رواية جنون عاشق الحلقة الثالثة | القلم الناجح
روايات ليبيه كاملة

رواية جنون عاشق الحلقة الثالثة

جميع حقوق الطبع والنشر محفوظة

#جنون_عاشق

الحلقــــــــــ(3)ــــــــة

هناء ::::::: ملاحظا حركاتك لكن خل نقولك من توا قبل ماتتعمقي ادريس متزوج وعنده حتى صغار
العنود :::::::😳 انصدمت 💔 قعدت ساكته لدرجة ما كلمتهاش على كلمة حركاتك ،، قعدت نكلم في روحي هكي تمام بكل 💔 نضت خديت شنطي وطلعت ، من بنلوم من بنحاسب انى من اصلا 💔 بالنسبة ليه فوتي هذا كله هل وضعك يسمحلك تأخدي موقف اصلا
ادريس::::: استنى شوية وين ماخشتش طلع وقف في مكتبهم 🤨 وين العنود
هناء ::::::😒 طلعت روحت
ادريس ::::::😳 روحت ؟؟؟ كيف روحت
هناء :::::: الدوام تم كان تبى حاجه قولي شويه وبنطلع
ادريس :::::: شيء شيء وخش لمكتبة وهو يفكر 🤔 تقولي تعالي وبعدين تروح !!! شن الجو هذا طلع تلفونه واتصل بيها مره اثنين مردتش 💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية ::::::: هارون خاطب ؟؟
هارون ::::: وهو خاش ، وخيره مش عاجبك ؟؟
غالية :::::: 😒 امك انى باش يعجبنى ، ماوجعتنى كان هالبنت شكلها ملقطه دعاء الوالدين
هارون ::::::😒 طلع للصالة وفاتها
استبرق::::: بالله ديري نسكافي غالية وطلعت
غالية ::::::🤔 قعدت نفكر في البنت باينة صغيره اصغر منى ممكن عمرها 17 او 18 علاش من توا تبى تتزوج ، نكلم في روحي علاش بتقول لا فلوس ومظاهر 🌚 وواحد حلو صح هو حيوان ودمه رزين 😷 لكن جميل وشخصية
رشيدة :::::: غالية غاااااالية خيرك
غالية :::::: اها ….. سرحت شوية بس
جهزت النسكافي ورفعته للصالة لقيت البنات بس ومعاهم مرت ولدهم موسى اسمها امل كانت حامل وواضح انها شايفة روحها 😒 حطيت النسكافي وتلفتت
جنات ::::: ردي بالك منها يجي موسى هنى تخطفه منك امها مغربية ياكبدي
غالية :::::: مش يوشوشو وانى سمعتهم لالا يتكلموا بصوت عالي كأنهم يكلموا فيا 🤨 تلفتت وانى رافعه حاجبي وطبقت يديه
امل :::::: لا حبيبتي اشقي بروحك انى موسى نجي هنى رجلي على رجله انتِ يلي قاعد معها 24 ساعة
غالية :::::: خايفين على رجلتكم منى 🤔؟
جنات ::::::😌 طبعا لا بعقولهم مايشفولكش لكن مغربية وين نندروا عليك شن اديري
امل :::::: انتم ماطلقتوا تامر حسنى و مراد يلدريم بتطلقي هارون هههههه
غالية :::::::😏 شفتلهم باستفزاز هارون هذا كان نبي فيه نجيبه بدون حتى مانرمش عيوني ليه مش نديرله سحر
استبرق::::::: خلاص يابنات فكونا
غالية :::::: مشيت للمطبخ وخليتهم 😒 شفت لامي كان لقتينى شاده وحده منهم من شعرها ماتقوليش خيرك 😠
رشيدة ::::::: ياساتر ، حنى خلاص كملنا العشي وخل نروحوا
جمعة :::::: خاش من باب المطبخ ترا يابنتى اركبي ناديلي هارون فيه واحد برا يبيه
غالية ::::::😒 كيف جيت بنعبر على مشاعري شفت امي مفنصه فيه
رشيدة :::::: ناديه فيسع وتعالي
غالية ::::::: باهي 😤 وركبت فوق يومها نظفت الديار وقالوا الدار هذه لهارون ما حد يخشلها ينظف فيها بروحه مشيت دقيت عالباب
هارون :::::: ايوا
غالية ::::::: فتحت الباب قالك بوك تعاله فيه حد يبيك تحت
هارون :::::: 😒 خلاص معادش فيه حد غيرك ينادينى ؟
غالية ::::::: 😕 بدلع تعرف قعدنا نتعاركو لوط من بيرك يناديه وفي الاخير درنا قرعة وطلعت انى 😠 غيرت نغمة صوتي ميته عليك ماهو وصكرت الباب ونزلت في الدروج شفت جنات
جنات :::::: اسمعي نبيك
غالية ::::::: شن
