رواية جنون عاشق الحلقة التاسعة .. الكاتبة صفاء | القلم الناجح
روايات ليبيه كاملة

رواية جنون عاشق الحلقة التاسعة .. الكاتبة صفاء

جميع حقوق الطبع والنشر محفوظة

رواية جنون عاشق الحلقة التاسعة

#جنون_عاشق

الحلقــــــــــ (9)ـــــــــة

العنود ::::::: كيف وصلت العمل اتصل معمر الو
معمر ::::::: مش ح تصدقي البارح اتصل بيا واحد قال فيه 3 خوت بانين حياش مع بعض يبوا يخدموا كهرباء لحياشهم ويبوني في الجبل وهم مستعجلين يدفعوا قد مانبي المهم نمشي ونخدمهم بسرعة
العنود ::::::😳 فهمت انه ادريس هو يلي دارها ، كيف معقولة ماعندهمش اسطى كهرباء في الجبل بكبرا
معمر :::::: 😠 توا نقولك الناس عجبتهم خدمتي وانتِ هازيه عليا
العنود :::::: مش هازية 💔 قصدي هضم بياخدوا وقت
معمر :::::: باهي شن ندير لو ماعندكش عمل كنت رفعتك معاي حتى تغيري جو لكن عارف ماتقدريش انى مش ماشي طول بنكمل خدمتي هنى ونجيك نقعد يومين ثلاثه بعدها نمشي
العنود :::::: تمام وصكرت منه وانى نفكر ادريس هو يلي جابله الخدمة من وين طلعت كان مش هو

~~~~~~~~~~~~~~~~~~~~~~~~~~

سالمين :::::: هذا بالك يبى بنتك هذا علاش يبها تسكن عنده
رشيدة :::::: زعما هي شاده في القصة
هارون ::::::: 😡 طلع طول لحوشهم 💔

نهى :::::: غر امس شفتها بعد المغرب نازلة من شقة في && قلت ماشاءالله شكلها حصلت اجرت مره ثانيه بنلحق علها نسلم ماصارش
غالية :::::: شقة 😳 متأكده انها العنود
نهى ::::: ارتبكت وخافت مش عارفه الحق انى كنت نسوق من الطرف الثاني من الطريق ولم لفيت مالقتهاش
غالية :::::: نشوف للساعة يلي في يدي 😳💔
نهى ::::::: خلاص غالية انى اليومين الجايات نجيكم نهدرز ان شاءالله هيا بالسلامة سلمى على امك والعنود
غالية ::::: قلت بالسلامة وقعت واقفة مصدومة مانكذبش عليكم جت في بالي القصة يلي حكتهالي البارح طول 💔 معقولة !!!!! سمعت الباب يخبط في خبطة قوية طلعت والساعة قاعده في يدي
هارون :::::::😡 عيونه حمر وفيه عرق في جبهتة بارز ، بصوت عالي بتمشي تسكني عنده ؟
غالية ::::::: وانى مش قادره نركز من الافكار يلي في رأسي 💔☹️ من هو
هارون :::::: خش وصكر الباب ماتكذبيش سمعت امك توا بتمشي تسكني عنده !!!! شن صار بينكم غالية يومهاااااااا 😡 شن صار
غالية ::::::: توا فقت وركزت بس من علوا صوته ، 🤕 من هو قصدك حسام ؟؟
هارون ::::::: قصدي 🤬🤬🤬
غالية :::::::😳 انت قدام من تسب 😡 وعلى من تعلي في صوتك وانى نتكلم قمت يدي يلي شاده فيها الساعة
هارون ::::::😳😡 هذه من من وشد يدها من الرصغ وصكر علها يده بقوى من من هذه هو وله هو جابهالك
غالية:::::: 😳 اهااااا هارون يدي ضربته بيدي الثانية على كثفه حول يدي هاااااارون 💔
هارون ::::::: خدي منها الساعة بيده الثانية وطلق يدها بقوة
غالية ::::: لين تحركت من مكاني لما طلق يدي
😡 استرجل على راجل زيك مش توري في عضلاتك على بنت 💔
هارون :::::: من من هذه 😡 ماتكذبيش وتقولي مقلده وابصر شن هذه اصلييييييه وحدفها عالصالون من من ؟؟؟؟،
غالية:::::: نسيت يلي داره وكانه اكدلي شكوكي 💔 🥺 شفتله بحزن وترجي ، اصلية وله ؟؟؟
هارون ::::: 😳 غالية خيرك
غالية ::::::: حطيت يدي على خشمي وانى نحاول ناخد شهيق ونرمش في عيوني بسرعه باش مانبكيش
هارون :::::: معرفش كيف يتصرف خشت للمطبخ عباء طاسة امية وجي
غالية ::::::: ساكته خديت منه الميه وقعدت شادتها بيده الزوز
هارون ::::::: غالية !!!!! ليك الساعة والا لا
غالية :::.::: تحشمت نقول للعنود رجلها مش قادر يأجر حوش يلمهم من بيهدها هدية هكي 💔 مش ليا
هارون ::::::🤨 لمن !!!!!
غالية ::::::: صاحبتي مخليتها عندي ماتقدرش تروح بيها للحوش
هارون :::::: تنهد براحة ، باهي بتحولي عنده ؟؟؟
غالية:::::: شن من ؟
هارون :::::: الزفت حسام 😒
غالية ::::::: صدقوا في وقتها ماكنتش مركزه معاه والا راهو ولعت فيه 😒 ،، تي مش حسام حوش جده من قالك انت
هارون ::::::😠 جده والا هو شن الفرق علاش بتحولي عنده
غالية::::: تي واااااك ووقفت ، خدمه زي هنى وجده بروحه كنت بنحول لما درت الموقف بعدها فتت الموضوع
هارون :::::: امك ماقالتش هكي قالت غالية مصره
غالية ::::::: ياصبر ايوب 🙄 مش محوله ، وحتى وكان نحول نسافر نموت نندفن شن ليك علاقة ، توا عندي موضوع ياريت تطلع لانى بنجهز روحي ونطلع
هارون :::::: شن فيه وضعك مش مزبوط
غالية ::::::: ندف فيه من كثفة خلاص هارون خنقتنى راهو
هارون :::::: وين بتمشي
غالية ::::::: فتحت الباب بنمشي للعنود خلاص ارتحت توا ؟
هارون :::::: تمام انى ربع ساعة ونكون نستنى فيك برا ومشي
غالية :::::: صبر ياربي وهو بدي لصق فيه طول اليوم 🤦🏻‍♀️
شفت الساعة 💔 معقولة يلي نفكر فيه ياربي لا صورتها ورديتها مكانها خشيت نجهز في روحي بسرعه

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

العنود :::::::خشيت على مكتب ادريس صباح الخير
ادريس:::::: صباح الورد والياسمين
العنود ::::::::☺️ روحت للحوش والا جيت طول ؟؟
ادريس ::::::::: روحت غيرت وجيت
العنود ::::::: ماصارتلكش قصة لانك مروحتش البارح ؟؟
ادريس :::::::😉 ماتخافيش انى ماحد يقدر يديرلي قصة
العنود ::::: تعرفوا بعضكم قبل الزواج 💔؟
ادريس ::::::: سيب يلي في يده وشافلها 😍تغاري ؟
العنود :::::::: 💔 مش من حقي
ادريس ::::::::: وقف جبدها من يدها وقعمز عالصالون وقعمزها على رجله ،، انتِ من حقك كل شيء
العنود :::::: احكيلي
ادريس :::::: شيء قرارت نتزوج وليد نعرفه قال عندي اختى تعاله شوفها مشيت شفتها وتمينى الموضوع
العنود :::::: خاطري نشوفها 💔
ادريس ::::::: خيرك تسألي هلبا اليوم ؟
العنود :::::::: قمت كثافي بمعنى مش عارفة ، خيرك انت تعرف كل شيء عليه ( قصدي معمر )
ادريس ::::::: ☹️ ومن قالك يلي يعرف يرتاح
العنود ::::::: ا… دق الباب نضت وقفت
ادريس ::::::: قام ملف في يده تفضل
هناء :::::::::: جي استاد عادل
ادريس:::::: تمام دخليه
العنود ::::::: طلعت مش عارفه علاش مقدرتش نسأله هو يلي جاب الخدمة لمعمر والا لا

~~~~~~~~~~~~~~~~~~~~~~~~~~~~~

غالية :::::: طلعت من الحوش لقيت جنات واستبرق يفطروا في الجنان ويصوروا في سنابات طلعت بدون مايشفوني ماعنديش نية نتكلم مع حد اول مطلعت لقيته يستنى فيه من جده هذا 🤦🏻‍♀️ ركبت امته عينتك سواق عندي مش عارفه
هارون::::: حتى الخير ماينفع فيك
غالية::::: ماحد طلبه منك بعدين قولتك دير الخير في حاجه تتمر خيرلك
هارون :::::: ماتبيش تقوليلي خيرك واضح مش على بعضك
غالية:::::: شيء شيء….. شوية ورن تلفوني كملت 💔 ايوا حسام
هارون :::::::🤨
حسام :::::: غيرتي عملك اليوم من الساعة 2 ل 8 بدل الصبح خيرك ؟
غالية :::::: امس. كله تصوير لقيت روحي تعبانه قلت عالاقل الصبح نرقد شوية
حسام ::::::: اها تمام
غالية::::: وانت ؟؟
حسام :::::: نخدم من الصبح نكمل ال 5 معنها نتلاقوا إن شاء الله
هارون :::::: بصوت متعمد يوصله لحسام نطلع من الشارع هذا
غالية :::::: 🤨خلاص نتلاقوا حسام وصكرت
هارون :::::: نطلعوا من هنى ؟؟؟
غالية :::::: خلاص حسام عرف انى معاك اطلع من وين ماتبى 😏
هارون :::::: ضحك وسكت
غالية ::::::: وصلني نزلت بعد ماشكرته ايدي على قلبي وخايفة كيف بنوجهها شن بنقول سالت ركبوني لها
العنود ::::::😳 غالية شن اديري هنى امي فيها حاجه صايره حاجه ؟؟؟؟؟
غالية::::: مافيه شيء خيرك ماتخافيش نبيك شويه بس
العنود ::::::: تعالي وخشيت بيها لقاعة الاجتماعات احكي
غالية:::::: كنت متحشمة نسألها 💔 ، امس وين عزموك صاحباتك ؟
العنود :::.. شكيت في شيء ، سمتلها اسم مطعم 💔 علاش!!!
غالية :::::: يعنى مش في منطقة ال &&&
العنود :::::: هنى تأكدت انه فيه شيء 💔💔 لا لكن فيه وحده من البنات خدينها من العمارات غادي وروحنا بيها ( قلت هكي باش لو حد شافي في الصبح او الليل تحسابه لما نوصل في البنت ، يمى قلبي بيطيح خايفة موت علاش الرعاش هذا كله 💔💔)
غالية :::::: ارتحت شوية ، طلعت. تلفوني ووريتها الصوره العنود هذه الساعة يلي جابوها امس ليك هدية ؟؟؟
العنود ::::: عرفت انه غالية شاكه ،،،، لالا فرق هدايهم حسبوا العزومة هدية هذه وحده من البنات مخليتها امانة عندي ماتقدرش تروح بيها
غالية :::::: هذه المتزوجة يلي حكيتي علها امس 😡؟
العنود :::::: ايه 💔
غالية :.:::: فوتها الحقيرة ماتساعدها في شي خل تحول شوكها بيدها. توا
العنود ::::: توا نردها لها
غالية ::::::: تمام انى خل ننوض نمشي لخذمتى
العنود ::::: طلعت معها لقينا ادريس
ادريس ::::: ابتسم وكمل طريقة
غالية:::::: من هذا ؟
العنود :..:: هذا المدير خيرك
غالية ::::::: سلمت علها وطلعت وانى ضميري يأنب فيه كيف نشك في اختى يلي من لحمي ودمي ماهو يلي مربينا واحد معقولة نشك فيها هكي 💔💔 مشيت للعمل فاتوا ساعات كمل حسام وجاني

حسام :::::: شن صار
غالية ::::::: امي رفضت
حسام :::::::😒 معقولة مقدرتيش تقنعها
غالية ::::: كان نقدر نقنعها في الموضوع هذا راهو توا مش ساكنين في حوشهم
حسام :::::::💔 حصل خير
غالية:::::: شكرا ليك وجدك ح نمشيله ديما في كل الاحوال
حسام ::::: ان شاء الله وطلع

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية ::::: روحت لقيتهم مجهزين العشي قعمزت تعشيت معاهم ومع الساعة 9 اتصل هارون 🤦🏻‍♀️
ايوه
هارون :::::: شن حالك
غالية :::::::خيرك من حالك علاش !
هارون :::::::: 😏امبكري كنتى قالبة وجهك قلت نسأل عليك
غالية ::::::: شكرا
هارون ::::::: اطلعي برا نشوفك شوية
غالية :::: لا
هارون :::::: علاش
غالية:::::: شن بتشوف فيا !!
هارون :::::: نبي نشوف بعينى باش نطمن عليك
غالية::::: هارون حالك باهي 🙃!!!
هارون :::::: والله الاسلوب مايمشي معاك وصكر في وجهها
غالية :::::: رجعت قعمزت مع امي والعنود ربع ساعة واتصلت سالمين باامي ونسمع في امي تقوللها عادي توا نجي هي
رشيدة ::::::: صكرت قالت هارون قال نبي نضم داري توا قالتلي تعالي والا ابعتي وحده من البنات
غالية :::::: فهمته انه قاصدها وعارف انى مش ح نتعب امي في هالليل قلتلها اقعدي توا نمشي انى
رشيدة::::: انتِ من الصبح في العمل
غالية :::: يعنى انتِ يلي مقعمزه ونضت خديت وشاحي وطلعت

استبرق :::::::☹️ تعرفي استغربت انه بيدخل حد يضم داره قبل مستحيل حد يمسها
غالية::::: انى مااستغربتش 🤷🏻‍♀️ وركبت دقيت عالباب وخشيت
هارون ::::: متكي عالسرير لابس نظرات ويقرا في كتاب
غالية ::::::: حطيت يدي في جنبي ووقفت نتفرج عالدار توا بالله هذه شن بنضم فيها
هارون ::::: قعمز وصكر الكتاب وين نندري عليك
غالية::::: هارون 😒 والله ماني فاضية
هارون :::::: ابدي باهي باش تكملي بسرعه عالاقل امسحي الغبره
غالية :::::: شديت تشرتي تي اي غبره الغبره يلي عليا انى اكثر من الغبرة يلي في دارك
هارون :::::: ضحك رتبي الادرج والا ديري اي حاجه
غالية :::::: تحسابني مش فاهمة يلي في راسك وقعدت نفتح فيهم جيهة ساعات جيهة ازرار اها مش بطم ازار 🤪من كثر ماهم راقيات جيهة اساور رجالية جيهه خواتم فتحت يلي بعده عطور وكريمات شعر صكرتهم وتلفتت هارون والله ماني ماستهم راهو كل حاجاتك مرتبات بلا طروح
هارون :::::: باهي حطي السواري هضم في الدولاب ورتبيهم حسب الدرجات
غالية ::::::: قمت سورتين توا هضم شن فيهم درجات الزوز بيض
هارون ::::::🤦🏻‍♀️ مش معقولة وزعميتك مصوره غالية
غالية :::::: شفتلهم هذا ابيض وهذا تحسه ابيض امسخ
هارون ::::::: هههههههههههه واك ابيض امسخ صار
غالية :::::: هارون شن تبى
هارون ::::::: نطمن عليك بس واطمنت توا
غالية :::::: تي انت ليش نادر روحك للقضية
هارون :::::: اسمها ليش مهتم بيا مش نادر روحك للقضية !
غالية :::::: باهي لي….دق الباب
فارس :::::: هارون
هارون :::::: شاف لغالية اخطي هكي وفتح الباب وطلع شنج
فارس ::::: نبيك شويه
هارون ::::::: تعاله ننزلوا
غالية:::::: حطيتهم في الدولاب فوق بعض وطلعت روحت

~~~~~~~~~~~~~~~~~~~~~~~~~~~

#بعد_يومين

العنود ::::: مقعمزين عشية انى وغالية دق الباب وقفت فتحت 😳 معمر !!!
معمر ::::::: اهلا كيف حالك
العنود :::::: الحمدلله ماقلتش جاي
معمر :::::: جبدها حضنها مااشتقتليش والا شن
العنود :::::: ☺️ اكيد خش غالية في الحوش وحولت منهم
معمر :::::: خش غالية كيف حالك
غالية::::: اهلين الحمدلله تفضل
معمر :::::: وين خالتي رشيدة املاه
غالية :::::: اليوم واحد من الحياش يلي تخدم فيهم دايرين اسبوع عشي مشت من الظهر
معمر :::::: اها باهي كويس
غالية ::::::: خشيت درت قهوة وطلعت تفضل انى بنمشي نشوفهم بالك يبوا حاجه وبندير العشي غادي
العنود :::::::😳 توا يديروا بروحهم بلا جو ماتكبريش روسهم
غالية :::::: شديتها عالباب خودوا رحتكم مدام امي. مش موجودة
العنود ::::: كنت بنموت كيف بنتصرف 💔💔 خشيت قتله ندير عشي ؟؟
معمر ::::::: غر قعمزي توا خديت سندوتشات في الطريق
العنود :::::: قعمزت جنبه وهو يحضن ويبوس 😷 وانى منقرفه من روحي ومنه وضميري مأنبني وشعوري متلخبط

~~~~~~~~~~~~~~~~~~~~~~~~~~~~

غالية ::::::: خشيت لقيت سالمين في المطبخ قعدات نساعد فيها جهزنا العشي حطتيه معها عالطاولة
سالمين :::::: تعالي ارفعي هذا لاختك وراجلها مستحيل ادير توا
غالية ::::::: تمام خديته ومشيت عطيته للعنود وقتلها عندي خدمة مازال بنظم المطبخ خشيت غادي نسمع فيهم يهدرزو ويضحكوا ما حبيتش نزعجهم قعدات نحوس في المطبخ
هارون ::::: كمل وخش للمطبخ غالية!!! من امته انتٍ هنى
غالية:::::: من المغرب
هارون ::::: وعلاش ماجتيش للعشي
غالية::::::😒 مانقعمزش مع بوك في نفس الطاولة
هارون :::::: غالية شن ديرلك هو !
غالية ::::::: هارون فوت انت في نظرك بوك مظلوم فلوسه مخنوبات ومع هذا يستنى فيهم بالتقسيط وانى في نظري اتهم بوي زور ونصب عليه والقصه هذه مستحيل نتفقوا فيها لهذا مافيش داعي نتكلموا
استبرق :::::::جبتيلي صوري غالية متع العرس
غالية ::::::: غدوا نسحبهم
هارون :::::: درولنا قهوة وطلع

~~~~~~~~~~~~~~~~~~~~~~~~~~~~

معمر :::::: غسل يديه وجي
العنود ::::::💔 ندير قهوة ؟؟
معمر ::::::: فوتها توا بنديروا حاجات ثانيه 😉
العنود :::::: معمر انى …. انى … انى عندي العذر الشرعي
معمر ::::::😒 توا نجي مره كل اشبح قداش هدا وقتها ؟؟
العنود ::::::: 😠 توا حتى حاجه ربي نتحكم فيها
معمر :::::::😡 ضاعة الجيه عالفاضي
العنود :::::::😳 شن قصدك انت متجيش الا على خاطر الموضوع هذا ؟؟؟؟؟
معمر ::::::: ماقصدي شيء وقعمز منكد شوية بعدين ناض طلع باكو صغير من دجاكته هذا ليك
العنود ::::::😳 شن هذا
معمر :::::: صاحب الحوش خاطب سمعته يوصي على وحده لخطيبته وصيت معاه
العنود :::::: فتحتها سلسلة دهبيه مكتوب فيها العنود وتحتها معمر الاسماء مشبكات في بعض ❤️ الله قداش فرحت بيها اكثر من الساعة يلي من ادريس مع انها اغلا وارقئ بس حسيته انه فكر فيه وهذه ساده لو عطهالي قبل مانكذب ونقول عندي العذر الشرعي ممكن تصلحت علاقنا
معمر :::::: مش دهب راهو تمسها الميه
العنود ::::::😍😍 يسلموا بجد فرحتنى

