم الذكاء كيييف وعلى مني…رح نهرب منكم يا كلاب!
الشرطة : للمرة الثالثة نقولوك وقفي على اليميييين يا مدام…المرة الرابعه رح تكون الأخيرة…ووخففي السرعه!
ملاك : في صراع بينها وبين نفسسسها…ووضغطت على زر الزناااد اكتررر ووصلت سرعتها 200 بدوون ما تحس وتشووف رووحها او تشوف للطريق…مش انا ملاك اللي تخسسر انت وياه!
الشرطة : السسرعه رح توديك لطررييق الموت يا مدام ملاك وقفي عندك…انتي محاصرة من كل الجهات لا مفر ولا هروووب!
ملاك : فاتت سرعتها لل200 وجت على حاششية الرصييف ونقلبببت السيارة بيييها وهي طايرة فوووق بييييها😱😱…لااااااااااااااااااااااااااااا؟؟؟؟؟؟؟؟؟؟؟؟؟
…الشيطانة🔥…#ييتتتتتتتتبببببع_للموسم_المقبل 2

نتمنى اتكوون عجبتكم الرواية وحلقاتها…صح 8 حلقات بس متتخيلووش قداش تعبت فيهم وترتيب الاحدث والحلقات و الشخصيات…فيها هلبا حجات تووضحت في الحلقة الأخيرة…سبب توقف الرواية ان تفاعل ضعييف جدا جدا جدا وهذه شي اثر فيا نفسيا ومعنويا…وعرفت ان ازمة الضي كترت هلبا وطووولت واثرت في الكل لذلك الجزء الثاني رح يكووون في شهور الجايه ووقت مناسب يكون في ضي وكهرباء ومفيش متحانات ولا قرايه❤…شكرا للمتابعيين اللي يفتحوا نت عشان يقروا رواياتي رغم ازمة الضي…وشكرا لكل تعليق انكتب طووويل او قصير…وشكرا على تفاعلكم على الرواية…ونوعدكم ان الجزء الثاني رح يكون اقوى من الجزء الأول…الجزئين مربوطيين في بعض…مزال في اسرار هلبا لكل شخصيات الرواية ورح يكون في شخصيات جديدة بتخش…استنووني كلكم…وقبل ما نمشي وندير ارشفة للقروب اكتبولي كلام طووويل عليا وعلى حبكم لرواياتي وتوقاعتكم للجزء الثاني كيف رح يكووووووون…هذه طلبي منكم ببسسس❤مع السلامهه❤…………#حسن_الجامعي❤

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

 

لمشاهدة جميع اعمال الكاتب : روايات حسن الجامعي

اترك رد

زر الذهاب إلى الأعلى