رواية جنون عاشق الحلقة الثامنة عشر .. الكاتبة صفاء | القلم الناجح
روايات ليبيه كاملة

رواية جنون عاشق الحلقة الثامنة عشر .. الكاتبة صفاء

رواية جنون عاشق الحلقة الثامنة عشر .. الكاتبة صفاء

#جنون_عاشق

الحلقــــــــــ (18)ـــــــــة

غالية::::: 🤨 انى نسيت معادش نذكر حتى امته صار هذا 😏 وانت نسيتنى ؟؟؟
جنات ::::::: غالية 😏 لما قالولي جيتى ماصدقتش
غالية :::::: هه 💁🏻‍♀️ انى ماننتساش حتى مرتك قاعده مذكرتنى ☺️
هارون :::::::💔
جنات ::::::: ههههه المهم انتِ قاعده مذكرتينى لانك اختفيتي قبل العرس بايام
غالية ::::::: شفت لهارون وخدت الصونية ومشيت جيهتها مذكراتك وحتى هديتك جبتها معاي وطلع للصالة 💔
جنات ::::: 😏 (قرت عينك )
هارون ::::::🤨 شن قصدك !!!!
جنات :::::: شيء خيرك جملة عادية يقولوا فيها وين يرجع حد غالي عليك كان مسافر
هارون :::::: 😒 طلع وخلها
غالية ::::::: شعور اخيييييه نشوفه مع مرته 💔

~~~~~~~~~~~~~~~~~~~~~~~~~

العنود :::::: كملت واتصلت بمعمر يجينى خديت شنطي وطلعت باش نلاقيه
معمر :::::: بيب من الجيهة الثانية من الطريق واشرلها
العنود ::::::: وقفت عالرصيف بنقص الطريق 😳 شفت ادريس جت عينى في عينة 💔💔
تحركت السيارة بعدين سمعت فرين كأنه هذا وين استوعب انه شافني قصيت بسرعة فيه سيارة قريب ضربتنى قعدت تبيب عليا وانى نتحرك بسرعة لانه الجزيزه يلي يلفوا منها مش بعيدة عرفت انه ح يرجع ركبت بسرعة
معمر ::::::: خيرك قريب ضرباتك السيارة !!!
العنود :::::: حطيت رأسي لوطة على اساس نساوي في كندرتي هيا اطلع مستاحشه غالية مستعجلة نشوفها بس
معمر :::::: حرك السيارة وطلع
العنود ::::::😥😪 تلفتت نشوف فيه نازل في نفس المكان ويلف على رجليه 💔 قلبي يدق بسرعة باهي انى عارفه انه ح يدورني علاش لزني يومها مدام يبينى خلاص العنود انتِ تحاربي في مشاعرك وقلبك ليك سنة ماتفسديش توا على روحك بتفكيرك هذا

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

جمعة ::::::: الحمدلله على سلامتك
هارون :::::: خش وراء بوه
غالية :::::: الله يسلمك
جمعة :::::: عجباتك المغرب عطلتي ؟
غالية :::::: امممم حلوه وحصلت خدمة لانى مشيت بداية الصيف بداية موسم السياحة اغلب الفنادق يزيد طلبهم على ناس تتكلم انجليزي لانه اغلبهم فرنسي بس مع التصوير حصلتلي بنت خالتي شغل في فندق قعدت في مدينة طنجة اغلب الوقت
جمعة :::::: كويس
جنات ::::::😏 كان انى مكانك راهو شبكت مع واحد من السياح 😉 ومعادش تلفتت وراي
هارون :::::: شافلها بطرف عينه 😒
غالية ::::::: ههههههه ومن قالك مادرتهاش بالك جاية نسلم عليكم بس
هارون :::::::😳
استبرق:::::: هههههه
غالية :::::::: هيا نوضي يما نمشوا للحوش اكيد العنود قريب توصل
الكل :::::: شافوا لبعض وبعدها لرشيدة وسكتوا
غالية ::::::🤨 شن فيه ؟؟؟؟؟
رشيدة :::::::🙄 ا … انى بديت نقعد هنى في الفيلة
غالية ::::::: استغربت 🤔 ، اوكي خفتي تقعدي بروحك لكن توا انى معاك هيا ؟
استبرق :::::: الملحق وين طلعت منه خالتي رشيدة جبنا واحد يهتم بالجنان لانه كبرناه ساكن في الملحق توا
غالية :::::: 😦😐 شفت لامي وانى مش مصدقة !!! تمام غدوا ندور حوش للايجار
هارون :::::: يشوفلها وساكت
رشيدة ::::::: تعالي نهدرزو في الدار
غالية ::::::: توا نجي وشفت لجمعة ، نقدر نتكلم معاك بروحنا في موضوع الفلوس والتخليص مدام روحت !!!
جمعة :::::: شاف لهارون الموضوع هذا استلمه هارون من بعد ماسافرتي
غالية ::::::: اهااا الله !!!! تلفتت لهارون معنها نقدر نتكلم معاك انت ؟؟؟؟؟ 🙂 ابتسمت لجنات بعد اذنك طبعا
جنات :::::: 💁🏻‍♀️ هو ليك 😏
هارون ::::::: شاف لجنات والله !! وشاف لغالية تعالي معاي ، فتح باب مكتب بوه ووقف
غالية :::::: خشيت وخش وراي اول ماصكر الباب قلبي وقف
هارون ::::::: اهو بروحنا تكلمي هيا
غالية ::::::: تلفتت امممم عارفه العنود حطت في حسابكم 5 ألف وبعدين امي رجعت تخدم و….
هارون :::::: شن السايح يلي شبكتي معاه
غالية:::::::😳 ا .. اها كلامي مع جنات ؟ بصاره 🙄 في خاطري ليش تبرري ياغبية
هارون :::::: قعمز على كرسي بوه
غالية :::::: نقدر نخلصك في سنتين القدام بنفس المبلغ الاول ونقدر نزيد الدفع الشهري بس كل شهر بشهره شن يناسبك
هارون ::::::: 🤨 من وين جوك الفلوس تتكلمي على مبلغ مش اقل من 20 الف توا ؟؟؟؟ وين لقتيهم
غالية :::::: كانت وراه مكتبة وقفت نشوف لكتابتها بعدين قعمزت عالطاولة قدامه ، وهنى حسيت بيه توتر 💔 ، كنت نخدم في فندق وتعرف انت سياح 😉وانى رخيصة على قولتك وبعت روحي ليك من قبل ….
هارون ::::::😡 وقف وشدها من كثافها بقوى انتقام شن يلي تاخدي فيه منى توا !!!! انتقام شن ياغالية !!!!؟
غالية::::: دفيته ونزلت من انت اصلا !!!!
هارون :::::: انى هارون ياغالية هارون يلي هبل بعد ماسافرتي
غالية ::::::: 💁🏻‍♀️ وهذا شكل واحد هبل !!!! 😏 تي انت تزوجت بعد ماطلقتنى ب 5 ايام بس
هارون ::::::🤨 هذا يلي واجعك !!!!
غالية ::::::: ماوجعني شيء ومايقدر حد يوجعنى وفتحت الباب وطلعت مسحت وجهي وخديت نفس وابتسمت وطلعت
رشيدة :::::: تعالي
غالية :::::: هيا ومشيت معها كان فيه ممر مقابل الكوجية فيه دارين وحمام عطينها وحده من الديار خشيت نقدر نعرف علاش قاعده هنى 😒
العنود ::::::: فتحت الباب 😍 غااااااااالية
غالية :::::: قربت حضنتها استحشتك هلبا
العنود ::::::: واخيراً روحتي
غالية:::::: قعمزت عالسرير احكولي توا الواضح انكم كنتوا داسين عليا هلبا حاجات ؟
العنود :::::: شفت لامي وقعمزت جنب غالية ،. يلي صار انه بعد ماسافرتي انى دورت انى ومعمر استديو اجرناه وبعد تمت حوسة عرسهم امي قالتهم نجيكم 3 ايام في الاسبوع بس بنطلع معادش نبي الحوش وفعلا طلعت مع انهم كلهم شدوا فيها وعارضوا
غالية :::::: وباهي !!!!
العنود :::::: طبعا انى دفعت الخمسة الاف في الاول وكنت ناوية نكمل الباقي بس بعد 4 شهور طلعت حامل بدون مانعرف 💔 والحمل خارج الرحم ورقدوني في عيادة 17 اليوم درت العملية وكل مره يديرولي قصة دفعت كل يلي وري ويلي قدامي (( حتى الساعة يلي جابها ادريس ليا بعتها ))
غالية :::::😡 كيف يصير هذا كله وانى نتصل وتقولولي امورنا تمام
العنود ::::: كان قلتلك بتجي وانى ماحبيتش تروحي الا لما تكوني مرتاحه
غالية :::::: يعنى ازماتي العاطفية اهم من اختى كيف تفكري انتِ😠
العنود ::::::: مش اهم عارفه بس شن بديري حتى لو كنتى هنى ،، امي اصلا لانه كان المكان ضيق دار وحده وصالة مقدرتش ترتاح ترقد في الصالة وقصة وبعد نقصوا الفلوس جت سالمين للمستشفى خلصت باقي العيادة وطلبت من امي ترجع ، منها تقعد معاهم منها فلوس خدمتها ينسحب منهم للدين وباقي الحياش يلي تمشيلهم تصرف منهم ، وامي وافقت هذا كل مافي القصة
غالية :::::🥺 وعلاش انتِ صار هكي معاك في الحمل
العنود ::::::: هههههه لانه حنى ماشي يجينى بالساهل 💔
غالية :::::: حضنتها ربي يعوضك خير بس انى مروحه بمبلغ كويس لانه غادي شديتها خدمة وخلاص
العنود :::::: ههههه الفقري يقعد طول عمره فقري
غالية ::::::: هههههه بالزبط
العنود :::::: بتعطيه ليهم دين وبتأجري حوش وتقعدي تجري زي قبل !!!!
غالية :::::: ☹️
رشيدة :::::: افتحي صيدلية لروحك والا ديري حاجه تستفيدي منها وتطلع دينهم كل شهر بالمرتاح ؟ خير من تعطيهم في مره وتقعزي
غالية ::::::🤔 صيدلية جديدة صعب تبي مكان كويس وووو ، بس مصور مع خبرتي وعلاقاتي ممكن يمشي حاله ! اصبري بس غدوا نطلع نشوف البنات يلي قبل ونفهم الجو والاسعار شن صاير فيها بعدين نقرارو
العنود::::: والله استحشتك ❤️❤️
غالية :::::: شن جو الخدمة
العنود::::: كويسة صح مش نفس الدخل الاول لكن الحمدلله
غالية ::::::: يلا المهم مرتاحة
العنود ::::::🙂…… نهمسلها شفتها ؟؟
غالية ::::: من ؟؟؟؟ اهاااا جنات !!!! ايه
العنود:::::😉 توا نهدرزو

~~~~~~~~~~~~~~~~~~~~~~~~~~~~~

هارون ::::::: انى طالع
سالمين :::::: وين ؟؟؟
هارون :::::: مع الولاد وطلع برا ولع سيارته بعدين خاف تطلع من الحوش زي المره الاولى ومعادش يشوفها طف السيارة وقعد يدخن فيها

~~~~~~~~~~~~~~~~~~~~~~~~~~~~~~

غالية ::::::: هدرزنا هلبا وقريب الساعة 3 امي رقدت شفت للعنود راقد؟؟؟
العنود::::: لا
غالية :::::: نوشوش بالشوية امبكري قالي هبلت بعدك شن صار !!
العنود :::::: مش لما بنحكيلك تقولي فوتي الموضوع !
غالية ::::::: تي احكي !
العنود :::::: كذبت عليه ليلة سفرتي قلتله انك تخدمي شكله مشي ولف الدنيا كلها عليك روح الساعة 3 دق علينا نوضنا قتله مندريش بدى يعيط بصوت ويقول تكذبو وين داسينها عليا حتى خش بيفتش الحوش ولزه معمر وناضوا اهله كلهم بوه يقوله شن دخلك فيها وهو يقل امها ماترقدش كان ماتعرفش وينها المهم جي فارس رفعه بعدين
غالية ::::::😳 قصدى حتى امه !!
العنود :::::: اي واستبرق وموسى ومرته كانو بايتين هذيكة الليلة المهم ثاني يوم جي لامي وين انى طلعت مع معمر ندورو في حوش امك العزيزه قالت انك سافرتي مانعرفش كيف استقبل الخبر لانه امك ماتبردش القلب وتحكي تفاصيل
غالية ::::::: هههههه باهي كملي
العنود ::::::: ياحنة عمك فارس شد معمر قاله هارون حجز بيسافر للمغرب ثاني يوم وانى مقدرتاش ، خلوها تكلمه لانه بيدير فضيحة لاهله ويسيب عرسه يلي مازال عليه يومين المهم ياحنة 🌚 انى فتحت فيسك وكتبت رسالة لتلفون امي وعطيتها لامي تورهاله
غالية:::::: 😐حيوانه وانى طبعا وقتها مش فاضية بالفيس
العنود :::::: اصلا حدفتها في نفس الدقيقة هههه
غالية::::: شن كتبتي فيها 💔
العنود ::::: انه لو تقلوله على مكاني اقسم بالله ننتحر حاولت باش يطلقني وكنت جاده في الموضوع ونديرها مره ثانية مع دموع امك طبعا لانها صدقت الرسالة وتقوله كان بنتى تصرلها حاجه مانسامحكش والجو هذا تراجع عن السفره 💔
غالية ::::::: لحظه قصدك توا معمر يعرف !! انفضحت في ليبيا كلها
العنود :::::: فارس ومعمر مايعرفرش انكم تزوجتوا يعرفوا انكم تحبوا بعض ويحسابوا لما بيتزوج انتِ سافرتي
غالية ::::::: اها ، شن جوه هو ومرته 💔💔
العنود :::::: شن !!! شايفه انه مشيتك بلا فايده مشيتى باش تنسيه روحتى ماعندكش موضوع غيره
غالية :::::::😒 هدرزه عادية خيرك
العنود :::::: باهي ارقدي ياعادية غدوا عندي نوضه بكري
غالية:::::: باهي وقعدت نشوف للسقف ونفكر في يلي حكاته العنود ليا وكأنى نركب في فيديو للكلام نتخيل فيه شن قال كيف تصرف 💔 حتى حركة شفايفة في بعض الكلمات تخيلتها

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

#ثاني_يوم

العنود ::::: نضت جهزت روحي ولقيت غالية قاعده. راقده طلعت قلت لامي عندى مراة نعرفها بنمشي معها لصاحبتها نحنيهم وطلعت جتنى المراة ومشيت معها

غالية::::: نضت على صوت دوشة في المطبخ طلعت ببجامتى فاتحه عيوني بالسيف
استبرق :::::: نوضي نوضي شوفي امك حتى السفنز دراته اليوم
غالية ::::😍 الله ! خل نغير ونجي غيرت وطلعت لقيتهم كلهم نايضين يفطرو مع بعض قلتلهم صباح الخير
الكل ::::: صباح النور
غالية:::::: حطيت مع امي الشاهي ولفيت
استبرق :::::: غالية تعالي خالتي رشيدة تاكل معانه
غالية ::::::: فيه حاجه مش فاهمتها سالمين شريرة بس تعامل في امى بطريقة خاصة علاش !!!!
شفت لامي
رشيدة :::::: قعمزي
غالية ::::::: قعمزت خديت جبنة وعسل حطيتهم عالسفنز وشاهي اخضر وقعمزت ناكل يسلموا يديك الاكلة الوحيدة يلي قد مادرتها مانجحتش معاي مع انى درته لعمر كدا مره هبل فيه
هارون ::::: كان مبتسم اختفت الابتسامة من على وجهه 🤨😠
رشيدة :::::::🙂 خوي خالها اسمه عمر قريب من عمرها ماتقولش خالي
غالية ::::::🌚 الواضح انه هارون مخوف امي هههه🤦🏻‍♀️ تبرر له طول
هارون :::::: وقف وشاف لجنات ، انى بندوش غالية وتيلي حوايجي
الكل :::::😳
جنات ::::::😐 جنات ياهارون جنات
هارون::::: مش مركز حتى شن قال باهي وانى شن قلت 🤷🏻‍♂️
سالمين ::::::😠 هههه غر شوره مقابلاته تلخبط بيقول جنات قال غالية 😒
هارون :::::::😳 اها مشي وخلاهم
غالية ::::::: انسحبت من السفرة بهدوء 💔 اووووف شن الموقف هذا جهزت روحي وطلعت

هارون ::::: دوش وطلع
جنات ::::: مقعمزه عالسرير
هارون ::::::: جنات زي ماقالت امي عالفطور مجرد…
جنات :::::: 😊 متعبش روحك وتشرح شيء لو اول مره لو المره الثانية يلي تغلط فيها في اسمي وتقول في اسمها كنت نصدقك لكن انت هارون !!! مليون مره تنادي فيه بيه وفتحت الباب وطلعت
هارون :::::: جهز روحه وطلع شاف غالية واقفة تستنى في تاكسي درس السيارة اركبي !
غالية ::::::هارون اخطاني 😒
هارون :::::: نزل اركبي نبيك نبي نهدرز معاك ! انى لليوم مش فاهم شن صار علاش درتي هكي ليلتها علاش سافرتي نبي نشرحلك ونفهمك
غالية :::::: تكلمت بصوت عالي اشرح لمرتك فهمها هي ! عاجبك يلي درته عالفطور ؟؟؟ عاجبك الموقف يلي حطيتها فيه
هارون ::::: 🤨 وتوا انتٍ من كل قلبك تبينى نرضها !! وله هارون معادش يهمك انه يمشي لغيرك
غالية ::::::😡 💔💔 قعدت نشوفله بحقد امشي امشي
هارون :::::: معنها علاش بتطلعي من الحوش مش انى معادش نهمك !! علاش بتهربي منى
غالية :::::: من بيهرب انى !!! وعلاش كل في الموضوع انى نبي نرتاح
هارون ::::::: اممممم شهرين اقعدي شهرين بس اثبتي فيه انك مش هاربه منى لانك مش متحملة تشوفيني مع غيرك وبعدها امشي وين ماتبي
غالية ::::::😏 وثلاثة على شانك انت باهي
هارون :::::: اتفقنا
غالية ::.::: 😒 مشيت وخليته 👏🏻👏🏻 برافو غالية برافو ورطي روحك في قعده معاه 3 شهور 🤦🏻‍♀️ غر علاش تتحمسي وتخشي طول في تحدي
هارون :::::: يضحك ههههه نعرفك مايجيبك الا العناد ❤️

~~~~~~~~~~~~~~~~~~~~~~~~~~~~~~

العنود :::::: فيلا تهبل ❤️❤️❤️ كل شي فيها خيال المسافة من الباب الخارجي للباب الفيلا مشي نهار 🤩 خشينا استقبلتنا الشغالة شوية ودخلونا لغرفة بسيط زعميته 🤦🏻‍♀️ تهبل قعمزنا وجتنا صاحبة الحوش
بلقيس::::::😌 اهلا وسهلا
العنود ::::: اهلين
بلقيس :::::: سلمت على صاحبتها وتهدرز
صاحبتها :::::: خدمتها تهبل مش ح تندمي
بلقيس ::::::: ان شاءالله نبدوا ؟؟
العنود :::::: اي ياريت وقعمزت وبدوا هم يهدرزو وانى نشتغل على ذهبهم ولماتهم وطلعاتهم وشناطيهم
المراة::::::: شن صار في العقد متعك يلي درتي فيه اوردر
بلقيس :::::: شكله بيعطل نلبس يلي خديته ومعاجبنيش هلبا وخلاص
المراة:::::: قداش حقا
بلقيس :::::: 😏 شافت للعنود ماتهدرزيش قدامهم تعرفي الوحده منهم ادير روحها مشغولة وتخدم وهي تلقها تتم عالحوش والناس شن فيه وشن عندهم وهب تبعت حد يخنبه
العنود :::::::😳 تتكلمي عليه
المراة :::::::😳 لالا مش قصدها
العنود ::::::: قداش كان خاطري نضربها نلبسها صونية الحنة فوق شعرها الاصفر هذا حيوانه 😡😡
بلقيس:::::: تعارك في الشغالات متبوش وجه انتم هياااا تعالوا جيبوا ضيافة
العنود :::::: مدولي شكرا 😒 مانبي شيء ،، خشت الشغالة ومعها طفلة عمرها شهرين ممكن مدام معادش تبى تسكت
بلقيس ::::::: اوووف ارفعها لبوها في الجناح الثاني يسكتها انى مش فاضية
المراة::::: هههههه وخيرك لازتيه للجناح الثاني ؟؟
بلقيس :::::: ميحبش الحنه بكل قالي عشية بنطلع ونقعد اسبوع مش مروح لين تتحول رحتها من الحوش حتى بعيونه مايحبش يشوفها
المراة ::::::: غريبة

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

غالية:::::: مشيت للمصور شفت البنات وهدرزت معاهم الخدمة قاعده كويس واسمي معروف نوعا ما واتفقت انى وبنت كان فتحت بروحي تجي تخدم معاي
وطلعت لفيت شوية عالايجارات وخطر في بالي جد حسام زعما قاعد حي ، قرارت نمشيله دقيت عالباب مره واثنين وفتحتلي مرآة وسط عمر
قلتله السلام عليكم
المراة :::::: وعليكم السلام
غالية :::::: حوش الحاج محمد وله
المراة::::: ايه تفضلي !!
غالية:::::: نبي نشوفه لوقاعد
المراة::::: اها تفضلي ، من حضرتك
غالية ::::::: رميت كندرتي انى كنت نجي نساعد فيه في الحوش فترة وبعدها سافرت روحت امس خطر عليا نجي نزوره
المراة::::: اها تفضلي
غالية ::::: شكرا خشيت قعمزت شويه وجباته تساعد فيه قربت بوست على يده ورأسه كيف حالك ياجدي
ح . محمد ::::: من معرفتكش ؟؟؟
غالية ::::::💔 غالية ياجدي غالية
المراة :::::: ينسى بكل بدى ينسى في كل شيء
ح . محمد :::::: غالية تذكرتك انت ورشدتك يلي درتهالي مره
غالية :::::: العقل ينسى لكن القلب ماينساش الناس يلي حبهم ❤️💔 ضحكت قتله ايوووه هي غالية هدرزت معاه شوية قالي حسام مقعمز برى
انصدمت 🙄 كانه حياتي تولي زي ماخليتها شن يلي يصير معاي شن هالصدفة العجيبة شفت من الروشن لقيته مقعمز مع بنت شعرها عريان 🌚 شكله تزوج يلا ماعلينا المراة رجعت وقالتلي انى حفيدته الكبيرة وجيت من برا بعد ماتوفى زوجي بدل مانقعد عند اهلي ونضايقهم قرارت نقعد مع جدي ومنها نساعده
غالية:::::: عظم الله اجركم
المراة::::: اجرنا واجرك
حسام :::::: خش 😳😳 غالية ؟!!!!! غالية
غالية :::::: وقفت 😊 اهلين حسام
حسام :::::: قرب سلم بيديه الزوز اهلين !!!! تي وينك يابنت الناس انى مش مصدق عيوني شن اديري هنى
غالية :::::: هههه روحت امس وقلت نشوف جدي محمد
حسام :::::: شاف للمراة وجده خيره ماقلتوليش
المراة::::: ماقالتش انها تعرفك
ح . محمد ::::: قلتلها حسام برا
غالية :::::: ماحبيتش نزعجك وين شفتك من الروشن مع مرتك والا خطيبتك
حسام ::::: ههههههه اها هذه بنت اختي وهذه اختى الكبيرة
غالية :::::: اهااا تشرفنا سلمت عليه انى بنروح تأخرت هلبا
حسام :::::: مستحيل انى ماصدقت لقيتك
اخته :::::: احممم اقعدي تغدي معانه
غالية ::::: لا والله وقت
حسام :::::: انى طالع معها وخدي مفاتيحه ،، نمشوا لمكان نهدرزو فيه ؟؟؟
غالية ::::::🙄 انى اليوم الناس كلها تبينى نمشي معها لمكان نهدرزو فيه !!!
حسام ::::::: ههههههه باهي تعالي نوصلك وين مابتمشي المهم نهدرز معاك
غالية :::::: ركبت
حسام ::::::: وين نمشوا ؟؟
غالية ::::::: نفس قبل 💔
حسام ::::::: قصدك قاعدين عندهم ؟؟
غالية ::::::: ايه.
حسام :::::: معقولة برسالة تقولي انى سافرت وسيبت الخدمة ؟؟؟؟؟؟
غالية ::::::: هذا يلي صار شن بدير هي
حسام :::::: المهم شفتك من جديد ونرجعوا على تواصل لازم نتلاقوا ونهدرزو زي الناس ماتجيش هكي بتوصيلة
غالية ::::::: ان شاءالله رقمي نفسه فتحته اليوم كان قاعد عندك طبعا
حسام::::::: عيب ياغالية ههه
غالية ::::::: نزلت في بداية الشارع قلتله قاعدين كلهم مركزين عليا مانبيش الدوة اتصلت بيا نهى هدرزت معها ديما نكلم فها كنت طبعا.
نهى :::::: اليوم جاين بنخطبوا
غالية :::::: محدش قال الصبح
نهى ::::::: بيدرهالها مفاجأة
غالية :::::::😳 بجد !!! مش عارفه مش مرات مش جاهزين كان تقولوا خير
نهى :::::: شن عيلة الغزاوي ماعندهمش طاسة عصير يضيفوهالنا والبكلاوة جايبينها معانه
غالية ::::::: نفكر في سالمين وطوقتها قلتلها ربي يكمل على خير
نهى :::::: مش تقولي
غالية :::::: لالا ماتخافيش ، روحت خشيت لقيت امل عندهم مرت موسى
امل ::::::😍 هلا غالية خليتى مكانك والله 😘😘
غالية :::::😏 شفتلهم وابتسمت قلتلهم طبعاً سالمين جابت بنت خوها قلبت على امل وامل توا تغيض فيها بيا
استبرق :::::::: ههههههههه
امل :::::: خزية. عليك والله ماهكي
غالية :::::: امممم يعنى مش من باب عدو عدوي صديقي 😉
سالمين ::::::: اللطف وعلاش انتِ والا هي عدوتي
رشيدة :::::::😳 تبصر تبصر شن ماتعرفهاش
غالية :::::: ايه دمي خفيف بسلامتى هههه انى بندير قهوة نحسب حد معاي
سالمين::::: نوضوا وحده منكم معها
غالية :::::: محسوبكم انى مروحه من المغرب امس جاية معاي شنطين سحر بالك نخطفلها واحد من الفرسان يلي عندها
استبرق ::::: يعطهالك ياغالية مولي دمك خفيف بعد سافرتي وخشت معها للمطبخ

~~~~~~~~~~~~~~~~~~~~~~~~~~~~~~

العنود ::::: الساعة 5 كملت
المراة:::::: العنود روحي انتِ انى مدام راجلها مش قاعد مافيه ماتحرك بالحنة خل نزيد نقعد بها
بلقيس :::::: اي حتى نهدرزو ونادت الشغالة عطها فلوسها
العنود::::: خديتهم وطلعت 😤 توا جايبتنى لاخر الدنيا التاكسي يبى اقل شيء 35 والا 40 نص الفلوس يمشوا اوووف طلعت تلفوني واتصلت بمعمر
معمر ::::: مانقدرش نجيك توا عاد امس ماخدمتش في جرة اختك واليوم شن هذا
العنود::::: شن ندير نقعد هنى ؟؟
معمر ::::::: ولي قعمزي واستنينى دورت ساعة ونجي
العنود ::::::: صكرت وكان نستنى في الشارع والله ماعاد نولي لحوشها مشيت للباب الرئيسي شحيت شحيت خيره مايفتحش هذا اوووف سمعت صوت من وراء بعيد شوية يقول استنى توا نفتحه 💔💔 قعدات واقفة في مكانى
ادريس :::::: وقف ورها 😳 كل مايقرب يتأكد انها هي العنود ، تلفتي
العنود :::::: 💔 هو يعنى كنت في حوشه !! كنت مع مرته !!! المراة يلي تمنيت نشوفها ديما !!!تلفتت بالشوية
ادريس :::::::: خديت نفس واخيرااااااااا لقيتك 😍

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية ::::::: نساعد في امي في ضم الكوجينة ونفكر زعما بيوافقوا على ناصر 🤔
هارون :::::: خش للمطبخ
استبرق::::: ندرولك قهوة
هارون ::::::: لالا بنطلع
غالية ::::::: تكلمت بلا تفكير لالا ماتطلعش 🌚 شفت لقيت كلهم يشفولي مصدومين
هارون الوحيد كان مستمتع ومبتسم ،،، رقعي توا ياغالية هي
هارون ::::: تبي حاجه غالية
غالية ::::::: لا
رشيدة ::::::🤨 علاش يقعد املاه
غالية :::::: في خاطري من بيستقبل ناصر ،،،،، ااا سرير ، مش قاعده هنى انى خليه يكلم الرجل يلي في الملحق يعطينى سرير كيف بنرقد حتى الليلة هكي
هارون :::::: اها … صح عندك الحق 😉 وغمزلها وطلع
غالية ::::::🤦🏻‍♀️🥺 اوووف شن فهم هذا توا ، قوليله استنى وسرير وقولي شن فهم !!! طلعت للدار طول
جنات :::::: فتحت الباب وخشت
غالية:::::: 😒 شن تبى دقي قبل
جنات :::::: مدامك قاعده تبيه خوديه عرضت عليك قبل ونعرض عليك توا ، ديري حاجه معاه واعطينى سبب نسيبه بيه وخوديه
غالية ::::: خيرك انتِ 🤨؟؟؟؟ شن تقولي مش هذا راجلك وليك سنه معاه
جنات ::::::: هارون واحد مريض مرييييييض
غالية :::::::::😳

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى