رواية بنات الليل .. الكاتبه أسماء اشرف جميع الحلقات | القلم الناجح
روايات كاملة

رواية بنات الليل .. الكاتبه أسماء اشرف جميع الحلقات

جميع حقوق الطبع والنشر محفوظه

رواية بنات الليل .. الكاتبه أسماء اشرف جميع الحلقات

1 (حقيقيه)
( تم تغيير الاسم من بنات الليل الي منتدى ليلي)

حياة:كانت واقفه في مكان مستحيل كانت نتخيل اني حنواقف فيه في حياتي كانت لبس فستان اسود مواضح تفاصيل جسمي💔نشوف الناس كيف قاعده عادي تضحك بصوت عالي والبنات كيف قعدات بلبس شانيع قدام شباب💔كل شي نشوف فيه قدامي تمنيتاه يكون حلم💔 كانت نقول في عقلي كلمه واحده بس ياريتني سمعت كلام اختي🔥
__________________
قبل ساعات

حياة:اففف مش عارفه انتي شنو تقولي
اسيل:تخلط في نسكافي…مش عارفه
حياة:مافيش منك فايده
اسيل:كلمي نور مش تبي تقعدي كيفها لما تكبري😏
حياة:حنكلمها ولعلمك انا كبيره عمري 18 سنه راك تنسي…وطلعت من الكوجينه
اسيل:هه هبله عقلها في الموضه ديما
_________
نور:تمضغ في مستكها…انا في طريق توه نجي ونشوفه عليك
حياة:تمام نور نراجى فيك…وصكرت
اسيل:خشت دار…شنو كلمتيها
حياة:اها وجايه اخرى
اسيل:قاعده ع الاب توب…تمام
حياة:نبي نعرف ليش انتي متعلميش منها نور
اسيل:شافتلها…صح نور صحبتي بس لبسها وكلامها مانحبش وديما واقفه مع الشباب وكل مره من شاب الشاب
حياة:بس هي كويسه معنا🥺
اسيل:كويسه معنا لكن سمعتها مش تمام
حياة:مادخلنيش نبي نكون كيفها لما نكبر
اسيل:شافتلها ع جانب وردت شافت الابتوب
______________
ميرنا:عمري انت نحبك انا
معتز:ودرتها وخذيتك اخخ واخيراً
ميرنا:🙈
معتز:نعليا من المتحشم
ميرنا:تبي تحكي خشت عليها ميرال صحبتها…اء حبيبي شوي ونحكو
معتز:تمام ماطوليش علي
ميرنا:تمام حبيبي…وصكرت
ميرال:مصبي ع الباب…ياسلام قاعده اتمعشق وانا نران عليك ماترديش
ميرنا:نحكي مع الحب وتبيني نرد عليك😂
ميرال:قربت منها وضربتها ع كتافها…الغلط علي انا اصلا
ميرنا: بوجع…يدك ثقيله
ميرال:تسقم في شعرها ع المرايا لانها مش متحجبه…معلش
ميرنا:شخبار البنات باهي
ميرال:كويسين كلمتني نور ماشيه لاسيل
ميرنا:توه نكلمها بعدين…وكملو كلامهم عادي
_________
نور:يجنن طالع عليك يا فرخه
حياة:لبس فستان لونه اسود وظهر عريان..جد
نور:جد الجد اخرى مزه يا فرخه طلعتي
اسيل:خشت ومعها سفره القهوه…شنجوك نور
نور:تموم عارفه امس تعرفت ع شاب يجنن طرف
حياة:ايش موصفاته😍
اسيل:بصوت حاد…حياة
نور:سيبك منها حياتي
حياة:شافت الاختها اسيل بنضره ع جانب…هض يلي نبي نديره…المهم احكيلي عليه
نور:هذا يا حنه شعره عسلي وعيونه عسليات وجسمه خيال🤤
حياة:الله
نور:لو تبي نجيبلك زيه عادي😉
حياة:جد
اسيل:حياة احترميني ع الاقل بعدين مزالتي صغيره ع الكلام هض
نور:اسيل براحه ع البنت كنك
اسيل:هي عارفه عليش انا ندير هكي
حياة:قلبت عيونها
نور:شبه فهمت ان اسيل ماتبيش اختها الصغيره تخش في علاقات..في نفس الوقت نور فكرت في فكره الحياة تخلي اسيل معش اتحكم فيها🔥
_________
ميرنا:نور بلاش زعل نحن ع كم مره نقولولك سيبي الشغل هض وانتي ماتبيش عندها حق اسيل تخاف ع اختها
نور:بعصبيه…لا مش مسيبته عليش نبي نسيبه طالما نكسب كويس
ميرنا:ماهو طول ما انتي تشتغلي شغل هض مافيش وحده فينا حتريح
نور:ولله وانا سبب انشالله
ميرنا:شوفي نور عشان مانتعركوش زي كل يوم صكري ع الموضوع وانشالله ربي يهديك
نور:بغل…تمام يا ميرنا تمام…وصكرت في وجها
ميرنا:تشوف التلفون..متخلفه وربي نحن غلطانات كان المفروض نقطعو علاقتنا بيها اول ماتمت تشتغل الشغل هض
ميرنا:تمام كله سهل وربي كان ماخليتكم تشتغلو نفس شغلي هض يلي مش عجبكم واولهم حياة واختها المحترمه🔥
_____________
ثاني يوم🌤
حياة:تحكي بصوت واطي…تمام تمام فهمتك…اها معك حق انا بروحي نبي ندير زي البنات…هههه تمام ساعه 7 نراجى فيك…تمام اوكي…وصكرت
اسيل:مع من تحكي
حياة:انخلعت…ها لا هذي اروى تبي تجي تاخذني عندها شويه اخرى
اسيل:اها وكنك تحكي وانتي خايفه
حياة:بي ابتسامه صفرا…لا بس فجعتيني
اسيل:هزات راسها
حياة:خذات نفس وطلعت من دار وفرحت ان اختها ماسمعتش مكالمتها مع نور…مكانتش عارفه ان المكالمه هذي حتغير حياتها🔥💔

روايـــات أسـمـاء أشــــرف❤️🔥
أســمــاء أشــــرف❤️🔥

ساعه 7
حياة:من فم الباب…اسيل انا طالعه اروى برا
اسيل:جاتها…ماشيه
حياة:اها هي باي ماتخفيش مش حنطول
اسيل:حياة قبل ماتطلعي نبي نقولك
حياة:باستعجل…شنو
اسيل:قربت منها…حياة انتي اختى الصغيره وانا نخاف عليك من لما بابا وماما ماتو وانا المسؤله عليك انتي امانه في رقبتي وع قد مانقدر نحول نحفظ عليك فامتزعليش مني كان زعلتك في يوم من الايام ولا كان حرمتك من شي نبيك تعرفي ان كله المصلحتك الحاجه الوحيده يلي نبيها منك انك مادريش حاجه غلط ولا تخليني في يوم نندمه ان سيبتك ع راحتك وخليتك تطلعي وتخشي مع صحبتك❤️
حياة:قلبها وجعها من كلام اختها فكرة شنو حتكون ردة فعل اختها لو عرفت هي ماشيه مع نور ايش داير
حياة:هزات راسها واسط دموعها وحظنت اختها
اسيل:بدلتها الحظن
حياة:هي نبي نمشي اروى برا اكيد تراجى في توه
اسيل:تمام حبيبتي ماطولوش بس
حياة:لا ماتخفيش حنمشو نقرو عند ولاء نا والبنات وحتروحني اروى
اسيل:تمام
حياة:باي
اسيل:اوكي
صكرت اسيل الباب وماكنتش عارفه شنو حيصير فيها🔥🔥
__________
نور:واقفت سياره قدام مكان حياة اول مره تشوفه
حياة:تشوف للمكان بدهشه
نور:شافتلها بي ابتسامه…يلا حياة انزلي
حياة:بتوتر…نحس في روحي يلي ندير فيه غلط
نور:هههه علظ لا مش غلط حياة انتي لازام اتعرفي على شباب وتعيشي حياتك …وبعدين ماتخفيش الشباب يلي جو كلهم محترمين😏
حياة:ابتسامة بي توتر
نور:هي انزلي
حياة:هي…فتحت باب السياره ونزلت هي ونور
حياة:اول ماخشت انصدمت من يلي تشوف فيه😨

روايـــات أسـمـاء أشــــرف❤️🔥

اسيل:قاعده تقرا بس عقلها كان مع اختها حياة كان قلبها حاسسها ان تبي تصير معها شي قاطع صوت تفكيرها الباب يطق
اسيل:حياة اكيد روحت…صبات اسيل تفتح بس عشان اتاكد ان هذي حياة قالت
اسيل:من ع الباب
مافيش رد عليها
اسيل:حياة فكيني من مقالبك قولي انتي يلي ع الباب
مافيش حد رد عليها
اسيل:حياة راه حنفتح الباب لكن وربي توه تشوفي
اسيل:فتحت الباب وبي مجرد مافتحته جات يد ع فمها وخشى وحد ودفها جو وصكر الباب
اسيل:حولت يده من ع فمها وتحكي وهي داهشه…انت من ايش تبي
مجهول: رد حط يده ع فمها وقال …اشششش..وقرب من وذانها وبهمس قال…ربع ساعه نضملك جوك ونمشي
اسيل:دموعها ينزالو ومش عارفه شنو داير
___________
ميرنا:حبيبي مغير فهمني كنك تعيط
معتز:بعيط وعصبيه….مايشرفنيش وحده زيك تكون مراتي…صار تلعبي علي يا ميرنا وديرتلي روحك شريفه وانتي من شاب الشاب وصورك منتشرات وانتي عريانه🔥💔
ميرنا:الكلام نزال ع راسها زي سم
معتز:بعيط…اعتبري ماصار بينا شي ومانبيش منك اي حاجه انا جبتها لك يا عاهره…وصكر في وجها
ميرنا:من صدمه طاحت اغمى عليها
______________
ميرال:راكبت سيارتها جات تبي تولع وتمشي يراكب معها شاب ويطلع مسدس ويصوب عليها
ميرال:بخوف…من انت ايش تبي😨
شاب:اشششش الموضوع كله ع بعضه 5دقايق تموتي
وانا ننزال …ماتخفيش مش حتحسي بي واجع🔥…وسحب سلاحه
ميرال: دموعها ينزالو بدون صوت…غمضت عيونها لان حست في لحظه ممكن يقتلها😭🔥…يتبع

جميع الحلقات:

  1. رواية بنات الليل الحلقة الاولى 
  2. رواية بنات الليل الحلقة الثانية
  3. رواية بنات الليل الحلقة الثالثة
  4. رواية بنات الليل الحلقة الرابعة
  5. رواية بنات الليل الحلقة الخامسة
  6. رواية بنات الليل الحلقة السادسة والاخيرة

لمشاهدة جميع اعمال الكاتبة : روايات أسماء أشرف

اترك رد

زر الذهاب إلى الأعلى