رواية جنون عاشق الحلقة الاخيرة .. الكاتبة صفاء | القلم الناجح
روايات ليبيه كاملة

رواية جنون عاشق الحلقة الاخيرة .. الكاتبة صفاء

رواية جنون عاشق الحلقة الاخيرة .. الكاتبة صفاء

#جنون_عاشق

الحلقــــــــــ(25)ـــــــــة والأخيــــــرة

عدنان ::::::: هي ياحد قتله يا هو انتحر مافيش احتمال ثالث
العنود ::::::::😳😳😳😳 ادريس 🤭
عدنان :::::::: كيف ؟؟؟؟
العنود ::::::::💔😢 لالا شيء وجيت بنوقف طحت
عدنان ::::::: 😳

~~~~~~~~~~~~~~~~~~~~~~~~~~~~

غالية :::::: فشلت معادش قدرت نتحرك ، دموعي ينزلوا بس ونردد في الحمدلله كنت عارفه انك برىء الحمدلله 💔
سالمين ::::::😳 تموت رد بالك تموت
خوها :::::: 😡 تموت والا تفضحنا؟ ، سمعوا صوت خبطة قوية
جمعة :::::: باب الجنان مصكر ضربه بالسيارة ونزل بسرعة
خو سالمين ::::: 😳طلق غالية
جمعة ::::::😡😡 خاش يجري نزل لغالية بنتي ماتخافيش بنتي انتِ كويسة 💔 ووقف
خو سالمين::::: يوخر انت فاهم غلط راهو هذه تتبلا على بنتى تكلمي ياسالمين
سالمين::::: 😨ايه ال….
جمعة ::::::: فيه فازه جنبه نهضها وحدفها على خو سالمين جت على جنبه 😡
سالمين ::::::: عيطت وجمدت في مكانها 😨
جمعة :::::::: ياكلب ياحقير تي انى سمعت كل شيء كنت معاكم من اول لحظه
غالية :::::::🥺 فرحت وانى نحمد في ربي انى فكرت هكي ،، ( قبل ماننزل اتصلت بجمعة
جمعة ::::::: الو
غالية ::::::: لو تبي تعرف سبب اتهامهم لبوي بالسرقة خليك معاي عالخط
جمعة ::::::: شن تقولي انتِ؟؟؟
غالية :::::::: اسمع بس انى نبي نتبتلك
جمعة :::::::: مش فاهم شيءٍ منك
غالية ::::::: خليك معاي بس
جمعة :::::: اول ماسمع اول كلمتين لما تقوللها استريني ركب سيارته وطلع للحوش ولما سمع سالمين تقوله تموت وهو كيف وصل ضرب الباب بسيارته وخش )
غالية :::::: طبعا درت هكي لانه جنات قالت مش ح نشهد معاك ضد عمتي وبوي 💔 مانقدرش لهذا خليته يسمع كلامنا وهي لما قلتلها جنات تشهد معاي صدقت 💔
جمعة ::::::؛ قرب بيشده
خو سالمين ::::: يحاول يهرب
جمعة :::::: حدف عليه طاسة جث على رأسه بدى الدم ينزل طول
سالمين :::::: ووووه عليا ووووه
جمعة ::::::: 😡تلفتلها انتِ انتِ حسابك بروحه
خو سالمين :::::: استغل الموقف وهرب يجري وجمعة وراه حتى سيارته خلها وهرب من جمعة
جمعة::::: خاف سالمين ادير شيء لغالية رجع مالحقاش
سالمين::::: شفاته خاش بدت تحلف والله والله ماصارت بينا حاجه والله والله
جمعة :::::: جي قعمز جنب غالية يلي يادوب قدرت تقعمز عيونها حمر وتتنفس بصعوبه ويحضن فيها ويبوس على رأسها ويبكي سامحينى سامحينى ياغالية يابنت الغالي سامحينى يابنتي ووقف لسالمين بدي يضرب فيها وسالمين تعيط
غالية:::::: وقفت بصعوبه وصوتي انبح من الخنقة دوب ماطالع ،، ع عم عمي جمعة 💔 بالله عليك اهدء بس اهدء
جمعة :::::: توا توا نجمع العيلة كلها ونطلع حق بوك بعدها نقتلها الفاجرة العايبة هذه
غالية :::::: وقفت بينهم
سالمين ::::::: تبكي ومش قادره تتحرك
جمعة :::::: شدها من يدها يكر فيها عالارض وهي مش قادره توقف حطها في دار رشيدة قبل يلي مقابلة الكوجينة وصكر علها
غالية ::::::😭😭 جبدت منه التلفون هارون يموت كان يسمع بامه ويلي دارته ، 🥺صغارك يدمروا ،، 💔😭 ممكن البنات يمشوا لرجالتهم يوسوهم حتى موسى يلقا امل معاه 💔😢 بس انى هارون مش ح يتحمل يلي دراته امه في بوي وح يبعد عليا ارجوك اصبر ماادير شيء
جمعة :::::: قعمز عالارض 😢 شن درت انى باش عقاب عمري هكي يصير فيا 💔 شن درت باش نظلمكم 25 سنة وناخد رزقكم علاش !!!!!!

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

العنود :::::: فتحت عيوني في المستشفى
الممرضة::::: الحمدلله عالسلامة
العنود ::::::😳 شن جابنى هنى انى
الممرضة :::: طحتي في كافي قريب من هنى جابوك شن حالك توا ؟؟؟
العنود ::::: مافيه شيء كويسة
الممرضة ::::: دمك نازل هلبا لقناه 5 الدكتوره طلبت عليك تحليل ثانية
العنود ::::::: انى لزم نطلع توا توا نديرهم مره ثانية
الممرضة ::::::: ماننصحكش
العنود ::::::: مافيه شيء بس قلت ماكله وفكيت التغذية وطلعت

