رواية جنون عاشق الحلقة الخامسة | القلم الناجح
روايات ليبيه كاملة

رواية جنون عاشق الحلقة الخامسة

جميع حقوق الطبع والنشر محفوظة

#جنون_عاشق

الحلقــــــــــ(5)ـــــــــة

العنود ::::::: حتى انت متزوج 😒
ادريس :::::: متزوج من خمسة سنوات وعندي بنت وولد ،،، سكت شوية ….. العنود 🥺 ماتسيبيش الخدمة
العنود ::::::💔
ادريس ::::::: اسمعي فوتي كل شيء خليك في خدمتك ماتسيبيش تبي حتى نحولك لقسم ثاني عادي
العنود ::::::😳استغربت 😏 وابتسمت بإستهزا تو من يلي كان يبوس فيه قبل شوية عالباب توا طلع يبينى ننسى كل شيء
ادريس :::::::🥺 شن رايك
العنود ::::::: وقفت وطلعت بدون مانرد ، انى فهمت على ادريس اوكي الوضع مش عاجبة يبى يجرب يسيبني وفي نفس الوقت يبينى نقعد معاه هنى في حال مقدرش يلقني 💔🤷🏻‍♀️ كلهم أنانين زي بعض زي المثقف زي الجاهل زي الكبير زي الصغير
اساسا انى يلي جاية وواخده قرار كيف خليته يقرب منى مش عارفه 💔 مشيت لمكتبى حاولت نشغل روحي

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

هارون :::::: خلاص تم وهو راجع للمطبخ يسمع في استبرق تسأل في غالية
استبرق :::::: غالية مرتبطة انتِ ؟
غالية::::::: علاش عندك ليا عريس ؟
استبرق :::: هههههه لا والله نسأل بس
غالية :::::: لا
هارون :::::: فيه حاجه في داخله خلاته يحس انه سعيد ❤️
استبرق :::::: كنتى مرتبطة ؟؟
غالية :::::: لا
استبرق ::::: غريبة مع انه هذا عمرك يلي مفروض تعيشي فيه
غالية :::::: شوفي صارت مره وانضربت على دماغي وانى في ثانية جامعة وقرارت ندير زي البنات فيه ولد حليوه ومرتب هكي كلمنى قلت يلا نجرب المهم شربنا قهوة مع بعض وخدينا ارقام بعض وكل واحد مشي في حالة ، ثاني يوم بالزبط ثاني يوم رن تلفوني مع الساعة 12 رديت عليه يتكلم بصوت 🤦🏻‍♀️ وقتها حسيت انه انى الولد وهو البنت
استبرق ::::::: تضحك هههههههه
غالية :::::::: قتله خيره صوتك ، في خاطري اشحط روحك 😒
قالي تعرفي انى اليوم زعلان 😷 فزعت عاد ههههه 🤔 قلتله خيرك احكي بالك نساعدك ، طبعا هو هنى ماعجباش يبى نوعية البنات يلي تعتمد عليه وماتقولش نساعدك لانها ضعيفة قدامه وهو البطل المغوار بس سكت وقال معقوله ماصبحتيش عليا اليوم
قلتله انى امي وبوي معاي في نفس الحوش نفوت من قدامهم مانصبحش عليهم ههههه تبينى ننوض نتصل بيك كل يوم والا نبعتلك رسالة !!!!
قالي املاه كيف اسمنا حبيبين
قلتله ومن امته اصلا ولينا حبيبين على قولتك ! مسرع
قالي وااااك خيرك انتِ من اولها ،،، قلتله لا اولها لا اخرها رقمي بعد تصكر تحدفه وكان شفتنى في الكلية غير طريقك وبعدها حرمت
استبرق :::::::: ههههههه جو انتِ
غالية :::::::: وانتِ؟
هارون ::::::: ركب لداره قبل ماتبدا اخته في الفضايح 🌚
استبرق ::::::: لالا 💔 حنى زي ماتشوفي مدي وجهك لين يجيك واحد مناسب بس اختى اسيل الوحيدة يلي دارت شن تبى وصكرت رأسها وخداته خداته رغم حالته المادية
غالية :::::: ربي يهنى

~~~~~~~~~~~~~~~~~~~~~~~~~~~~

العنود ::::::: كملت وطلعت روحت وهو معادش طلع من مكتبة بكل
غالية :::::: كملت معاهم ولبست وطلعت للصيدلية زي العادة 🤷🏻‍♀️

رشيدة ::::::: تفضلي
سالمين :::::: شن هذا ؟
رشيدة :::::: المبلغ الشهري قبل المرحوم يصب فيه في المصرف بس توا جبته هكي وخلاص
سالمين :::::: بخجل 😔 اها توا نعطيه للحاج وركبت
هارون :::::: مع بوه بنفتحها القرية السياحية توا
جمعة :::::: اصبر بس مازال الجو مصقع وهي عالبحر خلي ضجة الافتتاح تكون في الصيف خير
هارون ::::: لالا بنفتح الحجز من توا لشهور القدام مانبيش بعدين الحوسه واللخبطة نبي شغل على مستوى عالمي
جمعة :::::: انت وتصكير رأسك بنقدرك دير رايك
سالمين ::::: خشت قاطعتكم ياحاج هذا جباته رشيدة قالت معرفتش نحطه في المصرف والا شن
هارون ::::::::😒 بالله شن منظرنا توا مادين يدين ناخدوا من مراة زيها في فلوس مستحقين حنى !!
جمعة :::::: هذا حقي ولو كل واحد نفوته ونقول انى مش مستحق راهو موصلتش لهنى
هارون :::::: وقف 😠 تي البنت في عمر بنتك تخدم في 60 الف خدمة ومتبهدلة والله مايصير هكي
جمعة :::::: هارون اطلع منه الموضوع هذا شوري
هارون :::::: طلع وخلاهم
سالمين ::::: يستر الله من يلي في بالي
جمعة :::::: وشن هو
سالمين :::::: شيء شيء

هارون :::::: نزل شاف استبرق مقعمزه بروحها في الصالة جي قعمز جنبها وين صاحبتك املاه
استبرق :::::: هههه من قصدك غالية ؟؟
هارون ::::::: ايه
استبرق ::::::: عندها خدمة مشت
هارون ::::::: كيف متحملتها بلسانها هذا
استبرق:::::: بالعكس تهبل ماتنافقش يلي في قلبها على لسانها بعدين بديت نعرف غالية توا هي هكي نوعها تحمي في روحها بالطريقة هذه لكن هي طيبة
هارون ::::::: قعد سرحان وساكت

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

#ثاني_يوم

هارون :::::: يكلم في البنت يلي تخدم معاه قتلك وافقت عالمقابلة مع المجلة الاقتصادية
عبير :::::: باهي
هارون :::::: اتصلي بيهم واشرطي عليهم اسم مصور النجمة واشرطي حتى اسم المصورة غالية
عبير :::::::🙄 ومن هذه
هارون ::::::: ديري يلي قلت عليه بس وخلي المجلة هي يلي تطلبها مش حنى
عبير :::::: 🤔 حاضر
هارون :::::: وبس خلاص امشي شوفي شغلك
فارس :::::: خش اووو شن قالوا فيها بدالي رسمية وجو مدام فيها مجلات
هارون :::::: ايه
فارس ::::::: شن خطر عليك
هارون :::::: دعاية للقرية الجديدة ، قتلك فارس
فارس ::::::: شن
هارون ::::::: لو نبوا نخلصوا دين حد عن طريق جمعية خيرية والا حاجه زي هكي من مبلغ الزكاة السنوي كيف الراي
فارس ::::::: عادي ياراجل هي الجمعية تتكلف شن تفرق دين عالثاني
هارون :::::: غر افهملي الموضوع هذا كيف يصير وقولي
فارس :::::: علاش دين شن ؟
هارون :::::: ياودي مره بس دير يلي قلتلك عليه وماتسألش
فارس :::::::: ههههههه حاضر ياسي هيا نوض ماتنساش عشي انس اليوم
هارون :::::: موضوع درناه لروحنا ، هيا

~~~~~~~~~~~~~~~~~~~~~~~~~~~~~

غالية :::::: مقعمزين نتعشوا دق الباب وقفت توا نفتح
العنود :::::: من جاي زعما
غالية :::::: فتحت ! معمر 🙄 اهلا اهلا
معمر :::::: كيف حالكم
العنود ::::: سمعت صوته انخنقت ! خفت ! وتعصبت !
غالية :::::: تفضل
رشيدة ::::::: اهلا وليدي انست تعاله تعشى
العنود :::::: نشوفله وساكته
معمر :::::: ماتبيش تسلمى والا شن
العنود :::::: اها …. غر استغربت ماقلتش جاي
معمر :::::: شاف لرشيدة خل نغسل يديه ووجهي بعدين نجي
غالية ::::::: العنود وريه الحمام وين
العنود :::::: وقفت مشيت قدامه وفتحت باب الحمام
معمر :::::: خشت يغسل في يديه والباب مفتوح كيف حالك
العنود ::::::💔 الحمدلله
معمر :::::: نفض الميه يلي في يديه علها موليه حلوه
العنود ::::::😣😠 نمسح في وجهي بلا براده
معمر :::::: قرب منها شدها من خصرها
العنود ::::: تذكرت شدت ادريس ليا 💔
معمر ::::::: يحاول يبوسها اشتقتلك انى
العنود ::::::: ندف فيه بكل قوتي ، باهي خيرها القوة هذه ماجتنيش مع ادريس 🤷🏻‍♀️ علاش يومها ماقدرتش نتحرك ،،، معمر حول يجي حد
معمر :::::: سيبها ورجع مسح يديه وطلع يتعشى

~~~~~~~~~~~~~~~~~~~~~~~~~~~

#عند_انس

شاب 1 ::::: والله ان شاء الله العرس في الصيف
الشباب ::::: كل شيء بالبركة
هارون وفارس ::::: سلم عليهم انس ودخلهم ومشي للشباب يلي يشووا
هارون :::::: سلموا وقعمزوا
شاب 2 :::::: اختيارك والا اختيار العيلة
شاب 1 :::::: ياسر اخترنا حنى لما بنصاحبوا ههههه توا دور العيلة
حسام :::::: تي لا ياراجل انت يلي بتعيش معها
شاب 1 :::::: كلهم زي بعض
حسام :::::: يلعب بلحيته وضحك لا والله ما زي بعض
شاب 2 ::::: اوووو شكله صاحبنا طايح
حسام :::::: والله مانحكيلك
شاب 1 :::::: وين لقيتها
حسام ::::::: تخدم معاي ، كل شي فيها
هارون :::::: خطرت على باله غالية ضحك
شاب 2 :::::: ويرضوا الاهل عندك
حسام :::::: لالا امورها تمام من عيلة ماشاءالله
شاب 1 :::::: عيلة من ؟
حسام ::::::: عيلة ال….
انس ::::::😳 حسااااام حسام تعاله تعاله
حسام :::::: وقف بسرعه خيرك ؟
انس ::::::: قريب قلبت الدنيا ياراجل هضاكه متع التشرت الاسود هارون خوها
حسام ::::::😳
انس :::::: والثاني ولد عمها كان قلت اسم العيلة راهو صارلنا موضوع
حسام ::::::: تي علاش ماتحكيش ياراجل
انس ::::::: مش قتلك توا نعرفك عليه ناديته وقبل بنحطوا العشي بعدين بنقولك عليه
حسام :::::: تي باهي حصل خير خل نمشي نتعرف عليه ، وفعلا حسام مشي تعرف وهدرز وحتى خدي رقم هارون وهارون مستغرب كيف لصق فيه ومهتم بيه هلبا

~~~~~~~~~~~~~~~~~~~~~~~~~~~~

رشيدة ::::::: غالية تعالي باتي معاي الليلة
العنود :::::::: شفت للصالة كيف راقد عالصالون ، 😒 فوتيه يلي يبى مرته يدير حوش خل يرقد في الصالة
رشيدة ::::::😒 توا هذا كلام يصير منه
العنود ::::::: كنت نفكر مانبيش يصير شيء بيني وبينه نحس كانى بنخون ادريس 💔
غالية ::::::: تي عادي نرقد حتى في الجنان مش موضوع هههه
العنود :::::: خشيت للدار قاعده بيجامتي يلي لقاني فيها
معمر ::::: لحقها حطي مكياج ديري شويه حركات
العنود :::::: 😒 حصلت باش تأجر حوش ؟
معمر ::::::: يقرب منها فوتي هالقصه توا وجي بيبوسها
العنود ::::::😷 معمر ريحتك دخان بكل اجلي حتى سنونك عالاقل
معمر ::::::: حاضر 😉 طلعي حاجه حلوه هكي البسهالنا
العنود ::::::: هو طلع وانى بنموت مش متقبلة بكل 😣 قعدت في مكاني لين رجع
معمر :::::: خيرك ماغيرتيش ؟
العنود :::::: الدبش هضاكه ماجبتاش انى ساكنة مع امي واختى شن ندير بيه
معمر :::::: 😍 قولتك شن نديروا بيه الدبش كله وحول تشرته وقرب منها
العنود :::::: طول الوقت كنت فاتحه عيوني وخلاص خايفة نغمضهم نتخيل ادريس مكانه 💔 كنت قرفانه ونستنى امته يحول بس وقتها تأكدت انى بديت نحب ادريس بالحق مش مجرد مشاعر مؤقته وقفت طول خشيت دوشت وطلعت لقيته راقد طلعت رقدت في الصالون

~~~~~~~~~~~~~~~~~~~~~~~~~~~~

#ثاني_يوم

العنود :::::: نضت جهزت روحي وقرر معمر يوصلني وانى ميته رعب ليشوفه ادريس ، ههه خايفه من ادريس يشوف راجلي مش العكس وتاري القلب هو يلي يحط القوانين مش المنطق والصح والغلط
وصلني والحمدلله مافيه حد برا خشيت طول وخايفة نتلاقه مع ادريس ويفهم من عيوني يلي صار بينى وبين معمر ! باهي وهو هل عايش. حياته مع مرته عادي والا زينى خايف 💔 طبعا لا هم عادي

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

غالية:::::: نضت متأخره جهزت روحي بسرعة وطلعت لقيت هارون مقعمز في سيارته مشيتله
هارون :::::: حول النظارات
غالية ::::::: شبكت يديه في بعضكم ونتكلم بصوت صغار عمي هارون تسلم عليك امي وقالتلك عادي توصل غالية معاك ، رجعت صوتي العادي تأخرت هلبا وهم يدوروا عليا في الزلة
هارون :::::: ابتسم اركبي
غالية ::::::: 😏 شكرا
هارون :::::: ولع وطلع وين ؟؟
غالية ::::::: المصور وطلعت تلفوني اتصلت بيهم ، قبل ماتعاركوا انى جاية في الطريق
البنت :::::: غالية فيه مجلة اتصلت وطلباتك بالاسم تمشي تصوري الضيف
غالية :::::: مجلة ماعندهمش مصور ؟؟؟؟
هارون ::::::: ابتسم بدون ما يوضحلها
البنت ::::::: ماهو هي مش مجلة ليبية
غالية ::::::: اها تمام امته ؟؟؟
البنت :::::: غدوا
غالية ::::::: تمام قريب نوصل توا نهدرزو وصكرت شفت لهارون
هارون :::::: شن صار
غالية ::::::: حطيت يديه على خدودي ياوخيتي سلمنى وليت مشهوره
هارون ::::::: ضحك كيف
غالية :::::: ياحليلي طلبوني بالاسم 😌 باش نصور واحد طرف ومشهور
هارون :::::: 😏 باهي كويس
غالية ::::::: مبردك ، وصلني نزلت شكرا توا نولي مشهورة وندكرك في مقابلاتي انى كنت توصل فيا مره مره
هارون :::::: باهي صكري الباب خير من نذكرك انى انك كنتى تعطلي فيا
غالية :::::: ننننن … صكرت الباب وخشيت نجري
هارون :::::: هههههه نبي نشوف منظرك غدوا بس

~~~~~~~~~~~~~~~~~~~~~~~~~~~

هناء :::::: وين تلفونك من بكرى نرن يعطي خارج التغطية
العنود :::::::: مش عارفه شكله بيفسد شحنه بدي يتم بسرعه
هناء ::::::: اها

بعدها ممكن بساعتين ادريس ناده هناء وعطها 5 تلفونات جدد سامسونج قاللها دعاية من الشركة انه موظفين يستخدموا فيهم وقرار يوزعهم على يلي يشتغلوا في القسم الاداري 🤷🏻‍♂️
العنود :::::: هو ما سمعناش لهذا صدقت في وقتها انهم دعاية من الشركة فرحت بيه 😍 خديته حطيت فيه شفرتي وبديت نعدل فيه

~~~~~~~~~~~~~~~~~~~~~~~~~~

#عشية

سالمين :::::: هيا نوضي نطلوا على عمك توا يسمع بيك هنى ومامشتيش يزعل
اسيل ::::::(اخت هارون المتزوجة ) تمام لكن نور مش رافعتها
سالمين ::::: شوفي استبرق بالك تخلها معها
اسيل ::::::: طلعت للجنان شافت استبرق وغالية ، استبرق بنمشوا لحوش عمي و..
استبرق:::::: حتى انى بنمشي
اسيل :::::: واااك بنخلي عندك نور
استبرق :::::: لالا مدخلنيش
اسيل ::::::: شافت لغالية نخلها عندك ؟؟
غالية :::::::🤔 بصفتي نخدم عندكم ؟ والا طالب هكي
اسيل :::::: هههههه طلب هكي ياودي
غالية ::::::: تمام هاتها ❤️ تهبل الفرخة ،، نور عمرها 7 شهور

~~~~~~~~~~~~~~~~~~~~~~~~~~~

معمر :::::: لمن هذا
العنود :::::: تلفوني ، عطتهولنا الشركة وجي في وقته تلفوني فسد
معمر ::::: قامه مليح نبيعوه وخوذي واحد رخيص وباقي المبلغ نديروا بيه حاجه
العنود ::::::😳 شن شن ….

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

هارون ::::::::: خاش شاف غالية مقعمزه هي ونور عالعشب 😍 نور
غالية :::::: عدلت تقعمزتها
هارون :::::: وين امها ؟
غالية ::::::: خلتها عندي ومشت لعيلة عمك
هارون :::::: خلتها عندك انتِ ؟؟
غالية :::::: ايه مش عاجبك والا شن
هارون ::::::: لا بس مش باين عليك انك من النوع يلي تحبي الصغار وتشديهم
غالية ::::::: ههههه بالعكس زمان وين تصير مناسبة صغار الشارع كلهم يقعدوا عندنا انى والعنود
هارون ::::::: جديات ؟
غالية ::::::: حتى من كثر مايخلو عندنا قرارت انى والعنود نديروا بيهم مشروع
هارون :::::: هههههه بتبيعوا اعضائهم والا شن
غالية :::::: ههههه قررنا نشدوهم بالفلوس قلنا لامهتهم الثلاثة شدات ب 10 وبدوا عاد يجيبولنا فيهم وامي ماتعرفش مستغربه قبل يسألوا فيها كان البنات ماعندهمش قراية عادي يشدوا؟ توا يجيبوا يحطوا ويطلعوا المهم جمعنا مبلغ جو 60 دينار
جي يوم وامي قالت لا هضم تمادوا مشت كلمتهم قالولها وشن ببلاش هو ههههه اخخخ وندكر في الطريحة يلي خديتها وقتها
هارون :::::: لكن انتِ الصغيره مفروض ماضربتكش انتِ
غالية :::::: لالا امي تزبط هههههه قالت العنود خوفه هذه الفكرة ماتطلع الا من غالية
هارون :::::: مد يديه خدي نور ، هههه مدام هكي معنها تستاهلي ، وقعد يكلم في نور لمن طالعه البنت الحلوه هذه العيون الحلوات هضم لمن
غالية :::::::🤦🏻‍♀️ بلا تفكير قلتله عيونها زي خالها
هارون ::::::: قعمز نور في حجره لحظ لحظ استنى يانور كانه غالية قالت فيه كلمة كويسه وقالت عيوني حلوات هههه
غالية ::::::😒 امته وانى في خاطري مستعده ندفع نص مليون ثاني ويرد الوقت دقيقة اللتالي 🤦🏻‍♀️💔
هارون ::::::: مركزه فيه ؟؟
غالية ::::::: قصدي اكثر حاجه مش حلوه فيها راهو عيونها هذا علاش قلت زيك 😒
هارون ::::::: هههههه خلاص توا سبق السيف العدل
غالية :::::: وقفت
هارون ::::::: خلاص خلاص سكتت قعمزي
غالية ::::::بنجيب الكاميرا بنصورها
هارون ::::::: اها تمام
غالية ::::::: جبت الكاميرا صورتها كدا صوره 😍
هارون :::::: ترا نشوفهم
غالية ::::::: مديتله الكاميرا
هارون ::::::: يتفرج عالصور في ذكرة الكاميرا كملهم ولقي كدا صوره لغالية 😍 قعد يشوف فيهم بعدها جت صورة حسام قدامه 😳 من هذا ! اي اي قعد يدكر فيه زبطه انه نفسه ، وجه الكاميرا لغالية 🤨 من هذا ؟؟؟

#يتبع

رواية جنون عاشق للكاتبة صفاء


اترك رد

زر الذهاب إلى الأعلى