رواية بنات الليل الحلقه الخامسه .. الكاتبه أسماء اشرف | القلم الناجح
روايات ليبيه كاملة

رواية بنات الليل الحلقه الخامسه .. الكاتبه أسماء اشرف

جميع حقوق الطبع والنشر محفوظه

رواية بنات الليل الحلقه الخامسه .. الكاتبه أسماء اشرف

حقيقه)

اسيل،ميرال:😳متاكد
زين:مافيش نبض
نور:خشت…وهض المطلوب😏
زين:التفت بصدمه…كيف
اسيل:قلبه يدق بسرعه…نور في ايش تقولي كل مره جيتنا بي مصيبه اكبر من الاخر
نور:قربت منها وطبطبت ع كتفها…توه تعرفي😏
حياة:ظمه ميرنا في حظنها وهي تبكي
ميرال:صبات…هي انتي نور ايش تبي منن كل مره مصيبه شكل انتي كنك معنا نحن ايش درنلك نور ولا عشان طلعنا احسن منك وبنات ناس🔥
نور:ضحكت بي استفزاز…طول عمركن وانتن تعملن في بي استحقار وان انا عاهره مع ان انتن عرفات قديش انا تعبت في حياتي لا ام ولا اب وانتن ماتحسنش🔥💔…..ومن اول ماشتغلش الشغله هذي كلكم تقولو علي عاهره مافيش ولا وحده فيكن قالت هذي دورات شغل شريف ومالقتش مافيش وحده قالت كلهم كانو يبو يستغلوها مافيش وحده قالت هكي كلكم بس فكرتو اني عاهره وفعلا صح انا عاهره🔥
ميرنا:حط يدها ع وذنها وماتبيش تسمع وتبكي بي هستير
نور:تنهدت..وتوه كلكم لازام تعرفو معتز كيف مات
زين:بصوت حاد…تكلمي نور
نور:😏ولله طلعت شاطر وضميرك صحى بدري
زين:بعصبيه:نور تحكي ولا
نور:ضحكت بصوت عالي…..لا خوفتني…المهم..الغرض من موت معتز ان انتن كلكن حتشتغلو معي هنا في المنتدى
زين:يلي قتلت ميرنا ايش داخل الباقي..وانا اصلا مستحيل نخلي ميرنا تخدم هنا لان هي كانت ادفع عن شرفها🔥
نور:لا ولله انت غلطان…كلكم حتشتغلوه هنا وانت اولهم🔥
اسيل:مخلوعه…مستحيل نشتغل هنا انا عندي ان نموت ولا نشتغل شغله قذره زي هذي
ميرال:بصدمه…نور في ايش تقولي انا مش مصدقه😨
نور:معتز كانت حط عيني عليه بس طبعا هو يحب ميرنا بس بعدها خذيت صور ميرنا وبي الفوتوشرب كله يمشي دزيتهن له شافهن واول حاجه جات في باله ان ميرنا عاهره عنده حق اي وحد كان شاف الصور كان حيقول انها عاهره🔥
زين:يعني كان لازام معتز يموت عشان البنات يشتغلن هنا
نور:قعدت جانب معتز ع سرير:مش بضبط
زين:كيف
نور:اولا عشان معتز رافضني ثانيا انا كانت عارفه ان اول مايكون هو ميرنا مع بعضهم وهو اكيد حيحاول يستغلها عشان عاهره ميرنا مش حتحمل واكيد حتقتله وانتم حتسعدوها
زين:فهمت
اسيل:انتي مش من البشر
نور:هههه مش مهم نكون من البشر المهم ننتقم من اي حد اذني ولو حتى بكلمه🔥
زين:لازام ندفنو الجثه والا توه يعرفو بي كل شي
اسيل:تهزا في راسها بي هستير…اها معك حق هي وانا توه نساعدك
ميرال:تنهدت…وانا معكم مانقدرش نسيب ميرنا في ظرف زي هض
زين:لا ميرال انتي خوذي ميرنا للحوش اكيد نحن مش حناخذوها لمكان الدافن
ميرال:هزات راسها بي معنى تمام
اسيل:ميرنا خوذي معك حياة
ميرال:تمام
حياة:تصبي في ميرنا…يلا ميرنا صبي
زين:طلع برا وقفلهم تاكسي بعيد عن المنتدى
ميرال:لبست ميرنا وطلعت هي وحياة وميرنا وراكبو في تاكسي وطلعو شور شقة ميرال
زين:بعد مااطمن ع ميرال والبنات روحوه خذا شوال وخشى من باب المنتدى لكن من لاوراه
اسيل:قاعده في دار خايفه لان منظر دار باشع رايحته مش حلوه ومعتز قاعد ع سرير ميت ونور قاعده ع كرسي ولا ع بالها
زين:خشى دار من دون ولا كلمه وتمه يلبس في معتز بي الشوال
اسيل:شافتله وقربت تساعد فيه
نور:ماسكه خصله من شعرها…ادفنوه كويس 😉
زين:شافلها بحقد..هي اسيل
اسيل:هي
زين:شال معتز ع كتفه وطلع هو واسيل
نور:في مفاجأه اكبر من هكي تراجى فيكم بكرا😏
رواية بنات الليل الحلقه الخامسه .. الكاتبه أسماء اشرف
ثاني_يوم🌤

ميرنا:فتحت عيوني اول حاجه شافتها قدمي هي ميرال وهي راقده جانبي وحياة راقده ع صالون
ميرنا:صبيت من ع سرير خشيت للحمام وكان كل يلي في عقلي ان يلي صار معي امس كله حلم
ميرال:صبات من ع سرير مخلوعه…ميرنا ميرنا وينك..حياة حياة صبي
حياة:وهي مغمضه عيونها…هممم
ميرال:صبي ميرنا مدرعنى وين
حياة:صبات…كنك يابت اكيد في الحمام وين حتمشي يعني
ميرال:صبات من ع سرير..توه نمشي نشوف
ميرنا:طلعت من الحمام وشافتلهم
ميرال:مشتلها…ميرنا انتي كويسه
ميرنا:مشت قاعدة ع سرير
حياة:صبات شافت التلفونها لقت مكالمات من اسيل…في مكالمات من اسيل توه نعود عليها انشالله خير
ميرال:تشوف الميرنا بخوف عليها…تمام
ميرنا:ظمه راجليها الصدرها وحط ايديها ع راسها
ميرال:قعدت جانبها بي هدوء…ميرنا انتي بخير
ميرنا:ولا صوت
ميرال:ميرنا يلي انتي دراتيه مش غلط صح انتي كانتي ادفعي ع شرفك
حياة:كلمتها وقالتلي كل شي تمام وتوه جايه هي وزين عشان يخطو ميرنا في حوشهم وانا نروح
ميرال:ساعه كم توه
حياة:شافت لتلفون…ساعه8 ونص
ميرال:باهي يلي واعين بدري عشان ميرنا تروح وهلها مايحسوش بي شي
ميرنا:زي يلي جاتها صدمه تشوف القدم وخلاص ودموعها ينزالو من دون ولا اي صوت
ميرال:تمسح في دموعها…ليش البكا توه ميرنا شوفيلي انتي مادرتيش شي غلط انا لو مكنك كانت حنداير هكي ومن دون مانندم دقيقه
حياة:قعدت جانبها…خلاص ميرنا صح الشي يلي صار معك امس صعب بس في نفس الوقت صح لان انتي كانتي ادفعي عن شرفك🔥
ميرنا:هزات راسها
ميرال،حياة:شافو البعضهم بخوف عليها
رواية بنات الليل الحلقه الخامسه .. الكاتبه أسماء اشرف
تحت عمارة ميرال
حياة وميرنا واسيل في سياره وزين وميرال مصبين برا يحكو
زين:يشوفلها…خلي عينك من روحك نور مش سهله
ميرال:تنهدت…عارفه بي دليل انها دمرت حياة كل وحده فينا
زين:قرب منها…ماتقوليش هكي انا معك
ميرال:توترت…اء زين قولي الصور ايش صار فيهن
زين:بعد وخذا نفس…ماتخفيش انا صرفت مع يلي صورنا انا وانتي كله تمام
ميرال:وطبعا كله من تحت راس نور
زين:طلع دخانه…اها
ميرال:شكرا زين ع كل شي دراته معنا وربي مش عارفه كيف نشكرك
زين:ماتقوليش هكي ميرال انا بروحي كانت حنداير كارثه بسبب نور لكن ربي هدني وضمير صحا
ميرال:ابتسمت
زين:انا ماشي نوصل البنات عينك من روحك
ميرال:تمام مع سلامه
زين:مع سلامه..وراكب سيارته وعدا
ميرال:مشت لشقتها وهي في داخله شعور حلو اتجاه زين❤️
رواية بنات الليل الحلقه الخامسه .. الكاتبه أسماء اشرف
زين:واقف السياره قدام حوش ميرنا
اسيل:متاكده حتكوني كويسه ميرنا
ميرنا:هزات راسها
زين:يشوفلها من مراية سياره
حياة:ميرنا حبيبتي لو تبي نقعد معك عادي
ميرنا:بصوت واطي…لا انا تمام…ونزلت
زين:يشوفلها لعند ماخشت للحوش
اسيل:بحزن…هي اكثر وحده فينا تعتبت بسبب المكلوبه نور
حياة:تنهدت…معك حق
زين:كان يفكر في شي وخايف يلي في باله يطلع صح..والع سيارته ومشى شور حوش اسيل وحياة نزالهن وطلع
______________
ثاني يوم ساعه 10 في صباح عند ميرنا
ميرنا:قاعده ع سرير مش قادره تاخذ نفسها من يلي تشوف فيه عزقت التلفون بقوه ع الارض وتمت تبكي بي هستير ماكنتش متوقعه يصير معها هكي كانت متوقعه ان خلاص كابوس وحيمشي من حياتها بس يلي صار غير كل شي كان في بالها💔
________
اسيل:حياة شوفي تلفوني في حد دزلي رسائل
حياة:مشت شور تلفون…باه…فتحت حياة التلفون تالقه فيديو من نور…اسيل هذا فيديو من نور
اسيل:طلعت من الكوجينه…نور وفيديو
حياة:اها نفتحه ولا شنو
اسيل:افتحي شكلنا مش حنخلصوه من نور
حياة:فتحت الفيديو وهنا كانت الصدمه الكبرى
اسيل:مستحيل😨
____________
ميرال:طلعت من الدوش وهي تغني🤦🏻‍♂️ماتعرفش شنو المصيبه يلي تراجى فيها💔
ميرال:لبست دبشها وقعدت تمشط في شعرها شوي وخذات تلفونها وفتحت نت لقت رساله من نور ع الواتساب مابتش تخشى عليها خشت ع رسائل زين ويلي كانن عباره عن
زين:شخبارك اليوم انشالله تمام
زين:نور مزالت تضايق فيك؟
زين:خلي عينك من روحك لو حسيتي باي شي مش تمام كلميني
ميرال:ابتسمت من اهتمام زين لها بس اختفيت ابتسامتها بعد جاتها رساله من نور
نور:شوفي الفيديو يلي دزيته لك حيعجبك واجد😂😏
ميرال:تؤ اووف فيديو ايش هذا..وخشت ع محادثة نور حملت الفيديو وفتحته
ميرال:بصدمه…انا كانت متاكده ان نور مش حتسيبنا في حالنا😭😨
رواية بنات الليل الحلقه الخامسه .. الكاتبه أسماء اشرف
زين:راقد ع سريره ويشوف المحادثة ميرال وجاله اشعار تمه قرأت الرسائل
زين:كانها شافت الرسائل وماردتش عليك قصه🤦🏻‍♂️
نور:زين دزيتلك فيديو شوفه
زين.فيديو شنو البنت هذي مابيجيش من وراها الا واجع الراس🔥
زين:خشى ع محادثة نور فتح الفيديو ويشوف
زين:كان قاعد في مكان كله ظلام ويحفر في حفره وجانبه اسيل اتضويله..شوي وشال زين شوال يلي فيه معتز وعزقه في الحفره وتمه يرد في الترب فوق الشوال لعند مادفنوه معتز وخذوا بعضهم وطلعو بسرعه
زين:كانت متوقع يصير هكي كانت عارفك يا نور مستحيل تسيبيني في حالي🔥
__________
ساعه 9 في لليل
رساله جماعيه من نور الي ميرنا ميرال حياة اسيل زين-:

رسالة حياة من نور:شافتي الفيديو يلي دزيته الاسيل صح😏اليوم تكوني عندي ساعه 12 اليوم اول يوم لك في شغل وطبعا في المنتدى راك تنسي والا الفيديو بيكون عند شرطه
حياة:حط يديها ع فمها…خلاص انا راحت فيها نور مستحيل تسيبني في حالي حسبي الله فيها💔😭
_____
رسالة ميرال:اليوم تكوني هنا ميرال في المنتدى ساعه12 والا حبيب القلب زين حينحبس وصحبتك اسيل حتى هي كذلك🔥
ميرال:اخخخ انا تعبت وربي حسبي الله فيك يانور💔
________
رسالة اسيل:دزيت رساله الحياة اكيد قالتلك مافيش داعي نشرحلك وساعه 12 تكونو في المنتدى والا الفيديو يلي وصلك يكون في شرطه😏
حياة،اسيل:واقفين جانب بعض…
حياة:شنو هذا نحن انشالله حنفذوه كلامها
اسيل:تشوف قدامها…مافيش حل غير هك
حياة:هي ضايعه وضيعتنا معها حسبي الله فيها💔🔥
________
رسالة ميرنا:😏عرفتك تعبانه من الحدث بس الشي هذا انتي يلي حطيتي روحك فيه وحطيتي صحباتك فيه😏المهم اليوم تكوني عندي في المنتدى ساعه12 والا الفيديو يكون عند شرطه
ميرنا:خذات التحفه وعزقتها نين تكسرت💔😭
ميرنا:تخبط بي يديها ع الارض وتبكي…. الله يلعن اليوم يلي عرفتك فيه يا نور انشالله تموتي دمرتيني دمرتيني😭
احلام:خشت الدار مخلوعه…ميرنا كنك بنتي
ميرنا:حظنت امها…سمحيني يا ماما سمحيني
احلام:تمسح ع شعر بنتها..مسمحتك دنيا واخره يا بنتي كنك بس
ميرنا:شافتلها…نبي نراقد في حظنك
احلام:قعدتها وقعدت ع سرير…وحظنتها
ميرنا:غمضت عيونها وهي دموعها شلال💔