جنات :::::: بنطلب منك طلب ونبيك تساعدينى حسيتك الوحيدة يلي تقدري
غالية ::::: يلي هو ؟؟
جنات :::::::🥺 هو طلب غريب شوية لكن اسمعينى قبل نبيك تغرى هارون
غالية :::::::😳شن شننننن
جنات ::::::::🙂 نقصي صوتك بس
غالية ::::::: احترمي نفسك شن قالولك عليا
جنات ::::::: مش بمعنى اديري معاه شيء ، لا مجرد تجيبيلي دليل رسالة غزل منه صورة سلفي اي حاجه من هكي ، وطبعا كل شي بمقابل
غالية :::::::: وعلاش الجو هذا كله ؟
جنات :::::: 😔 انى مانبيشي نبي نسيبه بالله عليك
غالية :::::: توا بالله عليك !!! قبل شوية كنت سحاره ؟
جنات :::::: هضاكه جو باش يصدقوا انى نغار عليه
غالية ::::::: انى مفهمتش ماتبيشي هونا قدامك اركبي قوليله معادش نبيك 🤷🏻‍♀️ واحدفي الدبلة في وجهه شفت ليدها ، قلتلها وحتى دبلة مافيش احدفي شبشبك في وجهه واطلعي
جنات ::::: مانقدرش 😣
غالية ::::::: شن جو زهرة القصر يلي ديرتهولنا ، انى مادخلنيش في موضوعكم وما اعتقدش هو بلا كرامة للدرجة هذه تقوليله مانبيكش وبيتزوجك بالغصب وجيت بننزل
جنات :::::: انتِ شن ليك علاقة بهدا كله تبي فلوس تاخدي قد ماتطلبي وتمت
غالية :::::: تعصبت شديتها من يدها بقوة 😠 اسمعى ماتحسبيش كانك اطول منى شوية معنها خلاص اقسم بالله نحطك تحت رجليا توا وماواحد يقدر يفكك منى اتقى شري
هارون ::::::: حول الابتسامة من على وجهه ونزل ، غاااااالية شن اديري انتٍ😠 علاش شدتها هكي
جنات :::::::🥺 هارون
غالية :::::: سمعت صوتها كيف تغير 😳
هارون :::::: 🤨 جنات من اهل الحوش احترمها
غالية :::::: اءء….
هارون ::::::: قص علها جنات امشي للصالة
جنات ::::::☺️ حاضر
غالية ::::::::😒 تلفتله كان واقف فوق منى بدرجتين قعدت نشوف فوق 😤 انت فاهم القصة والا نازل تعارك وخلاص
هارون ::::::: نقصي صوتك وتكلمي مع اهل الحوش باحترام
غالية ::::::: تعرف تستاهل يلي يديروا فيه فيك واكثر 😤 وتلفتت بننزل
هارون :::::: بحركة سريعة نزل قبلها ووقف قدامها

~~~~~~~~~~~~~~~~~~~~~~~~~~~

العنود :::::: وصلت خشيت شفت سيارتين قدام حوشهم وين خشيت الملحق ملقيتش لاامي لا غالية عرفت انهم غادي طلعت تلفوني لقيت مكالمات من ادريس ورسالة طمنينى عليك ضروري
بعتله رساله ( الحمدلله كويسة خيرني )
3 ثواني بالزبط مش تقدير واتصل ❤️
رديت الو
ادريس ::::::: العنود خيرك ؟؟؟
العنود :::::::: خيرني ؟
ادريس ::::::: تعرفي انى جيت على خاطرك بس للمكتب ؟ في الوقت يلي نستنى فيك تجي نلقاك روحتى ؟ كان قصدك بيها حركة ثقل مش حلوه بكل راهو 😒 قصدي مانيش عيل راجل عمرى 36 سنة تخلينى نجي من اخر الدنيا وتفوتينى
العنود ::::::: صارلي ظرف اطريت نطلع
ادريس ::::::: تغيرت نبرة صوته من عصبيه لاهتمام وحنية ، شن فيه شن صاير معاك
العنود ::::::🙄 اختى صارت معها قصة واتصلت بيا اطريت نطلع طول
ادريس ::::::: احكي بالك نساعدك
العنود :::::::🤦🏻‍♀️ ياعليك قصة شن بنحكي توا ، مش فاضية توا غر قلت نرد عليك
ادريس ::::::🥺 ماتبيش تحكيلي ؟
العنود ::::::: قعدت ساكته
ادريس ::::::: باهي تمام تقدري تتصلي في اي وقت لو احتجتي لحاجه او تبى تحكي
العنود ::::::: شكرا وصكرت
ادريس ::::::: شاف للتلفون شكرا ! 🤔
العنود ::::::: لا نى في وضع نقدر نحاسبه ولا نلومه 🤷🏻‍♀️ انتِ غر حاسبى روحك قبل 💔 ممكن هذه فرصة من ربي انى نتراجع اي اي ، اوووف باهي كيف نبعد عليه توا كيف نخلي علاقتي بيه علاقة عمل بس عادي نتصرف ببرود توا يفهم بروحه

~~~~~~~~~~~~~~~~~~~~~~~~~~~~~

غالية ::::: شن تبى 😠
هارون :::::: مركز فيها شن يلي نستهاله ؟
غالية ::::::😒 توا تعرف لما يصير وقدمة درجة بديت في الدرجة يلي قبله بالزبط
هارون :::::: قصدك كلام جنات توا !
غالية :::::::🤨 حلو يعنى سمعت
هارون ::::::: وهو مركز في عيون غالية ، ماتعدليش علها قاعده مرهقة وين وحده من صاحبتها حبيبها يديرلها حاجه حلو تنكد هي وتعيش جو المغصوبة
غالية :::::::😳 تبصر انت صح. ! باهي دير لخطيبتك زي الخلق والا سيبها وخل غيرك يدرلها
هارون ::::::: هههه توا تمشي تشوفها مش كشخت عليك على شانها ، توا تلقها منزله في السناب خطيبي ضلعي الثابت الفارس المغوار حامي الديار 😏
غالية ::::::: دفيته من كثفة ، معادش تستعملني باش ترضي حد ، ونزلت وخليته وانى طالعة من باب الكوجينة نسمع فيها تحكي في الموقف 🤷🏻‍♀️ وتتفاخر
جنات :::::: تعرفي هارون وقفها عند حدها وقاللها هذه حبيبتى وخطيبتى تحترمها غصبا عنك
غالية::::: ضحكت وطلعت ، طلع يعرفها كويس

~~~~~~~~~~~~~~~~~~~~~~~~~~~~~

#في_الليل

رشيدة :::::: تشوف لبناتها الزوز مقعمزت وسرحانات ، يابنات وشو كاين ( شن صاير )
العنود :::::: نفكر غدوا لزم نتصرف ببرود ونطلع كل شيء من رأسي ردي بالك ياالعنود المشاعر هذه بتجرفك لطريق ماحدش يبيها
غالية :::::: نذكر في كلام هارون (ماتعدليش علها قاعده مرهقة وين وحده من صاحبتها حبيبها يديرلها حاجه حلو تنكد هي وتعيش جو المغصوبة )
باهي علاش هو مايهتمش بيها 💔 اهو عارف طلباتنا بسيطة والله 🤷🏻‍♀️ شوية اهتمام وسؤال وغيره حتى لو كانت مصتنعة تلقا روحك ملكتها علاش الراجل لما تبدا مش ليه يحفى ورها ولما تبدا خطيبته والا مرته يهملها 🤔 زي الطفل يلي بكي ايام على لعبة يبيها ووين ياخذها يفوتها
رشيدة ::::::: يابنات وشو كاين ؟
غالية :::::: شن قلتي ؟
رشيدة :::::: فين غبرتي ؟ ( وين مشيتى )
غالية ::::: قاعده قاعده
رشيدة :::::: العنود وين معمر ؟
العنود ::::::: اها
رشيدة ::::: قلتلك معمر وينه معادش طل
العنود :::::: عنده خدمة في الضواحي اظني
رشيدة ::::::😒 شن اظني هذه ….
غالية ::::::: قصية عليها العركه يلي بتصير ، حقا انى حصلت عمل
رشيدة :::::: عمل شن ؟
غالية ::::::: في صيدلية غر المره هذه بمعاش طبعا
العنود ::::::😍 وهذا وين تقولي ، كيف من حصلهولك
غالية :::::: دكتور شفته في عرس اخته واليوم جي قال عندنا صيدلية في العيادة لو حابه تشتغلي
العنود ::::: تذكرت ادريس 💔 ، شن غرضه يعرض عليك هو الخدمة والناس تدور ومش لاقيه ردي بالك يطلع يتوددلك بالحركات هذه بعدين يطلع خاطب والا متزوج
غالية :::::: حاجه والله كبيره ويطلع عنده حتى دزينة مفرخ شن دخلني فيه انى ، وقعدت نحكيلهم عالمالفي يلي شريته 😣 قاعد وجعني لتوا والغريبة انى تخطيت الجزء يلي فيه هارون 🤷🏻‍♀️ يمكن لانه مانبيش نسمع محاضره من امي
العنود ::::: خيره غالية مش زينى اهو جي لعندها وعرض علها الخدمة ، علاش انى مشاعري هشة من لما كنت صغيره 💔 علاش ابسط كلمة حلوه تخلينى نعيش بيها ايام. علاش هي ماتهتمش هكي وبين هلبا أسئلة يطرحها العقل والقلب مايلقالهاش جواب رقدت

~~~~~~~~~~~~~~~~~~~~~~~~~~~~

#ثاني_يوم

غالية :::::: نضت لقيت امى والعنود مش موجودات شفت الساعة لقيتها 9 خشيت دوشة وصليت وجهزت روحي وطلعت
استبرق :::::: صباح الخير
غالية ::::::: صباح النور
استبرق::::: طالعة ؟
غالية ::::::: ايه
استبرق::::::: تعالي نوصلوك هارون طلع السيارة يستنى فيه
غالية :::::: لالا شكرا 😒
استبرق:::::: غر تعالي امك كيف كانت تحكي على قصتك امس في الافيكو حنى ماشين ماشين
غالية :::::: باهي وطلعت ، فتحت الباب الخلفي وركبت ،، اسمع قبل ماتبدا تتكلم مش انى يلي قلت وصلوني ولا ميته عالركبة معاك 😒 اختك هي يلي شدت فيه
هارون ::::: تلفتلها وحول النظره وابتسم ابتسامة خفيفة صباح الخير
غالية ::::::😳 طلعت انى قليلة الدوق صراحة 💔 قلبة عيونى ورديت صباح النور
استبرق :::::: تضحك على كلام غالية هههههه
فارس :::::::: واقف قدام الحوش المقابل استنى يا معلم نمشي معاك
هارون :::::::: صكر الروشن الخلفي يلي من جيهة غالية ، الحق بسيارتك ياراجل مرات يطلعلي مشور بعدين
فارس :::::: باهي
هارون :::::: رد نظراته وطلع ، وين نوصلوك ؟
غالية ::::::: عادي وين بتوصل اختك ننزل بعدين نتصرف
هارون ::::: عدل المراية علها وشافلها فيها مدام ركبتى قولي وين باش نوصلك
استبرق :::::: انى ماشية للكلية
غالية ::::::: تمام انى المصور مش بعيد من المنطقة هذه
استبرق ::::: تلفتت عندك تصوير اليوم ؟
غالية :::::: ايه الساعة 2 وحده دايره عيد ميلادها في مطعم
استبرق :::::: خاطري نمشي يوم نحضر
غالية :::::: ايوه العنود الثانيه وتكيت رأسي عالروشن ، مش عارفه شن عاجبكم فيهم الحفلات هذه
وصلوني للمصور قلتله شكرا ونزلت

~~~~~~~~~~~~~~~~~~~~~~~~~~~~

العنود ::::: جت الساعه 11 وهو ماجاش احسن 💔
هناء ::::: العنود ارفعي الملفين هضم حطيهم في مكتب أستاذ ادريس
العنود ::::: تمام خديتهم ومشيت خشيت لمكتبه ❤️ طاولته مرتبة كل شي في مكانه حطيت الملف وجيت بنطلع خش من الباب 💔
أدريس ::::: ادوري فيا ؟
العنود :::::: 😳 اها… لا… اي… لا ..قصدي جبت الملفات
ادريس :::::: مبتسم شن صار مع اختك
العنود :::::: خيرها ؟
ادريس ::::::: ضحك لانه كان فاهم كذبه العنود امس
العنود :::::: اها قصدك على امس لامشت الامور وجيت بنطلع فتت من جنبه
ادريس ::::: مد يده شدها من خسرها ، زعلتك انى في حاجه
العنود ::::::😳😣نشوف ليده ونحس في روحي ارتبكت ونرعش سحبت روحي ، قلتله شن قصدك أستاذ ادريس
ادريس :::::: هههه وليت استاذ ؟
العنود ::::: مش انت مديري
ادريس ::::: باهي كيف ماتبي وكمل لمكتبة
العنود ::::: طلعت بسرعه وحاولت نكمل اليوم بدون مانشوفه
خطمت على غالية وروحنا مع بعض
هارون وفارس ::::: مقعمزين على طاولة في الجنان
العنود :::::: خشيت من الباب
فارس :::::::😍 شن هذا متقولش هضم بنات المغربية
هارون :::::::🤨 رفع عينه شاف العنود ،، ايه وفكنا من دوتك
فارس :::::: بصوت عالي نوعا ما (عندي قلب مايصبر بلاهم يوم 🎶)
غالية :::::: قايمة كسات وخشيت 🤪
فارس ::::::😍 ( وعندي عين ماتعرف بلاهم نوم 🎶)
هارون ::::::: قام رأسه 😠 فااارس
غالية ::::::::😒 نبعتلك رابط 2020 راك قاعد في 2008 كان ماتندريش
هارون :::::: غااااالية خشي
غالية ::::::: ماكليناش صاحبك وخشيت
فارس :::::::🤤 تي كولينى مسامحك وربي هو انتِ يلي تتاكلي
هارون :::::::😤 فاااااارس ضم فمك والا نوض روح
فارس ::::::: تي خيرك ياراجل
هارون ::::::: فكنا مش في حوشي عاد
فارس ::::::: لكنهم طروف
هارون :::::: 😒 نوض روح انى بنخش نرقد وناض خش

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

#بعد_اسبوع

العنود ::::::: ماتغير شيء وانى وبكل ما أوتيت من قوة نحاول نبعد عليه 💔 وبكل ما أوتيت من ضعف قربت منه ، هو مرات يحاول يقرب واغلب الايام مخلينى على راحتى
غالية :::::: سيبت الصيدلية الاولى وكلمت حسام واليوم اول يوم ليا في الخدمة الجديدة
حسام ::::: شن مشت الامور
غالية :::::: اي والله التدريب فادني
حسام :::::: ميه ميه انى في العيادة تبى شيء كلمينى
غالية :::::: خلاص انى كملت نص ساعة ونطلع
الصيدلاني يلي معها خاش من الباب وصلت الادوية
غالية :::::: باهي تعاله نحاولوا نرتبوهم توا
الصيدلاني ::::: تمام
حسام :::::: حتى انى شوية ويتم دوامي ونجي نعاونكم وطلع

~~~~~~~~~~~~~~~~~~~~~~~~~~~

رشيدة::::: كلمي اختك شوفيها وين
العنود ::::::: ماعنديش رصيد
رشيدة :::::: امته كان عندك 😒
العنود ::::::: توا تجي
رشيدة ::::::: مبرد قلبك وطلعت
هارون ::::::: يتكلم بالتلفون ويدخن شاف رشيدة لابسه عبايتها وتحاول تفتح الباب الخارجي صكر وجها ،، خالتي رشيدة ان شاء الله لاباس وين طالعة في هالليل
رشيدة ::::: بنمشي ناخد كرت غالية تأخرت وماعنديش رصيد
هارون :::::: وين هي ؟
رشيدة :::::: بادية عمل جديد ومفروض تكمل ال 8 المغرب وتوا 10:30 وقاعده ماروحتش وين نعلم بيهم شن شكلهم يلي تخدم معهم (اتقلقت علها) انشغلت علها
هارون :::::: خودي اهو تلفوني كلمها
رشيدة :::::: لالا توا نمشي للمحل فيسع
هارون :::::: ليش طالعة في هالليل خودي
رشيدة :::::: كتبت الرقم واتصلت
غالية :::::: 😒 الو ؟؟؟؟
رشيدة :::::: 😪وينك يابنتى قلقتيني
غالية ::::::: حيييي عليك نسوه ماانتبهتش للوقت واصلة بضاعة قعدت نساعد فيهم قلت مش حلوه نفوتهم من اول يوم ، بنتصل ونسيت بكل
رشيدة :::::: المهم حالك باهي مافيك شيء
غالية :::::: لا تمام وانى طالعة توا
رشيدة :::::: باهي توصلي سالمة وصكرت صحيت وليدي ربي يطمنك
هارون ::::::: فتح التلفون شاف رقم غالية 😈 وهو بالقصد ماحولش رصيد باش تتصل منه ،، المهم اطمنتي علها
رشيدة::::: اي غر شورهم جايبين بضاعة قعدت تساعد فيهم
هارون :::::: ربي يعاونهم
رشيدة ::::: تصبح على خير
هارون :::::: فيه شيء خلاه مايخشش ويستنى مرواحت غالية

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

حسام :::::: خليناك تتأخري
غالية :::::: اي بنطلع توا اشبح نحصل تاكسي والا لا
حسام :::::: شن تاكسي في هالليل ، انى نوصلك
غالية :::::: لا طبعا كيف توصلني مانقدرش نركب معاك
حسام :::::: يعنى مع تاكسي عادي ؟؟
غالية ::::: ضحكت هههه خيره كلكم نفس الكلمة
حسام ::::: كلنا من ؟
غالية :::::: ماتحطش في بالك ، باهي هيا وصلني وطلعت معاه حسام جوه حلو ودمة خفيف ويهدرز هلبا هههههه طول الطريق ماسكتش
حسام ::::::😍 تسكنى هنى
غالية :::::: ايه
حسام :::::: فهم انها بنتهم ، تعرفي كل مره نزيد نحترمك اكثر
غالية ::::::💔 مش عارفه علاش في وقتها ماوضحتش لحسام انى مش بنتهم 🤷🏻‍♀️ سكتت وخلاص هيا تصبح على خير ونزلت
هارون :::::: يشوف من فتحة الباب لما سمع صوت سيارة 😒 هذه الخدمة يلي تخدم فها. وخشت للحوش طول 💔
غالية ::::::: خشيت لقيت الباب مفتوح 🤨 شكلهم ناسينه صكرته وخشيت للحوش

~~~~~~~~~~~~~~~~~~~~~~~~~~~~~

#ثاني_يوم

العنود ::::: كنت مقعمزه في المكتب رن التلفون
قمته الو
ادريس::::: العنود تعالي شويه لمكتبي وماتبعتي حد ثاني تعالي انتِ😒 وصكر قبل ماترد
العنود :::::: خديت نفس وسويت وشاحي ومشيت دقيت وخشيت
ادريس :::::: وقف صكري الباب و تعالي قعمزي
العنود :::::: صكرت الباب وقدمت
ادريس ::::: قدم واشرلها عالصالون
العنود ::::: قعمزت في الطرف
ادريس :::::: قعمز جنبها نقدر نعرف خيرك شن صاير معاك فجاء تغيرتي ؟
العنود ::::::: نشوفله ونحس في الكلام هرب ش شيء
ادريس :::::: راهو بنهبل اسبوع نفكر بالك تصرفت معاك غلط والا درت حاجه مالقيت شيء حاولت نخليك على راحتك بالك تجي وتحكيلي لكن معادش تحملت
العنود :::::: صوت نفسي مسموع حتى دقات قلبي كانت متشافه قلبي يدق بسرعه لين البلوزة تتحرك
ادريس ::::::: حط يده على قلبها مدام يدق هكي علاش تعاندي وقرب منها
العنود ::::::: ساكته
ادريس :::::: حط يده على خدها تعرفي انك حلوه
العنود :::::: غمضت عيوني
ادريس يمشي في صبعه الكبير على شفايفها وباقي يده على خدها
العنود ::::::💔 وقتها كنت نقيم في يدي بنحول بيها يده بس يدي مخدره مقدرتش نحركها
ادريس ::::::: زاد قرب وجهه منها وباسها

~~~~~~~~~~~~~~~~~~~~~~~~~~~

غالية :::::: كالعادة ماعنديش خدمة في النهار مشيت نساعد في امي عندهم وانى في المطبخ خش عليا فارس 🙄 يلي عرفته انه صاحب هارون وولد عمه

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

هارون ::::: نازل من فوق وين فارس ؟
استبرق::::: خش للمطبخ بيشرب
هارون ::::: عرفه خش ع شان غالية 😒 مشي للمطبخ واول ماخش كان المنظر يلي قدامه غالية وفارس واقفين مقابلين بعض وشدين في يدين بعض 😳😳

~~~~~~~~~~~~~~~~~~~~~~~~~~~~

العنود :::::: بعد دقيقة ممكن من يلي صار حطيت يديه على صدره ودفيته للخلف
ادريس :::::: يشوفلها ومبتسم
العنود ::::::💔😢 انى متزوجة
ادريس :::::: اختفت الابتسامة 😳

#يتبع

اترك رد

زر الذهاب إلى الأعلى