رواية جنون عاشق الحلقة الخامسة عشر .. الكاتبة صفاء | القلم الناجح
روايات ليبيه كاملة

رواية جنون عاشق الحلقة الخامسة عشر .. الكاتبة صفاء

رواية جنون عاشق الحلقة الخامسة عشر .. الكاتبة صفاء

#جنون_عاشق

الحلقــــــــــ (15)ـــــــــة

سالمين::::: وينك انشغلت عليك
هارون::::: كنت مع خالي تفاهمت معاه
غالية::::: فرحت 😍
سالمين::::: وجها اصفر 💔
هارون :::::: وهو يشوف لغالية 😒 بعد 3 اسابيع العرس عرسي انى وجنات وماتقوليش مانلحقوش 3 اسابيع بس شوفي شن بديري
غالية::::::😳💔 قلبي وجعني حطيت يدي عليه دموعي مقدرتش نسيطر عليهم تلفتت للخلف حاولت نمسحهم بدون مايوكزوا معاي
سالمين ::::::😍😍 مبروك مبروك ربي يفرحك زي مافرحتنى
رشيدة::::: وجعتها بنتها كيف مايبوهاش 💔 ربي يكملك على خير
استبرق::::: اللطف من يجري وراك ! امته بنلحقوا
سالمين :::::: شن هو يلي امته بنلحقوا 😒 كله بدي بالتلفون ومدام الفلوس موجوده ماشيء صاعب
هارون :::::: يشوف لغالية وخلاص
غالية::::: وقفت واول ماوقفت دخت شديت بيدي في الكرسي
هارون ::::: بحركة عفوية مد يده بيشدها 💔 بعدين تراجع
رشيدة :::::: خيرك 💔 دختي
غالية :::::: وقفت بسرعة شكله ضغطي نزل
سالمين :::::: ولي للدكتور كانك قاعده مريضة 😏
غالية::::::😠 انى صيدلانية نعرف شن فيه وامته نحتاج دكتور وكملت للحوش
رشيدة ::::::: وقفت بتمشي معها
غالية :::::: خليك ساعديهم انى بنرقد 💔 خشيت بسرعة واول ماوصلت لداري معادش قدرت نسيطر على روحي قعمزت عالسرير 😭 نبكي بطريقة لدرجة انى مستغربة في روحي 💔💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

العنود :::: مشيت للشقة اكيد جايبها هنى ايه انى خرب حياتى وانت من وحده لوحده لاياسيد ادريس نفضحك ونخربها عليك 💔😠😠 نااااار والعه فيه ركبت الدروج ودقيت على باب الشقة شوية وفتح هو 😳 شفت وراه نفس تجهيز يوم عيد ميلادي 😢😳
ادريس ::::::😳 العنود !!!
العنود :::::💔 دفيته وخشيت طاولة لشخصين الحوش مرتب مزين 😠 هذا حبك وله !!! كل تفكيرك في 🔞 مش مهم مع من وكيف انى يلي نستاهل صدقت واحد زيك انى 😢….
ادريس :::::::🤔 كملتي ؟؟؟ هذا كله ليك انتِ وكنت نستنى فيك
العنود ::::::😏 والله !!!!!
ادريس::::: والله 🤷🏻‍♂️ بعد يلي صار وماصارش من الغدي يومها وانتِ بعدتي عليا اطريت ندير هكي باش نتأكد من حبك ليا
كل يلي صار في المكتب كنت متقصده وكنت عارف انك بتغاري وتجي هنى
العنود ::::::😳 كيف عارف !
ادريس ::::::: كنت مراهن على حبك ليا ❤️ قلت لو تحبنى مش ح تتحمل تشوفني مع غيرها وح تحاول تمنعني
العنود :::::::😢💔
ادريس ::::::: قرب حضنها انى مستحيل نخونك
العنود ::::::: شفت لعيونه وقلتله لاول مره 💔 انى نحبك ادريس نحبك وماحبيت حد زيك في حياتى كلها
ادريس ::::::: باس جبينها شن نتغدوا ؟
العنود ::::: تمام
ادريس ::::: شوية توا نجي
العنود::::: قعدت مقعمزه 🤔 نصدق كلامه ولا نقول كذب ، مافيش شخص هكي ، باهي كل هالتجهيز هذا وانى نجي مجرد احتمال معقوله يحبنى هكي وكان ماجيتش !!!! باهي توا وين مشي زعما يكلم فيها يقوللها ماتجيش ، علاش بيخاف منى شن انى مرته !!!! وبين صراع القلب العاشق 💔 والعقل انتصر القلب ولليوم مش عارفه هل ادريس كان متفق معها ووين جيت غير رايه او كلامه صح وكان يستنى فيه
ادريس :::::: ها حبيبي سخنت الاكل نبدوا
العنود :::::: تمام 😊

~~~~~~~~~~~~~~~~~~~~~~~~~~~~

هارون ::::: ركب في داره يفتح في بطم قميصه 😡 طلع تلفونه شافه 😤 اتصلي غالية 💔 اتصلي لومي عاركي عصبي اي شيء لكن ماتتصرفيش على اساس مش هامك 💔 حدف التلفون عالسرير 😏 قاعد تستنى فيها

~~~~~~~~~~~~~~~~~~~~~~~~~~~~~~

غالية::::::💔💔😢😢 خديت تلفوني واتصلت بالعنود
العنود ::::: كملنا الغدي وكيف قعمزنا
إدريس::::: تعالي في حضني 🥺
العنود::::: كنت حاسه انه ادريس يبى يصير شيء بينا ، شوية رن تلفوني هذه غالية مخليتها مريضة خل نرد نشوفها
ادريس :::::: تمام خل ندير حاجه نشربوها وناض
العنود :::::: الو
غالية::::: بصوت مخنوق وباكي ماكنتش قادره نصيطر على شيء فيه 💔😢 العنود تعالي نبيك جنبي حاسه روحي بنموت قلبي يوجع فيه كانه بيطلع من مكانه
العنود ::::::😳 خيرك شن فيه !!!
غالية :::::: حدد عرسه 😭 قالها في وجهي قالها وعيونه في عيوني
العنود ::::: هارون ؟؟؟؟
غالية:::::: ايه
العنود::::: تمام شويه ونكون عندك ووقفت ادريس
ادريس :::::: شن فيه ؟
العنود::::: اختى تبينى ضروري 💔 لزم نمشي توا
ادريس :::::: خيرها شن صاير ؟
العنود ::::: تعبانه وتبكي وخديت شنطي
ادريس::::: استنى نوصلك
العنود :::::: تمام وطلعت قدامه

~~~~~~~~~~~~~~~~~~~~~~~~~~~~~~

غالية::::: سمعت صوت امي خشت ، جريت لسريري رقدت فيه 💔 وتغطيت ، وجهي واضح عليه كيف بنشرح لو سألتنى 💔
رشيدة:::: خشت ولاحظت انه غالية مش راقده بس ماحبتش تحرجها طلعت وخلتها

سالمين::::: بدت تتصل وتحجز
استبرق::::: حتى انى استغربت فجاء هكي قال العرس بعد 3 اسابيع
ناصر :::::: ياريت عندي علم من الاول راهو جيت ودرنا مع بعض
استبرق:::::😳 وين جيت !!
ناصر. ::::: وين يعنى !! جيت خطبتك شن تحسابي انتِ بنهدرز عليك ونفوت الوقت وبعدين نفوتك
استبرق::::: بلعت ريقها بخوف ، لا حبيبي عارفه اكيد بس مستحيل حد يلحق توا واصلا مازال الوقت علاش بنستعجلوا
ناصر :::::: اي ان شاء الله توا تموا حوست عرسكم ونتفاهموا بعدها

