رواية جنون عاشق الحلقة التاسعة عشر .. الكاتبة صفاء | القلم الناجح
روايات ليبيه كاملة

رواية جنون عاشق الحلقة التاسعة عشر .. الكاتبة صفاء

رواية جنون عاشق الحلقة التاسعة عشر .. الكاتبة صفاء

 

#جنون_عاشق

الحلقــــــــــ (19)ـــــــــة

ادريس :::::: وقف ورها 😳 كل مايقرب يتأكد انها هي العنود ، تلفتي
العنود :::::: 💔 هو يعنى كنت في حوشه !! كنت مع مرته !!! المراة يلي تمنيت نشوفها ديما !!!تلفتت بالشوية
ادريس :::::::: خديت نفس واخيرااااااااا لقيتك 😍
العنود ::::::: ضحكت بعصبية 😏😤 والله ! علاش كنت رايحة انى ؟؟؟ كان قاعده نذكر انت طلبت معادش تشوفني حتى انك ماطلبتش طردتنى طرد 💔
ادريس:::::: قرب بيشد كثافها 😍 والله ما مصدق انك قدامي
العنود ::::: وخرت
ادريس :::::اسمعي خليك دقيقة بس نجيب السيارة ونجيك …. ومشي بسرعة
العنود :::::: نشوفله ونحس في قلبي بيطلع 💔😢 امشي ياالعنود اطلعي توا الثواني يلي واقفتيهم توا ح تندمي عليهم امشي قعدت نشد في الباب لين انفتح معاي طلعت بديت نمشي في خطوت سريعة في الشارع 💔

~~~~~~~~~~~~~~~~~~~~~~~~~~~~

جنات :::::: مدامك قاعده تبيه خوديه عرضت عليك قبل ونعرض عليك توا ، ديري حاجه معاه واعطينى سبب نسيبه بيه وخوديه
غالية ::::: خيرك انتِ 🤨؟؟؟؟ شن تقولي مش هذا راجلك وليك سنه معاه
جنات ::::::: هارون واحد مريض مرييييييض
غالية :::::::::😳 ، حسيته تعبير مجازي ! قلتلها مدام مريض علاش. بناخده انى 🙄
جنات :::::: هارون مريض بيك مهووس بيك 💔 مش مجرد كلام بجد ، مش اول مره يغلط في اسمي وينادينى باسمك ، شافت للباب وتكلمت بالشوية حتى لما يصير بينا حاجه بعد فترة زي بين اي اثنين متزوجين يقولي في كلام ويطلب انى نقول كلام نعرف منه انه يتخايل فيك انتِ معاه مش انى 💔
غالية ::::::😳😳 شن تقولي انتِ عيب يلي تقولي فيه هذه خصوصياتك انتِ وراجلك
جنات :::::: وانى عمري ماكنت نبيه
غالية :::::: قلتها زمان وبعدها وافقتي
جنات :::::: بالسيف عليا زينى زيه غالية….
هارون ::::::: دق عالباب وفتح ،، جنات !!!!! شن اديري هنى
جنات :::::: علاش ممنوع نهدرزو وفنصت في غالية متع راك تتكلمي
غالية :::::: بعد يلي قالته جنات معادش قدرت نحط عينى في عين هارون 💔
هارون ::::::: جبنا السرير
غالية :::::: وانى رأسي لوطه تمام دخلوه وطلعت وسيبتهم 💔💔💔