~~~~~~~~~~~~~~~~~~~~~~~~~~~~~

غالية :::::: طلعت قعمزت في الجنان قعمزت عالارض
هارون :::::: خيرك قاعده هنى
غالية:::::: العنود رجلها جي. قلت نخليهم على رحتهم
هارون :::::😉 تفهمي في الجو
غالية :::::::😒
هارون :::::: تعرفي حتى بنكدك هذا حلوه
غالية::::::😳 لمن قلتها ليا ؟
هارون :::::: قعمز جنبها محدش قالك قبل انك حلوه
غالية :: :::امممم هلبا
هارون ::::: خلاص سحبت السؤال
غالية :::::: ولد جيران اوس واستاد الفيزياء في اول اعدادي و…
هارون :::::: شد رأسها بقوى وصكر فمها بيده خلاص صكري فمك بطلت مانبيش نعرف وحط يده على كثفها وضمها ليه
غالية ::::::🌚 نشوف في يده يلي على كثفي هذا خيره حركت روحي شوية
هارون :::::: سحب يده شن صار مع حسام
غالية::::: شفتله ورجعت نشوف قدامي شيء شن بيصير قلتله لا مش عارفه انتم علاش عالقين في قصة حسام حسام زميلي بس مش حتى صديقي
هارون :::::: وحتى هو هكي يفكر هذا علاش جي تعرف عليا لانه يحسابني خوك
غالية:::::: مسألتاش علاش تعرف عليك ومش هامنى الموضوع
هارون :::::: ❤️ باهي كويس
رشيدة :::::: خشت من الباب
غالية :::::: هذه امي نضت مشتلها من وصلك
رشيدة :::::: هم
غالية :::::: معمر هنى
رشيدة ::::: اها كويس

~~~~~~~~~~~~~~~~~~~~~~~~~~~~~

#ثاني_يوم

العنود :::::: سلم معمر ومشي للحياش يلي في الجبل جهزت روحي ومشيت للعمل
غالية::::: جهزت روحي وطلعت لقيت هارون يستنى فيه وكاني بديت من روتينه ❤️ ركبت معاه وصلني للعمل وبدا يومي

العنود :::::: وقع حتى هنى وطبست عالطاولة
ادريس :::::::😳😡😡😡 شن هده
العنود :::::: وقفت شن ؟؟
ادريس :::::: دف الوشاح على جنب وشد السلسلة بيده شن هااااااادي
العنود :::::::😔 جابهالي البارح و …
ادريس ::::::: تمشي فينا الزوز تمشي فيناااااا مع بعض
العنود :::::::😠 ادريس هذا راجلي خيرك
ادريس :::::::: 😡 شن هو شن تقوي انتِ اقسم بالله نقتله وشح السلسلة قطعها
العنود ::::::: خفت وقعدت نرعش مع بعضي اول مره نشوفه هكي
ادريس ::::::: فتح الخزنة طلع سلاحة وتوجه للباب
العنود ::::::: سبقته نجري صكرت الباب بالمفتاح خلاص قطعتها انت خلاص
ادريس :::::: عيونه حمرا ، والله العظيم نقتله باهي نقتله 😡😡
العنود ::::: شديت يديه وسحبت السلاح منه وحضنته خلاص خلاص
ادريس :::::: انتِ ليا انى بس
العنود :::::: بخوف اي ليك انت
ادريس :::::: هدي صوته وبدى يتكلم بالشويه قولي انى ليا انت بس ادريس
العنود :::::: بدت تهدا بالشوية انى ليا انت بس ادريس
ادريس ::::: وخر شويه شاف لعيونها وقرب باسها شويه وقامها حطها عالصالون و🔞

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية :::::::: كملت من المصور مشيت للصدلية مع الساعة 5 روحت

العنود :::::::: قعمزت نبكي هذا يلي خايفة منه تفضلي هي تصنفي في الاخطاء درجات هذه اعلاء درجة وصلتها اليوم ان شاء الله تكوني سعيدة 😭😭😭
ادريس ::::::: خش جايب في يده اميه خلاص كل الموظفين طلعوا خلاص حبيبتى وقرب بيحضنها
العنود :::::: وقفت نلبس حول ادريس حول يلي صار غلط وحررررررررام حراااااااااااااام 💔😭😭😭حطيت وشاحي وجيت بنطلع
ادريس ::::::: تمام مقدر شعورك اصبري بس نوصلك
العنود :::::: لا لا
ادريس :::::: مانقدرش نخليك وانتِ بالحالة هذه
العنود :::::: استسلمت ونزلت قدامه
ادريس :::::: صكر المكتب بالمفتاح من برا وطلع ورها طول الطريق يحاول يهدها يشد يدها بس هي تبكي زي المتهسترا

غالية ::::::: كنت في داري وامي تصلي في المغرب بعد ماالعنود بعتت رسالة قالت بتأخر شويه واطمنى علها سمعتها فتحت الباب
العنود :::::: نحاول نسيطر على روحي نرجف مع بعضي نبيه يكون حلم 💔💔 انى درت هكي مستحيل انى (زانية) توا 💔
غالية :::::: شن الجو زحما البلاد اليوم حاله وله
العنود ::::::: غالية انى بندوش توا نجي وخديت فوطه وخشيت
رشيدة :::::: صوت شن هذا اختك جت ؟؟
غالية :::::: اي خشت للحمام
العنود ::::::: صكرت حوض الدوش وفتحت المية وقعدت نبكي نبكي لين شفت بدت المية تطلع من الحوض 💔 شفتلها بحرن وحدفت روحي فيها بكل قوتي
غالية ::::: المية طلعت من تحت باب الحمام فجاء 😳 بديت ندق العنود العنووووود العنود شن هذا نكلم فيك ردي
رشيدة ::::::::: 😱 خيرها اختك ماتردش شن المية هذه
غالية :::::::😥 نكسر الباب راهو العنود تكلمي
رشيدة:::::: اختك اشبح شن صار فيها راهو مسحيل مستحيل فايقة اختك درت في روحها حاجه وبدت تعيط نادي حد 😭
غالية ::::::: طلعت نجري بنمشي لحوشهم لقاني خاش من الباب هارون هااارون الحقني بسرعه بالله عليك
هارون :::::::😳 شن فيه
غالية ::::::.. شديت يده نجبد فيه تعاله تعاله كسر الحمام بسرعه العنود اللداخل اشبح شن صارلها
هارون ::::::: خش يجري دق دقتين ووين مارد حد وشاف منظر المية خبطه خبطين الثالثه انفتح
هارون ::::::😳
رشيدة ::::::: عيطت اهاااااا
غالية :::::::💔😢

#يتبع

لمشاهدة جميع اعمال الكاتبة : روايات صفاء

اترك رد

زر الذهاب إلى الأعلى