روايـــات أسـمـاء أشــــرف❤️🔥
أســمــاء أشــــرف❤️🔥

اسيل:كلمت زين وحكتله وهو قاللها ع الفيديو يلي وصله وهي قالتله ان واصله نفس الفيديو

ميرال:زين كلمها يطمن عليها بس هي قالتله ع الفيديو يلي واصله وحكتله ع يلي شافته بس الغريب كان ان مش نفس الفيديو يلي واصل الاسيل وزين

الفيديو يلي واصل الميرنا والحياة وميرال عباره عن هم قعدين في الغرفه يلي مات فيها معتز والكاميره مصوره ميرنا وهي تقتل في معتز ماصورتش ميرنا وهي ادفع عن روحها لا💔
اما الفيديو يلي واصل الزين والاسيل فهو عباره عن وهم يدفنوه في معتز من اول ماطلعو من المنتدى لعند ماوصلو للمكان وكملو شغلهم وروحوا
______
ميرنا:قاعده في شارع تراجى في تاكسي يوصلها للمنتدى
المراه الكبيره في سياره:شوف يا ولدي في بنت واقفه جانب الشجره مدرعنى شنو صاير معها واقف خلينا نشوفوها
الشاب:يا امي بنات لليل توه كثرت اعوذ بالله منهن اكيد وحده منهن هذي
المراه:مش بين عليها صبي يا ولدي حرام عليك
الشاب:تنهد…حاضر و واقف السياره جانب ميرنا
المراه:ارفعت الروشن…سلام عليكم
ميرنا:عيونها لوط….عليكم سلام
المراه:كنك يابنتي واقفه في لليل بروحك وفي ساعه متاخره انشالله خير
ميرنا.متوتر…ها لا خير
المراه:تعالي باهي اركبي نوصلك الحوشك
ميرنا:تبكي…لا شكرا
المراه:يا بنتي ليش تبكي في حد من هلك صارتله حاجه وانتي وين هلك
ميرنا:بصوت عالي…انا بنت لليل بنت لليل سيبيني في حالي
المراه:😨😳
الشاب:بصوت عالي…سمعتي يا امي بنت لليل مش قتلك انا
المراه:اطلع يا ولدي اطلع هذي مصيرها جهنم اطلع
الشاب:حرق العجله وطلع
ميرنا:تبكي بحرقه وتمنت الارض تنشق وتبلعه من يلي قالته..شوي ويواقف تاكسي راكبت ميرنا واتجهت للمنتدى
رواية بنات الليل الحلقه الخامسه .. الكاتبه أسماء اشرف
اسيل وحياة طلعن من الحوش مع بعضهن و واصلو للمنتدى قبل ميرنا
نور:يا هلا😏
اسيل:قربت منها وتحكي بي غل….نبي نعرف بس انتي شنو تبي مني
نور:ريلاكس بيبي ريلاكس لازام تكوني هاديه
اسيل:غمضت عيونها…نور شنو المطلوب
حياة:ادور بي عيونها ع فراس
نور:عندي دليل يوديكم للحبس يا اما اديري انتي واختك يلي نبيه يا اما تنحبسوه
اسيل:نرد ونسالك شنو المطلوب
نور:بسيطه تشتغلي هنا في المنتدى انتي وحياة تقعدو مع الزباين تسيروهم ادلعوهم😉
اسيل:في حلمك نور
نور:ضحكت بي صوت عالي…اسيل انتش ايش خاسره مش خاسره شي بالعكس اغلى شي عندك وخذيته منك عشان لما تجي الحظه هذي مايكونش عندك اعتراض…ع الاقل وافقي عشان خاطر اختك حرام تخش الحبس وهي صغيره😏
اسيل:وربي تشوفي
ميرنا،ميرال:خشو
نور:وهكي تكون اكتملت الشله انا ماشيه نكلم البنت اتجهزكم اه قبل ماننساه اسيل فهميهم…ومشت
ميرنا:كنها
ميرال:انا عارفه انها محضرتلنا شي واسخ زيها
اسيل:تنهدت…وبدت تحكيلهم
_____________
ماكنش في حل غير ان البنات يوافقو وفعلا وافقو واي شي تقول فيه نور ينفذوه فيه حتى زين هددته وخلاته يشتغل معها بي حاجت ان في بنات عجبهم زين
_____
#بعد_اسبوع
في المنتدى ساعه 1 في لليل
ميرال اسيل ميرنا حياة كل وحده فيهن واخذ طاوله وزبون بتعها
هيثم:قاعد ع طاولة حياة وشاف لزبون الزبون صبا
حياة:شافتله بي معنى كنك
هيثم:الليله معي😉
حياة:كيف😨
هيثم:تعالي..ومسكها من يديها وخذا لقسم الغارف
حياة:هيثم افتح الباب
هيثم:التفت وشافله بنضره حاده وهو يفتح في سوريته…اششش كنك
حياة:خايفه…هيثم في ايش ادير وربي لو نور شافتنا توه تقتلك😭
هيثم:حظنها ويشم في رايحة شعرها…مش خايف منها توه خليك معي بس🔥
حياة:كانت تفكر ان مستحيل تخلي حد يمسها كانت تبي تحفظ ع شرفها بي اي طريقه كانت تدعي الربها ان ينقذها زي كل مره
نور:فتحت الباب…حياة
هيثم:بعد من حياة ويشوفلها
نور:اطلعي الزبون يبيك برا
حياة:خذات بعضها وطلعت
نور:تشوف الهيثم
هيثم:ماتشوفليش هكي كانت نبط نجربها بس🔥
نور:قربت منه…حبيبي انت مقامك عالي لما تبي تجرب جرب وحده من مستواك زيي مثلا
هيثم:غمزلها…معك حق…وطاحو ع سرير🤦🏻‍♂️🔥

روايـــات أسـمـاء أشــــرف❤️🔥
أســمــاء أشــــرف❤️🔥

توضيح-: البنات الاربعه من اول ماشتغلو في المنتدى كانو يسهرو مع الزباين يدلعوهم لكن يراقدو معهم لا معاد زين طبعا🔥
_____
ساعه3 لفجر
نور:اه قبل ماننساه الشرطه ادور ع معتز من 4 ايام هله بلغو ان مفقود وهم توه يدورو عليه
ميرنا:اول ماسمعت اسم معتز خشت في بعضها ويديها ترجف ومش قادره تاخذ نفسها كويس
اسيل:ماكنش في داعي تقوليلنا
نور:شافت الميرنا عرفتها توترت…اوبس معلش حبيبتي كان لازام تعرفو عشان لو وحده فيكن فكرت تلعب بعقلها معي ولا ماتنفذش اومري تعرف شنو نبي ندير فيها
ميرال:خلاص تمام فهمنا…يلا بنات تعالن
اسيل:خذات اختها وطلعت وكذلك ميرال خذات ميرنا وطلعو راكبو مع زين في سياره
________
زين:واقف قدم حوش ميرنا
ميرنا:تحكي بي توتر..قبل ماننزل نبي نقوللكم شي فكرت فيه ونبي نديره
اسيل:شنو
ميرال:احكي ميرنا
زين:التفت شورهم…احكي ميرنا واي قرار نحن معكي فيها
ميرنا:تنهدت…وبدت تحكي
كلهم😨😳انتي متاكده….يتبع

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى