رواية جنون عاشق الحلقة الثانية عشر | القلم الناجح
روايات ليبيه كاملة

رواية جنون عاشق الحلقة الثانية عشر

جميع حقوق الطبع والنشر محفوظة

#جنون_عاشق

الحلقــــــــــ (12)ـــــــــة

جنات :::::: موضوع شن ؟؟
هارون :::::: زواجنا او خطوبتنا
جنات ::::::💔 بلعت ريقها خيرها !!!
هارون .:::::: انى نبى ننهي الموضوع …
جنات :::::::😳وعلاش تكلم فيا انى
هارون :::::: من بنكلم املاه !!
جنات ::::::: يعنى لما خطبتنى كلمتنى ؟؟ باش جاي توا تكلم فيا ! خديت رأيي ؟ فيه حد سألنى موفقة او لا ؟؟؟؟
هارون :::::: 😒 انتِ عارفة كيف صار الموضوع بوك مرض وحطنى تحت الامر الواقع وانى وافقت
جنات ::::: تمام انت قلتها معنها انهى مع يلي ربطها معاه من الاول ، وتوا كان ماعندك شيء ثاني تقوله نستأذن وطلعت
هارون :::::::😠 ارتاح لانها مااهتمتش لكن استفزته طريقة كلامها 😂
سالمين :::::: شن قلتلها ؟؟
هارون ::::::: يلي مفروض انتِ تقوليه
سالمين :::::: خالك في تركيا توا يروح ونتفاهم معاه ماتحرجش البنت توا

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود ::::::: وانى مروحه شفت قدامي معمر يستنى قدام الحوش 😳💔
معمر ::::::::😡 تعالي تعالي توا عرفت علاش تبي تطلقي يلي ماتتحشميش توا عرفت شن درتي
العنود :::::: قلبي بيطيح وفقدت القدره عالنطق 😳
معمر :::::: توا كنت عند امك لانه كلمتنى المحامية قالت رفعتي قضية طلاق جيت بنشوفك تريها المية ماشية من تحتي وانى مانندري على شيء
العنود::::::😰 معمر انى انى
معمر ::::::: كان مش امك زلقت بالكلام راهو ماعرفت شيء
العنود:::::: مغص في بطني 💔سخونه في جسمي كله ،، امي !!!! امي شن تعرف حتى هي ؟
معمر ::::::: تقولي انتم زتوا تعاركتوا بعد ماخذت السلفة خلصت بيها جمعة ؟؟؟؟ تي اي سلفة انى مانندري على شيء طلعتي تقدري تسحبي سلفة واول ماحصلتي فلوس بتطلقي من معمر
العنود ::::::😪 تنفست براحة وكان خاطري ننقز عليه نضربه ، مرض رعشتنى انت ماتفكر في شيء غير الفلوس ايه سحبت وخلص جمعة وبنطلق منك 😒
معمر :::::: قبل مايتكلم سمعوا دوشة في الحوش خشوا يجروا

~~~~~~~~~~~~~~~~~~~~~~~~~~~~~~

غالية:::::: كان عندي تصوير عيد ميلاد رن تلفوني المره الاوله مارديتش المره الثانية رديت الو 😳 شن شن 😰.
استبرق:::::: غالية 😭 ركزي خيرك امك بتفتحلي الباب زلقت ومعادش قدرت توقف
غالية :::::: ايدي على قلبي انى من النوع يلي مانبكيش وقت الموقف قلبي يدق بسرعه ،، استبرق شوفي هارون لو قاعد والا موسى يرفعوها لاقرب مستشفى وانى طالعه جايتكم توا وصكرت وبديت نتصل بالعنود
استبرق :::::: مشت تجري للحوش هااااارون هااااارون
هارون ::::::😳 خيرك
استبرق:::::: الحق خالتي رشيدة طاحت ومعادش قدرت توقف تعيط على طول حسها
هارون ::::::: طلع يجري جيبي مفاتيح السيارة ركبها هو ومعمر وركبت معاهم سالمين والعنود وطلعوا
العنود ::::::: مرقدتها على رجلها يما خيرك 😭
سالمين ::::: من الصبح ظهرها يوجع فيها
العنود ::::::: تلفوني يرن مارديتش ، علاش مااتصلتيش يما علاش
هارون :::::: يسوق متوتر العنود ردي على تلفونك اكيد غالية تلفوني خليته في الحوش توا راهي مشغولة
سالمين ::::::😒😒
العنود:::::: الو
غالية:::::: 😠 مره ردي على امه طول ، وين انتم
العنود :::::: توا درسنا قدام عيادة ال &&
غالية:::::: تمام انى قريب نوصل

~~~~~~~~~~~~~~~~~~~~~~~~~~~~~

#بعد_نص_ساعة

غالية ::::::: خشيت ندور شفت سالمين مقعمزه على كرسي ! جيتها امي وين
سالمين:::: في الدار هذه
غالية:::::: خشيت نجري لقيت امي مقعمزه عالسرير والعنود جنبها وهارون واقف عالروشن ومعمر عالباب ، جريت لامي قعمزت مقابلتها وشديت يدها بوستها شن حالك
رشيدة:::::: مافيه شيء ماترعشيش روحك
غالية:::::: شفت للعنود شن قالولها
العنود:::::: من الصبح عندها الم في ظهرها داروا عليه صوره توا قاعده ماطلعتش ولما زلقت تشنج ظهرها قعدت زي اللوحة معادش قدرت تنوض رجلها مش انكسرت لكن انفكت قمتلها علها الغطاء قالولها ماتوقفيش علها أسبوع عالاقل
غالية ::::::::🥺 كيف زلقتي خيرك ؟
رشيدة::::::: مافيه شيء غر معمر كان عندي وشكله متوضئ وطلع وخله الممر اميه وانى مانندريش جايه فيسع بنفتح الباب زلقت
العنود :::::::😒 شفت لمعمر بغيض يعنى الا لما تطلع انت ورها
غالية:::: خل نشوف الدكتور وقصة الصوره ووقفت بنطلع
هارون :::::: توا نشوفهم انى
غالية ::::::: طلعت مارديتش عليه 💔
هارون :::::: لحقها شافها طالعه جيهة الباب الرئيسي
سالمين::::: كانت تشرب وجت شافتهم لحقتهم
غالية::::: طلعت برا وبديت ناخد في نفس بقوة
هارون ::::::: غالية!!!!
غالية :::::::😭 فجاء بديت نبكي انى مانقدرش نخسر امي 💔 النص ساعة يلي في الطريق هبلتنى خلتنى نجن الف فكرة مرت عليه وكل فكرة ابشع من يلي قبلها
هارون ::::::: 💔 اششش امك مافيها شيء وحط يده وراء رأسها وضمه لصدره ، غالية انتِ قوية
غالية ::::::: انى قوية بها انى قوية على شأنها
سالمين:::::: 😡 الموضوع مطور اكثر مما توقعت
غالية ::::::: سحبت روحي وقعدت نمسح في عيوني خل نخشوا
هارون :::::: ابتسم تمام ،، خدوا العلاج وطلعوا ومعمر لانه السيارة ماتسدهمش كلهم بعد جت غالية خدي تاكسي ورجع طول
روحوا البنات بامهم وطول الليل وهم يدورو علها غر شن تبى بس

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

#ثاني_يوم

غالية::::: جهزت روحي وطلعت بعد مااتفقت مع العنود هي يلي تقعد مع امي اليوم اول ماطلعت شفته مقعمز في سيارته ❤️ فتحت الباب وركبت تستنى في حد ؟
هارون :::::: 😍 قعد يشوفلها وساكت شويه …. من غيرك يعنى
غالية:::::: شكرا هارون
هارون :::::: حرك السيارة على شن شكرا
غالية:::::: انك رفعت امي البارح واهتميت نسيب العازه 😒 هضاكه من طلعته من العيادة معادش دورنا
هارون::::: توقعتك ماتمشيش اليوم
غالية:::::: العنود قعدتها اسهل بتلفون تقدر تغيب انى صعب خصوصا الصيدلية يلي يبدل عليا واحد بس مايقدرش يخدم ليل ونهار
هارون::::: درس ونزل لقهوة خدي فطور وركب اكيد طالعة هكي
غالية::::: يا حليلي انى 😍 داير روحه مهتم 🌚
هارون :::::: يضحك قايلك قبل حتى الخير ماينفع فيك
غالية:::::: فتحت العصير نشرب فيه
هارون ::::: وقف عالاشارة وتلفت لغالية ، كلمت جنات البارح
غالية:::::: تلخبطتت قعدت نشوفله وخلاص نبيه يكمل
هارون :::::: حرك السيارة ، نهيت معها القصة ومازال خالي بس يروح نكلمه
غالية:::::: 😟 بنسأل ومتردده ….. شن ردت فعلها اكيد زعلت
هارون :::::: 😌 طبعا وحده تخصر وحدا زينى مش تزعل بس تهبل ، اعرفي قيمتي
غالية:::::🥺💔
هارون ::::::: ههههههه غر راك تبكي نبصر عليك ولا اهتمت انت عارفه اصلا من قبل هي انفرض علها الموضوع زينى
غالية::::: اها عندها الحق 😏 راهي حتى فرحت افتكت منك
هارون :::::: وقف قدام الصيدلية ، هي افتكت وانتِ حصلتي 😉
غالية :::::::😳 و … ووصلت انى فتحت الباب نزلت رجلي 🤦🏻‍♀️ طاحت كندرتي طبست لبستها وخديت شنطي من الكرسي قمت رأسي خبط في سقف الباب من فوق 🤦🏻‍♀️💔
هارون ::::::: ههههههه ميت ضحك بالشوية عليك لما خبطت رأسها قال اهااا…😣غالية بالشوية
غالية:::::::: رفعت يدي 🤚🏻 مافيه شيء سلام ✌️ وانى خاشة شاده رأسي لين شفت نجوم من قوة الخبطة 🤕

~~~~~~~~~~~~~~~~~~~~~~~~~~~~~

العنود ::::::: نضت جهزت فطور امى ولفيت عالحوش ودرت قهوة وقعمزت شديت تلفوني لقيت مكالمات من ادريس عاودتله
ادريس ::::::: ها حبيبي خيرها امك
العنود ::::: 😣 حبيبي !!! في خاطري ولامره فتحت الخط على معمر قالهالي ! حتى اول ايام زوجنا معمر ماكأنش مبدع في الغزل ماكأنش يقدر يشبع حاجة المرأة يلي معاه في انها تسمع كلام حلو يحسسها بأنوثتها عكس ادريس كان يعرف شن يقول وامته يقول يعرف شن تبى وامته 👌🏻 شكله خبره وممكن هذا الشيء يلي خلاني نتعلق بيه
ادريس :::::: نكلمك وقت ثاني 😒؟ وينك
العنود::::: اها معاك معاك زي مابعتلك في الرسالة طاحت وصارلها فك في رجلها
ادريس::::: مع انى بنشتاقلك لكن خودي راحتك
العنود :::::: شكرا 😊
ادريس :::::::قتلك ال ….
رشيدة:::::: العنود العنود تعااااالي
العنود :::::: امى تنادي سلام توا صكرت ونضت مشتلها
رشيدة ::::: اتصليلي بالناس يلي نخدم عندهم خل نعتذر عالخدمة الاسبوع هذا
العنود ::::::: حاضر غر خودي دوك قبل

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

حسام :::::: باهي خل نوصلك ونشوف امك
غالية:::::: حسام انت عارف بتصير مشكلة
حسام ::::::: علاش انى جايكم انتم والا شارط عليك ماتستقبليش ضيوف في حوشكم
غالية::::::😒 انى ماحد يشرط عليا بس منبيش المشاكل
حسام :::::: تي هو مفروض يشكرني لانى تنزلت
غالية::::: هه طريقة كلامك هذه بتستفزه
حسام:::::: علاش ادافعي عليه !!!
غالية::::: مش دفاع لكن حتى انت متزودهاش
حسام::::: براحتك وطلع
غالية :::::: اوووف خديت حاجاتي وطلعت روحت

~~~~~~~~~~~~~~~~~~~~~~~~~~~~~

#عشية

سالمين::::: قعمزه عند رشيدة وفي رأسها الف مخطط
استبرق::::: مدام توا خالتي رشيدة ماعندكش خدمة تمشوا معانه
رشيدة::::: وين
سالمين :::::😈 ايه حق القرية السياحية يلي فتحها هارون جديدة الخميس اول يوم تفتح وكلنا ماشين البنات وموسى ومرته وعيلة سلفي
العنود ::::::: مااعتقدش امي تقدر
سالمين ::::::. شدت وتحلف لين رشيدة استسلمت
غالية:::::: وصلت الحوش الساعة 5 نشوف فيهم واقفين برا 😳جيت نجري شن فيه امي خيرها
استبرق :::::: ههههه اهدي بس شيء مافيه شيء
نهدرزو على طلعتنا الخميس للبحر
غالية ::::::😪 اها شفت لهارون
سالمين::::: حتى انتم ماشين معانه امك قالت باهي
غالية:::::: لا طبعا بالنسبة ليا مانقدرش نسيب خدمتي وعندي بيان بنصوره يوم الخميس في الليل و …
هارون ::::::🥺 يشوفلها برجاء
استبرق :::::: بتقعدي بروحك ؟ هو الجمعة والسبت عطلة ومعاهم الخميس امشي للعرس من غادي غر هيا بلا جو
غالية ::::: توا نشوف بس مااعتقدش وخشيت حقا بتمشوا معاهم
رشيدة ::::::: شدت فيا تحشمت
غالية:::::: الحشم يلي قاتلكم 😒 وخشيت بنغير وصلتنى رسالة من هارون ( بلا جو دبرها وامشي ) وهذا شن ندير معاه ياربي 💔 وفعلا اتصلت وحاولت نرتب وضعي باش نمشوا وفاتوا يومين وجي يوم الخميس مع الساعة 12 كان الكل جاهز ، ايه راقين ياحنه مايطلعوش من 9 الصبح 🤦🏻‍♀️
طلعنا ويلي يجري ويلي ناسي حاجه ووو وقفنا ساعة ثانية باش جهزو وركب فارس امه وخواته وخوه الصغير وطلع
وركب موسى الست امل بروحها
اما اسماء واسيل خواته هارون المتزوجات من بكرى وهم في المصيف يتصلوا
ركبت امي من الخلف ومعها سالمين من قدام ونادت على جنات ركبت معها قعدت انى واستبرق والعنود والسيارة فيها كرسي واحد 🤔
هارون :::::: طالع من الحوش خيركم مش. راكبين
غالية::::::🤨 انى والعنود توا ناخدوا تاكسي
هارون ::::: 😒 وعلاش !!!
غالية:::::: هكي احسن
استبرق::::: بلا جو سيارة موسى فاضية
هارون :::::: صفر لموسى معاك البنات
غالية :::::: تلفتت بنمشي
هارون :::::: استبرق اركبي مع خوك العنود تفضلي مع موسى غالية تعالي معاي في سيارتي
غالية:::::: سكتت ومشيت ركبت
سالمين:::::😒 مش عاجبها
غالية :::::: تكيت رأسي عالروشن وغطيت وجهي ومشيت في نوم عميق فقت على صوت امي تقول وصلنا

~~~~~~~~~~~~~~~~~~~~~~~~~~~~~

العنود::::: المكان يجنن مسابح وساحل ، العاب مطاعم كل شيء يهبل فيه بدوا الصغار يلعبوا الرجالة يجهزوا في الاكل النسوين يلي تغير في لبسها يلي تتباها بنظاراتها الماركة يلي تحط في واقي الشمس قعمزت عالمسبح وحطيت رجليا في المية بجد في اللحظه هذه تمنيت ادريس معاي معمر مخطرش في بالي بكل صورة لقطة حلوه للمكان وكانو طالعات فيها رجليا يلي في المية وبعتتها لادريس 🤦🏻‍♀️ شوية واتصل
ادريس :::::😒 مع من ماشية
العنود :::::: مع العيلة نفسهم
ادريس ::::::: العنود نزلي سروالك ومافيش داعي تقعدي تدوري هلبا شدي مكانك نعرفهم انى المكانات هذه ….
العنود :::::: كمل شن !!!! مكانات تعارف !!!انى متزوجة ومش كان صار شيء بينى وبينك معنها انى متاحة للجميع وصكرت عليه ودرت تلفوني صامت ونضت خشين

غالية :::::: طول ماحنى مقعمزين هارون يبى ملح سالمين جنات نوضي اعطي لخطيبك
هارون يبى اميه سالمين جنات نوضي اعطي لخطيبك
هارون يبى شنطة سالمين جنات نوضي اعطي لخطيبك
فمنا انها خطيبة والله العظيم فهمنا 🤦🏻‍♀️💔
طلعت قعمزت برا وكان هو ورجالت خواته وفارس يشووا
استبرق:::::: غالية حبى
غالية::::: شن تبى
استبرق :::::: ناصر هنى
غالية::::::😳 هنى وين علاش جاي
استبرق ::::: انى قلتله جاي بيشوفني
غالية :::::: هارون يقتلك
استبرق:::::: هذا علاش امشي معاي انتِ 🥺 صار ماصار نقولوا ولد جيرانكم والا حبيبك
غالية ::::::🌚 في خاطري ايه باش يقتلني انى
استبرق::::: ح يتحشم منك ومش ح يدخل فيك هيا بالله عليك
غالية::::: مانحكيلك قداش يتحشم منى 🌚 طلعت تلفوني وكتبتله رسالة
(( هارون ولد جيرانه هنى بنمشي نسلم عليه مديرش العار 😐))
هارون ::::: شاف الرسالة وقام عيون شافلها وهز برأسه بمعنى لا
غالية ::::::: قعدت نشوفله هكي 🥺
هارون :::: بعتلها فكينا من النظرات هذه
غالية ::::::((😒 عالعموم انى منسألش فيك غر مانبيش تشوفني ودير هبالك وتفرج الناس علينا😌))
هارون :::::: يضحك (( ارفعي معاك حد وقولي خير وتعالي طول ))
غالية::::: (( اصلا كنت ماشية في كل الاحوال 😌)) وقفت ومشيت انى واستبرق وهو يحسابنى نسمع في كلامة رفعت معاي استبرق
ناصر ::::::: واقف مبتسم
غالية:::::: ناصر خير ياولد شارعي
ناصر :::::: غالية الليلة التكسيدة في مربوعة عامر تعلي كسدي معانه 🤦🏻‍♂️ خيرك هكي تتكلمي زي الولاد
غالية :::::😒 مدخلكش فيا ودفيت استبرق من كثفها الها بيلي جاي على خاطرها
استبرق :::::::☺️ كيف حالك
ناصر ::::::: الحمدلله مشتاقلك
استبرق ::::::☺️ حتى انى
ناصر :::::: مانبيش نوقف هلبا ويشوفك حد معاي المهم شفتك وهذه ليك
استبرق ::::::: شكرا ليش متع روحك
ناصر ::::: هيا سلام 😉 ، وشاف لغالية منوره ياقدر😂
غالية::::::🤨 خزية كان يتحشم خيره وله بارد هكي
استبرق ::::: ههههههه ، فتحت الباكوا طلع فيه حلق شيش خان حلو 😍 يهبل وله
غالية ::::::: اي حلو ،، خشيت غيرت حوايجي وحطيت ميك اب طبعا نحط فيه من السنة لسنة وانى نفكر في استبرق مسرع هي وناضر علاش عمري ماعشت علاقة هكي رسائل مقابلات هدايا علاقة طبيعية زي البنات يلي في عمري ممكن لانى مشغولة طلعت قلت لامي انى ماشية
هارون ::::::😉 غمز لفارس توا نجي
فارس ::::::😏 شاف غالية ربي يعاونك
غالية:::::: طلعت من الباب
هارون :::::: لحظه استنى نجيب السيارة وفات من جنبها
غالية::::: اوكي خل نعترف نحس بمشاعر اتجاه هارون رغم حقدي على بوه وكرهي لعيلته يمكن لانه الحب يولد من رحم الالم وانى ديما نشوف فيهم هم يلي عدبونا وألمونا وخربوا حياتنا 💔 يمكن هو الشخص يلي كنت نتمنى نعيش معاه علاقة طبيعية بس مانشوفش في مستقبل معاه من اهله بوه تخيلو جمعة 🤦🏻‍♀️ امه يلي واضح انها متقصده تورينى انه مع جنات ، مستحيل
هارون ::::::: هياااا وين سرحانه
غالية::::::: ركبت 🤪 وضاعت كل النظريات يلي كنت نقول فيها
هارون ::::::: فيك حاجه متغيره !
غالية:::::: فرحت وقلت بكل ثقة 😌 حاطة مكياج شن رايك فيه !!!
هارون :::::: شافلها ورجع شاف قدامه مش حلو
غالية ::::::🤨💔 علاش ؟؟؟
هارون ::::::: مانحبش المكياج بكل معادش ادريه خليك على طبيعتك
غالية :::::::🤦🏻‍♀️ قالك نبي نعيش علاقة طبيعية 💁🏻‍♀️ تفضلي هي من كل رجالة العالم يلي يحبوا المكياج والجو هذا يطلع قدامي المعقد هذا يقولك مانحباش 😒 انى نستاهل انى سألتك اصلا نزلت
هارون :::::: امته تكملي
غالية ::::::: مدورنيش توا نروح
هارون ::::::: ههههه ماتزعليش ياودي حلو خلاص انى قريب وين تكملي اتصلي
غالية :::::: خشيت وسيبته ولانى مش خبيره في الميك اب فقدت تقثي في روحي من كلام هارون وخشيت غسلت وجهي 💔 وطلعت

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

اسماء :::::(اخت هارون المتزوجة) احسن حاجه جبتيهم معاك ياماما خل يعولوا علينا
العنود ::::.: كنت مقعمزة جنب امي وقفت من هم ؟؟
سالمين :::::: اسمااااء😳 عيب
بنت عمهم :::::(اخت فارس ) عادي راهو كل الناس بدت تطلع بشغلاتهم
العنود :::::: احترمي نفسك خيرلك حنى مش شغالات حد وكان ماشدوش فينا راهو ماجيناش
سالمين::::: خلاص يابنات اكسروا الشر
اسماء:::::: 😒 ديري لولدي مكرونة بالتشيز ماباش يتعشى
العنود ::::::: وقفت 😤 ومشتلها ماتختبريش صبري خيرلك ودفيتها من كثفها وجت بنت عمها دفتنى من الخلف وكبر النهار ريشة اسماء وجت امي بتحز سيبتهم هيا ياامي اطلعي
سالمين ::::: توا هذا كلام بتطلعي الساعة 9 في الليل بروحك
رشيدة :::::🤚🏻 هكي خير حنى نرتاحوا وانتم تستمتعوا بعطلتكم
العنود :::::: خديت امي وطلعت 😳 ادريس
رشيدة ::::::: من هذا تعرفيه
العنود ::::::: لحظه يما بس ومشيتله شن ادير هنى
ادريس :::::: ورها المفتاح حجزت هنى نبي نكون جنبك
العنود ::::::💔 انى بنطلع نروح باامي توا كنت ندور في تاكسي
ادريس :::::: تاكسي توا ؟؟؟؟ وقدم خطوات كيف حالك ياخالتي انى مدير العنود
رشيدة::::: اهلين وليدي
ادريس ::::: انى كنت طالع بنروح خل نوصلكم على طريقي شن رايك خير من حد ماتعرفوشي
رشيدة::::: لالا مانبوش نتعبوك
ادريس ::::::: مافيش تعب غر هيا
رشيدة:::::: شافت للعنود
العنود ::::: هزتلها رأسي بمعنى اي وافقي وركبنا معاه الاثنين من الخلف طبعا قدام امي وهو طول الطريق وهو يشوف في المراية ❤️
العنود:::::: شكر وخديت امي ونزلت
ادريس ::::::: يإشرلها بيده اتصلي بيا

~~~~~~~~~~~~~~~~~~~~~~~~~~~~

سالمين :::::: تغلي على اسماء قريب تأكلها مخططتها فشلة كلها مخططه تخلي غالية تشوف جنات مع هارون في وضع يبين انهم ماانفصلوش مخططه تورها الفارق بينهم بس مش بطريقة اسماء وكله ماصارش منه ، ماتحسابش انها بتستفيد حتى هكي

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية:::::: كملت واتصلت بيه شوية وجي
هارون :::::: هه هكي تهبلي
غالية:::::: ماك فقري
هارون:::::: ههههه شن جو الخطوبة
غالية:::::: حلوه عقبال نصورلك خطوبتك انت وجنات 🌚
هارون ::::: شن تخرطي ؟ خيرك ؟
غالية::::::: نقلد في صوت امه جنات اعطي الملح لخطيبك جنات مش عارفة شن خطيبك
هارون ::::::: درس السيارة وحط يد عالفودره قدامها ويد على ظهر كرسها تغاري
غالية:::::::😳 من انى ؟؟؟؟؟؟؟ مستحيييييييل
هارون :::::::: تغاري تغاري بلا جو هيا قولي
غالية :::::::😒 شن المناسبة بعدين حول يشوفونا هكي يشدونا مش ناقصني
هارون :::::: باهي قولها نحول
غالية ::::::😒 طبقت يدية وشفت للروشن 😤 مش ح نقول اقعد
هارون:::::: زاد قرب حتى انى بالنسبة لي هكي احلا
غالية:::::😳 هيييييا حول
هارون ::::::: قولها
غالية :::::::😏نغاااار
هارون::::: هههههه مع شوية احساس وقولي نغار عليييييييييك
غالية:::::: نغار عليك 💁🏻‍♀️
هارون:::::: علاش تغاري عليا تحبينى ؟
غالية::::::😡 لالا ننزل نروح على رجليا ارجل
هارون :::::::: هههههههه رجع لكرسية ارجل صار شكلي بنعاني هلبا ، مد يده بيشد يدها
غالية:::::: بعدت يدي
هارون :::::: ههههه تي هاتها يادراه هاتهااااا هههه
وشدها بالسيف شن هالحاله 🤷🏻‍♂️
غالية::::: قعدت نضحك بدون مانوضحله متلفة للروشن لين وصلنا وهو شاد يدي بقوة حتى يسوق يحرك فيها معاه

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

العنود ::::::: رقدت امي وصكرت دارها واتصلت بادريس
ادريس :::::: اطلعي انى قاعد برا
العنود :::::: 😳 وين
ادريس :::::: اهو توا بننزل للجنان
العنود ::::::: لالا فكنا
ادريس :::::: غر تعالي مش مافيه حد في الحوش
العنود:::::: وكان نخاف بعدين بنتصل بغالية نحكيلها يلي صار
ادريس ::::::: 5 دقائق بس
العنود ::::::: تمام لبست وشاحي وطلعت
ادريس ::::::: قرب وحظنها شن صاير معاكم علاش مروحه في هالليل
العنود ::::::: وخرت يشوفنا حد توا نقولك عالهاتف توا اطلع و تلفتت وشفته واقف يشوفلنا 😳💔

~~~~~~~~~~~~~~~~~~~~~~~~~~~

غالية:::::: نزلت وانى سعيدة خشيت السلام عليكم
الكل ::::::😒 وعليكم السلام
غالية::::: وين امي والعنود رقدوا
استبرق::::😔 خالتي رشيدة والعنود روحوا
غالية ::::::: علاش امى تعبت والا شن
اسماء::::: الست اختك مش عاجبها نقولوا عليكم شغالات
غالية ::::::😳 شن شن ومن قال هكي ؟؟؟؟؟؟
امل ::::::: ( مرت موسى ) وضربت اسماء ووين جيت نحز دفتنى وانى حامل الحمدلله ماصارلي شي
غالية :::::: نشوف لاسماء وانت من تحسابي روحك باش تكلمي امى واختى هكي
اسماء ::::::: نحساب روحي بنت جمعة 😌وانتِ بنت الرجل يلي خنب منه
غالية:::::: لهنى وبس نقزت علها خبشتها ريشت شعرها قد مايشدوا فيه ماقدروش

⭐️روايــــــــــــات صفــــــــــــــــــاء ⭐️

هارون ::::::😳 معقوله يافارس وانت وين هذا كله يصير
فارس ::::: شن تبينى نخش بين النسوين !!
هارون :::::: لالا خلي نسوين يطلعوا بروحهم في نص الليل ومشي لشالي متعهم ويسمع في صوت عياط وعراك خش بسرعة لقي غالية مقعمزه فوق اخته وبنت عمه شاد شعرها
هارون :::::: عيط بصوت عالي شن هذاااا ، وقفوا كلهم وقعدوا يشوفوا لبعض
غالية ::::: خديت وشاحي وشنطي من عالارض وطلعت 😢 دمعتي في عينى نتنفس بقوى نلبس في وشاحي يدية يرجفوا من الغضب
هارون ::::::: طلع ورها غالية غاااااالية
غالية :::::: نمشي بسرعة
هارون :::::: لحق شد يدها غالية
غالية ::::::: تلفتت بغضب 😡 تفضل هذه عيلتك وهذه عيلتي
هارون :::::: قعد يشوفلها لحظات وهو ساكنت
غالية :::::: يلي صار في السيارة انساه وحوشكم غدوا الصبح الصبح نطلع منه 💔 وجيت بنمشي
هارون ::::::💔😳😡 ماتقدريش تطلعي منه لين تخلصي اخر قرش من الدين متعكم
غالية ::::::::😳

#يتبع

رواية جنون عاشق للكاتبة صفاء


 

 

اترك رد

زر الذهاب إلى الأعلى