رواية الشيطانة الحلقة السادسة للكاتب حسن الجامعي | القلم الناجح
روايات ليبيه كاملة

رواية الشيطانة الحلقة السادسة للكاتب حسن الجامعي

رواية الشيطانة الحلقة السادسة للكاتب حسن الجامعي

#الشيطانه 6

عند ريم و ملاك في الحوش:-
الساعه 6 ونص مع المغرب🌇…!

ملاك : تفضلي قعمزززي يا ريم الحوش حووشك…بس استغربتك هلبا حسبتك تكرهيني ومش طايقتيني…بس تفاجئت جايه تطلبي المساعده او مصلحه!
ريم : بجد انا اسسفه بس مش وقت الكلام هذه توا…انا مريضه عندك من توا يعني رح نحكيلك مشكلة ونبيك تساعديني…وبما ان انتي دكتورة مش رح تفضحى اسرار المرضى اللي عندك صححح؟؟؟
ملاك : اي اي…تمام مع ان مش قانوني في الحوش لكن عادي احكي!
ريم : انا خايييفه هلبا وحاسه روحي بندوووخ…رح نحكيلك كل شي بسس خايفه!
ملاك : قلبت عيوونها بملل…هيا احكي ريم عندي ضيف يستنى فيييا🙄!
ريم : بلعت ريقها بخووف…الولد اللي في بطني!
ملاك : خييييييره؟؟؟؟
ريم : مش وولد حاتم هذه😨!
ملاك :- كييييييف كيييييف😱😈…!؟؟؟؟؟
ريم : خايفه ومتوترة…رح نحكيلك كل شي بتفصيل بسس بالله عليك ساعديني مفيش داعي حاتم يعرف لأن سر كبير🔥…!
ملاك : احكي احكي ورح نساعدك على قد ما نقدر…👀!
ريم : عيوونها معبيات دموووع وتبكي ووجها شاحب هلبا وترعش ومقعمزة على كرسي وترعش…اءءءءءءءءء ررح نقول كل شي عني يا دكتورة…انا م99 تزوجت ليا اسبوعين بسس يعني…مشكلتي كبيرة بكل واكيده انتي دكتورة نفسية رح تساعديني وشي طبيعي ان انتي مش رح تقولي لحد خصوصيات المرضى اللي يجووا عندك حتى الاقرب ناس لييهم صح…اوكي انا متزوجه ليا سنه طبعا تزوجت زواج تقليدي على حسب العادات وتقاليد ومتزوجتش من الشخص اللي انا نحبه…المهم انجبرت ان نتزوج لأن لو رفضت احتمال بوي يقتلني او يرتكب فيا جريمه او يعاملني بعنف…المهم بعد كم يوم من زواجي يوم من الايام جي الراجل اللي كنت نحبه للحوش وانا فتحتله الباب خشش وحاولت نطلعه من الحوش مباش يطلع وحاوول ان يخش بالقوة ودف الباب بعنف ودخلني للدار وكانوووا عيوونه حمر يعني كان واضح عليه سكران…وقتها كان راجلي في شغل…كنت مصدوومه منه بصراحه بس دار فيا شي اوسسخ شي في الحياة شي يدمر حياتنا كلنا خفت بجد خفت بعد ما دار عملته في شي كبير بكل صار وانا رح نحكيهولك توا بس توعديني متقوليش لحد ونجيبلك حتى المصحف لأن شي هذه اوول وحده تعرفيه هو انتي يا ملاك💔…!
ملاك : اوك فهمت عليك لعند توا…بس اللي مفهتمتاش شن قصته الراجل هذه شن دارلك ردبالك يكون يلي في بالي👀!!!
ريم : 😨!

