رواية بنات الليل الحلقه السادسه والاخيره .. الكاتبه أسماء اشرف | القلم الناجح
روايات ليبيه كاملة

رواية بنات الليل الحلقه السادسه والاخيره .. الكاتبه أسماء اشرف

جميع حقوق الطبع والنشر محفوظه

رواية بنات الليل الحلقه السادسه .. الكاتبه أسماء اشرف

6 والاخيره(حقيقه)

ميرنا:تنهدت…وبدت تحكي

كلهم😨😳انتي متاكده
ميرنا:بصوت مخنوق…لازام يصير هكي انا معش نقدر نتحمل
اسيل:بس انتي عارفه انك حتنحبسي واحتمال حتى يعدموك😥
ميرنا:لا بالعكس ماتنسيش ان بابا قراي قانون وانا نعرف شوي عليه….انا لما جيت قتلت معتز ماكنش قتل عن عمد لا كان قتل دفعاً عن النفس والشرف
زين:معك ميرنا بس ليش هض كله ليش تعبي روحك وتعبينا معك…وشرطه ومحكمه ونيابه
ميرال:صح ميرنا بعدين هم اكيد يبو دليل ان فعلاً القتل صار دفعاً عن النفس وشرف
ميرنا:بصوت مليان ثقه…عندي الدليل
كلهم:😳كيف وامتى حصلتيه
حياة:باهي نور عطت لك
ميرنا:نور تعطيني حاجه زي هذي مستحيل😏
اسيل:ميرنا فهميني كيف خذيتي الفيديو
ميرنا:تنهدت…وبدت تحكي
_______________
#ثاني_يوم🌤
كلهم كانو في شقة ميرال والجو متوتر وخايفين من يلي حيصير او بالاحرى خايفين كل شي ينقلب ضدهم لان نور مش سهله ومش اي حد يقدر يمسك عليها حاجه🔥
زين:مصبي بتوتر…ميرنا ولي اخر مره انتي متاكده من قرارك….ماتنسيش ان انتي طول ماتجي للمنتدى من ورا هلك يعني هم مش عارفين شي ولما يعرفو بالقضيه ويلي صار معك اكيد حينصدمو
ميرنا:عارفه زين انا عشانهم درات هكي مانبيهمش يعرفو من حد ثاني لان مصير كل شي ينعرف بعدين وانت نبيهم يعرفو مني مش من غيري…ماتخفش علي انا متاكده
اسيل:تنهدت…مش بس ميرنا متاكده كلنا متاكدينا..نور لازام اتعقب عن كل شي درتها فينا
ميرال:صح زين هي لازام اتعقب هي ويلي معها وبذات هيثم ونبيل وفراس
حياة:اذكرت هيثم لما كان يبي يعتدي عليها😖
زين:القصه مش سهله واكيد حتكون قضية رأي عام والدنيا كلها حتعرف القصه…وانتن مش معروف ايش حيكون مصيركم
ميرنا:بثقه…ماتخفش مصيرنا اكيد حيكون احلى من يلي انت رسمه في راسك ماتخفش علينا زين☺️
ميرال:خذت نفس…هي بنات تاخرنا
زين:خذ مفتاحه وهو يشوف الميرال ونزل🥺
اسيل:نزلت هي والبنات وراكبن في سياره واتجهو للمنتدى وكانت ساعه10صباح
رواية بنات الليل الحلقه السادسه والاخيره
نور:هي انت امسح كويس
القرسون:حاضر
نور:اوووف كان لازام يعني تعزم صحابك يلي كانو معك في المانيا اليوم😒
هيثم:حبيبي السمح شكله نعسان
نور:اول مره نواعى بدري وهض كله عشان خاطرك
هيثم:ماتنسيش ان في منهم رجال اعمال
نور:رجال اعمال ع اروحهم مش علي😒
هيثم:مغرور
نور:😌
ميرنا:خشت وخشن وراها البنات وزين
نور:مشالله جياتنا بدري اليوم😏
اسيل:اهو قالن نجو بدري نساعدوكم
نور:بشك…اممم باه خشو يلا نظفو الغرف يلي جو
اسيل:مشت وخذت معها حياة اختها
ميرنا،ميرال:حتى هنا مشن مع بعضهن
زين:مشا قاعد ع طاوله وتمه مكسد ع تلفون
نور:جاتله…هي حتى انت صبي اشتغل زيك زيهم
زين:شافلها ورد شاف لتلفون بدون اهتمام ليها
