رواية الشيطانة الحلقة السابعة للكاتب حسن الجامعي | القلم الناجح
روايات ليبيه كاملة

رواية الشيطانة الحلقة السابعة للكاتب حسن الجامعي

رواية الشيطانة الحلقة السابعة للكاتب حسن الجامعي

#الشيطانه 7

عند نسمة في الحوووش:-
الساعه 10 في ليييل…! 🌃

ترن ترن ترن :-

نسمة : تنضف في المطبخ وتسيق فييه…منوو يلي يرن عليا توا ساعه قريب 10؟…الوووو؟
ملاك : اهلا يا نسمة !
نسمة : منوو معاي؟
ملاك : انا ملاك اللي طردتك من الحوش بسبب المخزن اللي قريب فتحتيه!
نسمة : كشخت وقلبت عيوونها بملل…شنو تبي جايه تهزبي مرة اخرا ولا شنوو🙄!
ملاك : لا انا جايه اطلب منك السماح🤭!
نسمة : توترت واستغربت تصرف ملاك …كييييف يعني🤐؟
ملاك :- 😈…يعني من غدوا ارجعي لشغلك بشكل طبيعي حبيبتي!
نسمة : فرررحت…تمام بعوون الله بكرا نجييك من الصبح وان شاء الله يكون عجبك العصبان!
ملاك : هو بصراحه طعمتها تحححفه…تسلم ايدك بس متنسيش تبدي من جديد وديرلي ماكلة جديدة عشان نستمتعوا!
نسمة : بعوون الله بكرا جايتك…ربي يحفظك يا حنه!
ملاك : تصبحي على خير مالا!
نسمة : بصوت فرحان…وانتي بألف خير يا حنه…الحمد والشكر لييك يارب الحمدلله رجعتني للخدمه نبدووو بكرا على بركة الله!
ملاك : صكرت الخط وهي مبتسمة…اتصلت ب بديع!

ترن ترن ترن :-

بديع : ايوا ملووكة شن الاجواء؟؟؟
ملاك : خلاص توا كلمتها وقلتلها اتجيني من غدوت تبدا شغل ورح نديروا الخطه اللي اتفقنا عليها لأن الامور بدت خطيرة وكل ما الوقت تأخر كل ما زادت خطر اكتر الاجواء!
بديع : تي ميه ميه المهم انتي تطلعي منها…انتي ملكش ذنب هوو جي للحوش وابتزك وهذه اللي يستحقة القتل!
ملاك : الحمدلله في حد فاهم عليا…متنساش انت غدوا الصبح تمر على بهيمة اللي اسمها ريهام وتعرفلي اخبارها كلها بالحررف!
بديع : خليكي مرتاحه من الناحية هذه…كل شي تمام المهم بس التنفيد بإحتراف…واللي اسسمه امجد حسابه عندي ورح يكون مصيرة عصييير مني🔥!
ملاك : اووووكي مالا انا رح نصكر نعسانه هلبا وتعبانه…اي شي يصير تحكيهولي طووول!
بديع : تمام ميه ميه…حتى انا بنرقد تصبحي على خييير ملوكة!
ملاك : وانت من اهل الخير…صكرت الخط وركبت لدارها فردت شعرها وبدت تمشط فييه وتشوف لنفسها بالمراية وتكلم في نفسها…مش عارفه علاش انا معنديش حد يحبني ونحبه ليشش معشتش قصة حب زي اي بنت في سني…كبرت وتجاعيد طلعتلي ووليت مراه كبيرة بس وحيده بدون عيلة ولا صغار ولا راجل💔…حطت الكريمة وبدت دير فيها على ايديها وطفت الضي وتسطحت على سرير وبدت تفكر…زعما رح نلقا الشخص اللي يستاهلني ونستاهله بعد هل العمر او رح نموووت وانا وحييدهه💔…رح نموت وحيده وهذه الباين…بس قبل ما نموووت رح ننهي حياة الكل…مش رح نخلي حد نكرهه يعيش مرتاح حتى ولو انا ميته اللعنة متعي رح تخلي حياته دمار…عيوونها حمر غمضتهم بالشوووية وخداها النوووم ورقدت…!

رواية الشيطانة الحلقة السابعة للكاتب حسن الجامعي

عند امجد و ريهام و سامح :-
الساعه 10 في ليييل…!

سامح : تي خيييرك يا راجل شن في احككي؟؟
امجد : ريهام هي المجرمة اللي قتلت محمود!
سامح : بصووت حاد…نعممم😨؟؟؟؟
امجد : انزل انزل من السيارة بسسسرعه!
سامح : تي كيييف عرفتها ان هي المجرممه وووين الدليييل؟؟؟
امجد : اسكتتت خليني نطق الباب عليييها…لوو توا ملقينهاش معناها هربت وهكي تثبت عليها الجريمه!

طق طق طق طقققق:-

ريهام : جايه جايه علاش تخبطوا في الباب قريب تكسسروه…ووقفت وراه الباب…مني على باب؟؟؟
امجد : افتحي انا امجد افتححي بسسرعه!
ريهام : استغربت وفتحت الباب…خيييرك امجد شنوو في خيرك متعصب؟؟؟
امجد : بصووت حاد ومخيف…ووووين الجثة؟
ريهام : جثة منووو…شن قاعد تخرط انت؟؟
امجد : خدي نفس بقلة صبر…جثة المحقق محمووووود يا ريهام بلاش استعباط على بعض!
ريهام : شهقت وعيطت…هووووو مات😱؟؟؟
امجد : قتلك بلاش استعباط وين قتلتي الراجل وعلاش ووين حطيتية اتكلمي يا ريهام!
ريهام : انا مقتلتاش ليشش بنقتله الراجل…بس انت مش فاهم القصه…وبعدين شنوو دخلني انا حتى دلائل معندكمش خاشين تجروا بتعتقلووني؟؟؟
سامح : اختي ريهام انتي اخر وحده اتصلت بالمحقق محمود ومن بعدها اختفى؟؟؟
ريهام : جمعت افكارها وعرفت ان محمود اتقتل…ياااررربي انا كلمته وبلغت على وحده وقتله يمشي يشوووفها ويخليها تعترف!
امجد : وانا شششني قدامك علاش مقلتيليش اني يا ريهام كيف تطلبي من راجل غريب وزوجك اصلا شرطي ومحقق؟؟؟
ريهام : لأن طلبت منك وقتلي لا متبلغيش عليها وانت تعرفها منوو هي كوويس يا امجد!
امجد : امتى صار الكلام هذه ريهام امممتى؟؟؟؟…مفتحتليش حتى المووضوع ولا لمحتيلي كيييف هكي!؟؟؟
ريهام : كيف يعني…هو مش انت اللي كلمتك اليوم الصبح وقتلك نبلغ عليها وتعاركت معاك وقتلي متبلغيييش!!؟؟؟
امجد : انا من الصبح الساعه 8 طالع كيييف صار انتي تتوهمي شوورك ريهام يا اما انتي تكدبي وتلفي ودووري باش تطلعي منها اتكلمي ريهام قوليلي شنووو في بزبط ولا رح نضطر نعتقلك ونحطك الليلة في الحجز!
سامح : يا تعترفي يا اما تقولي الحقيقة كاملة ولا رح تنحبسي الليلة في الحجز لحد ما يتم التحقيق معاك!
ريهام : بلعت ريقها بخوووف…اءءءءءءءءء امجد اكييد انت مش رح تحط مرتك الحامل في الححبس!
امجد : بغل وعصبية وبسكوووت مخييف…حط الكلبشات في ايديها الزوز…ولبسها الوشاح…تحركي قدامي للسيارة ريهام !
ريهام : كانت الصدمه متعها اقوووى من اي صدمه شافتها في حياتها متوقعتش في حياتها ان الشخص اللي قريب منها يطعنها من ظهرها بدون ما حتى يسمعها او يفهم منها💔…ركبت ريهام في السيارة ودمعتها على خدها وكانت عارفه ان وراه الموضوع هذه هي ملاك الشيطانه ورطتها وانقلب السحر على ساحر💥…!

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة السابعة للكاتب حسن الجامعي

( يووووم جديد وطقس مشمس )🆕️

الساعه 10 الصبحح🌤

عند ياسمين و رواد…!

ياسمين : قاعده في سيارة ومغطسة بالدم وجها كله معبي دم وكان مغمى علييها تتنفس بأنفاس بطيييئة وقرريبه من المووت وسيارة مكسرة من كل الجهات ودخان معبي السيارة في منطقة مقطوووعه قريبه من حوش ملاك وحووشهم…!

رواد : راسه مرمي على دومان السيارة وكان وجهه كله مشوه من الضربة القووية وراسه معبي دم ومغمى عليييه ويتنفس بصعووبه…!

ياسمين : فتحت عيوونها ببطء وشافت من كل جهات وتتلفت ببطء وخاييفه ومش مصدقه الحادث يلي صار معاهم وتلفتت وشافت لرواد وقالت بصووا بطئ…ر ر ر ر ر روووودا نوووض رواد انت كووويس نووض كلمني نوض طمني…!
رواد : فتح عيووونه ببطء وشاف لياسمين وهو خايف ومش فاهمم شي…ياسمين شنو يلي صار معانا؟
ياسمين : اخخخ ضهري مش قادرة نتحرك رواد…نووض ساعدني خلينا نطلعوا بسرعه!
رواد : حاووول يفتح باب السيارة لكن الباب مصكر بالقوة من الضربة…ازززحح مباش يفتح شنو ندير توا؟؟؟
ياسمين : حاوولت تفتح الباب متعها وفتح معاها…دفاته بالقوووة ونزلت بخطووات بطيئة فتحت الباب لروواد بالقووة…انزل بسسرعه رواد حاسه ان سيارة رح تنفجر فينا!
رواد : هاتي ايدك مش قادر ننزل…شد ايدها وناض ببطء…شنوو نديروا توا مفيش حد اهنايا شن نديروووا؟؟؟
ياسمين : دموعها تجمعوا وبدت تبكي…شووف تلفوني حتى هو تكسر وولدي اصيل رايحح مننا كييف راي توا حصلنا حصلنا!
رواد : ووينه تلفوني انا وووينه ووينه…شاف السيارة ولقى مرمي تحت خداه وشافه وتنهد…الحمدلله مصارله شي خليني نتصل بأي ووواحد يجي يطلعنا من اهني!
ياسمين : اتصل ب ملاك بسسرعه ريم وراجلها مش رح يجوونا نعرفهم انا!
رواد : فووووتيها هديكا الكلبه الواطيه اصلا لما فكرنا نمشوولها صار الحادث وكله بسببها هي!
ياسمين : تعصبت من طريقه كلامه…شوووف حالتي وشوف حالتك…هل تسسمح ان نفتحوا موضوع ملاك والخلافات اللي بينكم…لالا انت مداير معاها خلاف هي مدرتلكش شي وتعامل فيك كووويس بس انت مينفعش فيك الكلام هذه كله واتصل تره اتصل ونتحداك لو اي حد رد عليك وفزعلك وجاك يلا اتتتصل شنو تراجي!
رواد : خدي التلفون وشاف لرقم حاتم واتصل بييه…ترن ترن ترن ترن…!
ياسمين : قلبت عيوونها بملل واقفه وتستنى شنو رح يصير…عناد وتسكير راسس زايد!
رواد : مباااااش يرد ازززح…رح نتصل ب رريييم!
ياسمين : بلعت ريقها بصدمه وبصوووت عالي…ررييييم؟؟؟؟
رواد : استغرب من ياسمين…اي ريم خيرك عيطتي؟
ياسمين : انت من وين عندك رقمها رررييم وشن علاقتك بييها اتكلم؟؟؟؟
رواد : بلع ريقه بخوووف…اءءءءءءء مفيش شي بيني وبينها انتي خيرك مصدقتي تبي اطلعي مشكلة من لا شي؟؟
ياسمين : متبيش تحكي تووا شووف دم راسي شووف حالتنا بعدييين نفهم كل شي وان شاء الله ميطلعش اللي في بالي بسسسس!
رواد : بالله بري ملحي…شاف لرقم ريم وبدي يتصل بييها…ترن ترن ترن ترن ترن!؟؟؟؟
ياسمين : هه😏…وووواضح انهم رح يجونا!
رواد : الشششيت مردتش مردتش…معقوولة مفيش ولا سيارة تخطم من هني!
ياسمين : رواد اتصل ب ملاك وخلصني متجيبليش الجلطه!
رواد : حط اييده على راسه بقلة صبر…اخخخخ منك ومن ملاك متعك هذه!
ياسمين : اتصل ورد بالك تفكر ان مووضوع ريم نسسيته رد بالك بس!
رواد :- 🤦🏻‍♂️🙄…!

رواية الشيطانة الحلقة السابعة للكاتب حسن الجامعي

عند ملاك في الحوووش 🏡
الساعه 10 ونص الصبح…!

ملاك : راقده ومسستريحه على آخر…فتحت عيوونها ببطء وشافت لساعه…انهااااار اسووووود عطلت على شغل ووووك عليا وووككك ووووك…ناضت تجري للخزانه متع ملابس طلعت بلوزة سودة وجينز اسوود وكعب اسسود وشنطتها السوودة…هوو يووم اسسود اصلا جت على حوايجي…كله من الكلبه سسعديه بنت الكلي منوضتنيش في الموعد خدم زبااااااله…بصوووت عالي…سعديييييييه!
سعدية : ركبت تجري لغرفة ملاك…نعم نعم يا فندم في اي؟؟؟
ملاك : يا بنت الكلب مش قتلك تنوضيني الساعه 8 متعرفيش ان وراي شغل يا كلبه!
سعدية : اعملك اي ياختي انتي مقولتيليش افتكرت ان اليووم عطله يعني🙄!
ملاك : بري بسسرعه ديري قهووة ربع ساعه نلبس حوايجي ونلقاها جاهزة وياوووويلك تعطلي زي كل مرة !
سعدية : طيب يا فندم حاضر بلاش العصبيه دي بقى شكلك وحش اوي اوي!
ملاك : درررررقي وجهك راه نجيييك😡…!
سعدية : طلعت تجري من دار وصكرتها وواقفت…اها نسسيت القهوة اعملها حلوة ولا وسط نسيت اسألها🙃؟؟؟
ملاك : خششت تجري غسلت وجها ولبست حوايجي بسسرعه فائقه وخدت شنطتها وعابيه على قهوة اللي بتجهزها سعديه🤭…نزززلت من دروووج وشافت يمين ويسار وووينك سعديه؟
سعدية : ايواه يا فندم عايزة اي؟؟؟
ملاك : بصووت حاد… ووووين القهووووة؟؟؟
سعدية : قهووة اي ان شاء الله ؟ 🤔
ملاك : دمها انحررق وعيطت بأعلى صووتها…القهوووة اللي قتلك ديريها قبل شوويه وووينها يا همممي الاحررف😩
سعدية : اهاااااا ههههههههه نسيت يا فندم اصلي انا نسيت اقولك انتي عايزها حلوة ولا وسط ولا سادة بقى نسسيت هههه🤣!
ملاك : سكتتت سكوت مخييف وهي تشوف لسعديه بطريقه تخوووف…!
سعدية : كملت ضحكتها ولما شافت ملامح ملاك المخيفه جمدت في مكانها😨…مالك يا فندم في اي بتنحي عليا كده ليه؟؟؟
ملاك : خدت سعديييه من رقبتها وطيحتها على صالووون بعنف وركبت عليها وهي تخنق فييها…انتي لازممم تموووتي لأن انا منحبش الاغبياء منحبهممممش…ونحت من عليها!
سعدية : قريب ماتت ونقطع نفسسها…احو احووو يا بنت الجزمة انا عملتلك اي قوولي يا وسخه يا واطييه كل ده عشان قهووة ما تنقبري وتعمليها لنفسسك هو انا شغاله عند ابووكي ولا اي؟؟؟
ملاك : بنت الكلب شغاله وتعلي في صوووتها اللي كانوا قبلي كيف كانوا متحملييينك تكلمي انطقي؟؟؟
سعدية : على فكرة الساعه دلوقتي 10 ونص يعني ميعاد شغلك قرب يتنهي😉!
ملاك : شهقت وطلعت تجري…يا ولاد الكلب والكلبه انا رح نوريكم كيييف الشغل مزبوط استنوووا بس…طلعت تجري ركبت للسيارة وبدت تسووق بطريقه مخيفه😨…يوووم اسسووود على روسكم ان شاء الله…!

ترن ترن ترن ترن :-

ملاك : شافت لتلفون كان ناقصني محضرات التأخير تبع الباشا رواد الزززفت…فتحت الخط!
رواد : ملاك انتي ووينك في المستشفى؟؟؟
ملاك : انا اسسفه مكانش قصدي نتأخر بس مدرتش منبه والشغاله نسست وخداني النوم بجد انا اسسفه!
رواد : انتي في الحووش يعني قرريييبه ولاه؟؟
ملاك : اي اي قريبه خيير شنوو في خيره صووتك؟؟؟
رواد : تعالي في طريق المقطووعه هديكا اللي ينزلوا منها نزووول احني درنا حادث غادي!
ملاك : شههقت…انهار احرف واسوود اونا في طريق انا في طرريق استنوا جايتكم بفزززعه…بدت تسوووق وتجري اكتر لكن مزاجها تعدل بعد ما واحد من اللي يكرهوها واعدائها طلب منها المساعده😈…!

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة السابعة للكاتب حسن الجامعي

عند بديع في حووش ريهام:-
الساعه 10:40…!

طق طق طق:-

بديع : وووينها هذه ليا ساعه نطق عليها ومتفتحتش…!

_زعما وووين مششت توا بالك للمركز باش تبلغ بنفسها على ملاك…!

_لالا انا منتعها انها تمششي اززح وين مشت هذه…بالك مشت تجيب في خضرة!

_هووو مانعها من طلوع وخشوش من الحووش امجد مش رح تطلع برووحها لأن رح يطلقها…!

_معناها هما الزوز مع بعض توا بسس وين مششوا زعما للمركز…خليني نمششي قبل ما تصير حاجه بدون علم ملاك والا رح تقتلني😨…!

بديع : نزل من دروووج وهو متوتر وخايف…وشاف عزوز راكبه لشقتها…بالله يا عمتي كيف حالك شن مدايرهه؟؟؟
عزوز : اهلا يا وليدي يسلم حالك يا وليدي الحمدلله عايشين على بركة الله !
بديع : انا امجد عرفتيني ولاه انا راجل ريهام مشفتيهاش اليووم وين مششت ولا وين طلعت؟؟؟
عزوز : تي كيف عاد خيرك يا وليدي مش امس انت اعتقلتها وصووت عياطكم واصل لنهاية الشارع…هي دارت حاجه انت مشيت انت وصاحبك وحبستوها!
بديع : اهااات اي اي نسسيت الحق عقلي مش في راسي هههه!
عزوز : تي على منى تفووت فيه هذه انت مش امجد!
بديع : توتر وخاف…اءءءءءء خلاص عمتي صحيتي على معلومات توا بسلامه عندي شغل ضروووري هلبا هلبا !
عزوز : اتعالا اهني وين ماشي انت مش امجد انت مش نفس الراجل!
بديع : توتر وخدي بعضهه وطلع بفزززع ركب السيارة وهرب من العزوز وقصقصتها…اخخخخ يوم شكله احرف علاش اعتقلها كييف شن مدايره هي…نموووت ونعرف؟؟؟؟
عزوز : طلعت برا الشارع وهي متعصبه…انت مش امجد انت خوووه التؤام…لأن امجد رقبته مفيهاش شامه🤨…؟؟؟؟؟؟؟؟؟؟؟

رواية الشيطانة الحلقة السابعة للكاتب حسن الجامعي

عند ريم في الحوووش برووحها…!
الساعه 11:00 🌤

طق طق طق طقققق:-

ريم : بخووف…منني على الباب؟؟؟
سعد : افتحي دين🔞…الباب بسسسرعه راه نكسره قوووق راسك…!
ريم : بلعت ريييقها بخوووف…لا ياربي هذه شن جابه اليوووم شن جابه شن جابببه ليا بسس!
سعد : افتحي الباب نسسمع فيك شنو تقوولي…افتحي الباب!
ريم : فتحت الباب بالقوووة…وبدت تعيييط بأعلى صوووتها…شن تبي مني مزال شن تبي مني حسبي الله ونعم الوكييل فيك خربتلي حياتي وكرهتني في عيشتي قوول شن تبي تاني…يلعن الساعه يلي حبيتك فيها يلعن الساعه يلي شفتك فيييها اطلع من حياتي خلاص اطلع اطلع اطلع شوووف حياتك…!
سعد : خشش بعنف وصكر الباب وصكر فممم ريم وهي مزالت تعيييط…ضمي فمك ياسرك رغي ضمي فممك هدا يلعن فيتك!
ريم : ضرباته وحاووولت تهرب منه…شن تبي توا مني قوووول!
سعد : قالولي انك كنتي في المستشفى يا حلووة وجيت نطمن علييك وسمعت انك حامل!
ريم : بصوووت عالي…شن دخلك فيا انت وكيف عرفت ومني قالك قووول يا حقير؟؟؟؟
سعد : مش رح نقولك شي خليها مفجأة انا نعرف عليكم كل شي ونعرف حتى ان راجلك بدي شاد القسم تبع الامراض النفسيه…انا برأي تمشي تتعالجي عندهه😈…!
ريم : انت كيييف عرفت هذه كله من يوووصلك في المعلومات قووولي منووو؟؟؟؟
سعد : انا جاي نسألك سؤال ورح نمشي…؟
ريم : انت جاوووب على سؤالي قبل…مني يوووصلك في الملعومات هذه كلها اتكلم سعد اتكلمممم بليززز؟؟؟؟
سعد : علاش مصرة ان في ححد يووصلي في الاخبار علاش منكونش انا هو نفسه يلي عرف بدون مساعده حد؟
ريم : الحقيرة ملاك قالتلك ولاه اكيييده هي اللي قالتلك مفييش غيرها يعررف اصلا!
سعد : شنو يلي تعرفه البنت اللي ذكرتي اسسمها توووا؟؟؟
ريم : بصوووت حاد…أن اني حامل و منك🔥…!
سعد :- عاووودي شن قلتي توووووووا😨؟؟؟؟؟

روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة السابعة للكاتب حسن الجامعي

عند ريهام في مركز الشرطة:-
الساعه 11 نفس الوقت كل منهم…!

ريهام : مقعمزة قدام شباب الشرطة للأستجواب…واللهي العظيم مش انا اللي قتلته لوو اني اللي قتلته شن قاعده ندير في حووشي لييش مهربتش؟؟؟
سامح : اذا كان زوووجك شاك فيك انتي…تبينا احنني منشكووش فيك عندنا دلييل واضح عليييك…اكيده انتي بعد ما حضرتك اتصلتي بييه مشيتي قتلتييه بعد ما هو وصل عندك في المكان اللي انتم اتفقتوا عليييه!
ريهام : ياربي يصبرني باهي انا شنووو مصلحتي بالله قوولي شن مصلحتي من ان نقتله الراجل؟؟؟؟
الشرطي : ابصر شن مدايرة وهو كشفك وقتلتيه باش ميعتقلكش ويحبسسك واضحه متبيش تفكير هذه!
ريهام : لا اله الا الله…انت علاش مصر ان انا اللي قتلته شنو مفيش غيري وبعدين في عندي دليييل!
سامح : شنوو هو الدليل اتكلمي بسسرعه معندناش وووقت لهذه كله انسة ريهام!
امجد : اتكلمي وريحيلي بالي يا ريهام اتكلمي بسرعه قوولي شن تتفرجي علينا!
ريهام : مش انا اللي اتصلت ب محموود صحح؟
سامح : اي؟؟؟؟
ريهام : انتم علاش مفتحتوش المكالمه وسمعتوها بدل هذه كله…هذه فاتت عليكم يا حماة الوووطن🙃…!
الشرطي : بسرعه بسرعه سامح اجري جيب سجل مكالمات وادخل على مكالمه اللي صارت بينهم خلينا نسمعوووا!
سامح: 🏃‍♂️🏃‍♂️🏃‍♂️…خش يجري جاب السجل المكالمة وفتحها وكلهم يسممممعوا فيييها ومنصدمييين😨؟؟؟؟؟
امجد ، الشرطي ، سامح : 😲😲😲

رواية الشيطانة الحلقة السابعة للكاتب حسن الجامعي

عند نسمة في الحوووش:-
الساعه 11 نفس الوقت كل منهم…!

نسمة : ناضت بفزززع على صووت عياط راجلها وصغارها…تي شنووو في كنكم تعايطوا اززفت!
سمير : تعالي شوووفي عيالك يتعاركوا على فردة خبزة…تعالي شوفي لعند ووين وصلتينا بفقرك يا وجه الفقر!
نسمة : بدت تعيط عليه بحرقة…شنووو انت متحسسش ولا كيييف مزلت نايض على حيلك عدي اخدم يا راجل خدي شوف اي خدمه ووكل عيالك انا مراه ربت بيت مش راجل البيت عشان نطلع نخدم…بس مع ذلك طالعه اليوم بنمشي للعرب وبنكمل معاهم شغل!
احمد : عطيييني الخبزة يا حيوووانه😡!!!
نسرين : واللهي ماني عطيتها لك هي انا جعانه من امسس ومكليتش حاجه!
نسمة : هاتوها اهني الخبزة هذي…انتي خشي نضفي المطبخ بسسسرعه بسرعه بدون نقاش!
نسرين : تي شنوو هضا ديما انا انظف ونكنس شنو دخلني انا بهضا كله قوولي لولدك معاش يحووسه!
نسمة : صكري فمك واسمعي الكلام…وانت خش لدارك امتحانات الفترة الاولى قريب خشش اقرا وغدوا مفيش عطله يتمشي للمدرسة بسرعه تحرك…!
احمد : بعتهم كتاباتي من امس راهوووو!
نسمة : تعصبت…شنووو اللي بعته يا حيووان هادم كتابات كيف تبيعهم وكييف بتقرا توووا…انا خلاص رح ننجن منكم…حسبي الله ونعم الوكيل فيكم وخلاص!
سمير : بدل ما تعيطي امشي لخدمتك صدعتيلنا رووسنا تحركي يلا…!
نسمة : حسبي الله ونعم الوكيل…لبست كندرتها وطلعت وعلى لسانها غير كلمة حسبي الله ونعم الوكيييل…ركبت الباص ووصلها في نهاية الشارع اللي تسكن فييه ملاك وكملتها مشي على رجلييها…اخخخ يا كرعيا الحمدلله وصلت!
رواية الشيطانة الحلقة السابعة للكاتب حسن الجامعي

طقق طق طق:-

سعدية : فتحت الباب…اهلا وسهلا اهلا وسهلا نورتينا ياختي نورتينا…ده احنا زارنا النبي 😍
نسمة : كيف حالك يا سعدية شنو مدايرة مع المتخلفه هذه؟؟؟
سعدية : دي ست مجنووونه اوي بصراحه…قبل ما تمشي كانت رح تقتلني اي ده بجد تقوول هي مجرمه ومتعودة على القتل…انقطع نفسسي بجد!
نسمة : 😨كنها شنوو دارتلك هذه حي علييها شوفي رقبتك عليها آثر ظوافرها!
سعدية : ايواه ياختي دي وحده مريضه شوية بتضحك شوية بتعيط شوية بتتفجر في وشنا…اي ده انا مش مستحملها اكتر من كدا انا عايزة ارجع لمصر كفاية كده بصراحه يعني!
نسمة : وانتي شنو درتيلها باش دارت فيك هكي يا حنه؟؟؟
سعدية : هي قالتلي اعمليلي قهوة بسرعه عشان تأخرت انا طلعت وسبتها تبدل هدومها وطلعت قالتلتي فين القهوة قولتلها نسيت اقولك تحبيه ساده ولا حلوة ولا متوسطه…شافتلي بطريقه وحشيه وحنقتني بنت الجزمه🙃…!
نسمة : بس معاها حق لأنك انتي تبردتي واجد🤭…!
سعدية : تغوور في داهيه…الله…هي واقفه عليها ولا اي…!
نسمة : انا بنبدا نطيب قبل ما تجي مرات تخنقني حتى انا😂…!
سعدية : 😂😂😂
نسمة : خشت للمطبخ فتحت الدرج خدت الموس اللي ملاك قتلت بييه محمووود😱…وبدت تقطع في فلفل شرائح بييه وهي فرحانه لأن رجعت للشغل…الله الحمدلله يارب رجعت للخدمه…!
سعدية : الف مبرووك يا حببتي انا عايزة ارووح اجيب نواقص البيت من سوبر ماركت انتي عايزة حاجه؟؟؟
نسمة : جيبيلي مشروب ببسي معاك عشان غدانا اليووم فلفل محشي وطاجين😋…!
سعدية : الله الله ده انا جعت واللهي😔🤤🤤
نسمة : هيا يا حنه عدي بسسرعه قبل ما تروح المصيبه هدك…!
سعدية : لبست وشاحها وطلعت تجري للدكان🏃‍♀️
نسمة : مقعمزة تقطع في كسبر و معدنوس بنفس المووس…رح ندير غدا جميل اليوم بعون الله❤…!

طق طق طق طق طق طقققق:-

نسمة : ناضت على حيلها…اخخخ هذه سعديه اكيده نست الفلوس وشنطتها…وفتحت الباب!
الشرطي : هذه حوووش ملاك عبد العزيز الترهوني؟؟؟؟
نسمة : ايواه هو هذه نفسسه الحوش تفضل؟
الشرطي : انتي المدام ملاك او لا ؟؟؟
نسمة : توترت وخافت…اءءءءءءءءء انا اليوم كيف بديت نخدم قصدي شن في كنها؟؟؟
الشرطي : انتي هي نفسسها ملاك…مقبووض عليك بتهمة القتل المحقق محمووود!
نسمة : شنوووو شنووو شنووو😱……..#يتتتتتتببببع!

رواية الشيطانة الحلقة السابعة للكاتب حسن الجامعي

الاسئلة اللي في بالكم توووا الاجوووبة متعها كلها في الحلقات الجااايههه❤وواضح ان الرواية تطوورت في الاحداث و القصة نبي تعليقات طووويلة وحلووة نبي نقراهم كلهم🤤…ومش رح تنزل الحلقه 8 الا لما تصكر الحلقة 1000 لايك وتعرفوني لما نصررر على حاجه❤🤭…لو عجباتك الرواية ضيفي اعضاء خليهم يقرووا معاك ومتقصروش في تعليقات للوصول المنشور للباقي المتابعين❤…!

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

لمشاهدة جميع اعمال الكاتب : روايات حسن الجامعي

اترك رد

زر الذهاب إلى الأعلى