رواية الشيطانة الحلقة السادسة للكاتب حسن الجامعي

عند ياسمين و رواد :-

رواد : بصووت عالي…تي اتكلم يا بابااااا وين قاعد انت نجووو ناخدوووك وينك يا ولدي؟؟؟
ياسمين : عطيني نكلمه قلبببي محروووق علييه هات خلي نطمن قلبي على وليدي😭!
اصيل : بصووت برئ… بااابااا ساعدني اهما اشرار💔!
رواد : يرعشش وبفززع…و و و و وووينك جاووبني يا ولدي!
اصيل : انا قاعد…وووووقطع علييه!
مجهول : عندك 24 سساعه لو مجمعتش مليووون في شنطه انسى ولد اسسمه اصيل ولو كلمت الشرطه اوو فكرت اتكلم وتدخل الشرطه في نص اعتبر ووولدك مات🔥؟؟؟؟
رواد ، ياسمين :- 😲😲 ؟؟؟؟
مجهول : ولو تأخرتوا في دفع نفس الشي اعتبر ولدك مييييت!
رواد : تي شنووو تبي خلاص خلاص رح ناخد منكم البضاعه عطووني ونا ندفعلكم بالسعر اللي تبوووه!
ياسمين : تعصبت…فوووق هذه كله بتشري منه البضاعه المغشوشه يا فروووخ الحرام…!
مجهول : لالا نبوا الفلوووس بدون بضاعه…كان من الاول قبلت راهو مصارش فييك هكي…وانت و حظك لو كلمت او حاولت تتصل بالشرطه…وفصل الخط!
رواد : تعصصب ولووح التلفون على الارض…انا شن خلاني نجيبكم اصلا وانتي كله منك انتي!
ياسمين : عييطت عليه…تي كله منننك انت لوو ما تورطتش مع الجماعة تبع الادوية مغشوشة راهوووو توا ولدنا معانا وهي خووود توا هي مليون دينار وابعتهم!
رواد : معنديششش فلوس معنديش خيرك انتي…المستشفى وضعها زززفت ززفت!
ياسمين : وكييف زفت وانت عطيت حاتم يمسسك القسم هذه شنوو يقولوله مش جكترا ولا بسس درت هذه باش تقهر ملاك؟؟؟؟
رواد : اي اي درت هكي باش نقهر ملاك…اصلا حاتم عنده شهاده اصليييه لكن ملاك…..وسكت!
ياسمين : لكن ملاك خيييرها اتكلم؟
رواد : انا منطيقهاش نكرهها فهمتي وقريب رح نطرها من المستشفى وحده كلبه!
ياسمين : توا انا مالي ومال ملاك متعك هذه…نبي وووولدي تووا نبي ولدي افههم راهو يديروا فييه حاجه خاييييفه!
رواد : مش عارف شنو ندير من مني ناخد الفلوس من مني نتسلف منيش عارررف واقع في مشكلة انا في مشكلة كبييييرة!
ياسمين : حطت يدها على راسها بقلة صبر…اتصل بسسرعه بمعارفك اصحابك كلهم تسلف منهم وخووود المبلغ وبعدين رجعه لييهم بسسرعه تحرك😨!
رواد : اخخخ لو نعرف من وراهم هادم ووين مصدرهم وربي لما نفضحهم!
ياسمين : رح تفضح رووحك معاهم…انت رح تفضحهم وهما رح يفضحووك لأنك متعامل معاهم…وعلى فكرة انا ولدي اول ما بيرجع رح نطلق منك وناخد ولدي ونمشوا مش رح نرضى ولدي يعيييش برزق حرام🔥…وطلعت!
رواد : 🔥💔

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة السادسة للكاتب حسن الجامعي

عند الحكومة امجد و سامح :-
الساعه 7 المغرب!

امجد : سامح بالله علييك اسكت وهي اركب السيارة قبل ما هي تتصرف اي تصرف غبي وتهرب!
سامح : 😐 مستغرب من القصه…هيا هي ان شاء الله محمود مافيه الا الخير بدل هل الكلام اللي نقولوا فييه عليييه!
امجد : الله غالب الدنيا مع اطمن كل واحد يقدر يقتل على خاطر مصالحه الشخصية عادي ولى القتل وساهل!
سامح : اخخخخ يا ودي خلينا نمششوا ونشوفوا احني…!
امجد : وهوو يسووق يشوف في الموقع ووين وكأن مرووح للحوش متعه نفس الطريق اللي دائما يروووح منها…تي كيف صار؟؟؟؟
سامح : مش هذه طرريق حووشكم ولا انا نتخييل؟
سامح : مش عارف بالك الحووش اللي في جنبكم بديييت نخاف انا!
امجد : اسسسكت مش اكتر مني قصدي في معانا مجرميين كلهم ناس محترمه…بدي يسسوق بسسرعه لييين وصل لحوشهم وموقع دل على حووشهم بزززبط…!
سامح : ششن صار وين اما حووش بزبط؟؟؟؟؟
امجد : بلع ريييقه بصدمه و بخوووف وشاف لسامح بنضرة صدمه😨!
سامح : تي خيييرك يا راجل شن في احككي؟؟
امجد : ريهام هي المجرمة اللي قتلت محمود!
سامح : بصووت حاد…نعممم😨؟؟؟؟