نور:نحكي معك انت…وخذت التلفون من يد زين وكسرته ع الارض🔥
زين:شاف لتلفون متكسر ع الارض وكل قطعه في مكان بروحها🤦🏻‍♂️ناض بشوي وهو يشوف النور بملل
نور:عجبك توه هكي خليتني نعصب في اليوم يلي لازام نكون فيه هاديه😤
زين:بملل…كنك نور
نور:صبي اشتغل مع القرسون زيك زيه
زين:قرب منها ويفنص فيها…مش مشتغل واعلى مافي خيالك اركبيه…وسيبها وطلع قاعد قدم المنتدى
نور:ولله وطلعلك حس يازين لكن بسيطه مغير يعدي اليوم هذا ع خير وتوه تشوف🔥نور ماكنتش عارفه ان اليوم اخرى يوم لها في المنتدى
رواية بنات الليل الحلقه السادسه والاخيره
اسيل:نزلت من على السلم….واخيرا كملت وانتي شنو صار معك
حياة:راكبت الكاميرات في كل مكان ممكن تكون موجود فيه نور
ميرال:خشت عليهن في الدار…ايش صار معكن
حياة:انتو ايش صار معكن قبل نحن تمام امورنا
ميرال:حتى نحن تمام التمام كله جاهز
اسيل:ولله ياما يطلع منها ميرنا هذي ومن افكارها
ميرال:حتى هي اكثر وحده فينا توجعت ودفعت عن شرف لدرجة قتلت خطيبها يلي ذلها🔥فعلا بنات ميرنا اكثر بنت قصتها توجع في الروايه كلها من اول حلقه لعند اخر حلقه💔وانا من هنا نبي نقوللها عيشي ميرنا اضحكي والعبي وماتشوفيش وراك خليك متافئله ديما لان وربي يلي مريتي بيه مش سهل بس انتي قدها انشالله❤️
__________________
زين:يحكي مع ميرال بصوت عالي بسبب صوت الاغاني في المنتدى…..شنو كله جاهز
ميرال:قربت منه وبصوت عالي…شنو ماسمعتكش🤦🏻‍♂️
زين:قتلك كله تمام…وشيرلها بيده هكي👍
ميرال:فهمت واخيراً😂…..اها كله تمام…ودرتله بيدها هكي👍
حياة:جاتهم…نور قاعده في الدار بروحها هي تعالي ميرال هذي فرصتنا
ميرال:مشت مع حياة
زين:قاعد ع البار وهو خايف من اي شي يصير
___________
نور:قاعده في دار تلبس خشن عليها ميرنا ميرال حياة…كنكن خشت علي كيف رابطة المعلم😒
ميرنا:اخخخ نور نور افهمي😏
نور:وشنو نفهم ست الحسن والجمال😒
ميرال:بي ضحكه خفيفه بس بي برود….افهمي ان جاك اليوم يلي تبي تحسبي فيه عن كل شي☺️
نور:ضحكت بصوت عالي…ولله…ضحكتيني ميرال
اسيل:اضحكي حبيبتي اضحكي لان يمكن هذي اخر مره تضحكي فيها😏
نور:من جو توترت شوي لانهن كانن يحكن بثقه كبيره
_______________
زين:صبا بشوي طلع برا المنتدى راكب في سياره سوده…بصراحه ماقدرتش نصبر نبي نشوف شنو يصير جو عندهن
الضابط…هزا راسه ويتفرج ع الابتوب يلي قدمه
زين:يشوف من خلال الابتوب ميرنا والبنات وهن يحكن مع نور بثقه….تريح شوي لان حس ان البنات مسيطرين ع الوضع
الضابط:اول مانور تعترف حنهجمو ع المكان
زين:ميرنا والبنات يلي معها اكيد هن مدخلهنش بشي صح
الضابط:ولله مش انا يلي نقرار لهن ذنب او لا النيابه والمحكمه هي يلي تقرار…بس اطمن هن تعونو معنا في قضيه كبيره زي هذي اكيد مش حيصيرلهن شي
زين:وبالنسبه الموضوع الميرنا
الضابط:لا ميرنا موضوعها سهل لان قتلته لان ادفع عن شرفها ونفسها
زين:تنهد براحه
الضابط:عشان هكي انا ماعمريش حبيت
زين:بصدمه…ها كيف
الضابط:ولاشي خلينا نتفرجو

روايـــات أسـمـاء أشــــرف❤️🔥
أســمــاء أشــــرف❤️🔥

نور:بعصبيه…ماحدش يقدر يمسك علي حاجه سو كبيره ولا صغيره فهمتو انتو 4
ميرنا:😏تعالي حبيبتي شوفي الفيديو هض
نور:فيديو شنو انتي لاخر
اسيل:خذت من ميرنا التلفون…هكي شوفي نور
نور:ماسكت التلفون لقت تسجيل فيديو وهي تحكي وتخطط كيف تجيب البنات للمنتدى وكيف خططت ان نبيل يغتصاب اسيل وكيف تخلي ميرنا تقتل معتز كل شي دراته نور مع البنات كان في الفيديو هض
نور:كيف وصللكن الفيديو😨
ميرال:خذت منها التلفون بقوه…مش مهم كيف وصلنله…المهم ان نحن قدرنا نوصلوله
نور:اتبين انها قريه…وايش تبو اديرو بيه الفيديو مش دليل قوي…بعدين ماتنسوش ان انا مسكه ع كل وحده فيكم حاجه😏
حياة:لا حبيبتي ده كان زمان…توه السحر انقلب عن ساحر…
اسيل:والادوار تبدلت
ميرال:والضعيف خذا مكان القوي
ميرنا:والخايف خذ مكان يلي عين قويه🔥فالافضل لك نور تعترفي بجريمك كلها قدمنا وتوه
نور:😏ومن قال ان ناكره جريمي
اسيل:سمعينا باهي
نور:بعصبيه…اها اها انا يلي خليت ميرنا تقتل معتز لان عرفتها مش حتحمل حد زيه يلمسها بعد قال شي دار فيها وذلها وسمعها كلام مش تمام عرفينا ليش لان ميرنا ومعتز كان حبهم صافي كانو يحبو بعض لدرجة ماخلوش اي حد يخرب بينتهم وعشان ان كانت نبي معتز بس هو منعني وان اي حد يرافضني نقتله🔥بس انا مابتش نوسخ يدي بيه عشان هكي خليته يطلب من. ميرنا تجي هنا للمنتدى وتقتله
اسيل:وانا نور ليش خليتي نبيل يغتصبني
نور:انتي اكثر وحده تستحقي يلي صار فيك لان ديما داير روحك بريئه ومش بتعت الجو العلاقات فافكرت ناخذ حياة برا الحوش ونخليه يجي ويغتصبك🔥اما حياة وميرال كل مانجي نبي نطيحهن في حاجه مايصير شي
اسيل:مسكت يد حياة بقوه❤️
ميرنا:تمت تضحك بصوت عالي
نور:شافتلها…هي انتي عليش تضحكي…متخلفه
ميرال:😏تضحك عشان خلاص نور انتي انتهت مهمتك واليوم اخر يومم لك هنا في المنتدى
نور:تحلمي حبيب…وقبل ماتكمل كلامها لقت الشرطه وزين والضابط في وجها🔥
نور:😨انتو كيف خشيتو هنا من سمحلكم
الضابط:طلع البطاقه بتعت في وجه نور…انا الضابط عصِام ومعي اذن بالقبض عليك انتي واي حد في المكان
نور:لسانها انشل ومعش عرفت تحكي
الضابط:خذوها….جو اثنين من العساكر خذوها ومشت نور وهي تشوف للبنات وعيونها كلها حقد🔥
الضابط:شاف للبنات….تم القبض ع نبيل وفراس وهيثم
اسيل:خذت نفس… هذا وين تريحت
ميرال:هذا كله بسبب ميرنا وفكرتها
عصام:توه هي معي للقسم لان انتن كان لكن دور كبير في القضيه وماتخفوش اكيد حنسعدوكم زي ماانتو دراتو معنا❤️
البنات:مسكن في يد بعضهن وطلعن
زين:يمشي جانب ميرال:ميرال انتي كويسه
ميرال:ها اها زين انا كويسه
زين:متاكده
ميرال:اكيد☺️
زين:تنفس براحه
طلعو كلهم وراكبو في سيارة الضابط واتجهو للقسم
رواية بنات الليل الحلقه السادسه والاخيره
بعد مرور وقت في القسم
قعدو كلهم يراجو نين جا دورهم في تحقيق وساعه كانت8 وسبب التاخير كان لان الضابط يحقق مع نور ويلي معها وكذلك هيثم وفراس ونبيل والاحسن الحظ البنات كلهم عترفو ع نور على طول يعني بعوها🔥
خشت ميرنا بعدها ميرال حققو معهن بعدها زين بعدها حياةواخر حد كان اسيل
__________
الضابط:اقعدي اسيل
اسيل:قعدت ع الكرسي بتوتر.
الضابط:انامش حنسالك اي سوال انتي احكي بروحك
اسيل:خذت نفس وبدت تحكي ع قصة اغتصابها وع نور وحتى ع عمها يلي طامع في حوشهم يلي قعدين فيه
الضابط:حلو…انتي وزين يا دفنتو معتز صح
اسيل:هزات راسها بي معنى اها
الضابط:في الحاله هذي انتي وزين وحتى اسيل حتدفعو كفله لهل الميت
اسيل:افرض هم رافضو
الضابط:انا قبلتهم وحكيت معهم وهم لما عرفو بي الحاجات يلي درهن معتز وافقو وحتى ان قالو مايبو منكم شي بس انا اصريت عليهم لان هض القانون
اسيل:هزات راسها
الضابط:كملنا التحقيق واقولكم حتحول للنيابه العام واكيد في المحكمه حيكلموكم كلكم عشان تشهدو ضد نور
اسيل:تمام
الضابط:تقدري تطلعي
اسيل:طلعت وهي فرحانه وكأن حمل ونشال من ع قلبها❤️

روايـــات أسـمـاء أشــــرف❤️🔥
أســمــاء أشــــرف❤️🔥

#تسريع_في_الاحداث

اسيل وحياة بعد التحقيق طلعو ع طول الحوشهم وهن في قمه من السعاده بعد الوجع يلي شافوه الفتره يلي فاتت اسيل قرات وفي نفس الوقت تشتغل بيش تصرف عليها وع اختها ومصاريف الجامعه اما حياة فقعد تقرا في اخر سنه من الثانويه وقرارت ان تسمع كلام اختها وتقرا وتخرج وتكون اكبر محاميه وتجيب حقوق الناس زي ماحقها جاه من نور❤️

ميرنا بعد التحقيق روحت للحوش وحكت كل شي الهلها طبعا امها احلام انصدمت في بنتها ويلي دراتها بس بوها صالح كان فخور بي بنته يلي ماخلتش حد يلمسها ولا يجي شورها وعشان هو قاري قانون عارف ان ميرنا مش حيصيرلها شي لا حتنحبس ولا حتى حتنعدم كل مافي الامر انها حتدفع كفله لهل الميت
في الوقت هض قربت ميرنا من ربي سجدتله وحمدته كانت هي اقرب وحده في الروايه من ربي❤️

ميرال واخخخخ على ميرال😂تم التحقيق مع ميرال وهي فرحانه تكون كانت في فلم اكشن ممكن عشان هي مصارش معها شي زي اسيل وميرنا،بس ميرال في الوقت هض فتحت جيم للرياضه لان تحبها واجد كانت عيشه حياه عاديه ومافيش اي جديد في حياتها غير ان هي وزين انخطبو

نور وهيثم وفراس ونبيل مافيش جديد عليهم غير ان حددو موعد المحكمه ويلي هو بعد يوم وطبعا اسيل والبنات وزين حيكونو موجودين كاشهود

روايـــات أسـمـاء أشــــرف❤️🔥
أســمــاء أشــــرف❤️🔥

ساعه 9 الصباح كانو كلهم في قاعة المحكمه وكان الجو هدوء نين خشت نور ومعها هيثم ونبيل وفراس وكانو كلهم يشوفو الميرنا بحقد لانهم عرفو ان هي يلي بلغت

تعالو معي للماضي شوي

اسيل:ميرنا فهميني كيف خذيتي الفيديو
ميرنا:تنهدت…نور لما تسكر معش تندري ع روحها في ايش ادير ولا في ايش تقول
حياة:صح انا بروحي انتبهتلها انها تكون مش في واعيها
ميرنا:خلاص انا جيتها وهي سكرانه وخليتها تقولي وين مكان الفيديو
اسيل:اها فهمتك توه
ميرنا:المهم انتو معي ولا
ميرال:انا معك ميرنا لان لازام نور اتعقب ع كل شي دراته فينا
حياة:وانا معك ميرنا
اسيل:مسكت يد ميرنا🥺نحن معك ميرنا
زين:بالنسبه لي انا
ميرال:شنو كنك انت🤨
زين:ضحك😂….وانا معكم
ميرنا:تمام خلاص بكرا الصباح تجي يازين وتاخذنا كلنا بيش نقدمو البلاغ
زين:تمام
وفعلا ثاني يوم ساعه7 صباح مشو كلهم وقدمو البلاغ بس كان باسم ميرنا صالح❤️
رواية بنات الليل الحلقه السادسه والاخيره

تعالو للمحكمه للحاضر

القاضي:ند ع الشهود ويلي هم اسيل وحياة وزين ميرنا وميرال وكلهم عطو شهدتهم ضد نور
القاضي:حكمت المحكمه حُضرياً عن نور ال…وهيثم…وفراس…ونبيل ال….بالحبس المؤبد وذلك بسبب ماارتكبوه في حق الناس والبنات والحقهم بسمعه السيئه لهم ولغيرهم وبسبب الجرائم التي ارتكبوها من اغتصاب سرقه وغيرها من الجرائم الثانيه….رافعت الجلسه….النهايه

كان مصير نور ومن معها الحبس لانهم دارو حاجات واجد تضر الناس واول الناس هذي كانت صحبات نور …نور يلي كانت تغار منهن ومن سمعتهن ومن حتى الناس يلي يحبوهن،،

عمرك ماتشوهي سمعة بنت كويسه لمجرد هي احسن منك او حتى اجمل منك ماتخليش الغيره تقتلك وتخسرك نفسك قبل غيرك💔

تحملي لما تصير معك مصيبه قربي من ربي ادعيله يكون معك حتى وانتي صايره معك اكبر مصيبه زي ميرنا خليك قويه اعرفي كيف تاخذي حقك ولو بعد 100سنه❤️🔥

حبي الموضه حبي البس كلنا نحبو نطلعو ونلبسو ونكونو جميلين بس بطريقه محترمه وصح بطريقه ماتأذنيش ولا تأذي غيري نكون محافظه ع روحي ومن ثم الناس يلي نحبهم❤️

اسيل بنت جديه بكل تحب اختها وتحب قرايتها امها وبوها ماتو وسيبولها اختها حياة ترابيها بس الحياة اذتهم وضرتهم وكسرتهم وخصوصا اسيل بس برغم هض كله كملت اسيل مشورها وقرات وتخرجت واشتغلت في شركه كبيره وكملت طريقها ورسمته زي ماتبي وتوه متجوزه اكيد عارفين متجوز من من صح اها متجوزه من ضابط عصام يلي صدقها وصدق انها مظلومه ولا يوم ذكرها بالماضي ولا باي شي يجرحها❤️

خليك ديما مصبي مع صحباتك او اقربك او اي حد لما يحتجلك في اي شي لان لما اديري خير اكيد حتلقيها زي مادرات ميرال مع صحباتها سندتهن وتمت معهن في كل خطوه وربي عوضها بي زين،زين يلي كان حيأذيها بس ضميره صحا في الحظه الاخيره وخله يوقف عن يلي يبي يديره وتوه عندهم بنت واسمها ميرال على اسم امها❤️

محلاهم الهل لما يسمعوك ويقعدو معك وجانبك في كل خطوه ولما يعرفو انك درتي غلط بس الغلط هذا عباره عن انك ادفعي عن شرفك ونفسك اكيد بيوقفو معك وبتكبري في عيونهم❤️

كل روايه ولها عباره بس الروايه هذي كانت مليانه عبارات انشالله تكونو مستفدين منها❤️

لمشاهدة جميع اعمال الكاتبة : روايات أسماء أشرف

لمتابعه اخر الاخبار: القلم نيوز

اترك رد

زر الذهاب إلى الأعلى