~~~~~~~~~~~~~~~~~~~~~~~~~~~~

جمعة ::::: كيف يابنتى بنسكت على حاجه زي هكي وبوك وحقه وحقكم وسمعتكم 💔
غالية:::::: مانعرفش 🥺 انى خايفة على هارون هو عصبي شن بتكون ردات فعله مش ح يتحمل مانبيش نخسره
جمعة ::::: توا نوضي شوفي روحك واغسلي وجهك وانى نلقا حل يرضي الكل ان شاء الله
غالية :::::: وقفت ركبت فوق خشيت للدوش منظر رقبتي يخوف مكان صوابعة وله ازرق كيف بندير قدام هارون 💔 شن بنقول قد ماحطيت من خافي عيوب مافيش فايدة 💔لبست وشاحي ونزلت
موسى :::::: شن فيه يابوي علاش هالاجتماع شن صاير لباب الجنان ؟؟؟
جمعة :::::: توا تعرف
اسيل ::::: وين ماما
جمعة :::::😡 خلاص عاد قلنا يوصلوا خوتكم ونقوللكم
اسماء خشت وبعدها هارون مروح باستبرق

~~~~~~~~~~~~~~~~~~~~~~~~~

العنود :::::: انى بنرقد رأسي بيتفجر
رشيدة :::::: باهي ارتاحي خل نمشي انى نشوف خيرهم
العنود :::::: تمام وخشيت للدار 💔😭😭 معقوله ادريس يكون دارها باهي من فيه غيره يديرها معمر انى توا معاه عمر ماعنداش اي شخص يكرهها باهي ماهو ممكن انتحر 💔🥺 لالا مستحيل هذه مش شخصية معمر علاش بينتحر
قعدت نفكر ونفكر رأسي بيتفجر

~~~~~~~~~~~~~~~~~~~~~~~~~~~~

رشيدة :::::: السلام عليكم
هارون ::::::: بوي شن فيه ؟؟
غالية :::::: نزلت
جمعة ::::::: توا بيما انه كلنا موجودين خل نتكلم
البنات ::::::ماما وين
غالية :::::: نشوف لهارون 🥺 وبنبكي خلاص
جمعة .::::: خش شدها من يدها بقوة وطلعها معاه
الكل :::::😳
البنات ::::: ماما ماما 💔 ووقفوا بيمشولها
جمعة :::::: بصوت عااااالي كل واحد في مكاااااااااانه
هارون ::::::😳 بوي شن فيه !!!
جمعة :::::: اليوم عرفت حاجه مخليتنى نظلم مش شخص بس نظلم عيلة 25 سنة او اكثر
رشيدة :::::: شافت لغالية
هارون :::::: غالية!!!!
غالية :::::: ساكته وميته خوف
جمعة ::::: اب غالية ، حياة المرحوم عرفت انه مش هو يلي خنبنى 💔 وعرفت انى كنت ظالمه السنين هذه كلها وظلمت عيلته من بعده يلي كان ديما يوصي فيا عليهم يقول نطمن عليهم معاك صديقي ورفيق دربي يلي خدي رصاصه بدلي مره 💔 وانى اتهمته وظلمته
هارون ::::::: تكلم يابوي كيف صار
غالية::::: 💔 ايدي على قلبي 😭
جمعة :::::: شريكي وخالك هم يلي خنبوا الفلوس وقتها وحطوله منهم باش نتهمه هو وهدادوه بصغاره ومرته لو يقول الحقيقة
موسي ::::: وامي خيرها علاش صاير فيها هكي ؟؟؟؟
جمعة :::::: شافلها بحقد وهي ماسكتتش تبكي وخلاص 😭😭😭😭 ،، امك امك 💔 امك شافتهم وعرفت من وقتها لكن دست عليا
سالمين ::::: تبكي وتضحك فرحانه انه مافضحهاش قدام صغارها 😭😢😢💔
هارون :::::: يماااااااا؟؟
سالمين:::::: اي اي يلي قاله بوك كله صح
غالية ::::: ارتحت شوية
رشيدة:::::💔😭😭😭
هارون ::::: جي وقف جنب غالية 🥺
جمعة:::::: ولهذا انى مراة زيها ماتقعدش عندي وخالكم من لما عرف انى عرفت هرب
موسى ::::: عرفت وخافت 🤷🏻‍♂️ شن بتحسبها حتى على هذه
جمعة ؛::::: صكروا افامكم انى المراة هذه تحرم عليا وشافلها انتِ طالق طالق طالق بالثلاثة
البنات :::::: لالا 😭😭
اسماء ::::: شافت لغالية 😠 من يوم خشيتي حوشنا خربتيه
جمعة :::::::😡😡😡 غالية والعنود من اليوم بناتي حمايتهم طلباتهم كله مسؤليتى وان شاء الله ندير حاجه كويسه نقابل بيها المرحوم في الاخرة
غالية :::::: شديت يد امي وجيت بنطلع
جمعة :::::: مش هذه بس الحوش هذا بنكتبه ليهم فلوسهم من سنين ناخد فها ح نردها كلها بعون الله
استبرق :::::: وحنى ؟؟؟
جمعة ::::::: امكم تمشي لخوها وانتم المتزوج في حوشه وانتِ تعالي معاي لين يجي نصيبك
الكل ::::: مصدومين ومتفأجئين
غالية :::::: خديت امي ومشينا للملحق نحكوا للعنود
جمعة ركب وخلاهم وهم يحاولوا يواسو امهم وانه توا. يردها وووو بس هي تقوللهم بوكم على حق وعادي يلي داره صح وانى بنمشي لحوش خوي زي ماهو قال
هارون :::::: علاش هكي 💔💔 بجد نسأل فيك علاش هكي ،، باهي خفتي زمان وسكتي خالي هدادك وبعدين لما ولادك ولو رجاله علاش ماتكلمتيش
سالمين :::::😭😭😭
موسى ::::: هارون مش وقته توا
هارون :::::: رغم علمك انه مش هو لكن عادي قعدتي كل ما تبى تجرحها تقوليلها بنت الخناب 💔 ؟ تشوفي في مراة في عمرك تجري وتخدم ، بنت في عمر بنتك بتقتل روحها بالخدمة باش تخلص دين مش موجود بكل ومع هذا انتِ تهينى فها ببوها وامها يلي هو مادار شيء وانتِ متاكده ، بجد بجد حاس انى مانعرفكش وطلع وخلاهم