رواية الشيطانة الحلقة السادسة للكاتب حسن الجامعي

عند ريم و ملاك في الحووش:-
الساعه 7 ونص !

ريم : رح نحكيلك كل شي بالتفصييل…من بداية قصتنا لنهايتها وبعدين قوليلي انتي شنو ندير انا و كييف نتصرف!
ملاك : احكي احكي…وياريت تتكلمي بطريقه نفهمك فييها باش نعرف نحل مشكلتك😈…!
ريم : مش عارفه حاسه ان ندير في شي غلط وانا نحكيلك بس الله غالب معنديش غيرك!
ملاك : تعصبت وناضت بفزع…كان انتي ديري في شي غلط مالا علاش جايتيني وحكيتلي ما مشيتي لدكتوور زفت تاني علاش انا؟؟؟
ريم : بدت تبكي وتمسح في دموعها…انا اسسسفه مكانش قصدي بس ملقيتش غيرك قريب مننا وصديقه من بعيد يعني!
ملاك : اوووف عصبتيني بجد في ضيف برا وخليته يستنى هلبا وانتي توا قاعده تقوليلي ندير في شي غلط خيييرك ريم انتي واعيه لشي اللي تقوليلي فييييه؟؟؟؟
ريم : انا اسفه اسفه اسفه…خلاص الوقت تأخر حسسيته خليني انووض نمشي وغدوا نحكيلك كل شي صار!
ملاك : قلبت عيووونها بملل🙄…توا انتي جيتي ولاه خلاص احكيلي نسمع فيك…وكان على ضيف رح نخليه يستنى معنداش شي هو من صبح موجود عندي!
ريم : اوك رح نحكيلك!
ملاك :- احكي😈

رواية الشيطانة الحلقة السادسة للكاتب حسن الجامعي
قبل قبل اسبوووع ( يووم الحادثة ) 🔥

ريم : عيونها معمشات وتعبانه…حاتم نووض هيا لشغلك عطلت الساعه قريب 8!
حاتم : ناض بكسسل…اووووف عطلت هلبا خيرك نوضتيني توا قتلك7 ونص نوضيني باش نلحق نوتي روحي ونطلع!
ريم : اسسفه النووم غلبني من التعب امسس!
حاتم : ناض خدي حوايجه ودخل للحمام(حشاكم) وخدي دوووش!
ريم : رجعت رقدت تاني لكن جتها رساله من الوتساب مكتووب فيها!

سعد : ( خلينا نتلاقوا مش قادر نصبر راهوو ولا نجييك في الحوش )

ريم : ( انا متزووجه توا يا سعد منقدرش نطلع من الحوش وراجلي مش موجود )

سعد : ( خلاص معناها انا رح نجيييك ونشووفك انتي لازم تطلقي منه والا رح ندير فضيحه انتي ليا انا وبسس)

ريم : ( مقدرة مووقفك بس منقدرش نرجعلك خلاص بوي و امي زوجوني وانكتب هذه في جواز انا متزووجه يا سعد شووف حياتك )

سعد : ( انا الكلام هذه ميمشيش معاي يا تكووني ليا يا ماتكووني لحد فاهمه ولالا)

ريم : ( خلاص انساني وابدا حياتك من جديد…انا مضطرة نديرلك بلوك لأن قصتنا انتهت من زمان…وربي يبعتلك بنت الحلال اللي تستحقكك وتستحقها … باي💔 )

ريم : دارتله بلوووك ورجعت تسطحت على الفراش وهي خاييفه ومضايقه تبي تبكي لكن مش قادرة في قلبها غصهه…!
حاتم : طلع من الدووش وبدي يجهز في روحه…اخخخ يا ودي عطلت هلبا اليوم في المصحه رح يطردوني اكييد ع تأخير!
ريم : دارت رووحها راقده ومتسمعش!
حاتم : خدي مفتاح سيارته ولبس كندرة متعهه…حبيبتي انا طلعت تبي حاجه كلميني طووول!
ريم : ناضت ونضفت الحوووش كله ولمعاته وحاووولت ان هي تنسى سعد وتبدا حياة جديدة مع حاتم…خدت حوايجها وخششت خدت دووووش!

طق طق طق طق طق طقققق :-
بعد مروووور سساعه ونص!

ريم : طلعت من دووش بسسرعه ونشفت ع سريع….اووووووف منو يلي يدق بالطريقه هذه بشووويه اهوا جاايه صبح يا فتاح…وفتحت!
سعد : رييييم حبببي انا جيييتك!
ريم : حاووولت اتصكر الباب علييه بالقوووة…قتلك اناااا اطلللععع من حياتي لييش متفهمش لييش بسسس…حاولت تصكر الباب!
سعد : هووو يدف في الباب بالقوووة…انتي ليا وبسس افهمي علاقه 8 سنين وتوووا تقوليلي مصارش نصيييب؟؟؟؟
ريم : كانت دف في الباب وبتصكره بالمفتاح…لكن كااان هووو اقوى مننها…لاااااا اطلللع اطللع رح يشوووفنا حاتم!
سعد : خشش عليها وشدها بعنف…انتي ليا انا وبسسس افهمي علاش تعاندي اطلقي منه ورح نتزوجك خلاص خلاص!
ريم : قتلك خلاص مفييشش نصيب انسى انا توا متزوجه وقريب انا وحاتم بنجيبوا ولد!
سعد : عيووونه حمرر ومقدرش يتمالك نفسسه وكان مش شايف قدامه شي ومباش يستووعب كلام ريم…دفها على السرير وركب فووقها بالقووة!
ريم : نحححي قتلك انا متزووجه يا ولد الكلب…انت مشش راجل برا بعد علييا يا وواطي😱!
سعد : صكرلها فمممها ودار العمله متعه وخلاها طايحه ع سرير فاششله…الولد اللي رح يجيك تووا هووو ووولدي وتوا تشوفي كيف رح تجيني و تتزوجيني وتطلبي مني هذه الشي بنفسسسك…وخدي بعضهه وطلع يجري!
ريم : 💔فاشلة وطايحه وتعبانه من كل شي صار معاها وكانت صدمتها اليووم اقوى من اي صدمه في حوالي اسبوع هذه حسست بالاعراض خفيفه وخافت وبدت موسوسه من اي شي يصير معاها حتى لما تتعب شويه…………💔!

( الآن ) ( الساعة 8 بعد المغرب )

ملاك : مصدووومه من الكلام اللي قلاته ريم…هذه كله صار معاك اوووف ربي يكون في عووونك بجد سخفتيني كيف قدرتي تتحملي هذه كله يا روووحي!
ريم : تبكي وتمسسح في دموعها بالمناديل…اخخخ تعبت تعبت يا ملاك وتوا الدكتورة الحقيرة قالتلكم ان حامل قالت للكل وحاولت نسكتها بس متبيش قالت غلط ومش عارفه شني…نبي نطيح الولد يا ملاك كييف؟؟؟
ملاك : 😱لالالا حرام هذه روووح خلاص خلييه حتى حاتم فرحان توا اكييده لما عرف ان فيه مولود في طريق جايكم!
ريم : اي صح💔…بس شنو ندير كيف رح ندير بعد ما يكبر وبالك يشوف حاتم الاوراق ولا دكتوره تقوله كل شي ووقتها رح ننتهي انا ويحسابوني زانيه😭!
ملاك : متخافيش يا رووحي بما ان انا موجودة في المستشفى رح نساعدك…!
ريم : خايفه ومتوترة… شنو حل يعني؟؟؟؟
ملاك : خلاص قووليله هذه ولدك وامشي بالكدبه هذه والا رح تصير حجات مش رح تعجبك ابدا !
ريم : لو حكيت رح يذبحوني ويفهموني غلط صححح🥺؟؟
ملاك : بزززبط…وتوا ديري يلي نقولك علييه بالحرف وخليكي واثقه فيا !
ريم : اوكي شكرا ملاك ارتحت لما حكيتلك وطلعت يلي في قلبي بس توا لازم نمشي قبل ما حاتم يرووح للحوش!
ملاك : اووك حبيبتي اي شي تبيه تعاليلي ومدابيا بسرعه باش نلقوا حل مع بعض!
حاتم : لبست عبايتها ع سريع…اووك تمام سلام توا لازم نمششي…وطلعت!
ملاك : شافتلها من بعيد بخبث…سلام يا وسخه😏🤭!

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة السادسة للكاتب حسن الجامعي

عند بديع و سعدية في الحوووش❤🤭:-
الساعه 8 ونص !

سعدية : وواقفه فوووق راس بديع وذايبه فييه🤤…هووو في جمال كده في ليبيا ولا اي يا جماعة!
بديع : نفخ الدخان متعهه بملل…سعدية بدل ما واقفه فوق راسي بتريس بري شووفي ملاك خيرها عطلت عندي خدمه ووقت عليا!
سعدية : لا يا فندم هي لسا بتتكلم معاها شكلو الموضوع مهم اووي!
بديع : منوو اللي جتها وشن تبي منها…عطلوا هلبا النم هلبا هلبا؟؟؟؟
سعدية : مش عارفه هي وحده وشها زي البومه كده وشعرها اسود وتقول كده سنتين تلاته مش عاملة شووور مقرفه بصراحه يعني🙄!
بديع : انتي غبية يا سعدية ولا كييف فهميني قتلك شن تبي مقتلكش اوصفيلي البنت شن بتخطبيلي انتي؟؟؟
سعدية : اي ده انا اخطبلك وانا مالي يا خويا شوف جمالي هو في جمال كده زي انا كده…مستحيل تلقى حد كده بجمالي😇!
بديع : ناض بفزع…تبيني نفصل علييك انتي نقوللها يمين تقولي يسار!!!
ملاك : خشت عليهم وهي مبتسمه يخبث…سعديييه سادك دووه بري اغسلي الماعين بسرعه!
سعدية : يوووه الماعين عليا الاكل عليا كل حاجه عليا يعني!
ملاك : تعصبت…كدابه الغدي دارته نسمة اليووم بري بسرعه كملي شغلك ولا نطلعك نريح دماغي!
سعدية : طيب حاضر يا فندم…خشت تجري للمطبخ…عيلة زبالة ومنيلة ست دي بتجيب الحاله النفسيه والسلبية بجد!

بديع : شنو صار شن تبي اللي جاتك توا؟؟؟
ملاك : فووتها هذه قصتها طوويله نحكيهالك بعدين…توا خلينا مع موضوع الجثه!
بديع : مش قلنا بندفووها في سعديه وخلاص تطلعي منها انتي ولا كيييف؟؟
ملاك : شوف الشرطه رح يكشفوني هكي…سعديه معليهاش قضايا ولا شي وهي بريئة من وجها بس في بالي وحده هي ويمكن هي عليها الادلة هلبا حتى في مجال خدمتها!
بديع : مفهمتش في منوو تفكري انتي واضح علييك حاطه وحده في دماغك!
ملاك : المووس اللي يقطعوا بييه في البصل و الفلفل والطماطم😈!
بديع : بلع ريقه بصدمهه…قصدك هديكا الطباخه اللي جاتك اليوووم الصبح😲؟؟؟
ملاك : اي اي هي بزبط شووف القضيه مش قضية موس بس القضيه على نظافتها نقولوا ان قتلاته عشان هو بيرفع عليها قضيه بسبب الماكلة متعها مش نضيفه!
بديع : حيي حييي قصدي انتي ذكيييه هلبا هلبا كيييف قدرتي تفكري هكي…وربي حتى شيطان مفكرش هكي😱؟؟؟
ملاك : انا مش زي اي وحده طيبه تحل الموضوع بالود نحل الموضوع من جدوووره😈!
بديع : 😨!

رواية الشيطانة الحلقة السادسة للكاتب حسن الجامعي

عند ياسمين و رواد في السيارة :-
الساعه 9 في العشاء….!

ياسمين : خفف السرعه رواد…وووين رح تمشي قووولي وين؟؟؟؟
رواد : مشش عارف مش عارف خليني نعرف نركز!
ياسمين : يااارب ولدي مايصيرله شي ياررب زعما ياكل توا هو ولا يشرب ولا راقد شن مدايرين فيييه شووف شوف نتيجة افعالك ربي رد علييك بالطريقه هذه في صغارك🔥…!
رواد : ياسمين صكري فمك صكري فمك صكري فممممك خلاص…شن نديروا توا الكل معندهمش فلوس المصارف مصكرة ودنيا مفلسه شن ندير يارب!
ياسمين : خلاص خلاص معندناش الا ووحده لحد توا مكلمنهاش على المووضوع!
رواد : استغرب…منوو اللي مزال مكلمنهاش من هي احككي بسرعه مفيش وقت؟
ياسمين : ( ملاك عبد العزيز الترهوني )؟؟؟
رواد : من دوووون الناس كلها اخترتي الكلبه هذه…لالالالا فووتيها وبعدين مرات ترفض معندهاش فلوووس!
ياسمين : بدت تعييط…خلاص معناها خليهم يقتلوا ولدنا واقعد تفرج وبعدين تندم اششد ندم لأنك مكلمتش ملاك وطلبت المساعده!
رواد : وووقف السيارة وبدي يفكر يفكر…مش عارف مرات معندهاش لأن كرهتنا بعد ما عطينا حاتم يشد القسم!
ياسمين : بتقعد تفكر مزال لييين ولدنا بين يدين المجرميين انت؟؟؟؟
رواد : خلاص خلاص خلينا نمشوولها توا ولو رفضت تحملي انتي المسؤليييه باهي!
ياسمين : غيييير برا بسسرعه معندناش وقت…!
رواد : شغل السيارة ومبتش تشتغل بكككل…اززززح مش وقتها السيارة مش وقتها بكككل توا…!
ياسمين : هذه يلي كان ناقص السيارة ديرها فينا توا اصلا انت بخييل معمرك ما درتلها زيت ولا شفت سيارتك اهووا توا وقفت في الوقت والمكان الغلط!
رواد : صكري فمممك خلاص اسكتي درهتيلي كبدي وانتي نق نق نق عند راسسي ياسر!
ياسمين : بةهي شررف توا شغلها السيارة الوقت رح يتأخر وانت قاعد اهني وملاك رح ترقد!
رواد : بلا وووهم باهي خلاص ياسر اكششن خليني نشغل السيارة بالك تشتغل ونخلصوا من اليوم الاحرف هذه اللي معش تم بكل…ششغل السيارة وخدمت!
ياسمين : الحمدلله خدمت واخييرا…هيا بسسرعه برا لحووش ملاك قبل ما ترقد!
رواد : بدي يسووق ويزيد السرعه شووية شوويه وكل ما لييه ييزززيد في طرريق السريع…!
ياسمين : خافت من سرعه السيارة…قتلك بسسرعه لكن مش لهدرجة رووواد!
رواد : بلع رييقه بخوووف…اسسسكتي الفرينوا مباش يخدم اسسسكتي😱!!!!!
ياسمين : ياربي…شن تقووول انت😲….؟؟؟؟؟؟

رواية الشيطانة الحلقة السادسة للكاتب حسن الجامعي

عند ملاك و بديع في الجنان :-
الساعه 9 في العشاء…!

بديع : انا عطلت خلاص وقت حتى دوام شغل راح عليا اليوووم…لكن مش مشكلة!
ملاك : انت شغلك معايا انا وبسس انساه هذكا الشغل انا نعطيك دبل المبلغ انت بس خليك معاي…!
بديع : اوووك رح نعتبره عرض شغل وقبلته…وبعدين عندي مصلحه زيك في الموضوع انا مش رح نخلي امجد يعيش بسلام رح نخلييي قلبه ينحرق زي ما حرق قلبي الكلب🔥…!
ملاك :بخبث… ايوا هكي نبيك انا متخليش اي حد يوقف في طريقك وخود حقك بأيدك مش تسكتلهم🔥…!
بديع : متنسيش ديري يلي اتفقنا علييه خليك متابعه من كل الجهات ومتخليش اي شي يضايقك خليكي طبيعية…انا رح نروح توا ونشوف شغلي غدوا الصبح!
ملاك : اووك تمام انا نستنى قاعده شنو يصير واليوم التاني تم وهكي الشرطه رح تجي في كل الاماكن اللي كان المحقق محمود يمشيلهم!
بديع : ايوا بززبط…توا تصبحي على خير نعست انا ولازم نرووح نرتاح باش نعرف شن ندير غدوا!
سعدية : طلعت تجري…تصبح على الف الف خير يا بديعو🤤…متنساش تجيلنا بكرا اوووعك تنسى!
بديع : مش رح ننسى تصبحي على خير سعديه…وطلع!
ملاك : خششي داخل وانتي خيرك لصقتي فيه الراجل قريب تاكليه بعيوونك خشي داخل بسسرعه!
سعدية : انا خلصت كل حاجه لازم ارووح لبيتي عشان بناتي تأخرت عليهم!
ملاك : علاش تحكيلي في قصة حياتك…اطلعي وانتي ساكته🙄!
سعدية : خششت للمطبخ خدت 4 طروف عصبان ومعاهم صحن رز وحطتهم في كيسة وطلعت تجري☺!
ملاك : تعالي تعالي وين ماششيه وين…هذه شني؟؟؟
سعدية : يا فندم هو الست نسمة عملت كتير عصبان واكل يعني اخدت ليا ولبناتي😁!
ملاك : مرة تانيه تستأذني مش واخدتيهم زي الخنابة وطالعه تجري!
سعدية : افففف حاضر يا فندم على فكرة انتي خسرتي افضل طباخه في ليبيا😋😀!
ملاك: اطلعي طلعت روووحك…لحظة لحظة ابعتيلي رقم نسمة على المسنجر بسرعه!
سعدية : خاضر يا فندم…خدت التلفون وبعتتلها الرقم…يلا يا فندم تصبحي على خير!
ملاك : صكرت الباب وراها…نومة اهل الكهف…خدت التلفون واتصلت ب نسسمة!

ترن ترن ترن :-

نسمة : تنضف في المطبخ وتسيق فييه…منوو يلي يرن عليا توا ساعه قريب 10؟…الوووو؟
ملاك : اهلا يا نسمة !
نسمة : منوو معاي؟
ملاك : انا ملاك اللي طردتك من الحوش بسبب المخزن اللي قريب فتحتيه!
نسمة : كشخت وقلبت عيوونها بملل…شنو تبي جايه تهزبي مرة اخرا ولا شنوو🙄!
ملاك : لا انا جايه اطلب منك السماح🤭❤!
نسمة : توترت واستغربت تصرف ملاك …كييييف يعني🤐؟
ملاك :- 😈………….#يتتتتتتتتبببع!

الاسئلة اللي في بالكم توووا الاجوووبة متعها كلها في الحلقات الجااايههه❤وواضح ان الرواية تطوورت في الاحداث و القصة نبي تعليقات طووويلة وحلووة نبي نقراهم كلهم🤤…ومش رح تنزل الحلقه 7 الا لما تصكر الحلقة 1000 لايك وتعرفوني لما نصررر على حاجه❤🤭…لو عجباتك الرواية ضيفي اعضاء خليهم يقرووا معاك ومتقصروش في تعليقات للوصول المنشور للباقي المتابعين❤…!

🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥

رواية الشيطانة الحلقة السادسة للكاتب حسن الجامعي

لمشاهدة جميع اعمال الكاتب : روايات حسن الجامعي

اترك رد

زر الذهاب إلى الأعلى