~~~~~~~~~~~~~~~~~~~~~~~~~~~~

العنود ::::: مانبيش نفكر نمشي وبس لين سمعت صوت سيارة تبيب عرفته لحقني وقف السيارة ولحق على رجليه العنود خلاص عاد وين هارب اسمعيني بس
العنود:::::: بكيفك هو ؟؟؟؟
ادريس ::::::: شد يدها 😳 شاف الدبلة 💔💔💔 لو سمحتي 🥺
العنود :::::: اوووووف اوف كنت حتى انى نبي نسمعه قلبي يبى يسمعه كرامتي وكبريائي يبى يسمعوه ،، ركبت معاه وطلعنا
ادريس:::: شفلها وتنفس بعمق والسنة يلي عشتها كنت نحساب انى نتنفس فيها 💔💔 كان يلي كنت نتنفس فيه اسمه اكسجين املاه يلي توا شن !!! يلي حسيته بعد ماشفتك شن اسمه اسمه مش اكسجين اسمه حياة حيااااااااة توا حسيت انى حي
العنود :::::: الله على كلامه الحلو المرتب 🥺 يلي يقدر يوصل لجزء في عمق القلب ماحدش وصله قبل ، كنا ساكتين طول الوقت لين وقف في مكان عالشط
ادريس ::::: علاش غيرتي تلفونك !!! وين اختفيتي ؟؟
العنود :::::::🙄 ادريس فقدت الذاكرة والا شن انت يلي قلت معادش نبي نشوفك
ادريس:::: كنت مِطر ندير هكي 💔
العنود :::::: علاش !!
ادريس ::::::: مرتي عرفت يلي بينا 💔
العنود :::::: ضحكت بهزوه 😏 تي انى مرأة وخليت راجلي يجيبنى ليك في المستشفى وماخفتش وانت خفت من مرتك !!!!
ادريس ::::: اكيد ماخفتش على روحي. خفت عليك ،،، تنفس بعمق وفتح الرواشن وتلفتلها وانى تحت البنج قلت اسمك 💔❤️ وقلت هلبا كلام على علاقنا وهي كانت جنبي ولما هديت بأسمك ولانه اسمك مميز 🤷🏻‍♂️ زي كل حاجه فيك ❤️ اول مافقت قعدت تسأل فيه وهي معصبة وتقول والله الما نوريها وانى في حالتي هذيكة لدرجة انى مش فاهم شن تقول مزبوط ولا قادر نتحرك وبعدها طلعت بتمشي للمكتب وقالت بنعرف اسمها وبنفضحها عند اهلها كيف ترتبط بواحد متزوج وقتها خفت عليك تسمع امك والا معمر 💔 يقتلك والا يدير شيء اتصلت بصاحبي يلي هو خوها قلتله اسبق اختك واحدف كل معلومات العنود سوء من كمبيوتر او ملفات اتصلت بنسيبى يالعنود وماكانش هامنى ماكانش فاهم شيءٍ قعد يسأل ويقولي انى جاي وانى نعيط عليه في التلفون يلي نحبها متزوجة راجلها يقتلها لو يعرف وفعلا رغم انه عصب وخسرت صديقي من يومها 💔 الا انه ساعدني ودس كل شيء
العنود ::.::: علاش ماحكيتش هذا كله
ادريس:::::: ماكانش فيه وقت اتصل بيا قبل ماتخشي بثواني قالي انى في سيمافور المستشفى مع بلقيس ، يعنى لو بديت نشرح كانت. ح تخش وتلقاك اطريت نقولك هكي باش تطلعي بسرعة وبعدها نتصل بيك ونحكيلك اساسا خشت بعد ماطلعتي من الدار بثواني 🤷🏻‍♂️ لكن انتِ تلفونك مقفل مختفية معادش قدرت نوصلك حتى راجلك دورت على مكان خدمته لعلا وعسى نلقا طرف خيط بس مافيش فايدة
