رواية جنون عاشق الحلقة الحادية عشر | القلم الناجح
روايات ليبيه كاملة

رواية جنون عاشق الحلقة الحادية عشر

#جنون_عاشق

الحلقــــــــــ (11)ـــــــــة

العنود :::::: 😳 شفت التاريخ وانى مصدومة مفروض جتني من 4 ايام 😱 خبطت خدود حييييي كان نطلع حامل طلعت نجري خديت اختبار حمل وخشيت لحمام المكتب يديه يرجفوا بشكل يخوف 💔😢 الخمسة دقائق هضم فاتوا عليا خمس سنوات نشوف في خط واضح نستنى في الخط الثاني ونقرا في النت 💔 بعد كم تطلع النتيجة بعد فاتوا 10 دقائق ومافيش خط ثاني ارتحت شوية وقعدت نحمد في ربي

~~~~~~~~~~~~~~~~~~~~~~~~~~~~~~

سالمين ::::: تعالي قعمزي يارشيدة
رشيدة::::: ان شاء الله خير
سالمين :::::: لا مش خيرك بكل 😒 بنتك غالية
رشيدة::::: خيرها
سالمين :::::: شكلها حاطه العين على هارون
رشيدة::::::😳 شن تقولي انتِ ؟؟
سالمين :::::: منبريش ولدي حتى هو شكله مش فاضي من جيهتها 😒 لكن هذا وضع لا يرضيك لا يرضينا اضني
رشيدة:::::: وجعتها بنتها انه ميبوهاش 💔 بنتى ماتفكرش في ولدك بكل اطمنى
سالمين::::: ان شاءالله لانه ولدي سيوره يولي لعقلة وبنتك مسكينة هي يلي تنضر
رشيدة::::: مع هذا انى توا نسألها
سالمين :::::: وانى توا ننادي بنت خوي وابعتها الليل هي تجى مكانك خل تشوف خطيبته باش تأيس
رشيدة::::: وقفت وهي مش عاجبها الكلام رجعت للمطبخ وهي تفكر هل كلام سالمين صح او لا 💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

غالية ::::::: مقعمزة في الصيدلية رفعت رأسي هارون 😳 شن جابك هنى
هارون :::::: غالية انى معادش قادر نتحمل🤷🏻‍♂️ نبي نفهم
غالية::::: شن بتفهم ؟
هارون ::::: حنى شن علاش نديروا في بعضنا هكي
غالية :::::::💔 هارون تشوفيه فيه المكان المناسب هذا ؟؟
هارون :::::: 😟💔 مش هامنى امه المكان انى من يومين لا نومي زي الناس ولا مكلتي زي الناس ولا عارف نخدم زي الناس
غالية::::: علاش هذا كله !!!
هارون ::::::: غالية حنى شن ؟
غالية:::::: بلعت ريقي وماعرفتش شن نقول شبكت يديه في بعض 💔 اصدقاء!!!!
هارون ::::::😏 ضحك بهزوه اصدقاء !!!!!؟؟ انى مانبيش أصدقاء عندي هلبا ومانبي حد جديد
غالية:::::: باهي شن تبى
حسام :::::::😤 انت شن ادير هنى
غالية:::::😳
هارون:::::😡 من جايك انت اخطى من قدام وجهي خيرلك !
حسام :::::: والله !!!! هذا مكاني وتو نطرد فيك منه
هارون :::::: 😡 قدم بيضربه
غالية::::: وقفت في النص شن هذا مش صغار راكم هارون 😳 وخر
هارون :::::: غالية حولي توا نوريه شن هو مكانه وضرب رف ادوية طيحة كله لوطة هذا مكانك 😡 دف التلفون من عالطاولة طيحة هذا مكانك
غالية ::::::: كنت مصدومة فيه كيف جن ،😥 خلاااااااص هارون
حسام ::::::: قرب بيضرب هارون شن ادير انت
غالية :::::: حطيت يدي على صدر حسام في محاولة منى انى نوقفة
هارون :::::::😤😤🤯 غااااااااالية وشد يدها بقوة حولها
غالية :::::: بجد بجد كنت مصدومة فيه وخايفة منه تحول لانسان مجنون في لحظه طيح رفين ثانيات
حسام :::::: واقف كأنه يبيه يتماده لانه لمس الخوف يلي حساته غالية من تصرفات هارون
زبون وقف في الباب ورجع
عدد من العمال واقفين في الباب يتفرجوا
غالية:::::😰 هارون هاااااارون خلاص
هارون :::::: اطلعي بنروحوا 😤
غالية::::: كنت منبيش الموضوع يكبر اكثر من هكي رميت البالطوا وخديت شنطي
حسام ::::::: بتروحي معاه وهو هكي ؟؟
هارون :::::::😡 شافله وقبل مايتكلم ….
غالية:::::: حسام لو سمحت توا نتصل بيك خل نحلوا هالمشكلة توا وطلعت مشيت قدام هارون
هارون ::::: مشي خطوتين بعدين حرك رقبته لين دارت صوت اطقطقت ورجع بحركة سريعة نطح حسام 🤦🏻‍♀️
حسام ::::: جاته على غفلة داخ وخشمة دم
غالية:::::: تلفتت 🤭 حطيت يدي على فمي من الصدمة ، 🤯 خيرك شن جاك 😡 مش طبيعي انتِ راهو
هارون ::::: وقف جنبها وتكلم بالشوية ماتركبيش نروحوا توا نرجع نقتله
غالية::::: ركبت وانى قاعدة مصدومة

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود :::::: طلعت من الحمام وانى الشطان مقعمز في رأسي ممكن حامل بس مازال ماوضحش وكان ندير تحليل دم وكان مش حامل راهي جت وووو…
ادريس :::::: وقف في الباب مرتاحة هنى 🥺
العنود ::::::😳 اه اها اااي
ادريس :::::: باهي انى اشتقتلك ؟
العنود :::::: ادريس لو سمحت
ادريس:::::: نحبك نبي نشوفك افهمي خيرك
العنودد::::: انى … خشت الموظفة يلي معها سكتوا
ادريس:::: لف وطلع

~~~~~~~~~~~~~~~~~~~~~~~~~~~~

غالية :::::: خيرك هارون 😠 شارب ؟ واخد حبوب اليوم ؟ شن جاك ؟
هارون ::::: اصلا مادرتله شيء ليا وقت خاطري فيه ، مازال ناويله طريحة صححيه
غالية:::::: 😡 قمت يدي بتهديد اقسم بالله تمسه ياهارون ….
هارون :::::: ببرود شن بديري ؟؟؟
غالية :::::::😠 نحول نسكن عنده
هارون :::::: شد فرين بقوة
السيارات يلي وراه يسبوا ويبيبوا وفيه سيارة خشت في يلي قدامها لما شد فرين 💔
هارون :::::: قدم جيهتها وعزة وجلالة الله تقولها مره ثانية ….
غالية::::::: لصقت عالباب قلتله هارون 💔 بديت نخاف بجديات ارجوك وخر
هارون:::::: رجع لكرسية وكمل الطريق
غالية:::::: اول مادرس السيارة فتحت الباب ونزلت طول
رشيدة ::::::: واقفة برا شافتهم 💔 شكله كلام سالمين صح … غالية !!! خيرك مروحه توا ومع هارون ؟
غالية::::: معرفتش شن نقول 😟 جي صدفة للصيدليه وانى كنت تعبانة قلت خل نروح وخشيت بسرعة
رشيدة::::: فهمت انها تكذب 💔

هارون :::::::😠 خشت وهو معصب شن صار ؟؟
سالمين::::: بسم الله غر قول السلام عليكم شن صار في شن !!!
هارون::::: كلمتى خالي ؟؟
سالمين::::::💔 على شن مستعجل
هارون :::::::😡 مستعجل مالكم ومالي ديري يلي قلت عليه خير من نكلمه بروحي

غالية :::::: رن تلفوني اوووف حسام نسيته بكل الو
حسام :::::: كيف حالك شن صار معاك ؟
غالية :::::::: انى في الحوش توا انت شن حالك
حسام :::::: غالية خليك منى بجد كيف تروحي معاه واحد مريض زيه مهبول ماتخافيش على روحك !!!
غالية ::::: خيرك حسام درته بكل عادي راهو تعصب بس تصير
حسام انى آسفة
حسام ::::: شن دخلك انتِ تتاسفي على حركاته المجنونه
على فكرة انى بلغت فيه
غالية::::: 😳 علاش درت هكي
حسام :::::: غالية لو سمحتى ماتدفعيش عليه يستاهل اكثر من هكي
غالية ::::: ارجوك ماتكبرش القصة
حسام :::::: ماتخافيش انتِ ماحد جاب ولا ح يجيب سيرتك يلي شهدوا معاي وصيتهم
غالية ::::::💔شهدوا !!
حسام ::::::: نخليك توا نكلمك بعدين
غالية::::: اووووف ناقصنى انى ماهو توا كل يلي في الحوش بيعرفوا 💔 غيرت حوايجي وطلعت شفته في الجنان يدخن 😪 مشيتله
هارون ::::::😒
غالية:::::: هارون صلح يلي درته عوض حسام في يلي خربته واعتذر لانه حسام ….
هارون ::::::😒 بلغ !!!
غالية::::::😳 يعنى عارف ومقعمز تدخن عادي !!!
هارون ::::::: شن تبينى ندير
غالية::::: انت بس قوله توا نعوضك وانى ….
هارون::::: 😒 ريحيلنا روحك ماتكلمي حد ومادخلكش داير روحه راجل مش قادر يمد يده
غالية :::::: توا لانه انسان مدني وحاول يتصرف صح مش كأنه في غابة طلع مش راجل 🤦🏻‍♀️ توا هذا تفكير بالله !!!
هارون:::::: بالزبط هو عارف فلسفتك هذه هذا علاش خاش في الموضوع من هنى
غالية::::: فاضية حتى انى نهدرز معاك انحبس والا انحرق 😤 وخشيت وسيبته

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

استبرق::::: كتبت رقم ناصر واتصلت
ناصر :::::: الو السلام عليكم
استبرق::::: وعليكم السلام ، انى استبرق يلي شفتنى عند غالية
ناصر :::: اها اهلا اهلا لحظه بس ، صكر الخط وعاودلها
استبرق:::::🤔 عندي رصيد خيرك
ناصر ::::: هكي خير ، كيف حالك
استبرق::::: الحمدلله تمام
ناصر :::::: انى قلت شكلها فاتتنى لما مااتصلتيش يومين
استبرق::::: لا بس مافضيتش
ناصر ::::::: اها ، تقرى والا شن اديري
استبرق :::::: اي اخر سنة جامعة ان شاءالله
ناصر ::::::: كويس بالتوفيق
استبرق::::: وانت ؟
ناصر :::::: ههههه انى شيباني عالقرايه عمري 32 سنة متخرج لكن مع وقوف المعاشات توا سيبت وبديت نخدم على سيارتي وماشية الامور ، ساكن مع امي ربي يطول في عمرها باقي خواتي وخوتي متزوجين
استبرق:::::: انت الصغير
ناصر :::::::: امي ماتبيش خوتي وخواتي لانه حياشهم دوشة وين كبرت عيالاتهم حتى تجينى توصيلة بعيدة نقعد نفكر فيها
استبرق::::: ربي يعاونك …… واستمرت هدرزتهم لساعات ناصر كان راجل شرقي اصيل بسيط واضح مش متصنع يحكي براحة ❤️ وهذه حاجات مكانتش موجودة في محيط استبرق لهذا انشدتله بسرعة

~~~~~~~~~~~~~~~~~~~~~~~~~~~~~

العنود:::::: خشيت السلام عليكم
غالية ::::::: حطيت الكتاب وعليكم السلام
العنود :::::: فيه سيارة برا شكله امن ولا شرطة ركب معاهم هارون وجمعة مداير دوشة
غالية ::::::💔يصكر في رأسه 🤷🏻‍♀️
العنود:::::: شن صاير ؟
غالية:::::: توا نحكيلك خل ترقد امي قبل
العنود :::::: خشيت والحمدلله لقيتها جايتنى يعنى مش حامل 😪 شكله من الرعاش

~~~~~~~~~~~~~~~~~~~~~~~~~~~~~

سالمين:::::: كيف ولدي يبات في الحبس كيف فهمنى بس
جمعة ::::::: شن بندير توا قالولك مانخدموش
استبرق::::: باهي بابا شوف اهل الولد علاش ضربه هو اصلا
جمعة ::::: علمي علمكم ماقال شيء لما حققوا معاه وخليت فارس في المركز
سالمين:::::::😒 ماشي بيرقد تقول مش ولده
جمعة ::::::::😒 كان عرفتي تربيه راهو ماطلعش هكي
امل :::::: عمتي !!! خيره هارون
سالمين :::::: وين راجلك هو غر شاد راسك اليوم كله
امل :::::: حطني ومشي للمركز
سالمين:::::: طيب فيه طلع

~~~~~~~~~~~~~~~~~~~~~~~~~~~~~

غالية :.::::: وهذا يلي صار
العنود:::::: فيه شيء بينك وبين هارون ؟؟؟؟
غالية:::::: طبعا لا
العنود :::::: املاه شن خيره هذا ناقصنا مشاكل
غالية :::::: مابيتش نقول شيء قدام امي بس غدوا وين يحكوا قدامها على حسام ح تفهم
العنود:::::: طز ولدهم هو يلي يجرى وراك
غالية::::::: بالحق بتطلقي من معمر
العنود:::: شن رايك شكلي شكل وحده تبصر
غالية :::::: مش قادره ندخل صراحه
العنود::::: اسمعي شن رايك بما انه مافيش دين الشهر هذا يعنى فلوسنا قاعدات غدوا نفوتوا العمل وناخدوا امي ونطلعوا نديروا يلي في خاطرنا كله نخلوه يوم لينا حنى بس
غالية::::::: محاتجينه بصراحة
العنود::::: معنها نوضي ارقدي هيا
غالية:::::: ههههه تمام خشيت مقدرتش نرقد قعدت نفكر في هارون 🥺 كيف داير في الحبس اكيد معصب من حسام اكثر 💔
العنود:::::: خشيت نغسل في الفناجين سمعت صوت رسالة 💔 فتحتها كانت من ادريس كانت صور للصالون يلي في الشقة 💔 ومكتوب تحتها
(( مشتاق ،لهمسك ، صوتك ، صمتك ، لضحكك حتى لزعلك مشتاق ))
رسالة ثانية (( وكيف لغيابك أن يزيدني تعلقا بك أحبا هذا ام جنونا 💔))
العنود ::::: قريتها وصكرت مش عارفه شن نرد هو في الشقة في الوقت هذا 💔 نحبه نحبه بكل شيء فيا نقاوم في روحي معادش نبي نغلط بس كانت عندي مشاعر جياشه في قلبي ألم ألم خاطري نطلع توا نمشيله نحضنه بس 💔 نقوله انت مش بروحك حتى انى نحسه زيك او أكثر منك وبين الصراع الازلي يلي بين القلب والعقل تدخل الضمير وخلاني نخش نرقد ونطرد هالافكار من رأسي

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

#ثاني_يوم

غالية :::::: من كثر التفكير رقدت قريب الفجر نضت على صوت امي
رشيدة::::: غالية نوضي قعمزي نبيك
غالية ::::: نضت شن !!!
رشيدة:::::: فيه حاجه بينك وبين هارون 😠
غالية::::: ياااادي هارون يلي معادش خلصنا من موضوعه مافيه شيء من قالك الكلام هذا
رشيدة::::: امه تلمح من امس واليوم قالوا الولد يلي مشتكي عليه هو حسام صاحب الصيدلية
غالية:::::💔 امس قلتلك انه جي للصيدلية صدفة وشكله بينهم موضوع قديم تعاركوا مش عارفه نحسابها مشكلة وبتمر طلع مشتكي عليه
رشيدة::::: يعنى مافيه شيء بينكم !!
غالية::::: ايه شن قالت امه 💔…
العنود :::::: صباح الخير ، هيا نوضوا بنطلعوا
رشيدة :::: وين ؟؟؟
العنود :::::: نوضي هيا حتى الفطور برا ، وبعد محاولات طويييييلة منى انى وغالية اقنعنا امي انه نطلعوا طلعنا فطرنا كريب وبريوش بدل الزميطة والجبنة شربنا كابتشينو بدل الشاهي الاخضر وامي كل شوية تقول كان ندسوا الفلوس خير 💔 طلعنا لمول شرينا لبس وتغذينا في مطعم بعدها مشينا للبحر خشينا لانه الجو بدى ساخن واخر شيء خشينا سوبر ماركت انى وغالية ماخليناش حاجه ماخدنهاش فيه حاجات مانعرفوش حتى لشن ،، 🤭 نقدروا نقولوا سرقنا يوم من هالدنيا❤️
رشيدة:::::: في التاكسي توا معقولة فاتورة سوبر ماركت 900 دينار خيركم شن جاكم
غالية ::::::: هههههه انتِ مااستمتعتي بشيء وانتِ تعدي كان منظرنا يضحك البضاعة تحت رجينا في حجورنا الكوفني معبي الكرسي يلي جنب السواق معبى نزلنا ونزلنا كل شيء والراجل قعد يساعد فينا انى والعنود رغم يلي كان دخلنا قدرنا نفرحوا ليوم
فارس ::::::: غالية
غالية:::::: نعم !
فارس ::::::: نقدر نتكلم معاك شوية ؟
العنود ::::: انى توا ندخل هضم ونقول لامي واقفة مع استبرق بس ماتعطليش😒 وخشيت

غالية::::: شن فيه ؟
فارس ::::: شكلة ولد عمى حاصل بروحه 😒 هو محبوس وانتِ تدهوري
غالية:::::😒 شن ليا علاقة انى ، جابه لروحه قد ماحولت معاه نطلعه من الصيدلية بدون مشكلة بس شيء ميت في رأسه حمار 😠 وحتى في الحوش حاولت نخليه يحل الموضوع قبل ماتجى الشرطة لكن هو مصكر رأسه
فارس :::::: حاقد على حسام اكثر من قبل هذا وين بتكبر بعد يطلع
غالية::::: اوووف خيره حط الولد في رأسه هكي ؟؟
فارس :::::: خل نحلوا الموضوع
غالية::::: كيف ؟
فارس :::::: انى دفعت الضرار المادي لكن السيد مصر يبيه يعتذر منه وعلى قولتك هارون ميت في رأسه حمار يموت وما يعتذر منه
غالية::::: شن نديروا
فارس :::::: 😉 كلمى حسام اكيد عندك خاطر عنده
غالية. ::::: انى كلمته قبل بس خلاص توا نخش نتصل بيه
فارس :::::: كيف بنعرف شن صار معاك ؟
غالية :::::: مديتله تلفوني سجل رقمك وبعد يطلع هارون انسى الرقم 😒 وخشيت
اتصلت بحسام وبعد جدال طويل عريض وافق انه يسحب الشكوه ، بعتت لفارس رسالة بيلي صار
العنود :::::: طلعت رقم محامية طلاق من. النت واتصلت بيها خديت منها موعد لغدوا الصبح مدام معمر مش موافق قرارت نرفع قضية انى

~~~~~~~~~~~~~~~~~~~~~~~~~~~~

#ثاني_يوم

العنود:::::: باهي شن يعنى
المحامية::::: بتخسرى كل حقوقك
العنود::::: اصلا مانبي شيء وهي ماعندي منه الا الدبلة نردها وتمت
المحامية:::::: مدام موافقة خلاص ، اساسا ح ندير اسباب الطلاق انه مش قادر يأمن مسكن ليك وانكم متفرقين من شهور
العنود::::: شوفي لو الموضوع ينحل بدون الحاجات هذه مافيش داعي تحرجيه بس لو اطريتى استخدميهم
المحامية::::: ماهو نحتاج اسباب نقدمها للقاضي وتكون اسباب مقنعة وهذا اكثر شي
العنود :::::: تمام انى بنوض توا ، طلعت منحسش في روحي زعلانه متأكده من قراري بعد يلي صار بينى وبين ادريس مستحيل نرجع مع معمر زي قبل

~~~~~~~~~~~~~~~~~~~~~~~~~~~~

غالية :::::: جهزت روحي وطلعت
فارس :::::: صباح الخير ، كيف فكرت نتصل بيك
غالية ::::: شن المناسبة ؟؟؟؟
فارس :::::: بيطلع هارون بعد شوية نبيك تمشي معاي عارفه بيطلع طول لحسام لكن لو مشيتى معاي انتِ راح تقدري تسيطري عليه
غالية:::::: انى !!!!
فارس :::::: ايه انتِ
غالية::::: اوكي ركبت وخلاص ماكانتش نبي نسأل ليش انى وفارس كيف عرف انى نأثر على هارون مانبيش نعرف

رشيدة :::::: مش قادره نوقف اليوم جيت بالسيف
سالمين ::::: مدام ظهرك احتمال غضروف امشي ارتاحي اليوم وأهو استبرق وجنات معاي اليوم وحتى البنات بيجوا يشوفوا خوهم مدام بيطلع
رشيدة ::::::: باهي خدت بعضها ورجعت للحوش وهي تتألم من ظهرها

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

العنود ::::::: خشيت بديت نشتغل بعدين ركبت فوق للقسم فيه شيء في داخلي يحرك فيه نبي نشوفه خشيت لمكتبي الاول انى وهناء مالقتهاش
ادريس ::::: وقف ورها ماحنتيش ليا بكل
العنود ::::::😳 ادريس ، شفت للباب يسمعنى حد
ادريس ::::::: خل يسمع يلي بيسمع اشتقتلك ارجعي لمكتبك
العنود ::::::: ابتسمت انت المدير 😉 تنقل من تبي وقت يلي تبي
ادريس :::::: ابتسم معنها من اللحظه هذه اقعدي في مكتبك هذه واحتمال نرقيك تخدمي عندي اللداخل ❤️
العنود ::::: هههههه لالا شكرا ،، وفعلا جبت حاجات ورجعت لمكتبى

~~~~~~~~~~~~~~~~~~~~~~~~~~~~

فارس :::::: المهم امورك تمام
هارون ::::::😤 توا بتولي تمام بعد نكسرله فمه وخشمة
فارس :::::: غر شوف من جي معاي
غالية :::::: واقفة متكية عالسيارة شفته طالع 😍
هارون ::::::😠 شن جيبها معاك !!!!
غالية ::::::: قدمت الحمد الله على السلامة
هارون ::::::: شن جابك للمركز وانت شن ركبك فها في سيارتك !!!!!
فارس :::::: شد حذفله المفاتيح هونها عندك انى بنمشي للمكتب في تاكسي ومشي
هارون :::::: شن جابك ؟
غالية :::::: نشوفله كيف شعره مش مرتب قميصه جزء منه طالع من السروال لحيته كابره شوية ، قتله نبي نشوفك على حقيقتك ههه
هارون ::::::: خايفة عليه جايه بتشدينى عليه 😏 ومشي بيركب
غالية::::: جريت وراه وقفت قدامه بالزبط وشديت يده بيديه الزوز وكنت نشوفله هكي 🥺 خايفة عليك انت مش عليه هو
هارون :::::: متلخبط رقبته حمراء وذانه حمر ويشوف ليدين غالية
غالية ::::: سحبت يديه خل نمشوا لمكان نهدرزو فيه
هارون :::::أأأ …. اي تمام
غالية:::::: مشينا لكافي طلبنا فطور ، هارون نبيك توعدني طلع حسام من رأسك
هارون ::::::😡 معادش تقولي اسمه وتستفزينى
غالية::::::🤦🏻‍♀️ مش عارفه وينه الاستفزاز بس حاضر ياسيدي. طلعه من رأسك بس
هارون ::::::: اقطعي علاقتك بيه توا نطلعه غير هكي لا 😒
غالية ::::::😠 مش عيل انت نقعد نساير فيك هارون انى محتاجه الشغل هذا وقعدت سنة ومعها متخرجه ونخدم بلا معاش باش جي هو وسعدني تبينى نسيبه توا
هارون :::::: توا ندورلك انى خدمة والا تعالي عندي في المكتب
غالية. ::::::: وقفت انى مانخدمش عندك تأمر فيا شن ندير وشن لا من انت شن تكون ليا باش …
هارون::::: ندكر انى كنت جاي للصيدليه نقولك حنى شن ؟؟؟
غالية::::: 😠 من شهر من شهر وين مشينا للجبل على اساس بتنهى خطبتك شن صار ولا شيء 🤷🏻‍♀️ خطيبتك تستنى فيك توا باش تستقبلك 😏وخديت شنطي ونضت
هارون ::::::: غالية غااااااالية اصبري بس وقعد يخلص بسرعة
غالية::::: خديت تاكسي وطلعت طول انى علاش قلت هكي 🤦🏻‍♀️ توا يحسابنى نغار منها حتى وكان سيبها شن بيصير يعنى 🤔 وانتِ من جدك غالية تبيه يسيبها ، 🤷🏻‍♀️ماهي هي اول ماتعرفت علها قالت متحباش
وانتِ شن دخلك فيهم يحبوا والا يكرهوا طلعيهم من رأسك

~~~~~~~~~~~~~~~~~~~~~~~~~~~

هارون ::::::: طلع ملقاش غالية 💔 روح للحوش لقي امه وخواته في الحوش ومرت خوه سلم وهدرز شوية. وركب دوش تغدوا مع بعض وقرر يدير يلي امه مادرتاش
هارون ::::::: جنات تعالي شويه
جنات :::::::☺️ انى ؟
هارون ::::: فيه جنات غيرك 😒
جنات ::::::: لحقاته للصالة
هارون:::::: اسمعي انى قلت لامي وامي. تماطل بالموضوع ليها ايام لهذا انى قرارت نحله بروحي
جنات :::::: موضوع شن ؟؟
هارون :::::: زواجنا او خطوبتنا
جنات ::::::💔 بلعت ريقها خيرها !!!
هارون .:::::: انى نبى ننهي الموضوع …
جنات :::::::😳

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

العنود ::::::: وانى مروحه شفت قدامي معمر يستنى قدام الحوش 😳💔
معمر ::::::::😡 تعالي تعالي توا عرفت علاش تبي تطلقي يلي ماتتحشميش توا عرفت شن درتي
العنود :::::: قلبي بيطيح وفقدت القدره عالنطق 😳

~~~~~~~~~~~~~~~~~~~~~~~~~~~~~~

غالية:::::: كان عندي تصوير عيد ميلاد رن تلفوني المره الاوله مارديتش المره الثانية رديت الو 😳 شن شن 😰.

#يتبع

 

رواية جنون عاشق للكاتبة صفاء

اترك رد

زر الذهاب إلى الأعلى