~~~~~~~~~~~~~~~~~~~~~~~~~~~~~

العنود :::::: روحت طول خشيت لغالية 💔 غالية راقده
غالية ::::::😢 نضت قعمزت لا
العنود ::::: خير امه الحقير هذا ؟؟؟ مش يوم الشالي قالك نحبك ؟؟
غالية ::::::🤷🏻‍♀️ شن عرفني 💔 البارح …
العنود::::: خلينا من البارح قولي يتهيألك لكن مش قلتي يومها انه سيبها كيف صار علاش وعلاش السرعة هذه ، نوضي امشي هزييه ! سبيه ! اضربيه ! المهم مدسيش في قلبك انى ولا مره شفتك تبكي هكي شن صايرلك
غالية:::::: سكتت
العنود::::: تحبيه !!
غالية:::::: مش عارفه بس يلي نعرفه انه هذا يوجع فيا واشرت على قلبي 👈🏻💔 حاسه انه بيطلع من صدري وهنى اشرت على رقبتي كأنه حد خانقني كأني سامعه بحد نحبه هلبا ومات شعور اخيييه
العنود ::::::: رقدتها على رجلي وقعدت نسرح في شعرها اهدي خلاص معادش تفكري شن متوقعينه منه ومن عيلته 💔 مرضا
بعد رقدت طلعت لقيت امي في الصالة 🤨
رشيدة :::::: رقدت ماكلت شيء ؟
العنود ::::: اسمعينى توا غالية قالت مانبيش نجي هنى من الاول صكرنا رؤسنا وجبنها وقالت بنطلع الأسبوع يلي فات وصكرتي رأسك معها كان قالت بنطلع توا بالله عليك ماتعارضها نطلعوا طول ماتحملهاش اكثر من طاقتها
رشيدة :::::: هزت رأسها بالموافقة وخشت لدارها
العنود:::::: استغربت امي لا سألت عن السبب ولا اعترضت ، طلعت تلفوني لقيت رسالة من ادريس لو احتجتوا اي شيء اتصلي بيا في اي وقت اي شيء فرحت محلها الكلمات هذه حتى لو كانت مجرد كلمات قداش تعطيك قوة

~~~~~~~~~~~~~~~~~~~~~~~~~~~~~

#ثاني_يوم

العنود ::::: فتحت عيوني شفت لغالية كانت نايضة وتشوف للسقف 💔 قلتلها صباح الخير
غالية ::::: صباح النور
العنود ::::: غالية شن رايك تمشي لخوالي
غالية ::::: خوالي !!
العنود :::::: ايه للمغرب تغيري جو وتتعرفي عليهم وتدهوري
غالية ::::: 💔 عام ادهوير هو
العنود ::::: ماتعترضيش طول شوفي هو صح ماعمرنا مشينا حتى يوم ماتت حناي بوي بعت امي بروحها على خاطر حق التذاكر لكن يحبونا يتصلوا ويسألوا امشي وماتفكري في شيء شهر شهرين وانى في الوقت هدا ناخد امي ونطلع من هنى والدين ياستى ماتفكريش فيه نخلص لين تروحي
غالية :::::: تحسابيه ساهل يلي تقولي فيه
العنود :::::: ايه ساهل عندي 5 الاف قاعدين من السلفة خوديهم وامشي وتروحي تلقينى مرتبه كل شيء خلي مره نحس انه انى الكبيرة
غالية :::::: ربي يحفظك نوضي وقت على عملك
العنود ::::: تمام فكري بس انتِ في يلي قلته ،، الله قداش الفلوس قوة انى كنت قوية بادريس حاسه انى نقدر نحل كل شيء نساعد امي اختى نعفس على عيلة الغزاوي ندير كل شيء بعدين يقلولك الفلوس وسخ دنيا 🤷🏻‍♀️ ماهو دنيا وسخة كلها

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

اسماء واسيل ::: جيات من الصبح بعد امهم اتصلت وقالتلهم
هارون :::::: نزل خش للمطبخ يدير في قهوته
رشيدة ::::::: تجهز في الفطور وساكته
هارون ::::::: طلع للطاولة اووو اسيل شن الاخبار نور وقعد يلعب فيها
اسيل ::::: مبروك ربي يكملك على خير
هارون ::::: هزلها برأسه وابتسم
اسماء :::::: 😒 حتى انى هنى والا ماتشوفش فيا مبارك عليك
هارون ::::::😒 كان تبي جونا زي قبل اختى هونا خالتي رشيدة في المطبخ خشي اعتدري منها فوتك من بناتها هذه المرأة في عمر امك
سالمين :::::: تفنص فيها ايه مافيها شيء خشي طيبي خاطرها بكلمتين
رشيدة :::::: جابت الشاهي
اسماء :::::😒 استنى
هارون ::::::😠
اسماء ::::: خالتي رشيدة 😒 استنى سامحينى على يومها
رشيدة::::: حصل خير مدوريش
اسيل :::::: شن حال البنات
استبرق::::: اي حق شن حال غالية اليوم
هارون ::::::: ركز معها
رشيدة :::::: والله ماعارفه قاعده في الحوش حتى اليوم ، وماكله مهناش كان ماتمرض ثاني
اسيل :::::: خيرها ياروحي ؟
استبرق:::: اغمى علها اول امس 💔
سالمين::::: كان تلقا تنوض تقتل بناتها تشوف لهارون ، زوجها البنت قلتلك هضم حركات البنات باش اماليهم يديروا يلي يبوه
رشيدة:::::😳 حست انه سالمين بالغت ، ولدها وبيدير عرس علاش مصره هكي ، وين يجي النصيب لا انى لا غيري نوقفوا في طريقة ومشت
هارون :::::: دايمه وناض 💔