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

العنود ::::::😳😳بنمشي نقتلها 😢😡 الكلبة هذه خربت حياتنا موتت بوي قبل عمره بنمشي نقتلها
غالية :::::: اهدي بس ماخله مادار فيها راهو انى حضرت وين ضربها وطلقها وحلف على صغاره ماحد ياخدها وتمشي تقعد عند خوها
العنود ::::::: كبدي علها دم 😢😢 الله لا تسامحها كان ممكن تكون حياتنا مختلفة بكل توا
رشيدة::::: هذا يلي كاتبة ربي لينا
غالية :::::: نشوف لتلفوني 💔 خيره مااتصلش بيا
رشيدة :::::: اهو قال الحوش. بيكتبه ليكم وبيرد كل الفلوس
العنود :::::: بعد شن بعد شن 💔
غالية ::::::: نفكر في هارون وخلاص مش قادره نمشي للحوش مانعرفش وضعهم شن ، واقفة عالروشن ونستنى 😢💔 لكن للاسف فاتت ساعات وساعات وهو لا اتصل ولا جي اتصلت انى يعطي مقفل
العنود :::::: شن اديري ؟
غالية::::: هارون شغلني
العنود ::::: هو يلي مفروض ينشغل ويجي ويعتذر مش انتِ
غالية ::::::: تنهدت خايفة عليه 💔 بنتصل بفارس
فارس :::::: الو
غالية :::::: فارس هارون طالع من بكري وتلفونه مصكر مااتصلش بيك والا شفته
فارس :::::: لالا ، تبيه في حاجه ؟
غالية :::::: انشغلت عليه بس 💔 بالله عليك لو عرفت وينه كلمنى
فارس :::::: حاضر وصكر ،،، تلفت لهارون عيب عليك ياراجل علاش هكي مقلقها
هارون::::::: مش قادر افهمنى 💔 شن بنقوللها اسف لانه امي دمرت حياتك عمدا 💔اسف لانه لليوم تبهدلتي بسبب سكوت امي 💔شن بنقول كيف بنشوف لعيونها كيف بنتحمل اللوم يلي فيهم
فارس :::::: اعتقد انها تحبك لدرجة مش ح تخلط بينك وبين امك وخالك ، لانها من الاساس تزوجاتك وهي ماتحبش امك وبوك وعيلتك كلها
هارون :::::: قعد ساااكت

~~~~~~~~~~~~~~~~~~~~~~~~~~~~

#ثاني_يوم

رشيدة ::::: انى بنمشي باهي وانتِ نوضي ارقدي شوية من البارح مقعمزة في هالصالون
غالية ::::: اتصلي اعتدري
رشيدة::::: توا عمر نخدم فيهم عالاقل نمشي اليوم وبعدها نقوللهم بوسع الوقت انى معادش جاية
غالية::::: تمام ،، طلعت امي وانى نفكر 💔 هذا معرفش الحقيقة كلها وهكي يتصرف كيف كان عرف 💔 خطر في بالي مكان ممكن يكون فيه نضت خشيت للدار
العنود :::::: نشوف للسقف ونفكر
غالية:::: بناخد منك حوايج باهي مانبيش نمشي للحوش
العنود ::::: تمام
غالية ::::: تقعدي بروحك عادي ؟؟ انى بنمشي نشوف هارون وامي طلعت قالت عندها خدمة
العنود :::::: عادي مش مشكلة ،، ووقفت طلعتلها احلا لبسة عندي عطيتهلها
غالية ::::::: هههه شكلك تودعي كيف سلمتي فيها
العنود ::::::💔 حضنتها بقوة انتِ اقوى انسانه شفتها في حياتي واكثر انسانه ماتحبش الغلط كنتي حاسه ببراءة بوي من لما انتِ صغيرة قلبك ابيض مخليك تشوفي في كل شيء حلو ، ديما اقعدي قوية هكي لو شن مايصير باهي
غالية ::::::😳 بنموت والا شن تودعي فيه
العنود::::: لا ربي يحفظك 💔 هيا امشي البسها قبل مانغير رايي
غالية :::::: هههههه ايه خديتها وطلعت
العنود:::::: اتصلت بادريس
ادريس :::::: صباح الورد
العنود ::::::💔 نبي نشوفك
ادريس :::::: 😍حاضر وين ماتبي وامته ماتبي
العنود :::::: خليلي مفتاح حوشك في مكان وقولي عليه وانى نتصل بيك تجي بعدين
ادريس :::::: علاش !!
العنود :::::: نبي نديرلك مفاجأة والا ممنوع
ادريس :::::: حبيبتى انتِ كلك مفاجأة مافيش داعي
العنود :::::: ادريس خيرك مش تقول اعتبريه حوشك خلينى على راحتى حابه نغير جو
ادريس ::::::: تمام حبيبي كيف ماتبي توا نحطه في الغرسة يلي قدام الباب
العنود ::::: تمام 💔 ونضت غيرت وصكرت باب الدار بالمفتاح من برا بعد ماحطيت فها الرسالة عالسرير وطلعت بدون مايشوفني حد او انى هكي توقعت

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية ::::::: مشيت للقرية السياحية نفس الشالي يلي كنا فيه 💔 دقيت عالباب
هارون :::::: فارس قلنلك ماتجيش 😳غ غالية
غالية ::::::🥺😢 علاش مبعد عليا
هارون ::::::😔
غالية::::: نزلت شنطي وقعدت نحضن فيه 💔 خفت عليك مقدرتش نرقد البارح كيف هنت عليك
هارون :::::: صكر الباب وشد يدها وقعمزها جنبه عالسرير ، لا هنتي ولا عمرك تهوني ❤️ بس متحشم منك فيه شيء انكسر فيا
غالية ::::::: شديت يديه بقوة رد بالك يكون نهاية الكلام هذا حنى مانقدروش نكملوا بعد يلي صار ، لليوم ماعشتش فرحة في حياتي ، ماتجيش يوم بنفرح تخلها غصه في قلبي

~~~~~~~~~~~~~~~~~~~~~~~~~~~~~~

العنود ::::::: بعد ساعة كان فيه اكل جاهز كان فيه ضي مخفي وشموع كنت لبسة قفطان اسود بسيط 💔 وبعتت رسالة لادريس انه يجي

هارون:::: لا مستحيل انى جربت نبعد عليك قبل ونعرف شن حسيت مستحيل نعاقب روحي ببعدك عنى ، لكن 💔 مش عارف شن نقولك غالية لو كلمة اسف ترد شوية من حقك انى اسف ،، اسف على كل مره احتجتي فيها بوك او امك ومالقتهمش لانهم يخدموا باش يخلصوا الدين اسف على كل نظرة شافوها الناس ليكم على اساس بوكم خانب اسف على كل كلمة سمعتوها بسبب الموضوع هذا ، اسف على طفولة انحرمتي منها ، اسف على مرض وتعب عشتيه بسبب الموضوع هذا ، اسف انه سالمين تكون امي 🤷🏻‍♂️ انى مالمتهاش انها خافت وسكتت او انها حمت خوها بس نلومها على يلي دراته والكلام يلي قالته ليك وهي عارفه ومتأكده انه بوك مادار شيء
غالية ::::::😭 انى نبي نرتاح نبي نفرح نبي نعيش وهذا كله نبيه معاك ❤️
هارون :::::: نحبك مش قادر نقول غير هكي نحبك والله العظيم نحبك ، وقرب يبوس فيها
غالية ::::: كنت منسجمة معاه لين حسيت يده بدت تفك في وشاحي 🤦🏻‍♀️ رقبتي والاثار يلي فيها الحكاية مش ناقصه توا بعدت عليه باهي انى جعانه من امس مش واكله شيء 🥺
هارون :::::: هههههه غالية الرومانسية ، في اهم لحظه يخطر عليك الجوع ، حاضر ياعيوني نطلع نجيب فطور
غالية ::::: ☺️ يسلموا ، وانى نفكر باهي بعد الفطور 🙄 نضت خديت شنطي وخشيت نحاول نخفيهم شوية

~~~~~~~~~~~~~~~~~~~~~~~~~~~~

ادريس ::::: دق عالباب
العنود :::::: فتحت
ادريس ::::::😍 حظنها لين قامها فوق اشتقتلك اشتقتلك اشتقتلك ❤️❤️
العنود :::::.☺️
ادريس ::::: شن الجو هذا كله😍 ،،،، فيه ريحت غاز قوية
العنود:::::: اها ايه كنت ندير في حاجات نسيته مفتوح بدون مانولعه شكله تسرب
ادريس :::::: خل نفتح الشبابيك
العنود :::::: شديت يديه انى فتحتهم
ادريس :::::: قرب قعد يبوس فيها والعنود كانت مستسلمة
ادريس ::::: قامها في حظنه ناكلوا بعدين عادي
العنود :::::: هزت برأسها اي
ادريس :::::: دخلها للدرا. حطها عالسرير وقرب منها يبوس فيها بس لحظ انها قعدت جامده وقف وقعد يشوفلها دموعها ينزلوا ، 💔 اسف حبيبتى خيرك ؟؟؟؟ اسف بجد انتٍ قاعده تعبانه بس لما شفتك هكي معادش قدرت نسيطر على مشاعري و…..
العنود ::::: كيف قتلت معمر
ادريس ::::::😨

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

غالية ::::::: درت خافي عيوب وحطيت الوشاح على رقبتي ، خش هارون جب الفطور قعمزنا نفطروا
هارون ::::. خلينا اليوم هنى ❤️ وغدوا نروحوا
غالية :::::: اوكي
هارون ::::: فطرتي وله هيا تعالي توا دوري
غالية :::::. نقولك من امس مش راقده نعسانه بنرقد
هارون ::. قامها وحطها عالسرير غااااالية بلا دلع عاد 😍 من بكري نساير فيك
غالية :::::: حطيت يديه وراء رأسه وقعدت نبوس فيه والحمدلله هو من كثر ماكان منسجم ماركزش على الاثار وسببهم

~~~~~~~~~~~~~~~~~~~~~~~~~~~~~

ادريس :::::::😨 شن شن تقولي ؟
العنود ::::::😢 قعمزت نمسح في دموعي ماتكذبش لانى متأكده ، احكيلي ادريس 🥺
ادريس :::::: استسلم ، خفت 💔 حسيت انك بديتي تميليله حسيت انك تبي تستمري معاه 💔 معادش جبتى سيرة الطلاق بديت تقولي راجلي وطلعتلك من الحوش اخر مره حسيت انك معادش ح ترجعي
العنود :::::😢 كمل
ادريس ::::: قرارت نطلعه من حياتنا 😢 العنود انى قداش مره نقولك فيها انى مستعد ندير اي شيء على شانك 💔
العنود :::::::😭 قلتله قبل مايموت انه حنى مع بعض ؟؟؟؟
ادريس :::::: لا 💔 الحاجه الوحيدة يلي درتها هي انى حولت اندار الحريق ولعبت في خيوط الكهرباء يلي في الدار واتصلت بيه ،،قلتله انى استحقيتها اكثر منك 💔💔🥺 انى حبيتها اكثر منك بس 🤷🏻‍♂️ وقلتله انى في دارك تعاله نتفاهموا وين وصل اضربت معاه بدون اي توضيح او كلام 💔 لين خديت منه تلفونه ودفيته وصكرت عليه من برا 😢وشغلت الكهرباء يلي كنت فاصلها على داره مسحت سجل الهاتف كله باش مايطلعش رقمي واتصلت بيك ولوحته جنب الدار من برا
العنود :::::::😭😭😭
ادريس :::::: انى درت هكي لانى نحبك انى مش قاتل انى اول مره نقتل حد في حياتي انى مرضت اسبوع بعدها لكن مكانش قدامي خيار ثاني انى لو تسيبينى نموت نجن
العنود ::::::: 😏💔وهذا علاش دسيت الفيديو باش تهددني وتخلينى معاك بالغصب 😢
ادريس :::::😢😔 تي اي فيديو اي فيديو مافيش فيديو اصلا ، 💔 هذه كذبة اخترعتها لما خفت انك تباعدي عليا مافيش. فيديو ولا شيء قتلك انى ندير هكي لانى نحبك انى قبل مانعرفك كنت انسان عادي الجنون هذا ماكانش فيا انتِ جننتينى
العنود ::::: انتِ اكثر راجل حبيته في حياتي 💔😢 مش تعبير مجازي راهو بجد انتِ اكثر راجل حبيته اكثر من معمر أكثر حتى من بوي ، لانك كنت محتويني فاهمني كنت حاسه براحه معاك واقف معاي في اي شيء نحتاجه حاسه انى عندي سند وشخص نعتمد عليه 🤷🏻‍♀️ نحبك نحبك 💔 بس تعرف شن جايه بندير اليوم !!!
فتحت الغاز في الحوش قبل ماتجي 💔 والشموع يلي شفتهم كنت ح نستنى معاك لين يصير انفجار في الحوش ونموتوا مع بعض بنفس الطريقة يلي اخترت انه يموت بيها معمر
ادريس :::::::😳💔 شن نبي اكثر من هكي اخترتي انك تموتي معاي
العنود :::::::😭 نمسح في دموعي مش نايض تطفي الشموع وتفتح الحوش ؟؟؟؟
ادريس :::::: شد يدها يلي تبيه انتِ باهي وراضي بيه
العنود ::::: زدت بكيت اكثر 😭تعرف شن صار بعد ماجهزت كل شيء ؟؟؟؟ جتي مكالمة من عيادة يومها اغمي عليا رفعوني لها نتيجة تحليل خدتهم منى الدكتورة طلعت ،، تعرف شن طلع فيا ؟؟؟؟
ادريس ::::::😨
العنود :::::: سرطان في الدم 💔💔 فرحت هههه تصدقت بكيت من الفرحة
ادريس :::::😢 دموعه ينزلوا
العنود ::::::: حسيت ربي عطاني اشارة انى مانموتش كافرة ربي قاعد معاي 💔 مانموتش كافره ونرتكب جريمة فتحت الرواشن وطفيت الغاز حمدت ربي ، مرات ربي يبينى نمرض ونتعدب ونحمده في ضعفي ومرضي باش يخفف شوية من ذنوبي 🤷🏻‍♀️ ربي ارحم بينا من نفسنا انى ظلمت الدنيا في عيوني وقرارت نموت كافرة ونقتلك معاي لكن شوف شن صار ربي اختارلي الافضل 😭
ادريس ::::::💔😢 ماتخافيش ح نرفعك نعالجك في احسن دولة حبيبتى مش حايصيرلك شيء انى معاك ، بعد تشفي يلي تبيه حاضر تبي نموت نموت 💔 تبي نعترف بقتل معمر ونخش الحبس يلي تبيه انتِ حاضر
العنود :::::: نبي اجابة لسؤال واحد بس 💔 علاش مافكرتش تتزوجني ، يعنى تطلب منى نطلق وتتزوجني ؟؟
ادريس::::: ومن قالك مافكرتش 💔 اول ماصار بينا شيء انتِ رفعتي قضية طلاق وانى كنت نستنى لين تطلقي وح نقولك نتزوجوا بعدها صارت مشكلة عمليتي وانى طلبت منك معادش تجي وانتِ اختفيتي من حياتي سنه كاملة وبعد ماتلقينا تشوفي في ضروفنا كل يوم اسوء من يلي قبله 💔 توا المهم ….
العنود ::::: المهم 💔😭 انه هده اخر مره نشوفك فيها وقفت وطلعت من الدار
ادريس ::::::😨 لالا مستحيل
العنود :::::: لبست عبايتي ووشاحي وحضنته بقوووووووووووووووة ، اسمحلي انى نصلح اخطائي وطلعت
ادريس ::::::: طلع حفيان وراهاء في الشارع 😢
العنود ::::. ركبت تاكسي وطلعت وانى نحساب انه مافيه حد شافني وقتها ،، بس فيه حد كان يراقب فيا وقرار انه ينقذني من ادريس بدون مايفهم شيء وخش بعدي على ادريس 💔 وعطاه رصاصه في قلبه 🥺💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

غالية :::::: رقدت وانى مطمنة بدون تفكير وحسابات لاخر الشهر لاول مره ❤️
عشية نضت مشيت للدكتور يلي شخص وضعي انه تهيئات وحكيتله انه بوي طلع بريء صح ، طلع تشخيص حالتي هو رفض الواقع ، يعنى يلي صار ليلتها صح انى كنت جنب بوي لما مات 💔🥺 وهو قالي انه بريء وانى الوحيدة يلي ديما مصدقاته ، بس خشيت رقدت بعدها لانه عقلي كان رافض موت. بوي لهذا قرار انه يتصرف كأنه ماصارش 🤷🏻‍♀️💔

~~~~~~~~~~~~~~~~~~~~~~~~~~~~

#بعد_سنتين

غالية :::::: بعنا الفيلا وخدينا حوش كبير شوية لامي وانى وهارون خدينا حوش جنبه، المصور كل يوم ينشهر اكثر واسمي بدى معروف ، هارون وانى كل يوم نفهموا بعض اكثر ونحبوا بعض أكثر ❤️ لكن هو قاعد مش قادر يتخلص من غيرته يلي تجنن😍 وانى مش قادره نبطل طولة لسان 😂
هارون :::::: غااااالية هيا حبي امك تستنى فينا
غالية ::::::: اووف باهي تعاله عاوني شوية خل نكمل بسرعة ماتشوفش في حالتي ، انى قلت مش وقتهم الصغار توا 🤦🏻‍♀️
هارون :::::: ههههه حط يده على بطنها الكلام هذا كله بنقولهوله بعدين ردي بالك ، كان نقعد على رأيك انتِ حتى بعد 10 سنين تقولي مازال
غالية ::::::😳 طلع حق ربي يعنى قاصد وانى نقول كيف حملت وانى مدايره مانع 😒
هارون ::::::: ههههههه شن بنديرلك ينضحك عليك بسرعة 🤷🏻‍♂️، وقرب حضنها حتى انتِ فرحانه بيه بلا جو وياستي انتِ غر جيبيه بس انى نديرله كل شيء
غالية ::::::🙄 توا نشفوا

~~~~~~~~~~~~~~~~~~~~~~~~~~~~

فارس ::::::: بطل من خطبة استبرق بعد قصة سالمين 💔
استبرق :::::: تزوجت ناصر بعد عملت امها بوها زوجها ليه ❤️
سالمين :::::: مشت قعدت عند عيلة خوها وهم مش طايقينها وخوها من يوم هرب من جمعة قعد هارب ماحدش يعرف عليه شيء
جمعة ::::::: خدي فيلا ثانيه بروحه ويمشوا ويجوا عليه صغاره وواقف مع العنود وغالية ديما ويحاول يعوضهم
اما رشيدة فابعد التعب والعناء تحاول تعيش ايام مرتاحة
العنود ::::: قاعده حيه مامتش ❤️ الحمدلله موسم الحج يلي فات مشيت انى وامي وهارون غالية كانت في بداية حملها ماقدرتش تمشي معانه ،، ضربت جرعات طاح شعري ضعفت تبهدلت يديه نحرقوا من اليباري وانى نحمد في ربي ونستغفر طول الوقت انه ربي عطاني فرصه كل يوم نذكر في ادريس حب عمري 💔 وندعيله ربي يغفرله ونفكر لو تصرفت صح من الاول اطلقت وبديت بداية صح مع ادريس مش كان ممكن توا نكون اسعد انسانه في الدنيا 💔 رجعلي المرض تاني بعد ماشفيت بنبدا في رحلة العلاج من جديد بس فرحانه ونقول ان شاء الله هالعذاب يخفف ولو شوية من عذاب الاخره ويطول ربي في عمري شوية لين نشوف ولد غالية ونفرحوا بيه ❤️

#النهاية

نتمنى انها تكون الرواية نالت إعجابكم ❤️
غالية ، كانت مثال للبنت القوية يلي ماشية صح في حياتها رغم الناس والضروف
العنود ، كانت مثال للبنت الضعيفة يلي تستسلم لمشاعرها واغراءات الشيطان ، في كل شخص فينا الفطره الساليمة يلي تقوللنا هذا غلط وهذا صح ، يلي كانت عند العنود من الاول ويلي هي صوت الضمير ماتحاولش تسكت الصوت هذا فيك كلنا عندنا اخطاء بس اخطائنا درجات وتطور ونتمادوا فيها كل ما سكتنا الصوت يلي داخلنا الغلط يجيب غلط لهذا انك توقف من الاول او من النص افضل من انك تستمر
إلى اللقاء قريبًا في رواية #ولدك_يابلادي

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى