رواية جنون عاشق الحلقة الرابعة عشر | القلم الناجح
روايات ليبيه كاملة

رواية جنون عاشق الحلقة الرابعة عشر

جميع الحقوق محفوظة

#جنون_عاشق

الحلقــــــــــ (14)ـــــــــة

هارون :::::💔 بخوف من هو ؟
سالمين :::::😏 غالية قالت امها جايبة واحد ورأسها والف سيف تبى تأخده حتى قالتلها يسألوا عليه ، قالتلها انى نعرفه ساد
هارون ::::: شاف لرشيدة نظره متع قولي انه كذب ؟؟
رشيدة ::::::: مدوريش كيفها توا بنات الجيل هذا كلهم هكي ياخدوا ، تجيب هي واحد
هارون ::::: 😠يما تعالي وطلع للصالة 💔
رشيدة ::::::😣
سالمين ::::::😏 طلعت وراه ها شن ؟؟؟
هارون :::::: يما شن تقولوا انتم ، البنت قتلك نبيها
سالمين :::::: وين نندري عليك انت عاد انى نحسابك مدام داير قصة وتعارك متفاهم معها ، توا امها تقول جايبة واحد وبتتزوجه
هارون :::::: يمسح في وجهه بيده خدي مفاتيحة وطلع
سالمين:::::: وين ماشي تعاله افطر ، وخشت لرشيدة
رشيدة:::::: شن صار ؟
سالمين::::: شيء خلاص معادش تدوريه

~~~~~~~~~~~~~~~~~~~~~~~~~~~~~

العنود::::: جهزت روحي ومشيت للعمل
خشيت لمكتب ادريس صباح الخير
ادريس ::::: وقف صباح الورد والفل والياسمين ، علاش النكد يلي درتيه امس وخربتي الطلعة
العنود :::::::😒 هكي احسن
ادريس :::::: ناض من كرسيه ومشي وقف قدامها 🙃 باهي نتصل بيك علاش ماترديش !!
العنود :::::: ادريس انى جبتلك البريد يلي وصل من الميناء ، وبنطلع
ادريس ::::: قرب منها بيبوسها
العنود::::: وخرت ادريس 😳💔 انى معادش نبي نغلط وانى متزوجة
ادريس :::::::😡 شن توا وله غالي وتحسبيله في حساب ؟؟
العنود ::::::😡 هو شن دخله انى مانبيش نفقد احترامي لنفسي اكثر من هكي بس ! وجيت بنطلع بعدين رجعت تمام هذه انى هكي بعد يلي صار بينا مقدرتش نخليه يقرب منى وطلبت الطلاق تنازلت على كل شيء
انت انت شن وضعك !!!!!!!!
حياتك طبيعية ؟ بجد خاطري نعرف كيف تتعامل مع مرتك لما تشوفها مايأنبش فيك ضميرك عايش معها عادي كيف تشوف لعيونها وترقد جنبها بعد يلي صار
ادريس:::::: 😡 العنود خيرك ؟
العنود ::::::: شيء شيء ، وطلعت وخليته 💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~

هارون :::::::: قعمز في السيارة مستحيل فيه شيء غالية اكيد اكيد تبي الموضوع يوصلني
طلع تلفونه توا نفهم كل شيء واتصل بيها
غالية::::: كنت في الافيكو رن تلفوني هارون 💔 غريبة مرديتش اول مره بس وين اتصل مره ثانيه فتحت 😫 هارون شن تبى ؟؟
هارون ::::::: شن فتحت التلفون هذه ؟؟؟
غالية::::: صباح الخير ، كيف حالك ، يومك سعيد شن تبى توا هكي كويس
هارون :::::: وين انتِ نبيك ضروري ؟
غالية:::::: عندي خدمة
هارون:::::: وين نبي نشوفك 10 دقائق
غالية :::::: فيه استراحة في ال&& كانت تمشيلها امي ماشيتلها توا
هارون ::::::😡 تي استراحة شن يلي بتمشيلها متع من ؟؟؟؟؟
غالية::::: اسمه اسعد اعتقد
هارون:::::🤬 انزلي وين ماانتِ توا نجيك الولد هذا مش مزبوط
غالية :::::: نتكلم بانفعال وانى مانندريش انه الكل يتفرج عليا 🤦🏻‍♀️ شن بنتزوجه انى نخدم خدمتى ويخلصني وتمت
هارون::::: تي الفرخ متع بنات وديما مش في وعياء وين ماشية
غالية :::::: امي من خمسة شهور تمشيلة عادي شن فيها ، بعدين مادخلكش فيا نمشي وين مانبي استراحة حوش شقة موضوع مايخصكش وصكرت عليه
تلفتت لقيت الناس يلي معاي كلهم هكي يشفولي 😒 قلتلهم انى نقدر نشرح انكم فاهمين غلط ، بس بصراحة انى معصبة وماعنديش خلوق 🤨

هارون ::::::: طلع بسيارته وهو يعارك ويسب 🤬🤬 ونسى حتى علاش متصل بيها

~~~~~~~~~~~~~~~~~~~~~~~~~~~~~

ناصر :::::: نبي نشوفك ؟
استبرق::::: فوت توا
ناصر ::::::: مافهمتش بدل ماتقولي حتى انى ؟؟ شن هي فوت توا هذه
استبرق:::::: قصدي تعرفه معهد خاص وهكي وانت بسيارتك بتلفت النظر 😣
ناصر ::::::🤨 كيف يعنى لانه خاص وسيارتهم فخمة سيارتي يلي دوب حالها بتلفت النظر ؟؟؟؟
استبرق::::: مش هكي قصدي لما يجي حد غريب والا سيارة غريبة يلاحظوا
ناصر :::::: متأكده هذا السبب الوحيد ؟؟؟؟
استبرق:::::: تي ايه خيرك ، حبي خل نشوف ماما توا ونكلمك في الليل !!!
ناصر. :::::: تمام باي
استبرق ::::::😢 صحباتي يضحكوا عليا كان يشوفوا سيارته ولبسه 💔

~~~~~~~~~~~~~~~~~~~~~~~~~~~~

غالية:::::: نزلت دقيت عالباب 💔 وبعد عشرة دقائق من الدق فتح
اسعد ::::::: 😍 اوووو بدت فيه خدمة دلفري وتوصيل للباب
غالية :::::: شن تقول انت 😒 انى بنت رشيدة يلي تنظفلك في الاستراحة يلي اتصلت امس قريب تبكي الاستراحة ولت مكب ياتعالي ياابعتي حد
اسعد :::::: اهااا خشي ، لكن وين خالتي رشيدة داسة الحاجات الحلوه هذه
غالية:::::: 😒 خل نتفاهموا من. توا اخطاني خل نخدم خدمتى احسن من يصير كلام
اسعد ::::::: رفع يديه فوق خلاص باهي ، انى بنخش ندوش شوفي شغلك
غالية ::::::: اعععع قرف الريحة شن هذا فتحت الدنيا كلها وخديت كيسة كبيرة وبديت نلوح في كل شيء يجي قدامي ، سمعت صوت سيارة شكله اشبح من جاه
هارون :::::: 😡 خش امته بتبطلي عناد
غالية ::::::: هارون !!! شن ادير هنى
هارون :::::: انى شن ندير هنى وله ؟ انتِ يلي شن تلبزي عارفه روحك عند من 😠 والا عناد وخلاص
غالية::::: قمت حاشية الصالون نقدر نحمي روحي 😳 لقيت تحت الصالون ملابس داخلية متع بنت عيطت اهاااااا 😱
هارون :::::: جي يجري 🤷🏻‍♂️ تفضلي هي
اسعد :::::: لف فوطه وطلع مخلوع 😳شن فيه ؟؟؟
غالية :::::: قمتها بالمكنسة عالاقل يلبسوا حاجاتهم وهم طالعين
اسعد :::::: خلعتينى نحسابك لقيتي حنش ، هارون !!!!! شن ادير هنى
هارون ::::::😡 خش البس ماتخلنيش ننبلا بيك
اسعد ::::::: لحظه بس هارون انت عندي راهو ؟ شن تبي
هارون :::::: البس قبل ، وانتِ اقلبي وجهك على شن تتفرجي
غالية:::::😒 مشيت للمطبخ وخليته
اسعد ::::::: استنى خش لبس بسرعة وطلع ، يابنية دريلنا قهوة
غالية :::::: طلعت غالط حبي انى مش شغالتك راهو 😒
هارون ::::::: غالية اطلعي للسيارة
اسعد :::::: تعرفها ؟؟؟
هارون ::::::🤨 ايه عندك مانع
اسعد ::::::: لا علاش خود راحتك تركبها في السيارة تبي حتى الاستراحة هي ليك 😉
هارون :::::: شن تحسابها انت وضربه بوكس طيحة
غالية :::::: 😠 احترم نفسك ياحيوان تحسابني زيك
اسعد ::::: وقف تي لا ياراجل خيرك بكيفك تفاهم معها انى برا.
غالية::::: هارون لو مخلينى في حالي راهو كملت من بكري وقعدت نكنس
هارون :::::: طلع جنب اسعد
اسعد :::::: انستنا يا
هارون :::::: يشوف ومش عاجبه
اسعد ::::::: يولع في الارقيلة مدام تبها علاش مخلها تخدم ؟ قصدي مش الاستراحات بس فيها الناس يلي زينى حتى في الحياش المحترمة موجودين راهو هههههه
هارون ::::::: 🤨 مصكره رأسها
اسعد :::::: ياراجل خودلها حوش وقوللها انى نصرف عليك في اسوء الاحوال اضرب معها ورقتين عرفي وتمت صكر علها في حوشك وريح روحك بتقعد هكي تجري من استراحة لحوش وتضرب في الناس وشد فمه ههههه انى غر واخد فيه مشروب البارح راهو كان هذا راهو وريتك الضرب كيف
هارون ::::::: عارفك حتى انى 😏
غالية :::::: نشوف فيه من الروشن 🥺 مقعمز يستنى فيه يوخيتى سلمه يهبل 😍 غالية كملي بلا تسبيل عيون بعد ساعتين كملت وطلعتلهم
تميت 🤷🏻‍♀️
اسعد :::::: لحظه وخش
هارون ::::::😤 متعصب
اسعد ::::::: مدلها الفلوس يسلموا ايديك
غالية::::::: شكرا
هارون ::::::: اركبي السيارة
غالية:::::: مابيتش نطول القصة وركبت
هارون ::::: هيا بالسلامة ،، ركب ويؤخر توا نقدروا نمشوا لمكان نهدرزو زي الخلق
غالية::::: لا
هارون :::::: غااااالية
غالية:::::: هارون بجد عندي صيدلية ومخليه الولد يلي يخدم البارح مكمل لتوا قلت ننضف الاستراحة عالسريع ونمشي عيب الساعة 1 وقاعده مامشيتش ، 🥺 توا نروح في الليل ونتكلموا
هارون ::::::🤨 وين كنتى البارح مدام مش في الصيدلية المصور مايفتحش 24 ساعة ؟ وين بتي البارح
غالية :::::😳 اها … ااا ..
هارون ::::::😠 خيرك ماتندريش على روحك والا شن وين كنتى البارح غالية
غالية ::::::: عند صاحبتي
هارون ::::::😒 العنود لما اختفيتي المره يلي فاتت وطلعتي في حوش ….. حسام قالت معندكش صاحبات لدرجة تمشي وتباتي عندهم
غالية :::::: ا أأأ ….. وحده تخدم معاي في المصور كملنا مؤخر وهي حوشها قريب روحت معها
هارون ::::::😡 تي شن عيل تروحي مع كل حد يقولك هيا شن عرفك فيها هي عندها خوت ولاد والا لا شن طبيعت حوشهم …
غالية ::::: في خاطري وكان تعرف وين كنت بالحق 🤦🏻‍♀️ شن تقول ….. قعدت ساكته وهو استمر يعارك لين وصلت
هارون::::: نستنى فيك الليلة 😒 ماتتأخريش
غالية :::::: تمام ونزلت

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~

العنود::::: روحت جهزت العشي لانه اتصلت بغالية اليوم وقال مروحه امي سرحانه اشبح خيرها
رن تلفوني اكيد ادريس 😒 مشيت شفته معمر !!!! غريبة من يوم روحنا بامي ماتصلش رديت
معمر :::::: كيف حالك
العنود::::: تمام
معمر ::::: غدوا محكمة لا باعت محامي ولا ماشي وفي الحالة هذه راح تتأجل
العنود ::::::😤 وعلاش بدير هكي
معمر :::::: انى مازالي اسبوعين ونكمل ونجي بعدها نهدرزو ويلي تبيه باهي اتفقنا باهي مااتفقناش نطلقك بدون محاكم
العنود ::::: قعدت ساكته
معمر ::::: والدعوة ماتسحبهاش كانك شاكه في كلامي
العنود:::::: يصير خير
معمر::::: ان شاء الله هيا في امان الله
العنود::::::💔 كل مانسمع صوته والانشوفه نضايق هو اكثر شخص يدكر فيا انى حقيره غم قلبي طلعت قعمزت برا
هارون ::::: واقف في روشن داره يستنى في غالية ، كان مشيت روحت بيها وهدرزنا في مكان خير وشافها جايه ، خدي نفس

غالية:::::: خيرني الارض تحتي تتحرك شكلي نعسانه 💔 لا لا هذا مش نعس انى امته كليت اخر مره 🤔 كانت شاهي مع جد حسام قبل مانحط العشي عالنار يلي ماصارش منه ثاني يوم نضت جهزتلهم الفطور وطلعت قبل ماينوضوا ماكليتش نشوف في العنود من بعيد صورتها مدغدشه بنكلمها قمت يدي وطحت
العنود ::::::😳غاااااالية ومشيت نجري
هارون :::::::😳 نزل بسرعه
رشيدة ::::::: سمعت صوت العنود طلعت 😭 غالية غالية
العنود :::::: قعدت نخبط في وجهها نحاول نفيقها
هارون :::::: حولي حولي وقامها حطها في السيارة ركبوا معا وطلع بسرعة
رشيدة:::::: 😭عارفه انى بتمرض اخر هالجري هذا عارفه

~~~~~~~~~~~~~~~~~~~~~~~~~~~

الدكتور ::::: طلع
هارون :::::: خيرها 💔
الدكتور ::::: ماتبكيش ياحاجه مافيها شيء ، هبوط ضغط وسكر بس حطينا تغدية وهي فاقت خشيلها
رشيدة :::::😭 خشت تجري
العنود :::::: دكتور اختى خيرها ؟؟؟
هارون :::: ميل رأسها شافها من الباب ورجع للدكتور درلها تحليل كاملة من الالف للياء
الدكتور ::::: واضح مش شيء كبير راهو ارهاق وتعب وقلة اكل انى سألتها قالت ليا اسبوع مش مدوره المأكله ونخدم هلبا طبيعي الجسم بيعطي رد فعل
العنود :::::: الحمدلله وخشت
هارون :::::: مع هذا درلها تحليل نطمنوا اكثر
الدكتور::::: كيف ماتبى

رشيدة::::: هه يابنتى 😭عارفه انى علاش اديري فيه هكي علاش
غالية::::: كنت تعبانه تمام خلاص بالله عليك مافيه شيء كان درتولي اميه وسكر راهو فقت
هارون ::::::: خش وقف جنبها
العنود :::::: يما خلاص خلها شكلها بترقد
غالية ::::: شوفت له وحطيت يدي يلي فيها التغذية فوق رأسي
هارون :::::: شد يدها بعصبيه حطها لوطه ترجع الدم التغذية ،، العنود خودي خالتي رشيدة خل تغسل وجهها
غالية :::::: طلعي خالته رشيدة خل يهزبنى شويه
هارون ::::::😒
العنود ::::::: تعالي يما خديتها وطلعت
رشيدة:::::: شن يبى فيها توا يزيد يخلها تصكر رأسها عالخدمة
العنود :::::: اغسلي وجهك واشربي وولي

هارون :::::: عاجبك حالك هكي
غالية::::: حطيت يدي على يده يلي عالسرير 🥺 خلينى نرقد توا غدوا قول شن تبى بالله عليك بالله عليك 🙏
هارون :::::: يشوف ليدها ، شدها بيده الزوز مش بنهربك خوفتينى عليك بس بعنادك وتسكير رأسك تطلعي من هنى هذا كله بيتغير
غالية :::::: اممم وغمضت عيوني ❤️
رشيدة ::::: خشت رقدات
هارون :::::: وخر ايه الدكتور بيخلها الليلة تروح وحده منكم
رشيدة ::::: خلاص روح بالعنود وروح انت صحيتى وليدي
العنود :::::: تمام توا نجي الصبح انى
هارون ::::::: مايبيش يروح بس مش عارف شن يقول وكيف بيخلي العنود تروح بروحها طلع معها

~~~~~~~~~~~~~~~~~~~~~~~~~~~~

#ثاني_يوم

غالية:::::: نضت على صوت الممرضه سحبت دم وقالت بتطلعي ، نتلف ندور فيه شفت لامي من معاك
رشيدة :::::: بارتباك بروحي
غالية:::::: والبارح ؟؟
رشيدة::::: بروحي من معاي
العنود::::: صباح الخير
غالية :::::: نشوف للباب ورها من جابك
العنود ::::: تاكسي من يعنى ؟ شن حالك اليوم
غالية::::: خديت منها الحوايج الحمدلله وخشيت نغير ، متأكده انه هنى البارح كان موجود متأكده
طلعت ماجاش حد في الليل ونشوف للعنود
رشيدة ::::: من بيجي ؟؟؟
غالية ::::: نأشر للعنود باش تسألها
العنود ::::: مرجعش هارون بعد روح بيا لانه لف طول وطلع
رشيدة :::::: لا
العنود :::::: طلعنا روحنا في تاكسي والحق حتى انى استغربت انه ماجاش

غالية :::::: شاده رأسي ومقعمزه عالسرير
العنود ::::: امي خشت تدوش
غالية:::::: العنود 🥺💔 هارون كان معاي البارح
العنود :::::: كيف !!!!
غالية:::::: متأكده نضت في نص الليل لقيت امي مقعمزه عالكرسي صح كنت دايخة ودوب مافاتحه عيوني بس متأكده بعدها بفترة شكلها امي اشبح وين طلعت بتوضئ تصلي والا شن خش هو كنت نشوف جيهة الروشن خش قعمز جنبي عالسرير قالي انى هنى معاك ماتخافيش حتى انه تمدد جنبي وحضني من الخلف قالي مش ح تكوني مع حد غيري معادش تعانديني وتعاندي روحك بعدها طلع
العنود :::::: معقولة امي ماحستش بيه 🤔
رشيدة :::::: واقفة عالباب تذكر شن صار وانها لقت هارون وهو طالع
هارون :::::: مرتبك خالتي رشيدة ! انى هنى كان تبوا حاجه
رشيدة::::: صحيت وجت بتخش
هارون :::::: خالتي رشيدة 🥺 يلي سمعته يومها تحكي فيه انتِ وامي صح ؟؟ يعنى فيه حد جاباته غالية وتبي تتزوجه ؟؟؟
رشيدة ::::::💔 ايه
هارون :::::::💔 قعد واقف وساكت
رشيدة::::: خشت شن ياولدي بنكذب امك وكان كذبتها وتبدا في مانبهاش وبنت الخانب ووو هكي. احسن 💔

العنود :::::: اتصلي بيه اسأليه
غالية:::::: اتصلت مردش
العنود :::::: معقوله يعنى معاك طول الليل والصبح يخلينا نجو في تاكسي وتوا ميردش ، غالي شكله الحاله نفسها صارتلك مره ثانية
غالية ::::: حالة شن ؟
العنود:::::😢لما قلتي بوي الله يرحمة قالك انه مادار شيء
غالية ::::: 😡ديروني مهبولة وخلاص تي نقولك كان معاي صوته في وذاني لمسة يده مستحيل مستحيل
العنود ::::::: توا يرد عليك وتفهمي منه وخديت شنطي وطلعت
غالية ::::::: باهي كلامها صح ☹️ يلي يكون معاي طول الليل علاش ميردش عليا وميسألش على حالي 💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~~~

هارون :::::: كان في مكتبة من لما طلع من رشيذة وهو مش مستوعب يلي صار
فارس ::::: تي سألتها هي وفهمت علاش داير في روحك هكي
هارون :::::: شن مازلت بنعرف
فارس ::::: تي هي امته عندها وقت اصلا تشوف حد
هارون::::: مافيش الا حسام في بالي
فارس ::::: حسااام 🤔 يلي حبسك
هارون :::::: ايه
فارس :::::.. تصدق مرات
هارون::::: كيف
فارس :::::: اصبر بس عندي فيسه منزل صوره من ليلتين فتح الصوره شوف
هارون :::::: اليد 💔 الحديدة يلي فيها 💔 الكم متع البلوزه نفسه يلي كانت بيه غاليه لما مشلها في الاستراحة حسام منزل صورة يديهم شادين بعض ومكتوب (( كل ماهو لك سيعود يوما ما ))
هارون ::::::💔😣 غمض عيونه يدكر في غالية ارتباكها لما سألها وين كانت البارح 💔💔

~~~~~~~~~~~~~~~~~~~~~~~~~~~~

العنود :::::: فتحت المكتب 😳 بنت لابسه قفطان ثلاثه ارباع من فوق ربع كم الشعر مصبوغ بنى مكياج كعب عالي 🤔😠 من هذه ادريس مبتسم خشيت احمم
ادريس :::::: هاتي الوراق
العنود ::::::: نشوفلها تكلمت شوية واضح انها من دول الشام بس مزبطش اللهجة بالزبط ادريس مش عاطينى اي اهميه مركز معها هي 💔 طلعت ، هناء من هذه ؟؟؟
هناء ::::: مندوبة شركة تركيا
العنود ::::: اهااا خشيت صورة الملف وطلعت
هناء :::::: طلع توا نعطهوله غدوا
العنود :::::: وين طلع
هناء :::::: ههههه لقي هالطرف بيخلها تحسابيه اكيد عزمها عالغدي والا اشبح طلع هو ويها
العنود :::::: ولعت فيه نار خديت شنطي وطلعت

~~~~~~~~~~~~~~~~~~~~~~~~~~~~

غالية::::: جت استبرق طلعتنى برا وجت سالمين وهي قالبه وجهها زعميته تطمن عليا قعمزنا في الجنان وانى عينى عالباب لانى عرفت انه طالع شوية وسمعته يفتح في الباب ودخل سيارته 😍
هارون :::::: عيونه حمر ، السلام عليكم
غالية:::::: نشوفله بتركيز
سالمين::::: وينك انشغلت عليك
هارون::::: كنت مع خالي تفاهمت معاه
غالية::::: فرحت 😍
سالمين::::: وجهها اصفر 💔
هارون :::::: وهو يشوف لغالية 😒 بعد 3 اسابيع العرس عرسي انى وجنات وماتقوليش مانلحقوش 3 اسابيع بس شوفي شن بديري
غالية::::::😳💔

~~~~~~~~~~~~~~~~~~~~~~~~~~~

العنود :::: مشيت للشقة اكيد جايبها هنى ايه انى خرب حياتى وانت من وحده لوحده لاياسيد ادريس نفضحك ونخربها عليك 💔😠😠 نااااار والعه فيه ركبت الدروج ودقيت على باب الشقة شوية وفتح هو 😳 شفت وراه نفس تجهيز يوم عيد ميلادي 😢😳
ادريس ::::::😳 العنود !!!

#يتبع

رواية جنون عاشق للكاتبة صفاء


اترك رد

زر الذهاب إلى الأعلى