~~~~~~~~~~~~~~~~~~~~~~~~~~~~

غالية :::::::: قاعده في سريري دق الباب 😍 هارون هارون نضت نجري فتحت
اسيل :::::: نور قالت بنمشوا نشفوا خويلة غالية قالوا مريضة
غالية ::::::💔 اهلين انستوا 🥺 تفضلي وخديت منها نور ريحتها دخان وين كانت
اسيل :::::: ههههه خالها هارون كان شادها
غالية ::::::💔 اها
اسيل ::::::: خيرك لاباس !
غالية :::::: تعب بس شن جوكم انتم
اسيل :::::: اهو جانا عرس في يوم وليلة
غالية :::::: ايه 💔 استنى ندير قهوة

~~~~~~~~~~~~~~~~~~~~~~~~~~~~~

العنود :::::: صباح الخير
ادريس ::::::😍 صباح النور
العنود :::::: ادريس
ادريس::::: عيونه !
العنود :::::: الفترة الجاية ممكن نستحق شوية فلوس 🥺
ادريس :::::: عادي مش مشكلة بس احكيلي خيركم
العنود :::::: تسلم يارب موضوع عادي بس مرات نطلعوا من الحوش
ادريس ::::::: مش موضوع غر قوليلي ندبر كل شيء
العنود :::::: تسلم ،، هناء قالتلي مااتفقتش مع الشركة التركية ؟ ماصارش من الخدمة معاهم
ادريس :::::: ايه
العنود :::::: في خاطري ارتحت من هذيكة البنت تمام خل نمشي لمكتبي وطلعت

~~~~~~~~~~~~~~~~~~~~~~~~~~~~~

غالية:::::: سقدت اسيل بعد اصرار كبير منها انى نمشي معها نغير جو وانى نرفض تخيلوا اسماء وامل مرت خوهم وامهم وهم يحكوا على عرس هارون 💔 وانى بينهم قلولي انتحري اسهل خديت تلفوني على امل نلقاه متصل 💔🥺 بس لا لقيت حسام متصل عاودتله
حسام :::::: شن حالك
غالية:::::: الحمدلله
حسام::::: اتصلت مرتين مردتيش
غالية:::::: اممم عندهم عرس الحوش زحما ودوشة ماانتبهتش
حسام ::::::: عرس من ؟
غالية::::: هارون
حسام :::::::😳 هارون ! وعلى من ؟؟؟
غالية :::::: بنت خاله 💔
حسام :::::: ههههههههه صار هارون بيتزوج ؟؟؟؟ حركة مش متوقعة بكل
غالية ::::: علاش !!
حسام ::::::: بصراحة كنت نحسابه يبيك الضرب والجو يلي يدير فيه كنت نحسابه …..
غالية ::::::: في خاطري حتى انى كنت نحسابه 💔 هو خاطب من قبل
حسام :::::: باهي مليح بكل
غالية :::::: اممممم
حسام ::::: امته جايه
غالية :::::: غدوا ان شاءالله
حسام ؛::::: تمام نتلاقوا معنها وفعلا فوتت اليوم هذا في الحوش وثاني يوم نضت جهزت روحي ومشيت لخدمتى زي قبل ، هذه كآبة الفقراء ما يحقلهمش اكثر من يوم
وانى. مروحة خشيت من الباب. لقيته مقعمز في الجنان يتكلم بالتلفون 😠 فتت خطوتين ورجعت وقفت قدامه
هارون :::::: اشرلها برأسه شن ؟؟
غالية ::::::: صكرت يدي هكي 👊🏻 وضربته بيه على قلبه
هارون :::::::: 😳 جاته الضربه على غفله اهاااا وصكر التلفون بدون مايقول شيء ،، خيرك 😡
غالية::::: مش قلتلها معادش نبيك 😠 مش سيبتها 💔 كيف رضت بيك بسرعة هكي ثاني ؟؟؟؟ كنت تكذب عليا وله !! طبعا 🤷🏻‍♀️ تفوت شوية وقت مع غالية لين يجي موعد عرسك
هارون ::::::😡 تحسابي الناس كلها كذابه زيك !! هذا تخصصك انتِ
غالية :::::: والله !!! في شن كذبت عليك انى ؟؟؟
هارون :::::: من يومين ✌️يومين بس قلتي بايته عند صاحبتى وانت كنتي معاااااه بايته عنده 😤
غالية ::::::😳 احترم نفسك عند من ؟؟
هارون ::::::: بصوت عالي وهو قايم يديه غالية ماتكذبيش ما تكدبييييييييش ماتحسابيش انه صوركم في الفيس بتفضحك وله ! هذه ماحسبتيش حسابها
غالية :::..::😳 انى مابتش عند حسام انى رقدت لانى تعبانه عند جده بس ووين تأخر الوقت مقدرتش نروح حسام ماشفتاش. بكل الا لما جيت بنروح وقالي الوقت متأخر حتى الصبح طلعت قبل ماينوض صور شن شن تخرف انت
هارون :::::: شد يدها من الرصغ وضغط علها بقوى ايدك هذه كانت في إيده في إيده 😡😡 ويزيد يضغط
غالية :::::::💔😣 اهاااااا هارون حول ، ايد شن بلا كذب
هارون :::::: حنى فيها علاش كذب اصبري بس وخدي تلفونه الو فارس اسمع الصوره يلي منزلها هضاكه يومها ابعتها ليا توا
فارس ::::: علاش
هارون ::::: بلا أساله ياراجل صور المنشور وابعته هيا انى معاك عالخط نستنى فيك
فارس ::::: باهي لحظة ……….
هارون :::::: 😡 يشوفلها بغيض
غالية ::::::: كنت نستنى ومش فاهمة شن نستنى بالزبط 💔
هارون ::::: تي شن صار
فارس :::::: مافيه شيء
هارون::::: كيف !!!
فارس ::::: شكله حادفها خشيت على صفحته 40 مره مافيها شي
هارون ::::::: ولد ال 🤬🤬 ال🤬🤬🤬
غالية ::::::😏 كل شيء واضح وتلفتت بنمشي
هارون ::::::: صكر التلفون وشدها من يدها مش مصدقتينى ؟؟؟؟؟
غالية ::::::: 🥺 قعدت نشوف لعيون الرمادية لحظات بعدها جبدت يدي وقتله انى صدقتك مره قبل وشفت شن صار فيه 🤷🏻‍♀️💔 ومشيت وخليته
هارون :::::: على اساس مش هي يلي بدت الاولة 💔

~~~~~~~~~~~~~~~~~~~~~~~~~~~~~

#بعد_10ايام

غالية::::: من يوم تعاركت معاه معادش تلقينا الا مره او اثنين ممكن ، مانمشيش لحوشهم ونحاول مانشوفاش كل مايقرب عرسه اكثر كل مانضايق اكثر قلبي مقبوض نبكي مع انى مانحبش نبكي بس مانبكي قدام حد حتى العنود بديت قدامها نتصرف كأنه عادي رجعت نخدم زي قبل امي تتجنب فيه الفترة هذه مش عارفه علاش والسؤال يلي نسأل فيه لروحي كل يوم هل بنتحمل نشوفه مع مرته ونكون معاه في نفس الحوش بعدين 💔 حسام نقص اهتمامه هلبا 🤷🏻‍♀️ واضح انه كان واخد الموضوع عناد في هارون والحمد لله انه معادش اهتم لانه ماعنديش خلوق للمجاملة

العنود :::::: معمر قاعد ماجاش طلاقي واقف وحياتي واقفة ادريس مش مهتم بموضوع الطلاق هلبا بس مهتم بيا ويدعم فيا ديما اي شيء نطلبه يديره المعاش شبه وله دبل رصيد هدايا 🤷🏻‍♀️ وانى حااااااايره ومش عارفه شن ندير

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية :::::: معقولة توا شن تبينى ندير ؟؟؟
مدير المصور ::::: غدوا الساعة 9 يكونوا جاهزات
غالية :::::: لكن انى ماعنديش لاب توب في الحوش وتوا الساعة 12 معقولة !!!
المدير ::::::: غالية تصرفي هذه غلطك
غالية :::::: باهي باهي 😒 صكرت ناقصه انى
رشيدة ::::: خيرك
غالية ::::: مصوره عرس ونسيت ماخدمتش الصور وشكله متصلين بيه ومتعارك معاهم قاللهم غدوا اول مايفتح المحل تلقوهم وانى مفروض نخدمهم توا كيف مش معروف 🤦🏻‍♀️
رشيدة:::::: خودي جهاز من استبرق متقولش لا كان تبى نمشي انى نجيبه منها
غالية ::::::: وين بنلقاله النت ؟؟
رشيدة :::::: باهي برى ديريهم غادي فيسع فيسع
غالية :::::::💔 توا نشوف فكرت شوية بعدين قرارت نمشي خديت وشاحي بنلبسه
العنود :::::: غالية تعاااااي
غالية ::::: شن
العنود :::::: البسي زي الخلق ماشيه في بجامه
غالية :::::: ماشية لعرس ؟؟؟
العنود :::::: ياغبية مش سامعة بنظرية لا تعترف بالحريق الذي في داخلك بل أبتسم وقول انها حفلة شواء
غالية ::::::: هههههه ومن صاحب النظرية ان شاء لله ضفدع كامل ؟؟
العنود :::::: كان شافك احرقيه وبديت ندور في الدولاب وكانه هو مش قاعد احرقي امه
غالية ::::::: امممم شن ادوري
العنود :::::: لبسه تبان كانها لبسة حوش بس حلوه طلعت سروال اسود فيه خطوت بالابيض من الجنب هذا حلو يجيك مزبوط
والتوب الوردي هذا حلو
غالية :::::: قصير يجي على حاشية السروال هذا
العنود :::::: تي البسي درهتى الكبد لبسة حوش عادي وخودي وشاحي الليكرا الاسود 💔 وشوفي حجم التضحيه يلي درتها
غالية::::: هههههه شكرا خديتهم لبستهم وطلعت هربت منها قبل ماتقولي حطي حتى ميك اب دقيت على باب المطبخ وخشيت نسمع في دوشتهم في الصالة كنت مشتاقة نشوفه وفي نفس الوقت نقول ان شاءالله مانلقاشي خشيت السلام عليكم ، وطبعا كان موجود اساسا عمري ماتمنيت شيء وصار 🤦🏻‍♀️
هارون :::::: قام عيونه فها
استبرق :::::: اهلا اشرقت وانورت
اسيل ::::::: وعليكم السلام
سالمين:::::😒
غالية ::::::: شفتله شويه بعدين شفت لاستبرق ،، استبرق عندي شغل لازم نتمه الليلة نبي اللاب توب متعك كان فيها كيف 🥺
استبرق:::::: اي عادي
غالية :::::: هههه وخدمتي بالنت نبي حتى النت شوية
استبرق :::::: شافت لهارون اهاا تصدقي انى معادش يعلق عليه النت معرفتش خيره قلت لهارون شوفه ماعدلش عليه
هارون :::::🤨 شافلها متع امته صار هذا
غالية ::::::: اها 💔 فيها خيره
استبرق ::::: استعملي لاب توب هارون
هارون :::::🤨 يشوف لاخته مستغرب
غالية :::::: لالا عادي توا نشوف شن ندير
هارون :::::: 😒 شن بديري مش قلتي شغلك ضروري الليلة انى ماعندي ماندير بيه
استبرق :::::: وقفت خدتها من يدها ايه هيا تعالي
غالية :::::: ركبت معها 💔
استبرق :::::: 😉 هارون تعاله اعطينا الباسورد
هارون :::::: وقف طول لحقهم
سالمين:::::: 😤 باهي يااستبرق
غالية :::::: 💔 خشيت لداره كل شيء في مكانه بنفس ترتيبه
استبرق :::::: شحت كرسي المكتب قعمزي
غالية ::::: لالا هاتيه ونطلعوا برا
استبرق :::::: لااااااا …. قصدي هارون مايحبش حد يطلع حاجاته برا وشحت كرسي من قدام المراية اهو مقعمزه معاك انى لين تكملي
هارون :::::: خش شافها مقعمزه على كريسه تذكر يوم تضم في داره وكيف تضحك طول الوقت 💔
غالية :::::::💁🏻‍♀️افتحه
هارون :::::: وقف ورها وطبس رأسه جنب كثفها
غالية ::::::: 💔 قلبي بيطلع كان يتنفس بقوى شبكت يديه في بعضهم وقعدت نحرك فيهم بارتباك
هارون :::::: يشوف ليدها 💔
غالية :::::: لفيت رأسي 🥺 باهي حول
هارون ::::::: كيف !!!!!!
غالية ::::::أأأ … قصدي بنفتح موقعي الصور وهكي مانقدرش نفتحهم قدامك
هارون :::::: اها اي عندك الحق ومشي قعمز عالسرير
غالية :::::::🌚 بيقعد هنى 🤦🏻‍♀️ قول اشتغلت معنها
استبرق :::::: تهبل محلها اشبح من مكيجها
غالية ::::: مش عارفه
استبرق ::::::: حتى راجلها يهبل
غالية ::::: هذا خالها دخلها متزوج شوفي متع القفطان الموفي مرته
استبرق :::::: وهذه من
غالية::::: هههههه مش ح نشتغل هكي
استبرق :::::: شافت لهارون عقبال صور عرسك انتِ
هارون :::::: ركز معها
غالية :::::: ههههه ان شاء الله
استبرق ::::: امته
غالية ::::::: شن ؟؟
استبرق::::: عرسك
غالية :::::: عرس شن ؟؟
استبرق ::::: سمعت امي وامك يحكوا
غالية :::: اها عادي هذه امنية الامهات هههه من عمري 10 سنين شورها امي وهي تتمنى
استبرق :::::: رنت. لناصر عاودلها ورت التلفون لغالية ووشوشت بالشوية نرد ونجي مانعطلش وطلعت
غالية ::::::😳 قعدت يابسه وساكته نسيت حتى كيف نشتغل
هارون :::::: مافيش داعي للدسان عارفين انكم بتتزوجوا راهو 😒
غالية ::::::😳 تكلم فيا ؟
هارون ::::: ايه ديري روحك ماتندري على شيء
غالية ::::: تلفتت بالكرسي ومن هو يلي بنتزوجه ؟؟
هارون ::::: 😡 بلاه الجو هذا
غالية ::::: تي انى مش لقيا وقت نرقد مش لقيا وقت ناكل فيه بنتزوج ؟؟؟؟؟
هارون ::::::: 🤨😤 غالية انى سمعت امك وامي انك جايبة واحد تبي تتزوجيه
غالية:::::: غمضت عيوني 😳 وانت هذا علاش قرارت اديرها قبلي ؟؟؟؟
هارون :::::: شن تبينى ندير نستنا نركبك في سيارته !!! نستنا نحضر عرسك !!!
غالية ::::/😢 علاش ماجيتش سألتنى ؟ علاش ماوقفتش قدامي وقلت الكلام هذا صح او لا ؟؟
هارون ::::::: كان خايف انه يطلع تسرع 🤯 غالية انى سألت امك ؟؟؟؟؟
غالية :::::: اممممم سألت امي 😠 علاش ماسألتنيش انى والا لا السيد ماعندش وقت بيمشي يحدد عرسه بسرعه
هارون ::::: يشوفلها بخوف ، يعنى امك بتكذب ؟؟؟
غالية ::::::😢 كنت مصدومة من امي ومنه من تسرعه ، برافوا هارون توا نقدر نقولك مبروك صكرت اللاب توب بسرعة
هارون :::::: يحاول يشد يديها غالية اوقفي فهمينى خل نتكلموا
غالية :::::: توا تأكد انه معادش بينا كلام بعد يلي سمعته منك توا وكيف تصدق بدون ماتسمع منى وكأنه لو سمعتنى بيكلفك حاجه توا تأكد انى مستحيل نسمعك ولا نتكلم معاك وطلعت
هارون :::::: مصدوم معقولة امها كدبت عليا ؟؟ ردت فعلها متقولش انها تمثل طلع من الحوش مش لمكان يسهر فيه فارس بالعاده
فارس ::::::: هارون خيرك هكي شن صاير معاك
هارون :::::: كله كذب طلع كذب ؟؟؟
فارس :::::: شن ؟؟؟
هارون :::::: خطبتها انها تبى تتزوج !! كلامها صح هي مش فاضيه لا بحب لا بعلاقة اي زواج يلي توا
فارس ::::::: مدله طاسة اشرب ياراجل وانت سكران قبل ماتبدا شكلك
هارون :::::: عرسي قريب هي معادش تبي تسمعنى امي وامها يكذبوا !!!!! حسام ينزل صوره وتنحذف قبل مانقدر نورهالها ؟؟؟ شن هذا وشرب الطاسة في مره شن يلي يصير لو حد متقصدني مش هكي 💔💔
فارس :::::: كل شيء ليه حل

~~~~~~~~~~~~~~~~~~~~~~~~~~~~~

غالية :::::: مبيتش نخش قعدت مقعمزه برا 😭 معقوله امي هي سبب هذا كله باهي علاش علاش تبي تعدبني هكي معقولة امي يلي طول عمري وانى نخدم ونتمي نعيشها يوم مرتاحة علاش هكي ادير فيا 💔💔😭 علاش توجعلي في قلبي هكي قعدت برا لين بدي الضي يطلع نسمع في صوت الباب كانه حد يدق فيه والا يحاول يفتح قربت شفت من الجنب هارون 😳 فتحت الباب
هارون :::::: دايخ مش قادر يوقف
غالية :::::: هارون سكران ؟؟؟؟؟
هارون ؛::::: لدرجة نشوف في غالية قدامي
غالية :::::: هارون هذه انى غالية بجديات شديت يده خيرك شن جاك نعرفك تصلي شن واخد
هارون :::::: حط رأسه على كثفها نحبك
غالية ::::: هارون انت مش في وعيك تعاله خش ارقد في المربوعه توا تخش للحوش ينوضوا وفتحت بابها ودخلته
هارون :::::: شد يدها ليلة وحده معاك 💔 ليلة وحده تكوني فيها ليا تسوى عندي عمرى كله
غالية :::::::😠 هارون الصبح لما تذكر الكلام هذا ح تندم وتتحشم من روحك
هارون ::::::: الدين انى ندفعه نعطيك نص مليون مليون بس وافقي يوم واحد بس وبعدها حتى نموت عادي
غالية ::::::: دفيت رأسه عالمخده موت هارون موت وسكرت الباب وطلعت

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

#عشية

هارون :::::: ناض مصدع اوووف الله لا تسامحك يافارس عارفني مانشربش يصب ويعطيني رأسي ركب لداره خش الدوش كل مره يصحصح ويذكر حاجه اذكر كلامه مع غالية 🤦🏻‍♂️ اوووف شن يلي قلتله للبنت معقوله هذا كلام 💔 راهي تغلي عليا توا ناقص انى طلع بسرعة غير لزم ندورها ونعتدر منها 💔 اول مانزل ركب سيارته
غالية :::::: مروحه من العمل شفته 😒
هارون :::::: نزل غالية كنت طالع بندورك بنتكلم معاك في يلي قلته امس
غالية :::::😣 غمضت عيوني وقلت بسرعة وفي نفس واحد. هارون لو عرضك قاعد انى موافقة
هارون :::::::😳😳

#يتبع

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى