رواية جنون عاشق الحلقة السابعة عشر .. الكاتبة صفاء | القلم الناجح
روايات ليبيه كاملة

رواية جنون عاشق الحلقة السابعة عشر .. الكاتبة صفاء

رواية جنون عاشق الحلقة السابعة عشر .. الكاتبة صفاء

#جنون_عاشق

الحلقــــــــــ ( 17)ـــــــــة

#بعد_سنة

غالية ::::: مقعمزة في مطار محمد الخامس ❤️ في الدار البيضاء ، 🤷🏻‍♀️ بعد سنة من يلي صار بالزابط اليوم مروحة مش عارفه هل مشاعري تغيرت والا هدات بس وزي مايقول المثل البعيد عالعين بعيد عالقلب ، طلعت تلفوني واتصلت بالعنود
العنود :::::: وتيت الفطور هيا. نوض عاد الساعة قريب 9 انى بنمشي الساعة 10 وقت ، رن تلفوني خديته وطلعت غاليتي 😍 اهلا
غالية ::::::: انى في المطار نص ساعة وتطلع الطيارة
العنود:::::: تمام توصلي بالسلامة وطيارة تونس امته ؟؟؟
غالية ::::::: لو مافيش تأخير الخمسة نكون في ليبيا
العنود :::::: تمام انى بنمشي عندي خدمة كان عطلت معمر يجيك بروحه ياخدك من المطار وانى نجي بعدين
غالية :::::: تمام المهم ماقلتيش لامي وله ؟
العنود :::::: لا طبعا
غالية :::::::: تمام هيا نتلاقوا على خير
العنود :::::: توصلي بالسلامة يارب 🥰 صكرت التلفون معمممممممر نوض
معمر :::::: شن صار في اختك ؟
العنود :::::: جايه اليوم عالموعد انى احتمال نتأخر زي ماقلتلك نكلمك جيبها انت
معمر ::::::: يصير خير
العنود ::::::: معمر فكنا من يصير خير ماتحشمنيش قلتلها يجيبك هو
معمر ::::::: باهي هيا كان تبى نوصلك
العنود :::::: نلبس وناخد الحاجات هيا خديت الحنه واللصقة وباقي الحاجات حطيتهم في شنطة ديرتها للشغل ولبست عبايتي وطلعت 🤷🏻‍♀️ ايييييي هذا حالي وهذه خدمتى بعد يلي صار هذيكة الليلة شفت للروشن وانى نتذكر شن يلي صار معاي 👇🏻

#فلاش_باك

العنود :::.🥺😢 قصدك زعلت لانه هو جابنى ؟؟؟ انى كنت خايفه عليك بنهبل معرفتش شن ندير
ادريس::::: اووووف 😡 باش تفهمى انتِ هذا مستشفى مانبيش نعلى صوتي أكثرمن هكي ، اخر مره نشوفك فها اطلعي توا اطلعي
العنود .::::😭💔 انصدمت ومعرفتش شن ندير لفيت وطلعت حطيت يديه على وجهي ونبكي و انى ماشية خبطت في مرأة طاح تلفوني مشي لاخر الممر
المرأة:::::: اهااااا😳 شوفي قدامك
العنود :::::: اسفه اسفة مشيت وانى منهاره قمت التلفون انفتح قعدات نحاول نصكره يديه يرجفوا شفت لقيته مطفي وجنبي سلة كناسة حطيته فيها وطلعت مافكرتش حتى معمر شن بيقول وين يشوفني هكي 😭💔💔
معمر :::::: نزل 😳 ياساتر شن صار خيرك شن صاير فيها البنت !!!!
العنود ::::::: ماتت 💔😭 اي ماتت ماتت
معمر ::::::: ركبها في السيارة لاحول ولاقوة الا بالله كبيره والا حادث ؟ ادعيلها بالرحمة
العنود :::::: كنت نفكر وقتها ادريس انى ويه ماتعركناش علاش تصرف هكي شن فيه زعما صح عرف انه معمر يلي جابنى تي يالعنود كيف بيعرف هو ملوح على. سرير ، زعما وين شاف الموت بعيونه قرر يسيبنى وكان حتى هكي فيه اسلوب محترم حتى وكان شن يلي صار ، شفت لمعمر جنبي وين وصلتي يالعنود مخليه راجلك يجيبك باش تشوفي. حبيبك شن مازال ثاني 💔 تبكي عليه قدامه وصلنا الحوش خشيت انى ومعمر كيف قعمزنا مع امي وامي تسأل خيرني ومعمر يحكي في قصة انه صاحبتى ماتت 💔 لين خشت علينا غالية 😳

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية ::::: ركبت في الطيارة حطيت الحزام وركبت السمعات وفتحت فيلم في الشاشة سندت رأسي عالكرسي وخدتني الافكار للي صار معاي هذيكة الليلة 👇🏻

#فلاش_باك

غالية ::::: نشوف للدم يقطر عالارض طلقني وزدت بنضغط
هارون ::::::: يديه قدامه تمام تمااااااام وقفي انتِ طالق💔
غالية :::::: حدفت الطاسة من يدي
هارون ::::::: قرب بيشد يدها
غالية :::::: عيطت عليه بصوت عالي لااااا بعد عليا متحاولش تمسنى
هارون ::::::😳 واقف مصدوم مش مصدق يلي صاير
غالية :::::: خديت وشاحي شديت جيها بسنوني والجيهه الثاني بيدي مزقت منه جزء لفيته على يدي المجروحه
هارون :::::: غالية خل نمشوا للمستشفى 😥 فيه اعتقد ادوات اسعاف حتى هنى استنى ومشي يفتح فيى الادرج
غالية :::::: ربطت يدي حطيت باقي الوشاح على رأسي لبست عبايتى حدفت الكندره من رجلي ولبست السبيدرو يلي جايه بيه
هارون::::: طلع الحاجات من الحمام جايب الحاجات😳 غالية!!!! قعمزي نتفاهموا قبل مايصيرش هكي غالية أرجوك
غالية ::::::: انى بنطلع من الباب هذا 👈🏻توا مانبيش نشوفك وراء والا والله يلي درته قبل شويه في الدار واشرت عالدم والطاسة نكمله برا وطلعت 💔💔 كانت هذيكة اخر مره اخر نظره شفت بيها هارون
طلعت مشيت مسافة 💔 باش قدرت نلقا تاكسي ركبت وانى تعبانه لكن ماكنتش نبكي كنت معصبة. 😠 مجروحه لكن مابكيتش وطلت للحوش خشيت منظري وجهي احمر عيوني حمر ايدي علها دم جاف ومربوطه وشاحي ملخبط امي والعنود وحتى معمر انصدموا 😳😳
رشيدة ::::::: غاااااااااليه خيرك شن فيه !!!
العنود ::::::: وقفت شديتها غالية!! تعالي تعالي قعمزتها شن صاير معاك
غالية::::: شفت لمعمر تقدر تخلينا بروحنا شوية !!!
معمر :::::: تمام انى قدام الحوش وطلع
رشيدة :::::/😢 مش كنتى مع راجلك يابنتى شن صارلك ؟؟؟
غالية :::::::😏 راجلي ههههههه راجلي راجلي طلقني ياامي طلقني
العنود ::::::😳🤭
رشيدة::::: لعبة هي 😧
غالية ::::::: لانه في نظره انى رخيصة وبعت روحي بقيمة الدين ويلي هي نص مليون
العنود :::::: 💔
رشيدة :::::: خيره هذا من طلب منه حتى المؤخر هو بروحه قال عليه
غالية :::::: من الاول هذا اتفاقنا وانى كذبت عليك مانحباش مانحباش يتزوجنى يوم ويطلقني ويخلص الدين 😡💔😭😭😭 لكن انى ماتحملتش الكلام يلي قاله وطلبت يطلقني طول يعنى حتى الفلوس ماصارش منهم 😭 وهو بيتزوج وانى نموت من مهتم بيا اصلا اذا حتى انتِ امي كذبتي عليه ولعبتي عليا والراجل يلي نحبه شاف انه يلي يليق بيا عرض ليلة مسحت دموعي تلبز وجهي بالدم اهااا هذه ماتعرفوهاش حاولت نقتل روحي باش طلقني شفت للعنود وقعدت نضحك وانى نبكي ، قلتلها ونلوم فيك وقلت ضعيفة علاش حاولت تنتحر لما بتطلب الطلاق
العنود :::::: نوضي نوضي معاي انتِ واضح انك مش كويسه بكل دخلتها للحمام حولتلها العباية وفتحت المية فتحتلها السوستة متع القفطان دوشي خل نوتيلك حوايجك
غالية .::::: شبحت للحوض وضحكت بالك نغرق روحي
العنود :::::: هههه مدرهاش عارفاتك وطلعت
رشيدة :::::::😭😭 انى نوريه نفضحة توا نمشي لبوه وامه ونوريه
العنود:::::: بوه وامه !!!!! بتمشي تقوليلهم طلق بنتي يلي تزوجها من وراكم شن متوقعه يقلولك 🤷🏻‍♀️ تستاهلي انتِ وبنتك من قالك اعطوه قعمزي بالله عليك الحكاية مش ناقصه يلي صار صار توا وخديت حوايج عطيتهم لغالية
غالية :::::: دوشت وطلعت لقيت مقص وقطن ومطهر عالطاولة قعمزت ندير فيه ، انى معادش نبي نقعد هنى حتى ساعة وحده
رشيدة ::::::: باهي
العنود :::::: غالية نوضي خودي جواز سفرك وشنطك وامشي لتونس توا نكلم سماح يلي تخدم معاي قبل تركبك في طيارة الليلة ومنها للمغرب عند خولي اقعدي اسبوع اسبوعين شهر شهرين قد ماتبى لين تحسي روحك مرتاحة وشفت لامي باش تدعم كلامي
غالية ::::::: لا مستحيل بدات توا …
العنود :::::: قلتها قبل ونقولها توا الدين موضوع عندي لين تجي وامي وحنى الزوز نخدموا بالك تحسابي روحك حاجه كبيره هههه نقدروا نعيشوا بلاك راهو وياستى كان مقدرناش تعاليلنا من بعدها عاد هي ،، شوفي غالية نوضي توا قبل مايجي ويجرحك اكثر مدام طلقك خلاص تخلصي منه نهائي ماتقعديش تشوفي في فرحته وسعادته وانتِ تتألمي انسيه وارتاحي وارجعي اقوى من قبل
رشيدة::::: ايه صح توكلي على الله 💔
غالية :::::: بصراحة كنت متلخبطة بس صح مانبيش نشوف هارون ولا نكذب ونجامل في عرسه وقفت خديت شنطة نجهز فيها
العنود:::::: خديت تلفون امي كلمت سماح تحجزلها
رشيدة :::::::😢 تتكلم بالشوية انى كيف بنبعتها وهي تاعبة هكي
العنود :::::: لا نخلوها هنى لين تمرض والا تقتل روحها هكي احسن صدقينى
غالية :::::: شن صار
العنود :::::: تمام قالت تجي نركبها في طيارة الساعة 12 عندك فلوس ؟؟
غالية :::::: ايه
العنود:::::: بجد عندك ؟؟
غالية :::::: اصلا المحل لما تعاركت معاه اعطوني كل فلوسي
العنود :::::: خلاص التذاكر مدورهمش تفاهمت مع سماح انى نحلهم
غالية ::::::لك….
العنود ::::: واااك قولي مره طول باهي بلا لكن
غالية :::::: تمام وحضت امي مانعطلش ان شاءالله
رشيدة :::::: كلمينى ماتشغلنيش
غالية :::::: ان شاءالله
العنود::::: تعالي وطلعت معها معمر غالية بتسافر لخوالي وصلها للمطار
معمر ::::::: 😳 خيرها ؟
العنود :::::: لألا شي من قبل حاجزه
معمر ::::::: اها باهي
العنود ::::::: حضنتها كلمينى على تلفون امي تلفوني راح منى
غالية :::::::: 😢 تمام وخديت حاجاتي وطلعت مع معمر وحنى طالعين يمين نشوف في سيارته خاشة للشارع من الجيهة الثانية

~~~~~~~~~~~~~~~~~~~~~~~~~~~~

العنود :::::: امي بعد طلعت غالية خشت في موجة بكاء وانى قعدت نهدي فيها على دقت الباب 🤭 ان شاء الله غر مش بطلت فتحت الباب لقيته هو 😒 نعم !!!!!
هارون :::::: من وجهك واضح انها حكتلك
العنود :::::: شن تبى توا ؟؟
هارون :::::: نبي نطمن علها
العنود :::::: حالها احسن من حالك
رشيدة :::::: جت هذا انت ؟؟؟؟😠 يلي ماتتحشم وماتجي راجل تستغل في البنت لانها محتاجه فلوس حط اختك مكانها ترضها لها
هارون ::::::: خش خالتي رشيدة فاهمة غلط انتِ
العنود :::::: صكرت الباب وراه
رشيدة ::::::: علاش شن درنالك حنى
هارون ::::::: شيء وانى مانبيش نأدي غالية بكل بس مش عارفه كيف تطور الموضوع وينها هي خل نشوفها ونحكي معها موضوع الدين انسوه
رشيدة:::::: لالا الدين نخلصه زي مانخلص فيه قبل مانبي منك شيء
هارون ::::::: لا هذا حق غالية هي وينها بس
رشيدة :::::: اقسم بالله تدفع قرش الا لما نمشي لبوك. ونقوله يلي درته كله ونقوله حتى عالفلوس قتلك مانبوا منكم شيء
هارون :::::::😡 غاااااااالية وين علاش تلهوا فيا بالهدرزه !!!
العنود ::::::: 🤷🏻‍♀️ منعرفش وينها ممكن عندها خدمه
هارون ::::::: طلع
رشيدة :::::::: علاش كذبتي عليه
العنود ::::::: خل يدورها شوية شن بينقص منه

~~~~~~~~~~~~~~~~~~~~~~~~~~~~

غالية:::::: فقت من ذكرياتي 💔 على حركة هبوط الطيارة ومنها ركبت في طيارة تونس والى ليبيا 🇱🇾❤️

العنود::::: قعمزت نلصق للمرآة في رجلها ونحنى فيها وهي تهدرز على العرس يلي بتمشيله ووووو
وانى سرحت بافكاري زعما ادريس شن دار هل حاول يسأل عليا هل حاول يهتم !!! شن صار بعد هذيكة الليلة معادش كلمت حد من الشركة ولا مشيت حتى خدمتى الاولة رفضت نوليله معادش نبي نشوفه مانبي شيءٍ يدكرني فيه كأنه ماخشش في حياتي بكل نبي نمسح كل اثر ليه 💔 بديت نخدم حناية نخدم في اللصقة بروحي ونمشي نحنى في الناس ،، هذيكة الليلة قعدت نستنى معمر وصل غالية وجي

معمر :::::: استنيت لين الطيارة طارت
العنود::::: كويس
معمر :::::: توا نقدروا نحكوا في موضوعنا؟؟
العنود :::::: معمر بجد انى تعبانه ومش قادره
معمر ::::::: خلي نبدوا من الاول ناخدوا حوش ونخدموا نديرو عيلة
العنود :::::: انى تغيرت معادش العنود يلي تعرفها
معمر :::::: ونتعرف عالجديدة عادي
العنود::::: وتسامحنى ؟؟💔
معمر :::::: على شن ؟؟
العنود::::: اي غلط درته في حقك
معمر :::: نسامحك مع انه عارف انتِ ماتغلطيش في حقي
العنود ::::::💔💔 وفعلا رجعنا اجرنا استديو صغير في عماره قعدنا فيه اول اسبوعين انى ضميري مأنبني وهو داير روحه مهتم وحنون ❤️ بعدها رجع كل شيء زي قبل واحرف حياة الفقر نفسها النكد وعدم الاهتمام نفسه الفرق الوحيد انه المره هذه راضيه ومش مهتمه يمكن لانه قلبي مليان بحبي لادريس رغم غدره بيا لكن نحبه 💔 امس واليوم وغدوا وبعد سنة 🤷🏻‍♀️ مرتين مشيت شفته من بعيد وهو خاش للشركة قاعد حلو زي اول يوم شفته فيه في مكتب سماح قاعد انيق قاعد زي ماهو ❤️❤️

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

غالية::::: نزلت صحيت معمر
معمر ::::: سلمك خل نزل الشناطي
غالية :::::: خديت نفس ورنيت عالباب كانت الساعة 7 المغرب ممكن رنيت مره ثانيه
هارون ::::::: فتح الباب 😳
غالية ::::::: يااااااااااااه وتاري الوقت يغير كل شيء الا القلوب
هارون :::::: غ غالية!!!!!
غالية :::::: ابتسمت امممم غالية مطول في صدمتك هذه ؟؟ بنخش
هارون ::::: مسح على لحيته مرتين جديات غالية
غالية::::: ياليل الراجل بيدخل الشناطي كان سمحت يعنى
هارون :::::: وخر من الباب
معمر ::::::: حط الشناطي خير هارون كيف حالك !
هارون ::::::: اها …. خير خير وهو عيونه على غالية
غالية::::: بتخش معمر ؟؟
معمر :::::: لالا بنجيب العنود بعدين شوفي امك توا
غالية:::::: شفت لهارون امي وين
هارون :::::: اشر مرتين بيده وصوته مطلعش ….. في المطبخ
غالية ::::::🤷🏻‍♀️هه مشيت خليتكم تخدموا فها جيت لقيتكم تخدموا فها الكوكب يتغير وعيلة الغزاوي لا ومشيت
هارون :::::: ضحك هههه اهلا وسهلا بغالية ولحقها
غالية :::::: خشيت من باب المطبخ سوربريز 😳 الواحد بيفاجئ امه تطلعله سالمين
سالمين:::::😳 غالية!!!
غالية :::::: تلفتت لهارون معادش نبي نفاجأ حد وروني امي وين 😒
رشيدة :::::: الطواسي 😳 غاااااااالية
غالية:::::: جرت لحظ امها 😍😍 تحضن فها استحشتك موووووووت
رشيدة :::::::😭😭 امته جيتى علاش ماقلتيش
غالية ::::::: العنود تعرف وانتِ قلت نخلها مفأجاة احلا
استبرق::::: غالية 😳😳 اهلا 😍😍 حضنتها
هارون :::::: يشوفلها وخلاص
سالمين:::::: تشوفله 😒
رشيدة ::::::: تعالي قعمزي
استبرق:::: تعالي لصالة شن الكوجية
غالية::::: اممم عاملوني باحترام معاملة ضيفة 🤨
قعمزت وقعمزوا كلهم معانه حتى هارون يلي تجنبت نشوف لجيهته بكل
رشيدة :::::: كيف حال خوالك وخلاتك وصغارهم كلهم
غالية :::::: كويسن بعتولك شنطة هداية واكل ودنيا حاصله فيها نكر فها في المطارات ، و حتى خالتي بعتتلك معمول دراته الفجر اليوم خل نجيبه ووقفت
هارون :::::: توا ندخلهم انى الشناطي
غالية :::::: مافيش داعي وطلعت
هارون ::::::: طلع ورها
غالية :::::: شديت الشنطة
هارون :::::: خدي الشنطة الثانية ومد يده بياخد منها الشنطة جت يده على يدها شافلها فوق طول
غالية ::::::🤤 عيونه ونظرة عيونه 💔 قعدت سرحانه فيهم باهي ياحمارة 🤦🏻‍♀️ سنة ليك وانتٍ بنشوفه بنديرله بنشوفه بنقوله مش عارفة شن وينه هذا كله 😤 سحبت يدي وسبقته
هارون :::::😍 خدي الشناطي حطهم قدام المطبخ
غالية:::: فتحت طلعت الحافظة وبديت نحط منها في صحن 🙄 هذا خيره واقف فوق رأسي
هارون :::::: نسيتينى 💔 ؟؟
غالية ::::::::😒 علاش شن قالولك عندي الزهايمر هارون 💁🏻‍♀️ نعرفك قاعده
هارون ::::::: ضحك ههه رجعتي لضبط المصنع ، قصدي قدرتي تتخطي يلي صار لما سافرتي ؟🥺💔 نسيتى انك تحبينى ؟؟؟
غالية::::: 🤨 انى نسيت معادش نذكر حتى امته صار هذا 😏 وانت نسيتنى ؟؟؟
جنات ::::::: غالية 😏 لما قالولي جيتى ماصدقتش
غالية :::::: هه 💁🏻‍♀️ انى ماننتساش حتى مرتك قاعده مذكرتنى ☺️
هارون :::::::💔

⭐️روايــــــــــــات صفــــــــــــــــــاء ⭐️

~~~~~~~~~~~~~~~~~~~~~~~~~~~~

العنود :::::: كملت واتصلت بمعمر يجينى خديت شنطي وطلعت باش نلاقيه
معمر :::::: بيب من الجيهة الثانية من الطريق واشرلها
العنود ::::::: وقفت عالرصيف بنقص الطريق 😳 شفت ادريس جت عينى في عينة 💔💔

#يتبع

 

لمشاهدة جميع اعمال الكاتبة : روايات صفاء

لمتابعه اخر الاخبار : القلم نيوز

 

اترك رد

زر الذهاب إلى الأعلى