رواية جنون عاشق الحلقة الثالثة عشر | القلم الناجح
روايات ليبيه كاملة

رواية جنون عاشق الحلقة الثالثة عشر

#جنون_عاشق

الحلقــــــــــ (13)ـــــــــة

العنود ::::::: تمام لبست وشاحي وطلعت
ادريس ::::::: قرب وحظنها شن صاير معاكم علاش مروحه في هالليل
العنود ::::::: وخرت يشوفنا حد توا نقولك عالهاتف توا اطلع و تلفتت وشفته واقف يشوفلنا 😳💔
ارتبط لساني وعيوني هكي 😳
ادريس:::::: تلفت 🤨 وحط يده وراء ظهره وقام قميصه
العنود::::::😨 شفت مسدس على خصره هذا شن بيدير !!!! قدمت عمي جمعة !!!
جمعة :::::::😒 شن اديرو هنى ومن السيد ؟؟ مش مشيتوا معاهم ؟؟
العنود ::::::: ااا ….. قويت روحي وقرارت نقلب الموضوع ، بناتك ماخلوا ماقالولنا طلعنا في هالليل انى وامي وهذا مديري تلقينا صدفة غادي قال ماتروحوش بروحكم وصلنا بارك الله فيه نسباتك وولدك وولد خوك مقعمزين ماعدلوش
جمعة ::::::😒 خيرهم شن جاهم
ادريس.::::::: ماشي انى نستاذن توا وطلع وهو يشوف لجمعة بشر 👿
جمعة ::::::: خش للحوش
العنود ::::::: يما قلبي متأكده انه شافنا 💔😰 شافه لما حاضني متأكده وقفته مش وقفت واحد كيف خش ، خشيت وانى نرعش ادريس علاش كان بيطلع المسدس 🤔 معقولة كان جمعة قال انه شافنا كان بيهدد والا يقتله 💔 ياربي شن هذا جمعة زعما يقول لحد ، ☹️ من بيصدقه 🤷🏻‍♀️ لامته لامته هكي يالعنود لامته الخوف هذا هذا يلي يدير الغلط يقعد ديما خايف هكي !

~~~~~~~~~~~~~~~~~~~~~~~~~~~~~

غالية ::::::: تلفتت بغضب 😡 تفضل هذه عيلتك وهذه عيلتي
هارون :::::: قعد يشوفلها لحظات وهو ساكنت
غالية :::::: يلي صار في السيارة انساه وحوشكم غدوا الصبح الصبح نطلع منه 💔 وجيت بنمشي
هارون ::::::💔😳😡 ماتقدريش تطلعي منه لين تخلصي اخر قرش من الدين متعكم
غالية ::::::::😳 شن تقول انت 😤 شن تقول؟ شن انى تحت الاقامة الجبرية!!!!! مافيش حاجه اسمها كان عليك دين تقعدي عندى لين تدفعيه ، بنطلع وفلوسك يوصلوك نهاية كل شهر
هارون ::::: غالية 💔 غالية انى قلت هكي باش ماتطلعيش والا الفلوس ماتهمنيش وانتِ عارفة
غالية:::::: نطلع مانطلعش معادش موضوعك وجيت بنمشي
هارون :::::: غالية انى شن دخلي حنى شن دخلنا 💔 حط يديه على كثافها ويشوف لعيونها علاش تعذبي فينا
غالية::::: مافيش حاجه اسمها حنى 💔 معادش تتكلم بصيغة الجمع باهي اساسا الشيء هذا يلي تحكي عليه مانبيشي انى شوف ومسحت عيوني مخلينى من ابسط شيء نبكي زي البنات المدللات انى الموقف هذا مش اول مره يصير معاي كنت نتعارك ! نضرب ونطلع مانهتمش شوف حالتي توا ! كله من .. من …. وسكتت
هارون :::::: يلي ماتبيش تقولي شن اسمه ويلي تقولي عليه الشيء هذا اسمه حب
غالية::::: دفيت يديه 😒
هارون:::::🥺 غالية انى نحبك
غالية ::::::: 😣 انى بنمشي
هارون :::::: غالية نعرف انك تحبينى زي مانحبك بس تقاومي في مشاعرك
غالية:::::: مانقاوم في شيء اخطاني بس وكملت
هارون :::::: بصوت عالي 😠 يعنى مايعنيلك شيء انى نقولك نحبك !!!
غالية::::: بدون مانتلفت ايه ولا شيء💔
هارون :::::::💔 سكت.
غالية:::::: طلعت عالطريق ندور في تاكسي 🤦🏻‍♀️ وين بنلقا تاكسي في هالليل
هارون :::::: درس السيارة اركبي
غالية :::::: هارون فوتنى
هارون::::: اركبي والا والله نجي نقيمك نركبك بالسيف ماوصلتش للمرحلة هذه نخليك في الطريق في نص الليل
غالية:::::: 😒 فتحت الباب الخلفي وركبت
هارون ::::::: يسوق بسرعة بدون مايقول شيء

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود::::: غااااااالية نسيتها بكل طلعت تلفوني واتصلت بيها
غالية::::::: طلعت التلفون الو ؟
العنود ::::::: بنقولك على حاجه
غالية:::::: صح النوم 😒 ، توا خطرلك ! انى قريب نوصل الحوش
العنود ::::::: تمام
غالية :::::: اول ماوصلنا فتحت الباب نزلت وخبطة بقوى ماتلفتتش للخلف ومانعرفش شن دار هارون بس سمعت صوت سيارته طلعت 💔 خشيت للحوش
العنود:::::: امى راقده
غالية :::::: حولت وشاحي وخشيت للدار كيف صار !!
العنود :::::: شن قالولك انتِ وشن درتي ؟؟
غالية ::::::: اووف شيء تعاركت حتى مع هارون. 💔 وقالي نحبك
العنود ::::::😳 الله احكي بالتفصيل
غالية :::::::: هارون من الاول …..

~~~~~~~~~~~~~~~~~~~~~~~~~~~~~~

هارون ::::::: خش على امه والبنت شن جاكم 😡 خيركم !!
اسماء :::::: جرحناهم الحساسات 😒
هارون :.:::: شاف لامه عاجبك يلي يديروا فيه بناتك !!!!
سالمين::::::😒 انى عاركتها شن بندير
هارون ::::::: اسماء مش عيل انتِ علاش الحركات العبيطة والا معادش عاجبك حد
اسماء:::::: وانى ماقلت شيء مش صح
هارون :::::: شاف لصغارها المشكة انك ام وبتربي جيل 🤷🏻‍♂️
سالمين :::::: وصلولك في اللحم الحي عاد انت 😒
هارون :::::: صفق يديه وضحك بهزوه اقسم بالله مامصدق انى يعنى عندك موضوع عادي انتِ وتشجعي فيهم !! درلها هكي 👍 وطلع

فارس :::::: تي خيرك علاش الدوشة في هالليل
هارون :::::: تي خلينى ياراجل هضم معادش دايرين حساب لحد

~~~~~~~~~~~~~~~~~~~~~~~~~~~~

العنود :::::: غالية باهي صح هو شن دخله
غالية ::::::: كيف شن دخله مش هذا بوه وهذيكة امه 🤷🏻‍♀️ ويلي تكلمت اخته !
العنود :::::: لكن انتِ تحبيه ، من كلامك واضح
غالية::::: نحبه مانحباش مش هذا الموضوع ، انى مانقدرش نرتبط بحد يخرب اتزاني مانبيش نعتمد على حد في حياتي وفجاء يطلع منها مش وقت نعيش ازمة عاطفية
معنديش وقت لها ، ابسط حاجه تعودت انه يوصل فيه بديت نستصعب انى نمشي لمكان بروحي مانبيش نتعود ونعتمد على حد 💔
العنود::::: حمل الجماعة ريش ، انى معاك امي معاك ولما يكون معاك حد يحبك ويسندك هذه مش حاجه مش كويسة
غالية::::: لما يكون من غير مشاكل لكن اليوم خاطب غدوا امه ماتبنيش اليوم اخته ابصر شن لالا هذا مايناسبنيش
العنود :::::: خلاص انت حره فوتي الموضوع
غالية :::::: شن درتي لما قالتلك هكي 🤨
العنود :::::: ضربتها💪🏻
غالية ::::::🤩 ايوه هكي احكي حاجات تفرح حتى انى ضربتها 🤨 كان تشوفي منظري لما خش علينا هارون 😂 مقعمزه فوقها شعرها بين صوابعي
العنود :::::: هههههه أسالينى انى على شحانك الشعر

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

فارس :::::: انتم شن دخلكم تتعاركوا ؟؟؟
هارون :::::::🤷🏻‍♂️ وانى شن عرفني كيف تفكر هذه ، وزيدها انى منعرفش انه اسماء قالتلها بوك خانب من بوي نكملها انى ونقوللها ماعندكش طلعة من الحوش لين تخلصي الفلوس
فارس :::::: وانت علاش قلت هكي
هارون ::::::😠 باش ماتطلعش من الحوش ولو اطر الموضوع نخطفها ونحبسها عندي
فارس :::::: هارون انت راجل تصلي وتعرف ربي شن جاك !!!!
هارون :::::: وشن يلي يعرف ربي مايحبش ؟؟؟
فارس ::::::: مش مايحبش لكن مش هكي كل شيء بالسيف الا حبنى يا بنادم
هارون ::::::::😤

~~~~~~~~~~~~~~~~~~~~~~~~~~~~

#ثاني_يوم

غالية ::::::: فتحت عيوني لقيتها الساعة 11 اييي اليوم واخده اجازة مفروض نتشمس عالبحر عاد 🤦🏻‍♀️ توا وجهي وجه بحر ،، نسمع في صوت هذرزه نضت
العنود ::::::😒
سالمين ::::: خلاص يارشيدة انى جيتك انى وولدي واستبرق واسماء توا مرأ بصغارها توا معادش نقدر نقوللها تعالي اعتدري بالسيف 😒 عركتها انى وخوها والصبح خدت صغارها وطلعت
هارون :::::: واقف ومعصب من الوضع
العنود ::::::: ماعمرها صارت يعتذر يلي مادار شيء استبرق شن دخلها ! وحتى هارون
رشيدة ؛::::: قدركم كبير ويلي جي ساد
العنود ::::::😠 يما غالية قالت اقصى شيء اسبوع ونطلعوا من الحوش وفلوسهم يوصلوهم كل بداية شهر ، اهم شيء القدر كان طاح خلاص
رشيدة :::::: العنود 😤
غالية:::::: شعري حايس وعيوني منفوخات من النوم طلعت 😳 شن اديرو هنى
هارون ::::: تحولت نظرته من هكي 😠 لهكي 😍 كان منظر اول مره يشوف بيه غالية يضحك وحلو بيجامة واسعه شعرها حايس جيها من السروال راكبه فوق
غالية ::::::: نمسح بيدية على شعري 🌚نرقد فيه لوطة ، هزيت رأسي للعنود بمعنى شن ؟؟
استبرق ::::: غالية 💔 ماما جت بطيب خاطر امك
غالية :::::: 🤨 والله !!
سالمين ::::::😒 خيرك ياغالية!!
غالية ::::::: يلي في خاطره كلمه قالها لهذا مافيش داعي للترقيع توا بينا وبينكم رقم حساب في المصرف
هارون :::::: غااااالية 😡
رشيدة::::: غالية اسكتي
سالمين :::::: انى جيت نتكلم معاك انتِ مانقعد نهدرز مع صغار توا
غالية :::::: لما كل شهر تمدوا في يدكم تاخدوا منهم في فلوس مش صغار لكن لما يتكلموا في موضوع يطلعوا صغار ، ماتخافيش اليوم طالعين من حوشكم ومسيبينها ليكم خضره
رشيدة ::::::: غااااالية والله ننوضلك راهو اسكتي قلت ، وبري كان عندك خدمة لا طالعين ولا خاشين
هذا مكاننا
سالمين::::: تعصبت كانت تبيهم يطلعوا هيا نوضي استبرق وطلعت ولحقتها استبرق
هارون ::::::: خالتي رشيدة نبي غالية شويه عالباب
سالمين ::::::😒 تلفتت 😠 ايوه بدي عينى عينك ومشت
غالية :::::: طلعت قبل ماترد امي ؟؟؟؟ شن !!!
هارون :::::: غالية علاش تصعبي فيها علينا اكثر خيرك هكي !!
غالية:::::: شن قلت موصلتش ربع يلي قالوه هم 😒
هارون :::::: باهي فوتيهم كلهم خلينا فيا انى وياك
غالية :::::: مافيش حاجه اسمها فوتيهم هاضم اهلك واهلي
هارون :::::: علاش واخده منى موقف وتحاسبى فيه بيلي داروه
غالية :::::: هكي الدنيا 🤷🏻‍♀️ انى من يوم انولدت نتحاسب على يلي داره بوي من قال هي شن دنبها حد كل واحد يتحاسب على اهلها زينى زيك
هارون:::::: مانحسابكش حقوده لهدرجة
غالية::::: ضحكت ههه واكثر وخشيت وخليته 😢 مش طالعه صار ؟ علاش تحبي تدلينا !!!💔 علاش تحبي تكسرينا !!! من الاول قتلك مانبيش نجي هنى وجبتينى بالسيف وتوا ماتبيش تطلعي ؟؟؟؟ علاش
رشيدة::::: انى نبي مصلحتكم نبي نحميكم هنى مايوصل فيكم حد
العنود :::::: ضحكت على تفكير امي 💔 حنى ضعنا وانتِ تحمي فينا
رشيدة :::::: نخلصوا دينهم وبعدها يصير خير
غالية::::: تمام ياامي حااااااضر نخلصوا دينهم
وخشيت لبست وخديت شنطة ظهر حطيت فيها لبسة وجيت طالعة
رشيدة::::: وين ماشية ؟
غالية::::: نخذم باش نخلصوهم 😒 وطلعت يما علاش تبي تخلينى جنبه نبي نبعد عليه معادش نبي نشوفه نبي نرجع نكرها زي قبل 💔

~~~~~~~~~~~~~~~~~~~~~~~~~~~~~

العنود :::::: اتصل ادريس رديت عليه
ادريس :::::: كيف حالك اليوم !!
العنود :::::: الحمدلله
إدريس :::::: كان مطرين عالتحويل توا نعطيك مفاتيح الشقة
العنود :::::::💔 مافيش داعي ماصارش
ادريس ::::::: باهي محتاجه شيء تبي شيء
العنود :::::::: سلامتك
ادريس ::::::: الله يسلمك حبيبي ماتزعليش وديري بالك على روحك

~~~~~~~~~~~~~~~~~~~~~~~~~~~~~

#بعد_يومين

رشيدة :::::: مقعمزة على كرسي برا 😢
هارون :::::: خاش خالتي رشيدة ؟ شن حال رجلك
رشيدة :::::: اهلا وليدي الحمدلله احسن اهو قلت ياسر من الرقاد خل نطلع
هارون :::::: قعمز جنبها 💔 خيرك املاه
رشيدة :::::: غالية 💔😢 وبدت تبكي
هارون :::::::😨 خيرها ، مريضه ؟ صارتلها حاجه !!!!
رشيدة :::::: ليها يومين ماروحتش ؟
هارون ::::::::💔 كيف تكلمي خالتي رشيدة كيف ليها يومين مروحتش !!!!
رشيدة::::: متكنطية لانه قلت مانحولوش لين نخلصوا الدين
هارون :::::: يهز في رأسه يبيها تكمل بسرعة ( وهي مبردها بالقطاره 🤦🏻‍♀️ههه)
رشيدة :::::: تمشي الصبح للحياش يلي قلتلهم الأسبوع هذا مانقدرش نخدم وعشية في المصور والليل في الصيدلية 💔 توا فيه بنادم يتحمل يخدم هكي وين نكلمها تقولي عادي
هارون :::::. 💔 طبعا هو يحسابها تروح غر ميشوفش فيها ، كيف ماتروحش امته ترقد شن تاكل !!
رشيدة ::::::😢 تقولي نرقد لما نكمل خدمتي في اي مكان المصور والا الصيدلية توا يصير نوم هكي والله بنهبل انى ماعمرها كانت هكي
هارون :::::: طلع تلفونه واتصل بيها 💔 متردش
رشيدة ::::: توا نتصل انى واتصلت
غالية :::::: خاشة من الباب ، علاش تتصلوا انى جيت كان منظري مرهق تعبانه نعسانة جعانة
هارون :::::: غالية شن اديري ؟؟؟
غالية :::::: شيء نخدم ؟
رشيدة::::: ربي يهديك يابنتى
غالية ::::::: مش هذا يلي تبيه اشرت على هارون اهو لصقين فيهم قاعدين انى بنخش ناخد دوش ونطلع عندي. تصوير وخشيت دوشة ودرت قهوة لقيت امي موتيه الغدي 🥺❤️ حطيت في صونية وقعمزت ناكل

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

هارون ::::::: ناض خش 💔 كلمتي خالي ؟؟؟
سالمين :::::: انت علاش مستعجل ؟؟
هارون ::::: نبي نشوف حياتي !!!
سالمين ::::: ومع من ان شاءالله!!!
هارون :::::: انتِ عارفه 🤨
سالمين :::::: 😠 مع يلي لسانها هكي طوله
هارون :::::: بصوت هادي عكس امه ، نبها 🤷🏻‍♂️
سالمين::::: 😠مع يلي امها تخدم في حوشك
هارون :::::: ن ب ها🤷🏻‍♂️
سالمين:::::😠 مع يلي بوها خانب فلوسنا
هارون ::::: ن ب ها 🤷🏻‍♂️
سالمين :::::: هاااااارون 😡
هارون :::::: نبها ياامي نبها الموضوع هذا منتهى عندي وناض
سالمين :::::: نموت ولا تخش حوشي 😒

~~~~~~~~~~~~~~~~~~~~~~~~~~~~

رشيدة :::::: رقدتي البارح
غالية ::::: في الليل مايجي حد للصيدليه نرقد
رشيدة ::::: يابنتى الله يهديك
غالية :::::: ان شاءالله ، قلتلك قبل ونقولها توا انى منقدرش نتنفس هنى انى مخنوقة مدلناش اكثر من هكي وخلينا نطلعوا وخديت شنطي وطلعت مشيت لحوشهم
استبرق::::: غالية ليك وحشة 😍
غالية::::: حتى انتِ كيف حالك شن اخبارك
استبرق ::::: تمام
غالية :::::: بوك قاعد ؟
استبرق ::::: لالا تبي حاجه !
غالية ::::: اعطيه الزرف هذه وقوليله
استبرق ::::: لالا مادخلنيش هونا هارون في داره عطيه شن تبي الحاجات هذه هو وبوي يتصرفوا فيها
غالية ::::::🤨 باهي
استبرق :::::: خل نشوف ماما انى اركبي انتِ ومشت بسرعه بتلهي امها
غالية ::::::😒 حاسه بحاجه في البنت هذه بس يلا 🥺 نحس في روحي خاطري نشوفه لين خلاص فرحت لما شفته برا امبكري 🌚 خل نشوفه شويه ثانيه ومشيت دقيت عالباب وفتحت 😳 لقيته محول تشرته شكله كان بيدوش والا بيغير 💔 عيطت وغطيت عيوني اهاااا🙈
هارون :::::: غالية اسكتي يسمعوك يجوا يقولوا درلها حاجه
غالية::::: حولت يديه شن بديرلي 🤨 ايوه 👍 برافوا غالية اسألي أسئلة عبيطة ديما هكي 🤦🏻‍♀️ شن تبيه يشرحلك توا !!!!
هارون::::: شن بنديرلك ههههه، خشي تعالي شن تبى ؟
غالية :::::😳 وين بنخش !! البس تشرتك قبل 😣
هارون :::::: هههههه لبسناه ياستي تعالي شن
غالية :::::: انى جبتلك ونهضت الظرف جبتلك التشرت
هارون ::::::: هههههههه التشرت
غالية :::::🌚 برافوا غالية برافوا. 😒 قصدي الظرف هذا فيه ايجار الشهر مدام مش منتقلين بنخلصوا ايجار زيه زي اي مكان ثاني
هارون :::::: بلا لعب صغار !
غالية ::::::: لا لعب لا شيء حطيته عالمراية وطلعت
هارون :::::: قعمز عالسرير. وشد رأسه مش ح تبطل عناد خدي الظرف ورفعه لرشيدة وبعد جدل طويل خداته منه

~~~~~~~~~~~~~~~~~~~~~~~~~~~~~

غالية ::::::: مشيت للتصوير وبعدها مشيت للحاج محمد جد حسام هدرزت عليه شوية ولفيت عالحوش وحطيت العشي عالنار نحب نجيه الراجل هذا مريح يقرأ في قرأن كل شوية يقول حديث والا موقف من سيرة النبي عليه الصلاة والسلام يحسسك بالأمان والراحة ، مش عارفة كيف ماحسيتش بروحي الا راقده

حسام :::::😳 جدي خيرك شن فيه ؟ علاش متصل توا الساعة 12
ح . محمد :::::: مرتك رقدات هنى حتى العشي خشيت بالصدفة طفيت عليه والا راهو انحرق
حسام ::::: غر مرت شن ياجدي !!!
ح . محمد ::::::: غالية خش
حسام :::::: غاااااالية وخش شافها راقده ، نوضها والا خل تقعد
ح . محمد ::::: مانندريش عليك شوف روحك
حسام ::::: توا نشوف
ح . محمد ::::: انى بنخش نرقد
حسام :::::: قعد يشوفلها شوية ودار شيء توا نعرفوه الحلقة الجاية
غالية :::::: نضت 😳 نهاري وين رقدت انى وقفت سويت وشاحي وطلعت من الصالة
حسام :::::: مقعمز فاتح التلفزيون صكره نضتي ؟
غالية:::::: حسام شن جابك ؟؟؟
حسام :::::: جدي وين عطلتي في النوم خاف عليك واتصل بيا
غالية ::::::😱 العشي ؟؟
حسام :::::: طفى عليه هو
غالية:::::: انى خل نروح
حسام :::::: غالية الساعة 2 وين بتطلعي ؟؟؟ خليك وروحي الصبح
غالية::::: اوففف مش عارفه كيف رقدت 💔 خل نخش نكمل نومي معنها
حسام :::::: تمام تصبحي على خير

~~~~~~~~~~~~~~~~~~~~~~~~~~~~

العنود :::::: الفترة هذه قربت من ادريس هلبا مع غياب غالية وزعل امي وعدم وجود معمر يلي عمره ماكان موجود كنت مانشوفش الا في ادريس هو الشخص الوحيد يلي مهتم بيا ويلي يسأل عليا ، اختفى الضمير والتفكير في هذا غلط وهذا صح

ادريس ::::: نطلعوا نتغدوا برا اليوم ؟؟؟
العنود::::: يشوفنا حد ؟
ادريس :::::: نختار مكان يديرولنا فيه مكان خاص
العنود ::::: مش عارفة
ادريس :::::: هيا نبي نطلع معاك 😉
العنود ::::::😍 تمام ،، مشيت للحمام عدلت مكياجي وزدت روج وخديت شنطي وخشيت بنقوله انى بنسبقك
ادريس :::::: 😠 شن هذا ؟
العنود :::::: شن ؟
ادريس ::::: الروج هذا ليش ؟ لمن ؟
العنود :::::::😳 هكي سويت روحي شن فيها ؟؟
ادريس ::::😤 لمن
العنود :::::: ادريس شن تقول من ماشي معاي غيرك ؟؟
ادريس ::::::: انى معاك من الصبح كان بديريه على شاني
العنود :::::: 🤨 خيرك ادريس هنى مكان خدمة ولما قلت نطلعوا ويديرولنا مكان خاص لينا حبيت نهتم شوية على شانك
ادريس :::::: انى مش ….
العنود:::::: خديت مناديل من قدامه مسحت الروج ولوحته عالمكتب وبلاش منها الطلعة بكل 😠 وطلعت 💔💔 ووقتها اكتشفت انه يلي تغلطي معاه مستحيل يحط فيك الثقة 🤷🏻‍♀️

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

رشيدة ::::: مافهمتش شن تبى ؟؟
سالمين ::::: شيءٍ بنتك ماطاق فيها شيء دليل انها تبي تطلع من الحوش يعنى لا تبيه لا مفكره فيه لكن المشكلة في ولدي لهدا خل نديروا يلي قلتلك عليه
رشيدة:::::: أنى مانكذبش على بنتى
سالمين :::::: وبنتك شن جابها كله بندروه لولدي بس
رشيدة ::::::💔😒 باهي
سالمين :::::: زي مااتفقنا ووقفت تراقب في الدروج لين سمعت صوت هارون نازل ،، اهو جي ووقفت عالطاولة زعميتها توتي في الفطور وعطت بظهرها للباب ،، وقالت اللطف ياربي معقولة هكي ؟؟؟ بلا نشده لاشيء
رشيدة:::::: متردده والله شن بندير قالت نبيه وبناخده 🤷🏻‍♀️
سالمين :::::: غر جيبى اسمه بالكامل توا نقول للحاج والا موسى يسألوا عليه
هارون :::::💔 بخوف من هو ؟
سالمين :::::😏 غالية قالت امها جايبة واحد ورأسها والف سيف تبى تأخده حتى قلتلها يسألوا عليه ، قالتلها انى نعرفه ساد
هارون ::::: شف لرشيدة نظره متع قولي انه كذب ؟؟
رشيدة ::::::: مدوريش كيفها توا بنات الجيل هذا كلهم هكي ياخدوا ، تجيب هي واحد
هارون ::::: 😠يما ….

#يتبع

https://qalamnajih.com/?p=129

اترك رد

زر الذهاب إلى الأعلى