رواية جنون عاشق الحلقة التانية | القلم الناجح
روايات ليبيه كاملة

رواية جنون عاشق الحلقة التانية

جميع حقوق الطبع والنشر محفوظة

#جنون_عاشق

الحلقــــــــــ(2)ــــــــة

هارون ::::::: خش وقف على رشيدة قلتلهم ….
غالية :::::::😒 قلبت عيونها وطلعت وخلتهم
العنود ::::::: واقفة مع امي مبتسمة هي ثواني علا صوت غالية 🤦🏻‍♀️ وسمعنها تعيط طلعت نجري ووراي امي وهارون
غالية :::::: كنت واقفة ونصفق في تصفيقة المصريات🙂 لا ياحبيبي مش هكي متفاهمين
هارون ::::::😒 واقف يشوفلها بتقزز من طريقة كلامها
العنود :::::: قدمت شديتها يهديك ربي غالية بلا عار خيرك
غالية :::::: ماهو ماسمعتيش شن قال بيزيد السعر لانه تغير المكان 🤨 غيرنا بكيفنا حنى
رشيدة :::::: 😕 تشوف لهارون بخجل سامحنا عالدوشة من اول يوم
هارون ::::: خلاص يامعلم توكل وماتكون الا راضي
غالية ::::::: 😠 تلفتت وبنبدا فيه ، انت من باش …
العنود ::::::: صكرتلها فمها بيدي غاااااالية خلاص
غالية :::::: فكيت روحي منها وانى نشوف في نظرات شر لهارون 😒 مديت يدى للعامل يلي في السيارة
العمال ::::: وجهه احمر متحشم
غالية :::::: ركبنى تحرك 😠 مد يده نقزت معاه في السيارة من الخلف
رشيدة :::::: خشت وخلتها عارفتها كل مابتقوللها عيب بتزيد اكثر 🤦🏻‍♀️
العنود ::::::: ابتسمت لهارون وانى متحشمة 🌚
غالية :::::: فتحت واحد من الادرج خديت منه صندوق مديته للعنود ونقزت من السيارة خشيت 😒
هارون :::::: شاف للعنود عطيته العنوان توا يوصلهم
العنود :::::: مشكور وخشيت
غالية ::::::: شفت للبنت تذكرتها هي نفسها يلي قالتلي بتخنبي زي بوك 😒
استبرق::::::😊 اهلين كيف حالك
غالية ::::::😒 الحمدلله وشفت لامى وين ؟؟؟
رشيدة ::::::: اشرتلها عالحوش
غالية ::::::: مشيت طول الملحق كان عبارة عن ممر اول ماتخشي تقابلك فيها الصالة طول على يدك اليمين كوجينة تخشي الصالة فيها ممر صغير على يدك اليسار فيها دراين وحمام كله صغير بس حلو ومرتب وواضح انهم حاطين فيه اثاث على خاطرنا خشيت للدار الكبيرة فيها سررين والدار الثانيه سرير واحد خشت امي قلتلها ناخد انى والعنود الدار الكبيرة ؟
رشيدة ::::: ايه باهي
غالية ::::::: خشيت نحط في حوايجي في الدولاب وانى نفكر في الف حاجه
العنود :::::: البنت شكلها تهبل وحتى امها كويسة
غالية ::::::: 😒 بكل تعالي حطي حوايجك
العنود ::::::: باهي

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

#ثاني_يوم

العنود ::::: نضت جهزت روحي اووووف ماعنديش لبس كلهم ثلاثة لبسات نبدل بينهم 💔 انى جسمي حلو لكن لبس الفرخة غالية مايجيش عليا 🤦🏻‍♀️ الميت هذيكة
غالية ::::::: فتحت عيونى قداش الساعة ؟؟
العنود :::::: غريبة انتِ اليوم تأخرتي في النوم
غالية :::::: مرقدتش للفجر
العنود ::::: المهم انى طالعة وخديت وشاحك وشنطك الرصاصية بنمشي فيهم
غالية ::::::😒 صبح مانبيش ندير موضوع مره ثانية اسألي من الليل
العنود :::::: اي وامي من الصبح مشتلهم كان ماعندك شيء امشي عاونها
غالية :::::: باهي نضت مالقيت شيء في الكوجينة اوووف مافيش فطور صليت وغيرت حوايجي وحطيت وشاحي وطلعت مشيت خشيت من باب المطبخ لقيت امي واقفة صباح الخير
رشيدة :::::: صباح الخير ، كيدايرة ( كيف حالك )
غالية ::::: كويسة علاش !!
رشيدة ::::: رقدتي هلبا اليوم
غالية ::::::: اها غر سهرت شن اديري انتِ
رشيدة :::::: بنجهز الفطور ونلف عالديار بسرعة باش نمشي لحوش عيلة ال&& كلموني الصبح بنرجع نمشيلهم يوم في الاسبوع ونروح قبل الغدي
غالية ::::::💔 واجعتنى امي متمنيه نقدر نريحها ومانخلها تدير هكي صح هي صغيرة وصحيحة بس كان نلقا نبى نريحها ، قلتلها امشي انتِ توا نكمل هنى
رشيدة ::::::😳 لا بنتى الصيدلانية ماتخدم خدامة لحد
غالية ::::::: الله على حب الأم وعطائها ❤️ ماترضاش بي يلي تدير فيه هي تديره بنتها تبينا نكونوا احسن منها ❤️ ، قلتلها شن بينقص منى عادي انى ماعندي شيء اليوم الصبح هيا امشي في الليل عندي عرس
رشيدة :::::: باهي صحيتى بنيتى ، اي افطرى هنى من امس قالوا ماكلتكم وشرابكم معانا
غالية :::::: توا نطلع نشرى مانبوا منهم شي 😒
رشيدة :::::: طلعت ومابتش تفتح موضوع مع غالية
غالية ::::::: كملت نجهز في الفطور فيه حاجات عمري ماشفتها 🙄 شن الجو هذا
استبرق:::::: صباح الخير
غالية :::::: صباح النور
استبرق :::::: انتِ غالية ☺️ خالتي رشيدة لما تجي ديما تحكي عليك محلاك تهبلي
غالية :::::: شكرا 😒
استبرق :::::: حنى في نفس العمر تقريبا تعرفي خواتي بينى وبينهم هلبا ماعنديش مع من نهدرز فرحت بيكم وين جيتوا
غالية ::::::: امممم
استبرق :::::: شن تخصصك ؟
غالية :::::: متخرجة من الصيدلة
هارون :::::::🤨 خش وهو ساكت وعاقد حواجبه
استبرق :::::: صباح الخيرات
هارون :::::: صباح النور ، فطوري واتي
غالية :::::: بدون مانتلفت نحط في الطواسي في سفرة ، قلتله شبه واتي
هارون :::::: يوجه في الكلام لاخته فطوري انى ؟
غالية :::::: تلفتت لاستبرق ؟
استبرق :::::: ابشري كوسه وجزر وتبليهم بزيت السمسم وحطيهم عالنار لين يدبلوا وبعدين حطي عليهم دحتين وفلفل اسود 👌🏻
غالية ::::::😷 حاشا نعمة ربي ، وشفت لهارون بتأكلهم هضم
هارون :::::::🤨 انتِ ديري وشن دخلك وطلع
غالية ::::::: طلعت من الثلاجة الحاجات وبديت ندير زي ماقالتلي
هارون :::::: رجع للمطبخ يدير في قهوته
غالية ::::::: توا هذه الكوسة وكان مقلية ومعها بذنجان وبطاطا 😋 طعمهم يهبل
هارون :::::::😖 يتخيل في الزيت والمقلي هههههه
غالية :::::::: حطيتهم وخديت خبزة حطيت فيها جبنة و شاهي اخضر وبديت ناكل ونشتغل
هارون ::::::: يشوفلها ومش عاجبه هو يلي اكله كله صحى ومنظم وهي كانت عكسه تماماً
غالية ::::::: تحط فيها في صونية لاطعم ولا لون ولا رائحة
هارون ::::::😒 استبرق جيبيه انتِ الفطور وطلع
غالية :::::::: خيره خوك رايح زي اصيل بحير ديما وهو راقيله
استبرق::::::: هههههه وكان يسمعك
غالية :::::::😌 خايفة غر منه وكملت شغلي

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

العنود ::::: مقعمزه ماندير في شيء زي العادة 💔
الموظفة ::::: اطبعي الوراق هضم
العنود :::::: متع شن
الموظفة ::::: مش انتِ مساعدة السكرتيره ؟؟
العنود ::::: لالا انى مسؤله على الحجوزات متع السفر
الموظفة :::::: ههههههه امته ادريس يسافر هو لين بيدير مسؤله
السكرتيرة::::: واضح واسطتها قوية غر ماتبيش تقول 😉
العنود ::::::: انزعجت 💔 نضت وقفت ومشيت لمكتبة دقيت وانى متعصبة
ادريس ::::::: تعالا
العنود ::::::: خشيت وانى بنبكي خلاص من اول يوم جيت وهم يتكلموا عليا لانه واضح وجودي مش لغرض الشغل لانه مافيش شغل ليا اصلا 😢 استاد ادريس ممكن نسألك سؤال
ادريس ::::::: انتبه لصوتها تفضلي
العنود ::::: قمت رأسي ودموعي خلاص بدوا ينزلوا نقدر نفهم انى شن خدمتي هنى ؟
ادريس :::::: ناض من كرسيه 💔 علاش البكي توا شد يدها قعمزها عالكرسي ومدلها منديل وقعمز مقابلها ، من زعلك ؟
العنود ::::: الموظفين كلهم يقلوا انى مش جايه لغرض الخدمة ياام جايه بواسطة او … سكتت
إدريس::::::😠 من قال هكي قوليلي من هي وتوا نتفاهم معها
العنود ::::::: مش مهم من 😢 انى بروحي حاسه هكي لهذا مش قادرة نرد عليهم ، انت واضح انك ماتسافرش هلبا شفت حتى رحلاتك يلي قبل بعد 4 شهور مره يعنى مش محتاج حد في مكتبك 🤷🏻‍♀️ علاش موظفنى وتدفع 1500 في الشهر وانى ماندير في شيء ، قصدي كنت تقدر تتفاهم معاي نحجزلك وتعطينى حتى على كل حجز 100 دينار زيادة وتمت علاش جبتنى هنى 🥺
ادريس ::::: علاش تحبوا كثرة الاسئلة 😕 مش كل واحد خدى يل يبيه ؟ انتِ تبى خدمة اسهل بمعاش اكثر وانى نبيك هنى صار يلي نبوه الزوز خلاص
العنود ::::::🙄 بالبساطة هذه !!!!!!
ادريس ::::::: بالبساطة هذه
العنود ::::::: علاش تبينى هنى ؟؟؟؟؟
ادريس ::::::: تنهد وقدم يرتب في الحاجات يلي عالطاولة يلي بينهم لما شفتك لفتي انتباهي حسيت انى بندير العار ونمشي كل يوم لمكتبكم 🙂 قرارت نجيبك أنتِ جنبي
العنود ::::::: تفاجات بالجراء والثقة يلي يتكلم بها وقفت 😡 واي وحده تلفت انتباهك تجيب توضفها عندك ؟؟؟؟
ادريس ::::::: وقف خيرك ؟
العنود ::::::: يعنى تلعب بحياة الناس وخدمتهم ورزقهم باش ترضي نزواتك !!! تحساب كل شيء تقدر تشريه بفلوسك ! يلي عندك انت بسيط هكي انى العمل هذا يلي طلعتنى منه بكلمة جريت سنين باش حصلته وقعمزت ثاني قعدت نبكي 😢
ادريس ::::::: شن يرضيك 🥺 تبى ترجعي خدمتك الاولى انى نردك
العنود ::::::: 🥺 بعدين يلي يعجب بحد هو يتعب ويمشيله مش لانه عنده فلوس يجيبه لعنده ( كنت وقتها فرحانه انى لفتت انتباها 🤷🏻‍♀️ ومن ماتفرحش انه شخص زيه يقوللها هكي كنت نبيه يتكلم أكثر وفي نفس الوقت خايفه من روحي 💔)
ادريس :::::: مدلها يده باهي خلاص نردك لعملك الاول ونمشيلك انى تمام هكي ؟؟؟؟
العنود ::::::: وانى رأسي لوطه نمسح في دموعي بيدي شفت يده 😳💔 مادها يبى نحط يدي فيها من وين جايب هالجراء الراجل هذا ممكن من خبرته كان يشوف فيا كتاب مفتوح فااااااهم كل شيء كنت نحس بيه ، خليت رأسي لوطه لانى معرفتش كيف نتصرف على اساس ماشفتش يده
ادريس ::::::: سحب يده ها شن قلتي ؟؟
العنود ::::::: اعطينى شيء نخدمه هنى
ادريس ::::::: ببتسامة انتصار تمام شن ماتبى ، خليك توا ساعدي هناء في السكرتارية
العنود :::::: تمام وطلعت 💔

~~~~~~~~~~~~~~~~~~~~~~~~~~~~

غالية :::::: تميت وطلعت خديت حاجات للكوجينة روحت رتبتهم وجهزت غدنا وهم طبعا امهم دارت الغدي ، روحت امي مشت سعدتهم شوية وبعدها روحت العنود وعلى غير العادة مش جعانه مع الساعة 9 في الليل نضت خديت حاجاتي ولبسة عبايتى
العنود ::::::: ارفعينى معاك 🥺
غالية :::::::😒 شن ماشية لحفلة انى
العنود :::::: بالزبط ماشية لحفلة 🙄
غالية ::::::: يابنتى هذه خدمة الباقي ماعندي خلوق لها
العنود :::::: خاطري نحضر عرس راقي هكي
غالية :::::::: هههههه متفهك هيا باي وطلعت قدام الحوش استنيت نص ساعه تاكسي ماتفوتش من هنى 💔 شن بيوصلني لرأس الشارع
هارون :::::: فتح الباب طالع بسيارته. 😒 شن اديري هنى
غالية :::::::😒 طالعة
هارون :::::: وين الساعة 10 في الليل ؟
غالية :::::::🤨 شن ليك علاقة
هارون ::::::: حلوه حتى هذه ساكنه في حوشنا طالعة في وقت زي هذا
غالية ::::::: اوووف عندي خدمة بنمشي وماحصلتش تاكسي
هارون ::::: خدمة شن ؟ ووين ؟
غالية ::::::: عندي عرس نخدم مصورة 😒
هارون :::::: اركبي نوصلك
غالية ::::::: من انت باش نركب معاك ؟
هارون :::::: صاحب التاكسي عادي تركبي معاه ؟
غالية :::::: فكرة انى عطلت ركبت معاه ، غر لانى عطلت بس 😒
هارون ::::::: وين ؟
غالية :::::: صالة ال &&&
هارون ::::: هذا وضع مش ح يستمر شن تطلعي في الليل هكي واشبح امته تروحي يشوفك حد يحسابك وحده من بناتنا
غالية :::::: 😒 مش كان ركبت معاك تصدق روحك
هارون :::::: مالقيتيش شن تقرى ؟؟
غالية :::::: انى قارية صيدلة هذه خدمة ثانية
هارون :::::: سكت وكمل الطريق لين وصلوا ، كيف بتروحي ؟
غالية :::::::: شن دخلك ! وفتحت الباب نزلت
هارون :::::::😠 الحق فيا اصلا باب الحوش يتصكر بنظام امنى في الليل دوري وين تروحى وحرك السيارة وهي بابها قاعد مفتوح
غالية :::::: في اول حيط 😒 قامت حاجاتها وخشت للصالة
اخت العروس ::::: تأخرتي
غالية ::::::: 😒 غر اختك مستعجلة فيه وحده تكون في صالة العريس الساعة 10:30 امته دارت حفلتها
اخت العروس :::::: غر اسمعي ديريلهم لقطة حلوه وجرائه هكي هم زواج تقليدي راهم متحشمين من بعض
غالية :::::: حاضر بديت نطلع في الكاميرا ونركب في العداسات شويه وقالولي تعالي بنصورهم شوية صور قبل مايطلعوا للصالة ، خشيت باركتلهم وبديت ناخد في لقطاط وكل مره نقوللهم يديروا حركة 🌚 تمام لف يديك على خصرها
العروس ::::: 😳
قربت شديت يديه حطيتهم وصورت ورجعت نزلها هكي وقرب منها كأنك بتبوسها
حسام ::::::😳 شن تقولي انتِ استغفر الله العظيم
غالية ::::::: 😠 شن استغفر الله متعك ماهو مروح بيها الليلة باش تصلوا قيام الليل !! مش باش…
حسام :::::: فتح الباب وطلع بسرعة
والعروسة :::::: وجهها احمر نهاااااري الاحرف كيف مازلت بنقابله
غالية ::::::🙄 مافهمت شيء راهو
العروسة::::::: هذا خوى
غالية :::::::::😳 خوك ؟
العروسة ::::::: اييي راجلي قاعد ماخشش قلت نصور لقطاط معاه
غالية ::::::: وانى شن عرفني طالبينا اهل العريس ولقيته لابس بدلة وشاحط روحه نحسابه هو
اخت العروس ::..::: خشت ميته بالضحك 😂
غالية ::::::😥 انى نخليكم بروحكم شوية وطلعت لقيته مقعمز على كرسي قدام الدار ، اسفة لخبطت نحسابك العريس
حسام ::::::: ههههه حصل خير خلطينا الليلة بس
غالية ::::::: وين عريس الغفلة
حسام ::::::: يستنى في خوه برا يجيب مرته حتى هو باش يخشوا مع بعض
غالية ::::::: اها
حسام :::::::: يشوفلها بتركيز تخدمي في المصور والا هو مصورك
غالية ::::::: لالا نخذم بس
حسام ::::::: نقدر نشوف الكاميرا
غالية :::::: مديتها تفهم فيهم ؟
حسام :::::: زمان كانت عندي هواية التصوير درت روحي بنشد فيها وهكي وجبت كاميرا من بريطانيا فتره بعدها بطلت معادش دورتها دماغي علمي غيرت عالطب
غالية :::::: الهواية مادخلهاش بالتخصص. اهو انى خريجة صيدلة ونخدم في التصرير ونحبه
حسام :::::::😍 طلعنا زملاءه سنه شن تخر…
غالية ::::::: خش العريس خديت كميراتى وخشيت وراه

~~~~~~~~~~~~~~~~~~~~~~~~~~~~~

هارون ::::::: مقعمز مع صحابه وولد عمه فارس يلي كان عكس هارون جوه حلو ويضحك ديما ❤️ مع الساعة 12
واحد من الشباب :::: انى بنوض حاط العيلة في عرس عيلة ال&& بنمشي نروح بيهم
فارس ::::: اي قالوا عرس كبير دايرينه في صالة ال && وله
هارون ::::: تذكر غالية طول هي الصالة يلي وصلها لها ، وقف هيا حتى انى بنوض نروح
فارس ::::: من توا ؟
هارون ::::: سيب الارقيلة عندي نوضا بكرى وناض ركب سيارته

~~~~~~~~~~~~~~~~~~~~~~~~~~~~~

غالية ::::::: طلعوا العرسان وقعدوا خواته يصوروا شويه وبعدها لمية حاجات وجت بنطلع كلمتنى البنت يلي معاي قالتلي نوصلوك قلتها تمام وطلعت معها

هارون ::::::::: خش طول صكر الباب وشغل النظام الامني 👿 خل تورينى كيف بتخش توا هي وطولة لسانها وخش للدار يلي فيها الكاميرات فتحهم وقعمز بعد ساعة ممكن وصلت غالية

غالية :::::: تمام صحيتى باي نزلت دفيت الباب مصكر 🙄 شن القصة هذه جربت ندق عليه ماحد سمع اتصلت تلفون الباب ميرد حد شورها ليلة هي 🤦🏻‍♀️ اتصلت بالعنود تفتحلي متردش طبعا اكيد راقده 💔 رميت عبايتى وحطيتى شنطي لوط وشديت في حديد الباب بنركب منه ننقز من فوق السور وتبدا الدنيا تضوى وصوت اندار 🤦🏻‍♀️
هارون ::::::: هههههه صكر الاندار وطلع
جمعة ::::::: فتح داره شن فيه
هارون ::::::: شيء شيء ارقد قطوسة حاولت تنقز
جمعة ::::::: متأكد بالك حد يجرب بيها
هارون ::::::: لالا ارقد انت ونزل فتح الباب
غالية :::::: مقعمزة فوق شنطتها 😒 انت درتها بالقصد وله
هارون :::::::😏 ومره ثانيه تروحي في وقت زي هذا تباتي برا
غالية :::::: وقفت قمت حاجاتي وجيت خاشة هذه خدمتي عجبك باهي ماعجبكش اخبط رأسك في الحيط
هارون :::::: 😒 تكلمي باهي
غالية ::::::: وبلا حركات فروخ في الجديد
هارون :::::::😡 شدها من يدها بقوة من الفروخ
غالية :::::::🙄 مافيش حد غيرنا هنى وترا بالله حول يدك مانخافش انى من الجو هذا ( بجد في وقتها كنت ميته خوف من نظرته لكن لزم نتفلح 🤦🏻‍♀️)
هارون :::::::: تكلمي باحترام في الجديد والا والله نتعبك وسحب يده وخش للحوش
غالية :::::: عيل 😒

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود ::::::: انى طالعة
رشيدة :::::::: افطري قبل
العنود :::::::: زايدة زوز كيلوا مانبيش
رشيدة::::::مايدرولك شيء
العنود ::::::: يديروا يديروا هيا بالسلامة
غالية ::::::: نايضة بالسيف اصبري طالعة معاك حتى انى ، شفت لامي مانقدرش نساعدك اليوم عندي صيدلية
رشيدة:::::: ربي يعاونك
العنود :::::: ياريت حتى يخلص فيك هيا نوضي. وطلعنا مع بعض

~~~~~~~~~~~~~~~~~~~~~~~~~~~

هارون:::::: نزل للكوجية صباح الخير
رشيدة:::::: صبحك الله بالخير وليدي
هارون :::::: دور بعيونه على غالية ، شن حالك خالتي رشيدة
رشيدة :::::: الحمدلله في نعمة ، البنات طلعوا للعمل وانى قلت نجي نوتي الفطور
هارون :::::: فهم انها مش جايه ، ربي يعاونك خدي قهوته وركب
سالمين :::::: اليوم جاين عيلة خوى عالعشي نبيك تعاونينى
رشيدة :::::: حاضر

~~~~~~~~~~~~~~~~~~~~~~~~~~~~~

العنود :::::: جت الساعة 10 وهو ماجاش مش عارفه علاش عيوني على باب المكتب وخلاص
شفت لهناء بنسألها بس متردده ، فجاء رن تلفوني وكان هو ❤️ رديت طول الو
ادريس :::::: صباح الورد
العنود :::::::😊 صباح النور
ادريس ::::::: اليوم عندي اجتماع برا مرات يعطل مانقدرش نجي اتصلت قلت منها نقولك ومنها نسمع صوتك
العنود :::::: قلبي قعد يدق بسرعه وسكتت ، قلتله في محاولة منى انى نغير الموضوع ، تبي حاجه من المكتب والا تبي نقول لهناء حاجه
ادريس ::::::: نبي شوفتك ونبي نسمع صوتك
العنود :::::::: طلعت منى بدون تفكير 💔 معنها كمل شغلك وتعاله للمكتب
ادريس :::::::: ضحك ههه تم خلاص نكمل ونجي طول
العنود ::::::: صكرت وانى نرعش شن هذا كل مانقول مفروض نوخر نلقا روحي قربت منه اكثر

~~~~~~~~~~~~~~~~~~~~~~~~~~~~~

غالية :::::: وانى واقفة في الصيدلية خش واحد
حسام ::::: السلام عليكم
غالية :::::: وعليكم السلام تفضل ؟
حسام :::::: ماعرفتنيش هههه
غالية :::::: ركزت شوية اهااا متغير من غير البدلة
حسام :::::: كيف حالك اليوم
غالية :::::: تمام وانت ؟ تفضل تبى حاجه ؟
حسام ::::: شوفي حنى عندنا عيادة وفيها صيدلية شن رايك تخدمي فيها
غالية :::::::: 😍 بجد
حسام ::::::: ايه الصيدلية ملناش هلبا فاتحينها توا فيها واحد بس يخدم تبدلوا بينكم
غالية ::::::: ياريت بس اش معنى انى ؟
حسام .::::::: لا بس حنى ندوروا وخطرتي عليا لما قلتي البارح
غالية :::::::: وين وامته نقدر نبدا لكن قبل استنى بنكلم صاحب الصيدلية هذه انى بنسيب قبل
حسام ::::::خودي راحتك اعطينى رقمك ومدام موافقة اول ماتنظمي امورك ابدى
غالية :::::: بجد شكرا 😍 ،، كملت شغلي وطلعت خطمت على محل حلو شريت مالفي اكثر حلو تحبه امي كنت فرحانه بيبدا عندي معاش ثاني نخلصوا منه المبلغ يلي علينا ركبت افيكو وانطلقت للحوش ❤️

~~~~~~~~~~~~~~~~~~~~~~~~~~~~

هارون ::::::: مروح في الطريق شاف افيكو واقفه برا الخط ووحده واقفة تحت الروشن تعارك اول ماقرب منها ، غالية 😳 نزل بسرعة
غالية :::::: نصفق في هذيكة التصفيقة 🤦🏻‍♀️ هذه اسمها ركوبة عامة نركب غصب عنك
هارون :::::: بدون مايفهم ولا يسأل يمد يده ويضرب صاحب الافيكو يلي كان نصه برا بوكس
غالية :::::::😮
هارون ::::::: خيره هذه ، وتلفتله خيرك مع البنت 😠
صاحب الافيكو ::::: مد يده تحت الكرسي بيطلع شيء يضرب بيه
هارون ::::::: شافه مد يده لسبتة سرواله طلع مسدس
غالية ::::::::😱 نهاااارك يامجرم بتقتله
صاحب الافيكو:::::: خاف ياخوى انت مش فاهم شدوا بنتكم معادش تركب معاي طفشت نص الزبائن واخر حاجه لبسة لراجل في عمر بوها باكوا مالفي على رأسه 🥴
هارون :::::::😳 حق درتي هكي ؟؟؟
غالية :::::::: خفت 😰 شديت يده يلي فيها المسدس غر دس هذا توا وخلاص ماصار شيء
صاحب الافيكو ::::: في الجديد تشوفي خليقتى في المحطة متركبيش وحرك سيارته وطلع
هارون ::::::: شن صاير ؟؟؟
غالية ::::::: حيونات مش محترمين شن بندرلهم وكان في عمر بوي يدير في حركات ويمد في يده باش يفتح الروشن الف مره ويتلمس يستاهل 😒
هارون :::::::: اركبي للسيارة وسبقها
غالية :::::::: ركبت وخديت كلينكس قعدت نمسح في حوايجي
هارون ::::::: وحقا لبستيه المالفي ؟؟
غالية :::::::: اي تعرف خساره 🙂
هارون :::::: شاف لكمية البرود يلي هي فيها وهز رأسه بملل ، ديري سيارة الركوبة العامة كلها هكي وحتى الخاصة مرات
غالية :::::::😒 كان عندي فلوس نستنى فيك تقولي ماهو ارخص سيارة ب 10 الف كان عندي راهو عطتهملكم وافتكيت من شوفة وجوهكم سنة
هارون ::::::: عرفها تحكي عالدين قعد ساكت
غالية :::::::: اول ماوقفت السيارة نزلت طول خشيت غيرت وصليت ومشيت نساعد في امي

~~~~~~~~~~~~~~~~~~~~~~~~~~~~

ادريس ::::: وقف في باب المكتب ويديه في جيبوبه مبتسم يشوف للعنود كيف تشتغل
هناء ::::::: قامت رأسها 😳 استاذ ادريس ؟
العنود :::::: رفعت رأسى
هناء :::::: مازال نص ساعة بس ويتم الدوام نحسابك مش جاي
ادريس :::::: عندي حاجه جاي بنشوفها وبنطلع وغمز للعنود 😉 وكمل لمكتبة
العنود ::::: ابتسمت ، نشفوه بالك يبى حاجه ؟
هناء :::::: من هو
العنود :::::: ادريس
هناء :::::::😒 اسمه استاد ادريس
العنود :::::::😳 اي طبعا بس بينا
هناء ::::::: ملاحظا حركاتك لكن خل نقولك من توا قبل ماتتعمقي ادريس متزوج وعنده حتى صغار
العنود :::::::😳 انصدمت 💔 قعدت ساكته لدرجة ما كلمتهاش على كلمة حركاتك

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية ::::::: وانى في المطبخ مع امى الساعة 4 نسمعوا في التسليم شكلهم جو ، مابيتش نقول لامي عالشغل الجديد قلت نقوللهم بعدين هي والعنود مع بعض
استبرق ::::: خشت للمطبخ ومعها بنتين غالية جيتى ؟
البنت ::::::😒 من هذه
استبرق :::::: هذه غالية بنت خالتي رشيدة هضم بنات خالي جنى وهذه جنات
غالية ::::: مديت يدي الاولى سلمة كويس والثانية دوب مدات رؤس صوابعها 😕 وطلعت ولحقتها اختها
غالية ::::: خيره راقيلها وهي رايحه زي حبة المضاد الحيوي نص شعرها احمر ونصه اسود
استبرق:::: هههههه ردي بالك تسمعك هي والا ماما هذه راهو بنت خالي وخطيبة هارون في نفس الوقت
غالية :::::::😳 هارون خاطب ؟؟

#يتبع

جميع الحلقات من هنا

رواية جنون عاشق للكاتبة صفاء

اترك رد

زر الذهاب إلى الأعلى