العنود ::::::🥺💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية :::::: ركبت لاستبرق شن رايك تبدلي حوايجك وتحطي شوية ميك اب
استبرق :::::: شن المناسبة
غالية ::::::: نطلعوا شوية
استبرق :::::: فكينى توا هارون يقول لا
غالية :::::::🌚 سألته قال عادي
استبرق .:.:::: انتِ سألتي هارون!!!!!
غالية :::::: تي ايه هيااا
استبرق :::::: تمام
غالية ::::::: نزلت
هارون ::::::: مبتسم يشوفلها نازلة من الدروج
غالية ::::::😒شن !!!!
هارون :::::: وتاريته منعرفش شن معنى الشوق قبلك
غالية ::::::: بلعت ريقي ، وقعدت نشوف يمين ويسار
هارون :::::: ولا عمري اشتقت لحد زيك
غالية ::::::: هارون خيرك !!!!! 🙄 شن تحس
هارون :::::: ضحك ههه شيء ، السرير في الدار تبي شيء ثاني
غالية :::::: اممم 😐 نبي ماتطلعش
هارون ::::::: علاش !!
غالية ::::::😒 بنموت مش شوقي ليك وانت مهناش ،،، توا بعدين تفهم ايبس في مكانك توا بس 🤨
هارون :::::: ايبس !!!!! ولحقها جبدها من يدها 😉 غمزلها شن فيه تخططي لشيء
غالية:::::: (🤪💔 معادش تغمز ياحيوان )،، سحبت يدي ومشيت ، شوية وسمعنا الباب اوووف واخيرا وصلوا

~~~~~~~~~~~~~~~~~~~~~~~~~~~~

العنود :::::: ساكته ونشوفله
ادريس :::::: يشوف للخاتم ، رجعتيله والا واحد ثاني ؟؟؟
العنود :::::: مافهمتش ، شفت لقيته يشوف ليدي اهاااا 😔 رجعت لمعمر
ادريس :::::: مش كنتى بتطلقي !!!
العنود ::::: وماصارش قررنا نبدوا من جديد
ادريس ::::: والله !! وبديتي نجحتوا !! اموركم تمام !! حبتيه
العنود ::::::😠ايه
ادريس :::::: كذااااااابة ايدك ترجف وعيونك يلمعوا وخاطرك تحضنينى توا كذابه ماحبتيش غيري
العنود :::::😡 في من تحاسب انت وعلى شن ادريس انت عندك بيبي عمره شهرين شهرررررررين شن تقول 😏
ادريس :::::: وانى مكذبتش ولا قلت بننفصل قبل حياتي زي ماهي زي ماجو خوتها الزوز يلي قبل جت هي حياتي التقليدية المملة نفسها
العنود ::::::😢 باهي 💔
ادريس :::::: انزلي
العنود :::::: وين !!!!!
ادريس ::::::: الحوش القهوي هذا ليا تعالي نبي نحضنك 💔 وشد يدها ضغط علها بقوى نبي نهدرز معاك نبي نسمع صوتك اكثر نشوفلك اكثر
العنود ::::: ادريس فكنا
ادريس ::::: هيا 🥺 عارف انك تبينى زي ماانى نبيك وانك مشتاقتيلي زي ماانى مشتاقلك
العنود ::::: 🤷🏻‍♀️ فتحت الباب ونزلت اي اي انى ضعيفة لهدرجه 💔

~~~~~~~~~~~~~~~~~~~~~~~~~~~~

هارون :::::: استقبل ناصر وهو مش فاهم شيء
خشت نهى وامها وجدها للحوش
سالمين:::::😒 تعالي يارشيدة اكيد جاينك لانه غالية روحت
ام ناصر ::::: لا والله هو الحق جاينكم انتم
امل :::::: قعمزت هي وجنات يتفرجوا
استبرق:::::: نازلة من فوق انصدمت 😳😳
غالية ::::::: سلمت انى وامي وقعمزنا وبعد شوية انسحبت انى للمطبخ
استبرق:::::: 😤 كنتى عارفه وماقلتليش 💔 وتبعت في رسايل لناصر رد بالك تقول شيء
غالية :::::: قالت نهى بس انى مانقدرش نقولك حبيبك بيديرلك مفاجأة باي حق ندخل انى
استبرق::::: خليهم مايحكوش شيء بالله عليك على اساس جاينكم بيسلموا عليك
غالية ::::: تتكلمي بجد !!!! فيه وحده يجي حبيبها بيخطبها هكي تقول
استبرق ::::::😢 عارفه شن بيصير
غالية :::::::🤨 مدام …..
هارون :::::: خش للمطبخ
استبرق::::: طلعت تجري
هارون :::::: غالية شن قصتهم يلي جاين هضم
غالية :::::: قدامك أسألهم😒
هارون::::: باهي خيرك اعطونا قهوة
غالية :::::::😐 قعمزت عالكرسي انى مانخدمش عندكم
هارون :::::: مستحيل نفهم الحالات يلي تجيك هذه وطلع تلفونه جنات تعالوا ديروا قهوة وكلموني لما توته وطلع
غالية :::: 😒اوفففف عليك استفزاز وطلعت قعمزت جنبهم
ام ناصر ::::: وتوا بعد ماتعرفنا نبى نخطبوا بنتك استبرق لولدي ناصر ولدي قاعد معاي في حوش بوه مافيه حد انى وهو بس بسيارته عنده خدمة في الدولة ويخدم على سيارته والحمدلله
سالمين ::::::: بنتى 😏 بنتى انى بنعطها لواحد ساكن مع امه !!!! شكلهم جاين لرشيدة في غالية ومتلخبطين
غالية ::::: 😒
رشيدة :::::: نتشرف فيهم انى شن بنلقا خير منهم ! لكن هم طلبوا بنتكم بالاسم
غالية ::::::🌚 ان شاء الله امي ماتتحمسش وقول خودوا غالية كان ردوكم
ام نهى ::::: خوذوا راي البنت وردوا علينا
سالمين ::::: لالا مافيش داعي نردوا من توا ماعنديش بنت نعطهالكم
ام ناصر :::::::😡 اتصلي بعمك فيسع ووقفت وهي تعارك عيل انى ترفعوا فيه مدام مايبوش يعطوا بنتهم تحصله في قرارها ولدي …
غالية :::::: طلعت معاهم 💔 ياريت قاللها
نهى :::::: وين نندري عليه نحسابه واثق منها انها موافقة هي واهلها
غالية ::::: يصير خير اكيد تكلم امها هي توا
ناصر :::::: طلع مع هارون وهو مش فاهم
رشيدة ::::: طلعت تسلم عليه
هارون ::::: وين شاف النسوين طلعوا خش 🌚 على اساس مؤدب 😂
غالية :::::: طالعة وراهم
هارون :::::: جبدها وين هاده
غالية:::::: بنسلم على ناصر 💁🏻‍♀️
هارون :::::: غالية 😒 فكينا من الجو وخشي
غالية :::::: عفوااااا ؟؟؟
رشيدة :::::: خشت مسكينة وجها زي الفحمة راحت
غالية ::::: فكيت يدي ولحقت امي

~~~~~~~~~~~~~~~~~~~~~~~~~~~~

ادريس ::::::: اول ماخش وصكر الباب حضنها بقوى
العنود :::::: كأنه كل مقومتي استهلكتها الشهور يلي فاتت بدلته الحضن بسرعة 💔 ومن حضن لقيته يبوس فيه بعدها شد يدي ومشينى لدار و 🚫
للأسف انى وادريس كنا نبرار لروحنا انه شريك حياتنا هو الغلط سوء معمر او بلقيس مع انه كان ممكن نقربوا منهم ونحاولوا نغيروهم وفي اسوء الاحوال ننفصلوا ونبدوا علاقة جديدة صحيحة لكن اخترنا الطريقة الاسهل الصورة الكويسة قدام المجتمع ونعيشوا الحياة يلي نتمنوها من حب ولهفا وشوق وشغف في السر ونسينا ان الله لايهدي كيد الخائنين 💔 المره هذه عكس المره الاوله ماقاومتش ادريس ابدا بالعكس كنت ملهوفه عليه زيه

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

سالمين :::::: مصح وجوههم من وين جايبن الجراء بس واضح طامعين
غالية ::::: نسمع فيها انى بنمشيلها 😠
رشيدة:::: غالية البنت بنتها بتعطي باهي ماتبيش حره
غالية ::::::😤
هارون :::::: مش قلتولهم لا خلاص صكرولنا هالقصة وركب لداره
استبرق :::::::💔😭😭 علاش ماقلتليش
ناصر ::::::: 😔 وانى شن عرفني هكي بديروا حتى بتردونا ردونا زي الخلق امي من بكري رقيلها الضغط ومريضة ، استبرق انى نحبك شوفي اهلك تصرفي
استبرق:::::: ماننقدرش نعارض اهلي ارجوك افهمني
ناصر ::::::😠 والله نفهمك صار ليك سنه معاي باش في الاخير هكي تقولي وصكر في وجهها
استبرق :::::::😭😭💔

~~~~~~~~~~~~~~~~~~~~~~~~~~~~~

ادريس:::::: حاضن العنود ، ندوش عالسريع ونطلع نجيب حاجه ناكلوها تمام ❤️
العنود :::::: ا… رن تلفوني اووو 💔 قداش الساعة
ادريس :::::: شاف لساعته 8:30
العنود :::::: وقفت نلبس بسرعة وطلعت خديت تلفوني 💔. ايوه
معمر ::::: كملت اهو جايك
العنود ::::: اها توا نجي بروحي
معمر. ::::: لعب صغار هو ؟؟ هيا اوصفي المكان
العنود ::::: في ال&&&& الحياش المقابلين البحر
معمر ::::: 🤨 مش قلتي في &&
العنود ::::::😳 اها انى طلعت ملخبطة اهو بنطلع. نستناك عالشارع اوفف صكرت وتلفتت
ادريس :::::: مطبق يديه وواقف في الباب بتروحي !
العنود ::::::: ايه خديت عبايتى لبستها وقعدت نساوي في وشاحي
ادريس :::::: اعطينى رقم تلفونك الجديد
العنود :::::: باهي 💔
ادريس :::::: توا ورني عليا توا
العنود :::::: ادريس 🥺
ادريس :::::: ردي بالك تقولي انسى يلي صار ردي بالك توا واضح انك مستعجله اتصلي بيا ونهدرزو
العنود ::::::: فتحت تلفوني واتصلت بيه افتحلي السيارة بناخد منها حاجاتي
ادريس :::::: تمام نلبس تشرت و…
العنود ::::::: لالا افتحلي من الباب
ادريس ::::::: اممممم باهي
العنود ::::: تلفتله وانت قاعد هنى ؟؟ 😏 اها حق انت ماتحبش الحنة عندك سبب
ادريس :::::: شد يدها كان صبعها ملبز بالحنه حطه في فمه وبعدها باسه انى نحبك انتِ بس
العنود :::::: طلعت مشيت للسيارة خديت حاجاتي ووقفت نستنى شوية وجي معمر ركبت وانى نرعش خايفة حاسه انه بيكشفنى في اي لحظه
معمر :::::: خيرك !!!
العنود :::: خيرني 😳
معمر :::::: شكلك ابصر كيف
العنود :::::: شيء بنرقد بس

~~~~~~~~~~~~~~~~~~~~~~~~~~~~

غالية ::::::: مدام من الاول عارفه اهلك علاش مكلمتيه زمان حركات يديروا فيها الولاد هذه توا حتى انتِ البنت هكي !!!
استبرق :::::: ارجوك غالية خلينى في حالي توا 😢 نحبه والله العظيم نحبه
غالية::::: معنها انزلي لامك توا قوليلها
استبرق :::::: مانقدرش
غالية :::::: باهي احكي لهارون صح هو حيوان لكن عنده قلب
استبرق :::.:: مانقدرش 😢 نخاف منه
غالية ::::::: باهي نكلمه انى 🌚انى مانخافش منه
استبرق :::::: لكن متقوليش انى مرتبطة بيه او حاجه هكي
غالية :::::: باهي 😒

~~~~~~~~~~~~~~~~~~~~~~~~~~~~

العنود :::::::: خشيت حطيت الحاجات
معمر :::::: ماجبتيلي شيء معاك !!
العنود :::::: شن بنجيب !!
معمر :::::: اكيد توا الضيافة اشكال الوان الجيهة كلها حياش راقية
العنود :::::: والله !! عرس هو قال ماجبتيلي شيء قال
معمر :::::: وكان هذرزتي مخليه راجلي بروحه وشن بيديرلي العشي توا و الجو هدا راهو عطاتك
العنود :::::: قداش حسيت بالقرف منه مع انه كلام يقول فيه ديما 😡 خشيت دوشت ورقدت طول درت تلفوني صامت وحطيته تحت المخده ووليت لنفس الوضع الاول الخوف والقلق 💔

~~~~~~~~~~~~~~~~~~~~~~~~~~~~~~

غالية ::::: طلعت ندور فيه كانت الساعة 12 لقيته يدخن في الجنان ، هارون ؟
هارون :::::: هلا
غالية::::: نقدر نهدرز معاك شويه
هارون ::::::: اكيد شن !!
غالية :::::: ناصر يلي جي اليوم ، راجل كويس اقنع امك وتدخل في الموضوع 🥺
هارون ::::::🤨 علاش جايبتيه انتٍ لها
غالية ::::::: انى !!!! علاش بنجيب لاختك كان جايبته انى راهو جبته لروحي راجل مش ناقصاته حاجه
هارون :::::: غالية !!!!😡 جايه تقنعي فيه والا تستفزي فيه !!!!
غالية :::::: علاش بنستفزك 😔
هارون :::::: هي تبيه ؟؟ تعرفه قصدي ؟
غالية :::::: تذكرت لما قالتلها متقوليش ، لا
هارون :::::: خلاص بنتهم يعطوها لمن يبوا لو تبيه نوقف معها مدام هي ماتعرفاش تتفاهم مع بوها وامها وعارفه راجل كويس من هدرزته واضح بس مش ضروري كل واحد كويس نناسبوه
غالية ::::: طبعا اهم حاجه الفلوس عندكم ووضعه المادي
هارون :::::: غالية فوتي الحقد عالموضوع هذا تعالي نهدرزو زي اي اثنين عاقلين في موضوعنا حنى
غالية :::::: اي موضوع هارون اي موضوع ترا قولي !!! اصلا مافيش حاجه اسمها حنى ورن تلفوني شفته 🤦🏻‍♀️ مافيش حاجه تتغير سنه سنه ونرجع نلقا جنات هارون حسام حياتي تقول خليتها امس شن هالهم وجيت بنخش
هارون :::::: حسام ؟؟ حساااااام قاعدين في نفس الجو الاول حنى غالية من وين طلع هذا من ثاني يوم روحتي فيه من وين طلعلي مايهنيش روحه لين نقتله
غالية:::::::😒 ايه النبي اقتله وخش انت الحبس وفكوني منكم الزوز وخشيت

~~~~~~~~~~~~~~~~~~~~~~~~~~~~~

#ثاني_يوم

العنود ::::::: نضت جهزت الفطور
معمر :::::: مقعمز يفطر
العنود ::::::: اشري مكيف خلاااااص بنموت من الجو انى
معمر :::::: بي شن ؟؟
العنود :::::: طلعتله فلوس
معمر :::::: العنود حنى نلموا في فلوس باش نديروا زرع مش وقت مصاريف توا
العنود ::::::😠 صغار شن يلي بنجيبهم باش نبهدلهم معاي في هالفقر ياسر انى وانت تي مكيف مش ملحقين عليه حوايجي من عرسي عبايتى لها سنة عندي قال صغار انى مانبيش نجيب صغار تبي صغار طلقني وتزوج وحده تجيبلك
معمر ::::::😡 صبح صبح وخبط الباب وطلع
العنود ::::::: قعمزت وشديت رأسي بيديه دق الباب ايه ايه 😠 انسى مفاتيحك وتعاله دق مشيت فتحت 😳 ا … ادريس شن ادير هنى
ادريس ::::::: دفها وخش
العنود ::::::: 😰 نهاري توا يجي كان يولي مشيت نجري شفته من الروشن ركب افيكو😪 علاش ادير هكي علاش كيف عرفت عنواني ؟؟؟؟
ادريس ::::::: ركبت ولحقتك البارح خفت العنود خفت اديرها ثاني فيه وتختفي المره هذه نموت
العنود :::::::: 😳 تبعتني ( الحق اللحظه هذه خفت من ادريس انه لحقني بالسيارة وانه جي للحوش حسيته يخوف 💔💔) باهي اطلع توا يشوفك حد من الجيران
ادريس :::::: يشوفلها بتركيز وعصبية 😡
العنود :::::: توا انتبهت كنت لابسة شورت قصير وبدى كط
ادريس ::::::: اموركم تمام !!!!!
العنود ::::::: بلعت ريقي لا تمام لاشي كيف تعاركنا قبل مايطلع
ادريس :::::: قرب منها
العنود :::::: ارجوك ادريس مش في حوشه 💔
ادريس :::::: تمام اسمعي بترجعي العمل راهو نستنى فيك
العنود :::::::: مش عارفه
ادريس :::::: نبي نشوفك
العنود ::::::: غر اطلع توا بعدين ساهل
ادريس :::::: فتح الباب بيطلع بعدين رجع شدها من خصرها وباسها في رقبتها بقوة لين خله اثر
العنود ::::::😳 حطيت يدي علها خيرك !!!
ادريس :::::: باش تطري تلبسي مغطي قدامه
العنود :::::::: صكرت الباب وراه وانى ميته خوف 💔 ادريس تغير اسلوبه يخوف شجاعته انه يجي في الحوش !!! حتى انى لو سايرته كان عادي يبي يصير شيء بينا هنى 😳 يعنى مش خايف لو يجي معمر !!! تذكرت وقتها لما جي بيطلع المسدس على جمعة 💔

~~~~~~~~~~~~~~~~~~~~~~~~~~~~

غالية :::::: يتصل بيا رقم غريب رديت الو
صوت مرأة ::::: اهي ردت الو كيف حالك غالية
غالية :::::: الحمدلله من معاي ؟
المراة::::: انى اخت حسام خديت منه الرقم
غالية :::::: اها اهلين تفضلي
المراة :::::قتلك غالية اليوم العيلة دايرين ليا حفل استقبال بسيط في الحوش ونبيك تحضري
غالية :::::: انى !!!!
المراة:::::: ايه انتِ وحتى امي وحسام يتصل من امس بيقولك ماحصلكش
غالية ::::: اها خلاص نشوف ان شاءالله
المراة:::::: ضروري تجي العيلة كلها شاده فيك عاد
غالية ::::: تمام سكرت ونضت لامي انى بنطلع نهى قالتلي فيه محل للايجار في شارعنا بنمشي نشوفه اي واخت حسام عزمتنى الليلة
رشيدة ::::: على شن
غالية::::: مديرين لها حفلة استقبال
رشيدة:::::: بتمشي ؟؟؟
غالية ::::::: عالاغلب
رشيدة :::::: باهي متقوليش قدامه فكينا من الدوشة
غالية ::::: هههههه كان نعرف علاش خايفة منه هالخوفه وطلعت
جنات :::::: غالية
غالية:::: نعم
جنات ::::: فكرتي في يلي قتلك عليه
غالية :::::: انى مش للبيع
جنات ::::::😏 مش تحبيه
غالية :::::: سكتت
هارون ::::::: صباح الخير
جنات ::::::: نوصلوا غالية على طريقنا وله وغمزت لغالية 😉 بيحطني في الجامعة وركبت
غالية :::::: ركبت من الخلف لسبب واحد بس بيقول غارت لو رفضت
جنات ::::::: وصلني انى الاولة
غالية :::::: انى حطوني في راس الشارع توا نمشي
هارون::::: توا نوصلك 😒 ووصل جنات
جنات ::::: انزلي اركبي من قدام
غالية :::::: مافيش داعي
جنات :::::: نوضي !
غالية :::::: برى اقري قرايتك سلم بنتى
جنات :::::: خبطت الباب ومشت
هارون :::::: وين ماشية ؟ لحسام !!!
غالية :::::: هاهاها بايخة بنمشي لناصر
هارون :::::: شد فرين ووقف السيارة وين ؟؟
غالية :::::: اوووف تي نبصر خيرك 😒 بنمشي نشوف محل للايجار
هارون :::::: واقف وساكت والله والله ياغالية مانبي نزعلك والا اقسم بالله نقدر ندير حاجات ماتتخيلها لهذا ماتجبرنيش
غالية ::::.: 😒
هارون::::: حرك السيارة وطلع وصلها ومشي لعمله
غالية :::::: شفت المكان وعجبنى اتفقت مع صاحبه وروحت جهزت روحي لبست قفطان حاير بيج من فوق سواري ودرت شعري بالفير وطلعت مشيت

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

هارون :::::: وين غالية
رشيدة :::::: اها عندها بيان صاحبتها مشت
هارون::::: 😳 من رفعها ومن بيروح بيها
رشيدة :::::؛ صاحبتها تسوق
هارون :::::: طلع تلفونه اتصل ماردتش شاف لرشيدة كلمها تكلمنى وين بتروح
رشيدة::::: 😳 لا ماتجيش ياولدي توا تجيبها صاحبتها
هارون :::::: خدي تلفونه ودخانه وطلع برا

غالية ::::::::: كانت سهرة حلوه مع 11:30 قلتلهم بنروح طلعت لقيت حسام اصر يروح بيا وميخالنيش نروح في تاكسي وانى هكي لابسة وحاطة مكياج وصلني نزلت
حسام ::::: فتح الباب ونزل غالية
غالية ::::: نعم ؟
حسام ::::: شكرا لانك جيتى
غالية ::::::: نشوف وراي للباب العفو شكرا ليكم
حسام :::: قرب منها غالية بجد كل اهلي حبوك وهذا شيء يفرحنى لانه انى…
غالية:::::: حسام ليل خل نمشي توا
حسام :::::: استنى وشد كثافها
غالية :::::😳 نشوف ليديه !!!
حسام :::::: قرب وجهه من وجهها
غالية :::::: قبل مانتكلم 💔
هارون ::::::😡 شن ادير ياحيوان ودفه لين طاح
غالية ::::::😳هارون هااااارون حول مليكش علاقة

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

العنود ::::::: اتصل بيا ادريس ياكد عليا باش نجي ونرجع للخدمة
ادريس :::::: امته رجعتوا انتم من المغرب !!
العنود :::::: من انتم ؟؟
ادريس :::::: مشيت بعد اسبوعين تقريبا سألت عليك لقيت نفس الراجل متع ليلتها قال البنات سافروا للمغرب
العنود:::::: من ؟؟ كيف ؟؟؟😳 وقتها تأكدت انه جمعة شافنا هذيكة الليلة ودار هكي قصدنا 💔💔باش يبعد ادريس

~~~~~~~~~~~~~~~~~~~~~~~~~~~

حسام :::::: حول يا 🚫
هارون :::::::: هذه مرتي مررررررتي
حسام :::::::😳
غالية :::::::: هارون خلاص بلا كذب موضوع وانتهى💔
هارون :::::: وهو مطبس بيضرب حسام كانك مش مصدقة بري طلعي ورقة بوضعك الاجتماعي
غالية:::::😳😳😳

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى